نحاسهن اترزم خيول المحاص الكرفن لي ريحة الدم هن بتصاهلن وعقيدن اتقدم ****** قوم شوف الخيول يا خوى عدادهن كم قودهن للحرابه وفيهن اتحكم كم فارسا عنود من شوفتك أتبكم اقطع دابرهم بى سيفك الأبكم ******** شدولو وركب فوق قارحه الأدهم لحاق الصديق والجار في ساعة الهم إن حمر في الزول غير شك يكتلو وهم يتدردق تقول مضروب بألف سهم ********** أسد الكرمت الفى عرينه يتنتر اقدل يا جنا فوق عزك اتبختر اهجم وأتذكر عيون عبله يا عنتر ادخل العوق وخلى الصف ورا ينتر ******** وقت النحاس قح وقلب حربي دا اليوم الفيه أم حداقه نفخر بى تبراني الصقور وتتغدى من دربي أكلى من القلوب ودم الرجال شربي ******** جينا منصورين أبشرى يا آمنه جُرى النم علينا وارقدي متطامنه مسكناك لسانا واسمعي كلامنا إن حوتا الألوف ما بقيفوا قدامنا ******** عارفاكم تمام انتو فرساني وما فيكم ######## في الحاره بنسانى ترفعو راسي عالي وتطولو لساني الرجاله حارساكم والسماحه حارسانى
عزالدين عباس الفحل ابوظبي
01-05-2011, 06:06 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
تمساح جزاير الكرد بتقضي الغرض انت بتشيل بوقت ما متلك ولد ******* غني وشكريه يا أم وريداً حز بحر الاتبراوي الساقي الرجال بالنز العشاما بتجيك انت ليهن حد غرضي إن ما انقضي خلي دار جعل تنهد ****** غني وشكريه يا أم ضميراً فوم بحر الاتبراوي الشقق جبال الروم من قومة الجهل ما قدل فوق لوم في بربر هناك أبو البشير مفهوم ****** غني وشكريه يا شمعة القنديل من قومة الجهل ماهو التليفه عوير الأسد إن نتر طارد النمر والفيل عرش يا أب كريق علي البماثلو قليل
*** المصدر :- منقول من النت ،،،
عزالدين عباس الفحل ابوظبي
01-09-2011, 07:08 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
مناحة المتمة هي إحدي أشهر المناحات في منطقة الجعليين (تحديداً منطقة كلي) وقد قيلت في أحد عشر فارساً لبوا نداء القائد عبد الله ود سعد بعد أن حاصرت جيوش محمود ود أحمد حاضرة غرب الجعليين (المتمة) .. والقصة معروفة ونتائجها اشتهرت (بكتلتة المتمة) في تراث الجعليين .. والتي قال فيها ود سعد .. عندما أرسل له بعضهم بعض النصائح وطالبوه بالاستسلام وإخلاء المتمة ومما قيل له أنك تلقي بنفسك وأهلك للتهلكة وبالتالي (كلامك دة أعوج عديل) فقال قولته المشهورة : من الله خلق عيال جعل .. بسهووها عوجة .. وربنا بعدلها .. وبعدها إتفشق فوقها وإضكر ..
*** أما هؤلاء البواســل فقد ماتوا مـع قائدهم وجاءت هذه المناحة ،،،،
طال الشوق على فارس أم دروع ولجام وفي رأس الدريس أسد الهشاب الزام وين عريس الدندر الرزام **** الدنقر ضرب مرق الأمير قدام وبرزوا عيال جعل الكلهم كُزام الموت أصلو دين سمح العمر ينسام وطلعت ذكرتهم حد اليمن والشام **** الدنقر ضرب شمس نحاسو هدر ولامن ركب فوق قارحو شدَّ دَفَـر الموت أصلو دين الحديث أب نفل وطلعت ذكرتهم للجامع الأزهر **** الدنقر ضرب المدفع اترزّم ولامن كان رِكب فوق قارحو يتجزَّم اتعقدوا اليمين العامل اتوهم وقالوا نوجبن لامنم نخوض الدم **** الدنقر ضرب حِس السلام رزّا ولامن كان ركب فوق قارحو يتمزّا اتعقدوا اليمين ما نووا بى فــزة لامن وجبوهن رقدوا فوق عِـزة **** الدنقر ضرب حِـس السلام وقَّ عبد الله أب سعد للحارة بتلقى استعزا ودخل فارس الخيول شـقَّ وجزم قول البنات استاهلو وحـقَّ **** عيال جعل الأُصال نسبتم عباس ولامن كان ركب فوق قارحو شدًّ وهاش اتعقدوا الطروف ومرقوا لى الرصاص وطلعت ذكرتهم من برنو لا دار فاس **** عيال جعل الأصال البفعلوا الطولة جبخانة السلاح أم قالي برزولا اليوم يا عيال ها العظمة والدولة ومن طرف القبايل تبكي مفلولة **** عيال جعل الأصال الحرو في لقاهن هدفيب الجلل م ا خافو ضلاهن والخواض ركب فوق قارحو شقاهن وشقيش ما ضرب بى كفو آذآهن **** عيال جعل الأصال أكانو أسودة وروس وركبوا وشددوا أمات دروع ولبوس اتعقدوا الطروف ودخلو القنا المانوس يا ربي نجوهن في جنة الفردوس **** عبد الله أب سعد اسد الخلا أب عاجات عريس أمات لبوس وكتين يجن حافلات اسعزا ودخل وسط الجلل فايرات سيفو يلهبن يستعزا لمان مات **** اللدر المربعن في الجزيرة أم هيل عبد الله أب سعد سموه فشق الفيل استعزا ودخل شق القنا أب ضليل وسمح العدو يومن فوق ضهور الخيل **** أخواني الأسود الليلة ما حليلن ويا حليل عظمتن ويا حليل ركوب خلين ويا حليل صولتن الفوق قتاهيرن طش اليوم عقابن وواجعي من ميلن **** في أخواني الأسود الليلة بتهجا وقت الليل برد وجعاً علي وجا هدف لي بشير أخوي ود عيني حاس لجَّ اليوم نجري ونكوس ضاقت بنا الفجة **** حليل بهجة بيوتنا الشوفتو تهجاني أنا الشوق والحنين لا ديمة لأخواني بشير دود الكواني أب كرقا ياني مسمار الحديث الما بدور تاني **** أبكن يا بنات الليلة قولن دوب على أسياد السبيل والجامع المنصوب الحسن ماصع التلوب الما بقوم مغلوب وقبال لا تميل يبقى الدهر مقلوب
*** المصدر :- شبكة الجعليين ،،،
عزالدين عباس الفحل ابوظبي
01-12-2011, 08:05 AM
بشير حسـن بشـير بشير حسـن بشـير
تاريخ التسجيل: 11-26-2004
مجموع المشاركات: 3420
أخى كره الناس وملوا هذه القبليه بالإفتخار للقبيله وغيرها من الصور التى أثقلت كاهل السودان وجعلته يخسر الكثير من رصيده الوطنى ، وللأسف الشديد لو أمعنت النظر فى بوستك هذا لعرفت ما أرمى إليه ، ففى ظل هذه الظروف التى تمر بها البلاد ، جعلت حتى من هو جعلى يكره أن يقول أنا جعلى ، وحتى أغنية الفنان العظيم عليه رحمة الله ورضوانه / حسن خليفه العطبراوى ، غنتها أسرار بابكر لسبب تجارى بحت هو إحتفال شركة سودانى ب كم مليون كده مشترك !!!!!! صدقنى قبيلة الجعليين خسرت الكثير من رصيدها ولا أبالغ إن قلت لك لم يتبقى لهذه القبيله شيئا ويكفى لتأكيد هذا أن رئيس البلد المطلوب من المجتمع الدولى بنتمى لها. . .
01-13-2011, 05:02 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
انا سوداني كــــــــــــل اجزائه لنا وطن اذ نباهي به ونفتتن نتغنى بحسنه ابدا دونه لا يروقنا حسن حيث كنا حدت بنا ذكر ملؤها الشوق كلنا شجن نتملى جماله لنرى هل لترفيه عيشه ثمن خير هذي الدماء نبذلها كالفدائي حين يمتحن بسخاء بجرأة بقوى لا يني جهدها ولا تهن تستــــهين الخطوب عن جلــــد تلك تنــهال وهي تتزن أيها الناس نحن من نفر عمروا الارض حيث ما قطنوا يذكر المجــــــد كلما ذكروا وهــــو يعتز حـــــين يقترن حكمــوا العدل في الورى زمنا اترى هل يعود ذا الزمن ردد الدهـــر حســـن سيرتهم ما بـــها حطــــة ولا درن نزحوا لا ليظلموا احدا لا ولا لاضطهاد من امنوا وكثيرون في صدورهم تتنزى الاحقاد والاحن دوحة العرب اصلها كرم والى العرب تنسب الفطن ايقظ الدهر بينهم فتنا ولكم افنت الورى الفتن يا بلادا حوت ماثرنا كالفراديس فيضها منن فجر النيل في اباطحها يكفل العيش وهي تحتضن رقصت تلكم الرياض له وتثنت غصونها اللدن وتغنى هزارها فرحا كعشوق حدا به الشجن حفل الشيب والشباب معا وبتقديسه القمين عنوا نحن بالروح للسودان فدا فلتدم انت ايها الوطن
اللّى بابي لي العُوبه يا نديمه اللّى بابى لي العوبه هيا ديبا ****** الليلة الأسد جايّي من جبال الكر بشمشم بكوس بيسأل من العنتر وكت الشوف يشوف حاجبو اليمين ينصر سموك ميتة الفجعه ونهار الحر ********** الليلة الأسد جايي من جبال الفيل بتشمشم بيكوس بيسأل من العنتيل يا رحل الكحل الديمه وزنو تقيل يا جدري الشموم الزول تشقو عديل ********** الليله النجم طرف السما هدموا البجرى نسيبتو والبقيف سجموا الصف التقيل الشيخ الأمين رجموا عزرائيل سلام الله وغشى غنمو
*** ملحوظة :- هذه الأغنية من الاغانى القديمة ، تاريخها يعود إلى زمن الحروب بين العبدلاب والفونج ، ولقد قيلت في الشيخ الأمين ود مسمار وهو احد شيوخ العبدلاب ، والذي مدحته أخته رقية بأغنيتها المشهورة ، الآلاف درجن وشاعرة أغنية اللي باب لي مجهولة ، ولقد تغنى بهذه الأغنية ، أولاد المأمون والفنان مبارك حسن بركات ،
عزالدين عباس الفحل ابوظبي
01-23-2011, 07:34 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
من أمس الضحى تورى أب زنود ساقو يتور بقر الجواميس العليك الرك يا عقد الحديد للحلبي ما بتنفك تورك يا أم رشوم فى الحلق عشرق دقيت الجسر وحاجر مشارع الحق **** غنيت وجبت مسدار المكنه بتكاكي وجنن مدافع النار لفوك يا رحل الكحل دلوك ما بتندار أمانه يا صقر ما تفرشت ليك برجال **** غنيت وجبت نمك بجر القول عليك يا مقنع الكاشافات أسد الخلا الحجّر اليايات ساقوك للشنق يا أبو آمنه حوبتك جات **** غنى وشكّرى يا خضرة الجّموح طلع لي عشاري الليله مسكو يفوح ما خطف البدينقه وما جفّل مجروح سيفو بيأخد الخوذه ومعاها الروح **** أمك ولدتك ما ولدتهم إتنين تسلم يا تلبي البكيل العين حالف يمين ما يكون بين البين دقيت الجسر لى متعة الحيين **** الليلة العقيد شوفنو متمسكـن وفي قلب التراب شوفنو متجكن الراي فارقو لا بشفي لا بمكن ما تتعجبن ضيم الرجال يمكـن خلوكن براكن الليلـة وحدكـن بتمشن تحاربـن ولا بتتبكـن
*** المصدر :- منتديات جبل مويا،،،
عزالدين عباس الفحل ابوظبي
01-26-2011, 04:56 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
<font face="Simplified Arabic" size="6" color=black> الآلاف درجن ولدا نجيض ماك ني البجرجر فى أم صقير وحدي ******* غنى وشكّري يا أختوا يا ريا تمساح الكواني الضارب اللّيه سمعنالنا خبرا فى الهلاليه خمستاشر جواد سكّن سبعمائه ******* من قومة الجهل ما خوفوك بي أخ تور بقر الجواميس الرقادن لخ نقرولو أم هبك الضربخانه يدخ قرنك بفتح الهامه وبمرق المخ ******* أنا قولي ليك صحيح يا ركاب على شلق بنات الريح يا جدري النزيله الدم كرف فى القيح إدريس صاقعة التلوى المقابله تسيح ******* ما بحركو الكشكيش والقلب إن رجف ما بينفع الحريش الجنيات وراك فى الحله آفة عيش ود المقدره البيعزم على الما فيش </font>
<font face="Simplified Arabic" size="6" color=red> عزالدين عباس الفحل ابوظبي </font>
02-02-2011, 04:41 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
نسبة الي تهكير موقع سودانيز اون لاين ، تم تعطيل كل الادوات ، TOOLS وبالتالي لغيري من الاخوة الاعضاء ، لم أتمكن من انزال الاغاني ، والصور ، وحتي الالوان استعصت ، كالبعد ، أضف الي ضغط الشغل ، وانعدام الثواني ، فارجو المعذرة ،،،
عزالدين عباس الفحل ابوظبي
02-08-2011, 05:14 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
الآلاف درجن ولدا نجيض ماك ني البجرجر فى أم صقير وحدي ******* غنى وشكّري يا أختوا يا ريا تمساح الكواني الضارب اللّيه سمعنالنا خبرا فى الهلاليه خمستاشر جواد سكّن سبعمائه ******* من قومة الجهل ما خوفوك بي أخ تور بقر الجواميس الرقادن لخ نقرولو أم هبك الضربخانه يدخ قرنك بفتح الهامه وبمرق المخ ******* أنا قولي ليك صحيح يا ركاب على شلق بنات الريح يا جدري النزيله الدم كرف فى القيح إدريس صاقعة التلوى المقابله تسيح ******* ما بحركو الكشكيش والقلب إن رجف ما بينفع الحريش الجنيات وراك فى الحله آفة عيش ود المقدره البيعزم على الما فيش
*** المصدر :- النت ،،،
عزالدين عباس الفحل ابوظبي
02-20-2011, 04:31 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
الحمد لله ، عــدت الي ابوظبي ، عبر طيران الاتحاد ، اليوم فجرا ، بعد ثلاثة أيام قضيتها، في ، المملكة العربية السعودية، ( في مهمة عمل ) ، وبي من الارهاق ، والتعب ما عظم عن وصفه ، خالص التحايا ، لاخي و صديق الدرب ، الاخ صلاح عباس فقير ، في الرياض ، المملكة العربية السعودية ، والحديث الجميل ، عبر الهاتف الخلوي ، رغم ضيق الوقت ، والثواني حبلي باللقاءت ، والعذر كله الي أقاربي ، في المملكة العربية السعودية ، الذين لم أتمكن من لقائهم ، لضيق الوقت عندي ، بين طيات الاجتماعات ، المتواصلة ، مهم :- الدكتور طلال حسن ، الاخ هاشم الضو في الاحساء ، الاخ عبدالسلام الضو ، الاخ حيدر الضو في مكة المكرمة ، الاخ رفعت سليمان في الرياض ، وكثير منهم في المدينة المنورة ، وفي جدة ، والاخ وليد عبداللطيف ، في جدة ، لضيق الوقت لم أتكمن من الحديث معه ، ولكم مني أطيب الامنيات ،،،
عرش دود مراقد السار لي المو فشار خايلة الملكه فوق مختار ******** سيد الأبيض النهار سيد المهره والقرقار ايدك الما بتخون الجار ايدك ترجم الحفار لي المو فشار ******* عرش زى أبوك يا دود احسب لي تمانيه جدود ات فوق الرجال بالعود ضربك جله مو بارود ********* قالت امو جيت لى لي ناظر العبيديه جدك يغفر السيئة وخالف للرجال كيه ******** ما بيدى ويقول أديت ما اتفشر وقال سويت القنديل سراج البيت حمد لله سلامتك جيت ******** العنتيل جاء يتقنت من شوفتو الرجال جنت عرش فوقن أتعنت ولا تخيب رجاء الظنت ******* ميرف ود ملوك بربر خت الكرسي واتحكر قال للمستر أتذكر مك في دارنا ما بتظهر ********** يا الماسك الدريب طلش ديل ناس رحمه لا تنغش ضربك جله مو بالرش شن جاب الحديد للقش
*** المصدر :- منتديات منطقة الحلاوين ،،،
عزالدين عباس الفحل ابوظبي
03-03-2011, 05:28 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
بدخل في المحاص كلمات زينب بت فايد ، قالتها في أخيها الحسن ود فايد تغنى بها ، أولاد المأمون وبادي محمد الطيب
بدخل في المحاص أب جلة بتفور قاهر صمد البجن طابور ********** شدولو فوق تاتاى مطلوق الجبين اللى عرضو مو نساى عجل مشن اب قرون للساهله مو رعاى لسع صغير وقتين يسوى كيفن الرأي ********** أرباب الفراسه الوسمو فوق ناظرو والعوقه أب صفوف انت بتجى بتناظرو ود فايد حسن ما بتقدرو تناظرو والخوف حين قسمو أخوى ما حاضرو ********** يا شقاق عتامير الخلا والصو يا أب قلبا شجيع صوانو واقف كو أشعت في القتال ليهو العرض والهو في كباد الرجال شبع صقور الجو ******** الليله العيال اتسامرو البارود جاك يا من كان على صف الحرابه يقود ود فايد حسن الفارس المأسود كوفيتو أم عبل وسط المحاص بتخوض ********** عاجبنى العيال الكلهم نجاح جاك يا من كان يجيك فوق العبار مو شاح ود فايد حسن الفارس اللفاح أتبسم لقاهن بين الحجل والراح
*** المصدر :- منتديات منطقة الحلاوين ،،،
عزالدين عباس الفحل ابوظبي
03-14-2011, 04:36 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
الليلة العيال و قعوا صعيد روروه بهديكم عليه القدح اب خُرز جّروه بهديكم عليه السيف السمح شيلوه بهديكم عليه الجمل البشارى اسعوه **** ياضايقين حُلوها مُرها لوكوه امرقوا بره هشكى البيوت خلوه كيفن هاش و كرف الدم الفى البخور بنشم جرو العنقريب فوق العيال تتلم **** العوبا يا هوى بابلى انا دوبا يا هووى باب لى أن كان للكرم سوالو طاحونة و أن كان للصلاة الجنة مضمونة نيران الدخان طفاه بقرونه و كان لحظه الخصيم جدعوه عيفونة
*** المصدر :- منتدي منطقة البسابير،،،
عزالدين عباس الفحل ابوظبي
03-16-2011, 04:56 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
لساني فوقو بقول كاسر يا جرو الخلا أبو ساجور ******** غنى وشكري يالصفره مستوره فوق تلب الخلا الغابتو محجوره يامرض القلب وما بتخاف روبه نوسار للخصيم لمن يموت طوله ********* غنى وشكرنو يالتلات أخوات لا رجفت لحمتو ولا لسانو اللات السيف في يمينو بقدل على الدرقات الخزين أخوى ومقنع الكاشفات ********* غنى وشكري يا خضرة الليمون من قومة الجهل عرضى واخوى مصيون يالقدح السبيل انت الجراب مجرور يا ب سيفا بسل الخوده والصنقور ********** الشدرة الضليله الما نقرها السوس فوق رأسها النمر وفوق ضلها الجاموس فوق رأسها النمر وفوق ضلها الجاموس شن تمشى وتقول لامات قرين مرشوش ******* ما دايراكم أنا تكيلو تدوني وما دايراكم أنا تخدمو تعشوني الليله القوم فى البلد قالو بيسوقونى ما دايراكم أنا تدوني عيش في جراب ما دايراكم أنا تكسوني لي قرقاب دايراكم أنا وقت الشوف يشوف تهزو بى أم قلاب
*** المصدر :- منتدي منطقة البسابير،،،
عزالدين عباس الفحل ابوظبي
03-17-2011, 04:49 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
يا الأحييت سنن البرامكه وعاجبني طول ايده سامكه يا يابا قول النعيم درّاج المتابكة ******** النعيم يا فحل القبائل كريم لمام الهمايل شيتا براك ما أظنو خايل ايدو أم ِرويق والقِبلي شايل ******** النعيم يا قاصدين لبا خشمو انطبع لي مرحبا هو عزيمتو ما بردخا والبتسبل للضيف بضبحا ********* النعيم قادل وحدو ما تكترو وتتقعدو هو رب القدرة ساعدو ختو لو الصحة ما فنتدو ******** غنيت لدابي الرجيمة ما بحوى على البهيمة هولك الشكرات قديمة ما بشيل المال الفي القسيمة ******** أنا غنيت للولد الاسمو النعيم ود حمد وكت العيش ِبقى بالقبض ديوان النعيم ولا بنسد (انت الكبرى الركز البلد ) ******** غنت ليك أم رشوم هو مو لها وطق خُشوم وكت العيش بقى معدوم فوق ضهرو الولية تنوم ******* النعيم الشكر ليهو ُقلتو بسبل بتوب سترتو زي القمر في ُبهرتو باجور شخرت ماسورتو ******** يا الشرفت القضا ويا الحاكيت من مكوار بدا خدامتو القعدا هيِ بتدرِش قالت قضى ******* انا غنيت جبت وصفو مكتوب الشرف على كتفو ناطو ليه ما لحقو حرفُو ديل القبيل ماكلنو حرفو
المصدر:- منتديات منطقة الحلاويين ، أغنية النعيم ود حمد من كلمات رجل اسمه بابا ، وكان النعيم عمدة للمعيلق .... بعد مدح بابا للنعيم غضب أهل بابا نسبة لبعض الخلافات بينهم والنعيم ود حمد فاشتكى أهله للشيخ الجيلى ود العباس ود بدر ناظر الخط الخامس جهة الكاملين فقال الشيخ الجيلى لأهله :- ( انا بابا دا وسمتو وطلعتو) ، فمدح بابا الشيخ الجيلى ود الشيخ العباس ود بدر، بأغنية ( البشيل فوق الدبر ما بكل ) ، ،،
عزالدين عباس الفحل ابوظبي
03-20-2011, 07:18 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
ما حرسو الجري صدرك موشح بالدمي ما بخاف فارس الحديد إن حمي فارسنا البخيت التم شكراتن قمحت الخيول وكملت ركباتن ما بخاف فارس الحديد إن حمي صديت الخيول وقمحت ركباتن مابيخاف فارس الحديد إن حمي يافارس الإلوف الانت كفيتن وكبست الدروع وشلعت خوزاتن مابيخاف فارس الحديد إن حمي قايدنا البخيت التم شكراتن وصديت الخيول وقمحت ركباتن ما بيخاف فارس الحديد إن حمي من قومت الجهل لاهو الخوف ولا قسمو متبون في المحافل الدود كتر عشمو ما بيخاف فارس الحديد إن حمي تقدل فوق بكانن النحاس خلف شتمو ورقد البخيت الفال والنصر ختمو هو مابيخاف فارس الحديد إن حمي من قومت الجهل الخوف ولو كارو والهوي والشرق اتصنتو افعالو هو مابيخاف فارس الحديد إن حمي مضروب في الوجن ولا جاني بشمالو ما بيخاف فارس الحديد إن حمي ماحضرو معاك اخوانك الديدان قفلو الخط علي خيلن بجن ريقان ما بيخاف فارس الحديد إن حمي وكت الشوف يشوف صدرك يزن دلهان سوالن جهاد حمزة وعلي وعثمان ما بيخاف فارس الحديد إن حمي
الوافر ضراعو ، الشاعرة الهويدة ، غناء بادي محمد الطيب ، و مبارك حسن بركات ، والفنان الكبير إبراهيم عوض ،،
الوافر ضراعو أمنتو الرسول مأمون الوداعه برد دار أبوه ******** غنى يا الهويده لود البها وجريت القصيدة شال الصوت عرض تاية أخوى فريدة يا جنيات انصرفو ميزة أخوى بعيدة ******* تغنى الفى جرفو لود البها والخلوق بتعرفو شال الصوت عرض يا جنيات انصرفو نمر العبدلاب الما بيرجف كتفو ********** غنى يا سلكوكه جر النم عليه وخنقى الدلوكه انت يا الأصم يا الما بحمسوكا يا ضرب يومين تنزل فوق عدوكا ******* تغنى الرحمه قالت يا قشاش دموعي العلى سالت وقت الحاره جات والفرسان ان جالت نادولى الحسن تومى الحرابه دارت ********* فهمك مو دراسه يالنيل الطمح كسر التُّراسه وقت الصيح وقع والفرسان تتواسى برد دار ابوك تضرع ضحى وناسا ********** فهمك مو قليل يالهامه اب زنود فى السموم تقيل يا رحل الكحل بالشضاض تميل جيت يا خيرنا قش دمعى المسيل
.
*** المصدر :- منتديات منطقة الحلاوين ، ذكر لي الباحث في التراث الأستاذ خالد الشيخ حاج محمود إن شاعرة أغنية الوافر ضراعو هي الهويدة ، وهى من مناطق سنار ، وذكر الأستاذ خالد إن الهويدة يطلق عليها الرحمة ، ولقد قالت الأغنية ، في الأمين ود مسمار ، ولقد سمته نمر العبدلاب .. والأمين ود مسمار ، أيضا قالت فيه ، أخته رقيه بنت مسمار ، الآلاف درجن ،،،
عزالدين عباس الفحل ابوظبي
03-21-2011, 10:44 AM
Sharif Nasirladeen Sharif Nasirladeen
تاريخ التسجيل: 09-22-2009
مجموع المشاركات: 373
ما دايرا لك المِيتة أم رماداً شحّ دايراك يوم لُقاء .. بدميك تتوشّح الميت مسولب .. والعجاج يَكتحّ أحيَّا علي .. سيفو البسوّي التحّ
*** قالت بنونة ، ترثي أخاها الذي أصابه الجدري فأقعده عن القتال ، وأماته ميتةً لا تليق بالأبطال، لا أتمنى لك الميتة التي يذر فيها الرماد عليك ، (فميت الجدري لا يغسل ولكنه يذرى بالرماد عن بعدٍ خوف العدوى ) ، أريدك يوم لقاء العدو أن يكون دمك وشاحاً تتوشحه، وأن يكون الموتى تحت يديك مسلوبين خاضعين لك وغبار المعركة، (العجاج) يكتح وجوههم، ثم تأتي لذكرى سيفه فتحن إلى سيف أخيها الذي كان يجز به الرقاب ..
*** المصدر :- شبكة سوداني ون ،،،
عزالدين عباس الفحل ابوظبي
03-22-2011, 05:26 AM
عزالدين عباس الفحل عزالدين عباس الفحل
تاريخ التسجيل: 09-26-2009
مجموع المشاركات: 9077
في الفنجري بجر النم دا البضبح بقول حرّم أو البضبح بشبع لم مابشيل حاشا دية دم وما بسأل يقول بي كم ******** ودناساً أصيلة قبيل سوداني بعدل الميل مساح لي الدموعا تسيل بِكرم ضيفو هجعة ليل ******** دا الجود المعاهو بشاشة دا العينة الغزيرة رُشاشة ما بميل لي الهوانات حاشا كضاب لي الهموم غشاشة ******** قمحتا الخصوم يا مك يوم جابوا حديثم ليك دكيت لي حصونم دك وهيلك النصر لا شك
انا سوداني كــــــــــــل اجزائه لنا وطن اذ نباهي به ونفتتن نتغنى بحسنه ابدا دونه لا يروقنا حسن حيث كنا حدت بنا ذكر ملؤها الشوق كلنا شجن نتملى جماله لنرى هل لترفيه عيشه ثمن خير هذي الدماء نبذلها كالفدائي حين يمتحن بسخاء بجرأة بقوى لا يني جهدها ولا تهن تستــــهين الخطوب عن جلــــد تلك تنــهال وهي تتزن أيها الناس نحن من نفر عمروا الارض حيث ما قطنوا يذكر المجــــــد كلما ذكروا وهــــو يعتز حـــــين يقترن حكمــوا العدل في الورى زمنا اترى هل يعود ذا الزمن ردد الدهـــر حســـن سيرتهم ما بـــها حطــــة ولا درن نزحوا لا ليظلموا احدا لا ولا لاضطهاد من امنوا وكثيرون في صدورهم تتنزى الاحقاد والاحن دوحة العرب اصلها كرم والى العرب تنسب الفطن ايقظ الدهر بينهم فتنا ولكم افنت الورى الفتن يا بلادا حوت ماثرنا كالفراديس فيضها منن فجر النيل في اباطحها يكفل العيش وهي تحتضن رقصت تلكم الرياض له وتثنت غصونها اللدن وتغنى هزارها فرحا كعشوق حدا به الشجن حفل الشيب والشباب معا وبتقديسه القمين عنوا نحن بالروح للسودان فدا فلتدم انت ايها الوطن
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عزالدين عباس الفحل
بشير حسـن بشـير
ابوعبيدة النعمان
ناصر احمد الامين
Sharif Nasirladeen
فيس بوك
تويتر
انستقرام
يوتيوب
بنتيريست