|
تعال نوريكون الحاجات دي ,, (بوست (نحييف) جدا) ,,
|
اهداء الى دكتـوره صفيه (لانو البوست طلبتو طلب وسوري لو أتأخرتا عليكي) واهداء الى صحبتي الانتييمه ندى عثمان حسن (تكفيرا عن ذنب اقترفتو لوووول)
------- البوست عباره عن تجميع معلومات من مصادر عده , كتب , مجلات طبيه , مواقع مختلفه بالاضافه الى خبرات شخصيه , عشان كدا المصادر دايره ليها بوست براها لذا وجب التنبيه :)
|
|
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: داليا الكباشى)
|
عشـره مشروبـات لتخفيـف الوزن ,,
- منقوع الزنجبيل والكمون والشاي الاخضر والنعناع (بالذات لمنطقه الكرش) (تاق لي زول كدا) لووول - عصيـر الاناناس بالكيـوي
- الشاي الاخضـر ,
- المـاء المثلج ,
- الحليب خالي الدسم ,
- عصيـر الخضراوات ,
- القهوه بدون كافيين ,
- منقوع القرفه مع الشاي (تسبب نقص الشهيه)
- مشروب "جيليان مايكلز" الشهير لفقدان الوزن : ولتحضير المشروب : - 60 أوقية من الماء المقطر النقي. - ملعقة من السكر. - ملعقة من عصير التوت البري. - كيس شاي جذور الهندباء (مافي زول يقول لي دي شنو, موجوده في محلات العطاره) - معلقتا عصير ليمون. نخلط المكونات دي مع بعض , ونشرب منها شويه شويه لمده سبعه ايام , وحاتلاحظوا الفرق بوضوح ,,
- آخر حاجه نشرب مويه كتييره قدر ما نقدر , لانها بتحرق الشحوم وبتسرع الميتابوليزم (التمثيل الغذائي) ,,
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: داليا الكباشى)
|
تحياتي و سلام يغشاك يا صحبة
Quote: اهداء الى دكتـوره صفيه (لانو البوست طلبتو طلب وسوري لو أتأخرتا عليكي) واهداء الى صحبتي الانتييمه ندى عثمان حسن (تكفيرا عن ذنب اقترفتو لوووول) |
انا مش صحبتك برضو ليه ما بتعملي لي بوست ؟
طيب نجئ للجد :
Quote: - منقوع الزنجبيل والكمون والشاي الاخضر والنعناع (بالذات لمنطقه الكرش) (تاق لي زول كدا) لووول
- عصيـر الاناناس بالكيـوي
- الشاي الاخضـر ,
- المـاء المثلج ,
- الحليب خالي الدسم ,
- عصيـر الخضراوات ,
- القهوه بدون كافيين ,
- منقوع القرفه مع الشاي (تسبب نقص الشهيه)
|
أولا" الموية الباردة دي انا سمعت إنها من الاسباب القوية للكرش !!!؟؟ أها الحقيقة وين ؟ ثانيا" عصير خضروات يعني شنو و شنو ؟ حددي غايتو تنظير مني ممكن يكون عصير طماطم و جزر بعد ما تخلطيهم مع بعض تضيفي ليهم شوووووية بقدونس رأيك شنو ؟
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: heba Elmahi)
|
هبويه السكره (بعمل ليكي بوصط ياخ بس انتي اطلبي من عيوني زاتوو)
طيب بالنسبه للمويه المثلجه ,, في دراسه جديده اثبتت انو المويه المثلجه (عشره اكواب في اليوم) بتحرق حوالي 250 الى 500 سعره حراريه لانو الجسم بيحاول يعدل درجه الحراره حقتو(اللي سببتها المويه المثلجه) وعشان يعدل الحراره دي بيحرق السعرات الحراريه عشان يرجع الجسم لي درجه الحراره العاديه (37.4) ,,
بالنسبه لي عصير الخضراوات ,, غايتو الزول العمل الدراسه دي , قال انو اي خضار مفضل عندك تخلطو في الخلاط وتضيف ليهو بهارات وتوابل بتحبها وقال انو بنقص الوزن بصوره ملحوظه حسب دراسه لجامعه بنسلفانيا ,,
----------- بالمناسبه البوست دا مفتوحلاي اسئله تتعلق بالاغذيه السليمه .. يعني خليكي قريبه :) :)
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: محمد إبراهيم علي)
|
Quote: طيب بالنسبه للمويه المثلجه ,, في دراسه جديده اثبتت انو المويه المثلجه (عشره اكواب في اليوم) بتحرق حوالي 250 الى 500 سعره حراريه لانو الجسم بيحاول يعدل درجه الحراره حقتو(اللي سببتها المويه المثلجه) وعشان يعدل الحراره دي بيحرق السعرات الحراريه عشان يرجع الجسم لي درجه الحراره العاديه (37.4) ,, |
سلام يا دوكـ .. بوست لطيف جدا .. لكن عندي سؤالين الموية المثلجة دي .. يعني موية باردة شديييييييد لأنو بالجد ما قدرت أفهم بعدين الموية الباردة شديد دي بتعمل وجع حلق وإلتهابات .... إلخ من أعراض الانفلونزا؟؟؟
السؤال التاني دايما بنسمع في البرامج بقول ليك ما عارف الستدوتش ده فيهو كم سعرة حرارية والجسم ما بحتاج لكل هذه السعرات فلازم تحرق كم سعرة حرارية عشان ما يحصل ...... إلخ إلخ
السؤال هو .. يعني شنو سعرة حرارية وكيف بقدر أعرف الأكل القاعد آكل فيهو ده فيهو العدد المثالي من السعرات الحرارية
وشكرا جزيلا
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: محمد عمر جبريل)
|
لك التحية الدكتورة داليا على هذا الجهد المقدر ونسال الله ان يجعله في ميزان حسناتك ،، بس كدي جاوبي على سؤال أخونا محمد ده علشان تعم الفائده ،،
الموية المثلجة دي .. يعني موية باردة شديييييييد لأنو بالجد ما قدرت أفهم بعدين الموية الباردة شديد دي بتعمل وجع حلق وإلتهابات .... إلخ من أعراض الانفلونزا؟؟؟ (( لزوم الحلق والعدادات يا دكتورة )) لوووووووووول
تقبلي سلامي وإحترامي ،،،
ياسر العيلفون
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: محمد إبراهيم علي)
|
سلام يا دكتورة
اولا الكلام سهل لكن التنفيذ صعب جدا( أسأل مجرب)
حكاية الموية دي صحيحة وخصوصا لو قدرتوا تشربوا كبايتين موية قبل الاكل ما بتخليكم تاكلوا كتير
وعندي اضافة صغيرة لحرق الدهون وهي سريعة جدا وهي عبارة عن شوربة مكوناتها كالاتي
اسمها شوربة F.B.S
طريقة إعداد الــ F.B.S
6(حبات ) كبيرة من البصل الأصفر . (2 حبة) فلفل أخضر . علبة أو علبتان طماطم معصورة أو مايعادلها . حبة كرنب ملفوف . حزمة كرفــس .
• ثم يوضع ما سبق بعد تقطيعه وتجهيزه في وعاء كبير مع الماء ويمكن إضافة خليط شورة ماجي ويترك ليغلي لمدة 45 دقيقة . • يمكن إضافة (ملح،كاري ، صلصة حارة ) ، حسب الرغبة ,وبالهنا والنحافة
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: داليا الكباشى)
|
بالنسبه للمويه المثلجه فهي المويه المثلجه Iced water مويه باااارده شدييد لمن وش الكبايه فيهو تلج ! بالنسبه للاتهابات والانفلونزا وكدا , فااا ممكن تتشرب شويه شويه عشان الحلق ما بتعرض للماء البارد دفعه واحده , وبعدين يعني انا وناس بيتنا غايتو ما بنشرب الا مويه بااارده خالص وفي ناس ما بتنفع معاهم ,, بعدين يعني انتو كووول المشروبات العشره ديل ما عجبوكم عجبتكم المويه المثلجه دي بس ؟؟ غايتو جنس غايتوو
شوفوا تجربه أخو مريومه الشاطره .. خير برهان :)
سلمى تاور .. غايتو بس الله يديكي العافيه .. أختاري ليكي واحد تاني ما تخلي البيت كلو وتقعدي في أوضه واحده
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: داليا الكباشى)
|
Quote: والله ياتامبا بقيت مثقف مافضل ليك الا تقول ماباكل السمك لانو الزيت والكلسترول والحنك البيش داك طبعا موية فاترة دي كان شرحتها لي مابفهمها ليك |
والله يا بهاء .. زي ما عارف جني وجن حساب السعرات وحبة عند اللزوم .. وحقنة بالوريد .. والحركات دي .. لكن لقيت ليك الحتة بتاعت الموية الفاترة دي قلت احتمال تخدم موضوع البوست دا من ناحية .. ومن ناحية أخرى ترميها لي ناس ود الصايم وابو حسين دا ويا حبذا لو جا اساسي .. وبعض الرجرجة .. ترميها ليهم كدا طاخ .. تخليهم يتلفتو طبعا يا بهاء تم ذكر الطقم اعــلاه .. لانهم من قبيلة (كرشنــا) .. يعني وصلو مرحلة كدا لا موية فاترة ولا موية ترمس ما بتعمل ليهم حاجة ..
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: tmbis)
|
Quote: مرة انا كنت عاملة رجيم وهو قال معاي جبت الغدا ختيتو بعد ما اكل قال لي (ده الرجيم الغدا وينو؟)
|
لوووووووووووووووووولز سامية والله يا سامية قطعتي مصاريني بالضحك ابو حسين بالغت فوكا دي يا خوي والله صحي ذكرتني نكتة اهلنا اهل العوض مشوا سيرة البندر ونحن اهل العوض معروفين عيزوماتنا في الحلال غديات ساااااااااي بالصواني الكبار اها اهلنا ديل مشوا سيرة البندر والعشا كوكتيل اجارك الله لوولز الحاج جابولو صحن كوكتيل اكلوا وعاين للجمبو قال ليه والله كريمين علا صحنهم ده دحين ما بحمينا العشا ؟ لوووولز
دلوش إزيك مشتاقون والله
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: ابو جهينة)
|
** الأُستاذ ابو جُهينه.. ** صباحك خير.. ## واحد عندو عقد بتو فى السودان وهو رتبة كبيره فى الجيش ,, ادا واحد جاى الإمارات مية دولار وقال ليهو جيب لى كرتونتين كـيـوى ,, صاحبنا أشترى الكرتونتين من الفوق دا ولون واحد أسود..
## لما سألوا وين الكيوى أداهو الكرتونتين ,, صاحبنا ضحك وقال ليهو :- وقت ماعرفت أنو فاكهه جايب دا كلو لون واحد لى .. ** قال ليهو :- هو البوت بتاع الجيش غيرو لونو..
** د. داليا.. ** سلام.. ## والله الحاجات دا الواحد يبداها أول يوم تانى يوم تالت يوم الله معاها.. (ودام الود بين الجميع) (ابو محمد فؤاد)
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: داليا الكباشى)
|
Quote: - مشروب "جيليان مايكلز" الشهير لفقدان الوزن : ولتحضير المشروب : - 60 أوقية من الماء المقطر النقي. - ملعقة من السكر. - ملعقة من عصير التوت البري. - كيس شاي جذور الهندباء (مافي زول يقول لي دي شنو, موجوده في محلات العطاره) - معلقتا عصير ليمون. نخلط المكونات دي مع بعض , ونشرب منها شويه شويه لمده سبعه ايام , وحاتلاحظوا الفرق بوضوح ,,
|
دكتورة داليا بت الكباشي شكلك كدة دخلتي عالم التسويق وخليتي الدكترة
كان دايرة تدخلي العالم ده من أوسع أبوابه أسألي تمبوسي..... وكان عمل ليك ناسي أسألي عمك الشايقي..... وأنسي الضبح الموعود!!!!!! بقيت أخاف منك يا بتي (بت تضبح عمها...!!!) ممكن يكون مانشيت لرفع توزيع صحيفة ما.....
الشايقي http://www.youtube.com/watch?v=WjNosdjuv7s
[email protected] http://alkatwah.com
.
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: Al-Shaygi)
|
عمـو الشايقي , البوست طبي - علمي بحت ياخ التسويق محلو وين في البوست دا ما عرفتو ,, انت شايف حاقه انا موش شايفاها ؟؟ :)
عمو عبدالكريم الما كيكي , ياهو كلام الريس ابو جهينه في محلو كان كدي , وبعدين صاحبكم دا ما لقى الا الورنيش يقطع ليهو البحر؟ ياخ الخرطوم اكتر من بتاعين الورنيش الله ما كتر فيها :)
مورتا ,, انت داير تنقص وزنك ؟؟ عشان تتلاشى يعني ولا شنو ؟؟
ناس كنبه ورا , ابو حسين ومرتو وسوما وود الصايم وصبري وزميل البورض .. احسن ليكم تنضبطوا عشان ما اوقفكم مع الحيطه ! جيب الصووط يا ولد !
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: داليا الكباشى)
|
التغذيه عند مرضى ضغط الدم المرتفع ,, الأهـداف ,,
- تقليل مستوى الكوليسترول في الدم - تغيير العادات الغذائيه ,,
- تقليل المـلح (معليش يا زهير)
- النظام مستمد من نظام غذائي يسمى (المنطلقات الغذائيه للحد من ضغط الدم المرتفع Dietary Approaches to stop Hypertension DASH)
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: داليا الكباشى)
|
10 نصائح لتغذيه سليمه عند مرضى ضغط الدم المرتفع ,,
- تناول الدجاج والسمك والبقوليات اكثر من تناول اللحوم (يعني ما بالضروره الامتناع عن اللحوم بس نقلل منها)
- تناول الحليب ومنتجات الالبان قليله او منزوعه الدسم بدلا من الكامله الدسم ,
- تناول الخضراوات والفواكه الطازجه بدلا من الوجبات الخفيفه (السناكس) المالحه والحلوه أو الحلويات ,
- تناول الخبز والمكرونه الغنيه بالكربوهيدرات المصنوعه من الحبوب الكامله بدلا من المصنوعه من الدقيق الابيض ,
- تناول الفاكهه بدلا عن عصير الفاكهه ,
-استعمال الدهون غير المشبعه في الطهي : زيت الزيتون, فول الصويا , زيت الذره وعباد الشمس بدلا عن الزبده وزيت النخيل وزيت جوز الهند ,
- تناول المنتجات الغذائيه الطازجه أو المجمده بدلا عن المعلبه والمعالجه صناعيا ,
- تناول الاغذيه التي تحتوي على القليل من الصوديوم :يعني استعمال الاعشاب والبهارات والخل بدلا عن الملح ,
- عدم اهمال وجبات الطعام , الافطار على وجه الخصوص , ويفضل تناول ثلث السعرات الحراريه اليوميه في وجبه الافطار ,
- من الممكن تدوين كل ما تتناوله يوما بعد يوم لمده اسبوع وعرضها على اختصاصي تغذيه .
| |
|
|
|
|
|
|
Re: تعال نوريكون الحاجات دي ,, (بوست (نحييف) جدا) ,, (Re: معاوية المدير)
|
شوف عيني دي، بِتْ إبراهيم، رَهَفَتْ مديدة الدُخُن وسقتا ايسب*
الطريقة: - حله أُم إضْنين - كُمْشه
- دقيق دُخُن (كُباية شربات كبيرة) - لبن كامل الدَسَمْ (أربعة كبابي شربات كبيرة) - سُكر (كُبايتين - كبابي عُثمان حِسين) - سمِن (كُباية - كبابي عُثمان حِسين)
ورَهَفَتا لِلجنا، بعد ما المديدة نِجْضت تااااني بِلبن
ـــــــــــــ ايسب بالعربي يوسُف (عمرو 7 شهور)
| |
|
|
|
|
|
|
|