فرسان شجعان فى تونس والجزائر وقطيع من الحملان فى السودان !!

Quote: بالرغم من الرفاهيه التي يعيشها الشعبان التونسى والجزائرى

Quote: اخي كمال الشعب السوداني الان امتلك وعيا سياسيا مكتملا جعله يفرق ما بين الصالح والطالح حكاية الرهان على خروج الشعب السوداني ضد حكومته هي محاولة بائسة لنضال بئيس ...

Quote: عدم الشغله تصدق ؟؟ عدم الشغله خلاهم يطلعو مظاهرات ..ناس لا عندهم بطاله ولا فقر ومرتاحين والشعب كلو بياكل وبشرب وشغال وساكن .. يكون البرد ضربهم قالو احسن نطلع الشارع نسخن شويه ..؟؟

Quote: طيب أنت فارس ولا أرنب

Quote: طيب أنت فارس ولا أرنب الناس في السودان تعبانين وفترانين وببصاروا في حالهم أرحموهم عاوزنهم ينجلدو ويندقوا ويخلو اشغالهم ومعايش اولادهم عشان تجو تناضلوا بي صورهم هنا أبقى فارس وأمشي أنزل الشارع في السودان ..... ضحي وأثبت أنك فارس

Quote: عندها علمت باني غريب عن هذه الديار فرحلت سريعا حيث لا عودة و بدأت اخي كمال الان في البحث شمالا حيث الخبز رخيصا و شرعت في شراء شقة عند اولاد النيل و لا عودة الي الجحيم ؟؟؟

Quote: والله إنى لأخجل لكل شاب سودانى ترعرع وعاش فى زمن الإنقاذ وصار عمره أكثر من خمسه وعشرون عاما كيف يرضى بكل هذا الهوان الذى تربى فيه طوال فترة حياته . أليس لدى هؤلاء أى غيره على آبائهم وأمهاتهم وهم يرونهم يكابدون ويعانون ويذرفون الدم والدموع من أجــل لقمة عيش بائسه وتعليم فاشل وفروه لهم . ألا يخجل أى شاب سودانى تربى وعاش فى ظل حكومة هذا النظام وهو يقضى يومه فى الجرى وراء حفلات فرفور وشكرالله والحوت وهو يرى الوطن يتمزق وينفصل ؟؟!! ألا تخجلون من أنفسكم أيها الأبناء وأنتم تستهلكون الساعات الطوال فى الغزل والونسه الفارغه فى الفيس بوك ؟!! أما كان من الممكن أن توظفوا هذا الفيس بوك فى توحيد صفوفكم وإستنهاض شعبكم وقيادته فى إستعادة وطنكم المسلوب ؟؟!! ألم تقرأوا أو تسمعوا بأن أجدادكم وآباءكم قد فجروا من قبل ثورتى أكتوبر وأبريل فى وجه حكومات لم تفعل شئ غير أنها كبتت الحريات ! فما بالكم أنتم وقد سلب هذا النظام منكم كل الحياه , بل هو الآن يبيع الوطن مقابل أن يفدى رئيسه من المحكمه الجنائيه . والله إنى أخاف أن تخرج أمهاتكم وأخواتكم للشارع وأنتم جلوس فى مقهى أنترنت أو فى حفل عرض أزياء أو عيد ميلاد وحينها سوف نلعنكم ويلعنكم الوطن .

Quote: أوع نلقاك حايم بهناك ياود الباوقة

Quote: اي زول نلاقهو مباري ليهو فارغة ومقدودة ولا فيس بوك نديهو الفيها النصيب !

Quote: ان شاء الله تكون مظاهراتهم جابت حقها ؟!

Quote: بعد متابعتى فى الفتره الأخيره لبعض مداخلاتك يؤسفنى أن أقول لك يا أخى بأنى قد خذلت فيك !!

Quote: والله إنى أخاف أن تخرج أمهاتكم وأخواتكم للشارع وأنتم جلوس فى مقهى أنترنت أو فى حفل عرض أزياء أو عيد ميلاد وحينها سوف نلعنكم ويلعنكم الوطن .

Quote: بعد متابعتى فى الفتره الأخيره لبعض مداخلاتك يؤسفنى أن أقول لك يا أخى بأنى قد خذلت فيك !!

Quote: والله إنى أخاف أن تخرج أمهاتكم وأخواتكم للشارع وأنتم جلوس فى مقهى أنترنت أو فى حفل عرض أزياء أو عيد ميلاد وحينها سوف نلعنكم ويلعنكم الوطن .

Quote: والله يا كمال قلت ليهو نفس الكلام ده .. الجيل الحالي الموجود في السودان جيل خــــانع .. مروّض تم ترويضه بسياط الجوع والفقر والجهل .. جيل لا يملك مقدار حبة من خردل من روح الثورة .. الناس كلها يا عزيزي تلهث خلف لقمة العيش فالجوع كافر والحياة اضحت لا تتعدى الأكل والإخراج ..

Quote: لاحظ عزيزى القارى سرعة تواجدهم وهل هو بالصدفه !!!!

Quote: انتو بس امشوا قدام ونحنا وراكم بنبقى حكامات ..

(عدل بواسطة Barakat Alsharif on 01-12-2011, 09:26 AM)

Quote: تبلدينا لمن انت وكل الخارج الوطن والمغتربين المعارضين تبقوا رجال وتتركوا الشقق الفاخرة والسيارات الفارهة وقهوة الاستاربوكس ومطاعم كنتاكى وتجوا تقودوا الركب والانتفاضة ضد الظلم والطغيان وتطلعوا لاجل اهلكم هنا ولتخفيف المعاناة من زيادة صرفكم ومنكم على ذويكم ووتوقفوا سندات عطائكم لاقربائكم.. فى الحالة دى ممكن الشباب ومن عاش هنا يطلع ويكافح معكم .. -------- انتو بس امشوا قدام ونحنا وراكم بنبقى حكامات ..

Quote: لاحظ عزيزى القارى سرعة تواجدهم وهل هو بالصدفه !!!!

Quote: كلام عظيم .. حقو بعد الخطبة العصماء دي نشيل لينا عكاكيز ونمشي شارع النيل ... الخ اي زول نلاقهو مباري ليهو فارغة ومقدودة ولا فيس بوك نديهو الفيها النصيب !

Quote: اخي كمال ضحايا مظاهرات تونس من القتلى بلغ 21 قتيلا خلافا للجرحى اتدعو الى سفك الدماء وانت تستمتع بالكابتشينو ولحوم الكنعد والبلطي ...

Quote: مرحب عمنا كيف الاخبار لكن المؤسف هو ان من فر وهرب من بطش النظام .. يعاير من ركز على الارض ويسقيها يوميا بعرقه انتو عاوزين مظاهرات بالوكالة !!! من لا يعجبه هذا النظام .. فيات ويصنقر في الارض دي ويناضل من الداخل لاخراجه وتخليص الشعب منه .. والحقيقة الحملان هم اولائك الذين فروا من النظام .. رفعوا الجلاليب وعضو على اطرافها بالاسنان وقالوا يا فكيك واب سن بضحك في اب سنينتين تحياتي يا عمنا

Quote: المؤسف يابن أختى وليد أن يكون تفكيرك مثل كل كتاب الدفع المقدم الذين سبقوك إلى هنا !! فأنت متفتح الذهن وتربيت ومن حولك من صنع الثورات وأسس للديمقراطيه !! عموما التغييب أظنه شمل الجميع ,, ياعزيزى وليد لا أحد يريد أن يوكل أحد لينوب عنه ويقود مظاهره , أنا أريد أن ألفت نظركم فقط بأنكم وطوال حياتكم لم تنعموا بأى نوع من الحياه الكريمه , بل وصل بكم الحال وأعتقدتم إن ماتعيشونه من أوضاع الآن هو واقع الحياه !! مساكين ياوليد أنتم كشباب ,, تفتحت عيونكم على دجل إسمه الجهاد وأمريكا قد دنا عذابها وسير سير يابشير وأنتم لا تدرون إلى أين يسير هذ البشير !! تفتحت عيونكم وأنتم بالقانون الجائر الظالم تخلدون إلى النوم من الحاديه عشره وتجلدون إذا لبستم البنطلون أو شربتم الشيشه . تفتحت عيونكم وترعرعتم ياوليد وهنالك من يسلب عقولكم فى قاعات المدارس والجامعات والأنديه , وقد صور لكم بأن تجاهدوا فى إخوانكم فى جنوب الوطن وفى غربه بعد غسلوا أدمغتكم بأنهم أعداؤكم وأنهم لايشبهونكم لا ثقافة ولا لغة ولا عرقا , حتى تفشت العنصريه بينكم ونحن الذين كنا ندخركم بأن توسسوا للسودان الجديد الذى يسعنا بكل أعراقنا وثقافاتنا ودياناتنا ,, ولكن كانت حملة التتر أقوى وأطول من أحلامنا ,, ياوليد نحن لم نفر ولم نهرب وقد فجرنا لكم وأنتم فى أرحام أمهاتكم الثورات , وأقتلعنا لكم الطغاه من الحكام والأنظمه , فإلى متى تريدوننا أن نقوم بهذا الدور ؟؟!! ألا تستحوا ؟؟!! ألا تستحوا وأنتم تعيشون كل هذ الذل والهوان ؟؟ لقد سلب هؤلاء الطغاه حرياتكم وإنسانيتكم وكرامتكم وجوعوكم وذلوكم وجلدوكم صباح ومساء وساقوكم كقطيع من الحملان ؟؟!! أبعد هذا ياوليد تنتظرون أعمامكم وأمهاتكم وأهلكم فى خارج الوطن لينقذوكم وينقذوا شبابكم ويعيدوا لكم الكرامه والعزه وأنتم تستمتعون بالفيس بوك واليو تيوب ؟؟!! بالطبع كلامى هذا ليس موجها لك تحديدا ياوليد ولكنى كما قلت فى بداية البوست فإننى أقصد كل شاب موجود فى السودان عاش وترعرع تحت نيران هذا النظام ( ال######## ) بأن يفيق مما هو فيه ويعلم إن هنالك فى هذه الدنيا شئ إسمه حياه كريمه وشئ إسمه حريه وشئ آخر أكثر أهميه إسمه ديمقراطيه , وأن معظم شعوب العالم تعيش فى رفاهيه بعيدا عن التسلط والقهر والذل والهوان الذى وصل بكم الحال وأعتقدتم إنه الوضع الطبيعى للإنسان . أعذرونى فأنا أتحدث بهذه اللهجه لأنى عشت فى هذا السودان زمانا كان فيه من الرفاهيه والحريه والديمقراطيه مالم يكن متاحا إلا فى دول الغرب . أنا مشفق والله عليكم وحزين كل الحزن وأنتم تولدون وتنشأوون وتتعلمون فى هذا الظلام الدامس وفى ظل هذا العهد الذى حرمكم من كل شئ .. لكن أملى كبير فى كل شاب عاقل وحر وواع بأن يستوعب هذا الحديث ويشرع على الفور فى البحث عن شبابه الذى ضاع . وشكرا ياوليد لأننى عبرك إستطعت أن أرسل هذه الرساله .

Quote: سلام ياحبيبنا كمال وبالله ماتنسي لما تجو للإنتفاضة جيبو لينا معاكم كاتشب ومايونيز ( صحبة راكب )

Quote: لن يغامر الشعب بعد الآن في الخروج للشارع وقيادته إما اليسار أو الطائفيون، انتهى الدرس يا شطار، زادت الأسعار انفصل الجنوب وظن اليسار أن هذا احسن مناخ لخلق الفوضى وتحريك الشارع خصوصا أن هناك شوارع عربية تغلي، لكن الشعب السوداني يعرف مصلحته جيدا وقادته قالوها بكل وضوح ان الزيادات هي (ثمن الإنفصال) وقد قبل الشعب بدفع هذا الثمن وهو يعلم أن المستقبل سيكون افضل، وأن الفوضى هي التي ستكون أسوأ وهو لا يريد صومال أخرى في ارضه، فظلت الخرطوم هادئة

Quote: و بدأت اخي كمال الان في البحث شمالا حيث الخبز رخيصا و شرعت في شراء شقة عند اولاد النيل و لا عودة الي الجحيم ؟؟؟

Quote: بالله يا السيد المسلمى عايزك تقرأ كلامى الفوق ده بتمعن شديد ,, صدقنى حيصحيك شويه , ويخليك تمرق من شلة المهرجين , ديل وتقعد تفكر فى حقوقك كشاب ظلمته حكومة الإنقاذ وسلبت كل حقوقه وجعلته لا يعرف عن الرفاهيه والحياه الكريمه أى شئ !

قول كلام غير دا .. ما في ظلم ولا حاجة !!

Quote: اعتقد ان مجرد تعبيري عن رأيي لا يستوجب الخزلان !

Quote: فيصل الرشيد شايفك اليومين دى بطلت بوستات الونسه والتهريج وبقيت تبارى فى ود الباوقه وعلاء الدين ! ياربى يادوب تم إعتمادك فى الكشف ؟! على العموم معليش جيت متأخر .

Quote: المؤسف يابن أختى وليد أن يكون تفكيرك مثل كل كتاب الدفع المقدم الذين سبقوك إلى هنا !! فأنت متفتح الذهن وتربيت ومن حولك من صنع الثورات وأسس للديمقراطيه !! عموما التغييب أظنه شمل الجميع ,, ياعزيزى وليد لا أحد يريد أن يوكل أحد لينوب عنه ويقود مظاهره , أنا أريد أن ألفت نظركم فقط بأنكم وطوال حياتكم لم تنعموا بأى نوع من الحياه الكريمه , بل وصل بكم الحال وأعتقدتم إن ماتعيشونه من أوضاع الآن هو واقع الحياه !! مساكين ياوليد أنتم كشباب ,, تفتحت عيونكم على دجل إسمه الجهاد وأمريكا قد دنا عذابها وسير سير يابشير وأنتم لا تدرون إلى أين يسير هذ البشير !!

Quote: جيلي انا .. يحيى وحيدا .. يقاتل وحيدا .. ويموت وحيدا الفرقه بين الدفعات زي عشره سنين .. نقول عشره .. ناس الخمسينات جيل التحرر من الاستعمار.. استلموها من ناس الاربعينات القاومو الانقليز .. وسلموها لي ناس الستينات جيل بلورة الفهم السياسي السوداني .. ومفروض انو ناس الستينات يسلموها لينا نحنا ناس السبعينات .. وكان مفروض يكون التسليم والتسلم في بداية التسعينات حتى الالفين .. يعني في عز عهد الانقاذ .. الحصل انو ما استلمنا اي عهدة عن الثقافة والاخلاق السودانية من اي زول ... لقينا الناس القدامنا .. يابره البلد .. يا محابي .. يا خايف .. يا مسجون .. طيب نسوي شنو !!!؟؟؟؟؟ نعلم روحنا برانا وما قصرنا علمنا روحنا قدر قدرتنا وطبعا ما حا تطلبو مننا في الغابة دي انو نكون نماذج مستفحلة في الخير.. لانو ما حانقدر ماهو يا اما تكون عزال وديع .. وبفترسوك يا تكون ضبع متملق .. عشان تعيش على فتات المفترسين يا تكون مع المفترسين .. وتاكل اي غزال قدامك وتخلي الضبع يتملقك وينظف ما تركته من وساخه او تكون نصف مفترس ونصف وديع وغير متملق ... عشان تحافظ ليك على دائرة قدر مساحة جسدك .. مملكه خاصة بيك ما يدخلها لا مفترس ولا وديع .. حقتك براك .. يهاب منطقتك المفترسين لان الدخول في معارك معك يخرجهم بخسائر وان فازو ده الشي اللقينا قدامنا دي االخيارات اللقيناها واخترنا الخيار الاخير وعشان ما لقينا قدامنا زول يربينا ، انا ما قاصد التربيه الخام البتربيك ليها الاسرة ... الاسره بتذودك باساسيات التربية والاخلاق .. والشارع هو البفسرها وبوريك فنيات استخدامها...يعني كمثال .. بربوك بقولو ليك الكضب حرام ... لمن تمرق الشارع بتعرف انو الكضب ما كلو حرام .. في كضب مباح واحتمال تلقى فيه حسنات . -أخرج مسلم في صحيحه عن أم كلثوم رضى الله عنها قالت: "ما سمعت رسول الله (ص) يرخص في شيء من الكذب إلا في ثلاث: الرجل يقول القول، يريد به الإصلاح (أي بين الناس)، والرجل يقول القول في الحرب، والرجل يحدث امرأته، والمرأة تحدث زوجها".- يعني في كذب حلال ... وبحلك من مشاكل وبحل الدنيا كلها معاك ... اها دي ما بورونا ليها اهلنا.. بنعرفها من الناس القدامنا ... بنتعلمها من الشارع والحمد لله .. والله عشان رحيم .. لحقنا بالانترنت .. عشان نتربي في البورتات .. وكت ما اتربينا في الشوارع ... وما قصرنا ... سكيناكم وكسناكم وفتشنا عنكم .. عشان نتعلم ونشيل منكم.... ونتحاور معاكم حسب الشي الاتعلمناه هنا وبرانا ... لكن .... لقيناكم رافضننا وما قبلانين بينا .... وما فاضين عشان تعلمونا .. بس فاضين عشان تنتقدونا ... زي ابوين ولدو ولد وخلو الشارع يربيه .. وبعد ما كبر جمعتهم به الظروف ... واتصرف الولد تصرف غير مقبول مع ابويه .. فما كان من الابين الا ان نعتاه بقلت الادب ... بالله شوف !!!!! ما لازم يكون قليل ادب .. وكت انتو ابيتو تربوه وخليتوه للشارع يربيه.. انا ما بتهم زول بالتقصير ... وما بطالب زول بالاجتهاد .. انا عاوز بس تفهمونا وتعرفو انو ده العندنا .. وسويناهو برانا وتقبولونا على علاتنا وكت ما ساهمتو في ازالت علاتنا دي لحدي ما تعاد تربيتنا على اياديكم وشكرا كتير وليد ــــــــــــــــــــــــــــــــــــــــــــــــــــــــــــــــــــــــــ اي مصطلحات او احصائيات مقطوعة من راسي .. ما لقيت لي زول يوريني منهجية انشاء المصطلحات والاحصائيات فخلقت لي فلسفة حقتي

Quote: عودٌ على بدء لا يزال نفس النمط.. ونفس اللهجة هي السائده .. في في البورد اتهامات بالكوذنة شمال ويمين ونجد العضوء في هذا البورد بنصب نفسه القاضي ، وهيئة الادعاء ، والمتحري ، والشاكي ، وساعي المحكمة ، والجلاد ... وان كانت هناك طريقة لنصب نفسه المتهم ايضاً بس بطل فلم هندي .. اي شي بسويهو براهو نحنا البرالمة كيزان وطيب حانكون شنو وكت لقينا بلد ما فيها الا الكيزان التلفزيون عندو دقن والازاعة عندها دقن والجرايد عنها دقن والشرطة عندها دقن والقوات المسلحة عندها دقن والادارة الاهلية عندها دقن وبعد ده مفروض نطلع شنو!!! لمن استولو الكيزان على السلطه انا كان عمري 14 سنة و 9 شهور و 11 يوم .. يعني في نظر القانون السوداني ... حدث ... قاصر .. غير مسئول عن تصرفاتي .. خليك مسئول عن بلد عديل كده اين كنتم انتم حينما استولى الكيزان على السلطه ؟؟؟ هذا السؤال موجه الى كل من تخطي 18 سنة في عام 1989م شهر 6 يوم 30 .. اين كنتم لتدافعو عن الدمقراطية.. استولى الكيزان على الحكم بليل .. واين انتم يا رجال السودان ونسائه في ذلك الليل ... وهل تترك الدمقراطية هكذا من دون حماية ؟؟؟؟ والحامي الله انظروا الى البلدان الانتم بها ... وعايشين دمقراطيه جد جد ... دمقراطيه في الممارسة .. ودمقراطيه في الفهم ... هل دمقراطيتهم متروكه على عواهنها .. وحاميها الخالق كلا اعينهم يقظه .. واياديهم جاهزة للدفاع عنها في اي لحظة .. وان كانت هذه اللحظة بليل ورغما عن ذلك لم نتكوزن ولن .... لا اعتبر هذا الا اسقاط نفسي ... خجل يعني زول عاوز ليه شماعة يداري فيها تفريطه في الدمقراطيه التي كانت بين يديه.. ووكت غلبو يرجعها .. دور فينا نحنا .. الكيزان تربية الكيزان .. انحنا لينا الله لا فرطنا في الدمقراطية ولا كنا في عمر بسمح لينا بالدفاع عنها وان كانت مسئولية الدفاع تشملنا .. سنكون في اخر الصف .. بعد ما يسئل كل من هم امامنا في العمر وفي الفهم وفي العقل ... تاني بقول ما تزهجو مننا وما تزهجونا منكم وعونا ، انصحونا ، انبونا ، لاكن ما تحكمو علينا بغلطكم انتم صلحونا وصلحو غلطاتكم فينا والله يهون

(عدل بواسطة Barakat Alsharif on 01-12-2011, 04:09 PM)

Quote: والله يامعاويه كنت أتمنى لو قرأت لك رأيا !! مع أو ضد مش مهم ,, المهم يكون رأى !!

Quote: تعال لينا وتعال لينا نحن ونحن ناس فارغات