دعواتكم لزميلنا المفكر د.الباقر العفيف بالشفاء العاجل
|
|
 بشرى...... لبن الماعز يحسين القدرات الذهنية والادراكية والمعرفية !!
|
القاهرة د ب أ) - ذكر تقرير إخباري اليوم الجمعة أن دراسة أجراها قسما طب الاطفال والتخاطب بجامعة عين شمس بمصر أثبتت ان تناول ألبان الماعز والجمال وخبز الذرة بصفة منتظمة يفيد في علاج مرض التوحد الذي من أهم أعراضه الانطواء والعزلة.
ونسبت صحيفة "الجمهورية" القاهرية للدكتور محمد بركة رئيس وحدة أمراض التخاطب قوله بأن هذه الالبان تحتوي علي مركبات إنزيمية تؤدي إلي تحسين القدرات الذهنية والادراكية والمعرفية لهؤلاء المرضي إلي جانب تدريبات التخاطب الجماعية والفردية.
_________
م: "د ب ا"وكالة الانباء الالمانية
|
|
 
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
والله يانوبى بحاول من فترة اغير الصورة بس عندى مشكله فى التحميل
المهم كيفك انت تعرف يانوبى رغم انى مريت بشندى ميات المرات لكن ما دخلتها الا ليلا بعد تعطل القطار فى احد السفريات ولى فيها زكريات رغم ذلك خاصة مع ناس مربع "..."
ضفرة ردك دا زكرنى نكتة حسن السريع لاننى استدركت بعض الاخطاء ولما رجعت وجدتك هناك يارجل .. النكته عارفا طبعا
يااااخ دايرين نكرم الاخ ناذر بس ماعارف كيف فكر معاى
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
ود عكر
لبن الغنم مغشوش ولبن البقر مغشوش ولبن الضأن مغشوش وحتى لبن الأم مغشوش لأنها ميعاً وبصراحة لا تضمنها نستله ولا غيرها.
فأرجو أن تقول للدكتور محمد بركة رئيس وحدة أمراض التخاطب أن اللبن الذي شربته حتى تاريخه كان ربى مراح غنم عديل كده وبرغم كل هذا لم يغتير شئ ، وقالوا كمان الدور جاي على الغنم بعد جنون البقر وأنفلونزا الطيور والله يستر يا ود عكر بعد أن أصبح التوحد واقع والوحدة حلم بعد أن كانت سينما.
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
الملا عمر تحية واحتراما
Quote: ود عكر
لبن الغنم مغشوش ولبن البقر مغشوش ولبن الضأن مغشوش وحتى لبن الأم مغشوش لأنها ميعاً وبصراحة لا تضمنها نستله ولا غيرها.
فأرجو أن تقول للدكتور محمد بركة رئيس وحدة أمراض التخاطب أن اللبن الذي شربته حتى تاريخه كان ربى مراح غنم عديل كده وبرغم كل هذا لم يغتير شئ ، وقالوا كمان الدور جاي على الغنم بعد جنون البقر وأنفلونزا الطيور والله يستر يا ود عكر بعد أن أصبح التوحد واقع والوحدة حلم بعد أن كانت سينما. |
ضفرة:| Quote: وحتى لبن الأم مغشوش |
دى غايتو فيها نظر ياخوى ..
تعرف يمكن الدكتور قاصد الغنم السوبر يعنى غنمنا البتناطحو فى اكياس النايلون وعايشين نص عمرهم فى الكوش ديل بودو التوج مش التيجانى الماحى ويحضرنى زمان نميرى لما شن حملة على غنم امدرمان الهايفات قال ايه قال بياكلو لحاء الاشجار مما ارهق وقتل الحزام الشجرى بالعاصمة اهه اسع لا فضل غنم ولا فضل شجر ولا نميرى ذاتو بس فضلو المجانين والمسؤولين والله يستر من جنون الغنم لانو سيدو بيكون خطير وخفيف .. جنو نطيح ولبليب واكل اكياس نايلو وشوالات ومقيل وسط الكوش ومغازلة اى تيس حايم ...حمانا الله ...ولك الود والعافية
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
.... يعنى لسع نحنا كسودانيين ماقادرين نفرق بين اللبن والحليب واحيانا نقول اللبن الحليب ... احلبو اللبن ...بقرة ناس فلان حلبوها .... البهايم ما/حلبوهم ... نحنا زاتنا الغربه حلبتنا ...الحلب والحليب..
عووووووووووك ....ياناس ورونا الصاح ياتو والحاصل شنو
ضفرة: اول برلمة لى فى الغربة كانت ان مزجت اللبن مع الشاى وقلته بتاع البقاله غشانى وادانى لبن ضارب "مقطع" ؟
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
والله يا ود عكر يا أخوي قالوا العرب تقول بهم جب إنو الصحيح هو اللبن فقد قالت بنونه بت عشا عربو أن اللبن هو الأصوب وأن الحليب هو كلام حنكشة بين شأنه في ذلك شأن كلام زعل أو كلام كلام يا .... كلام جاييك عريس تمام وبرضو يا ...... وأستدلت الحاجة بنونه عليها الرحمة بقوله تعالي:
(و إن لكم في الأنعام لعبرة نسقيكم مما في بطونه من بين فرث و دم لبناً خالصاً سائغاً للشاربين) . [سورة النحل: الآية 66] .
لكين طبعاً متل نوع غنمنا البياكلن الدلاقين والأكياس حا يكون لبن البدرة أحسن من لبنن يعني لمن أشرب لي لبن غنماية ماكله ليها توب طرق وملاية وفركة قرمصيص وبنطلون جينز وكيس تمباك فاضي وكيس شعيرية أكيد حا يكون اللبن الشربتو ده لبن الأبطال ولمن أعمل شاي بي لبن من هذا النوع حا يكون شاي برمودا أو فطير بي تي شيرت إلى آخره
===
أها أمشي شيل قروشك من سيد الدكان (البقالة بي لغتكم الخليجية) وقول ليهو أنا قلت ليك لبن وإنت أديتي لبن رايب وأستشهد بي قول بنونه أعلاه ورسل لي بيزه مش دومينوز أو بيزا هات البيزا الليلت الشغل وفي راوية أخرى Visa إن شاء الله تكون Visit
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
الملا عمر ربنا يديك العافية... اعد واكرر عشان كدت ان انفقع ضحكا رغم كثافة العمل وعيون الزملا
Quote: والله يا ود عكر يا أخوي قالوا العرب تقول بهم جب إنو الصحيح هو اللبن فقد قالت بنونه بت عشا عربو أن اللبن هو الأصوب وأن الحليب هو كلام حنكشة بين شأنه في ذلك شأن كلام زعل أو كلام كلام يا .... كلام جاييك عريس تمام وبرضو يا ...... وأستدلت الحاجة بنونه عليها الرحمة بقوله تعالي:
(و إن لكم في الأنعام لعبرة نسقيكم مما في بطونه من بين فرث و دم لبناً خالصاً سائغاً للشاربين) . [سورة النحل: الآية 66] .
لكين طبعاً متل نوع غنمنا البياكلن الدلاقين والأكياس حا يكون لبن البدرة أحسن من لبنن يعني لمن أشرب لي لبن غنماية ماكله ليها توب طرق وملاية وفركة قرمصيص وبنطلون جينز وكيس تمباك فاضي وكيس شعيرية أكيد حا يكون اللبن الشربتو ده لبن الأبطال ولمن أعمل شاي بي لبن من هذا النوع حا يكون شاي برمودا أو فطير بي تي شيرت إلى آخره
===
أها أمشي شيل قروشك من سيد الدكان (البقالة بي لغتكم الخليجية) وقول ليهو أنا قلت ليك لبن وإنت أديتي لبن رايب وأستشهد بي قول بنونه أعلاه ورسل لي بيزه مش دومينوز أو بيزا هات البيزا الليلت الشغل وفي راوية أخرى Visa إن شاء الله تكون Visit |
ضفرة: يعنى غنمنا ممكن يلدو ليك شافع لابس لبس الروضه و جاهز للمدرسه.......شكيت محنن ديل غنم والا مصنع نسيج
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
الحبيب بله ود موسى
| Quote: اسقنى واشرب على أطلاله***وارو عنى طالما الكأس روى |
اكيد الزول ده قاصد الكاس موش اللبن ..الا ياخوى انا زاتى كاسى دا نسيت فيهو شنو لكنى كنت مبسوط والحمدلله ...
ضفرة انتا الفرق شنو بين الكاس والكباية؟...... ولمن نمشى نشتريهو بنقول ادينا كباية .... والا كاس ...؟ وفى حتتك القاعد فيها الان الاسماء دى موجوده والا الشغل بوززز ؟
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
قال أحد شعراء العرب بلسان عربي مبين:
ومن يصنع المعروف ف يغيره أهله يلاقي كما لاقي مجير أم عامر
أعد لها لما إستجارت بقربه مع الأمن ألبان اللقاح الدرائر
ولم يقل فض فوه حليب اللقاح الدرائر. والعهدة أيضاً على الراوي أن الحليب يمكن أن يكون بنزيناً أو ماء أو غيره ما بقي الحليب عملية حلب لا أكثر ولا أقل بغض النظر عن المادة المحلوبة ، فقد سمعت أن عبد الحي وهو من أشهر مساعدي اللواري السفرية قال لأحد الصبية الذي يعملون تحت إمرته أمش يا شافع شوف لي باقه النحلب فيها الجاز من التنكي وقطعاً هو قال باغه وبغي في قوله لأن أبدل القاف بالغين.
====
ما قلت لي يا ودعكر يا أخوي المصدر: د ب أ دي وكالة أنباء ولا ترخيص عربية، لكين عرفت مؤخراً أنها إختصار لي Deutsche Presse Agentur ها شنو ليك ألياق ليك اللبن ده بس بشرط شوف ليك كسره رهيفه أو عصيدة
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
الرائع الملا عمر "مع ترددى فى كتابة هذا الوصف لانه لا يتسق مع ملا الذى ارتبط فى ازهاننا بالارهاب بدون كباب ربطة صامولة موش جرجير ...
تعرف يا حبيب انا شامى فيك ريحة دردرة وسكك سفر ورمى صاجات ومساعد حلة وسامر ليل وقروى يحمل جينات ساخرة موسسه على ذكاء حاد وروح رياضية ووقت الجد الشغلانة عندك بتبوظ خالص و,,,, وحاجات تانيه حاميانى
ضفرة: ماتكتبه لك صدقة جاريه لاننى استفيد من المعلومات الواردة ثم اضحك بصدق وما خايف من اى زول ... بس سؤال انتا اشتغلت مساعد فى اللوارى السفرية والا بديت المساعد الكبير طوالى؟
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
أخي ود عكر
أشكرك على وصمي بالرائع ، فقد راعني حال الحليب في دياركم واللبن خاصتنا ، فهدئ من روعك أخي فإن ململتي وإرتباط إسمي بهذا اللقب الملا هو من باب تحسبو لعب إلى نهاية الغنية وفي رواية أخرى في موقف لا أحسد عليه بل كتب عنه أخونا أب حراز محاولاً الفكاك من حرازاته ولم يفلح فقد إنبرى له اهل المنبر ورفضوا بالإجماع فصل الصورة عن الحرازة. أما في شأن أسفاري ودردرتي فإنني لم أسافر إلا إلى البقعة وهي مدينة أمدرمان لشراء إسبيرات وابور ليستر وعدد إثنين ثور للحراثة و3 حمير ستة شنكل وحمارين مكادي إضافة إلى عتوت وعندها شتت بقروش ناس القرية تماماً كما فعل عادل إمام في أحد أفلامه ولم أعد حتى تاريخه لأن القرية عن بكرة أبيها تنتظر عودتي للقصاص مني فتخفيت خلف لقب الملا وإستجرت من الرمضاء بالنار بعد أن سقط النظام الطالباني في كابول وأصبحت فلوله مطاردة من أمريكا وأعوانها.
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: Ahmed El Gasim)
|
أخي أحمد القاسم
الكرتاء هي العنز التي تكون لابسه تي شيرت ماركة أديداس بحسب كلام أهل البندر وهي ذات العنز المقطوعة و قصيرة الأذنين لا فرق عند أهل العوض والعضد لكن هل لك أن تفتني في هذه المسألة إن كنت مالكاً لجانب من زمامها:
ما هي العنز أم كرو ولماذا يتم عزلها عن الجرباء هل هو وعي صحي بيطري في ذلك الزمان الغابر حتى صار مثلاً تتناقله الأجيال "ما تدخل العرجا في أم كرو" أى أن يقوم هذا المثل مقام الحجر الصحي quarantine ، فهذه بكروها وحلوها ومرها لوحدها وتلك بعرجها أيضاً براها.
أقول لود عكر قد أكون عكرت عليك صفو البوست وجعلت لبن الموضوع مقنناً على طريقة شاي المزراعين في ساعة المقيل أو الـ Lunch break عند الساعة الواحدة من بعد الظهر بالتوقيت الزوالي لجزيرة كجبي لكن حسبي وحسبك أنني شليق وأجد نفسي في أصغر شئون الغنم حتى لو وصل الأمر إلى مرحلة الصرار بضم الصاد وكذلك الحال بالنسبة لذكر الكوشة والكوش. أيضاً أتمنى على الأخ أحمد القاسم أن يفيدني في شأن العنز الكدمور
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: almulaomar)
|
الملا
اسف تشابهت علي الاسماء الايام الماضية لكون مروري كان علي عجالة
وباين انك زول حليب وصر زينا فالعتبي لك?
افتني في الكدمور فقد غلب حماري منها وليك علي شاي مقنن يجيب الضهبان وبدون موية لبن ساااي لبن غنم (موجبات)!!!طبعا موجبات دي حاتتعب ناس كدة شربوا لبن عنبلوك!!!
ود عكر
لك التحايا اخي وبوستك جعل لبن الموضوع مقنناً
ومرحب بيك
ولبن الغنم دة الا الحقو بوستات سيجمان وبس
انا تاني جاي لللبن واسئلتك
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
د. ناذر معقول يطلنا فى زريبتنا التى تحتوى على غنماية واحدة ننقنق فى اضانا انا والملا عمر.... مرة نحلب منها حليب صافى ومره لبن صافى ... ومرات تحرن وتدينا هوا ..| Quote: عارفك لمن تحسبهم حاتنسى نوعين تلاتة كدة |
احسب شنو يافردة ... نمرة اربعة لبن غنم وارد كوش العمارات طبعا مافيها لا كوش ولا غنم ...يااخ وينك يازريابنا يامن يوم التخرج وما ظاهر عموما لك الود وروميو ذاتو زايق وطلاتو قلت
ضفرة: انتا فى السودان صحى فى فنانين ما بغنوا الا بى ترمسة شاى بى لبن مقنن
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
Quote: أخي ود عكر
أشكرك على وصمي بالرائع ، فقد راعني حال الحليب في دياركم واللبن خاصتنا ، فهدئ من روعك أخي فإن ململتي وإرتباط إسمي بهذا اللقب الملا هو من باب تحسبو لعب إلى نهاية الغنية وفي رواية أخرى في موقف لا أحسد عليه بل كتب عنه أخونا أب حراز محاولاً الفكاك من حرازاته ولم يفلح فقد إنبرى له اهل المنبر ورفضوا بالإجماع فصل الصورة عن الحرازة. أما في شأن أسفاري ودردرتي فإنني لم أسافر إلا إلى البقعة وهي مدينة أمدرمان لشراء إسبيرات وابور ليستر وعدد إثنين ثور للحراثة و3 حمير ستة شنكل وحمارين مكادي إضافة إلى عتوت وعندها شتت بقروش ناس القرية تماماً كما فعل عادل إمام في أحد أفلامه ولم أعد حتى تاريخه لأن القرية عن بكرة أبيها تنتظر عودتي للقصاص مني فتخفيت خلف لقب الملا وإستجرت من الرمضاء بالنار بعد أن سقط النظام الطالباني في كابول وأصبحت فلوله مطاردة من أمريكا وأعوانها |
اذن الرئع الملا عمر....
لكن الملا دا ما كيس عديل كده"كيس دى ممكن بالفتحة والكسرة والسكون الهادى وياريت على ضفاف النيل" بالعربى كدا دقسة ولن ينفك منك حتى يتصالح الحراز مع المطرفى عصور العصر الجايه ....
قلتا لى ما بتاع سفر تعرف بى تضريبة بسيطة سفرتك الويحيده دى تساوى رحلة الشتاء والصيف ...انا زى متاكد انو القرية اعلنت افلاسها مباشرة بعد وصولك امدر العزيزة... بس لو كان فكرت يعنى و حاولت تشحن الحاجات دى كنته داير قطر عديل كده لكن يااخ كان ترسل ليهم الحمار المكادى والعتود يمكن تبل ريقوم شوية ...اسع افضل قصاص ناس الحله والا قصاص امريكا
ضفرة : سمعت بى سفر عجيب يودى مايجيب اقترح تبديلو بى سفر الملا اللحس الفلة ورقص الحلة...حلوة مش
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
د احمد القاسم...سلام ياحبيب طبعا انت ادرى بالتراكيب التى تجعل العلماء زيكم يفرقون بين الحليب واللبن لكن شفته حركات اهل الخليج وحركات البائعين فى البقالات ديل البوظو تركيبتنا القروية باعتبار السودان دولة بهايم" والله انا قاصد انو اكبر منتج للحيوانات ودى ماديره شرح ولا حليفة ياخليفة..المهم عيالنا زاتو بقو فى حلقنا ترسل لى لبن يجيب ليك روب تشرح ليهو بالسودانى يتفسح فيك ..يابابا اسمو حليب .وروحك تطلع جد الشغلانة دايره تفسير علمى والجانب الدينى افتى فيه الملا عمر جزاه الله خيرا.. والنباهة كان من لبن الغنم كان السودانيين قيلو فى القمر
امادى فقد امرنا بتحويلها مباشرة الى الفنان ناذر ومعها سوال احتياطى الغنماية المرهاءQuote: ياحليل غنمنا خاصة (الكرتاء)>>>>>>>
ناذر
ماهي الكرتاء?السؤال لاهل الخرتوم اولاد القري والحلال لا |
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
الرائع الملا ........ قبيل زقت من السفر وملازمة المساعدية وخليت الحلة سافة التراب بعد شوية طلعت راعى غنم والدليل التوقيت الدقيق لمواعيد شاهى "شاى" الرواعية..ايه الابداع دا ... واصل وانا متنازل ليك حبا وكراما فى رعاية هذا البوست وحليبو وصرارو
| Quote: اماأيضاً أتمنى على الأخ أحمد القاسم أن يفيدني في شأن العنز الكدمور |
فمحول للدكتور احمدعلى القاسم ويادار ما دخلك زول ما ناقش محولجى يعنى....! واصلو الحلب
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
احمد القاسم حبابك الف وليك كبايه شاى لبن مقنن من عنز بكر معمول نصت نهار جنب الترعة الورانية اصلو الليله رعاية السعية على
اماأيضاً أتمنى على الأخ أحمد القاسم أن يفيدني في شأن العنز الكدمور وده زى مابتقول
| Quote: بوست حليب طازج مش( رايب) |
بس اسرع عشان تفرز لى العنز الكدمور من الشنو كده ما عارف
ناذر ده ود مدن مالو ومال الرعاية والسعايه والبهم والمعيز ..والله انا زاتى ساءل عنو ويوماتى رحيل
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
ناذر الشوق بحر ....
فى زمنك الاسفيرى داك بيرغرجر كان الناس بيشربو لبن الديناصورات وهى معيزهم سعايتهم وثروتهم وياريت لو وريتنى الخاله كانت سارحة بى شنو؟
ضفرة:| Quote: وكانت هذه أول فرصة أتذوق فيها لبن العنبلوق |
الشى الضقت لبنو دا ضكر والا نتاية ..حسب علمى العنبلوق هى مرحلة عمريه لضكور البهم قبل البلوغ او اللبلبه ... كما قال والله اعلم... يعنى تيس يافردة ومن اين يحلب التيس ..دى حامضة
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
ود عكر ما تتطرطش بي كلام ما بتعرفو !!
| Quote: الشى الضقت لبنو دا ضكر والا نتاية |
اللبن لمن لقيتو هناك أنا كنت مرهق شدييد...لمن حلبوهو لي ما سألت دا لبن ضكر ولا إنتاية لإنو في النهاية هو لبن وأنا كنت عطشان ومرهق وفي الحالة دي بدوس أي لبن زي الما حاصل حاجة ...
صنفرة :
بعدين إنت إيش عرفك !! أمكن أنا شربت لبن عنبلوقة !! درت قبل الأوان 
الحاجة التانية إنت بتقول لبن بقر ولا لبن بقرة !!!
في واحد قال ليك البقر مذكر وما بيدي لبن 
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
ناذر كدى واخده واخده
| Quote: ود عكر ما تتطرطش بي كلام ما بتعرفو !! |
دى على وزن كلام زعل مابتقبلو
| Quote: اللبن لمن لقيتو هناك أنا كنت مرهق شدييد...لمن حلبوهو لي ما سألت دا لبن ضكر ولا إنتاية لإنو في النهاية هو لبن وأنا كنت عطشان ومرهق وفي الحالة دي بدوس أي لبن زي الما حاصل حاجة ... |
هنا انا مضطر اسالك انتا ياخوى كتا وين ومساهر وين لامن ريقك ناشف دقيق فاقد احساس بالضواقة لانو لو قلتا التزوق يمكن المعنى يجررررر ويجيب جرجرة ..المهم ماعلينا بعد ما دسته لقيت الطعم كيف ..عادى
| Quote: بعدين إنت إيش عرفك !! أمكن أنا شربت لبن عنبلوقة !! درت قبل الأوان |
وفى دى الدررها قبل الاوان شنو وليه مستعجله مسكينه اتحلبت قبل يومها صغيرة وجاهلة دستوركم يا اولاد ماما صغيرة وجاهلة وما عارفا........ وحدوه
Quote: الحاجة التانية إنت بتقول لبن بقر ولا لبن بقرة !!!
في واحد قال ليك البقر مذكر وما بيدي لبن |
فى واحد قال لى الزريبة نتاية بتلم البقر والتيران فى غرفة واحدة ليمارسو خطوات تنظيم
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
أخي ودعكر
مبروك قميض مانديلا وعقبال فنيلة جورج ويا أو طاقية حاج فضل.
الكدمور أخي هي تلكم العنز التي لا قرون لها وكان على أخي ناذر الخليفة أن يقول لا فض فوه أنه شرب لبن عناق وليس عمبلوك إذا كان يريد أن يكون ذلكم اللبن قليل الدسم على إعتبار أن العناق والعمبلوك أتراب بعيداً عن كون الأولى أنثي والأخير مشروع تيس إذا نفذ بجلده بن يكون العمود الأساسي لرحلة عائلية أو رحلة أصدقاء أو قعدة.
الماعز هي من أصعب البهائم قاطبة في الرعي فإذا قدر الله لك أن تسرح ببعض الماعز ذات مرة فعليك أن تكون متيقظاً لأن الغنماية لا يمكن أن تستقر على حال في المرعي كشأن الضأن وأن الغنمية تتركها في الكلاكلة على سبيل المثال لتجدها في الصحافة ومن طرائف أسماء ومسميات الماعز:
الجفرة : العنز الصغيرة ، والجفير هو عود السكين أو مقبضها ، وجفر أو جفري أرقص أو أرقصي بالحبشي.
المنيحه : العنز التي تحلب ، ومنيح أظنه تعبير أصبح شعائاً بعد متابعتكم للفضائيات وبخاصة اللبنانية
البهم : صغار الغنم حديثة الولادة ، المضرع : العنز أو الشاة الحامل ، الفرق هو قطيع الغنم والعودة كبيرة السن من الماعز يعني حبوبة الغنم ، البرقا العنز ذات الشامة أقصد ذات اللونين الأسود والأبيض ، الهطلا الغنماية أم أضنيناً كبار أما الصماء فهي الغنماية أم إضنين صغار شديد.
الملا في حاجة إلى دفره يا صاحب الدفرة حتى يلحقك أو يلحق الحافلة أو يلحق غيرك.
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
والله يا ود عكر إنت زول مبروك ..
تعرف أنا أمبارح حلمان بيك وأنقر وين ؟؟
في فرنسا عديييل كدا على ضفاف الدانوب !!
في الحلم أنا مشيت عشان أغني في مهرجان دولي وهناك لقيت العازفين والحاضرين كلهم فرنسيين وأجانب أها أنا في نص العرض جعت شديد وداير أكل وما لقيت لي زول يتفاهم معاي لأني ما بعرف فرنسي !! المهم سبت الصالة وطلعت في الشارع بتاع برج أيفل كايس لي حاجة أكلا (إنشالله طحنية) !!
فجأة كدة لمحت لي زول بعرفو !! قلت .. الله !!! دا مش ود عكر !! الجابو بلد العلوج شنو وخلاهو يخلي بلد ناس قابوس !! المهم دخلنا في بعض سلامات وأحضانات وحاجات تانية !! (طبعا إتكيفت لأني لقيتك بتعرف عربي) المهم قلت ليك يا مان أنا جعان وداير أكل .. أشرت لي على مطعم فخم جدا تلاتة طوابق وقلت لي المطعم داك بتاعك (أي والله بتاعك عديل كدة) أها قمنا مشينا عليهو وقعدتني في طربيزة فخمة جدا ومشيت تجيب الطلبات وخليتني إتلفت ومنبهر !!!
أها بعد شوية جيتني شايل ليك هامبرقرات وبيتزات وشاورما..اات وعصاير .. وأنا ما صدقتا وقعت هبر في العضة ولمن كملتها داير أدخل يدي في جيبي لزوم أدفع وأكشكر كدة وإنت عامل فيها مجنون !! قلت ليك أديك كم يا ود عكر ؟ قلت لي ما كتير جيب متين دولار !! أنا طبعا مخلوع قلت ليك إنت مش قلت إنو المطعم دا بتاعك ؟؟ قلت لي أاي لكن بكري عمل رسوم الإشتراك في المنبر بقروش ؟؟!!! أنا طبعا ما فهمت العلاقة شنو بين الإتنين قمت إنفعلت كدة وما عارف حصل شنو لإنو بعد شوية صحيت من النوم وأنا شاميك شمة ما عادية لإنو ديك كانت أخر متين دولار في جيبي !!
صنفرة :
دا غايتو الحلم الأنا حلمتو أمبارح !! وأنا لي هسي راسي ضارب !!!
لو فاهم الحاصل شنو ورينا عشان نفهم !!
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: ناذر محمد الخليفة)
|
أخي ناذر الخليفة
الله يكضب الشينة يقول أهل الحل والربط أن المطاعم وفي بلاد الفرنجة في حلم أو رؤيا كان يجب أن تكون أضغاث أحلام غير أن ذكر مثل هذه الأحلام في بوست شرع في الأساس لمناقشة لبن الماعز وتفرع البوست كالعهد بجميع أحوالنا حتى وصل الأمر إلى شارع الشانزليزيه بعد أن كان بالكاد يوشك أن يعبر أو يقطع شارع المعونة أو الملك نمر أو شارع الأزهري أيهما أكثر قرباً لمنزلكم الكائن ، ولما كان الحلم يتعلق بالهامبرجر والروست وبقية اللحوم دون الخوض في موضوع اللبن ومشتقاته فهناك تفسيران لحلمكم هذا
الأول أن تصاب الأغنام بالحمى القلاعية ويتم حظرها على مستوى الجمهورية ويصبح الصبح على الأمة وهي تشرب شاي أحمر ونكون في حل من أن نفسر أو نثبت صحة الكلمة وأصلها هل هي لبن أم حليب أم حليب بدره ونشتغل ونشغل بالنا في أيهما أصح الهبهان أم الهيل سواء كان وارداً من جواتيمالا أو باب شريف.
الأمر الآخر هو أنك لن تسافر إلى فرنسا أو غيرها من الدول الأوربية ولن تقيم حفلاً بل ربما والعهدة على السيد الألوسي ورفاقه أنك ربما تسنح لك الفرصة للهجرة إلى بيروت أو داكار أو أى من العواصم التي عاشت تحت نير الإستعمار الفرنسي ذات مرة محترفاً في مجال كرة القدم. وهذا النبؤات ربما تتحقق وبالضرورة ربما لا تتحقق.
===
إمتلاك ود عكر لمطعم نجمة نجمة وفي باريس هو أمر ممكن فقط إذا كتب وبالخط الفارسي العريض مطاعم ودعكر للتيك أوي جنباً إلى جنب مطعم مكسيم في 3 شارع رويال بباريس الذي تم إنشاءه في أواخر القرن التاسع العشر
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
ناذر فى دى بحولك للاخ الملا عمر
Quote: دا غايتو الحلم الأنا حلمتو أمبارح !! وأنا لي هسي راسي ضارب !!!
لو فاهم الحاصل شنو ورينا عشان نفهم !! |
وفى دى
| Quote: فجأة كدة لمحت لي زول بعرفو !! قلت .. الله !!! دا مش ود عكر !! الجابو بلد العلوج شنو وخلاهو يخلي بلد ناس قابوس !! المهم دخلنا في بعض سلامات وأحضانات وحاجات تانية !! (طبعا إتكيفت لأني لقيتك بتعرف عربي) المهم قلت ليك يا مان أنا جعان وداير أكل .. أشرت لي على مطعم فخم جدا تلاتة طوابق وقلت لي المطعم داك بتاعك (أي والله بتاعك عديل كدة) أها قمنا مشينا عليهو وقعدتني في طربيزة فخمة جدا ومشيت تجيب الطلبات وخليتني إتلفت ومنبهر !!! |
يعنى بعد ما شبعته ومزمزته وحليت فجعة كدى شفتنى ياااخ انا قاعد فى الكاشير الفى خشم باب المطعم... بعدين تعال يافطة كبيرة فى نص شارع الشانزلى ده وتقول لى فجاة... فردة كنتتك بتاعت فجاةدى مابتاكل عيش فى باريس لانو فجاة كده امكن يموت زول ...ادفع يارفدة بعد داك نتفاهم ولو ماقادر عليك بغسيل العدة عدة المطعم دا النظام لحدى ما نخلص حقنا ... فردة ماعندك مشكله نتفاهم بعربى باريس وامورك حتمشى
ضفرة: تعرف يانيزو رغم انى شفته باريس دى زى تلاته مرات لكن المطعم دى يعمينى اسع اقوم اصدق وافتح بلاغ فى شيراك واطالب بى مطعمى ولو بتشهد معاى بعفيك وبشغلك نادل لانو صوتك جميل .. نادل دى اسم الدلع لى جرسون وزمان بقولو ليهو مرمطون...موافق
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
د احمد القاسم
Quote: لك التحايا اخي وبوستك جعل لبن الموضوع مقنناً
ومرحب بيك
ولبن الغنم دة الا الحقو بوستات سيجمان وبس
انا تاني جاي لللبن واسئلتك |
يادكتور وجودك اصبح ضرورى حفاظا على المراح من الامراض الحديثة الاهلنا زمان ما سمعو بيها وعلاجن كلو بلدى فى بلدى وحتى يصبح الموضوع مقننا نحن معزومين على شاى بمواصفات طبيه وفى واحد يعرف بالشاى المغلى يعنى حليب صافى ويكتحو ليهو الشاى والمدخلات الاخرى ويخلوهو يغلى لحدما يصير ئقيلا قليلا ... يااخ اسع الواحد يخلى الدوام وبرجع البيت عشانو..
ضفرة: المهم الملا ماقصر معانا وادانا معلومات جيدة عن انواغ الغنم.... استمتع ونلقاك فى مرررررراح تانى
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
!!!!!!!!!!!!
| Quote: تعرف يانيزو رغم انى شفته باريس دى زى تلاته مرات |
عندكم هناك حلة ولا ضاحية إسمها باريس !!
شنو يعني شفت باريس ؟ ما هو جنبنا في حي إسمو حي باريس وأنا أشوفوا وهو بيشوفني يوماتي على الله ؟؟!! ما تفكها فينا حامضة ياخ !!!
الملا عمر والله بهرتني جنس بهر !!! إنت شغال شنو وملا في ياتو تخصص ؟؟ لأني أنا لمن ضربتها في راسي بعد ما قريت كلامك دا لقيتو أقرب الصحيح ..
والأبعد من الصحيح إنو ود عكر يكون عندو مطعم تلاتة طوابق في الشانزليزيه وكمان يدفعني متين دولار في قرمتين ولا تلاتة .. لا وكمان شنو ! أخر متين دولار عندي !!
صنفرة :
أمبارح إتعشيت ونمت بدري قلت أمكن أشوف في الجذء التاني إنشالله كباية لبن واحدة عشان تعدل تفسير الحلم علا وحاتكم ..
فعلا شفت الكباية لكن ما كباية لبن كانت كباية بتاعت حاجة تانية وأنا قاعد بشرب فيها في بلكونة باريسية مع شباب سودانيين وكدة 
| |
|
|
|
|
|
|
|
|
|
Re: بشرى...... لبن الماعز يحسين القدرات الذهنية والادراكية والمعرفية !! (Re: WadAker)
|
ناذر
| Quote: فعلا شفت الكباية لكن ما كباية لبن كانت كباية بتاعت حاجة تانية وأنا قاعد بشرب فيها في بلكونة باريسية مع شباب سودانيين وكدة |
فعلا الكباية دى خلتك تقول الكلام دا
Quote: عندكم هناك حلة ولا ضاحية إسمها باريس !!
شنو يعني شفت باريس ؟ ما هو جنبنا في حي إسمو حي باريس وأنا أشوفوا وهو بيشوفني يوماتي على الله ؟؟!! ما تفكها فينا حامضة ياخ !!! |
ضفرة:حقيقة "حلوه" ياابو الشباب الزمن اتغير تعرف زمنا زمن زمان يعنى فى التلاتينيات كان السودانى زى البرلنت"دى انا ماعارف ليها اى معنى" يودى جوازو اى سفاؤة يرحبو بيهو وياشرو ليهو وعاااك على المطار ..موش زى زمنكم المجلى دا وتعرف ياحريف انو اخوك القدامك دى باريس بالنسبه ليهو زى المحطة الاوسطى كرهها وزهج منا ياخى الواحد فينا كان يركب الباص اى والله الباص من اى مدينه وبرطعط برطعك لى عند باريس والا مدريد والا ان شاءالله موسكو بس اخوك كان مرضان بى روما الايطالية " وروما دى ماست هناى " دى عاصمة ايطاليا وفى روما بحب المدينة القديمة وفى المدينة القديمة ساحة العشاق حيث اى شى عيان بيان لا بوليس ولا كلام بوليسيه ..وكما اخوك بحب موت الفاتيكان وفى الفاتيكان تمثال مريم العزراء وصومعته التى كان يعتكف لسنوات لانجاز الرسومات والزخرفات الخاصة بالفاتيكان ولا يوجد حجر واحد في الفاتيكان لم يشكله مايكل انجيلو بصورة مباشرة او غير مباشرة, وحتى تحصيناتها التي تجعلك تصطف للدخول الى المتاحف البابوية, قد بنيت تحت اشرافه .وتمتاز روما كذلك بكنائسها واهمها كنيسة القديس بطرس التي تحتضن لوحة "العـذراء المـنـتـحـبـة" لمايكل انجلو. وقد شُيّدت في الـقـرن الـرابـع وأعـيـد بـنـاؤهـا فـي الـقـرن الـسـادس عـشـر.. كفاك والا ازيدك
| |
|
|
|
|
|
|
| |
فيصل نوبي
Balla Musa
ناصر محمد خليل
ناذر محمد الخليفة
Ahmed El Gasim
إيمان صالح
فيس بوك
تويتر
انستقرام
يوتيوب
بنتيريست