|
Re: حلم تاني بحاجة لتفسير عاجل: طائرة، ورئيس، وجهجهة (Re: اشرف السر)
|
Quote: مع العلم: ما تقلت في عشا، ولا قريت الانتباهة، ولا كنت حايم قبلها في سودانيزاونلاين |
لو كدة .. معناها فول - لقمان - كان ضاارب وما نافع
ومحمد زين الشفيع وعكاششة ابو يدينوكم بوش وبت القوى
وجيت قلت تطفي الجوع من خالتو الشول بكباية فرنساوي في الخور قالت ليك قوم لف ..
فمشيت بايت الطوي ونفسك مكسورة ونفسك تقيل .. قمت حلمت بكمية اللحم دي فالجموع الكالحة .. تعني قطعان من خرفان الحمر في طريقها للسفرة البقت عمادة.. والقنوات الاخبارية ووكالات الانباء بتعني منابر النقابات والاتحادات البقت مغلقة بقدرة قادر .. ومصر منها الاسباجيتي والمكرونة والشعيرية والسعودية فيها بيت الله العتيق البيرمز للتحرر من تجارة الدين والعقيد صقر ونجمتين .. بتعني تحليقنا في الاعالي وملامسة احلامنا واليمن وقت نقرنها بالشام رمز واضح للرحلات العلمية لمختلف البقاع المتاحة والرايات هي رمز العزة والكرامة في كل شبر من الوطن العزيز وعدم التفريط فيه
الكمبيوتر بيعني الحداثة والتطور وانك دخلت العالمية
سودانيز اونلاين بتعني كابوس او ( ابو الكباس ) وانك نمت بدون وضوء .. فاصحي .. واتفل عن يسارك ثلاثاً فوالله انك لوارد موارد الهلاك بهييك ام كباسات
| |
|
|
|
|
|
|
Re: حلم تاني بحاجة لتفسير عاجل: طائرة، ورئيس، وجهجهة (Re: اشرف السر)
|
انعل ابو لندن زااتها لقيتو البطاطس الرخيصة دي .. وحا تجي تعمل لي فيها نسيت لقمان
احيي يا نستلة وستاربكس كاافيه
يا تونا موتي مغص ولادك الابيتو تفتحي ليهم دفتر هسع بيشربو قهوتهم في الاستاربكس ويحلو في روبنكز ويتبضعو من هاوردز
احب الباقر وش الطوبة ظاااتو
ــــــــــــ تحايا يا صديق .. غايتو رطنت ليك بعض من الاشياء اللقطها من ام بي سي تو .. وزدتها شمار لكن شيتك القلتها بتاع البرادعللي والا منو داك ما لقطها دحين اديني يومين اعمل سيرش وارجعلك
مودة كما تعلم ازلية نشيشابية
| |
|
|
|
|
|
|
Re: حلم تاني بحاجة لتفسير عاجل: طائرة، ورئيس، وجهجهة (Re: HAIDER ALZAIN)
|
Quote: انعل ابو لندن زااتها لقيتو البطاطس الرخيصة دي .. وحا تجي تعمل لي فيها نسيت لقمان
|
ود الزين
ياخي النش دي.. ما بتتنسي منها ولا لحظة.. لقمان.. حمدّو.. النعمة.. كل الفرد البلّفه (جمع بلف) مهما تمر السنين فما يزالون في الخاطر
Quote: احيي يا نستلة وستاربكس كاافيه
يا تونا موتي مغص ولادك الابيتو تفتحي ليهم دفتر هسع بيشربو قهوتهم في الاستاربكس ويحلو في روبنكز ويتبضعو من هاوردز |
ستار منو وبكس منو؟؟؟ لا بديل لتونا الا تونا ما بخشها ولا بشتري منها
Quote: غايتو رطنت ليك بعض من الاشياء اللقطها من ام بي سي تو |
ظنيتها ام بي سي 3
| |
|
|
|
|
|
|
Re: حلم تاني بحاجة لتفسير عاجل: طائرة، ورئيس، وجهجهة (Re: ناذر محمد الخليفة)
|
جاء في كتاب مقدمة ابن يحلمون الماطر لتعبير الرؤي و الخواطر
من يري و هو نائم ملكا أو مسئول رفيع في مكان عال وهو يسير سير
السحاب أو كأن ما يركب نسرا عظيما و لا يجد طريقا الي النزول
ويكون في نفس الوقت هنالك من يترقبه علي سطح البسيطه قلقا أو
شامتاأو فرحا جزلا .
يقول رحمه الله ابن يحلمون الماطر انه يدل علي ان هذا الرفيع
الذي ارتفع هو كما طار يقع الا انه سوف يقع علي هذه الجموع
المترقبة علي سطح البسيطه فيهلك منهم جمعا كثيرا و يدمر منازلهم
و يحرق ممتلكاتهم و يرمل زوجاتهم و يأتم بانجالهم .
ويضيف ابن يحلمون ان الشخص الذي يري هذه الرؤيا فيكون له نصيب
من هذه الاحداث الا انه لن يهلك فيها .والله ورسوله اعلم
تم حجب بعض التعبير نسبة لان المستفسر عضو عادي سجل كعضو مشترك ويصلك التعبير في مظروف خاص وربما عن طريق البريد الاكتروني
| |
|
|
|
|
|
|
Re: حلم تاني بحاجة لتفسير عاجل: طائرة، ورئيس، وجهجهة (Re: osman righeem)
|
العزيز عثمان رغيم
نحييكم وعبركم نحي ابن يحلمون
Quote: يري و هو نائم ملكا أو مسئول رفيع في مكان عال وهو يسير سير
السحاب |
فما قول ابن يحلمون فيمن يراه وهو يسير سير سير سير يا البشير؟
Quote: يقول رحمه الله ابن يحلمون الماطر انه يدل علي ان هذا الرفيع
الذي ارتفع هو كما طار يقع الا انه سوف يقع علي هذه الجموع
المترقبة علي سطح البسيطه فيهلك منهم جمعا كثيرا و يدمر منازلهم
و يحرق ممتلكاتهم و يرمل زوجاتهم و يأتم بانجالهم . |
ياخي ابن يحلمون دا تفسيروا دموي جدا اسه المساكين ديل ذنبهم شنو؟
Quote: تم حجب بعض التعبير نسبة لان المستفسر عضو عادي سجل كعضو مشترك ويصلك التعبير في مظروف خاص |
لا لادخال الاحلام الى سوق الله واكبر نحن ناس ملح ساي كدي شوف لينا عضوية مجانية ياخي
| |
|
|
|
|
|
|
|