عصيان عصيان حتي نسقط الكيزان
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-07-2016, 08:42 AM الصفحة الرئيسية

مكتبة شوقى بدرى(shawgi badri)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

يا سجيمان ، يا رمدان يا هملان........انا ما غبيان

03-23-2004, 12:22 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
يا سجيمان ، يا رمدان يا هملان........انا ما غبيان

    شوف ما تعمل ليك مداخله معاي و التانيه و تعمل صاحبي.هه قال عاوز معاي عصريه خبر يا توكر فيك القطن و اهلك عرايا ، اخير النرسيك من الاول انحنا ما بنصاحب زول الا يكون مميز ، في الزمن السمح و نحنا في امدرمان عزيزين وسط اهلنا اصحبانا و معارفنا كانوا كمال المجذم و ساكن جار الخاله مريم في العرضه والدة اخونا الشاعر محجوب شريف . و المجذم التاني رمضان كان في فريق الجبرتي . لسوء الحظ بعد جروحو انفتحت و بقت واضحه اختفي مننا .
    و لا ننسي اخوانا كوكو ، يوي يوي و اربعه حمير و عبدالعزيز جهاز ، ديل كانوا مصارعين في ميدان الربيع و عمال ألتا يعني في الصحه بشتغلوا باليل و لانو الجردل بكون تقيل فبحتاج لقوه . عبدالعزيز جهاز عرف بهذا الاسم لانه كان يردد .....ابواي جهاز .
    درجه اقل من ديل كانوا اصحابنا النشالين و الحراميه ، عباس، الضل و ابدربين ، و زمبل الدراسه في الاوليه ابراهيم حسيب شقيق الوزير ابراهيم حسيب و بدأ كقطاع مفاحض في الترماج . و عوض ناسيت لانه يستعمل امواس الحلاقه ناسيت في قطع الجيب .
    و من اصدقائنا و معارفنا الرباطين امثال الصيني في المورده و اللبخ و اولاد الحناوي في حي السوق وموسي راس حربه و ادم قطيه الذي كان بجانب انه رباط فهو رجل كسر منزلي و ركيب تربيزة قمار و مخنجي . ومن معلمي القهاوي المعلم قدوره و المعلم عبدالفتاح ابوحطيبه و البلوله .
    و لا ننسي القتله محمد الفي شقيق حوا الطقطاقه و الخير و علي عليليبا الذي قتل الدابي امامي و انا في السابعه عشر من عمري كما لا يمكن ان ننسي السريحه الذين يطوفون بالصنف امثال جني ودالحاجه و الكشيفين و القرطاسين منهم محجوب و عين ديك .
    و المخنجيه كبارهم و صغارهم ، شيخهم محمود الفوخ في حي العرب ، نور الله في حي العرب ، ابو عاقله شرق زقاق المنفله ، ابو الدرداق جنوب شرق زقاق المنافله غرب سوق الحداحيد ، عبدالقادر حسن عباس المشهور بتوروبانت . علبو خلف دكاكين الطاهر خال العيال بيت المال و قريبه الكلس بيت المال تحت، ابروف. و اعظمهم النفراوي الذي اتي من الحراسه الي القاضي بتهمة حيازة البنقو و عندما اتو بالبنقو كمعروضات انكر ان البنقو يخصه و قال محتجا ( انا النفراوي ودالخليفه المعتصم يقبضوني بفله ، انا كمنقتي- واو- لبكه زي دي) و اخرج العينه من جيبه.
    لكن الزمن بهين الانسان اخرتها بقوا اصحابنا مليونيرات و وزراء و رؤساء و محامين و قضاة و بروفيسرات و امراء و شيوخ .و في فتره من الفترات ربطتني صداقه قويه بالدكتور داريوس فارساني و هو يسكن في عمارة ووتر قيت في واشنطن و كانت لنا لقائات في منتصف التسعينات في موناكو و نيس و جزيرة مايوركا علي ظهر يخوت الامراء و الشيوخ و قديما كان ادميرال بحرية شاه ايران و صديق و جار لاسد علم الذي كان وزير البلاط الذي هو اعلي درجه من رئيس الوزراء هويدا الذي شنقه الخميني .
    شايف يا سجيمان الدنيا هانتنا كيف لكن برضو ده ما بسمح ليك تتطاول ، اذا انته مميز زي ناسي الاول ديك مرحب بيك. عشان ما كل يوم واحد يجينا ناطي ده داير عصراويه و ده عاوز ضحويه هو اليوم ده اصلو قدر شنو، الظاهر بعد ده في البورد ده الا الواحد يدق ليهو يافطه. واحد خالا لينا في امدرمان كان عندو بيت معقول علي قدر حاله فجأه ايام الهمبته لقي الحله كلها عمارات و بيوت تاني دور و تالت دور و يفط اللواء فلان و الوزير فلان والدكتور فلان و المهندس فلان قام عمل ليهو يافطه كتب فيها ( منزل احرار ) .
    و بعدين انته يا سجيمان يا هملان مكتوب قدامك سنقل يعني عزابي و يمكن تكون باير كان فيك فايده كان خلوك لحسه . السنه الفاتت انا عرسته لبتي و فضلو حداشر تجي تتلبط فينا كمان تقول عرسولينا .
    عما لينا رباطابي قدام الفراشه بيمر عليهو كل يوم واحد ( السلام عليكم و رحمة الله ) و سري مطنش في الاخر سألو فكان الرد ( السلام بجيب الكلام و الكلام بجيب الدين و الدين انا ما بقدر عليهو ).
    في اول سنه 1993 لقيت شاب افريقي من قامبيا و كان يبحث عن هوتيل رخيس و نحن في منتصف الليل ، حتي يواصل البحث عن اهله في الصباح. فأخذته معي الي المنزل و كان معي مجموعه من السودانييت منهم الدكتور محمد محجوب عثمان و احمد الفكي الذي كان يحرر مع وراق صفحه في جريدة الميدان . و علي مائدة الافطار سأل القامبي عن امكانية الاقامه في السويد فشرحت له ان هناك امكانية اللجوء او الزواج فسالني اذا كان عندي بنات و عندما اجبت بنعم. عرض نفسه كعريس و عندما شرحت له صعوبة الامر و انني لا يمكن ان افرض علي بنتي اي انسان و حتي اذا اتت بأنسان لا اوافق عليه فيمكن ان تتزوجه لان اختيارها اذا كان سيئا فلا بد ان يكون ناتجا عن تربيتها و هذه غلطتي انا في المكان الاول . فثار القامبي غاضبا و ضحك الشايقي احمد الفكي شامتا تستاهل تلملم في الناس من الشارع . كمان اخرتها نلملم في الناس من البورد ؟ اها القامبي ده انا شوفتو امكن انته بالليل بتنقلب ! انا العرفني شنو .

    قبل سته شهور من العرس ام البت تقول لي العرس باقي ليهو سته شهور .....العرس باقي ليهو خمسه شهور..... العرس باقي ليهو ... و انا بفكر يا شوقي تكتل ليك بدله سنينه و تستنضف كرفته من اخر الدولاب و تقبض الجو . و انا لسه ما ناقش . لمن فضل شهر عرفته انو انا الضحيه ابو البت البتكفل بكل شي . ام العريس عندها سته اخوات و ابوها سبعه و ديل كمان والدين . يعني البت دي من كل ناس اوربا ديل ما لقت ليها ولد مقطوع من شجره ما كان في محل في كل البلد يشيل الناس ديل غير الكازينو . و ديل كمان طالبوا بضمان بنكي . لمن الصراف عمل لي الضمان و جا المدير ترولسون عشان يوقع . شاف اسم الكازينو قال لي انته يا مستر بدري خسرته....؟ فقلته ليهو خسرته كتير جدا جدا خسرته بنتي و كمان دفعوني.
    اللسته الجابوها لي يا سجيمان فيها اسعار كل حاجه ، كباية المويه دولارين . و انا زمان بمشي من امدرمان للخرطوم بحري عشان اوفر حق الترماي . و في دار الرياضه بخش واحد و يدلدل العمه عشان نتشعلق بالحيطه.
    قالوا الاعور ضربو في عينو قال بايظه بايظه كمان انا عزمته ناسي منهم مجدي الجزولي و حسين ودخضر الحاوي . و نسابتي طلعو اقرباء ناس توت عنخ امون ، حبوبة العريس 80 سنه و جدو 90 قعدوهم لي في تربيزتي ، الحاجه حنكا غنماية حبوبتي الرساله بت احمد ما بقيف . بعد تلاته صحانه مختلفه جابو تورته شويه اقصر من بوابة عبدالقيوم في امدرمان . و كلو ما يقوم زول الحاجه تقول ليهو جيب لي معاك حته صغيره .
    يا سجيمان بصراحه كده الحلويات و التورتات دي ما بقربا لكن اليوم داك اكلتها . اخونا ال.... مضي للمورده في الستينات ادوهو 30 جنيه الجماعه اصحبانو ساقوهو حفله و عملو قعده علي حسابو لمن الليل انقسم ، قام شفط ليهو نفس و كتح ليهو كاس قالو ليهو يا فلان انته ما بتدخن و ما بتشرب مالك ؟ فقال ( لكن وجعوني قروشي ) . اها انا اليوم داك قلته الخواجات ديل ما يستمتعوا براهم . و اتمنيت لو كانو صحباني بارود و راس خروف و البعاتي و عثمان كرك و خلف الله ابكرنك و عبدالرحمن ككس العجلاتي كانوا حاضرين كان بردوا بطني .
    الفلم ده بدأ من نص النهار. و الساعه عشره ..حاشر بالليل و الضيوف لسه كانهم جو قبل شويه . و الجرسونات داخلين مارقين بس عساكر سلاح الخدمه و سمير ماشي و الحسابه تحسب و انا اقول يا فصيح لو ابتليت ما تصيح و ابتسم خاصه بعد ما شفته الجرسونات بدو يضايرو . لكن جاك الموت يا تارك الصلاه اشوف ليك فرقه كامله جايه داخله دلاليك و جيتارات سألت يا جماعه الموضوع ده لبتين قالو اتنين تلاته كده بننتهي .
    سخره و خم تراب ، يعني خراب بيت و كمان اكسر ضهري و انا لا بشرب لا بدخن ، قلته احسن انسحب و قلته لودالحاوي انا ماشي قال لي ما حتقعد فردي كان ( فشر يا ود ابشر ) .
    عشان كده يا سجيمان اعرف و كلم اخوانك كان انته هملان انا ما غبيان .
    شوقي
                   |Articles |News |مقالات |بيانات

03-23-2004, 08:06 PM

Hussein Mallasi
<aHussein Mallasi
تاريخ التسجيل: 09-28-2003
مجموع المشاركات: 26190

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    Quote: اها القامبي ده انا شوفتو امكن انته بالليل بتنقلب ! انا العرفني شنو
    ما اظن يا عم شوقي ..... سجيمان ..... ما اظن ابدا ..... سجيمان دا نحنا بنعرفو من زمان
                   |Articles |News |مقالات |بيانات

03-23-2004, 09:14 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: Hussein Mallasi)

    يا ملاسي
    ما تخش بين التفاحه و قشرتها . سجيمان طلع قريبي . انا لسه ما اتوكدته لكن الكلام ده كان طلع صاح ابقي نحنه اهل و انا زاتي رباطابي لكن بتعالج و لك التحيه
    شوقي
                   |Articles |News |مقالات |بيانات

03-23-2004, 08:38 PM

مراويد

تاريخ التسجيل: 09-08-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    Quote: كمال المجذم كوكو ، يوي يوي و اربعه حمير و عبدالعزيز جهاز الضل و ابدربين عوض ناسيت الصيني و اللبخ و اولاد الحناوي وموسي راس حربه و ادم قطيه ابوحطيبه و علي عليليبا جني ودالحاجه و عين ديك . محمود الفوخ ابو الدرداق المشهور بتوروبانت بارود و راس خروف و البعاتي و عثمان كرك و خلف الله ابكرنك و عبدالرحمن ككس


    سجيمان اخوى...انت باقى عمر وما زول شدايد و حيلتك كلها فى لسانك ده...
    بعد الاسامى الفوق دى انا باقى لى تنسي حكاية العصريه دى,شوقى بدرى ده تتونس معاهو بعيد لى بعيد لو بالغت وقربت بالماسنجر ...

    علا اللخو شوقى انت من ناس بدرى المعروفين ديل ولا اسم على اسم,ولا مؤاخذه يعنى
                   |Articles |News |مقالات |بيانات

03-23-2004, 08:59 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: مراويد)

    يا مراويد
    انا ود اللورد ابراهيم بدري يعني انبطحنا في البلاط و اتدردقنا في النجيله . لكن ما كل الطير بتاكل لحمو . الغريبه انا صغير كانوا بدلعوني و يقولوا لي كوكو في البيت .
    ابن عمتنا الدكتور الطيب ميرغني شكاك و المحاضر في جامعة الاحفاد ، في كتايه الحوش و يذكر زكرياته في حوش بابكر بدري قال انهم كانوا يمنعونه من اللعب مع اولاد الشوارع ، فكتبت له خطابا و قلت له( اولاد الشوارع المنعوكم تلعبوا معاهم ديل ما نحنه ) و اظنه غضب لانه اوقف مراسلتي.
    اظن ان ما ساعدني ان ابراهيم بدري عاش كدينكاوي و انا اتربيت في الجنوب و والدتي اطال الله عمرها ولدت في جبال النوبه و نشأت هنالك و تحن دائما الي اهلها النوبه و هي دنقلاويه . هل وضحت لك الرؤيه ؟
    و انا في الثانيه العشر من عمري في طريقي الي ملكال فاتتني الباخره لان القطار تأخر بسبب الامطار . فقضيت اربعه ايام علي الرصيف بالرغم من الامطار . و لم اذهب الي منزل حرم بدري و عبدالرحيم الطيار في كوستي .
    في الزمن ده بنشوف ناس اهلهم ما بفكوهم الشارع و عمرهم عشرين سنه. و لك التحيه
    شوقي
                   |Articles |News |مقالات |بيانات

03-23-2004, 08:39 PM

سجيمان
<aسجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)



    شوقي حبابك

    اولك بالتبادي انا ما سينقل....وقدر ما حاولت اتسنقل ما لقيت لي طريقة.....عشان كدي ما تخاف اتصلبط فيكم....واكان في البروفايل مكتوب سنقل دي تبقى مؤامرة من بكري واعوانو......تاني شي نضمك نضم اهلي الرباطاب الخلاني اشحدك عصراوية...... انا رباطابي الوجه واليد واللسان.....وعضي علي اللسان دي بسنونك......
    وقاعدين حسي في هامش امدرمان....وقدر ما صاورنا وعافرنا نبقى امدرمانين غلبنا.....ان مشينا السوق ساكت نلقى كريعاتنا لا نحرا لا ندرا جابتنا سوق التمارة..وقعدة في دكان عوض فرج...وزمان عمنا الطيب الماحي....وعمنا العوض ود رحمة...وبختك انت الحضرت المخخنجيه الاصليين...العندهم ضمير.....حسي كل شي بقى لعبة وداخلها غش.....من سجارة البرنجي لي عند ضل الضحي حتى هو مو الاصلي....ماني عارف االبقت شنو علي الناس؟....... بارك الله فيك الاديتني خشم خشمين وبراي.........

    (عدل بواسطة سجيمان on 03-23-2004, 09:08 PM)

                   |Articles |News |مقالات |بيانات

03-23-2004, 09:12 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: سجيمان)

    بقي رباطابي ، طيب ما تقول لي كده ، اكان كدي انا الغبيان ، انا البوديني للعقرب شنو ؟ سرك ودعمتنا الدكتور سعود خالد موسي رجع اخصائي بتاع اطفال من المانيا ، اول كيس جابو ليهو شافع عاضاهو عقرب و الدرس ده اطنو في برلين ما ادوهو ليهو . بدأ يفكر و بعدين سأل الشافع ( عضتك كيف؟) فقال الشافع ( انا شفته العقرب دخلت الجحر ، مشيت ليها و دخلته صباعي ) فجضم الشافع قائلا ( انته البوديك للعقرب شنو؟)
    كده انا اتأكدته انك ما بتنقلب . الرباطاب ديل مقلوبين من يومهم . جدنا الكبير كبير محمد ود بدري قال في جزيرة مرو لمن امو تجيب ليهو العشاء في الساقيه كان من التعب ينوم و ايدو في الصحن و يصحا و يواصل اكل ، فقال ابنه بابكر بدري ( لكن يا ابوي يمكن يكون جا كلب و دخل خشمو ) فقال ود بدري( هو يا ولدي في كلب بجي الرباطاب ؟ )
    اخونا الطيب سعد الفكي الرباطابي من الشريك قال مره في منزلنا في العباسيه عندما رفض اليماني ان يبيعه خبز بدون فول ( اليمانيه ديل مالين امدرمان اصلهم في الرباطاب ما شفتهم) فقال الاستاذ الطيب ميرغني شكاك ابن عمتنا ( و في يمانيه اكتر من الرباطاب ؟)
    موضوع العصراويه حاعيد التفكير فيه ، في الوكت ده كدي هبش امكن حبوبتنا الرساله بت احمد ودادريس تكون قريبتك . و لك التحيه
    شوقي
                   |Articles |News |مقالات |بيانات

03-23-2004, 09:17 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    يا شوقي انتا النفرواي القتو ده ياهم الهسع ساكنين جنب ناس العمرابي في العرضة شمال؟؟
    تحديدا لصق كلية العلوم الادارية الاحفاد..

    مع حوش عمك مصطفى بلال ..







    والله سيجمان ليهو حق ونستك ما بنفات ابدا...انتا بس يختوك في ضل نيمة ويدوك خرطوش موية وسيرمس شاي
                   |Articles |News |مقالات |بيانات

03-23-2004, 09:24 PM

مراويد

تاريخ التسجيل: 09-08-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: DKEEN)

    دكين رايك شنو نأجر لينا بوكسي انا وانت و سجيمان ونمشي لي شوقى
    انا بجيب معاى عتوت وعسليه

    يا شوقى انا عارف طبعآ وحبيت مشاغلتك بس,لكن ياخى الاسامى تقطع القلب مع انى النجيله ما اتدردقتا فيها والبلاط ما شفتو لحدى ما جيت الخرطوم...
    وللعلم سمعت كثير من قصصك من عمآ لى .
    تسلموا وتقدير

    (عدل بواسطة مراويد on 03-24-2004, 03:12 PM)

                   |Articles |News |مقالات |بيانات

03-24-2004, 01:40 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: مراويد)



    انا غايتوا جموعي يعني سيد بلد يااستاذ شوقي و امدرماني حر
    وانت عارف انو الجموعية اهل امدر ويا حليل امدرمان كبرت بي
    جهلها رفعت الغريب ورمت أهلها هههههههههههه وما تزعل يا زول
    البلد بلدكم... المهم انا بالجد مستمتع بي السرد الجميل
    وفعلاً انت وديتنا البقعة في حقيبة دبلوماسية ويديك العافية
    بس كان تخلي الزول الغامبي دة ياخد ليه واحدة من البنيات
    هسة كان نفعك وخفف عليك الحمل دة والله...
    اها يا سجيمان عجبني وسرّ بالي كلام عمنا فيك واتاريك عامل
    لينا فيها سنقل وانت دبل قبين يعني كنت مشرك لي البنوت
    في المسينجر... أفو والله لو غرضك العرس انا عندي ليك العزبة
    والفتاه وكان للفريق القومي اسكت بس
                   |Articles |News |مقالات |بيانات

03-24-2004, 03:07 AM

Ridhaa
<aRidhaa
تاريخ التسجيل: 02-04-2002
مجموع المشاركات: 10054

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)


    العم القدير الامدرماني الاصيل شوقي بدري
    سلام

    نسيت أعلام أمدرمان ديل

    محمود فونية
    سعيد بلبوط
    عبدالوهاب الجعفري
    داموك
    المفك


    واواصل
                   |Articles |News |مقالات |بيانات

03-24-2004, 04:24 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: Ridhaa)

    احم حم احم
    سادتى السناقل وغبرهم
    يسعدنى ويشرفنى ان اكون اول ا لنساء فى هذاالبوست الذى اتوقع ان يصل الردود فيه الى 1000 والقراء 10000
    فقط نتمنى ان تهدو اللعب..

    وفى رأى السجيمان شوقى والغبيان هو المدعو سيجمان
    وكلاهما رمدان وهملان

    اوعو تزعلو خالتكم دى مخرفة ساكت
                   |Articles |News |مقالات |بيانات

03-24-2004, 05:14 AM

سجيمان
<aسجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: Ridhaa)


    رضا
    Quote:

    محمود فونية
    سعيد بلبوط
    عبدالوهاب الجعفري
    داموك
    المفك

    ديل دفعة54\55 و الذكرم شوقي دفعة 63\64..... لا حول الله يا رضا اتاريك انت قديم قِدم الكِسرة
                   |Articles |News |مقالات |بيانات

03-24-2004, 08:12 AM

كوليل

تاريخ التسجيل: 11-26-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)


    والله ياسجيمان عم شوقى دا مش أقدم من الكسرة (دا حاضر وقت حفرو البحر دا)

    شؤال : تراب البحر دا ودوهو وين ياعم شوقى (صحى بنو بيه العشش بتاعت فلاته)

    وبعدين ياسجيمان عم شوقى دا الكبر مزهجو (ما الخرف الكبر ياعم شوقى)

    (حديد يلاقى حديد)
                   |Articles |News |مقالات |بيانات

03-24-2004, 09:11 AM

JAD
<aJAD
تاريخ التسجيل: 02-05-2002
مجموع المشاركات: 4768

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    طق ** طق ** طق

    سلام يا ناس البوست:

    أكيد يا عم شوقي حا تقول حبابك ..

    استمتعت جداً بالسرد المشوق والنقلة المصورة حرفياً لناس أم درمان .. كأنه رأي العين ..

    طبعاً نحن ناس ريف والخرطوم شفناها أول ما شفناها عبر القماش النسائي الأكان بسموه الخرطوم بالليل .. ولمن جينا الخرطوم للدراسة لقيناها ليلها أدمس نجومها غائرات.

    ماني رباطابي وقبيلتي اسمها الضباينة وهم قوم استوطنوا شرق القضارف إلى أعالي نهر عطبرة ويتوزعون في قرى أم شجرة وشاشينا والتومات وعرفنا أخيراً أنا لنا أولاد عم في منطقة بوتري جنوب الخرطوم.

    والرباطاب لنا معهم صلة مصاهرة فزوج عمتنا رباطابي ثم تزاوجنا وهم تحديداً من أقرباء بابكر بدري وأهلهم في الأساس يسكنون حي العرب.

    أردت أن أظهر هذه الوشيقة أمكن تؤهلنا لطلب عصرية إن شاء الله حتى مع عمنا سجيمان الرجل الفنان.

    تحياتي،،

    جاد

    ً
                   |Articles |News |مقالات |بيانات

03-24-2004, 10:25 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    ياعم شوقى سلام انت والحاضرين

    ولدك صديق الموج من امدرمان مولدا ونشأة...جعلى اصلا

    خريج بيت الامانه الوسطى..صديق شخصى للاستاذ عبدالمنعم

    عبدالكريم بدرى.

    حسب خبرتك العصريه البقصدا سجيمان ده ما ما محتاجه ليها

    لى كانون شيه وام فتفت وبصل اخضر كبار وصحن شطه بالاتى

    وحقة تمباك ماكنه.

    وبعدين قالوا واحد من اهلك الرباطاب كان واقف جنب جامع

    امدرمان الكبير.اذن المغرب ناس السوق طلعوا كل زول شايل

    ليه قزازة من القزازات الخضر ماليها مويه وماشين على

    سور الجامع يتجمروا ويتوضوا.الرباطابى اتلفت عل اخوه

    وقال ليه الليلة الجامع ده (BOTTLE NIGHT) , والا شنو

    عمنا شوقى قطع شك راجعينلك وما بتنفات والونسه معاك

    طاعمة.ارجوا ان تحدثنا قليلا عن كمال سينا الله يرحمه

    والهادى نصر الدين (الضلالى) وناس الدوس والفتيحاب.

    ودعتك الله .,وطبعا انت بره قول للشباب حسبواورونا العدل كم.
                   |Articles |News |مقالات |بيانات

03-24-2004, 10:42 AM

حسن الجزولي
<aحسن الجزولي
تاريخ التسجيل: 12-05-2002
مجموع المشاركات: 1240

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)
                   |Articles |News |مقالات |بيانات

03-24-2004, 12:37 PM

سجيمان
<aسجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)


    دكتور حسن الجزولي

    بارك الله فيك الوريتنا الكتير عن عمنا شوقي..وبارك الله فيك الشكرت ناس بدري والرباطاب..... والرباطاب كيف ما فيهم شكر؟... وانا قبال كدي وريت نحن اصلنا شنو؟.....وكية للناس الشايلين حالنا....قلت جدنا الكبير جاب ولدين واحد ربيط دا جد الرباطاب....والتاني بريط.... ودا جد البريطانين...يعني نحن و البريطانين اولاد عم لزم وخصوصا المحافظين..... شفت الرجالة دي؟كــــــــــــع
                   |Articles |News |مقالات |بيانات

03-24-2004, 02:12 PM

مهاجر
<aمهاجر
تاريخ التسجيل: 11-23-2002
مجموع المشاركات: 2997

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: سجيمان)

    العم شوقي بدري
    وابن عمي سجيمان

    شكرا لهذه القطعة الرائعة لتحسيد حال تلك المدينة الرائعة
    انا من الجزيرة لكن رباطابي بقية اهله في امدرمان ونحن من شجرة شبيكة
    ومشهورة ساقية شبيكة في الشمالية بانها مهجورة ومغلقة لان جدنا حضر الي رفاعة وبداء العمل في التجارة وبعدها انتشرت ذريته في كل السودان. ام درمان والقلقالة والخرطوم والجزيرة . جدي من والدتي محمد بابكر شبيكة وجدتي الرسالة وزوجها محمد بابكر شبيكة ايضا خالنا الامين الكامل شبيكةوبقية ابناء شبيكة تربطنا بهم قرابة الاب والام ايضا. ولك خالص الشكر ونتمني ان تعطينا فكرة عن هجرة الرباطاب وخاصة الي امدرمان ورفاعة.
                   |Articles |News |مقالات |بيانات

03-25-2004, 01:11 AM

حسن الجزولي
<aحسن الجزولي
تاريخ التسجيل: 12-05-2002
مجموع المشاركات: 1240

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)
                   |Articles |News |مقالات |بيانات

03-30-2004, 01:56 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    الاخ دكين
    انته قايلني كمبيوتر تدوسو يطلع ليك كل المعلومات ، نحنه طلعنا من امدرمان ايام جنينة النزهه و شركة النور و الترماج و جوز الحمام تلاته فردات . النفراوي الانا قصدتو كان يسكن خلف و غرب سوق الحداحيد و قطعت رجله بسبب السكري و كان له صوت جهوري ابح و انتقل في اخر حياته الي امبده .
    النفراوي المشهور في امدرمان و في شارع العرضه فريق الرباطاب هو عمنا النفراوي شقيق الجنيد و عرف بالتيمان و بخور التيمان و العلاج البلدي و هما ليسو تيمان بل اشقاء فقط . عبدالرحمن الجنيد كان زميلي في براغ . و ابراهيم الجنيد كان جليسي في امدرمان . و لك التحيه
    شوقي
                   |Articles |News |مقالات |بيانات

03-30-2004, 01:56 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    الاخ مراويد
    لك التحيه و مرحب بيك في اي وقت و دي دعوه .
    شوقي
                   |Articles |News |مقالات |بيانات

03-30-2004, 01:57 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    الاخ حبيب نوره
    مرحب باهلنا الجموعيه و الجميعاب اسياد امدرمان و وسط السودان و شكرا لضيافتم لينا .
    شوقي
                   |Articles |News |مقالات |بيانات

04-07-2004, 07:58 PM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    أستاذنا العظيم
    مرررحب بيك
    انت سيد بلد والله
    مأصّل وود أصول
    لكن الزول دة لسة
    ما أقتنع ؟؟؟؟؟
    الراجل دة والله قصتوا
    غريبة ( عمك سجيمان دة)
                   |Articles |News |مقالات |بيانات

03-30-2004, 01:58 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    العزيزه بيان
    شكرا علي المداخله و كل الروعه التي تكتبينها في البورد .
    شوقي
                   |Articles |News |مقالات |بيانات

03-30-2004, 01:58 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    كوليل لك التحيه و الموده و شكرا علي المداخله.
    شوقي
                   |Articles |News |مقالات |بيانات

03-30-2004, 01:59 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    جاد
    شكرا علي تذكيري بشاشينا و اهلنا الضبانيه . لقد قضيت اجازه رائعه في شاشينا في سنه 1966 و عندما وصل القطار متأخرا في الخريف سألت عن منزل العم اب شقه في السوكي و عندما طرقت الباب في الليل سألت امراه منو و عندما قلت شوقي ابراهيم بدري كان السؤال ودامينه ؟ .
    و في يونيو 1967 غرق اربعه من اخوتي في شاشينا احداهم شقيقتي ابتسام التي كانت قد خلصت الجامعه في نفس السنه و كانوا في زيارة كمال ابراهيم بدري الذي كان مديرا لمشروع شاشينا .و لقد خلد كمال بدري هذه الحادثه بقصيدة فقدت ابتسامي بعد ابتسام و لقد قال عنها صلاح احمد ابراهيم انها روعه .
    مرحب بيك يا ودزايد صاحب القدح الذي يضرب به المثل لضخامته و كرم صاحبه و مرحب باهلنا الضبانيه الذين يتشلخون لورا مثل الشايقيه و لقد قال ودزايد بعد قتل اهله بواسطة الخليفه و حبس البقيه مما ادي الي مجاعة سنة سته( بس لو خلونا في بلدنا زرعنا القبوب ده كلو ما كان حصل ) و القبوب وادي ضخم يماثل القيفي عند الشكريه .
    شوقي

    (عدل بواسطة shawgi badri on 03-30-2004, 04:04 PM)
    (عدل بواسطة shawgi badri on 04-03-2004, 04:24 PM)
    (عدل بواسطة shawgi badri on 04-03-2004, 06:30 PM)

                   |Articles |News |مقالات |بيانات

03-30-2004, 01:59 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    صديق الموج
    شكرا علي المداخله . من الجميل ان يتصادق الطالب و الاستاذ و هذه روعة السودان قديما . استاذك و صديقك عبدالمنعم بدري اكرمنا بزياره مع ابنه قبل سنتين لا نزال نحس بمتعتها حتي الان
    شوقي
                   |Articles |News |مقالات |بيانات

03-30-2004, 01:59 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    مهاجر
    يا وداخوي انا خالك لزم ، حبوبتك الرساله مسمنها علي حبوبتنا الكبيره الرساله . و الرساله الفي امدرمان والدة فيصل شبيكه خلف مكتبة البشير الريح سميت علي خالتها الرساله بت احمد جدتنا .الرباطاب جنهم الرساله و الروضه و الساره .
    اهلي الدناقله يحبون اسم خليل كوالد امي خليل ابتر و اسم صالح . سمعته بقصة يا صالح كلم صالح يكلم صالح قول ليه حصل صالح في جنينة صالح ؟.
    شوقي
                   |Articles |News |مقالات |بيانات

03-30-2004, 02:00 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    العزيز حسن الجزولي
    كيفك يا ابوعلي ، لم نتقابل منذ ايام لندن و لكن اخبارك معي و انا اقراء كل ما تكتب بشغف و عليك علي حاصلك و لك التحيه و الود.
    شوقي
                   |Articles |News |مقالات |بيانات

03-30-2004, 02:00 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    الاخ سجيمان
    انته يا سجيمان الكلام ده بتجيبو من وين ؟ ده كلام زول بنصقع او مصقوع طبيعي زي حالتي كما يقال عني و يمكن برضو كمان مواضيع و جينات الرباطاب مؤثره . ده ظاهر علي ولدي عثمان عمرو 7 سنين المدرسه قالت بستعمل كلمات عجيبه زي ( اخذا في الاعتبار و استنادا الي كده ) قبل شهرين في حفل سودانيه ابن عمتي حمزه مالك قال لي ( ده اكتر ولد في اولادك بشبهك) فرد عليه عثمان ( حسه انا عندي نخره كبيره كده و لا عندي صوف في اضنيني؟) . قبل سنتين سألته قلت ليه( انته ليه بتنوم في سريري طوالي؟) فكان رده ( عاينته لكن ما لقيت اسمك مكتوب) لمن كان عمرو تلاته سنين سمعته بقول لاولاد كبار مارين قدام البيت ( ليه جايين هنا يا خـ.....؟ ) و عندما انتقل الاطفال الي الرصيف المقابل ( ايا جبانين ) .
    قلب الكلام ده دخلني في مشاكل كتيره مع السلطات ، البوليس ، البسطه ،الجمارك و الغرف التجاريه . المك عرمان قيل ان النار اشتعلت في ملابسه فلم يجري الي الماء الذي كان قريبا حتي احترق جسمه و انهار فاسعف و عالجوا حروقه بالعسل و عندما اتاه المك اب حجل زائرا قال له ( المويه ما قريبه ما جريت عليها ليه ؟) فقال ( خايف من شماتة العدو ) و عندما قال المك اب حجل ( عدو شنو ده الشماتو احر من النار ؟ ) فكان الرد ( ده ما انته ) .
    شافع رباطاب ببكي بحرقه شديده و جسمه يحمل اثار الجلد فسأله رجل ( مالك بتبكي ؟ في شنو) و عندما كان الرد دقاني ابوي ساله ( كيف يدقك جنس الدق ده ؟ و دقاق بشنو و ليه قدر ده ؟ و دقاق في شنو ) فكان الرد ( في جنس تحشرك ده يا عمي ) .
    احد اهلنا الشايقيه من شباك القطار كان يشتري جردقه من بائعه رباطابيه فطلب زياده فاعطته قليلا فقال ممتعضا ( ما تزيدي ، الجردقه شنو ما تراب ) فقالت ( اكان تراب ما تنزل تخم ! )
    شايقي قاعد في عتبة القطر يبرم في شنبو و سيد الشاي في المحطه طالع نازل في الاخر قال ليه ( كبلي شاهي) و عندما عرف ان الشاي قد خلص غضب فقال له البائع الرباطابي ( هي نان من اول ما قلته عاوز ليه، قاعد تبرم في شنبك تقول كايس هنا امدرمان ) .
    الكمساري في القطر سأل رباطابي ( ركبته من وين ) لكي يدفع ثمن التذكره فقال الرباطابي ( من السنده الورانا دي )فقال الكمساري ( عجاجك ده كلو و ركبته من السنده ؟) فقال الرباطابي ( مالك بي ، ادردقته في الوطا و ركبته ) .
    لكم التحيه و كلام الرباطاب ما بنتهي لكن عندما كان ابن اختي محمد يجلس بين صفوف المصلين و الامام هو شقيقي مختار بدري احد انصار السنه المتشددين جدا قال احد المصلين بالقرب منه بعد ان بدأ مختار في شتم تاركي الصلاه و المتسيبين و اللا اسلاميين ( كلام الدين كمل ، ده بقه كلام رباطاب ساكت ).
    شوقي
                   |Articles |News |مقالات |بيانات

04-03-2004, 09:10 AM

مهاجر
<aمهاجر
تاريخ التسجيل: 11-23-2002
مجموع المشاركات: 2997

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    الخال العزيز شوقي بدري

    من زمان اعرف قرابة اهلي الرباطاب لكن لم تتح لنا الفرصة للقيا
    متعك الله بالصحة والعافية

    سوف ياتي يوم ويجلس احفاد الرسالة بت احمد في حوش واحد انشاء الله

    شكرا لك علي هذه المعلومة
                   |Articles |News |مقالات |بيانات

04-03-2004, 09:57 AM

JAD
<aJAD
تاريخ التسجيل: 02-05-2002
مجموع المشاركات: 4768

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    العم شوقي .. الرجل الموسوعة ..

    رحمة الله وغفرانه على أشقائك الذي توفوا غرقاً وأسأل الله أن يبلغهم منازل الشهداء.

    وأقدر ذكرك جدنا محمود ود زايد بخير .. ووادي أهلنا الشهير أسمه "القبوب" ويطلق عليه "قبوب ود زايد".

    ونتيجة للمقتلة والاعتقال التعسفي الذي حصل لأهلنا من قبل "الجهدية" فقد توارث أهلي ضباينة القضارف وما جاورها كره المهدية فهم إلى الآن اتحاديين متعصبين.

    بمناسبة تسميتك لي "جاك بدل جاد" .. يحكي أن عبدالله بن حسين الأحمر رئيس مجلس النواب اليمني زار فرنسا .. فرحب به جاك شيراك .. وقدم له نفسه "جاك شيراك .. فرد الأحمر .. يا هلا .. جاك عبدالله بن حسين الأحمر

    تحياتي،،،

    جاد
                   |Articles |News |مقالات |بيانات

04-03-2004, 11:00 AM

Ayman Gaafar

تاريخ التسجيل: 12-22-2003
مجموع المشاركات: 277

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: JAD)

    عليك الله ادينى واحده من الحداشر ديل
                   |Articles |News |مقالات |بيانات

04-03-2004, 04:30 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: Ayman Gaafar)

    العزيز جاد لك التحيه ... المشكله انو انا بكتبوا لى ابننا وائل المهندس ترعرع وخلص الجامعه تحت رعايه الانقاذ لا يعرف اى شئ عن اى شئ بس هندستو دى انا بمليهو شئ بالتلفون وشئ راقد اها جاد دى سواها جاك والقبوب سواها القردود لكن الغلط غلطى الاستعجال وعدم المراجعه . كل هذه السنين كنت افكر فى الرجوع لشاشينا والسوكي ولو مره واحده , مين عارف امكن نتقابل هناك . سيره محمود ود زايد وعظماء السودانيين هى التى تسيطر على افكارنا وتصرفاتنا هؤلاء هم ابطالنا الحقيقيون . لك الود والتحيه ...
    شوقى .....

    (عدل بواسطة shawgi badri on 04-03-2004, 06:32 PM)
    (عدل بواسطة shawgi badri on 04-03-2004, 06:34 PM)

                   |Articles |News |مقالات |بيانات

04-05-2004, 05:21 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: Ayman Gaafar)

    ايمن يا ولدي انته قايل بناتي ديل تبش ، يقسموهم شمال و يمين ؟ انا بناتي بجيبوا عرسانهم براهم.
    شوقي
                   |Articles |News |مقالات |بيانات

04-04-2004, 06:50 AM

JAD
<aJAD
تاريخ التسجيل: 02-05-2002
مجموع المشاركات: 4768

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    الأستاذ شوقي الله يديك العافية .. ويحفظ الأبناء والأحفاد للسير على خطى الآباء والآجداد.

    والله يا عم شوقي لو سنحت لنا الفرص أكون حينئذ من السعداء بالصحبة وعلى تجهيز معدات رحلة الصيد من البنادق العادي والأوتوماتيك وبقية المستلزمات.

    عندي إحساس أنك بتعرف الأستاذ علي أحمد محجوب وذلك لسببين الأول أن على محجوب قديم جداً في أم درمان ويعمل في الهيئة القضائية منذ فترة طويلة .. والثاني أن أمه من الرباطاب ولهم علاقة بالمرحوم الشيخ بابكر بدري.

    بس ما يهمك حتى ما بتعرفوا سوف أعرفك بيه في حينه.

    تحياتي،،،

    جاد
                   |Articles |News |مقالات |بيانات

04-04-2004, 06:57 AM

WALAD DA


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: JAD)


    هلا حباب اهلى الرباطاب
    والله يا عمى شوقى اكان ما اخاف الكضب انت جدى لزم
    وسجيمان من كلامو ده يا عمن يا خالن
    وخايف مهاجر ده كمان يطلع اخوى شقيقى ولا ود عمن لينا
                   |Articles |News |مقالات |بيانات

04-04-2004, 09:00 AM

شرير والبرتقاله

تاريخ التسجيل: 03-18-2002
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: WALAD DA)

    عمنا شوقي بدري

    كدي النشوف ذاكرتك لسه حديد

    انا مولود في حي (موسكو) في بيت(الستيه) جيران ناس هاشم العطا في حلةناس الدعيتا بالقرب من دكاكين الطاهر خال العيال جمب ناس كمال نقد الله
                   |Articles |News |مقالات |بيانات

04-04-2004, 05:00 PM

Salah Yousif
<aSalah Yousif
تاريخ التسجيل: 01-24-2004
مجموع المشاركات: 176

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    الأستاذ شوفي بدري

    تحياتي لك وأنت في بلاد الصقيع منذ فترة طويلة

    أغلب الظن أنك لا تعرفني ولا أود بهذا أن أطلب جلسة عصرية كما طلب سجيمان و(وجد السم القدر غداهو ثم انتهى الأمر إلى تعارف)0 لكنني كمتابع لكل كتاباتك وقارئ لكتبك لك عندي مكانة كبيرة خاصة وأنني كأمدرماني وبالذات موردابي أعرف كثيرا من الذين عركت الحياة معهم0 فقط أود أن أضيف لك بعض الأسماء التي لا اعتقدت أنها غابت عن ذاكرتك0

    هل تذكر يوسف تومة الذي كان يعمل بناء ولا يحتاج إلى مسطرينة بل يضرب الطوبة برأسه ويواصل البناء0 هل تذكر خالد أرنب و دقماس وراس الميت وطه جفون وحسين أب صينية والشيخ كشيف تورو وعز الدين قدوم كلب وأبو كاب والرخ وقناطه وود الشول وعثمان طه والرشيد أب أحمد وحقي (الرب)0 طبعا هؤلاء من رموز الموردة المعروفين وحسب تتبعي لذكرياتك لاحظت أن لك صولات وجولات في تلك المنطقة من ما يفتح شهيتك لقول المزيد عنهم0

    أذكر أن جمعتنا مرة جلسة مسائية مع أغلب المذكورين أعلاه وكان ضيف الشرف صديقي وقريبي المحامي مصطفى عبد السيد0 وكعادة الناس في مثل تلك اللقاءات أن يتعارفوا فقام كل واحد وذكر اسمه أو بالأصح لقبه0 وعندما جاء الدور لصاحبي تلفت يمنة ويسرى وقال لهم: أنا مصطفي أب دربين وهو كما تعرف دوّخ قصاصي الأثر حيث كان يرتدي فردة حذاء عادية ويربط الفردة الأخرى مقلوبة فيحتار القصاص في الإتجاه الذي سار نحوه الحرامي0

    اختم قولي بطلب بسيط أن تبلغ سلامي الحار( كخال) - وهذه قصة أخرى - إلى مجدي الجزولي0

    مع خالص تحياتي

    صلاح يوسف
                   |Articles |News |مقالات |بيانات

04-05-2004, 01:41 AM

حسن الجزولي
<aحسن الجزولي
تاريخ التسجيل: 12-05-2002
مجموع المشاركات: 1240

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    الخال العزيز /صلاح

    مصطفى عبد السيد المحامى ..( قريبنا) من ياتو جهة ؟!..مع تقديرى له ولأسرته .. ولربما لصديقنا العزيز شوقى بدرى بعض (حكاوى ) باعتباره ابنا بارا لامدرمان وزماناتها, وعفوا , فقد طالت السنوات يا خال ولم اعد اذكر شجرة العائلة على نحو أتذكر فيه كل هذه الأسماء !.. لماذا لم تجمعونهم بنا فى جمعة جامعة عصرا أو مساء , فى أحد نسائم حى الموردة بحوشكم الفسيح لنعرفهم أجمعين ؟! .. ما الذى كان يشغلكم عن هذا يا أجمل (خال) ؟! .. وللآستاذ مصطفى عبد السيد كل التحايا .
                   |Articles |News |مقالات |بيانات

04-05-2004, 04:51 AM

Salah Yousif
<aSalah Yousif
تاريخ التسجيل: 01-24-2004
مجموع المشاركات: 176

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    العزيز حسن الجزولي

    كيف يغيب عنك هذا الفرع من شجرة العائلة0 مصطفى عبد السيد هو أخ بدوي زوج أختي محاسن0 وهما أخوان غير أشقاء للسرة بت برهان0 وطبعا برهان هو خالي الأكبر من الأمين وسيد احمد والنور وكان متزوج مستورة أم السرة قبل أن يتوفاه الله وتتزوج مستورة من عبد السيد وتنجب بدوي ومصطفى وعبد الحميد وعثمان وفاطمة وبتول وآمال0 ثم إن آمال كانت زوجتي الأولى عام 1971 وافترقنا بعد تداعيات انقلاب هاشم العطا في ذلك العام0 أزيدك ولا كفاية0

    وصلتني رسالة بريدية من مجدي وهو يسأل عن عبد الرحمن سليمان وطبعا المسافة بيننا بعيدة فهو في العين بالإمارات وأنا في الخبر بالسعودية0

    شكرا للمواصلة ومعذرة يا أخ شوقي أن نحول البوست إلى ضيعة خاصة

    صلاح يوسف
                   |Articles |News |مقالات |بيانات

04-05-2004, 05:18 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: Salah Yousif)

    عزيزي صلاح
    يا سيدي كيف تقول ما بعرفك ، مستعدين ندفع قروش عشان في حاجات دايرين ننساها ، نحنه زولنا ما بننساه ، انا بتذكرك قبل ما تسوي النضارات و شعرك يقول يا ليل . و انا مع مجدي طوالي في سيرتك و في سيرة خالك و فريق السيد المكي شرق السوق . ابوصلاح في اول حياته سكن في الحي ده . انته نسيت انا اشرت ليك في جريدة الخرطوم سنة 1997 و قلته اسم صلاح ده اغلب اصحابو ناس مميزين . خالد ارنب صاحبي و كان هو و هاشم عوض الكريم الذي يعمل في المطار في نفس الوزن ملاكمين في نادي التربيه البدنيه و كان يسوق تاكسي هيلمن ثم غير الي بيجو و كان بقرشو في طرمبة شارع الاربعين المقابله دكان جعفر و يقطع الشارع و ياخد معانا خشم خشمين و نحن جالسين قدام بيت ناس شقيقي بله ليس بعيدا من منزل الفنان زيدان ابراهيم .خالد كان له ابنه يحلف بها باستمرار و اسمها شاديه .
    يوسف تهمه لم يكن بناء بل منجد و بعد خروجه من السجن توسط له اللواء حمد النيل ضيف الله و شغلوه في المخازن . لم يكن قويا في جسمه و لكن كان له راس مميت ، لم يحدث ان ضرب به انسان بدون ان يصرعه . اخوه عبدالملك الذي كان اصغر منه كان اقوي و اكثر شراسه الا انه مات فجأه بعد مرض لم يمهله طويلا . و عندما رجع يوسف بالكوز من الزير وجده قد مات فقال ما صار معروفا ( ناس ضعيفه ما تقدر تقاوم المرض ، ما يستناني حتي عشان اوصل ليه كوز المويه).
    يوسف كان يسكن فريق العتاله و هي المنطقه المحصوره بين تامه و فنقر و خور ابوعنجه .
    في سنة 1963 بعد خروجنا من منزل مصطفي كوتبا الريفي شاهدنا مجموعه تقف امام منزل فاروق وهبه في الزقاق الذي يؤدي الي حديقة المورده و روي لنا الجوكر بعينه المميزه و هو يضحك كيف ان يوسف تهمه اقتحم الدار مسلح بقرجه و سكينه علي ضراعه و هذا اثناء لعبة قمار و اكتفي بوضع القرجه علي رأس فاروق. و لمده طويله لم يتحرك اي شئ سوي العرق في وجه فاروق وهبه ليتجمع في ذقنه و يتساقط . و جمع يوسف الفلوس التي علي الطاوله قائلا ( خش ، اداك، كلمه طيبه ، تسعه، قصيره ، ما في زول يقول يا عم يوسف هاك ؟ انا التعبان يومي كلو باربعين قرش . ) و اخذ الفلوس و انصرف .
    و انا في السادسه عشر من عمري لم اكن اعرف يوسف تهمه ، و كدنا ان ندهس كلبه بسيارة صديقي الموريس ايت و رقمها( ب ن 1 ) اي اول سياره تدخل النيل الازرق . و خرج يوسف غاضبا و شتمنا فتصديت له و لكن صديقي عثمان كان يردد ( معليش يا عم يوسف ، غلطانين يا عم يوسف …..) ثم ظهر التيجاني حسين الذي كان يعمل كعجلاتي عند العمده و اعتذر له بانني لا اعرفه فابتسم و صار يحييني بعدها .
    في منزل التيجاني حسين في فريق عتاله اقيمت لنا مع شقيقي الشنقيطي حفلة وداع في يوم الخميس 10/9/1964 ضمت اولاد المورده بانت و العباسيه و اخرين .
    ارتباطي بالمورده كان بسبب اخي العزيزعبدالمنعم عبدالله حسن عقباوي ابن اخت العم عثمان( السوكي) و شلتنا كانت حسن اميقو و حسن ود مسار ( النمر ) و الجاك الماظ ( طرزان ) و هرش و قد ينضم الينا برقودي او باللايكا اشقاء حسن ودمسار و عرفت كل اهل المورده . بالمناسبه دغماس اسم لص قطع بالخلاف ايام المهديه و عاش الي الثلاثينات و صار غنيا ميسور الحال و لقد حمل هذا الاسم مجموعه من الناس مثل هبار الذي كان لصا مشهورا في امدرمان . و بعض هذه الشخصيات تطرقت لها في كتاب حكاوي امدرمان .
    شوقي
                   |Articles |News |مقالات |بيانات

04-05-2004, 05:33 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    الشرير و البرتقاله
    انته شويه لخبته لانو دكاكين الطاهر من جامع الدعيته جبده لكن كان انته جار جعفر سليمان و جم ناس هاشم العطا و اخوه جعفر العطا و شمال حوش النصري و جم حوش الخاله لطيفه ام محمود تكون انته من حوش منور و كلكم فريتو اميركا ، كان كلامي ده ما صاح اديني وصف اقرب و انا بجيبك في القاطر .
    الدعيته سموه الدعيته لانو في التركيه زمان رجع قافله لاسيادها من همباته و لمن جاء راجع بالجمال و البضاعه سألوه رجعتها كيف قال ليهم ادعيتها اي زعم انها له . و اما بسبب صلته بالهمباته او احترامهم له فارجعوا القافله .
    خال العيال كان تاجرا في المهديه و كان يعامل زبائنه بلطف . و في فترة غيابه او مرضه استلم التجاره ابناء اخته فاوقفوا التعامل بالدين و طالبوا بالديون القديمه . و عندما رجع كان الناس يقولون خال العيال جا و صار اسمه .
    شوقي
                   |Articles |News |مقالات |بيانات

04-06-2004, 01:02 AM

حسن الجزولي
<aحسن الجزولي
تاريخ التسجيل: 12-05-2002
مجموع المشاركات: 1240

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    بخصوص المورده وأمدرمان ,اتذكر مرة ياشوقى وصلاح جانى ابراهيم الجزولى فى بودابست فى أغسطس 1995 , ضمن عمل خاص بقناة ابوظبى الفضائية عن برنامج حول الآقليات المسلمة فى المجر , وقد سنحت لى الفرصة فى الفترة التى قضاها معى لكى اسجل معه اكثر من شريطين كاسيت عن ذكريات تداعت حول امدرمان و19 يوليو والأعتقالات فى كوبر والتى تمت بعد تلك الفترة .. اتذكر ان اظرف ما ذكره فى تلك الذكريات كان عن المورده فقد قال لى : - فى مدرسة المورده الأبتدائية فى الستينات سأل الأستاذ التلاميذ عن أشهر (الحواس ) الخمس .. فاعتقد التلميذ محمد بابكر شمت أن الأستاذ يسأل عن أشهر ( الحواته )الخمس فى المورده ! .. فعدد له أسمائهم على النحو التالى :- الجعفر , عمى عشرى , كبروس , جناها , ودالطيار !فقذفه الأستاذ بالطباشيرة والبشاورة معا وخرج فورا من الفصل وهو يضرب كفا بكف ! .
                   |Articles |News |مقالات |بيانات

04-06-2004, 01:54 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    Quote: و كلام الرباطاب ما بنتهي لكن عندما كان ابن اختي محمد يجلس بين صفوف المصلين و الامام هو شقيقي مختار بدري احد انصار السنه المتشددين جدا قال احد المصلين بالقرب منه بعد ان بدأ مختار في شتم تاركي الصلاه و المتسيبين و اللا اسلاميين ( كلام الدين كمل ، ده بقه كلام رباطاب ساكت ).


    دى شديدة وفى السلك
    يلا بالله
    البوست حيصل 1000 مداخلة
    ومازلت المرة الوحيدة الحايمة هنا
    وبما انى من القواعد فلا تثريب عليكم ولا على
    شكرا للامتاع والمؤانسة
    وطوق الحمامة ذاتو
                   |Articles |News |مقالات |بيانات

04-06-2004, 01:55 AM

bayan
<abayan
تاريخ التسجيل: 06-13-2003
مجموع المشاركات: 15417

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: حسن الجزولي)

    Quote: و كلام الرباطاب ما بنتهي لكن عندما كان ابن اختي محمد يجلس بين صفوف المصلين و الامام هو شقيقي مختار بدري احد انصار السنه المتشددين جدا قال احد المصلين بالقرب منه بعد ان بدأ مختار في شتم تاركي الصلاه و المتسيبين و اللا اسلاميين ( كلام الدين كمل ، ده بقه كلام رباطاب ساكت ).


    دى شديدة وفى السلك
    يلا بالله
    البوست حيصل 1000 مداخلة
    ومازلت المرة الوحيدة الحايمة هنا
    وبما انى من القواعد فلا تثريب عليكم ولا على
    شكرا للامتاع والمؤانسة
    وطوق الحمامة ذاتو
                   |Articles |News |مقالات |بيانات

04-07-2004, 07:33 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: bayan)

    يا شرير بدون البرتقاله
    سألتنى سؤال ورديت عليك مش تمام انت من حوش منور . فى كتاب حكاوى امدرمان تطرقت للعم منور الذى كان يسوق الترام نمره 28 الذى كان يمشى بين المحطه الاوسطى وابو روف ولهذا كانت الامهات يداعون اولادهم يدوسك 28 .. ارجو الاجابه والا سنديك دعوه من النوع ده ... لك التحيه
                   |Articles |News |مقالات |بيانات

04-08-2004, 10:32 AM

مهاجر
<aمهاجر
تاريخ التسجيل: 11-23-2002
مجموع المشاركات: 2997

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    الاخ جاد اها جابت ليها قرابة برضو
    انت قلت قبل كدا عندك نسب بينا في حي العرب وديل اهلي

    وعلي احمد محجوب انا عموا في الحسبة ومحجوب هو ابن عم شبيكة
    ارجو تعريف ليك يا جاد ومنو من الرباطاب نسايبك في حي العرب
                   |Articles |News |مقالات |بيانات

04-08-2004, 05:16 PM

zola123
<azola123
تاريخ التسجيل: 08-22-2002
مجموع المشاركات: 5

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: shawgi badri)

    يا عم شوقي
    لي من زمان بتابع في موضوعكم ده ومستنية فسحة ادخل منها
    لاكن خايفة تقولوا زولة دي حنكوشة ساي الجابا تسمع في ونسة الكبار شنو
    وبما اني حشرية من يومي و ما حصل لمن يجينا ضيوف اني استمتعت بونسة نسوانهم, فكنت انتظر خروج الضيوف لاجلس قرب الوالد لاخطف حكاية او اتنين
    من ونسة الرجال
    ونستكم دي ذكرتني كلامه.....
    يا عم شوقي الوالد بيتابع البورد وفي كثير من الاحيا كان يستاء من الكتابات التي نعرفها جميعا فينقطع ثم يوصيني : لو كنت عايزة فعلا استمر في متابعةالبورد فما على الا بكتابات شوقي بدري
    فانت في رايه زول موسوعة وكلامك سلس واسلوبك شيق جدير بالمتابعة
    لاتعلم الكثير عن بلدي الذي لم اسعد بالعيش فيه كثيرا
    قام فعلا بنسخ مجموعة من كتاباتك وطلب نى ان اقرءها واساله اذا استعصى علي فهم شيء او معرفة اي من الاسماء {التي اجهل معظمها} ثم سافر الان في اجازة طويلة للسودان
    ومن كسلي وانشغالي باشياء لا تقل اهمية عن الاستمتاع بكتاباتك اهملت الوصية,
    لاكن ليك عل من قومتي دي من البورد امشي اذاكر واتحضرلامتحان
    فشكرا على المعرفةالتي تقدمها لي

    تحياتي
    زولة123


    يا د.حسن سلاماااااااات
                   |Articles |News |مقالات |بيانات

04-08-2004, 07:41 PM

shawgi badri
<ashawgi badri
تاريخ التسجيل: 04-26-2003
مجموع المشاركات: 622

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: يا سجيمان ، يا رمدان يا هملان........انا ما غبيان (Re: zola123)

    الابنه العزيزه زولا123
    ما تتصوري انا سعدته كيف من مداخلتك . اول شئ انا علي اقتناع تام بان من صنعوا السودان هم النساء . لان المرأه هي التي تحمل العبء عندما تعصف الزوابع بالوطن . و نحنه بنكتب ليكم انتو عشان تعرفوا و تتذكروا . و اهلنا ادونا الكثير خاصه امهاتنا . و الطفل السوداني قديما كان له عشرات الامهات ، هم الحبوبات و شقيقات الحبوبات و الخالات و العمات و الجارات و الاهل .
    ده دين نحنه بنحاول ندفعه لكن من النوع الذي لا يمكن تسديده لان الحب و الحنان و الاهتمام الذي وجدناه من امهاتنا كان شيئا لا يصدق . و لا نزال نحمل في قلوبنا متسعا يسع الكون و هذا من فضل امهاتنا و هن كثر و لكي التحيه يا بنتي . و فكري بان الحياة ليست من المفروض ان تكون نزهة فابحثي دائما عن المعرفه و الصدق و الامانه و هذه سلعه لا تتوفر عند المترفين و الاغنياء و المتعلمين و المتحذلقين .
    الدكتور محمد سليمان ترجم ديوان برخت الالماني المعروف كمسرحي و في احدي قصائد برخت يقول ما معناه( لقد فتح الاسكندر الهند و لكن هل كان الاسكندر لوحده ) .
    طبعا كان هنالك الحدادين و الطباخين و النجارين و الخدم و الجنود ، هؤلاء هم الذين فتحوا الهند و لكن لا يذكرهم و لا يفكر فيهم انسان . و السودان ليس هو المتعلمين و المنغنغين في المدن .
    صديقي كمال و رمضان المجذمين المجتمع يدينهم و يبعد عنهم و لكن لماذا لا نسأل نفسنا ماذا قدمنا لهم نحن الاصحاء، الذين يجب ان نختشي و نختبئ . فعندما نشير الي انسان باصبعنا تكون بقية الاصابع تشير نحونا .
    شوقي
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de