|
آآآآآآآآآآآآآآآآآآه يا صفية ، آآآآآآآه يا خيّــــه
|
بتعرفو صفية ؟؟؟
صفية ....
صفية البت العايزة الحاجات تبقى كويسة
عرفتوها ، مش ؟؟؟
صفية البت الشايلة لون ، شايلة ورقة
شايلة قلم رصاص ، الرصاص الكويس البرسم و بكتب
ما الرصاص الكعب البكتل
صفية البت الرسمت بكرة
بي لون اخضر
صفية البت الرسمت امي ، اختي
صفية البت الرسمتني
صفية البت
العايزة الحاجات تبقى كويسة
*********************************************
صفية ما عارفة
انو الكلاب
ما عايزين الحاجات تبقى كويسة
صفية ما عارفة
انو الكلاب
عايزين لون بكرة يكون اسود
صفية ما عارفة
انو الكلاب
بكرهو صورة امي ، اختي
و بكرهو صورتي
صفية ما عارفة
انو اهلنا مساكين
و لسة بخافوا من الكلاب
********************************
الكلاب سعرانة
بتحب الدم
قطّعوا صفية
قطّعوها و شربوا دمها
كلــب ، ورا كلــب ، ورا كلــب
و صفية لسّــــــة
ماسكة الريشة
و بدمها السال كتبت :
عشان الحاجات
تبقى
كويسة ...
|
|
|
|
|
|
|
|
Re: آآآآآآآآآآآآآآآآآآه يا صفية ، آآآآآآآه يا خيّــــه (Re: سلمى تاور)
|
عرفتو صفية ؟؟؟
صفية ... امي
اللبست توبا الابيض
و شالت طبشيرة
و كتبت
عشان الحاجات تبقى كويسة
صفية ... سامية اختي
سامية العلمت الشفع
وطنا الباسمك كتبنا و رطنا
و غنوها سوا
عشان الحاجات تبقى كويسة
صفية ... سوسن
سوسن اختي البتشيل ريشة و الوان
و بتحب اللون الاخضر زي صفية
و بترسمنا و بترسم بكرة و بترسم السودان
مليون ميل مربع
عشان الحاجات تبقى كويسة
صفية ... انا
انا ...
العايزة الحاجات تبقى كويسة
| |
|
|
|
|
|
|
Re: آآآآآآآآآآآآآآآآآآه يا صفية ، آآآآآآآه يا خيّــــه (Re: سلمى تاور)
|
هــــــــــــل اتاكم حديث الصفية القوية
Quote: انا دايره اوصل رسالة لأي بت اتعذبت دايره اقول ليها انو تكون قوية تصمد .. من اجل النضال.. من اجل انو الوضع يتغير لازم انحن نضحي فالحاجات هي ما ساهلة لكن الناس تصبر وانا بفني حاوصل رسالة حالون وحاعمل معارض عن المواضيع البتهم المرأة
انا بشكر الناس كلهم الوقفو معاي وحابقى قوية عشان الحاجات تبقى كويسة
|
تحياتى سلمى تاور
| |
|
|
|
|
|
|
Re: آآآآآآآآآآآآآآآآآآه يا صفية ، آآآآآآآه يا خيّــــه (Re: سلمى تاور)
|
يا مدثر......... يا مزمل يا مزمل صمتك .. أهتف ... أنسف كل سكاتك قول عبِّي لهاتك و أعرف .... كيف كلماتك تبقي رسول
يا مدثر أنو ضراك الزيف ,,, بتخدع نفسك قِيم الليل بي شاهق .... حسك لسانك طهـِّر ..... أطرد منك معني بدسك ماك مسيطر يا مدثر يوم الخوف بي وجعوا ...... بمسّك
ما تتدثر و لا تتحسر فاكر زيفك ما بتفسر ؟ فاكر الوهم الساكنك جوة بفضل حاضنك وما بتكسر ؟ أكشف حال الزيف في السكة أخسف أرض الخوف و أنفكّ يا مدثر ولست عليهم يوم بمسيطر !
يا مزمل أوعك تهمِل أنوا غطاك الوعد الهسة حاول جمِّل كل مداخلك المارق منك ما بتدسّي يا مزمل وهم الفكرة ما تتغابي الشمس البكرة و أفهم أنو صباحك لسة !
يا مدثر محلك غيمة باكر تلقي المطرة نشاف يا مزمل موجة و شيمة بتحلم تبقي الموية ضفاف
يا متلحِّف وهمك وهمك ظلمك يا متخوِّف ألمك زيفك ألمك ما تتضارا ورا مقداف شايف جُزراً ما بتنشاف
يا مزمل ........ يا مدثر
يا متوكل علي لادينك ... دينك ما تتخيل أنو يقينك مارد حرفاً باقي سجينك يا متباكي علي ميتينك ... دينك دينك ممشي و خطوة عديلة دينك شعلة تبُق في سنينك
يا مدثر ......... يا مزمل يا مزمل وهم الممشي ما تتغشي يا متوهِّم أنو المنية كلام مصرور في قافية وغنية تعتِّر ليك أنشاء الله القشة لا بتجيك مبتسمة الدنيا ولا فد غنية
ياخي تجيك أنشاء الله الكشة !
يا مزمل .......... يا مدثر
| |
|
|
|
|
|
|
Re: آآآآآآآآآآآآآآآآآآه يا صفية ، آآآآآآآه يا خيّــــه (Re: مها عبد الله)
|
بسم الله الرحمن الرحيم
منظمة الاسرة بواشنطن بالتعاون مع
اتحاد الصحفيين
الجالية السودانية لأبناء جنوب السودان
رابطة ابناء النيل الازرق
المنبر الديمقراطى
الجمعية السودانية لحقوق الانسان
ناشطيين حقوقيين من منطقة واشنطن الكبرى ومن ولايات امريكية اخرى اعلان يوم 5 مارس من اجل صفية ومن اجل جميع ضحايا الاغتصاب فى السودان وتسليط الضوء على ظاهرة الاغتصاب
ويحتوى البرنامج على كلمة المنظمة كلمات المنظمات الاتحادات المشاركةالمشاركة جلسة حوار بمشاركة الطبيبة دكتورة شذى بلة والحديث عن الاثر الطبى على ظاهرة الاغتصاب
القانونى الاستاذ عفيفى عوض الكريم للحديث عن المادة 149 من القانون الجنائى السودانى واثرة على اثبات حادثة الاغتصاب
ومداخلة من الاستاذ الاكاديمى عبد الرحيم محمد صالح للحديث عن اثر الاغتصاب على الاسرة والمجتمع ومزيدا من التفاصيل لاحقا
| |
|
|
|
|
|
|
|