دعواتكم لزميلنا المفكر د.الباقر العفيف بالشفاء العاجل
|
|
 أمستردام تحتفل بطارق واسمهان ( خدر وبارعة) بالصوره والصوت
|
بالامس سهرت أمستردام فرحا حتى الصباح بزواج الحلوين الفنان الجميل طارق ابوعبيده ( خدر ) والجميله زوجته أسمهان ( بارعة )
بحضور مجموعة كبيره من بورداب اوربا الغربية وكان فرحا جميلا وحضورا رائعا ونشرككم الافراح عبر هذا البوست المشترك من منزل الفنان المسرحى الجميل منعمشوف ..
عزيز خطاب
نقابى عجوز
عصام جبرالله
بربراوى
وخالد الحاج
الفنانون الذين أحيوا الحفل:-
أنور عبدالرحمن ( أنور أبوغيداء)
عبدالعزيز خطاب ( عزيز )
استيفن أشولا ( مجموعة كوتو )
الفاتح الصادق
أباذر لندن
ضياء الدين ميرغنى ( الطاهر2 )
والموسيقيين
زهير محمد سعيد اكورديون
عثمان محى الدين كمان
الصادق شيخ الدين جيتار
عادل السيد جيتار
اسامه مليجى ايقاع
محمد أبواهيم اورغ
سراج طرمبه
|
|
 
|
|
|
|
|
|
|
 Re: أمستردام تحتفل بطارق واسمهان ( خدر وبارعة) بالصوره والصوت (Re: NGABY AJOOZ)
|
الاخ خالد الحاج تحياتى ومبروك للعرسان لكن بس عندى سوالين
وين اخونا نزار الخواض مالو ما جا العرس نعلو طيب
السوال التانى السبب الخلاك تبيت مع عصام جبرالله شنو
يعنى امستردام دى كلها مالقيت بيت فاضى والله الحكايه
مبيته ومحبوكه
السوال التالت العلب الفى الصوره مع العريس ديل
علب كولا والله عيونى مطششات
مع تحياتى وبالله يا خال ماتزوغ من اى اجابه
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
مبارك الزواج ووالله فرحت ليكم من جوة القلب
غايتو دى فاتتنى , لكن برضو ح اجى واعمل للعرسان حفلة كاربة
اها ووين العازفين , لازم تكونو اختو ليهم لقطات
عايزين نشوف كل الناس ديل القدامن نجمة
عبدالعزيز خطاب ( عزيز )
استيفن أشولا ( مجموعة كوتو )
الفاتح الصادق***
أباذر لندن***
ضياء الدين ميرغنى ( الطاهر2 )***
والموسيقيين
زهير محمد سعيد اكورديون***
عثمان محى الدين كمان***
الصادق شيخ الدين جيتار
عادل السيد جيتار***
اسامه مليجى ايقاع************
محمد أبواهيم اورغ*****
سراج طرمبه************************
غايتو كان الناس ديل ماشلتو ليهم لقطات
انا ح ارفع عريضة واطالب بحقوق العازفين
لووووول
لكن انا ليه بس مالقيت حجز عشان اتلمّ معاكم
وبعدين الحاجة البتزعل الجماعة ديل كلهم كانو فى بيت بت اختى
لا انا لاهى مافيشين
كنتو ترسلو لينا طيارة خاصة
لووول
مبارك عليكم ياشباب
ولى عودة
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: سمندلاوى)
|
يا سلام يا شباب..
والله ده كلام جميل لشكل؟؟
والعروس صلاة النبى..والعريس عينى بارده..
والصادق شيخ الدين..الحلق ليك منو؟؟ هاهاها..والله فرصه سعيده نشوف وشك مبسوط وعروسك..to be جنبك..تحياتى لهاله..
وبا انور ابوغيداء صلعم...وياحليلك ..ومحمد عبد الحميد بتو قدرو..
والله حاجه مفرحه جدا..
الف مبروك..الف الف مبروك..
وتحياتى لمهندس البوست...ههههههه
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
alf mabroook lil irsan, i wish if i was there, it is a long time since i have met with many of those who came to the wedding, i wish if i was there to see them all,
Khidder izaik, kulak shabab ya zul ya ragi why saying "nagabi ajouz"
all the best to Tariq and Bara......
from Adil Gasmelkhalig Ibrahim
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: Adil Kadees)
|
الحاج/ محمد الشيخ..
آمين يا رب..ولازم يعني لازم نحضر..
ود الجعلي..
(1) نزار الخواض ما شفتو والله وما متأكد جا ولا لا
(2) كنت بايت في بيت أخونا خالد الطاهر وعندي شهود
نقابي عجوز وعصام طه.وصاحبك عصام كان مع منعموش.
(3) العلب كوكا كولا وعيونك سمحات ماشاء الله عليهن..
رجا..
قاعد يا رجاء كدي فتشي كويس  لكن عموما كنت مشغول بالتصوير.
أسعد أبراهيم ..
يوصل إن شاء الله.
ياسر الشريف..
الله يديك العافية يا إبن عمي ، وأيه الدنيا غير لمة ناس في خير.........
سمندلاوي...
حقيقي كانت بس فاقداك الفرقة رقصت حتي العجايز وأبدعت..
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: zumrawi)
|
صديقى الحبيب .. أخى الفنان سمندلاوى
أيها الجميل والله كنا نفتقدك بشدة وكان مكانك شاغرا والاخ الجميل الصديق عثمان محى الدين كانت حنينته تسأل عن رفيقة لها
سنعيد شريط الحفل فى مناسبات كثيره قادمة ولن يكون مكانك كما كان بالامس
كان الاحساس جميلا والغناء أجمل والفرح فوق الاحتمال
أشكر لك رفع إحساسى المتسامى أبدا بتشجيع من هم فى قامتك والصوره للفنان منعم شوف كما أن الاولى برفقة زوجتى سحر والاستاذ محمد عبدالحميد والاخ الاستاذ عصام جبرالله من كمرة المبدع الذى غمرنا بالروعة الاخ الجميل خالد الحاج
طالب العريس بالحاح شديد أن يرسل لك نسخة من شريط الفديو لأنه صور بأيادى متخصصة وأخراج رفيع المستوى وأنا ومنعمشوف بندعم طلبك بالمتابعة
سلامنا للحلوين يارائع
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
[B]ايوووووووووويا
والله فرحت ليكم والف مبروك للعروسين
والله غربتكم دي ما غربة
تعالوا شوفوا الغربة الجد عندنا
انتوا عايشين
ونحنا دايشين
ناس تاكل شيه بالسيخ
وناس بالسيخة مفلوقةوتقولي كوكا كولا
اللهم لا حسد
بعدين يا خالد
البغنوا في الصورة الرابعة من اعلي
ديل مبارك حسن بركات ومعاه صديق المجتبي
وعاوز اشوف واعرف بربراوي دا منو
مع اجمل الأمنيات
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: THE RAIN)
|
صدقدق حبيبى..شكرا على تحياتك الحلوه..
ويا ماجده كفاك اطردى الشبيبه دى من بيتك..بكسروا ليك ضهرك..ولا شغليهم..قبل ما يشغلوك..
لكم الحب جميعا..وانا لميت الشفع قلت ليهم تعالوا شوفو..البورداب بعرسوا...كيف و عروس الصادق..وقالو حلوه..
وطبعا اليومين ديل معانا اميمه..لزيارة البيبى الجديد ايسر..مشرف
وهل قمت بالواجب..قينا يختص بالوصيه؟؟
لك وللجميع الحب الكبير..ومتعمشوف الله يصبركم على البلاوى المعاك دى..ههههههه
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: Tumadir)
|
العزيز باش مهندس بكري..
تشكر يا زعيم..
زمراوي..
هو جنس غنا وهو جنس رقيص..
أحمد أمين..
يعني Rayan Air وقفت رحلاتها يا أحمد
يومين كانو حيعملو ليكم شنو إنت وود إسحق وفردة وأبا يزيد
ونقد ..والله كانت ناقصاكم..
الشريف..
طبعا كنت معانا وأنا لافي أسأل الناس عن طارق محمد عبد الله ويظهر الزول ده
مافي في هولندا وما نسيت والله يا شريف.
وليد 399 ...
ويجعل أيامك أحلي وأروع وتشكر للكلام الطيب.
ود قاسم..
وعقبال أخوك كمان
والله يا ود قاسم نشمها كدحة دي تاني ما خلاص القطر صفر.
أحمد حنين..
يا أبو حميد الغربة حاصلة لكن لمة الناس الحلوة
بتخلي الجراح تلتئم وطعم الغربة أقل مرارة. أما بربراوي
فدي عضو بورد قديم لكن الكسل كاتلو.
عالية عوض..
والله يوم ما بتحكي وصدقيني حتي بعد الصور دي كلها
الفرح والبهجة وروعة الناس الحلا..قصة ما بعدها.
المطر..
مرسل لك برميل أمستل محبة
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
الف مبروك طارق واسمهان منورين البورد شباب زي الورد. والله رافع القدم ما قال ليها كوني هناك. تعرف هناء متوعكه شويه وبقيت انا ماسك الشفع وامهم ذاتها. المهم حا نجي في السمايه انشاء الله بس بعد زمن كده اوع تورط بي سرعه في الاطفال. لكن رغم كده بيت مال وعيال.... وبالرفاء والبنين .وتحياتي لكل الناس الما لاقيناهم منعم شوف. الصادق شيخ الدين وينك انت . اسامه مليجي وعثمان محي الدين الجابك البلد دي شنو ومن متين مؤقت ولا دايم الدايم الله. عبد العزيز خطاب التحايا للجميع.
وليد يوسف
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
الخال والله ما بتقصر
والله الواحد حسدكم عديل كده على اللمة والبسطة دي
والف مبروك للعروسين وان شاء الله بيت مال وعيال
العزيز عزيز
غايتو المرة الجاية لو ماعملت لينا حفلة كاربة هنا ما بنخليك تمشي
وبعدين الزول الكن بسالك منه ما هو واقف جنبك (نقابي عجوز)
تعرف يا خالد
انا المحيرني في الصور دي كلها
عصام جبرالله ونقابي عجوز بسم الله ماشاء الله عيني باردة
انا ما داير احلف ساكت لكن عليك الله يا خالد الناس ديل ما صبغين
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: Yassir7anna)
|
الأعزاء..
Manubia ...
هالة قوتة..
أبو مهند..
شكرا لكم مشاركتنا أفراحنا..وربنا يديم المودة..ويا هالة يعني لو جبتوا الخواجية وجيتوا مش كان بيكون أجمل.
أبو مريم..
حمدا لله علي السلامة أرجوا أن تكونوا وصلتوا بالسلامة
مع التعب الشديد الكان حاصل..شايفك دخلت بدون مشاكل
ياسر حنا..
الجماعة ما عارفهم والله لكن عصام بأكد ليك الموضوع ما فيهو صبغة والزول لسة شباب أم النقابي العجوز فدا أسألوا في المسنجر الله بلا حليفة قاعد يكتل
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
الف الف مبروك الاخ الفنان طارق ولاخت اسمهان
انشاء الله بيت مال وعيال وربنا يحفظكم ويخليمك
والف شكر للقايمين على امر الحفل والله مجهودكم واضح
الواحد عرس فى الخرطوم عديل وشايف ناس انور والصاديق
عرقهم منقط ياربى (يكون من شنو ؟) والخوان عبد العزيز
واسامه وعثمان والبقيه والله الواحد كان يتمنى يكون معاكم
لكن فى السمايه انشاء الله وربنا يديم الافراح
تحيات للكل وكل سنه وافراحكم بره
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
مبروك مره تانيه و الف لاسمهان وطارق
شكرآ لشباب وشابات وعجائز وعجوزات هولندا على كرم الضيافه و اللطافه
وبالفعل افتقدنا كثير من الاصدقاء والصديقات.. من المفاجئات الممتعه والجميله حضور صديقنا ابوبكر عثمان للحفل عن طريق الصدفه وهو كان فى كورس و راجع الخرطوم ..ايضآ مقابلة ماجد الكج بعد سنوات طويله ومقابلة خالد الحاج و منعمشوف ومجيد والكارثه براكا و عزيز ومامون و عصام تربيه و الرئيس غير المتوج لهولندا ميسره والنوبى الحميم محمد عبدالحميد وخدر الشاب و مليجى وزهير وانور خالد الطاهر وعدد اخر من الناس اللطيفه
يا ياسر حنا ما تغشك المظاهر,من بره هلاهلا ومن جوه يعلم الله...شيب مافى و لا صلعه,دى اسمها ميتة القلب ودى ما اى زول بقدر عليها,موهبه من الله,او ممكن تجيك من محن الزمن ومصايبو كان كترت عليك بتلحقنى,طالما عندك شيب فمعناها انك طبيعى,اخونا ميسره محمد صالح و لا نقطه بيضا فى شعرو مافى,اها رأيك شنو؟؟ او اتبع حكمة احد الاعمام "يا ولدى مهما حصل ليك حاول حافظ على قلبك اخضر "
| Quote: عصام جبرالله ونقابي عجوز بسم الله ماشاء الله عيني باردة |
كتر لينا فى ما شاء الله دى
تحايا وسلام للجميع
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
خالد ابا
نقابي عجوز ده ما يغشكم هراش ساكت والله هرشو ده ما فايت طرف لسانه
الزول ده من جوه قلبه ابيض من اللبن انت بس شوف ضحكته دي بس ضحكة الطفل الغرير
والله انا حاسدكم عديل كده، اولا على عدم الشيب وبعدين معاكم نقابي عجوز تعرف الزول زاتو الشايل هموم الناس وهمه العنده غالبو يشيله، رغم مشاغله وهمومه الكتيره لكن كان شايل هم ناس مسقط ديل كبيرهم وصغيرهم لا بكل لا بمل بس الله يدوه الصحة والعافية وطولة العمر ويبعد عنه الشيب
ود جبرالله
قلت لي ميسرة برضو ما شيب بالله تحياتي الحارة ليه، وكان كدي زي ما قال لي الخال قبل كده انا قطري صفر ساكت، تعرف فبل كده مشيت اودي المره عشان تتطلع رخصة تعليم السياقة (السواقة) فقام العسكري سالني قال لي دي بتك؟ طبعا هي تكيفت كيف و تضحك ساكت وما خلت زول ما حكتها لي وانا عايز اموت من الزعل
وان شاء الله ربنا يديك الصحة والعافية والعمر المديد، قول آمين
لكم التحايا اعزائي
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
مبروووووووووووووووووووووووووك للعرسان
وبيت مال وعيال
الاحباء المرابطين لكم الشكر وانتم توصلونا بما فقدناه لبعض الملامح
تعرف يامنعم لقيت نفسي بقيف على حيلي وببشر على طارق في الشايلنو فيها اتخيلتهم جايين علي شفت الحال الوصلناه ياصديق.
سؤال برى كان جيناكم بتعرسو لينا كده؟
لكم الفرح وابشروووووووووووووووووووو ياشباب
فيصل عباس
| |
|
|
|
|
|
|
|
|
 Re: أمستردام تحتفل بطارق واسمهان ( خدر وبارعة) بالصوره والصوت (Re: اسامة الخاتم)
|
تراث الجميل..
اللهم آمين..بس إنت أبدأ وأنا بي وراك
نقابي عجوز..
الزول حلفني أسوي شنو أنا يعني أكذب.
خالد تنقو..
الله يديك العافية يا زول يا زين..
السمندل...
تسلم وتوصل تحاياك..
democracy
ليك مليون تحية وشكر.
ياسر حنا..
صاحبك أنا عارفو راجل طيب لكن نسوي شنو الكبر حصل
بهاء بكري ..
تعال وخلي الباقي علي خالك..
إسماعيل وراق..
سلام للناس الجميلة ..يحصل إن شاء الله بس الفاتح يمدنا بالتسجيل.
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: اسامة الخاتم)
|
يا اخوانا الف مبروك....
والبركة في الشوفة...يامنعمشوف..
مجيد حسن ياحليلك..انور ابوغيدا..
الصادق شيخ الدين ..عماد براكة..
محمد عبد الحميد...وداليا..وين حوا
فتتشت لى الهام قمر..شديد...
وعيني بارده يا اسمهان وطارق....
والام رهيبة...بختكم..امكم وجاتكم
وابوكم زاتو جا...ربنا يدوم الاافراح
وشكرا... شكرا..شكرا..ياخالد الحاج
وربنا يديك العافية يا نقابي يا ما عجوز
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: مريم الطيب)
|
الفنانة المبدعة مريم
شكرا علي القصيدة الرائعة وربنا يخليكي ويديك العافية ونفرح بافراحكم
الاخ ياسر
يديك العافية ويخلي لي اولادك والله انت الشباب كله لكن تعمل شنو مع ناس خلفان ديل يشيبو الحجر انا معرفتاها وهربت قبال مااخرف
ودجبرالله انشاء الله نفرح بيك قريب انا كلمته ليك ابو الفى بالك لم الفكه
حاسد الحاج الله يديك العافية
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: Nada Amin)
|
العزيزة حنينة..
ما قلنا ليكم تعالوأ
قلتي أل قوتة والإمتحانات أها في السماية بنرجاكم
بس إن شاء ما تمرقيها في أستراليا
أم درمان..
عقبالك وكان عملتها إن شاء تدبل مع أخوك تراث ومعاي
ندا أمين..
ربة ولا كل الربات والله أنا لي عشرين سنة ما رقصت إلا في عرس طارق وأسمهان
ولما أنور غني أغنية سيرة ظهروا الجعلين وهاك يا عرضة وخبيت في الأرضية الخشب
والغريبة في ناس لابسة بدل (فل سوت) وديل طبعا جعليين أمستردام بس ما كان في
سوط عنج ساكت كان (البطان) ما يديكي الدرب .
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
شباب نكتب ليكم من انتورب (بلجيكا)
تهانينا مرة تانية للعروسين،
وشكر خاص ل
خالد الحاج للصور الرائعة دي.
عبدالمنعم لحسن الاستقبال...
اسامه، عادل، عثمان وعازف الكيبورد على العزف الجميل....
انور،عزيز,ابوذر و الفاتح على الغناء و طبعأ العريس كمان..
عماد و مجيد على التقديم والبرمجه العامه..
والحلقه ح تصلح قبل عرسنا بكل تاكيد لاننا ما ح نعرس قبل كده..
عمر بانقا لك التحايا و للاسرة، العرق ده من الزحمه يا رجل،
وشكر خاص لاحمد
هاله و صادق..
bye
| |
|
|
|
|
|
|
|
|
|
Re: أمستردام تحتفل بطارق واسمهان ( خدر وبارعة) بالصوره والصوت (Re: خالد الحاج)
|
تحياتى ,
وألف مبروك للعروسين وبيت مال وعيال وجهاد !!!
والله يخليك يا خالد الحاج الخليتنا نشوف ناس حواء بشير ومحمد عبد الحميد والزهرة والكتوف الأتلاحقت ما شاء الله , وتنسمنا أخبار الأخ عصام جبر الله والشباب الظريف فى هولندا .
وبقترح ندى جائزة المنبر ونوبل للأخ النشيط خالد الذى لا يضاهى نشاطه نشاط أحد و وشكرآ خالد اذ اتيتنا دومآ بأحبابنا فى مشارق الأرض والمغارب ....
ست البنات .
| |
|
|
|
|
|
|
| |
اساسي
Khalid Eltayeb
mohamed elshiekh
عبد المنعم سيد احمد
NGABY AJOOZ
منعمشوف
WAD ELGAALI#4
Raja
سمندلاوى
Tumadir
ASAAD IBRAHIM
Yasir Elsharif
بكرى ابوبكر
عزيز
أحمد أمين
elsharief
Habib_bldo
ودقاسم
ahmed haneen
THE RAIN
HAMZA SULIMAN
Elmosley
manubia
ملكة سبأ
Abu Mariam
Yassir7anna
الجريفاوي
تراث
nahar osman nahar
معتصم دفع الله
عمر بانقا
Abo Amna
mekki
بهاء بكري
إسماعيل وراق
اسامة الخاتم
الجندرية
haneena
OMDRMAN
مريم الطيب
الصادق خليفة
falltime
ودالعباسية
Osman Hamad
Al-Masafaa
ايهاب
Elsadiq
alfatih
yumna guta
ست البنات
فيس بوك
تويتر
انستقرام
يوتيوب
بنتيريست