|
|
|
 Re: سودانيين امريكا....عاوزين تحضروا النيل الازرق? (Re: motaz)
|
سلامات motaz
كلامك صحيح. لكن فرق التوقيت بيخلينا مستحيل نقعد نص النهار نتفرج على اغانى و اغانى وكده (اكل العيش و خدمة البيت و الاطفال). و الشئ التانى هو ان الموقع مرات كتيرة بيكون ما شغال.
لما تكون القناة فى التلفزيون ممكن اسجل (فى الرسيفر) كل البرامج العاوزاها و ارجع المساء احضرها بمزاج و امشي الدعايات كمان و احضر فى شاشة كبيرة و كولتى عالية
______________________________________
الفوق ده هو ده ردى الرسمى
اول رد فكرت فيه كان رد زول مغيوظ من مداخلتك. كنت ح اقول ليك:
شكرا جزيلا على الفكرة الجهنمية.
ما تزعل I am just kidding
| |
 
|
|
|
|
|
|
|
 Re: سودانيين امريكا....عاوزين تحضروا النيل الازرق? (Re: Rawia)
|
راوية صحبتى الذيذة.....مشتاقين يا اخى. عارفاك ما بتقصرى و ح تحنى على.
بيردوا سريع. اول ما تضربى ح تجيك رسالة. اختارى الرقم بتاع الmarketing اظنه ٣ .ح ترد عليك واحد امريكية بنت قبائل (من غير اكسنت) . تكلمى معاها.
شكرا ....شكرا ....شكرا ....شكرا ....شكرا
| |
|
|
|
|
|
|
|
|
|
Re: سودانيين امريكا....عاوزين تحضروا النيل الازرق? (Re: عبدالعزيز الفاضلابى)
|
سرورة....ربنى يا خليك لى (ايوه....على راى المصرين : "ح اخدك و اشحت بيك")
شكرا ....شكرا ....شكرا ....شكرا ....شكرا
Adil Osman و الله عاجزة عن الشكر....
شكرا ....شكرا ....شكرا ....شكرا ....شكرا
ربنا يقدرنى على رد المعروف
عبدالعزيز الفاضلابى
النيل الازرق ما اظن فيها كورة
لكن فيها برامج منوعات كميات. و اهم حاجه فى رمضان فيها (حسن الذكر) برنامج اغانى واغانى
و كتر خيرك لو ح تضرب عشان خاطرى. الله يجبر بخاطرك.
شكرا ....شكرا ....شكرا ....شكرا ....شكرا
| |
|
|
|
|
|
|
|
|
|
Re: سودانيين امريكا....عاوزين تحضروا النيل الازرق? (Re: Rawia)
|
شكرا يا راوية ....تسلمى
ليه ما فى امل?????
شكرا يا راوية......عاجزين عن الشكر
راوية ,الزولة دى كمان طلع اسمها ياسر فهمي .على حسب كلام اخونا عادل عثمان
_______________________________________________________
شكلهم عندهم كم زول بيرد على الرقم ده. منهم الامريكية و اللبنانية و ياسر فهمى
| |
|
|
|
|
|
|
|
|
|
Re: سودانيين امريكا....عاوزين تحضروا النيل الازرق? (Re: smart_ana2001)
|
تسلمى ياسمارت
تعرفى طلبك ده ذكرنى حكاية تنسب وقائعها الى مدينة بربر.
يقال ان تاجرا حط الرحال بمدينة بربر وفتح دكان فى السوق
تجار المدينة رأوا فيه منافسا فحبوا يعملوا فيهو مغرز
صاروا لفترة يرسلو له كل صباح الصبية والفتيات :
امى قالت ليك ادينا حلبة حصا,,
امى قالت ليك ادينا كحل
التاجر لايبيع تلك الأصناف ,, لكن من كثرة الطلب عليها اعتقد ان لها سوقا رائجة فى المدينة فاخرج كل رأسماله واشترى به حلبة حصا وكحل .. وجا ء
صنقر الإسبوع بحاله زوووول جاء طلب حلبة ولا كحل مافى ,, قام باع الدكان بالخسارة واتخارج من المدينة .
اها يا اختى انتى من بربر ولا شنو ?
| |
|
|
|
|
|
|
|
|
|
Re: سودانيين امريكا....عاوزين تحضروا النيل الازرق? (Re: smart_ana2001)
|
سمارت ..
اتصلت
قالت لي الليلة في عدد من الاتصالات بخصوص الموضوع دة ..
قربتا اقول ليها دي حملة منظمة بقيادة اسمارت هههههههههه
المهم قالت بتكلم المدير بخصوص الموضوع دة وشالت رقم تلفوني واسمي ...
طلعتا اذكي منك ههها قلت ليها صديق لي قال لي انكم بتقدموا خدمة البث لقناة النيل الازرق واني فرحت واتصلت علي طول
وقلتا ليها كيف ما تكون عندكم النيل الازرق القناة دي رقم واحد وهي قناة سودانية
قالت لي عارفة عارفة انها سودانية هههههههههه
_________________
نصيحتي ليك نخفف البنزين شوية ..عشان ما نعملا ظاهرة ...
يعني تلاتة اتصالات في اليوم مناسبة ..
وممكن نعمل schedule للاتصال في البوست دة ...
| |
|
|
|
|
|
|
|
|
|
Re: سودانيين امريكا....عاوزين تحضروا النيل الازرق? (Re: Hadia Mohamed)
|
يا سمارت.
أنت مالك ومال المشاكل؟
زي ما بقول المثل. التركي ولا المتورك. نصيحتي لك أن تبقي مع الفضائية السودانية أو حاولي قناة الشروق. لأن القنوات دي قنوات كيزانية مية المية. وحلو القول في خشم سيدو. لكن بيني وبينك كده قناة الشروق دي يمكن تقيف بعد أن تتوقف أموال البترول اللي كانت سايبة ساكت.
بعدين أنتوا يا جماعة قناة النيل الازرق دي مش بتاعت ناس ال MBC السعودية؟
| |
|
|
|
|
|
| |
smart_ana2001
motaz
يسرى معتصم
mohmed khalail
Rawia
سارة علي
Adil Osman
عبدالعزيز الفاضلابى
Deng
فيس بوك
تويتر
انستقرام
يوتيوب
بنتيريست