|
|
 عربي جوبا
|
معلوم أن الإنكليز سوو "المناطِق المقفولة" بس دي عاملة مِتِل شماعة ناس الكورة، عُقُب هزايِمُمْ، بِكون السبب دايمًا إرهاصات قرار نميري بتاع "الرياضة الجماهيرِية" وحسب كلام د. علي شمو في برنامِج "مُراجعات" حق الطاهِر التوم/قناة النيل الأزرق، حسب ما أذكر، قال: "الرياضة الجماهيرِية" كانت شهور ونميري رجع في قرارو. هسع ما تدرعو بِالله نجْر الخواجة حق "المناطِق المقفولة" هو سبب الإحن والمِحن البين الشِمال والجنوب.
وبرضو العرب والمُسْتعرِبة والمُنْدرعين إنْدِراعا في العرب، ما هُم السبب الوحيد، لأنو لو هُم السبب، ليه قبايِل الجنوب الكتيره دي، إنتظرت كل ها الوقت علشان يكون "عربي جوبا" هو الوسيلة الوحيدة البِتْفاهمو بيها مع بعض، والمفروض العرب ديل ياهُم العدو الما بِقيفو ليهو فراجا؟!
الإنكِليز والعرب والشيطان، هُم في الغالِب الأعم أسباب مشاكِل كتيرة، بس ما بالضرورة يِكونو هم السبب الوحيد والرئيس لِكل بلاوي السودان..
|
|
 
|
|
|
|
|
|
|
|
Re: عربي جوبا (Re: عزام حسن فرح)
|
محمد زكريا
| Quote: هسه ده وكت يرجعوك فيهو.....يا انفثالى |
أنا زي بابا نويل بجي في العيد بس.. هسع الإسْتِفْتاء ده بعتبِرو "وقفة العيد" وباكِر وِكْتين ينفصل الجنوب، بِبْقى "العيد" حرم أكان أسو فوقو بزار، خبيز وكرامة سوا سوا..
تِتْخَيل مُشْتاق ليك.. وبعدين إخْتفيت من الفيسبوك فجعه كده مالك ياخ
| |
|
|
|
|
|
|
|
|
|
Re: عربي جوبا (Re: moaz elsir)
|
تاني
حمدا لله على السلامة
وبعدين الدعوة دي ما بتشبه الناس اللي بيكتبوا عربي كويس
وهنا أسألك كعالم بعيداً عن الميول السياسية
مش العربية لسان؟
وإن كان الأمر كذلك
أليس من يتكلمون عربي جويا عرباً
والرطانة اللي زيّي وزيّك ويجيدون التعامل مع لغة العرب أليسوا عرباً؟
إذن ادعاء الجنوبيين وبعض النوبيين
أنهم ليسوا عرباً ادعاء يجب أن نتوقف عنده؟
كي لا يؤدي إلى انفصال آخرين
ويتشظى الوطن أكثر وأكثر
ولك الود
| |
|
|
|
|
|
|
|
|
Re: عربي جوبا (Re: عبدالفتاح أبوشيمة)
|
عزام أخوي
اولا الف حمدا لله علي السلامة والف مبروك للرجعة وان شاء الله رجعة دائمة.
ثانيا استمحيك عذرا علي هذه التهنئة التي صدرت مني وانا حزين حزين في هذا اليوم.
وان شاء نسمع منكم عنكم ،،،
| |
|
|
|
|
|
|
|
|
|
Re: عربي جوبا (Re: حسن طه محمد)
|
عبدالفتاح أبو شيمة
العربية عِرْق.. جِنْس.. أو كان كُل المُسْتشرِقين الذين يجِيدون العربية إجادة تامة، عربًا. لِذا عُرِف سَيِدنا بِلال، بِبِلال الحبشي، وسلمان، بسلمان الفارِسي.. خِطاب البشير في القضارِف "المَدَغْمس" لو أصبح حقيقة إن شاءالله السودان ده ما يبقى فوقو نُفاخ النار.. الله في سماهو يِسوينا شعوب وقبايِل وعُمر البشير يِسو المَدَردَم كلو ليمون!
| |
|
|
|
|
|
|
|
|
|
Re: عربي جوبا (Re: عزام حسن فرح)
|
moaz elsir
نِحنا عِندنا لُغتِنا ولهجتِنا وده مِن شِمال أبو فاطنة لاحَدْ أسوان وبعض الجِيوب في جبال النوبة، الجنوبِيين ما وحدُمْ إلا "عربي جوبا" ده سؤال يا ريت واحِد جنوبي يِورينا ليه؟
| |
|
|
|
|
|
|
|
|
|
Re: عربي جوبا (Re: حسن طه محمد)
|
عودا حميدا
افتقدنا قلمكم (اقصد كي بوردكم) ولم نعثر عليكم في الفيس بوك كما اشيع
خالص التحايا
حاشية: لماذا اخترت هذا اليوم الحزين لتعود؟
عارف حزين ليه ؟ ما عشان السودان اتقسم ولا كدا بس لانو حيكون في بلد ديمقراطي حر جنوبنا ( بغرانة ما حاسدة) و احتمال كبير اتقدم بعد الناس الشفناهم واقفين للادلاء باصواتهم ونحن في سجم رمادنا دا
ندلي في اسواطنا ونرفع فيها
| |
|
|
|
|
|
|
|
|
|
Re: عربي جوبا (Re: حذيفه ابراهيم الكباشي)
|
حضره المُسْتشار/ حسن ود عم طه
| Quote: ثانيا استمحيك عذرا علي هذه التهنئة التي صدرت مني وانا حزين حزين في هذا اليوم. |
حزين لِشنو يا حبيبنا؟ يعني ما هايِن عليك تفارِق أرض المعركة الدامت 55 سنة ماتو فوقا 5ر2 بني آدم وإتْشرد قدرهُم.. لو في حُزن بِالله حقو تحتفِظو لينا لمآلات ما بعد إنْفِصال الجنوب..
| |
|
|
|
|
|
|
|
|
|
Re: عربي جوبا (Re: عزام حسن فرح)
|
الشفيع وراق عبدالرحمن
Quote: حمداً لله على السلامة يا زول
البورد (حقيقي) كان بفتقدك |
تسْلَم يا رب.. كتر خيرك ود وراق
| |
|
|
|
|
|
|
|
|
|
Re: عربي جوبا (Re: عزام حسن فرح)
|
حمداً لله على السلامة استاذنا عزام ...مشتاقين وافتقدناك والله ...
اعدت للبورد رونقه ونوره ....
ــــــــــ
عربي كسلا كيف ؟!!
| |
|
|
|
|
|
|
|
|
|
Re: عربي جوبا (Re: فايزودالقاضي)
|
..
.
اربي جوبا دا اللوقة الهيتكلم بيهو
ناس جنوب كله بعد الانفصال وانت لازم تفهم هاجة
دا من هسي شان موضوع انفصال دا واقع لا مهاله ..
--------
حمدالله الف على السلامة
ياخى توقيت ذى العجب ..
| |
|
|
|
|
|
|
|
|
|
Re: عربي جوبا (Re: لدن جعفر)
|
عزام حسن فرح
حمدا لله علي سلامة العودة
ولكن رغم الغياب فقد كنت حاضرا
وموجودا بين الاعضاء بذكراك الطيبة
عودا حميدا
| |
|
|
|
|
|
|
|
|
|
Re: عربي جوبا (Re: الشامي الحبر عبدالوهاب)
|
Quote: معلوم أن الإنكليز سوو "المناطِق المقفولة" بس دي عاملة مِتِل شماعة ناس الكورة، عُقُب هزايِمُمْ، بِكون السبب دايمًا إرهاصات قرار نميري بتاع "الرياضة الجماهيرِية" وحسب كلام د. علي شمو في برنامِج "مُراجعات" حق الطاهِر التوم/قناة النيل الأزرق، حسب ما أذكر، قال: "الرياضة الجماهيرِية" كانت شهور ونميري رجع في قرارو. هسع ما تدرعو بِالله نجْر الخواجة حق "المناطِق المقفولة" هو سبب الإحن والمِحن البين الشِمال والجنوب.
وبرضو العرب والمُسْتعرِبة والمُنْدرعين إنْدِراعا في العرب، ما هُم السبب الوحيد، لأنو لو هُم السبب، ليه قبايِل الجنوب الكتيره دي، إنتظرت كل ها الوقت علشان يكون "عربي جوبا" هو الوسيلة الوحيدة البِتْفاهمو بيها مع بعض، والمفروض العرب ديل ياهُم العدو الما بِقيفو ليهو فراجا؟!
الإنكِليز والعرب والشيطان، هُم في الغالِب الأعم أسباب مشاكِل كتيرة، بس ما بالضرورة يِكونو هم السبب الوحيد والرئيس لِكل بلاوي السودان.. |
هؤلاء هم أجدادنا خلقوا آلية لتواصل أجيال الجنوب بأكمله .. فى خلال أقل من نصف ألف عام ..
أين دور أجدادك؟؟ ..
صيادون مهرة .. طبعاً ..
بريمة
| |
|
|
|
|
|
|
|
|
|
Re: عربي جوبا (Re: عزام حسن فرح)
|
| Quote: الجمال ماشا والكَلِبْ يِنْبح |
معروف أن الكٌلب ينبح خوفاً على ضنبه .. بدليل عندما ينبح الكلِب يدخل ضنبه بين رجليه حتى لا يخطف منه حين غرة ..
مازلت أسألك ماذا قدم أجدادك للجنوب ..؟؟
---------------------------
إن لم تقل سوف أقول أنا .. بس عايز أديك الفرصة .. والكلام سمح من خشم سيدو
بريمة
| |
|
|
|
|
|
|
|
|
|
Re: عربي جوبا (Re: عزام حسن فرح)
|
ود القاضي
كيف حالك؟ علك طَيِب
باخ ناس الشرِق ديل حضارتمُ زاملت الفراعنة، العرب الجوكم أول أمِس ديل دايرين بيهُم شنو ياخ، بِسْراعين مِتْشلهِت وداخِل تِنْغمِس في زُمرة <الأَعْرَابُ أَشَدُّ كُفْرًا وَنِفَاقًا وَأَجْدَرُ أَلاَّ يَعْلَمُواْ حُدُودَ مَا أَنزَلَ اللهُ عَلَى رَسُولِهِ وَاللهُ عَلِيمٌ حَكِيمٌ * وَمِنَ الأَعْرَابِ مَن يَتَّخِذُ مَا يُنفِقُ مَغْرَمًا وَيَتَرَبَّصُ بِكُمُ الدَّوَائِرَ عَلَيْهِمْ دَائِرَةُ السَّوْءِ وَاللهُ سَمِيعٌ عَلِيمٌ> التوبة 97-98
وود عمهم ابن خلدون قال فوقمُ:
في أن العرب إذا تغلبوا على الأوطان أسرع إليها الخراب
والسبب في ذلِك أنَّهُمْ أُمَّةٌ وَحْشِيةٌ بِإستِحْكام عَوائِد التَّوَحُّشِ وأَسْبابِهِ فيهمْ فصار لهُم خُلُقاً وجِبْلَةً ، وكانَ عندَهُمْ مَلْذوذاً لِما فيهِ مِن الخُروج عن رِبقَةِ الحُكم ، وعدم الإنقِياد لِلسِياسةِ. وهذِهِ الطبيعة مُنافِية لِلعُمْران ومُناقِضةٌ لهُ. فغايةُ الأَحوالِ العادِيَّةِ كُلِّها عندهُم الرِّحْلَةُ والتَّغَلُّبُ وذلِك مُناقِضٌ لِلسُّكونِ الذي بِهِ العُمرانُ ومُنافٍ لهُ. فالحَجَرُ مَثلاً إِنَّما حاجَتُهُم إِلَيهِ لِنصْبِهِ أَثافيَّ لِلقِدْرِ ، فينْقُلونَهُ مِن المباني ويُخرِبونَها علَيهِ ، ويُعِدونهُ لِذلِك. والخَشَبُ أَيضاً إِنما حاجَتُهُم إِلَيهِ لِيَعْمِدوا بِهِ خِيامَهُمْ ويتخِذوا الأَوتادَ مِنهُ لِبِيوتِهِمْ فَيُخَرِّبونَ السَّقْف علَيهِ لِذلِك. فصارت طبيعة وُجودِهِمْ مُنافِيةٌ لِلبِناء الذي هو أَصلُ العُمرانِ.
وأيضاً فطبيعَتُهُمُ إنتِهابُ ما في أيدي النَّاس ، وأَنَّ رِزْقهُم في ظِلال رِماحِهِمْ ، ولَيس عندهُمْ في أَخذِ أَمْوالِ النَّاس حَدٌّ يَنْتَهونَ إِلَيهِ ، بل كُلما إمْتَدتْ أُعْيُنُهُمْ إلى مالٍ أَو متاع أو ماعونٍ إنْتهَبوهُ. فإذا تًمَّ إقتِدارُهُمْ على ذلِك بِالتَّغَلُّبِ والمُلْك بَطَلَتِ السِّياسَةُ في حِفْظِ أَموالِ الناسِ وخَرِبَ العُمرانُ. الفصل26/ص139
| |
|
|
|
|
|
|
|
|
|
Re: عربي جوبا (Re: عزام حسن فرح)
|
Nazik Eltayeb
Quote: عودا حميدا
افتقدنا قلمكم (اقصد كي بوردكم) ولم نعثر عليكم في الفيس بوك كما اشيع |
تسلمي.. كتر خيرك.. في الفيسبوك أكْتِبي azzam hassan farah
ـــــــــــــــ
Quote: حاشية: لماذا اخترت هذا اليوم الحزين لتعود؟
عارف حزين ليه ؟ ما عشان السودان اتقسم ولا كدا بس لانو حيكون في بلد ديمقراطي حر جنوبنا ( بغرانة ما حاسدة) و احتمال كبير اتقدم بعد الناس الشفناهم واقفين للادلاء باصواتهم ونحن في سجم رمادنا دا
ندلي في اسواطنا ونرفع فيها |
مرات الله بسوو كَدي، دايِر يتعرف علينا، بنصبُر ولا بنجزع، البشير وزمرتو في الحكم ما لأنهم أقوى، لا لا لأن الله هو < ... تُؤْتِي الْمُلْكَ مَن تَشَاء وَتَنزِعُ الْمُلْكَ مِمَّن تَشَاء ... > آل عمران 26
| |
|
|
|
|
|
|
|
|
|
Re: عربي جوبا (Re: عزام حسن فرح)
|
Tabaldina
كيف حالك؟ علك طَيِب
Quote: حمدالله الف على السلامة
ياخى توقيت ذى العجب .. |
تسلم ياخ.. كتر خيرك.. التوقيت والله مُمْتاز عشا بِتركين بس
| |
|
|
|
|
|
|
|
|
|
Re: عربي جوبا (Re: عزام حسن فرح)
|
فى كتاب: العظمة فى عيون الجمال Glory in A Camel's Eye يقول كاتب الكتاب؛ لقد أعجبت بالعرب من خلال كتابين قرأتهما حيما كنت طالب دراسات عليا .. كتاب Arabian Sands لمولفه Thesiger؛ الذى زار العرب البيدون فى الربع الخالى ..
وقال عنهم: إننى كنت أخشى على أغراضى فى بيئة خالية من جيمع ضروب الحياة .. وما تملكه فيها هو حياتك .. ولكنى وجدت بعد أن كنت وسطهم كالغريب أن أرواحهم الأبية هى التى تضئ تلك المناطق النائية .. فقد عشت بينهم خمسة أعوام وعرفت حبهم للحياة وطيبتهم وعفة أيديهم، فقد أصبحوا من أقرب أصدقائى وقد غيروا حياتى إلى الأبد (وكتاب Thesiger يعتبر ضمن أميّز كتب الرحّالة).
ثم يلتفت مؤلف الكتاب إلى الكتاب الأخر الذى غير نظرته تجاه العرب .. كتاب The History of Arabs لمؤلفهPhilip K Hitti ويقول مؤلف ذلك الكتاب ..
أن الجيوش العربية التى حملت لواء الرسالة الأسلامية بكل حماس ونشرت الأسلام فى افريقيا وأروبا وأسيا، تنبئ عن القوة الكامنه وراءها التى ترتكز على العرب والذين يقولون عن أنفسهم أنهم أفخر الأمم.
يقول مؤلف الكتاب: العظمة فى عيون الجمال Glory in A Camel's Eye من تلك الكتب عرفت أن العرب ليس هم أمة رعاع متجولين ولكنهم بناة أكثر حضارة منتشرة وتزدهر يوماً بعد أخر .. (رغم الحصار!) .. ورحلتى الأن بينهم تؤكد لى أصالة العرب.
-------------------
ولا فخر ..
بريمة
| |
|
|
|
|
|
|
|
|
|
Re: عربي جوبا (Re: بريمة محمد)
|
- طارق جبريل
- الصادِق صِديق سلْمان
- خالِد درق
- لدن جعفر
- الشامي الحِبِر عبدالوهاب
- خالِد عبدالحليم سعيد
تسلمو.. كتر خيركم.. تزورو النبي
| |
|
|
|
|
|
|
|
|
|
Re: عربي جوبا (Re: عزام حسن فرح)
|
حذيفة إبراهيم الكباشي
كيف حالك؟ علك طَيِب
| Quote: حباب خريفنا الزارنا |
إتْ فوق عز أهلك وِكْتين الخلوق تزِمْ عانيه
بِتين أشوف البُطانة يا صاحبي قريب دانيه
هديك المَيعه.. وهديك القُمرية هديك بانيه
ديوان ناس أبوك ما بعدم الرُجال بس سانيه
| |
|
|
|
|
|
|
|
|
|
Re: عربي جوبا (Re: عزام حسن فرح)
|
يا الراكِز ... يا ولد
يا فَرح.. محمد هوووي
الأولاد ديل مشو وين؟
يا ناس والله، الله يسألنا من الكَلِب ده.. يا عبدالحميد.. يا ولد أملا ماعون الكَلِب ده موية وشوف أكان أُمْك عِنده كرته غدا أدْنوها ليهو.. والله حرام والله حرام البِتْسو فوقو ده.. يِنْبح مِن الصباح لِغاية ما قِنِع مِنكُم تاااب.. ما حارِس ليكُم البيت
| |
|
|
|
|
|
|
|
|
|
Re: عربي جوبا (Re: عزام حسن فرح)
|
| Quote: يا ناس والله، الله يسألنا من الكَلِب ده.. يا عبدالحميد.. يا ولد أملا ماعون الكَلِب ده موية وشوف أكان أُمْك عِنده كرته غدا أدْنوها ليهو.. والله حرام والله حرام البِتْسو فوقو ده.. يِنْبح مِن الصباح لِغاية ما قِنِع مِنكُم تاااب.. ما حارِس ليكُم البيت |
مرة أخرى ينحدر المطرود بسوء سلوك نحو السقوط ..
السباب لا يمس إلا صاحبه ..
وشخصى لا يأبه بالسباب والتحديد والوعيد .. إلى أن يعرف الجميع قيمة وأخلاق وتفكير هذا الجاهل ..
-----------------------------------------------
نحن نشربوا إذا وردنا الماء صفواً ويشرب أمثاله طيناً وكدرا ..
بريمة
| |
|
|
|
|
|
|
| |
عزام حسن فرح
علاء الدين يوسف علي محمد
محمد زكريا
moaz elsir
عبدالفتاح أبوشيمة
حسن طه محمد
الشفيع وراق عبد الرحمن
Nazik Eltayeb
حذيفه ابراهيم الكباشي
فايزودالقاضي
طارق جبريل
الصادق صديق سلمان
الشامي الحبر عبدالوهاب
بريمة محمد
خالد عبد الحليم سعيد
مزمل خيرى
محمد البشرى الخضر
فيس بوك
تويتر
انستقرام
يوتيوب
بنتيريست