هناك اشاعات مغرضه ترددت مفادها انه جرت العاده في سودان الكفاءات العلميه ان تتم ترقية من يرغب الناس في التخلص منه .... ففي تقديري أنه يدخل في باب الظلم والتجني ان يقدر الناس إن ترشيح د. مصطفي عثمان اسماعيل مرده الي الرغبه في ابعاده عن الساحه السودانيه .. والي اين ... الي الجامعة العربيه فمن المعروف إن الدول العربيه علي ما تذخر به من مقدرات بشريه وماديه إلا إن انظمتها كانت دائما وابدا لا تجد من ترسله للجامعه العربيه إلا .. بقرا ..بعضها يمكن ان يوصف بالوحشيه او المتوحشه او المستوحشه ...والجامعة العربيه كما تعلم عزيزي القارئ .....يغلب عليها طابع ادبيات العنتريات التي ما قتلت ذبابه وعليه عزيزي القارئ فانني اري انه ليس من الغريب او المستغرب أن يكون الامين علي زريبة الجامعه العربيه...... بيطريا فياحبذا لو اجتمعت في المرشح ان يكون بيطريا و سياسيا او متسوسا .....فاذا توفرت في المرشح تلك الموصفات ....إضافة الي سوداني او متسودن وله القدره علي التسول حتي أن دعي الحال أن يلبس لكل حال لبوسها ....فلا مانع علي الرغم من إنني سمعت معلومه لست متأكدا من صحتها وهي ان د. مصطفي عثمان اسماعيل بيطري ... فلااعتقد ان المواصفات الاخري خصوصا التسول والقدره علي التلون تنطبق عليه اوتليق به وانا بطبعي ارفض ما يتناقله الناس اسفريا بدون دليل اوبرهان .. إضافة الي كوني لم اسمع عن د..مصطفي عثمان اسماعيل ما يشين فالي ان يثبت العكس فانا اعترض علي ترشيح د. مصطفي اسماعيل وفي تقديري انه إذا توفر للسودان مرشح تنطبق عليه المواصفات فانه من واجبنا ان نشجع ونساعد علي ترشيحه إذ سوف يكون بمقدورنا ... عن طريقه منفردا .. او بتوجيه من القياده السياسيه الرشيده ان يعمل الامين العام السوداني باصله ونرسل مرتزقه سودانيين لا يخشون في نصرة الدولار البترولي لومة لائم وليقوموا بمساعدة اخوانا الحكام العرب علي قهر شعوبهم من باب (انصر اخاك ظالما او مظلوما) والرفيق بالطبع يعرف وقت الضيق ... وما ضاقت إلا لفرج ..وفي هذا بعض الفوائد ... منها: 1. فتح باب الشهاده للشعب السوداني علي مصراعيه 2. تعليم شريحة الشباب الانضباط وتقديم فروض الولاء والطاعه 3. ايجاد فرص عمل للفاقد التربوي السوداني 4.التخلص من بعض الحركات الهامشيه ملحوظة : استدلينا في فهم (انصر اخاك ظالما او مظلوما) بشرح الخصوص المنقوص في شريعة النصوص لعام 2011
كتر خيرك يا محمد علي حسن علي الطله وعلي تصحيح المعلومه عشان كده انا كتبت انا غير متاكد البياطره هم خير السودان وخير اهلو .. ولو كان السودان اهتم بثروته الحيوانيه واهتم بمن يرعوها لما آل حالنا المايل الي ما آل إليه وعلي حد قولك طالما د. مصطفي عثمان طلع بتاع biochemistry في رأئي يبقي ماصالح لامانة الجامعه العربيه وحكاية العشرة الف روح طاهره وذكيه (اللهم ارحم كل من ازهقت روحه بظلم وعناد ) دي مصيبه والمصيبه الاكبر هناك كثير ممن اغتالوا المئات من الالاف ليجلسوا علي كراسي الحكم ويصولوا ويجولوا في العالم شرقة وغربه مدعين تمثيل اسر واهل ممن سفكوا دمائهم قاعدين متحكرين في كراسي الجامعه العربيه وفي غيرها .القرين بقرينه يعرف ...وبيني وبينك .البتقدم صفوف الشحادين ..حتي اكان كان لابس بدله وشايل باسبورت دبلوماسي برضو هو شحاد لنا ولشعب الشحادين الله شكرا علي المداخله وعلي التصحيح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد مصطفي مجذوب
محمد على حسن
فيس بوك
تويتر
انستقرام
يوتيوب
بنتيريست