|
|
 مخطط للشعبي والشيوعي لاستخدام مناضلي الكيبورت لتشويه صورة الحكومة
|
اتفقت أحزاب الشيوعي والمؤتمر الشعبي وقطاع الشمال على التنسيق فيما بينها من أجل تعبئة الرأي العام الداخلي وقيادة حملة إعلامية منظمة بالمواقع الالكترونية تديرها كوادر هذه الأحزاب لتشويه صورة الحكومة لدى المواطنين وذلك تمهيداً لتحريك مظاهرات وأعمال تخريبية متزامنة بعدد من المدن.
وكشفت مصادر مطلّعة عن اجتماع تنسيقي عقد مؤخراً بين الكيانات المشار اليها أوضح من خلالها ممثلون للحزب الشيوعي أنهم سيتجهوا للعمل السري في وضع المخطط وتنفيذه حتى لا يتم كشف أمره من قبل السلطات وتم تكليف عدد من الكوادر بفبركة ملفات عن الفساد في الحكومة وتوضيح أن لها علاقة مع القوى الامبريالية واليهودية لهز الثقة فيها.
في وقت تعهد قطاع الشمال بتوفير الأموال والكوادر اللازمة لإنجاح المخطط مقترحاً استخدام دوره بالشمال لأي نشاط بدعوى عدم قدرة الحكومة على مهاجمة مقار القطاع لاستمرار وجود الحركة الشعبية في السلطة.
والتزم المؤتمر الشعبي حسب المصادر خلال الاجتماع بالتنسيق مع من أسماهم بقوى الهامش خاصة حركات دارفور لدعم المخطط واعطائه بعداً ليسهم في تحريك المواطنين بعدد من الولايات التي لا تملك فيها الأحزاب تأثيراً كبيراً.
ورفض بعض المشاركين في الاجتماع وجهات النظر التي دعت لإشراك أحزاب المعارضة الأخرى لعدم الثقة فيها خاصة حزبي الأمة والاتحادي الديمقراطي واتهموهما بتلون المواقف وفقاً لمصالحها مع النظام
|
|
 
|
|
|
|
|
|
|
 Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: elsawi)
|
الأخ عصام
صاح ما بعيد الشيوعيين و ناس المؤتمر الشعبي يخططوا لأي حاجة و دي أصلها السياسة كدا و كان ما خططوا للتخلص من الحكومة فايدتهم شنو. بس الما أظنهم محتاجين ليه إنهم يخططوا لتشويه صورة الحكومة... دي بقى الحكومة بكل طيب خاطر شغالة عليها عشرين سنة و الله العليم زول يقدر يشوه صورتها أكتر من ما هي مشوهة.
عليك الله يا عصام دي يشوهوها يقولوا عنها شنو؟ ذلت الشعب السوداني و جوعته و عذبته... و ملت البلد قوات أجنبية... فصلت السودان... بقينا ملطشة العالم كله عنده مبعوثين للشأن السوداني... لغت مجانية العلاج و التعليم... فصلت الناس و شردتهم... ملت دار المايقوما أطفال أبرياء. بس عليك الله قول لي حاجة ممكن تشوه صورة الحكومة أكتر من كدا.
| |
|
|
|
|
|
|
|
|
|
Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: Elawad)
|
هل تحتاج الحكومة لتشويه أكثر من تجويعكم وإذلالكم للشعب
هل تحتاج لتشويه أكثر من دراب البشير وعنجهية نافع
ما ذكرت عن الأحزاب إشادة بها
لأن ذلك ما ينتظره الشعب السوداني منها
أما
" ملفات عن الفساد في الحكومة "
فلا تحتاج لفبركة
وإنما يكفي فقط تقارير المراجع العام عن نهب أموال الشعب
وكذلك "علاقة (حكومة الإنقاذ) مع القوى الامبريالية واليهودية لهز الثقة فيها"
فتكفي شهادة المخابرات الأمريكية
أن الأمن السوداني قدم لها أكثر مما كانت تتوقع
وتجسس لها في العراق والصومال
أما العلاقة بدولة إسرائيل
فأنظر أين وضعت حكومة الإنقاذ مهربي الفلاشا؟
أحدهم سفير السودان في أثيوبيا منذ قيامها
والآخر ممثل الإنقاذ في الأمم المتحدة
قال تشويه سمعة قال
الباقر موسى
| |
|
|
|
|
|
|
|
|
Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: elsawi)
|
Quote: تم اغراق المنبر ببوستات مناضلي الكيبورت للخروج للشارع وحشدوا الهمم ونشروا الاكاذيب
ولكن كان رد الشارع التجاهل
لان الشارع يدرك جيدا ويقدر ماقدمه الانقاذ
ولذلك نقول لقطاع الشمال وفروا باقي قريشاتكم الفضل بعد ان نهب كل واحد منكم وفر من فرا ومقبل الايام
|
الإغراق والردم دا شغلكم إنتو يا الكيزان ومافي زول بيسبقكم فيهو ، يوم والتاني البشير السجم فتح ليهو كبري وين وسد وين فترنا من حكومة الكباري والسدود دي ، أماالفساد والسرقة دي أسأل بقية العصابة وعلي رأس الما نافع
| Quote: ليس لكم موقع في السودان |
قصدك الباقي من السودان واللي ح يبقي بعد دارفور يا سيدي بالهناء والشفاء عليكم ، أما السودان الذي نريده ونسعي لإستعادته هو مليون ميل مربع بعد زوال عصابتك هذه !!
| |
|
|
|
|
|
|
|
|
|
Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: نايف محمد حامد)
|
الاخ دقداق،
أشيد بحرصك علي سمعة حكومتنا الظافرة بإذن الله وطبعا لابد من حشد الجهود البوردية لدحر هذة المؤامرة الشيوعية الشعبية الاسلامية العميلة التي تتواري خلف المنفصل ياسر عرمان عملا الحركة الشعبية من الطابور الخامس-اجارنا الله-ومن لف لفهم الي يوم الدين. ويادقداق لابد من دقدقة هذة المؤامرة في مهدها بإعداد ما استطعنا له من رباط الخيل، حتي لو استدعي اللامر الاستعانة باخوتنا في الوطن من الجنجويد . لعنة الله علي المارقين وعلي راسهم من أسلفت من قوي البغي والطغيان.
الهم هل بلغت؟
| |
|
|
|
|
|
|
|
|
 Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: Adil Isaac)
|
| Quote: عليك الله يا عصام دي يشوهوها يقولوا عنها شنو؟ ذلت الشعب السوداني و جوعته و عذبته... و ملت البلد قوات أجنبية... فصلت السودان... بقينا ملطشة العالم كله عنده مبعوثين للشأن السوداني... لغت مجانية العلاج و التعليم... فصلت الناس و شردتهم... ملت دار المايقوما أطفال أبرياء. بس عليك الله قول لي حاجة ممكن تشوه صورة الحكومة أكتر من كدا. |
ســـــــــــــــلآم يا العوض.
إتنين جو ماشين في السوق. لقو يا فطة مكتوب عليها
( أعمال حجازي التجارية ) وهم بيعرفوهو زول
مستهبل وحرامي.
وآحد قبّل علي التاني، وقال ليهو: عليك الله هسّع أعمال
حجازي البيسوي فيها دي دآيرا ليها يافطة؟؟؟
دحين عليك الله هسّع أعمال الحكومة البتسوي فيها دي
دايرا ليها مخطط عشان يشوه صورتها؟؟؟
| |
|
|
|
|
|
|
|
|
|
Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: عصام دقداق)
|
بالله عليك يا دقداق في تشويه اكثر من اتهام رئيس بادة مواطنيه
في تشويه اكثر من صدارة الحكومة الاسلاموية قائمة الدول الاكثر فسادا في العالم
في تشويه اكثر من تهليل وتكبير قيادة بانفصال جزء من الوطن بدعوي الصفاء العرقي والديني
................................................................................................................
تمعن وفكر وقدر وتم الباقي
قال تشويه
كيزان خارج الشبكة
| |
|
|
|
|
|
|
|
|
|
Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: MOHAMMED ELSHEIKH)
|
Quote: ياخي أسمه الكيبورد وبالأنجليزي keyboard
منزل ليك عشرة بوستات وكل مرة نقول أمكن زلة كيبورت ما يعلموكم ياخ قبلما يحرشوكم |
مجاهدي الكيبوردات حاصل ليهم ليهم زلعات ، خلت البشير يفهم في الفيس بوكات والتويترات .
صورتك عثل يا عفراء ، عارفه الناس هنا عندهم سياسة غريبه يلقوك خاته صورتك يجي يشبكوك تعليقات باااااااايخه ، ما خاته صورة يقول ليك دي راجل وبتكتب بإسم مره ، والأحلي يمشوا طوالي للبروفايل بتاعك ويشوفوك قاعده وين أها يشبكوك مناضلة كي بورت 
هسه أنا ما عندي مداخلة يا عصام في البوست دا ليه ما بترد علينا وبتدقدقنا كدا يعني ؟؟
أرد أنا طيب !!
Quote: على العموم
كيف صورتنا ؟ ماتكون قبيحة وكدى |
محمد ود الشيخ كيفنك وصورتك الخايف عليها برضو عثل بس
عصام والصاوي ، العوض ، خليل ، الباقر، مها ، علي عجب ، ماجد ، نايف ، عادل إسحق ، معاوية ود المدير ، مرتضي جعفر ، محمد حسن ، مصطفي محمود ، معاوية الصائم
شكرا لمروركم
Quote: اشمعنى يا دقداق كبرت اللفة من الناس المتداخلين في البوست
ده كلللللهم و رديت على المتداخلة الوحيدة، |
أها شفت نوع سيف النصر دا مفروض يسموهو شنو !! عفراء ليست المتداخلة الوحيده ، ولا شاكي وقايلني راجل
| |
|
|
|
|
|
|
|
|
|
Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: عصام دقداق)
|
| Quote: بس أقول ليك حاجة يا دقداق القبيحة دي لا ظلمت و لا سرقت و لا هادنت و لا انحنت فحق لها أن تفخر بنفسها |
| Quote: بس أقول ليك حاجة يا دقداق القبيحة دي لا ظلمت و لا سرقت و لا هادنت و لا انحنت فحق لها أن تفخر بنفسها |
| Quote: بس أقول ليك حاجة يا دقداق القبيحة دي لا ظلمت و لا سرقت و لا هادنت و لا انحنت فحق لها أن تفخر بنفسها |
لك التحية أختى عفراء ونحن أيضاً نفخر بك
والتحية لكل نساء بلادى القابضات على الجمر الصابرات على منقصة من يظنون أنهم فخر الرجال ولا يخجلون من اهانة النساء
| |
|
|
|
|
|
|
|
|
|
Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: مها عبد الله)
|
الأعزاء محمد الشيخ، مها ، معاوية، سيف دقداق، حسن حماد محمد،هشام المجمر، سمارت انتي، أريتكم اخواني واخواتي و في طرفي غبت شويه جيت لقيتكم طفشتوا الدقداق. طيب يا شباب مادام سيد البوست خلى ليكم البورتي أيه رايكم نتعرف؟ أنا أسمي عفراء و عمري اتنين و عشرين سنة و كيتا في دقداق عايشة في أمريكا و بعد ما أمشي Olive Garden أتعشي بجي أرجع اناضل شويه و أنوم. اهة انتوا كيف؟
| |
|
|
|
|
|
|
|
|
|
Re: مخطط للشعبي والشيوعي لاستخدام مناضلي الكيبورت لتشويه صورة الحكومة (Re: ibrahim alnimma)
|
| Quote: الأعزاء محمد الشيخ، مها ، معاوية، سيف دقداق، حسن حماد محمد،هشام المجمر، سمارت انتي، أريتكم اخواني واخواتي و في طرفي غبت شويه جيت لقيتكم طفشتوا الدقداق. طيب يا شباب مادام سيد البوست خلى ليكم البورتي أيه رايكم نتعرف؟ أنا أسمي عفراء و عمري اتنين و عشرين سنة و كيتا في دقداق عايشة في أمريكا و بعد ما أمشي Olive Garden أتعشي بجي أرجع اناضل شويه و أنوم. اهة انتوا كيف؟ |
أهليييييين عفراء وسعيدين بالتعرف بيك ، أنا مها ومهمتي حسب المخطط بتاع ( دقداقنا )
إني ( أشوه ) صورة الحكومة بسلاح الكي بورت ولقد ألفت قصيدة ( مع كامل الإعتزار للفنان شعبووله )
أنا بكره الكيزان وبقول بعلو الصوت
ح اشوه صورة الحكومه حتي لو أموت
وهييييييييييييييي
عصام يا ود دقداق
تعال وبطل فراق
حكومتك دي عصابة
فيها الحرامي والسراق
وهييييييييي
خططنا ليك يا حكومه
لتشوية صورتك الجميلة
بتصدق إنت يا قارئ
دي أقوال مستحيله
وهييييييييييييييي
| |
|
|
|
|
|
|
| |
elsawi
Elawad
khaleel
Elbagir Osman
مها عبد الله
Afraa Sanad
ماجد معالى
نايف محمد حامد
Adil Isaac
معاوية المدير
Murtada Gafar
محمد على حسن
Mustafa Mahmoud
MOHAMMED ELSHEIKH
حسن حماد محمد
هشام المجمر
smart_ana2001
ibrahim alnimma
عبدالله شمس الدين مصطفى
Al-Shaygi
فيس بوك
تويتر
انستقرام
يوتيوب
بنتيريست