|
|
|
 Re: للجادات فقط.. (Re: الامين موسى البشاري)
|
Quote: أيمن ديــاب
ســـلام ...
العنوان للجادات ولا الجــدات بمعنى الحبوبات
هي وقت دي مواصفاتها المعرسه ليها شــنو |
مهندسنا البشاري..
انت ما شفت العمر بين 24 ــ 27؟؟
والله الراجل ده مفتري.. معقول النسوان بقن بضاعة..؟
أين تراجي.. وأين ميادة.. وأين بت الهنا.. ووين الدكتورة بتاعت ماليزيا؟؟
| |
 
|
|
|
|
|
|
|
|
Re: للجادات فقط.. (Re: محمد عبد الماجد الصايم)
|
Quote: عمكـ دا قبل العروس يرجع لناس الجريدة ديل
يعوضوها بإعلان تاني عن الخطأ في (الهوطميل) بتاعو!! |
ياود الصايم الراجل ده شكلو عاطل وعايز يلقاها جاهزة من مجاميعو..
والغريبة قال انو ملتزم دينياً.. وعايز البت ترسل ليهو الصورة على الايميل..
ومعاها تزكية من المركز الطبي بإنها خالية من الموانع الطبيعية..
الخوف يكون وصلتو خمسمائة سيرة وصورة..
ويحتار في الاختيار..
| |
|
|
|
|
|
|
|
|
|
Re: للجادات فقط.. (Re: Abdlaziz Eisa)
|
Quote: ده شئ عجيب!!
شر البلية ما يضحك |
سلام يا عبدالعزيز عيسي
الراجل ده إما مخبول، أو مخبول
شوف بالله المواصفات المطلوبة واعمل ليها تحليل ونظرة عميقة.. الزول ده ما نسى أي حاجة.. وداخل على طمع كمان
شوف معاي:
1ـ ذات خلق ودين.
2ـ خالية من الأمراض والعيوب الخلقية.
3ـ لديها سكن ملك.
4ـ العمر 24ـ27 سنة..
أنا طبعا عايز أرسل ليهو في الايميل..
وأقول ليها لو لقيت نمرة واحد ما بتلقى نمرة اتنين..
ولو لقيت نمرة اتنين ما بتلقى نمرة تلاتة.
ولو لقيت نمرة تلاتة ما بتلقى نمرة أربعة.
ولو لقيت نمرة أربعة ما بتلقى نمرة واحد..
ياخي الزول ده حيرني بالجد وكتلني بالمغسة..
| |
|
|
|
|
|
|
|
|
|
Re: للجادات فقط.. (Re: Abdlaziz Eisa)
|
ايمن دياب
كيف امورك وكل عام وانت بخير
صاحبنا ده عايز يجيب شنطتو ويجي ههههه قال تمتلك سكن
بالله لو في مواصفات زي دي خلي يشوف لينا واحده ويعمل لينا سي سي للطلبات الفائضة اصلو الايجار هد حيلنا كااااااااك لكن العمر صغير يعني العندها المواصفات دي وعمرها صغير مابتقع رب كده
لكن لو مسكتها من ناحية تانية كلها شروط سليمة دينينا بس الزول ده عايز يظفهر بذات الشقة
تحياتي
زاتوووو
| |
|
|
|
|
|
|
|
|
|
Re: للجادات فقط.. (Re: ALZOLZATOO)
|
أنا خائف بعد مايلقى واحده بالمواصفات دى يقول ليها رسلى صوره من شهادة البحث بتاعت البيت !!
أصلو هو باين عليهو إنتهازى ومفترى .
سلام يا أيمن ,,
| |
|
|
|
|
|
|
|
|
|
Re: للجادات فقط.. (Re: كمال سالم)
|
Quote: على الجادات الاسراع,
فالعريس دا جاااااااااااااااااااااااااااااااااااااااااهز! |
سلام يا بدر الدين..
الراجل ده غبي جداً بالمناسبة..
وإعلانو مستفز للغاية..
والله لو في خمسمائة واحدة من النوع ده مافي واحدة ترضى..
وبعدين مولانا الفحل ده ما عارف إنو المواصفات دي مستحيلة ومعدومة..
؟؟
| |
|
|
|
|
|
|
|
|
 معلومات ناقصة (Re: أيمن دياب)
|
باقيلي نسى حاجات مهمة
على قول واحد صاحبنا:
وحيدة عند أمها وأبوها
ويتيمة قبرين
عشان ينفرد تماماً بالملعب
وبرضك
ربنا يجمع
| |
|
|
|
|
|
|
|
|
Re: معلومات ناقصة (Re: بله محمد الفاضل)
|
Quote: أنا خائف بعد مايلقى واحده بالمواصفات دى يقول ليها رسلى صوره من شهادة البحث بتاعت البيت !!
أصلو هو باين عليهو إنتهازى ومفترى . |
اللورد كمال سالم:
ده واحد عينو زايغة.. وبفتش على المستحيل الرابع..
الغول والعنقاء والخل الوفي، وعروس بمواصفات أخينا أعلاه..
| |
|
|
|
|
|
|
|
|
|
Re: معلومات ناقصة (Re: خالد عبد الله محمود)
|
Quote: الزول هين و غالباً يكون مريض نفسي ..
كيف سمحت الصحيفة بنشر مثل هذا الإعلان ؟؟ |
أخي خالد محمود:
أعتقد أنه لا يوجد ما يمنع نشر الإعلان من الناحية الفنية والقانونية..
ولكن الناحية الاجتماعية والسلوك الغريب للمعلن هو سبب استغرابنا ودهشتنا واستنكارنا..
ونخاف أن يكون الاستهتار بأمر الزواج هو السائد في السودان..
مع الظروف الاقتصادية والمادية الضاغطة نخشى أن يصبح موضوع الزواج تجارة ومغامرة..
بدلاً من أن يكون مسألة توافق ورغبات..
ومع ذلك نقدر لمولانا حرصه على العفاف وتحصين نفسه بالزواج رغم أنه مبني على عقلية تجارية بحتة..
| |
|
|
|
|
|
|
|
|
|
Re: للجادات فقط.. (Re: أيمن دياب)
|
الزول دا داخل علي طمع ومابيستحي وأظرف حاجه كمان قاعد يتشرط ويتشهي قال شنو ( أن تكون خاليه من الامراض والعيوب الخلقيه )
أها أسع لو لقي مواصفاتوا دي وطلع من جماعه دلكتوا وأداني عنقرتوا بت الناس تكون ركبت مأسوره 
تعيش كتير تشوف كتير
| |
|
|
|
|
|
|
|
|
|
Re: للجادات فقط.. (Re: عادل الباهي عبدالرازق)
|
Quote: أها أسع لو لقي مواصفاتوا دي وطلع من جماعه دلكتوا وأداني عنقرتوا بت الناس تكون ركبت مأسوره
|
ياباهي كيفنك
في الحالة دي زي ما هو بطالب بشهادة صلاحية من الأمراض والعوائق الطبيعية والموانع الشكلية..
هي برضو مفروض تطالب بفحص القدرة على مسألة الزواج من النواحي الجسمانية..
قالوا الحج بالاستطاعة.. يعني يكون عندك قروش وجسمك يتحمل المشقة..
واسه بنقول للراجل ده العرس برضو بالاستطاعة.. والقروش ما كل حاجة..
في حاجات كده أسه بقوا يشتروها بالقروش من الصيدليات ومحلات المديدة..
| |
|
|
|
|
|
|
|
|
|
Re: للجادات فقط.. (Re: داليا الكباشى)
|
وللتوضيح أكثر يا أخي أيمن...
| Quote: وبعدين المفتري ده شايفو قال تكون خالية من الأمراض والعيوب الخلقية.. |
حتى وجود الملاريا في دم المرشحة سيؤدي إلى رفض طلبها تلقائيا!!!
فتململ كما تشاء!
| |
|
|
|
|
|
|
|
|
|
Re: للجادات فقط.. (Re: محمد الأمين موسى)
|
سلام اخونا ايمن
المشكلة انو الزول ده ما كتب اي مواصفات عنو المشكلة الكبرى انو
وزي ما قالت ليك داليا ها إلقى واحدة بكل المواصفات دي وامكن اكتر كمان
وترضى بيو حتى لو ما عندو التكتح
| |
|
|
|
|
|
|
|
|
|
Re: للجادات فقط.. (Re: ساميه حامد)
|
| Quote: ـ خالية من الأمراض والعيوب الخلقية. |
دي عروس ولا عنزه ..
والله على قول شبكه إحترنا ... وفقدنا عنصر الدهشه عديل كده ..
غايتو الزول ده كان اخير ليهو يرفق بي حالوا ..
ايمن كيفنك يا اخوي ..
| |
|
|
|
|
|
|
|
|
 Re: للجادات فقط.. (Re: ساميه حامد)
|
تعرف يا أيمن .. أنا قريت إعلان الزول ده اكتر من مرة ..
والنتيجة الطلعت بيها هي .. أنه هو الـ ما جاد ..
يتهيأ لي زي العاوز يوصل رسالة عن الحاصل في السودان ..
كدي فكروا في الموضوع من الزاوية دي ..
| |
|
|
|
|
|
|
|
|
|
Re: للجادات فقط.. (Re: عبد الله كسلا)
|
Quote: سلام اخونا ايمن
المشكلة انو الزول ده ما كتب اي مواصفات عنو المشكلة الكبرى انو
وزي ما قالت ليك داليا ها إلقى واحدة بكل المواصفات دي وامكن اكتر كمان
وترضى بيو حتى لو ما عندو التكتح |
سلام ياسامية..
كان الكلام ده صحي.. تكون قيامتكم قامت بالجد..
| |
|
|
|
|
|
|
|
|
|
Re: للجادات فقط.. (Re: أيمن دياب)
|
Quote: ايمن دياب ...سلام ..
ياخ انت مشيت بعيد ليه؟؟؟
هنا فى المنبر دا جرت معركة حامية ا########س واستمرت ربع كااااااااااااااامل من عمر االبورد ..
غايتو ما لم تقراء البوستكااامل ما حتطلع بنتيجة |
والله فعلاً الليلة أوووب.. وأوووبات كتيرة..
الاعلان ده فيهو امتهان ليك ولكل واحدة من أخواتنا في المنبر وخارجه..
| |
|
|
|
|
|
|
|
|
|
Re: للجادات فقط.. (Re: أيمن دياب)
|
Quote: رزق الهبل على المجانين ,
تخيل يا أيمن انو الزول دا حايقلى عرووس .. وبالمواصفات الدايرها دي كمان !! فتأمل برااك كدا ! |
الدكتورة الحاجة داليا.. مبروك العمرة وربنا يتقبل..
طبعاً ما بتخيل انو الزول ده يلقى.. وبغالطك في كده..
معقول البورة تكون وصلت بالبنات للمستوى ده؟
لا وقال ايه.. من أسرة عريقة..
طيب انت وكت من أسرة عريقة وعينك مليانة.. مالك بتعمل في الاعلانات للعروس الجاهزة؟
| |
|
|
|
|
|
|
|
|
|
Re: للجادات فقط.. (Re: أيمن دياب)
|
Quote: دي عروس ولا عنزه ..
والله على قول شبكه إحترنا ... وفقدنا عنصر الدهشه عديل كده .. |
عفاف بت القبايل..
الزول ده فقع مرارتي عديل كده..
والمحيرني اكتر كلام داليا وود الموج بأنو الراجل ده أكيد بلقى غرضو..
معقولة بس؟؟
| |
|
|
|
|
|
|
|
|
|
Re: للجادات فقط.. (Re: أيمن دياب)
|
| Quote: الاعلان ده فيهو امتهان ليك ولكل واحدة من أخواتنا في المنبر وخارجه.. |
كدا يادوووب الليلة ووووب يا ايمن ....امتهان لى عديييييييييييل كدا ؟؟؟
ابدا مافى اى امتهان ولا يحزنون نحن الناس الزى ديل بنتعامل معاهم كحالات خاصة وفى نفس الوقت بنشفق عليهم ....
لانو بدوك صورة ماجميلة خالص عنهم وتوضح مدى احباطهم وضيف افقهم
وعدم قدرتهم على مواجهة الحياة وتحولاتها ...
يبقى منو الامتهن نفسو ؟
ومنو المحتاج تعاطف نحن ولا هم?
| |
|
|
|
|
|
|
|
|
|
Re: للجادات فقط.. (Re: Amira Elsheikh)
|
| Quote: كدا يادوووب الليلة ووووب يا ايمن ....امتهان لى عديييييييييييل كدا ؟؟؟ |
عفواً يا أميرة.. القصد إنو المسألة فيها امتهان للأنثى والمرأة بصفة عامة..
لأنّ العقلية الذكورية المستعلية في الإعلان واضحة..
يعني يا بنات.. أنا عايزة عروسة تعرسني عشان أنا راجل وبس..
من غير توافق.. ومن غير نقاش.. ومن غير أي اتفاق آخر..
والكلام ده طبعاً موجه للجادات.. وغير الجادات يمتنعن وينتظرن عريس حسب التساهيل..
الإعلان صوّر الأنثى كسلعة نشنرى وتباع دون تقدير لأي عواطف أو خلافه..
| |
|
|
|
|
|
|
|
|
|
Re: للجادات فقط.. (Re: أيمن دياب)
|
بعدين الراجل ده قال كلام لذيذ جداً..
(على الراغبة إرسال السيرة الذاتية + صورة فوتغرافية + صورة من إثبات الشخصية (بطاقة، جنسية)..
ده مش بديك إحساس إنو إعلان لوظيفة.. وليس لعقد زواج؟
| |
|
|
|
|
|
|
|
|
|
Re: للجادات فقط.. (Re: أيمن دياب)
|
Quote: علي قول اهلنا ديك
( رخصة البل في سوق الناقة....!!!!)
ايمن ياشغيغ
مشتاغوووووووووووووووون |
هارون كاكات..
يمين بالله أعرف واحدة وافقت على الزول ده إلا أفركش الجوازة دي بالقوة..
| |
|
|
|
|
|
|
|
|
|
Re: للجادات فقط.. (Re: Amira Elsheikh)
|
| Quote: ايمن ...ياخ ليه عملت كوتيشن للجزء الاول من كلامى بس?. |
عشان حسيت بيك اتحسستي من موضوع الامتهان ده..
واتخيل لي الزواج المشروط يا بت الشيخ ما أظن بمشي لي قدام..
دي الحاجة الوحيدة البتمشي بالتساهيل والتيسير والتوافق والرغبة في الاستمرار..
يعني زولك ده عادي ممكن تاني يوم يقول للعروس: عايني هنا..
عايز لي عربية من ناس البربري.. أو ناس السهم الذهبي..
على شرط تكون موديل السنة..
| |
|
|
|
|
|
|
|
|
|
Re: للجادات فقط.. (Re: Amira Elsheikh)
|
| Quote: يمين بالله أعرف واحدة وافقت على الزول ده إلا أفركش الجوازة دي بالقوة.. |
الخوف الزول ده يكون كان قاعد يفرز في الطلبات....!!!!!
وكااااااااااااااااااااااااكـ
| |
|
|
|
|
|
|
|
|
|
Re: للجادات فقط.. (Re: haroon diyab)
|
Quote: اها يا شقيقي
زولنا وصل وين....!!!! |
زولي المستهتر ده شكلو عامل الحركة للتسلية..
مافي بت ناس بتعرس ليها واحد (من أسرة عريقة) عشان تصرف عليهو..
| |
|
|
|
|
|
|
|
|
|
Re: للجادات فقط.. (Re: haroon diyab)
|
Quote: سلام يا عبدالعزيز عيسي
الراجل ده إما مخبول، أو مخبول
شوف بالله المواصفات المطلوبة واعمل ليها تحليل ونظرة عميقة.. الزول ده ما نسى أي حاجة.. وداخل على طمع كمان
شوف معاي:
1ـ ذات خلق ودين.
2ـ خالية من الأمراض والعيوب الخلقية.
3ـ لديها سكن ملك.
4ـ العمر 24ـ27 سنة..
أنا طبعا عايز أرسل ليهو في الايميل..
وأقول ليها لو لقيت نمرة واحد ما بتلقى نمرة اتنين..
ولو لقيت نمرة اتنين ما بتلقى نمرة تلاتة.
ولو لقيت نمرة تلاتة ما بتلقى نمرة أربعة.
ولو لقيت نمرة أربعة ما بتلقى نمرة واحد..
ياخي الزول ده حيرني بالجد وكتلني بالمغسة.. |
ياخوي أيمن
انت ترسل ليهو اميل؟ظ
على قولة الحبيب هارون دياب.. ده بيكون مشغول بيفرز في الطلبات ولا حيقراه ليك..
خياراتك الفوق دي رهيبة.. لكن بت الشيخ ما شافتها..
تحياتي
| |
|
|
|
|
|
|
|
|
 Re: للجادات فقط.. (Re: haroon diyab)
|
Quote: طبعاً ما بتخيل انو الزول ده يلقى.. وبغالطك في كده..
معقول البورة تكون وصلت بالبنات للمستوى ده؟ |
والله يا أيمن شكلك داير تجيبني البوست دا تاني ساااااي ,,
ولا الموضوع دا قتل بحثا وتمحيصا في هذه السودانيز اون لاين ,,
وبوست زهير القالتو ليك اميره ,, كان اقرب واحـد ,,
أول شي نسجل أعتراضنا على كلمه (البوره) دي ,
يعني شنو بوره ؟؟
يا ايمن , الزواج زيو وزي الوظيفه .. السفر .. التعليم ..الخ
يحصل علىها البعض , بينما لا يوفق فيها الاخرون ,
ولو المراه ما اتزوجت , لسبب أو لاخر , أكيد دا ما بينتقص منها حاجه ,
وما بيدي اي زول الحق انو يلصق بيها لقب (بايره) أو (عانس) أو الالقاب البيوزعها المجتمع مجانا دي ,,
انا قلتا الزول دا حايلقى زوله يتزوجها يا ايمن ,
لانو المثل بيقول ليك ( كل فوله وليها كيال) ,,
وزي ما الراجل صاحب الاعلان دا فقد عقلو , وهزأأ روحو , أكيد بيلقى زوله فاقده عقلها , ومهزئه بررضو تقبل بيهو ,
دا طبعا لو غضينا النظر عن انو الاعلان كلللو مقلب سخيف من زول فاضي !
كلامأميره الشيخ الاخير دا فيهو النجيضه .. اقراهو بي تمعن ,,
تحيـاتي ,, وانشالله عقبالك العمره قريب ,,
| |
|
|
|
|
|
|
|
|
|
Re: للجادات فقط.. (Re: داليا الكباشى)
|
Quote: شكرا يا أيمن
بالجد مهزلة
عن إذنك ننقل كتاب الوجه |
والله يادكتور أميل لكلام الدكتورة داليا..
المسألة في النهاية ما أكتر من لعبة سخيفة..
| |
|
|
|
|
|
|
|
|
|
Re: للجادات فقط.. (Re: أيمن دياب)
|
| Quote: الله يا أيمن شكلك داير تجيبني البوست دا تاني ساااااي ,, |
طبعا بالحيل يادكتور عايزين نجيبك تاني..
على كل حال أنا بحرش عليهو ود الصايم يرشو رش لمن يعرف حاجة..
والايميل قاعد فوق..
| |
|
|
|
|
|
|
|
|
|
Re: للجادات فقط.. (Re: أيمن دياب)
|
عليك الله يا ايمن
زولك دا كلمو
لو رسلو ليهو اتنين بالمواصفات دي
يقسم معانا فيفتي فيفتي
وقول ليهو البياكل براه بخنق
خالص الود
| |
|
|
|
|
|
|
|
|
|
Re: للجادات فقط.. (Re: أيمن دياب)
|
والله البوست دا نفسى اهديهو للاخت امانى الامين والاخت فادية اليمنى
والاخت هدير الزين وبتاعة صوت الرصاص سارة كرودى والاخت بتاعة السدود قمر بوبا ...
لكن للاسف امانى تحديدا لقيتها ضاربة الجرسة والثكلى فى الفيس بوك
لكن الموضوع شنو مافى زول يسالنى ..ولا يفوتنى ان اشكر واحى اختنا تمبس عبر زميلة البورد
| |
|
|
|
|
|
|
|
|
|
Re: للجادات فقط.. (Re: Amira Elsheikh)
|
Quote: عليك الله يا ايمن
زولك دا كلمو
لو رسلو ليهو اتنين بالمواصفات دي
يقسم معانا فيفتي فيفتي
|
ما برضاها ليك يا بيناوي..
انت لو داير أعمل إعلان براك.. لكن يكون محترم شوية..
| |
|
|
|
|
|
|
|
|
|
Re: للجادات فقط.. (Re: م. سيد احمد قدورة)
|
| Quote: يا ايمن , الزواج زيو وزي الوظيفه |
دكتورة داليا
يعني المتزوجة وشغالة ممكن نقول عليها شغالة في محلين والزوج يعتبر صاحب عمل برضو يعني عادي ممكن يديك تذكرة سفر كل سنتين واجازة شهر غير مدفوعة ا لاجر لوووولز
او المامتزوجة ممكن نقول عليها عاطلة عن الزواج
مبروك العمرة ربنا يتقبل ان شاء الله
تحياتي
زاتوووو
| |
|
|
|
|
|
|
|
|
|
Re: للجادات فقط.. (Re: أيمن دياب)
|
Quote:
|
أيـمن العزيز
سلامات
الـمانع شنو الزّول دا يكون
بيصلّـي وبيصوم وعاوزها بتصلّـي وبتصوم ؟
عندو قروش وبيت وعاوزها عندها قروش وبيت ؟
سليـم ومعافـى وعاوزها سلـيمة وبيتـمنّـى أطفال أصحّاء ؟
عمرو زي تلاتيـن وعاوزها أصغر بـخمـسة ستّة سنيـن ؟
وعاوز يتأكّد من جدّيّتها بدل تضييع الوقت
فيشوف صورة وبطاقة وفيديو 
ومشتاقيـن
| |
|
|
|
|
|
|
|
|
|
Re: للجادات فقط.. (Re: لؤى)
|
يا لؤي صاحبنا ده ماعندو أدنى درجات اللباقة والذوق..
مفتكر الحريم سلعة.. وأراهن الدكتورة داليا إنو البريد حقو فاضي..
| |
|
|
|
|
|
|
| |
الامين موسى البشاري
محمد عبد الماجد الصايم
Abdlaziz Eisa
ALZOLZATOO
بدر الدين احمد موسى
كمال سالم
بله محمد الفاضل
خالد عبد الله محمود
محمد الامين محمد
عادل الباهي عبدالرازق
داليا الكباشى
صديق الموج
SHIBKA
محمد الأمين موسى
ساميه حامد
عفاف الصادق بابكر
عبد الله كسلا
ود الخليفه
haroon diyab
نادر النور آدم
عزان سعيد
ياسر بيناوي
م. سيد احمد قدورة
لؤى
فيس بوك
تويتر
انستقرام
يوتيوب
بنتيريست