|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
حتى اللحظة لا اجد تفسير لدخول احمد الصادق بهذه الطريقة الغريبه وماهى الرسالة التى اراد ان يرسلها لمعجبيه ؟! لقب الامبراطور الذى منحه بعض الشباب لاحمد الصادق لايعطيه الحق فى الدخول اليهم بهذه الطريقة المستفزة التى لا تتناسب مع جمهور كبير احتشد من اجل الاستماع اليه وليس من اجل التقليعات العجيبه التى ظهرت مؤخرا،، فلايمكن ان يكون الجمهور هو حقل تجارب لهذه الاعمال الصبيانية التى توضح مدى الاستهتار والنظرة الضيقه لبعض الفنانين الشباب بالجمهور ..
اعتقد ان هذه التقليعة فيه كثير من النرجيسية وهى طريقة تؤكد ان احمد الصادق يحس بان اسهمه بدات تتراجع وخصوصا بعد قانون المصنفات الذى منع عنه كثيرا من الاغنيات المسموعه التى اوصلته بسرعة الى قلوب الشباب فاراد ان يثبت انه امبراطور بطريقة الجلوس على الكرسى ومحاولة التشبث به ... غنى وردى وعثمان حسين والكاشف وحسن عطية واحمد المصطفى والكابلى ولم يدخل احد على جمهوره وهو محمول على كرسى وطبعا لاتوجد مقارنة فى الفن انما هى المقارنة فى احترام الجمهور ،، لقد جلس وردى فى حضرة جماهيره على الارض وامتنع احمد المصطفى عن رفع رجله امام الجمهور حينما كان يمسك العود ويحتاج ان يستند عليها ،، انحنى الكابلى وانحنى ود اللمين وجلس مصطفى سيد احمد على ارجله كى يحى جمهوره وهو يغنى فبالله عليك يا احمد الصادق من انت حتى تاتى الى الجمهور وانت محمول على كرسى ؟؟؟ احمد الصادق لقد اخطات فى حق جمهورك مهما كانت دوافعك
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: البحيراوي)
|
يا قرجاج سلامات يا رجل,,
معقولة يا قرجاج تدخل أحمد الصادق فى مقارنة مع وردى وجيله!!!!!!!!!! أمثال أحمد الصادق حدهم كم خريف وبعده بمشو الكنب لأنهم أصلا قاموا على اسس غير سليمة أبدا زيادة على زمن الغفلة والخواء القامو فيهو دا,,,
قال هو إمبراطور نصبتو الجماهير ووردى أمبراطور نصب نفسو براه!!!!
شكلو قصة الشيل دى موضة بس صاحبك دا الله مرقو وإلا كان لحقو رشا وعيدى أمين,,,
تحياتى,,
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: صبري طه)
|
حمد تحياتى
Quote: تعيش كتير تشوف كتير جدا
اللهم لا تمحنا ولا تبلينا
دا لو كان في العهود النيرة
كان جدعوا بالحجارة والكراسي
وبعد دا كلو يجي يغني غناء الناس الكانوا بجوا للمسرح بالمواصلات |
اللهم لاتمحينا ولاتبلينا شى غريب والله انا ياحمد مستغرب الجمهور استحمل منظر زى ده كيف؟ والفنانين الكانوا بيجوا باالمواصلات هم من جعلوه مطرب له جمهور (ده اسمو الغرور فيما لاتملك محبتى الاكيده
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: خالد درق)
|
Quote: دخل الفنان احمد الصادق الى الحفل بالمسرح القومى امس الاول وهو محمول بواسطة اربعه من اعوانه على كرسى السلطان وقد اثار هذا التصرف استغراب كثير من الجماهير التى احتشدت من اجله |
يامدثر حسين الصادق كان افضل حالاً من أحمد لانو جاء خاشى المسرح بونيش .. الونش كان واقف برا المسرح طلع فيهو ورفعوهو فوق الحيطة ..
فتأمل على قول ملاسى ..
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مزمل خيرى)
|
الخ مدثر تحياتي
Quote: غنى وردى وعثمان حسين والكاشف وحسن عطية واحمد المصطفى والكابلى ولم يدخل احد على جمهوره وهو محمول على كرسى وطبعا لاتوجد مقارنة فى الفن انما هى المقارنة فى احترام الجمهور ،، لقد جلس وردى فى حضرة جماهيره على الارض وامتنع احمد المصطفى عن رفع رجله امام الجمهور حينما كان يمسك العود ويحتاج ان يستند عليها ،، انحنى الكابلى وانحنى ود اللمين وجلس مصطفى سيد احمد على ارجله كى يحى جمهوره وهو يغنى فبالله عليك يا احمد الصادق من انت حتى تاتى الى الجمهور وانت محمول على كرسى ؟؟؟ احمد الصادق لقد اخطات فى حق جمهورك مهما كانت دوافعك |
اصلا يا مدثر يا اخوي لا يوجد وجه للمقارنة بين هؤلاء وهذا
والغلط ما منو الغلط من الشباب السوداني لانهم هم البخلوهم إطلعوا للناس فوق راسهم هسه جنس الاسم ده (الإمبراطور )
اطلقوهو عليهو على اساس شنو ؟هو إشتهر باغاني العمالقة وإتسلق على اك########م وبسهولة بقى إمبراطور عشان كده ليهو حق إعمل اكتر من كده
ــــــــــــــــــــــــــــــــــــــــــــــ اها الجمهور ردة فعلوا كانت كيف ؟ (انا متأكدة قابلوهو بالتصفيق والصفافير)
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: ASHRAF ABUELHASSAN)
|
Quote: الموضوع يعبر تماما عن مدي الاسفاف والانحطاط الذي وصل إليه بعضنا |
سلام الاخ مدثر لك التحية ولزوارك الكرام ده تصرف لا يحدث إلا من جاهل وفي جهله نوع الجهل المركب الناس دي ما فاهمة شنو معنى الفن وشنو معنى الرسالة المفروض تكون في عاتق كل فنان مش هم يكونوا في عاتق الجمهور يطوف بيهم وشوفوني انا الإمبراطور!!!! سقط سقطة لن يقوم منها مدة ماهو عايش !!!! البزعل في الموضوع الناس الجايين شايلنوا ديل !!! سبحان الله ده تخلف ما حصل في اي بلد من البلدان الفيها البدع ,, قال أحمد الصادق قال !!!! بالله ارحمونا يا اولاد الصادق !!!!
شكرا الخ مدثر قرجاج ,,,,
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: اسماء الجنيد)
|
Quote: زولا عاقل يكلم مطربين اخر الزمن ديل ..شيل الاربعه الفوق الكتوف ده ..يا مظاهره ..و يا جنازه والاتنين بلحقن امات طه |
ههههههههههههه قويه دي ياجماعة مالكم على الشباب صراحة انا اتكيفت جدا من طريقة احمد الصادق لازم الواحد يعمل شو لنفسة شويه واعلام ود قرجاج واسماء الجنيد براحة على الشباب عشان تقدروا تعبروا للجيلين في طريقة كتاباتكم وقصائدكم معناها انتو فاصلين نفسكم تماما من الجيل الحالي وهذه هي طريقة تعبير كل الجيل الحالي ويجب نعطيهم فرصة يحاسبوا نفسهم كما حاسبنا نفسنا الان ووجدنا كل ماكنا نفعلة زمان كان نوع من العباطه والهبل ...
--------------- تحياتي ود قرجاج و لكل ضيوفك
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: عبدالله السفاح)
|
ايمن تحياتى
Quote: معقولة يا قرجاج تدخل أحمد الصادق فى مقارنة مع وردى وجيله!!!!!!!!!! أمثال أحمد الصادق حدهم كم خريف وبعده بمشو الكنب لأنهم أصلا قاموا على اسس غير سليمة أبدا زيادة على زمن الغفلة والخواء القامو فيهو دا,,,
قال هو إمبراطور نصبتو الجماهير ووردى أمبراطور نصب نفسو براه!!!!
شكلو قصة الشيل دى موضة بس صاحبك دا الله مرقو وإلا كان لحقو رشا وعيدى أمين,,,
تحياتى,, |
طبعا يا ايمن من المستحيلات اعقد مقارنة بين وردى واحمد الصادق لانو المقارنة اكتر من منعدمه واظن انه لو جلس فطاحلة العالم فى الغناء لايستطيعون ان يجدوا ولو شى صغير لمقارنة امبراطور افريقيا بالزول الشايلنو ده وفرحان كمان ...لكن يا ايمن انا قصدته احترام الجمهور هو زاتو صفة لايمكن ان تتوفر عند اى زول فالذين يقفون امام الجمهور ويقدمون مختلف الفنون يجب ان يضعوا نصب اعينهم الجمهور مهما كان ... طبعا وردى لايزال جيله القديم موجود ومايزال يحظى بحب كل الشباب يعنى وردى فنان صالح لكل زمان ومكان عشان كده لازم يحترم هذا الجمهور لان من بينهم من يستمع الى وردى وغيره من العمالقة ... والله انا قصة الشيل البقت حايمه فى البلد دى ماعارفه جات من وين ؟!!! بس يورونا المصدر محبتى الاكيده
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: عبدالله السفاح)
|
ايمن تحياتى
Quote: معقولة يا قرجاج تدخل أحمد الصادق فى مقارنة مع وردى وجيله!!!!!!!!!! أمثال أحمد الصادق حدهم كم خريف وبعده بمشو الكنب لأنهم أصلا قاموا على اسس غير سليمة أبدا زيادة على زمن الغفلة والخواء القامو فيهو دا,,,
قال هو إمبراطور نصبتو الجماهير ووردى أمبراطور نصب نفسو براه!!!!
شكلو قصة الشيل دى موضة بس صاحبك دا الله مرقو وإلا كان لحقو رشا وعيدى أمين,,,
تحياتى,, |
طبعا يا ايمن من المستحيلات اعقد مقارنة بين وردى واحمد الصادق لانو المقارنة اكتر من منعدمه واظن انه لو جلس فطاحلة العالم فى الغناء لايستطيعون ان يجدوا ولو شى صغير لمقارنة امبراطور افريقيا بالزول الشايلنو ده وفرحان كمان ...لكن يا ايمن انا قصدته احترام الجمهور هو زاتو صفة لايمكن ان تتوفر عند اى زول فالذين يقفون امام الجمهور ويقدمون مختلف الفنون يجب ان يضعوا نصب اعينهم الجمهور مهما كان ... طبعا وردى لايزال جيله القديم موجود ومايزال يحظى بحب كل الشباب يعنى وردى فنان صالح لكل زمان ومكان عشان كده لازم يحترم هذا الجمهور لان من بينهم من يستمع الى وردى وغيره من العمالقة ... والله انا قصة الشيل البقت حايمه فى البلد دى ماعارفه جات من وين ؟!!! بس يورونا المصدر محبتى الاكيده
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
طبعاً اللقطة دي ما أتعرضت في النيل الأزرق و ما شفتها لكن بخلاف ذلك الزول ده غني بصورة جميلة جداً و يبدو إنو عندو جماهيرية كبيرة و متنوعة كبار و صغار و رجال و نسوان و كانت بتشيل معاهو و حافظها أغنياتو الخاصة
* عن اللقطة نفسها فمع أنها تحدث كثيراً خارج السودان لكن أعتقد أن الوضع في السودان به بعض الخصوصية التي لا تتناسب مع مثل هذا الدخول للمسرح
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: Dr.Elsadig Abdalla)
|
تصرف جهلاء مستجدي نعمة
والله كنت اطرب لصوته الجميل ولا اظنني بعد اليوم اجرؤ ان استمع له لانه اصلا لم يصل لمرحلة فنان عندي بعد... فقط استمع له لان صوته جميل والفنان كم متكامل من الاخلاق.. ما فعله هذا الاحمد لا يمت للاخلاق ولا للفن بصلة.
الشي التاني الداير انبه ليهو انو مجتمعتنا السوداني وفي الاوساط الشبابة تحديدا قد انتهتكت ثقافته واهترأت ووهنت بشكل مخيف... وما احمد الصادق الا وليد لهذه الثفافة التي هي جزء اصيل من تركيبته المعرفية الضحلة.
كان الله في عون الفن.
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
يقال إنو قبل كده احمد الصادق جا لافي غلط بي عربيتو وقفل ليهو زول في الزلط المهم احمد الصادق فوق غلطو نزل كمان يشاكل في الراجل في نص المشاحنه احمد الصادق قال للزول : يازول انت ماعارفني انا منو ؟ ! داك قاللي مابعرفك قاللي لو ماعارفني اسال بتك الراكبه معاك دي والراجل طلع لواء في الجيش طوالي رفع ليك احمد الصادق حلق ليهو صلعه
شخصياً ماقاعد استمع ليهو اطلاقاً
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
سامية تحياتى
Quote: اصلا يا مدثر يا اخوي لا يوجد وجه للمقارنة بين هؤلاء وهذا
والغلط ما منو الغلط من الشباب السوداني لانهم هم البخلوهم إطلعوا للناس فوق راسهم هسه جنس الاسم ده (الإمبراطور )
اطلقوهو عليهو على اساس شنو ؟هو إشتهر باغاني العمالقة وإتسلق على اك########م وبسهولة بقى إمبراطور عشان كده ليهو حق إعمل اكتر من كده
اها الجمهور ردة فعلوا كانت كيف ؟ (انا متأكدة قابلوهو بالتصفيق والصفافير) |
طبعا ياسامية فكرة المقارنة فى نفسها لاتوجد وشتان مابين العمالقة وناس شيلنى وشيلك ديل ،، والله انا متفق معاك فى انو الشباب كتر الاعجاب شويتين وعمل منهم شى ضخم لحدى ماجا اليوم البقوا يجو للجمهور بالكراسى وبالونش يعنى خلاص قمة الغرور والفهم الضيق والغباء ... يعنى لو احمد الصادق مفتكر انو الحركة دى حاتضيف ليه شى حايكون غبى لانو الحركة دى خصمت منو ؟ وانا متاكد انو احمد الصلدق مثل الفقاعات سرعان ماستتلاشى ..
الجمهور طبعا فى ناس قابلت الحكاية بالتصفيق لكن الواعين اكيد حايكون زعلوا وياريت لو كان عملوااى حركة يستهجنوا بيها هذه الافعال التى لاتليق بنا لانو كان مفروض تكون فى ردة فعل سريعه لهذا الاستفزاز مودتى
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
Quote: ود قرجاج واسماء الجنيد براحة على الشباب عشان تقدروا تعبروا للجيلين في طريقة كتاباتكم وقصائدكم معناها انتو فاصلين نفسكم تماما من الجيل الحالي وهذه هي طريقة تعبير كل الجيل الحالي ويجب نعطيهم فرصة يحاسبوا نفسهم كما حاسبنا نفسنا الان ووجدنا كل ماكنا نفعلة زمان كان نوع من العباطه والهبل ... ] |
ياوليد انشالله طيب
والله ياوليد باقى ليك فى زمن عشان ننتظر الناس تغلط وننتظر كمان لمن يفوقوا ويصححوا الاخطاء ،، ياوليد يا صحبى انت ما متفق معاى انو الزمن اتغير ونحن زمان لم نخطى بهذا الاسفاف وان كانت لنا غلطات فهى هفوات تحدث غصبا عننا ,, واذا فوتنا مثل هذه الاستفزازات وقلنا نديهم فرصه صدقنى بعد فترة ممكن يجونا على بساط الريح وممكن يرفعوا لينا الجزم بتاعتم يرد لينا بيها التحية،، ده ياولى زمن معالجة الاخطاء ومعالجتها بقسوة وعبر الوسائط الاعلامية المختلفة مفروض نستغلها لردع امثال هؤلاء المستهترين المفترين القايلين الغناء فلفلة شعر وظهور على كرسى ومعجبات يدخوا ليهم تحت رجلينهم ....
انا مؤمن انو امثال احمد الصادق لايمثلون كل هذا الجيل لان لو كان امثال اولاد الصادق هم طليعة الجيل الجديد فعلى السودان الف سلام ..انهم فقط عصبة صايعه مصابه بعقدة الشهرة لكن الجيل الجديد فى مجمله يوجد به كثير من العقلاء الذين نؤمن انهم فى يوم ماء سيقلبون الطاولة ويدهشوننا بما لانتوقع ... محبتى الاكيده
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
تعرف يامدثر شباب الجيل الحالي وما وصلوا اليه الغلط مننا نحن ويجب علينا لانلومهم مفوض الاجيال السابقة هي التي تبني وتمهد الطريق للاجيال الحاضرة كلامك جميل وفعلا هذا الجيل عايش حالة بتاعت توهان وضالي طريقة لذلك يجب ان نحزن عليهم ونلوم انفسنا دفنا راسنا كثير في التراب ولم ننظر الى قضاياهم ومايتعرضون اليه من كبت ومن اغتصابات وحاجة وفقر ولا نعمل على معالجتهم بتمهيد الادوار التي يمارسونها بعلمية وفهم وتطور للاسف تركناهم يعيشون بطريقتهم ويحلون مشاكلهم بنفسهم من غير دليل وراشد وهذا نفس المنطق الذي قامت علية ثورة مصر بعد ان مل الشباب الحال المايل الذي كان يعيشون علية فكان علية لابد ان يثور مدثر بالجد وكلامك جميل جدا في اشياء كثيرة وحال مايل في الشارع السوداني يجب الناس تقف عليه حتى يخرج جيل معافى من الامراض الحاصله
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: Hadia Mohamed)
|
Quote: والله انا شايف المشكلة ما فيهو المشكلة في الشايلنه ديل . |
غايتو الشايلنو ديل انا ماعارف اقول فى حقهم شنو نفسى افتح معاهم حوار مباشر يقولوا لى الاسباب التى من اجلها شالوا الزول ده شنو ..اسباب مادية ولا من قبيل الاعجاب ولا من قبيل ال..... يعنى احمد الصادق ده ممكن بعد كم سنة يطلع ليه كتاب يسميه (رجال تحت اقدامى) حالتنا منتظرين شباب الغد وشباب الثورة وين الشباب عشاء البايتات وين جبل الضراء وين البسل ضرعاتو فى العرضه يقابل الجايه متحزم ويدارك الجايه متلزم ...ربنا يلطف بيناوحانتمسك بالامل ونقول انو فى جيل للتغير مش جيل بشيل الرجال من الواطه ويضحك كمان ..غايتو ؟؟!!
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
Quote: عربيتي فيها: عقد الجلاد الكابلي والبلابل فيروز حنان النيل البلابل زيدان نانسي عجاج الترتيب ليس حسب الأهمية، لكن لمن يركبو معاي خواجات بتعجبهم حنان النيل أكثر |
سلام للجميع
لكن لقيتك قديم قدم لا حول الله
المهم
بصراحة على الرغم من انه رايي قد يبدو مشاترا ولكن النصيحة لالله الود غناي صوته رهيب والشباب مجنون بيه وبما اننا نندعم ثورة الشباب يجب ان ننظر لما يحبون من غير تعالي او تقليل
اما قصة انه يشيلوه او يظهر بغير ما هو مالوف ففي دنيا الفنانين على مستوى العالم ما هو اغرب من ذلك
امكن عاملة حركة في شكل وردة على راي دكتورة نجاة
غايتو ما استفزتني شدييد امكن بعاين ليه بقلب الوالد لاني بجد بستمع ليه هو زول فنان وصوته رهيب
اختلف معاه في اختياره لبعض الكلمات
ولكن قاعد يتطور شوي شوية يا جماعة ادو الشباب معاكم فرصة اسمعوهم شوفوهم ما توجهوا ليهم اصابع الاتهام دوما لكي لا تزداد المسافة بعدا نحتاجهم اكثر من احتياجهم لنا
الليلة غايتو كدي نضارى بورا عشان ما تجيني الحجار طايرة شايفة رايي مشاتر شوية
بس عليكم الله اسمعوه ما بعرف انزل غنا لو ما كدي كان مليت ليكم البوست
تحياتي
صفية
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: jini)
|
Quote: اصبحنا في السودان
نأتي بالبدع
كما يحدث في ايقاد شعلة الاولمبياد
سهم في اسبانيا
وحتى حصان الامير
بقينا نشيل الناس فوق ضهورنا
ده كلام شنو
كمان شوفو رشا الرشيد داخلة كيف
بوم زواجها
ملكة قالوا
والمملكة وين ما عرفنا
|
والله جنس بدع وجنس تقليعات تحيرك وتمحنك عديل كده رشا ملكة واحمد الصادق امبراطور وبكره يجينا زول تانى بلقب جديد .. عشنا وشوفنا الزمن الفيه الرجال يجوا داخلين شايلنهم رجال زيهم
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: فاروق أبوحوه)
|
الحبيب مدثر سلامات يا غالي
بصراحة احمد الصادق غناي وصوته جميل .. وانا شخصيا اطرب له .. واطرب لفنانين مخضرمين واطرب لفنانين شباب وكمان العكس برضو لا يطربني بعض الفنان المخضرمين وايضا لايطربني الكثير من الشباب والمسألة في النهائية نسبية ... (اسي انا بستغرب كيف يكون في ناس هلالاب زي ما انت بتستغرب كيف يكون في ناس مريخاب).............. واعتقد انو فكرة دخول الفنان احمد الصادق على كرسي السلطان دي فكرة معجبيه وما فكرتو هو .. وطبعا من حق المعجبين التعبير عن اعجابهم بالطريقة البتريحم واكيد المعجبين يبحثون عن طرق مبتكرة للتعبير عن اعجابهم وحبهم لمن يريدون ويعتبرونه شيء من رد جميل لما يقوم به من امتاع لهم والفن تذوّق واحساس للفنان والمتلقي واكيد الزول البوصل درجة حمل فنانه المفضل على كتفه اياً كانت وسيلة الحمل فهو انسان وصل قمة الطرب والمتعة لما يقدمه هذا الفنان ... انا عارف كويس انك تتحدث عن الاسلوب واحترام الجمهور ولا تتحدث عن فن احمد الصادق او تطريبه لان المسألة نسبية لكل متلقي على حدة بس برجع واقول ليك ما اظن ان فكرة دخوله بهذه الطريقة فكرتو هو بل فكرة معجبيييييه ....
وتحياتي لكلللللللللل المتداخلين العجايز والشباب ...
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: مدثر قرجاج)
|
Quote: ابدى الفنان كمال ترباس استغرابه الشديد من تقليعات الفنانين الشابين (احمد وحسين الصادق) التي ظهرا بها على خشبة المسرح القومي بأم درمان من خلال (ليالي ام در الموسيقية ) التي تقيمها وزارة الثقافة الاتحادية حيث ظهر اولاد الصادق في وصلتيهما الغنائية بشكل غريب حيث اعتلى حسين (كرين) تحركه آلة رافعة فيما جاء شقيقه احمد الصادق محمولا على (كرسي) يحملة اربعة من الشبان قبيل بداية وصلتيهما الغنائية وفي السياق وصف ترباس المتواجد بإمارة دبي هذه الايام الظاهرة بالغريبة والجنونية وقال في حديثه لـ(فنون) لو اولاد الصادق ظهروا بي (كرين وكرسي) انا بدخل المسرح بـ(قطر) وتابع موجها حديثه لاحمد وحسين الصادق بقوله ان لفت انظار الناس لايكون بهذه الطريقة مشيرا الى ان شيمة الفنان هي التواضع معتبراً ان ماحدث من الاثنين لا يعد سوى كونه (غرورا) منهما وقال ترباس ان الكثيرين هاتفوه مستنكرين هذا التصرف وتابع ان ديناصور الاغنية السودانية محمد وردي حينما اجبره ظرفه الصحي للغناء من على كرسي قدم اعتزاره لجماهيره لان الفنان يجب ان يحترم جمهوره مؤكدا ان ذلك يخصم من رصيد الفنان ولا يضيف له وختم حديثه قائلا ( واحد في كرين والتاني في كرسي طيب الوزير يقعد وين ) ..؟؟!!
صحيفة فنون |
عن موقع النيلين
لاثراء النقاش اكثر مع عميق التحية والتجلة
| |
|
|
|
|
|
|
Re: المطرب(احمد الصادق) يدخل المسرح القومى بطريقة غريبة (توجد صورة) (Re: عثمان محمد كرار)
|
عزيزنا عثمان محمد كرار
Quote: الكلام دا ماصاح لاتهكمو علي الناس وانتم لاتعرفو عنهم شيا |
الفن قيمة انسانية ورسالة ومشروع قبل ان يكون بهرجة والفنان هو ضمير الشعب الذى ينتمى له والمعبر عنه حزنا وفرحا هكذا اعتقد والموضع ليس تهكم ولا سخرية بل بضع اسئلة عن بعض او مجمل التصرفات التى لا تليق بشخص جماهيرى , تحتم عليه تلك او هذه الجماهيرية ان يرتقى لمستوى الحدث والزوق العام والفهم بابجديات التعاطى والتعامل مع المسالة بصورة تحفظ له كيانه كفنان وايضا انسانيته كفرد فى المجتمع واذا جاءت بعض التعليقات والمداخلات بشىء من (الخستكة والهبسكة) فذلك ناتج من خلال ركوب الكرسى والشيل ذاتو ... لزومو شنو ؟؟؟؟؟ ولا كلامى ما صاح ؟؟؟؟ او ولا كـــــيف ؟؟؟؟؟
قاسم المهداوى هامش معزرة حاسى بانى عرجت شديد
| |
|
|
|
|
|
|
|