|
دعواتكم لزميلنا المفكر د.الباقر العفيف بالشفاء العاجل
|
|
 Re: تاكلوا السم؟؟؟؟؟؟ (Re: خالد الحاج)
|
بدل سكن للرئيس؟؟
طيب هو ما عندو تلاتة قصةر داخل القيادة العامة!
واحد لي أمو
واحد للمرة القديمة
وواحد جديد رهيييب للعروسة الجديدة
بدل سكن كيف يعني؟
ما تشيل ساي ياخ هو حد ساءلك؟
| |
 
|
|
|
|
|
|
|
|
Re: تاكلوا السم؟؟؟؟؟؟ (Re: Abuobaida Elmahi)
|
ود الحاج عندى ليك سوال اذا كان عندك اجابه مسؤال من الخير انا الرئيس دى ليه عرس مراه الضابط الصغير بتاع المجلس يتاعهم دى وما عرس مراه ا لضابط التانى ليه ماهو كان معاهم في المجلس والزول التانى بعده وعندو كوم عيال برضو وهو كمان ممكن يعرس اربعه باقيك الموضوع فيه تفرقه والله البياكلو دى مابيكفي ثلاثه
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: Tumadir)
|
أبو عبيدة الماحي..
صدقت والله ..
نيل..
يا زول نحن العرس ده ما معانا الزول عندو قروش اليعرس إن شاء
عشرين الله يديه الصحة ويدوب.
تماضر..
بدل تمثيل عشان بيمثل كويس وأنا بقترح يدوه بدل (كشف)
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
شكرا خالد
نعم قد أكتنز البشير وأثري في السلطة وبنا قصرافخما بعد ان كان يتبجح في عام 1989 بانه يسكن
بمنزلا متواضعافي كوبر ثم كان الثراء والثروة
التي فضحها علي الحاج حينما كشفوا فساده هو
الاخر في طريق الانقاذ الغربي حينما عدد فساد جناح
القصرورئسه وأختتم ذلك قائلا خلوهامستورة
وبمناسبة الاحتفال باسبوع الرسول كنا نتمني
أن يركز البعض زهدالرسول ومبيته جائعا يطوي حجرا
علي بطنه وعلي مايفعله البشير من ممارسات وفساد
يندي له الجبين وبعد هذا نري البشير وزمرته
يتاجرون باسم الرسول وباسم الدين ويملاؤون الدنيا
ضجيجا وتهليلا وتكبيرا
كمال عباس
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
الاخ خالد
وصلتني رسالة بالإيميل امس من شخص احتفظ بإسمه وعنوانه هده نصها:
Quote: اخي عثمان
لو كان هناك عمرا فاروقا في هذا الزمان لكان عمر البشير
انت لا تعي ما تقول ولا ما تكتب
خت في بالك حاجه واحده انك حتسأل عما تكتب وعما تقول في يوم لا ينفع فيه مال ولا بنون
فهلا تذكرت ذاك اليوم |
مع التحية
نهار
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
كتب الاخ نهار نقلا عن أحدهم
لو كان هناك عمرا فاروقا في هذا الزمان لكان عمر البشير
انت لا تعي ما تقول ولا ما تكتب
خت في بالك حاجه واحده انك حتسأل عما تكتب وعما تقول في يوم لا ينفع فيه مال ولا بنون
فهلا تذكرت ذاك اليوم أنتهي
هل قام عمرالفاروق رض باغتيال عشرات الضباط
من دون محاكم عادلة وهل اغتال عمر بن الخطاب
أمثال جرجس ومجدي لمجرد وجود دولارات بحوزتهم
والان يباع الدولار علي عينك يا تاجر وهل أغتال
الفاروق رض أمثال بشير، وسليم،والتاية داخل حرم
الجامعة وهم طلابا عزل؟؟؟
وهل قام الفاروق عمر الذي كان يوزع القوت ليلا
علي المحتاجين والفقراء هل قام بمثل حرمان الفقراء
من مجانية العلاج والتعليم ومجانية السكن ولقمة
الخبز عن الطلاب وهل تفضل الاخ مرسل الرسالة
بان يبين لنا موقف الدين من الممارسات التي
ذكرناها انفا والتي قام بهاالبشير ـ ننتظر اجابة
كمال
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: kamalabas)
|
الاخ كمال عباس
مؤكد ان كاتب الرسالة
يقرا هده التسأؤلات التي طرحتها
لان رسالته إلي كانت ردا علي موضوع كتبته في هدا المنبر
انا ايضا اتسأل معك
وانتظر رده
مع الود
نهار
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: nahar osman nahar)
|
الأعزاء..
كمال عباس
نهار..
فاروق شنو يا جماعة؟؟؟
الإسم سالم..
تعرفوا متخيل نوع الحوار الداير طبعا السيد الرئيس بياكل بيدينو الإتنين
ويدور الحوار التالي :
محمد الأمين خليفة : يا ريس وين عبد الرحيم محمد حسين
الرئيس : يا زول إنت ماك نصيح عبد الرحيم شنو البجيبو معاي هنا
ده بيقوم بالخروف براهو
| |
|
|
|
|
|
|
|
|
 Re: تاكلوا السم؟؟؟؟؟؟ (Re: nahar osman nahar)
|
استاذي كمال ..لك التحيه وانت دايما صاح ..ولي منفعه القراء والتعلم منكم فواصل ..والسلام عليك ..
نهار
واصل رغم قسوه الجلاد..واصل رغم الظلم ..واصل رغم سهام الكلمات ..واصل رغم الجهل بك وبي قضيتك وبي مطالبك ..حفظكم الله ..في ناس الدنيا دي تحب ازيه الناس فواصل ولايهمك ..الاشياء هذه اصبحت غير غريبه فكم اصبح عالمنا غريبا ..هكذا اصبح عالمنا..الحسنه ينظر اليها وكانها سيئه ,النضال ينظر اليه كفرا ,الصلاه علي النبي يقولوا ليك ان المراد بها مكيده ولاحول ولاقوه الا بالله واللهم صلي وسلم علي محمد , تاتي الزبالات عبر الميل وتاتي الاسائات من قبل السوداني لاخيه السوداني فانت يانهار ليس الوحيد الذي تعاني من (الميل التافه المنحط من بعضهم )..اي عالم هذا ..واصل يانهار ولايهمك..والسلام عليك ..محب
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: Muhib)
|
الحبيب محب
لك الشكر والتحايا
اتابعك مند البورد الاخر
دعني اخي الصغير(شفت صورتك قبل كده هناك)
احييك علي صراحتك وشفافيتك.
لايهم ان نتفق او نختلف
المهم ان نسمع للاخر في كل إحترام
ونحواره بكل تجرد
صدقني اتعلم منك يوميا
لم تسنح الفرصة
كي نتلاقي في بوست
وهده فرصة لي
لاعبر عن عميق إحترامي
اخوك
نهار
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: merfi)
|
merfi
تشكر للكركتور الظريف..
رسالة بالبريد من زول (الخواف)
Quote: الحبيب كيفك والحلوين
طبعا أخوك خوافا كديس بس لكن خلنى احكى ليك ماروى لى من مصادر صادقة وشاهد عيان
أحد أقاربى كان من حاشية امن الرئيس البشير بمكتبه بقاعة الصداقة وذكر لى بأن الرئيس إفطاره لحمة اسكتو بالليمون ولا تسأل عن الكمية التى يأكلها فى الوجبة الواحدة..
وذكر لى أحد الزملاء وكان يعمل فى سفارة السودان بقطر بأن الرئيس كان فى زيارة لقطر وأقيمت مادبة عشاء بمنزل سفير السودان على شرفه وكان أحد متابعيه يعبى الصحن لحمة وبعد قليل يرجع ليعبى صحن أخر فسأل صديقى هل هذا الشاب يأكل كل هذه الكمية من اللحم فرد عليه أحد أفراد الوفد والذى كان يجالسه هذا للريس..
والريس مصاب بالقاود حفظنا واياكم الله منه وهو مرض يصيب العظماء لأن موائدهم مكدسة باللحوم وهو ما يجعله يتسند على العصاء ويعرج فى مشيته..
تعرف من الطرائف يقال أن الفنان على اللحو لو عندك سماية أو كرامة بجيب ليك خروفين بقول ده حقك وده حقى اضبحو لى هسه وبقوم بالخروف براه وقالوا ما عنده منافس غير الريس .. وربنا يرحم الرعية البتكوس فى بيوت النمل لتأكل..
أخوك الخوااااااااااااف وداير يربى عياله |
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
ليس منا من من بات شبعانا وجاره جوعان...
وديل مجوعين ليهم شعب كامل....
ماعارفة متزكرين دي ولا ..لا
(ايام ازمة السكر)
حكومتك ياعمر البشير تطير..
الضيف يقعد لامن يقوم...
والصغير يبكي لامن ينوم..
| |
|
|
|
|
|
|
|
|
 Re: تاكلوا السم؟؟؟؟؟؟ (Re: خالد الحاج)
|
الحقونا
الميزانية كملت
هسع يا اخوانا كان ضربتو المرتبات دي في عددهم يطلع كم
اولا شوفوا في كم وزير اتحادي وفي كم ولاية ووزير ولائي
وكم معتمد وكم ،،، وكم ،،، الحكاية ما تتحسب
ويقولوا مافي مرتبات للمعلمين
انشاء الله يأكلوا اليدشروا
انشاء الله يأكلوا الحمت رمت
والمصيبة بعد البلع دا كلوا،،، لسع عاقر،، رغم الزوجة الثانية
المجربة
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: ahmed haneen)
|
العزيز خالد:
""إذا أراد الله بقوم....ولى عليهم...... "" وعذرا لضعف الذاكرة.
وهو: يمهل ولا يهمل.
الحزن كله لمثل هؤلاء الذين يرتلون في حضرة هؤلاء المسوخ
المستعدون لممارسة سحاق و... هذا العهد في قارعة الطريق!
ياكلو السم الهاري الزعاف.
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
انا غايتوا لو خلوه لى اشيل الساطور بتاع الملحمة
الفى نمرة اتنين وامشى على الفقرة دى كان يأثر فيها
اما بدل الكشف النصيحة يستاهل عليه خمسة مليون ( دولار )
هم فاضيين من شراء الدهب لوجو الامارات لمدة يوم نلاقيهم
فى سوق الدهب .
وان شاء الله ياكلوا السم اليقطع مصارينهم يا خالد الحاج.
امال
ام وضاح
| |
|
|
|
|
|
|
|
|
 Re: تاكلوا السم؟؟؟؟؟؟ (Re: خالد الحاج)
|
سلام عليكم ..
والله حاجة مؤلمة شديد ..ارخص مافي السودان هو الانسان (سبحان الله).
تعالوا شوفوا هنا الانسان في دولة زي امريكا كيف يعامل؟؟
والله انا احيان كثيرة اتصور لو الامريكان ديل نطقوا الشهادة ممكن اسلامهم
يكون اقوي من عمرالبشير وامثاله..الظاهر انه كثير من المسلمين اخلاقهم
صارت اخلاق يهود..
ده شنو البحصل للشعب السوداني ده ياناس؟؟؟؟؟؟
رئيس السودان عائش في قصر وكل يوم بيدفس بطنه بي اشهي اصناف الطعام و
كل فترة متزوج وووووووو ماخفي كان اعظم كيف ياناس والكثير من الشعب السوداني
جعان مالاقي (التكتحووووووووووا؟؟؟؟؟)..
طيب مادام اصله عامل فيها وفي وشغال بيعرس في الآرامل كان يعرس ارملة
(بييوكوان) مش دي ارملة برضوووووو ؟
الله يكون في عونك ايها الشعب السوداني البطل الصامد ..
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: سارة منصور)
|
بصراحه ياساره منصور لو الامريكان ديل نطقوا الشهاده امريكا كانت مثل كل الدول الاسلاميه كذب وخداع واخفاء الحقائق ودسسه ومشاكل وقتل زسرق وخيانه عدم ذكر الحقائق خليهم في الكفر دا احسن ليهم ماحسن لينا نحنا العاششين معاهم
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
خليها علي الله يا ود الحاج0000
بس عاوز اقول للاخت تماضر000 بصراحةالراجل دة ممثل خطير جدا
شوفي خبرة بس كم سنة000
وبدل التمثل بيمشي للممثلين الخطيرين بس000000000
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
الاستاذ خالد كل الود
لكن ما وريتنا بدل الكذب كم وكمان وبما ان البشير امير للمؤمنين ولو كره الحاقدين من امثالنا وبما انه سوف يقتدي بي السيرة النبوية يا تري بدل الجوع كم لانو انا كنت متخيل ان البشير ان كان صادق مع خطابو مفروض يربط حجر علي كرشو الكبيرة دي من الجوع واكيد ح يحتاج للحجر كبير يتناسب مع حجم الكرش عشان كدا وبي رغم انف الحاقدين انا بقترح انو يصرف بدل عتالة لانو اكيد الحجر الذي يفترض ان يربط به بطنه لن يستطيع لوحده حمله وبما انه امير المؤمين لذا يجب ان لا يظلم الكادحين من رعيته ويجب ان يعطيهم اجورهم مقابل المجهود الكبير المبذول ولا نامت اعين الحاقدين والمارقين
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
خالد الحاج والمتداخلين ...
يا حاسدين يا بغرانين ...
شنو يعني رئيس شايل همكم وهم البلد كلها كتيره عليه ياكل ليه حبيبة لحم تجي كدي كمين أقه (أصله الكيلو شويه عليه).
يعني أنتوا بحسادتكم دي دايرين تدوهو عين عشان نفيسته تتقفل وما يقدر تاني ياكل ؟؟؟
وبعدين الرئيس ده يا أخوانا ما زولاً مخدوووووم شي إجتماعات وشي زيارات وشي عرضه وكشف وبعد ده يستلمنه المرتين يمصن دمه وبالتأكيد لكل واحدة يوم وما في واحدة بتفوت يومه حتى لوكانت معذوره عشان ما تخلي لي أختها حاجة!!!
وبعد ده حاسدينه على لحيمات ، ورأيكم شنو لو عرفته أنه عموري من كترت الهم بشئون البلد الفيها والمافيها والبفسيها نفيسته مسدوده وما قاعد يقدر ياكل كتير.
كدي خلوا الحسادة دي وأدعوا ليه أنه الله يفتح ليه شهيته وما تنقفل أبداً وياكل لغاية ما ينشق.
فتكم بي عافية حبايبي الحاسدين ...
...
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
خالص التحايا
الزميل خالد
ياكلو السم حرام عليك ياخالد السم احيانا دؤاء وبكون مفيد.. بس حيجى اليوم (البنطرشهم الاكلوا كلو)..
الزميله الجندريه
اى شى اكلوابوك السمح حرام ينزل فى جوف ناس زى ديل ..
مادايرين نمارس الديكتاتوريه الفكريه لكن الشخص الرسل رساله يمجد فيها فاروق اخر الزمان ده من حقك ان تقول رايك لكن شى بسيط الشى الجميل دائما يتفق عليه الناس .. وكفى
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: معتز تروتسكى)
|
خالد الحاج
الارقام دى بالدينار ؟؟؟؟؟
والله عجايب .
بعدين ده الشئ المعلن وماخفى اعظم
ياكلو الحمت رمت
بالمناسبه شنو هو الحمت رمت ده ؟
والله نفسى اعرفو
ديكو
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
حاقدين/ات حاسدين/ات
هذا من فضل ربى
خالد ابا اراك تثير الفتنه وتفشي الحقد الاحتماعى
بعدين السبب متمردين دارفور...واصلو الغرابه حاقدين وحاسدين..وكمان دى اشاعه وفبركه صهيونيه مسيحيه ماسونيه شيوعيه زغاويه
وناس دارفور ديل لو مالاقين حاجه ياكلوها ما ياكلو تورته
اللهم نسالك اللطف
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
سلام للجميع
ياخالد مالك داعي عليهم ومريحهم .
لو قلنا حسبنا الله ونعم الوكيل فعذابهم في الدنيا والآخرة سيتوكل به الله وهو المنتقم الجبار ، فمهما تخيل البشر صورة لعذاب الآخرين فهي بسيطة جدا أمام مقدرة ربنا .
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: ali othman)
|
خالد يا أخوي
ياكلوا السم؟؟
إنت قايل السم بمشي في الجتت دي؟؟
دي جتت السم ذاتو بيعافها..من عاف يعوف
إلهي
بركة السنة الهجرية الجديدة دي
أخسف بهم الارض
الهي.. أدخل السقم في أجسادهم النتنة آكلة مال الايتام والحرائر
الهي..عذبهم دنيا وآخرة
إلهي..إنشاء الله ما يضوقوا يوم حلو
إلهي..إجعلهم عبرة لمن لا يعتبر
إلهي.. إدخل عليهم آلام لا قبل لهم بهاتجعلهم يتمنون الموت ولا يجدونه
آمين يا رب العالمين
إدعوا عليهم في صلاتكم
إدعوا عليهم في صيامكم وقيامكم
إدعوا عليهم في حجاتكم وعمراتكم
الله آمين..اللهم آمين
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: haneena)
|
Quote: وبعد ده يستلمنه المرتين يمصن دمه وبالتأكيد لكل واحدة يوم وما في واحدة بتفوت يومه حتى لوكانت معذوره عشان ما تخلي لي أختها حاجة!!!
|
الشايقي ...يا زول هوي مالك....كدي قول بسم الله
بصفتي مواطن سوداني....اطالب باضافة بند...بدل صبغة
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: haneena)
|
الأعزاء الأفاضل..
مريم الطيب..
Quote: الضيف يقعد لامن يقوم
الصغير يبكي لامن يسكت |
لخصتي الحال والله خير تلخيص الله يكون في العون
جندرية..
الله يرحم والدك..
ياكلوا الأكلوا أمات طه..
أحمد حنين..
الحمت رمت..ده شنو..قوي فعال؟؟
أبو جهينة..
الزرنيخ يا له من علاج ناجع..
جورج بنيوتي..
نعم يا صديقي (....الفكري أسوأ أنواع ال.....)
أمال أم وضاح...
ديل ما عندهم مصاريين ديل عندهم بلاعات أجارك الله..
أستاذة سارة..
يديكي العافية العلاج هنا الكي..
عبد الرحمن سوركتي..
نعم (هي لله).
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
الأعزاء..
شريف محمد أدوم..
دي يا إبن عمي البدلات المعلنة وبلاش نقة يا حاسد يا ظلامي
عالية عوض..
السم الهاري يا عالية والقالو أحمد حنين..
الشايقي..
والله ده بطنو ما بتطم ده يطمم بطن الطمام زاتو.
معتز تروتسكي.
الزول الرسالة ما رسلها لي أنا وعشان كده ما رديت عليه
ونهار وكمال عباس ما قصروا
قاموا بالواجب تمام.
ديك الجن..
دينار يا ديكو دينار..
ولما يسافروا بيبقي دولار يا ديكو دولار
والله يرحم مجدي المبلغ الكتلوه فيه بيلحسو علي عثمان في فد سفرية.
مراويد..
إزيك يا ظلامي..
ما تبطلوا الحقد بتاعكم ده يا عالم إختشوا
مايا..
بيمشوا يا مايا والشعب السوداني (الفضل)
كفيل بيهم وللظالم يوم..
ياسر الشريف..
رفع الله مقامك كمان وكمان..
علي عثمان..
يا زول الله قالوا حقهم وبقي حكر وملك خاص
للجبهجية وأشياعهم إنت ما سمعت ؟؟
حنينة..
اللهم آمين أللهم آمين..
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: manubia)
|
خالد الطيب..
اللهم آمين يا خالد
ود شندي..
ديل عايزين نضافة بي أبو فيل وبعديهو نضافة بالفنيك
manubia
وش شنو يا إبن عمي؟؟ والله أعلم يقابلوا الله
| |
|
|
|
|
|
|
|
|
 Re: تاكلوا السم؟؟؟؟؟؟ (Re: ود شندي)
|
البنود دي ناقصة ياخال .. في بدل باسطـــــه مافيش .. وبعدين ياخال يحليلك .. الجماعة ديل فيهم واحد حريف خلاص .. ما قاعد يسف الا من الوطنية.. معذب الجماعة عذاب شديد .. كل يوم من الصباح يجيبو ليهو الكيس المدوعل من الوطنية تتخيل بي عربية المراسم بتاعت الحكومة شفت ليك كيس صعوط هئية دبلوماسية زي ده؟؟ هيا الكيس الكوز يسف .. ويلهط ويحلي بالباسطه يحليلك يابلد .. الز حاجه كنت بتكلم مع ابوي في التلفون قال لي جاني قاود
قلت ليهو ياحاج انت بقيت كـوز
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: tmbis)
|
حليلك يا علاء إنت من زمن الباسطة
الحكاية بقت فياقرا
وأبوك ألحقو جيبوا عمرة
ما يلقوه يعرج من القاود يقولوا جبهجي
أما السعوط والله منجهة وممكن يكون فيها لعب تقيل (بدل سف)
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
ياقوت العرش
دنيا لا يملكُها من يملكُها
أغنى أهليها سادتُها الفقراءْ
الخاسرُ من لم ياخذ منها
ما تعطيه على استحياء
والغافل من ظنَّ الأشياءَ
هى الأشياء !
تاجُ السلطانِ الغاشمِ تفاحهْ
تتأرجح أعلى سارية ِ الساحهْ
تاجُ الصوفى يُضىْ
على سِجادة قَشْ
صدقنى يا ياقوت العرشْ
أن الموتى ليسوا همْ
هاتيكَ الموتى
والراحة ليستْ
هاتيك الراحة
***
عن أى بحار العالمِ تسألنى يا محبوبى
عن حوت
قدماه من صخرٍ
عيناه من ياقوت
عن سُحُبٍ من نيران
وجزائر من مُرْجانْ
عن مَيْتٍ يحمل جثته
ويهرول حيث يموت
لا تعجب يا ياقوتْ
الأعظم ُ من قدرِ الإنسان هو الإنسان
القاضى يغزل شاربه لمغنيه الحانه
وحكيم ُ القرية مشنوقْ
والقَرَدَةُ تلهو فى الشوقْ
يا محبوبى ..
ذهبُ المضطِّر نُحاسْ
قاضيكم مشدود’’ فى مقْعده المسرقْ
يقضى ما بين الناسْ
ويجُرُّ عباءته كِبْراً فى الجبانه
***
لن تُبْصرْنا بمآقٍ غير مآقينا
لن تَعْرِفْنا
ما لم نجذبك فَتَعْرِفَنا
وتكاشفنَا
أدنى ما فينا قد يعلُونا يا ياقوتْ
فكن الأدنى
تكن الأعلى فينا
***
وتَجفُ مِيَاهُ البحرْ
وتقطعُ هجرتها أسرابُ الطيرْ
الغربال المثقوب على كتفيك
وَحُزنْكَ فى عينيكْ
جبالْ
ومقاديرُ
وأجيالْ
يا محبوبى
لا تبكينى
يكفيك ويكفينى
فالحزنُ الأكبرُ ليس يُقال
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: بلدى يا حبوب)
|
من طواقى الجبهة؛ من دقن الترابي
من أباريق تدلق الدم؛ فى المواعين والكبابي
من حقوق أجدادنا؛ من سبحة مرابي...
جيتنا فى أول بيان للحق للحرية مابي
ياالبــشــــــير بالشر معمد أنقلابي
.......
الجوع ابو الكفار
مولاى انى فى صف الجوع الكافر
مادام الصف الأخر يبكي من ثقل الأوزار...
مظفر النواب
البشير أكل حتى بكت الصحون...
وهنالك وزير اتحادى
كان يشاركنا فتات العدس
وصحون البوش
جلوسا بابو حمامة؛
صار يتناول الكافيار؛
أقول له ان كان يجيد القراءة؛
أتذكر اذ لحافك جلد شاة
واذ نعلاك من جلد البعير؟
عليكم السحت والسخط واللعنة؛
بدء بالبشير
وانتهاء بالوزير الكافيارى..
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: doma)
|
بلدي يا حبوب..
يعلم الله السم ما بعمل ليهم حاجة غايتو إلا جرعات عالية
أبو علاء..
تشكر للقصايد والشكية لله..
دوما..
حمدا لله علي السلامة..
ورجوعك يا بت العم أسعدني..
والدوام لله...
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
تموت الاسود في الغايات جوعا
ولحم الضان يرمي للكلاب
وذو جهل ينام علي حرير
وذوعلم ينام علي التراب
يا ابو الخلود اتعكست الامور الرئيس هو الخفير اصلا والخفير رفع ليحل مكان الرئيس.
انشاء الله ياكلوا الاكلو الزبير داخل طايرتو.
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
العزيز خالد
الصوره معبره جدا عن نهم حكومه السودان (الانقاذ الوطني )سابقا المؤتمر الوطني حاليا .
حميد قال
ديل لابخافو من الحساب
لابشبعو
لا بختشو
ويقولو ليك اربطو الاحزمه سبحانك ربي ؟
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خضر حسين خليل)
|
خالد
جبت الوثيقة دي من وين ياشقي الحال . على كل طالما انها معلنه رسمياً فذلك يعني انها لا تتحدث الا عن جزء يسير جداً من الحقيقة ، وعلينا حينها ضرب الارقام الواردة فيها عشرات ، بل ومئات المرات ، هذا غير أللا المعلن . المكدس والمهرب الى البنوك في دول النمور وغيرها .
ليس للفساد حد حينما يمارسه الحكام في الأنظمة التسلطية حيث تنعدم الأخلاق ويغيب الرقيب .
على فكرة لم استطع معرفة كم تعني الارقام الموجودة ، فانا بليد في الحساب ، خاصة عندما يتعلق الأمر بما يسمى الدينار السوداني ، فهل يتبرع احدكم ويحول لنا بعضها الى الجنية الذي نعرفه ، وكم تساوي بالدولار مثلاً ؟
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: تراث)
|
تراث الجميل..
الوثيقة من جريدة الميدان
الدينار بساوي عشرة جنيهات
والمشكلة يا تراث إنو في حوالي الكم طاشر حكومة ولائية وكل حكومة فيها كم وعشرين وزير وكلو وزير عندو بدل سكن وبدل ترحيل وبدل عمل في مناطق شدة وبدل بدل
وبدل مرا تانية..ده غير الماهية..
وأسأل معك كم يبلغ الحد الأدني للأجور في دولة السودان الإسلامية؟؟
| |
|
|
|
|
|
|
|
|
 Re: تاكلوا السم؟؟؟؟؟؟ (Re: Adil Ali)
|
عادل علي..
الزول ده خليه ساكت عندو تلاتة نسوان
ومشا سوريا سوالو دريبات وقالوا الجماعة لما ضيقوها علي
ضيوفو البيجوا بعد المغرب وسألوهم قالوا..(فستق عبيد فستق عبيد
بس عندو مصاري)
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
خالد أبا الحبيب
تحياتي وسلامي ..
أصلو بلدنا أصبح ما ليها وجيع ..
يعني كان بقت على الأكل دا هين وما خفي أعظم ..
كله بياكل كأنه ما حا ياكل ثاني .. نهم شديد ..
كدي شوف كم واحد في بلدنا بايت القوى ..
حكى لي واحد مقرب من الجماعة ديل أنه منصرفات الإحتقالت ..
والولائم نصه يصرفوه في الأكل ونصه ينهبوه ..
زمة مافي ..
تسلم يا أخي
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
الســــــــــــممممم اللى يسمممممم بدنهم . .
وياما قبلهم واحدين أكلوا لامن تنبلوا
وأى نعمة غير حلال ربنا ما يبارك فيها
وزى ما قالوا :
محل ما يسرى . . يهرى
خليك وراهم يا أبو الخلد وبنا يغتيك يا ود الحاج
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: siddieg derar)
|
أبراهيم الجريفاوي..
إزيك يا زول يا زين..
أفكارهم ..هم عندهم أفكار يا جريفاوي
ديل عندهم كروش و....
رجاء...
تقولي شنو..لكن ما دام الحكاية دنيا في دنيا
أخير يخموا..
صديق ضرار..
زمان كان أب عاج ومعاه شلة ناس بهاء الدين
وصعاليق قيادة (الثورة) أسه ما تعدش علي قول أولاد بمبة
| |
|
|
|
|
|
|
|
|
 Re: تاكلوا السم؟؟؟؟؟؟ (Re: خالد الحاج)
|
حسبى الله ونعم الوكيل
قرأت هذا الكم الهائل من الدعاء على هؤلاء الطغاة. لقد اقشعر بدنى!!
أستطيع تصور الارامل واليتامى والمقهورين والمظلومين رافعين أكفهم بالدعاء لرب العالمين لرفع الظلم عنهم وابتلاء من ظلمهم فيزداد بدنى اقشعرار. فليس هناك حجاب لدعوة المظلوم. والله رب العزه يقسم بعزته وجلاله بنصر المظلوم ولو بعد حين. انى اتسائل كيف يتمكن هؤلاء الطغاة من اغماض أجفانهم والخلود للنوم والملايين المقهوره والمفجوعه والمغبونه.. يلهب الدعاءألسنتهم سائلين الله الانتقام ممن قهرهم وظلمهم. الا يخشون ان تلك قد تكون نومتهم الاخيره!!!
حسبى الله ونعم الوكيل
| |
|
|
|
|
|
|
|
|
|
Re: تاكلوا السم؟؟؟؟؟؟ (Re: خالد الحاج)
|
لا اعرف فى هذا البوست الارقام تشير الى مئات الالاف وهو اقل بكثير جدا من مخصصات اعضاء الحكم فى الجبهة الاسلامية!!!!1
افهم ان تحتجوا وتستنكروا الارقام الحقيقية ولكن هذه الارقام قليلة!!!!!
| |
|
|
|
|
|
|
| |
الطيب بشير
theNile
Abuobaida Elmahi
Tumadir
kamalabas
nahar osman nahar
Muhib
merfi
Raja
مريم الطيب
الجندرية
ahmed haneen
ابو جهينة
essam&amal
Abd-Elrhman sorkati
Al-Shaygi
معتز تروتسكى
Yasir Elsharif
NGABY AJOOZ
haneena
Khalid Eltayeb
ود شندي
manubia
tmbis
بلدى يا حبوب
doma
Mohamed Adam
خضر حسين خليل
تراث
معتصم دفع الله
Ibrahim Algrefwi
Rawia
يا بت يا نيل
zumrawi
فيس بوك
تويتر
انستقرام
يوتيوب
بنتيريست