بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 09:59 AM الصفحة الرئيسية

مدخل أرشيف الربع الاول للعام 2011م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

نحن كده انتوا كيف ؟!

03-31-2011, 04:41 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

نحن كده انتوا كيف ؟!

    بقلم ـ أتيم أتيم بول ـ ملبورن ـ استراليا


    Quote: اذا قتل وزيرا بحكومتنا بمكتبه ، لخلاف اسرى مع نسائبه ، تنكس الاعلام للنصف لثلاثة ايام و ليالى ، بجميع المصالح الحكومية بالبلاد . اما اذا قتل المنشقين المئات من المواطنين ، يذاع الخبر فقط حتى دون ذكر الاسماء لاتعويض ولا يحزنون ، لانهم مواطنين مغلوب على امرهم .

    نحن كده انتوا كيف...؟

    عندما يُعين الوزير و يستلم منصبه ، اول ما يقوم به الزواج يتزوج ان كان عازباً ، اما اذا كان متزوج فياتى بزوجة جديدة )لانج( تناسب المنصب ، و يستمر فى تجديد الزوجات شهرياً طالما هو وزيراً حى يرزق ، لاتهمه دموع الايتام ولا صراخ الارامل فقد سد اذناً بطينه و الآخرى بعجينة ليجعل نفسه اصم ابكم اعمى و هو سليم اللسان والسمع و البصر .

    نحن كده انتوا كيف...؟

    المسئولين عندنا اشتروا نصف كمبالا تقريباً و ربع نيروبى بالتقريب الثانى و ارسلوا ابنائهم ليتعلموا هنالك حتى يعودوا فيرثوا وزارات الاباء عندما تمر بهم السنين الى محطة الشيخوخه ، اشتروا بيوتاً باستراليا و امريكا هداية لارضاء زوجاتهم الغاضبات من زواجهم المتكرر ، و اضافوا سيارات الدفع الرباعى لوضع ابتسامة دائمة بوجههن ، ولابتوب (Laptop)لكل رضيع يجد فيها العاب التسلية حينما يبداء بالتكلم . تركوا المدارس مهملة بالجنوب بلا مدرسين مؤهلين ، و الجوعى يزدادون كل يوم تشرق فيه شمس الجنوب الحارقة ، و الامراض خيمت و استقرت بالبلاد تحصد فى العباد جيئة و ذهاب .

    نحن كده انتوا كيف..؟

    عندنا المحافظ و الوزير او المسئول حينما يكلف من قبل الحكومة للاشراف على مؤسسة ما ، يطرد كل من كان يعمل بلك المصلحة او المؤسسة الحكومية بحجج اقبح من الذنب (الطرد) و يبدل و يملاء الفراغ باهله و اقاربه ، فيعين ابن اخيه , سكرتيره الخاص حتى لو لم يكن متعلماً فانه يأتى بمن يكتب له ما يريد عملاً بمقولة (زيتنا فى بيتنا) لا آحد يستطيع ان يسأله لماذا فعلت هذا لانه الوزير الآمر و الناهى ، حتى البوابى )الغفير(المسكين يقع فى فخ الكشه .

    نحن كده انتوا كيف ...؟

    نحن اذا فشل القائد العسكرى فى الوصول لمنصب سيادى لتحقيق رغبته ، يآمر جنوده باتباعه و ينصب نفسه زعيماً و ملكاً لاتباعه . و يبداء بقتل و تشريد كل من يقع بطريقه من الابرياء ، ينهب و يسرق مواشى المساكين لاطعام قواته . حتى بعض السلاطين محبى الكندشه سعوا للكنكشه عندنا فصاروا قادة جيش برتبة اللواء يتمردون و ينشقون ضد الحكومة وقتما يشاؤن .

    نحن كده أنتوا كيف ...؟

    الوزراء عندنا لديهم كل اسبوع سفرية داخلية او باحدى الدول الافريقية ، و بعضهم يقضى شهور عسل لاتنتهى بدول امريكا و استراليا ، يستضيف اهله و اقاربه بالبلد الذى يزوره و ينفق عليهم على حساب المواطن المنتظر عودته بنتائج زيارة علها تشيل عنه بعض متاعب الحياة بالجنوب .

    نحن كده أنتوا كيف ...؟

    هنالك العديد من الاشياء التى تحدث يومياً بوطنى لا يسع المجال لذكرها ، لكنى ذكرت ذرة منها ليقارنها القارئ الكريم مع المنطق و يقيسها باى مقياس زمنى بالواقع حيث يعيش ، و اليك حق التعبير باى شكل يناسبك .

    و ما يمكن قوله ان المناضلون الشرفاء رحلوا عنا و ماتوا و لكن لم تموت مكارمهم .

    كم من ماتوا و لم تمت مكارمهم و آخرين يمشون على الارض و هم اموات





    Atem Atem Bol


    http://www.sudaneseonline.com/ar6/publish/article_1597.shtml
                   |Articles |News |مقالات |بيانات

03-31-2011, 06:22 AM

ود الباوقة
<aود الباوقة
تاريخ التسجيل: 09-21-2005
مجموع المشاركات: 43562

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: عبدالعزيز حسين عبدالرحيم)

    اخونا عبد العزيز

    نحن بالف خير ومشتاقين لرؤياك الغالية

    اردم بس

    مودتي ...
                   |Articles |News |مقالات |بيانات

03-31-2011, 06:33 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: ود الباوقة)

    ود عمي تحياتي سعيد بي رؤياك

    يا أخي اتيم بول زول حربي شديد وياهو الطيب مصطفى بتاع الجنوب وهو زول وطني شديد وهمه على الجنوب عشان كدا مافي زول بعرفه هاك هاك وياريت ناسه يشوفه ويسمعوا كلامه دا

    Quote: الدينكا فى كل مكان .. بقلم: أتيم أتيم بول-ملبورن - استراليا

    الدينكا اسم علم يستخدمه البعض للدلالة على مجموعة آثنية تقيم بجنوب السودان ،اما المجموعة فتفضل ان تدعوا نفسها ( جينق) هذه المجموعة تتميز بكثرة افرادها الامر الذى جعلها من ضمن اكبر القبائل الافريقية تعداداً للسكان ، تشغل حيز واسع من مساحة الجنوب ، توجد باعداد ضخمة فى ولايات بحر الغزال كما لها وجود مؤثر فى الولايات الجنوبية الاخرى . ينتشر الدينكا ايضاً باعداد كبيرة فى شمال السودان و بلاد المهجر كامريكا ، استراليا ، كندا ، والدول الافريقية ككينيا و يوغندا ،اثيوبيا الخ... و بعض الاعداد النسبية فى بريطانية ، و فنلندا و جميع انحاء العالم حيثما تواجد السودانيون .
    و بما ان جزء من هذه المجموعة الضخمة تستوطن الشريط المتاخم لقبائل التماس الشمالى العربى , وقعت العديد من الصراعات فيما بينها فى المراعى و المواشى ، وازداد الصراع توسعاً حينما تدخلت الحكومات المتعاقبة بالشمال لدعم القبائل العربية بالسلاح لتحارب بالوكالة عنها لمعرفتها مداخل و مخارج بلاد الدينكا ، استغل البعض من ضعاف النفوس هذا التوكيل لخدمة اهدافهم الشخصية ، فشرعوا فى اخذ مواشى و املاك الدينكا عنوة فى غزوات يقومون بها نحو الجنوب. حتى النساء و الاطفال لم يسلموا من الاذى .
    ان اكبر الضحايا فى حرب الجنوب هم من الدينكا سوى كانوا مواطنين او عسكرين ، توجد اسر ابيدت من الوجود جراء تلك الحرب اللعينة الى جانب عشرات الالوف من الايتام و النساء الارامل
    يتزمر بعض افراد القبائل الجنوبية قائلين بان الدينكا تركوا ديارهم و جاءوا ليقيموا بمدينة بجوبا ، وكأنهم أجانب يحتاجون الى تاشيرة ,لدخول مدينة جوبا حاضرة الجنوب - يقولون تجد الدينكا فى كل المؤسسات الحكومية من الوزير الى الغفير ، رئيس حكومة الجنوب سلفاكير ميارديت من الدينكا ، و وزير الاعلام من الدينكا ،وزير الدفاع ، وزير الداخلية ، القيادات العسكرية العليا بالبوليس و الجيش اغلبهم من الدينكا ، الموظفين بالسلك الدبلوماسى و الجهاز القضائى و اجهزة امن الدولة اغلبهم ان لم يكونوا جميعاً من الدينكا .
    اعضاء الحركة الشعبية اكبر الاحزاب الجنوبية من الدينكا... كما توجد احزاب جنوبية اخرى كونها ابناء الدينكا ، ويشكل الدينكا حضور كبير فى جميع الاحزاب السودانية بشكل عام . و نجد اكبر المجموعات المنشقة ضد حكومة الجنوب كانت من الدينكا . و قد بالغ البعض فى قولهم انك لا تكاد تسير فى جوبا ثلاثة خطوات الا و تجد احد ابناء الدينكا الم اقل لكم بان الدينكا قد تركوا بلادهم و جاءوا الى جوبا.!!!
    هذا على مستوى الجنوب فقط . اما على مستوى الحكومة المركزية او على المستوى العام يعترف الكثير ممن عاشوا او زاروا معسكرات النازحين بضواحى العاصمة القومية كمعسكرات جبرونا ،ود البشير بغرب امدرمان ، واحياء دار السلام بامدرمان و الخرطوم )جبل اولياء( ، الحاج يوسف بالخرطوم بحرى ..الخ...اغلب سكان هذه المناطق الفقيرة من الدينكا .
    لقد كان النائب الثانى فى حكومة المرحوم جعفر نميرى ، مولانا ابيل الير دينكاوياً ،وكان الفريق جورج كنقور النائب الثانى فى حكومة الانقاذ من الدينكا ، السيد مؤسس مشار الذى شغل منصب النائب الثانى فى حكومة الانقاذ كان دينكاوياً .
    النائب الاول فى عهد حكومة البشير ، الدكتور جون قرنق دى مبيور كان من الدينكا ، تبعه الفريق سلفاكير ميارديت كنائب اول ،نائب رئيس البرلمان القومى بالحكم الاتحادى السيد أتيم قرنق هو من الدينكا . يعتبر السيد بوانا ملوال ، اول وزير للثقافة و الاعلام من جنوب السودان فى الحكومة القومية فى عهد النميرى وهو من الدينكا ، و هنالك العديد من السياسين و المثقفين كانوا من الدينكا . امثال الدكتور فرانسيس دينق مجوك ، السيد تونق شول ، الاستاذ دوت وول الخ .... كان لسلاطين الدينكا حضوراً و اضحاً بمؤتمر جوبا قبل الاستغلال .
    اما فى مجال الرياضة فالكثير من ابناء الدينكا حملوا راية السودان عالية بالمحافل الدولية فى شتى الانشطة على طريق المثال لا الحصر الفقيد منوت مدوت بول ، الذى تربع عرش اطول رجل يلعب كرة السلة باعرق نادى فى العالم لبعض السنوات ، حارس فريق الهلال الشهير يور الذى كانت له انجازات ضخمة ، و بطل السودان فى الملاكمة جون أتيم ...الخ ..
    ودينياً برزت اسماء كبيرة فالاسقف دانيال دينق سرور احد الاباء الكمبونيان ، الاسقف دينق مجاك بمطرانية واو الكاثلوكية . رئيس الاساقفة السودانيين بالكنيسة الاسقفية ، الاسقف دانيال دينق . جميعهم من الدينكا الى جانب عدد كبير من القسس و الرهبان ، المبشرين و المنشطين بمختلف الكنائس الموجودة بالسودان.
    و ظهرت اسماء اخرى بالاسلام ، السيد عبد الله دينق نيال الذى شغل منصب وزير الاوقاف و مناصب اخرى بالحكومة المركزية و يكن له الجنوبيون كل الاحترام لاعتداله . السلطان عبد الباقى أيي الذى سطع نجمه بحوادث عديدة ، عبد الرحمن أتيم ، وغيرهم جُلهم من الدينكا . ، .
    لقد كاد مصطلح الدينكا ان ينسف الحركة و الجيش الشعبى لتحرير السودان خاصة عندما ظهرت مجموعات تدعوا نفسها دينكا بحر الغزال ، واخرى تدعوا نفسها بدينكا اعالى النيل ، انشق كاربينو كوانجين و معه عدد من القوات ، و تاريخ الجيش الشعبى يعلم عدد القوات التى فُقدت نتيجة هذا الانشقاق المحزن . الدينكا مجتمع كاى المجتمعات التى تعيش بجنوب السودان, تجد فيها الصالح و الطالح ، المتعلم والامى ، تجد الغنى و الفقير ، تجد الوزير و الغفير
    حينما قررت الحكومة الاسترالية استخدام لغة الدينكا فى بعض المؤسسات الحكومية كمكاتب استخراج رخص قيادة السيارة، و مؤسسات المجتمع المدنى . ..الخ... هى كانت تعلم علم اليقين بحجم هذه المجموعة الاثنية و اهمية التواصل معها خلال استخدام لغتهم لغة الدينكا .
    نجد ان كل الاسماء التى برزت بمجالات الحياة المختلفة ، تبؤات تلك المواقع الهامة ليس لكونهم من الدينكا ، ولم تضعهم المؤسسات المعنية او الحكومات القائمة خوفاً من الدينكا بل لاجتهاداتهم الفردية كل فى مجاله لانهم يعلمون بان المجد ليس تمراً يتناوله الفرد فياكله فانهم لن يصلوا المجد حتى يلعقوا الصبرا .
    الى دعاة طرد الدينكا من جوبا ان يتوقفوا عن دعواتهم العنصرية. لان احداث جوبا اذا ما تكررت فستكون عواقبها كارثية للجميع .
    الى ابناء الدينكا الذين يستخدمون القبيلة لتحقيق اهدافهم الشخصية ان يتوقفوا عن ذلك الجنون ، لنتجه لبناء الوطن الذى يسع الجميع ، ذلك الوطن الذى حمل السلاح لاجله جميع الجنوبيون بمختلف الاطيافلاالاجتماعية .
                   |Articles |News |مقالات |بيانات

03-31-2011, 06:39 AM

معاوية عبيد الصائم
<aمعاوية عبيد الصائم
تاريخ التسجيل: 06-09-2010
مجموع المشاركات: 23519

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: ود الباوقة)

    Quote: عندما يُعين الوزير و يستلم منصبه ، اول ما يقوم به الزواج يتزوج ان كان عازباً ، اما اذا كان متزوج فياتى بزوجة جديدة )لانج



    زى بتاع التاصيل العروس جنب المسجد...
    بعدين الدينكا ديل بتزوج بالابقار يا عمك....
    الكلام ناس التاصيل ...بقروش تبرعات المساجد
    الجابت الخرف (التاصيلى)

    يعنى مسجد +عروس عمر 14+شارع مسفلت خاص
    يوصل المتاصل بيت العروس...قمة التاصيل...الغريبة
    المؤذن ما عندو سكن...راكب عجلة ....برضو تاصيل
    مش



    فتك عافية
                   |Articles |News |مقالات |بيانات

03-31-2011, 06:48 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: معاوية عبيد الصائم)

    ود الباوقة أسمعني المبربر الماركسي دا حنكه شنو أرشو ما بتزعل

    يا معاوية كدي دقيقة أول حاجة تعال هنا قول لي أنت من جعلية وين ؟
                   |Articles |News |مقالات |بيانات

03-31-2011, 06:52 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: عبدالعزيز حسين عبدالرحيم)

    براك جيت بي كرعينك وأنا يادوب مارق من الحراسة

    ود الباوقة نادي هجو الأقرع عليك الله


    شوف الليله يحلك الحلا بله يلا يا معاوية تعال قول ياتو فرع أنت ؟

    أنت ود منو ؟ لانو زي المره الفاتت قلت ليك حا افتح ليك بوست حا افتح ليك بوست أها شفت بعد الارشفه عندك بوست نشوف حكاية مزرعة ودالباوقة دي حكايتها شنو وماركسيتك دي شنو وبنعالج والدكاترة كتار
                   |Articles |News |مقالات |بيانات

03-31-2011, 06:59 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: عبدالعزيز حسين عبدالرحيم)

    بعدين عروس عمرها أربعتاشر سنة أنت حارقك وين؟ مش عرسها بي حقه وبي رضاها

    عادي ما شفت ليك كومر بي مكنة كورلا .....

    يا ود الباوقة شوف لينا هجو الأقرع ....
                   |Articles |News |مقالات |بيانات

03-31-2011, 06:59 AM

معاوية عبيد الصائم
<aمعاوية عبيد الصائم
تاريخ التسجيل: 06-09-2010
مجموع المشاركات: 23519

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: عبدالعزيز حسين عبدالرحيم)

    Quote: يا معاوية كدي دقيقة أول حاجة تعال هنا قول لي أنت من جعلية وين ؟




    من جعلية كافورى

    ياخ خليك فى موضوع البوست
                   |Articles |News |مقالات |بيانات

03-31-2011, 07:05 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: معاوية عبيد الصائم)

    يا معاوية أنا زاتي من جعلية كافوري

    شفت بيتي في كافوري بالجد وجنبي اخواني كمان وبيتي في كوبر جنب مسجد النور أمتار منه

    بطل حركات وتعال قول أنت ود منو ؟

    هسع أنا وهجو وعندي ود عمي هنا في البورد ناكره عديييييييييل عشان شين أسمه أشرف أبوالحسن أولاد مسلم أنت منو
                   |Articles |News |مقالات |بيانات

03-31-2011, 07:07 AM

معاوية عبيد الصائم
<aمعاوية عبيد الصائم
تاريخ التسجيل: 06-09-2010
مجموع المشاركات: 23519

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: معاوية عبيد الصائم)

    الاخ عبد العزيز منو القال ليك عرس بقرشو..





    Quote: (حريات) قام الدكتور احمد على الامام مستشار البشير للتأصيل بنهب حوالى مليار ونصف من جملة مليارى جنيه تبرع بها امير قطر لتشييد مجمع اسلامى بالخرطوم بحسب طلب احمد على الامام. هذا وقد بلغت تكلفة المسجد الذى شيده الامام الواقع بشارع الستين بالخرطوم حوالي (535) جنيه ، بينما شيد قصرا منيفا بالقرب من المسجد ببقية المبلغ لسكن الزوجة الصغيرة الجديدة فى مساحة الارض المصدقة للمسجد . وظل الدكتور احمد علي الامام فقيهاً للسلطان يبرر ويخرج له دينياً ، وفي ذلك وصل الى حدود مزرية ، حيث تكهن بان المشير البشير لايود السفر للخارج بعد اتهامة بارتكاب جرائم حرب وجرائم ضد الانسانية وجريمة الابادة الجماعية بواسطة المحكمة الجنائية الدولية فأفتى بحرمة سفره الى الخارج ، ولكنه ابتلع فتواه حين رأى البشير في سفره فرصة للدعاية وادعاء البطولات الزائفة ، وأفتى بحل قروض سد مروي القائمة على سعر الفائدة ، بلا هدى وبلا كتاب منير ، سوى تبرير ممارسة السلطة حتى حين تتناقض مع تصوراته السلفية . وظهر في الايام الاخيرة في برنامج تلفزيوني يحاكي برامج الشيخ الشعراوي ، ليرسم نفسه مرجعاً دينياً وسلطة معنوية . ولكن الدكتور الامام ، في ولوغه في الفساد ، وتبريره للطغيان باسم القرآن ، نسي رب الاكوان ، وانه يمهل ولا يهمل ، فلم ينعم كثيراً بما ان
    تهبه من أموال ، حيث أصيب مؤخراً بمرض (الزهايمر) . ومع ذلك لم يفقد الأهلية للمنصب ولايزال مستشاراً للتأصيل !


    http://www.sudaneseonline.com/?p=18950
                   |Articles |News |مقالات |بيانات

03-31-2011, 07:25 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: معاوية عبيد الصائم)

    معاوية يا اخي حريات شنو كمان البقرى ليها وبيجو شنو البقرى ليه أنت قايلني مركب مخ غنماية

    بعدين تعال هنا أنت أحمد علي الأمام دا بتعرفه يوم قعدت شفته بقول شنو في التلفزيون يا أخي حرام عليك ليه يا معاوية مصر تشيل جردل الوســاخة دا في راسك وتحوم بيه

    عارف يا معاوية بمناسبة كافوري دي زي ما قلت ليك عندي اراضي في كافوري في نهاية التسعينات الاارضي في كافوري كانت بي رخص التراب والسماسرة كانو مطلعين اشاعات انها اراضي زراعية ما بتصلح للسكن والبيوت فيها بتتشقق واسعارها كانت رخيصة وبما أننا من كوبر اقرب مكان لينا كان كافوري اشترى اخواني اراضي في كافوري ولمن سافرت ربنا اداني واشتريت جنب اخواني وعدد من القطع المتفرقة سبحان الله كافوري اسعارها طارت السماء تصدق يا معاوية في قطعة اشتريتها بي 18 مليون هسع سعرها بقى نص مليار وماشه في زيادة كمان ... هسع كنا بعنا قطع وبينا قصور جنب بعض حا تجو تقولوا علينا كيزان وما بعيد تجي انت تنطط لي في راسي هنا وتكرهني حياتي وتقول علي حرامي

    اتق الله يا معاوية أحمد علي الامام راجل فاضل وتقي خاف ربك يوم يلمك أنت وبيجو واحمد علي الامام ويجيبو ليكم كضبكم دا

    بعدين انت قايل اي كلام بنسمعه بنكتبه هسع بيجو دا نحنا سمعنا عنه كلام من مصادر مستحيل تشك فيها ما قاعدين نقول كلام زي دا بيجو دا حاقد وقلبة أسود وبهــر في العفن الفي نفسه أنت ما تشيل هراره وتحوم بيه
                   |Articles |News |مقالات |بيانات

03-31-2011, 07:28 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: عبدالعزيز حسين عبدالرحيم)

    ودي هدية لود الباوقة



    Quote: ه تلفزيون ولا مقهى بفسكرى ... بقلم: أتيم أتيم بول ـ ملبورن ـ استراليا

    الخميس, 03 آذار/مارس 2011 08:30

    اعطيكم تعريفاً مبسط لمن لم يتسنى له زيارة ملبورن من الافارقة المقيمن باستراليا ، و هذا التعريف لكل من سمع بملبورن او له احد الاقرباء المقيمين فيه .
    تقع منطقة فسكرى التجارية فى الضاحية الشرقية لمدينة ملبورن ، تتوسط المسافة ما بين امتداد الاحياء التى تشهد كثافة عالية من المواطنين الافارقة بوجه عام و السودانيون بصفة خاصة) (Sunshine, st Albans Werribee , Melton ، و قلب المدينة النابض بالحياة(City)
    تعتبر منطقة فسكرى العاصمة الافريقية التجارية الاولى لمدينة ملبورن ، لان بها العديد من المحلات التجارية التى يجد فيها المواطن الافريقى ضالته من الماكولات و المشروبات ، الملبوسات و الاحذية ، و مستلزمات التجميل المتعددة ، و كل المنتجات تحمل طابع خاص تلبى احتياجات السوق الافريقى
    بمنطقة فسكرى ايضاً قهاوى يرتادها المثقفين و السياسين و الادباء الباحثين عن الاستجمام ، يعقد هؤلاء النخبة جلسات يتجازبون فيها اطراف الحديث عن ما يحدث فى عالم اليوم من احداث سياسية و تغيرات اجتماعية و يتخلل احاديثهم البطولات التاريخية كافراد و جماعات ، كل المعلومات التى تبحث عنها تجدها بفسكرى مجاناً من دون اى عناء فاذا كنت تريد ان تعلم ما يحدث بكينيا او يوغندا ، اثيوبيا او جمهورية مصر العربية و غيرها ليس لك سوى ان تذهب الى الطاولة الفلانية فى القهوة الفلانية و ستجد ما تبحث عنه مجاناً كما قلت ! و اذا كنت من الذين يعشقون التسلية فهنالك مجموعة الدومينو و الكتشينة و لكن حاول ان تسجل اسمك مبكراً اى قبل العاشرة صباحاً ايام عطلات نهاية الاسبوع و الا فلن تجد فرصة للعب من كثرة المنافسين ، لهذا يرى البعض بان فسكرى عالم صغير متكامل .
    نعود الى تلفزيون الجنوب الذى يستضيف هذا و ذاك ومن كثرة الضيوف اصبح كمتب استقبال فهو يستضيف اعضاء البرلمان واحد واحد ، وقادة القوات المسلحة الجنوبية بكل الوحدات ، و الوزراء وزيراَ وزيرا ، الفنانين و الشباب حتى الصايعين استضافهم تلفزيونا الوليد ، الدكاترة و هلمجرا ، لقد بات تلفزيونا كقهاوى فسكرى حتى هذه افضل منها فقد تجد من يكرمك بوجبة إفطار دسمة و يليها بكوب شاى معتبر فتواصل الاستماع و تبادل الحديث و أنت100 % .
    ففى تلفزيون الهناء ما ان ينتهى لقاء طويل كطول نهر النيل ، الا و يبداء لقاء آخر ثقيل ممل يطل من خلالها مقدمة البرنامج ذات الوزن الثقيل فتملاء شاشة تلفزيونك مقاس 150بوصة لوحدها من اعلاها الى اسفلها( ما شاء الله عينا باردة) وهى لاتبالى ثم تبتسم للكميرا التى بدورها تنقل الابتسامة الينا لتبين مدى بياض اسنانها الامامية ، و تستمر هذه العملية الاستعراضية ما بين المذيعة و المصور ، الى آجل البرامج الغير مرغوب فيه ارحمونا ياعالم .
    و ما ان تلبث ثوانى و يظهر لك شيخ هرم ضحك المشيب براسه يحمل اوراقاً بيده يلتقط الكلمات التقاطا و يشرع هو ايضاً فى استضافة ضيوف آخرين سبحان الله ، تتوالى العروض المحيرة لقائمة المذيعين و المذيعات الاحياء منهم الاموات بتلفزيون أشبه ما يكون خليها لله.
    لا ادرى الى اين يقودنا هذا التلفزيون العجيب المجهجه ، تارة ياخذنا برحلة قصيرة الى البرامج الافريقية الغير مجدية و سرعان ما ينقلب ليتجول بنا باوروبا و الغرب عبر افلام اكل الدهر عليها و شرب . ارحمونا يا عالم...
    اكاد اشك فى ان هؤلاء لم يشاهدوا برامج تلفزيونية ناجح فى حياتهم ، و تكاد تكذب عينيك حينما تشاهد فنان يتغنى و بعد لحظة آخرى تراه مقدماً لبرامج يستضيف بعض الاشخاص فيه ، ثم تشاهده للمرة الثالثة بمشهد درامى ، اذن هو فنان و مقدم برامج و فى نفس الوقت ممثل . لان الممثلين بالجنوب هاجروا و الفنانين لا يجيدوا الغناء و مقدمى البرامج لا حولة لهم ولا قوة فالغة العربية شتت شملهم
    اما عن البرامج الدينية فحدث ولا حرج فقد اعادنا التلفزيون الى عهد الهرطقة ، خادم الرب فلان الفلانى يتحدث عن الارواح و المعجزات و الصوم بطريقة تجد فيها نفسك تستمع لاغرب تحليل و تفسير لو جاء المسيح نفسه اليوم لقال ما هكذا كنت أبشر الناس . اما الاطفال الابرياء تراهم و كأنهم استيقظوا الان و جاءوا لتسجيل الترنيمة كل واحد فيهم يقفز و ينط و يصفق كما يحلوا له عازف الاورغن بوادى و هم بوادى آخر و المسؤل سعيد بما يحدث و تراه فى جولات مكوكية ذهاباً و اياب و كأن الجنوب ليس بها غيرهم تشاهدهم ليل نهار كل يوم آحد شئت ام أبيت .
    حقيقة لو أعطيت فرصة لتلاميذ و تلميذات مرحلة الاساس بمدرسة القلب المقدس بالسكاكينى و مدرسة القديسة بخيتة بالكيلو اربعة و نصف بالقاهرة لكان الاداء افضل قليلاً . فاذا كانت برامج تلفزيون ستسير على هذا المنوال فيستحسن أن تقدم الاخبار فقط مرتين يومياً و كفى بالله وكيلا .
    اما الصرف الذى كان يصرف على التلفزيون يحول لوزارة الصحة بحكومة الجنوب لشراء حقن الملاريا علنا نقضى عليه ، طالما عقولنا خالية على عروشها تقع .
    ملاحظة/ سيدى وزيرالاعلام / مريال بنجامين التلفزيون يحتاج الى مذيعات مؤهلات ليس الى مصارِعَات معضلات .
    يلا .... أه .... شتات ...!

    Atem Atem Bol
    Atem Ring [[email protected]]
    منذ حوالي شهر · إبلاغ
                   |Articles |News |مقالات |بيانات

03-31-2011, 08:06 AM

معاوية عبيد الصائم
<aمعاوية عبيد الصائم
تاريخ التسجيل: 06-09-2010
مجموع المشاركات: 23519

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: عبدالعزيز حسين عبدالرحيم)

    Quote: عارف يا معاوية بمناسبة كافوري دي زي ما قلت ليك عندي اراضي في كافوري في نهاية التسعينات الاارضي في كافوري كانت بي رخص التراب والسماسرة كانو مطلعين اشاعات انها اراضي زراعية



    برضو منطق........؟
                   |Articles |News |مقالات |بيانات

03-31-2011, 09:01 AM

عبدالعزيز حسين عبدالرحيم

تاريخ التسجيل: 01-12-2010
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: معاوية عبيد الصائم)

    Quote: اتق الله يا معاوية أحمد علي الامام راجل فاضل وتقي خاف ربك يوم يلمك أنت وبيجو واحمد علي الامام ويجيبو ليكم كضبكم دا

    بعدين انت قايل اي كلام بنسمعه بنكتبه هسع بيجو دا نحنا سمعنا عنه كلام من مصادر مستحيل تشك فيها ما قاعدين نقول كلام زي دا بيجو دا حاقد وقلبة أسود وبهــر في العفن الفي نفسه أنت ما تشيل هراره وتحوم بيه


    دا برضه ما منطق عيب ما كويس كدا ما صح زول كبير وعندك شنب وشيوعي ماركسي تقعد تباري بيجو وحريات وناس معقدين ومرضى نفسيين تتلقف اسقاطتهم النفسية وتفسحها ليهم فرحان

    بعدين تعال يا معاوية تعال نسعلك يا أخي أنت أخوانك الشوعيين ديل مالهم ما بجابروك

    حليل الشيوعين الزمان شويعين جد جد مش زي العندروت والمطوط الزيكم

    عمتنا أم جمعة بتعرفها كويس يا سلام يا معاوية مره بي ستين راجل ما بتتنسي ضحكتها المجلجلة وشلوخها حا أجيب ليك صورتها أم جمعة فاتت حد الخوف والاحترام وصلت المحبة أم جمعة أي زول بحبها وبتحب أي زول تصدق أعز صديق عندها كان عمك حاج مصطفى والد الطيب مصطفى ومحمد أخوه زمان الجبهجية كان بيجو ياكلو فول مع الشوعيين عندها المرحوم عوض دكام ما كان بمشي بيته لو ما غشى أم جمعة واتعشى معاها

    العم سعودي دراج الله يديه العافية بحري كلها بتعرفه تلقاه هسع ماشي بي كرعينه في شوارع بحري محترم مهذب وراسه مليان علم واخلاق ملايكة مابقول كلمة كعبة ولا حتى بكشر

    فتح الرحمن مانديلا طبعاً برضه بتعرفه سموه مانديلا لكترة اعتقالة تصدق مرة مرق من السجن مشى عزى واحد أمنجي في أخوه وقعد يبكى بكى مر

    ديل شوعين لب يا معاوية مش قشرة كضابين زيكم ، كمان جابت ليه شوعين حناكيش الايام دي الواحد ما عارف ماركس من لينين ولا عارف لنين قال شنو يجي يقول ليك حركة قرفنا ، قوم قرف يقرفكم
                   |Articles |News |مقالات |بيانات

03-31-2011, 10:07 AM

بدر الدين اسحاق احمد
<aبدر الدين اسحاق احمد
تاريخ التسجيل: 03-29-2008
مجموع المشاركات: 17164

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: نحن كده انتوا كيف ؟! (Re: عبدالعزيز حسين عبدالرحيم)

    Quote:
    العم سعودي دراج الله يديه العافية بحري كلها بتعرفه تلقاه هسع ماشي بي كرعينه في شوارع بحري محترم مهذب وراسه مليان علم واخلاق ملايكة مابقول كلمة كعبة ولا حتى بكشر

    فتح الرحمن مانديلا طبعاً برضه بتعرفه سموه مانديلا لكترة اعتقالة تصدق مرة مرق من السجن مشى عزى واحد أمنجي في أخوه وقعد يبكى بكى مر


    ديل شيوعيين من الزمن الجميل ..
    عمنا سعودى دراج خضنـا المعركة الانتخابية ضده فى 1986م مع أ. مهدى ابراهيم محمد ...
    كان الغالب من رؤيتنا كأعضاء فى الجبهة الاسلامية فى تلك الدائرة ان يترشح فيها عمنــا عباس حسن التوم ( المازون الشهير )
    لعوامل كثيرة منها ان الحزب الشيوعى قد اختار ابن بحرى الفاضل سعودى دراج مرشحاً عنــه .
    ولمكانة عمنا شيخ عباس حسن التوم فى بحرى ..
    وحين جاء قرار نزول مهدى ابراهيم اشفقنـا ولكن بعزم الرجال والنساء كان لهــا الفوز

    عبد العزيز حمداً لله على السلامة ..
    شاكر ليك نواياك الطيبة جداً تجاهــي ..
    يحزننى قدومك وانا على وشك الرحيـل لشواغل العلم والتعلم لشهور ..











    معاوية عبيد ( كلام عبد العزيز دا فيهو منطــق )

                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de