|
دعواتكم لزميلنا المفكر د.الباقر العفيف بالشفاء العاجل
|
|
 Re: أسهل وأرخص وآمن وسيلة للقضاء على الصراصير والنمل.. (Re: Mandingoo)
|
طبعاً ناس السعودية- وخاصة ناس جدة- بيعرفو كويس الضيف الثقيل الاسمو الصراصير.. قدر ما يحاربوه مافي فايدة تلاقيه يظهر اكتر وأليق من الأول.. حتى فيه واحد جاري سعودي قال لي نوع الصراصير دي هنا بيسموها (الأمريكي) عشان لايوق.. طبعا نحن بنتكلم عن النوع الصغار، الكبار بتاع الحمامات - الله يكرمكم- هين وبسيط وما بيتكاثر زي الأمريكي (ناس سيحون وجيحون)..
| |
 
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: محجوب البيلي)
|
Quote: يااااا ماندينغو ... عذبتنا
إنت بتجرب في الدوا دا لسّه؟
.......
بما إنك ما عايز تقول لينا إسمو، نقووم نكسب خير في الإخوة أعضاء المنبر بالمعلومة دي:
الصراصير إسمها في المغرب "سرّاق الزّيت".
و"زيت" زااااتا تُنطق zeet |
يا محجوب البيلي
إلا يجيبوك بالصراصير؟
وينك يا فرده مختفي كده؟ لا مسنجر ولا تلفون ولا مشاركة في (رحلات بن بطوطة).. خير ان شاء الله؟
الدواء مجرب يا باشا.. بس عايز أجيب رجل الناس الزيك المختفين عشان يدلو بدلوهم وأعرف اخبارهم كمان
بس مع اني عشت في المغرب (لكن ما زيك عمري كلو) لسه ما عرفت ليه بيسموه "سراق الزيت"!!
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: قلقو)
|
Quote: اكيد غاز الخردل والسيانيد وما تنسى غاز الأعصاب مرورا بالغاز المسيل للدموع وغاز السارين والأنتراكس (الجمرة الخبيثة)وهلمجرا.
بعد داك اسألنى كان فضلت صرصارة ولا (بنى آدم).
ارجو ان اكون قد كنت مفيدا لك وللأخوة المتداخلين . |
قلقو العزيز
بالمناسبة فيه طريقة زي طريقتك دي، ناجعة جداً لكن مكلفة جداً وخطرة جداً وما بيستعلموها إلا في الضرورة القصوى، او في مخازن الأغذية للقضاء على كل الحشرات والفئران.. ودي لما يعملوها بيقفلوا المخزن او المستودع لستة او سبع او ربما عشر ساعات بعد العملية التي تتمثل في علبة تفتح داخل المستودع او الشقة بعد خلوها من الإنسان والحيوانات الأليفة، وإبعاد كل الأكل والمواد الغذائية.. في المستودعات لما يفتحوها بعد العملية يلاقو الفئران والكدايس ولو فيه كـلب- الله يكرمكم- نسوه جوه برضو حيلاقوه ميت..
والطريقة دي ذكرها لي نسيبي العايش في النمسا، قال مره واحد جاي للنمسا من اسرائيل وشايل معاهو كرتونه فيها خضار، وكان فيها صراصير، توالدت وملأت الشقة وزحفت للشقق المجاورة، فما كان من البلدية إلا أن نفذت هذه العملية..
ولما حكيت لواحد هنا في الرياض الحكوة دي قال لي دي بيستعلموها هنا في مستودعات المواد الغذائية..
طبعاً خطورتها لو تسرب دخانها (وهي في شكل غاز) الى المواد الغذائية نفسها!!
لكن بيني وبينك يا قلقو انت جبت المفيد، والذي في حده الحد بين الجد واللعب.. وطريقتك دي شكلها حيحتاجو ليها في جدة لما تنفجر الصراصير العايشه في المواسير.. مواسير الصرف الصحي..
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: ابوبكر قسومة)
|
Quote: أخونا ماندينقو
انت سويتو كيف في الرياض؟.
|
زي الطريقة السويتها في جدة يا أبا بكر:
نصف علبة حامض البوريك (او اذا بيتك كبير حطي كل العلبة) يباع بالصيدلية
2 ملعقة كبيرة سكر
2 ملعقة كبيرة دقيق
2 ملعقة كبيرة حليب باودر
ماء للعجن ( بس لا تكثرين شوية شوية حتى يبقي الخليط متجانس كالعجين ولا يسيح واذا ساح ممكن تزيدي شوية دقيق ) حطي الماء بالملعقة
اعمليه كرات صغيرة وارميه تحت الثلاجة او الفريزر وبالاخص تحت البتجاز وفوق الدواليب وداخل الخزانة والحمامات على الزوايا واينما ترى انه في صراصير
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: صلاح عباس فقير)
|
صلاح فقير
كيفك يا زول
النمل هيييييييين يا صلاح، الكلام على الحشرة المقرفة الاسمها الصرصورة دي.. رغم انو بياكلوها (قرقشة زي الفشار والشبس) في دول شرق آسيا.. تايلند كمثال (ممنوع دخول البنات لهذه المداخلة، أو على جميع البنات والنساء تحضير سلة القمامة جنبهن.. طبعاً يكونن هسه طرشن وما اتعظن بالتحذير ده.. قلتو لي قريتوه بعد ما طرشتو؟) غلطانين، كان تقرو المداخلة بالمقلوب..
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: فيصل نوبي)
|
ايوه يا فيصل
وأي زول عاش في جدة خاصة في الدور الأرضي بيعاني من هذا الكابوس الاسمو الصراصير (الأمريكية).. واتعذب منها، وكل أدوية المكافحة بتعمل معاها اتفاقية مصالح مشتركة.. في الأول المبيدات تقضي عليها وبعد داك تعيش عليها بعد ما تجيها مناعة منها!!
والغريبة الوسيلة التي انا بصددها سمعتها قبل سنوات طويلة من مريم نور بتاعة قناة ون.. لكن ما جربتها إلا مؤخراً..
لك الود يا نوبي
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: بشير أحمد)
|
Quote:
Quote: 2 ملعقة كبيرة سكر
2 ملعقة كبيرة دقيق
2 ملعقة كبيرة حليب باودر
يامان ياخوى انت بتجهز مواد لقتل الصراصير ولا بتجهز لحفلة عيد ميلاد ؟
ثانيا انت ماعندك فكرة عن الغلاء الخرافى الذى حدث للمواد التموينية بالسودان ؟
ثالثا وده الأهم انو تقريبا كل منازل الشعب السودانى صارت خالية من الصراصير والنمل والفئران بفضل السياسات الأقتصادية لنظام الأنقاذ. |
يا قلقو
المقادير دي لناس السعودية.. باقي علبة اللبن ساكت بتكفي وبرضو باقي كيس السكر.. طبعاً الصراصير المقصودة هنا هي صراصير جدة والرياض، النوع اللايوق الاسمو (الأمريكي) وهو نوع صغار سريع التكاثر، تصل سرعة تكاثره الى سرعة الكونكورد.. يعني تدخل واحدة مع كيس البصل تملا البيت بعشرات الآلاف خلال اسبوعين ثلاثة، وتاني يحلك الحل بله..
وبعدين ناس السودان مرتاحين من نوع الصراصير دي، عندهم النوع الكبار البطئ الحركة والذي يكفي شعاع شمس واحد لقتله، يعني ما عايز مكافحة ولا يحزنون.. بالتالي يوفروا المقادير الواردة اعلاه من السكر والددقيق واللبن..
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: Mandingoo)
|
Quote: Quote: 2 ملعقة كبيرة سكر
2 ملعقة كبيرة دقيق
2 ملعقة كبيرة حليب باودر
يعني خلاص شبعت و دي التحلية؟
شكرا ماندينقو |
الحاج حمد الحاج
حتى التحلية جهبوزة.. تحلية بتاعة صراصير جداوية ورياضية (منسوبة الى الرياض)..
هي بيني وبينك لو ما لقت الحاجات دي مشتتة في المطابخ ما بتتكاثر بالصورة الفظيعة دي
شكرا لمرورك وشكرا لمداخلتك
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: نجلاء قرافي)
|
Quote: جمعية الرفق بالحشرات
تصدر بيان شديد اللهجه وتندد وتشجب الحمله التي تستهدف مجتمع الصراصير والحملات غير السلميه ضدها
وتعتزم خروج مسيره سلميه للتنديد بالممارسات القمعيه التي تمارس ضدها . |
ههههههه والله انا ضد حملات القتل و ضد العنف بكل انواعه.. لكن الصرصار سخيف ياخي
و الأسخف منه الضب .. يا ساتر المخلوق ده انا بخاف منه خوف ..ده عندكم ليهو وسيلة للقضاء عليهو..ده اسخف من الصرصار زاتو
إلا تحنسوني شديد عشان اديكم العلاج الناجع للصراصير و تقولوا وداعاً للصراصير و للمبيدات الكيماوية الضارة الى الأبد
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: توما)
|
Quote: سناء النبي فوقك
الصراصير دي أنا رحلت ليها من بيت عديل كده
ما مستعده أخسر بيتنا الجديد ده |
لا كان كده بكلمك يا توما
العلاج يا ستي صفق النيم ..جيبيهو و قطعيهو و وزعي على اطراف الدولايب و الأدراج بتاعت المطبخ
لكن رفقاً بالنيم ما تمشوا تقطعوا لينا النيم الفي البلد كلها و تحرمونا من نومة الضهاري و ونسة العصاري تحت ضل النيم
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: نورالدين الفحل)
|
Quote:
جمعية الرفق بالحشرات
تصدر بيان شديد اللهجه وتندد وتشجب الحمله التي تستهدف مجتمع الصراصير والحملات غير السلميه ضدها
وتعتزم خروج مسيره سلميه للتنديد بالممارسات القمعيه التي تمارس ضدها .
ـــــــــــبالجنبه كده ياماندينقو الخل ده طريقته كيف
ياسناء منتظرينك |
نجلاء قرافي
أكيد انتي من ناس القرير، وأكيد قريبة استاذنا في مدني الثانوية فضل قرافي..
وأكيد رئيسة جمعية الرفق بالحشرات، لو كانت الحشرات دي دودة القز كنا نقول .. لكن الصراصير؟!!
ما دام مظاهرة سلمية مافي مانع، قبلانين، حنصورها بالكاميرات والجوالات وننشرها في المواقع الإليكترونية وغيرها..
بالجنبة كده، الطريقة ياها دي:
قالت المرة الموسوعة دي انو تبلل القطعة البتمسح بيها البلاط والأرضيات بالخل، وتمسح الأرضيات عادي، وأنا أزيد من عندي، تمسحو بقطعة مبللة بالخل طرابيز المطبخ والرخام، وشوفو النتيجة.. مذهلة.. أنا جربتها ونجحت بحمد الله، يعني قزازة خل بريال او بريالين تغنيك عن الدواء الغالي وعن الشركات اللي بتاخد بلاوي متلتله.. الخل الرخيص العادي مش الغالي بتاع التفاح الأصلي او غيره.. سيختفي النمل ومعه جيوش الصراصير، وإذا عاد مع البصل او الخضار فمسحه او مسحتين سيختفي.. العجيب والغريب انك لن تجده ميتاً.. أين ذهب؟ الله أعلم..
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: نجلاء قرافي)
|
Quote:
Quote: جمعية الرفق بالحشرات
تصدر بيان شديد اللهجه وتندد وتشجب الحمله التي تستهدف مجتمع الصراصير والحملات غير السلميه ضدها
وتعتزم خروج مسيره سلميه للتنديد بالممارسات القمعيه التي تمارس ضدها .
ههههههه والله انا ضد حملات القتل و ضد العنف بكل انواعه.. لكن الصرصار سخيف ياخي
و الأسخف منه الضب .. يا ساتر المخلوق ده انا بخاف منه خوف ..ده عندكم ليهو وسيلة للقضاء عليهو..ده اسخف من الصرصار زاتو
Quote: ياسناء منتظرينك
إلا تحنسوني شديد عشان اديكم العلاج الناجع للصراصير و تقولوا وداعاً للصراصير و للمبيدات الكيماوية الضارة الى الأبد |
سناء
تصدقي الضب من أفيد المخلوقات، فهو الذي يخلص الناس من الحشرات، ولكن لاحظت دائماً الجنس اللطيف بيخاف منو خوف شديد، والأصح انو بيقرف منو..
نحن عندنا في مدني منتشر بكثرة خاصة في الخريف، ولما يحاولو يكتلوه بأقول ليهم خلوه ينضف ليكم البيت من الحشرات.. طبعاً القعونجه لها نفس الخاصية، وبرضو الجنس اللطيف بيقرف منها، وبيخاف منها خوف شديد..
شكرا سناء
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: Mandingoo)
|
Quote: زي الطريقة السويتها في جدة يا أبا بكر:
نصف علبة حامض البوريك (او اذا بيتك كبير حطي كل العلبة) يباع بالصيدلية
2 ملعقة كبيرة سكر
2 ملعقة كبيرة دقيق
2 ملعقة كبيرة حليب باودر
ماء للعجن ( بس لا تكثرين شوية شوية حتى يبقي الخليط متجانس كالعجين ولا يسيح واذا ساح ممكن تزيدي شوية دقيق ) حطي الماء بالملعقة
اعمليه كرات صغيرة وارميه تحت الثلاجة او الفريزر وبالاخص تحت البتجاز وفوق الدواليب وداخل الخزانة والحمامات على الزوايا واينما ترى انه في صراصير |
شكراً ماندينقو..
سمعنا إنو في الخلطة دي ممكن استعمال الزبادي برضو..
نرجو الافادة أكثر حول الموضوع..
وهل البوريك سام؟
وكم عدد مرات الاستعمال؟
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: أيمن دياب)
|
Quote: السلام و التحايا علي أهل الدار
حلفتكم بكل غالي عندكم لا تسلوا روحنا كما فعلت الشقيه أم شنبات دي
ماندينقو شنو ياخ
سناء النبي فوقك
الصراصير دي أنا رحلت ليها من بيت عديل كده
ما مستعده أخسر بيتنا الجديد ده |
توما
لك السلام وكل التحايا
فعلاً فيه ناس بيرحلو من بيوتهم- خاصة الشقق الأرضية- بسبب هذا الوباء الاسمو الصراصير، وخاصة النوع (الأمريكي)..
وان شاء الله ما حتخسري بيتكم الجديد لو استعملتي الخل..
عشتي معافاة من الصراصير
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: Mandingoo)
|
Quote: لا كان كده بكلمك يا توما
العلاج يا ستي صفق النيم ..جيبيهو و قطعيهو و وزعي على اطراف الدولايب و الأدراج بتاعت المطبخ
لكن رفقاً بالنيم ما تمشوا تقطعوا لينا النيم الفي البلد كلها و تحرمونا من نومة الضهاري و ونسة العصاري تحت ضل النيم |
سناء
تصدقي اني استعملت الطريقة بتاعتك دي؟ ومليت أدراج المطبخ بيها، والحال ياهو نفس الحال..
تصدقي أني من ضيقي من الصراصير ابتكرت لي طريقة عجيبة (لكن برضو ما نجحت وحأوريك ليه)، الطريقة اقتبستها من الحياة اليومية في السودان في البيوت الشعبية وفي سودان زمان لما كان الناس بتربي الجداد في البيوت.. وانا في جدة تذكرت انه كيف كان الجداد يتسابق عندما يرى حشرة في الحوش ليصطادها.. فما هي إلا ثواني وتكون الحشرة في جوف إحدى الدجاجات (قصدي الجدادات).. ولو سرعة النقرة لتنازعتها كل المناقير الجدادية (قصدي الدجاجية)..
المهم تذكرت ما كان يجري في منزلنا في السودان فذهبت الى دكان بيع الدجاج (وليس الجداد) في جدة وكان النظام ان تشتري منه الدجاجة حية ثم يذبحها لك وينزع عنها الريش ويسلمك إياها.. طلبت من البائع ان يسملني الدجاجة حية، فأخذتها الى الشقة ووضعتها في المطبخ، وتوقعت ان تجري نحو اول صرصورة تراها.. ولدهشتي لم تتحرك الفرخة من مكانها قط، وضعت لها عيش قلت يمكن تكون بتعاف الصراصير، فما نقرت منه نقرة، قلت اديها مويه عشان يمكن تكون عطشانه وما قادره تاكل لهذا السبب.. وضعت امامها الماء فكأنها لا تراه.. رفعت الماء الى منقارها، فقالت لي (أنا صائمة)!! طيب ما دام ما عايزه تشرب حتى المويه اكيد تكون صائمة، وانا فهمتها على طول وحسبت انها قالت لي انها صائمة
خلاصة الموضوع استنيتها ثلاثة يوم قلت تعطش وتجوع.. ولكن لم تتحرك من مكانها وكأنها مبرمجة على عدم الحركة، وعدم الأكل، وعدم الشرب، فاضطررت في اليوم الثالث ان أذبحها.. فانتهزت فرصة حضور صديق لي ليذبحها لي، فأنا لا أذبح فرخة..
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: Mandingoo)
|
| Quote: لسه ما عرفت ليه بيسموه "سراق الزيت"!! |
تعرف ياماندينقو
انا سالت المدام عن سر اطلاق اسم { سراق الزيت } على الصراصير من قبل المغاربة
فقالت ان الصراصير عندما تجد باقى طوة او حلة في المطبخ لو تغسل
تتجمع حولها بكثرة ، فتبدأ في { لحس ماتبقى } من زيت
والغريب ان الصراصير لا تقترب من الزيت { الطازة } اي الذي لم يطبخ
يعنى بتموت في المطبوخ { يعنى بتحب الجاهز} حكمة ربنا
<img border="0" src="http://www.sudaneseonline.com/cgi-bin/sdb/2bb.cgi?seq=ilib&clr=1&form=post&field=text_text#">
| |
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: omer abdelsalam)
|
عمر غلام الله،
تحياتي وليك شوق يا راجل.
| Quote: نوع الصراصير دي هنا بيسموها (الأمريكي)] |
طالما إتهمتوا صراصيركم بأنها أمريكية
غايتو أعملوا حسابكم ما تضربكم بالصواريخ missile
خاصة لو السكر والدقيق ولبن البدرة برضو مستورد من أمريكا.
تصدق وتأمن بالله كنت عايز أقول ليك الخل لأنه فعلا رخيص وفعال
وأمن وسيلة للقضاء على الصراصير والنمل..
وأيضاالفلفل الأسود بيطرد النمل.
لك الود يا عمر.
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: عزيز عيسى)
|
Quote: إلى الأمـــام ...
أضربوا الصراصير بالنيم ..
اضربوهم بالخــل ..
صراصر .. صرار ..
أبيدهم .. في كل مطبخ ..
طهروا الشقق منهم ..
زنقه زنقه ..
حلة حلة ..
تلاجة تلاجة ..
بتجاز بتجاز ..
أرقصوا ..
أفرحوا ...
تحياتي ،
ماندينق |
العزيز خالد سعيد
المشكلة لو قلدنا القذافي حنبيد الصراصير ومعاها نحن!
وتجي أمريكا تتم الناقصة، سيما وأن نوع الصراصير المقصود يسمى في السعودية (الأمريكي)..
أها تقوم تجينا طيارات الحلف والنيتو وامريكا وقطر والامارات.. وتبيدنا زول زول.. وجداده جداده.. وشقه شقه.. وترقص وتفرح وتنقذ مواطنيها من الصراصير
لك كل الود وكل التقدير
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: Mandingoo)
|
Quote: ماندينقو كل ثورة وانت طيب
بما انى فى جدة وسكنى فى شقة ارضية هبشنى راس السوط
ياخى البودرة و السكر والدقيق والحليب مقدور عليهم
اها كمان عندنا النمل الابيض ( الارضة) ماعندك ليهو مجازفات. |
الأخ نور الدين الفحل
كل ثورة وانت بخير
والله حكاية الأرضة دي ما جات في حساباتي ابداً.. آخر مرة شفتها كان في الشمالية- قرية جرا بمركز الدبة.. والتي اضطرت أهل البلد للإرتحال بعيداً عن (التحتانية) لكن في جدة؟!! دي حكاية غريبة.. وما عندي ليها مجازفات.. لكن مالو لو جربت الخل برضو؟
تحياتي لك ولأهل جدة الكرام
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: احمد محمد بشير)
|
Quote: شكراً ماندينقو..
سمعنا إنو في الخلطة دي ممكن استعمال الزبادي برضو..
نرجو الافادة أكثر حول الموضوع..
وهل البوريك سام؟
وكم عدد مرات الاستعمال؟ |
أيمن دياب
اي حاجة بتجذب الصراصير ممكن تضيفها للخلطة دي، ولكن كما أسلفت فإن الخل أسهل وأرخص وآمن وسيلة للقضاء على الصراصير.. وطبعاً عشان تتفادى رجوعها ممكن مع كل مسحة للمطبخ تغمس القطعة في الخل او ترشها بيهو، او ترش الخل مباشرة في الأرضية وتضيف المويه او تمسح بالقطعة المبللة على الخل الرشيتو في الأرضية.. وبأي وسيلة ممكن تعملها.. ما قلت ليك اسهل طريقة..
اما البوريك اسيد فهو سام ولكن لست متأكدا من مدى سميته للإنسان وأي قدر منه يمكن ان يؤذي الإنسان، فهو مادة كيماوية مثلها مثل المبيدات الحشرية الأخرى، فحتماً لن تقتل الإنسان ولكنها تضره إذا استنشقها مباشرة أو وصلت عينيه او دخلت من جروح في يديه او وصلت لغذائه..
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: Mandingoo)
|
.
كدى بالله شوف لينا وصفة عشان الفيران...
ينوبك ثواب...
ما خلينا حاجة ما سويناها عشان نخلص منها....
الشرك القلوبية...
الشرك الصندوق...
اللصاق...
كلو بدون فايدة...
و أخيرا بتاعة الذبذبة... وسعر الواحدة
65 جنيه يعنى 65000 جنيه بالقديم
وحاتك يجو بى جنبو ويضحكوا!!!
بالله حاول ... الله يخليك !!!!
.
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: عبدالحفيظ حسن)
|
Quote: كدى بالله شوف لينا وصفة عشان الفيران...
ينوبك ثواب...
ما خلينا حاجة ما سويناها عشان نخلص منها....
الشرك القلوبية...
الشرك الصندوق...اللصاق...
كلو بدون فايدة...
و أخيرا بتاعة الذبذبة... وسعر الواحدة
65 جنيه يعنى 65000 جنيه بالقديم
وحاتك يجو بى جنبو ويضحكوا!!!
بالله حاول ... الله يخليك !!!! |
الشـرك الصندوق دا مفيـد بس بشــروط
1 / ما يكون فاضي خت ليك فيهـو حاجة دســمة وذات رائـحة ( وش ضاحك )
2 / ما يكون حوله ما يؤكل
3 / يوضـع في مكان هاديء
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: عبدالله احيمر)
|
Quote: تعرف ياماندينقو
انا سالت المدام عن سر اطلاق اسم { سراق الزيت } على الصراصير من قبل المغاربة
فقالت ان الصراصير عندما تجد باقى طوة او حلة في المطبخ لو تغسل
تتجمع حولها بكثرة ، فتبدأ في { لحس ماتبقى } من زيت
والغريب ان الصراصير لا تقترب من الزيت { الطازة } اي الذي لم يطبخ
يعنى بتموت في المطبوخ { يعنى بتحب الجاهز} حكمة ربنا
|
العزيز عمر عبد السلام
أكيد الزيت المطبوخ فيه بقايا الأكل، يعني الصراصير مفتحة..
بس ما أعتقد ان نوع الصراصير الموجودة في السعودية دي (الأمريكي) ممكن تكون موجودة في المغرب برضو، لأنها ما موجودة في السودان، وما أتذكر انها لاقتني في المغرب..
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: عبدالحفيظ حسن)
|
Quote: كدى بالله شوف لينا وصفة عشان الفيران...
ينوبك ثواب...
ما خلينا حاجة ما سويناها عشان نخلص منها....
الشرك القلوبية...
الشرك الصندوق...
اللصاق...
كلو بدون فايدة...
و أخيرا بتاعة الذبذبة... وسعر الواحدة
65 جنيه يعنى 65000 جنيه بالقديم
وحاتك يجو بى جنبو ويضحكوا!!!
بالله حاول ... الله يخليك !!!!
|
الأخ عبد الحفيظ الحسن
الطريقة الوحيدة اللي نجحت معاي هي (الشرك الصندوق)، ولازم تخت الطعم اللي بيحبوه الفيران.. مع ملاحظة ان ذكاء الفار هو الذي يجب أن تجاريه، فأي خطأ بسيط سيفشل العملية..
| |
|
|
|
|
|
|
|
|
 Re: أسهل وأرخص وآمن وسيلة للقضاء على الصراصير والنمل.. (Re: عزيز عيسى)
|
Quote: عمر غلام الله،
تحياتي وليك شوق يا راجل.
Quote: نوع الصراصير دي هنا بيسموها (الأمريكي)]
طالما إتهمتوا صراصيركم بأنها أمريكية
غايتو أعملوا حسابكم ما تضربكم بالصواريخ missile
خاصة لو السكر والدقيق ولبن البدرة برضو مستورد من أمريكا.
تصدق وتأمن بالله كنت عايز أقول ليك الخل لأنه فعلا رخيص وفعال
وأمن وسيلة للقضاء على الصراصير والنمل..
وأيضاالفلفل الأسود بيطرد النمل.
لك الود يا عمر. |
العزيز عزيز عيسى
اليومين ديل لازم نجر واطي.. وشايفين القذافي بينضرب.. لازم نعمل مساكين وما شايفين ومؤدبين.. عشان ما يقبلو علينا بعد ينتهو من القذافي.. طبعاً ما حيقبلو على أبو يمن بعد القذافي، ولا على سوريا.. حيقبلو علينا نحن بس..
ميزة الخل عن الفلفل الأسود انو الخل بينتشر في الأرضيات أسرع وأسهل، وكمان الخل أرخص.. لكن انتو مالكم ومال الصراصير؟ هي صحيح سموها امريكية لكن اكيد هي للتصدير فقط.. يعني لا توجد داخل التراب الأمريكي..
تسلم على المرور يا خواجه..
| |
|
|
|
|
|
|
|
|
|
Re: أسهل وأرخص وآمن وسيلة للقضاء على الصراصير والنمل.. (Re: Mandingoo)
|
Quote: شكراً يا سناء و ماندينقو
تعرفو النيم ما لقيتو ، لكن الخل بالجد إشتغل مبالغه
لكن يا ماندينقو بمشو وين جد كده ؟؟
وهل من عوده تاني ولا خلاص ؟؟ |
توما
الله يبشرك بالخير، انت اول واحدة تؤكد صحة الوسيلة في البوست ده..
بيمشي وين؟ دي الما عارفه لغاية دلوقت!
اكيد لما يفقس البيض الخلاه جيش الصراصير وراه حيظهر تاني، وراسمالو مسحة خل تانية، وممكن كم مرة كده وتاني إلا يجي مع البصل!
| |
|
|
|
|
|
|
| |
Mandingoo
ابوبكر قسومة
فيصل نوبي
محمد عبد الماجد الصايم
قلقو
محجوب البيلي
عصام علي أحمد
بشير أحمد
الحاج حمد الحاج
سناء عبد السيد
نجلاء قرافي
توما
Khalid Saeed
نورالدين الفحل
omer abdelsalam
عزيز عيسى
احمد محمد بشير
عبدالحفيظ حسن
almulaomar
فيس بوك
تويتر
انستقرام
يوتيوب
بنتيريست