دعواتكم لزميلنا المفكر د.الباقر العفيف بالشفاء العاجل
|
|
 صلاح شتات: اتانى ابيت اللعن انك لمتنى
|
اسر الى نفر من الاصدقاء (نفر واحد) انك "ماخد على خاطرك" منى ...
منذ زمن ليس بالقصير حتى اننى " شبه" سقطت ن نظرك كده بمفهوم الاصدقاء وليس بالمفهوم الحاد "بتاع الشر المستشرى فى العالم اليوم"
لم اجد البوست موضوع الحادثة ...
ولكننى احس بعميق الحزن والخجل على اهمالى الرد على شخصك الكريم بنفس الحماس والود اللذين تتطلبهما الحالة الشعورية التى كتبت بها انت...
والعذر موصول لاصدقاء كثيرون قد حملوا لى نفس اللوم من قبل..
اقول هذا لاننى لن اجد فى وقتى الكثير من الان والى اشعار اخر للمساهمة فى البورد...
وذلك لتغييرات كبيرة تحدث فى محيط المشغولية العادية ...
وكله خير ان شا الله...
صلاح شتات...
لك مودتى واعتذارى الاكيد...
وارجو ان اقرأك كما عهدتك على صفحات البورد...
وخوتنا فى محلتا...
محبتى لك وللنفر القتو ليك
ولجميع بورداب الصحافات والدناقلة شمال والعيكورة والعيلفون والمانيا الغربية هههههه
اقصد كل الاحباب
|
|
 
|
|
|
|
|
|
|
 Re: صلاح شتات: اتانى ابيت اللعن انك لمتنى (Re: Tumadir)
|
صلاح شتات لست وحدك (أبتسم انت فى الشارقه)!!!
بالمناسبه للذين لم يزورا دولة الأمارات التى أحبها كثيرا، هذه العبارة مكتوبه على النجيل الأخضر فى اكبر ميدان بالشارقة أسمه ميدان الأتحاد تفئ اليه ألأسر خلال العطلات الأسبوعيه والمناسبات المختلفه.
الأستاذه/ تماضر، ليتك تزورى الأمارات عند زيارتك (لمسقط) أو (سقط لقط) كما قال المرحوم أبوداود حينما لاحظ أنه فى أى مكان يرى جبالا تحيط به.
وليت تلك الزيارة تكون خلال معرض الكتاب ذلك الحدث الكبير، ودعينا نحاول أن ننظم برنامجا نعرف به أهل الأمارات على أبداعات المرأة السودانيه بعد أن تعرفوا على ابداع الرجال من أمثال المرحوم/ عبدالله الطيب، والفنان الكابلى، والشعراء الذين لا حد لهم ولا عد.
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: Tumadir)
|
تماضر
بيقولوا الغربال ما بيمسك الموية ،،
عليك اللع منو النفر ده ؟
وهو بالله في حساباتك نفر وبس ، يعني مش ضابط ؟
مالك يا تماضر عشان تطلعي من لوم ، تقعي في التاني ،،
غايتو أنا بشوف ليك النفر ده وبفتشو ولو لقيتو لايمك بجيب ليك الخبر ..
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: ودقاسم)
|
تماضر
أنا زاتي زعلان منك إنتي ناسية إنو صلاح شتات دا ود عمي وقريبي ؟ 
وبما إنك قريبتي يعني إنتي قريبة صلاح شتات ..
يعني إنتو الإثنين أقرباء بعض .. Logic صاح ؟
وأكيد مافي زعل بيناكم ..
لك كل الحب ..
كل التقدير والإحترام ..
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: Tumadir)
|
الجميلة تماضر /
Quote: حضرت ولم اجدكم
بى خط معوج بالمفحم
فى باب مزركش لونو اخضر
جنبو نيمة
تب على الدنيا اللئمة الفرقتنا |
كدى يا دوب يا تماضر جبت لى نفسك اللؤم يعنى انا برضو ما حصل لى
نفس الحصل لى صلاح شتات لى ما عملتى لى بوست للاعتذار
لكن انا ابقى طيب وارفع لى البوست دى لى فوق
حبى وتقيدرى
السمؤل
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: samwal ebrahiem)
|
سموءل
البوست ده لكل الزعلانين منى
اها يا بورداب العالم اشهدوا
انا ما رجعت لسموءل فى بورد مودة كتبو خصيصا لاجلى ...انا المتواضعه ...امة الله....وبعد ده كله شغلتنى عنه شواغل الدنيا...
ووالله لو عارفين العلى ...زول يلومنى مافى ..بس تجيبوا هبابات وتجوا تهببونى زى ناس المصارعه الحرة
انا بصارع فى الدهر ويأبى عنى الدهر
حرام عليكم ...مسئولية ثلاثة رجال وتلاته نسوان مجتمعين ...بسوى فيها براى وبعد ده الفضل من وكتى اجى اقراكم ...ولما يجود على الصفاء بكلمتين حلوات بهديها ليكم ....واتلام
ادونى خاطركم ...كترة العتاب بتطفش الاصحاب
واحمد الله على حياة مليئة بالحياة...
حب لا يخلص..ولا ينتهى ...
لونو رويان لا هد لا كشف
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: Tumadir)
|
الجميلة تماضر
| Quote: اها يا بورداب العالم اشهدوا |
الكلمات دى وحدها تلتميس ليك العذر .... وانا بقول ليك عوجة تب
مافى المشغوليات مقدرة يا إصيلة ..... وذى ما بيقولو يا تماضر
صافية لبن ...... حليب يا إشطه
تسلمى يا بت بلدى الجميلة وحاشاك انت من اللؤم
حبى وتقديرى
السمؤل
ودى كلو عشان البوست الجميل دى يشوفو صلاح شتات
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: nazar hussien)
|
تماضــر ؟؟؟؟؟
لا حولالالالالالالالالالالالالالالالا .. !!!!!
والله لقد تكبدت عـنتاً .. !!!
| Quote: ولكننى احس بعميق الحزن والخجل على اهمالى الرد على شخصك الكريم |
بعدين الكلام دا والله ما صحيح .. ولا ينبغـي أن يكون صحيحـــاً .. لأنو في ناس كتيرين في بوستاتي أنا لم أرد عليهم حتى هذه اللحظــــة ..
المهم أولاً خليني أصــدق أنو أنا زعـــلان .. ثم أعـــود
ولك الود .. ..حـتى ارتـــواء الحنين ..
صلاح / شتات
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: معتصم دفع الله)
|
تماضــر ..
في هذا الفضــاء السايبيري .. لم نكن شيئأ مذكــورا ..
ثم تشابكت خيوط أثيرية شربكتهــا أقدار و إرادة .. .. وحظــوظ قبل هذا وذاك .. ثم كنَّـا ..
كان أن نحن التقــينا ..
وتعارفنا وتدانينا ..
وتشاركنا وتآخينا ..
حتى لا يعرف منا ..
من يعلو جفناً أو يدنو عينا ..
كان أن نحن التقينا ..
كان هذا وذاك وتلك .. طيفاً وخيالاً ورؤى .. كانت الفكرة والاغنية والقصيدة .. كانت الحرب وكان السلام ..
إعتلينا الجبال وهبطنا السهول .. وسبحنا في لجج زرقــاء ..
ارتدينا "جبة الدراويش" .. تساءلنا عن "الحقول ما لهـا" .. وأنجبنا "أطفالاً من ضـياء" ..
غنينا لشتات الغيوم .. صادقنا البحـر وكل المدن التي مسَّ البحــر قوافيهــا ..
رددنا مع خوسيه مارتي :
"إنني أملك حديقة مع ينبوعها ..
وكنوزا من الذهب والقمح ..
ولكني أملك ما هو أفضل منها فعندي صديق" ..
مضينا الي الله من طرق شتى ..
وأتيناه تعالى من أبواب متفرقة ..
يقيننا أن الركب السائر الى الله لابد أن يصل ..
وأن أصحاب القلوب الكبيرة .. لا يضلون الطريق ..
في حياض هذا الوطن البديل .. كان للكلمة طعم بنكهة الذكـرى ..
وفي هذه المفاهيم المجردة لغاياتهــا في تجارب البعد والحرمان كان أكثرنا شفافيةً هو أتعسنا حظـاً ..
كان أكبرنا تصالحـاً مع نفسه وتسامحاً مع غيره .. كان أعمقنا إحساسـاً بالجراح ..
فالشتول اليانعة هى الأكثر ضياعاً في زمان العاصفة ..
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: samwal ebrahiem)
|
مارديت يا سموءل لانه جانا بكاء حاااار ..متذكر؟؟؟
مشكور اتصل بالتلفون يعزى ...
ومشكور على كلماته التى لن اوصفها باحسن مما وصفها الطيب بشير
وشكرا لذلك "النفر" الذى "فتننا" مع بعض ..فقد فجر فى اثنتينا ...زناد المودة وينابيع الاخاء
ومشكور انت "يا بتاع البوستات الراكده" تحركها ....فيدب فيها اكسجين الحياة....عفوا على "بتاع" دى
"الزول بقى يخاف من ضله" اظنط فهمت مغزى الاستعال ....فهو يحتمل كل شىء الا الاساءة لشخصك الجميل
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: Tumadir)
|
| Quote: وشكرا لذلك "النفر" الذى "فتننا" مع بعض ..فقد فجر فى اثنتينا ...زناد المودة وينابيع الاخاء |
إن تظل الفتنة نائمة فلن يتفجر زناد المودة وينابيع الإخاء ،،
صلاح شتات يا تماضر ابني ، وهو لطيف كالماء ، عنيف مثلها ،، لكنه عنيف في الحق ، وعنيف في عطائه الأدبي ،، كنت أرغب أن أحتكره لنفسي ، لكن حبي له دفعني إلى إهدائه إلى أجمل الذين أعرفهم ،، - وهو دائما يشرّف -
هناك فتنة أخرى أشعلتها منذ شهور ، إذ أهديت صلاح لأحد الذين أحبهم ، وسنجني من هذه الفتنة خيرا كثيرا ، وسياتي وقت إعلانها ،، بس إن شاء الله أبوساندرا ما يقرأ الكلام ده ، ولا يتذكّر الموضوع ،،
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: Tumadir)
|
حسنه بت محمود.......الشاهد الاخير...
تقف حسنه بت محمود فى شارع مظلم خارج الرواية
ماذا تريدون منى ايها القضاة والمحلفون؟؟؟
ها انذى اقف...وسط بركة الدم المفاجئة لصمتكم
وانا احمل مدية الانتقام الناعم
ولا آبه بشهيقكم المرتعب
نعم...قتلت ود الريس...وقطعت موطن شهوته وافتخاره الزائف
انتقاما لانسانيتى المكلومة
وثورة
ضارية ضدكم وضد صمتكم الريفى الطويل
اعرف انه لايعنيكم من جريمتى غير النميمة...فالدهشة التى ابديتموها مفتعلة...وصراخكم مفتعل...واندهاشكم غير صادق
لماذا قتلته؟؟؟
وهل يهمكم الامر الآن كثيرا؟؟؟
هل توقعتم غير ذلك؟؟؟...
ياللسذاجة...واللؤم
انا اعرف دورى بدقة
وانتم تعرفون دوركم
واعرف انكم حين تجمعتم فى الدار...تتصايحون
كنتم
تريدون سبر اغوارى المحتضرة لانكم تنشدون فيها ريحا لبحرآخر خلف سواحلى؟؟؟
فأنتم
عندما تعتلون هضابى فأنكم تنشدون ضباب افق آخر
اعرف اننى لم اكن يوما مبتغاكم ولا مبتغى الراوى ولا جده ولابت مجذوب ولا حتى ود الريس
ها انا ذى اقف فى حد سيف المنية معه...وامامنا يقف ملك موت واحد
فى فوهة غرفة واحدة
غرفة واحدة ضمتنا سويا.. قبل سويعات..حرقت نساء الحى فيها بخور الصندل ... اسمينها، ياللسخرية... بيت عرس.
ود الريس تفوق عليهم جميعا بالوصول الى هذه الغرفة...كبشا لفداء القبيلة
هل تعرفون لماذا كان رجال الحى يلهثون للارتباط بى والزواج منى؟؟؟
حتى الراوى ارتجف قلبه...فهو غير معصوم من جرثومة العدوى التى يتنزى بها جسم الكون
لم يرد احدهم الارتباط بحسنى بت محمود...بل ارادوا الزواج من ارملة مصطفى سعيد
كانوا رجالا ببعد واحد...افق واحد
وكان رجلا بالف
جميلة انا.؟؟؟..اعرف كم انا جميلة...ولكن جمالى لايلفت انظار هذه القبيلة....
مصطفى سعيد هو الرجل الذى استطاع ان يتذوق شموخى واباى
قامتى الفارعة...ويداى النظيفتان...
ملامحى الغامضة
كلها تفاصيل
كانت تباعد بينهم وبين الزواج من احدهم... بينما جاءت به الى بابى
تظنون اننى لا اعرف نساءه البيضاوات ؟؟؟
لا...يا ايها المحلفون الجالسون على منصة الغيب
اعرف حقيقة واحدة
....مصطفى سعيد كان يبحث عنى
و عندما
قتل آن همند وشيلا غرينود وايزابيلا سيموروجين موريس... بغموضه الافريقى الساحر..
كنت انا فى غياهب الآتى و المستحيل....ادرى انه كان يبحث عنى
اعرف اننى لا اعنى لكم الا مدفنا اللغز الكبير وحارسا من حراس الجن فى مملكة الصمت والفجبعة...مصطفى سعيد
مصطفى سعيد هو حسنه....هو الآخر الذى ولدته امرأة صامته
دموعها صامته ...وفجيعتها صامتة
جاءنى ...ليفك طلاسم اللغة الانثوية التى منحته الوجود
هل قلت جاءنى..
لا بالطبع...انا التى تبدت له
كشراع يتبدى تحت لجة القمر
انا التى تمظهرت له بالسكون الصاخب
ولوحت له بمفتاح الطلسم السرمدى...
انا التى تعرفت على نصف تفاحتى ...الضائع...واغلقت عليه شرفات الشوق والمتاهة
مصطفى سعيد كان جنوبا يحن الى الشمال ....ولكنى كنت امرأة من كل الاتجاهات
رياحى شرقية وامطارى شمالية غاباتى جنوبية ...ورعودى من اقصى الغرب
تريدون ان تعرفون اين ذهب مصطفى...ولماذا تركنى والولدين والغرفة المسقوفة فى متاريس السؤال؟؟؟
وماذا ننتظر نحن انصاف الابطال فى مجاهل الروايات...واواخر فصولها غير تبنى التسآل واحتمالات الاجابة؟؟؟
انا افضل الصمت يا سادتى....
فلنمت انا وود الريس والسر والفضول فى غرفة...سقفها صندل
وارضها بركة من دم
هذه هى تجربتى الاولى مع الطيب صالح
وستتليها تجارب معه او مع كتاب روائيين اخرين ..
"مسالة وكت" الصبر
اما انت يا ود قاسم ايها النفر الحميم..فلك التحية على "فتنتك" الجميلة..
وهاهو ابنك ابن الشتات...يتفجر ابداعابفضل لغمك البهى
امل ان اسمع منه ومنك ومن ديموقراسى ومن سموءل ولكل من ود المساهمة اكثر
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: Tumadir)
|
وقبل ان امضى
لابد ان اشكر واشجع المساهمين الاعزاء على الاستمرار..فى المساهمة
معتصم دفع الله..قريبى
عشة بت فاطنة..الحبيبة
احمد حنين...المحترم
الطيب بشير..العزيز
تاج السر الحسن ..ولا انسى ان اشكرك على توقفك عن كتابة طبق اليوم ايام الماتم نضامنا مع احزاننا ...العزاء وكل المشاركات
كوستاوى...اخونا
تبلدى (مع تشكراتى الزائدة على سؤاله المستمر عنى ايام الماتم)
تمبس ...وصلتنى رسالتك الهاتفية..من ابنتى
عبد الباقى الجيلى..كل الشكر لك
نزار حسين ايها الفكه الظريف المبدع
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: Tumadir)
|
اللهم أرحم الوالد رحمـة واسعـة ..
واجعـل قبره روضـة من رياض الجنة
وأسكنه فسـيح جناتك مع الصديقين والشهـداء
تماضر .. هذا "النفـر" يبدو أن "الخرف" ادعـاءاً قد وخط حواشيه ولم يعد يفرق بين فوزية وتماضر شيخ الدين ..رغم شباب العقل .. ونضارة الفكــرة .. وحلاوة الروح .
كوستاوي .. لك معزة والله .. أحس وكأنهــا منذ مشرق العمــر "والشاهد الولد اللذيذ المدعو تمبس" .. لك عميق الوداد
تاج السـر .. "ابتسم أنت في الشارقة" .. أجل ابتسم ونحن معاك .. سلامي
أحمد أيها الحنين .. تعرف قالوا الانسان دا من طين يعكــر ويصفا .. مش كدة .. تحياتي
الخال العزيز ودقاسم ..
| Quote: بيقولوا الغربال ما بيمسك الموية |
حلوة دي والله يا خال .. برضو قالوا : الحالة الطبيعية للسمــاء هي الصفــاء .. وتسلم دايما انشاءالله
معتصم ..
| Quote: وبما إنك قريبتي يعني إنتي قريبة صلاح شتات .. |
لوم ذوي القربى أكثر عمقـــاً .. (مازحـاً)
تبلدي ..
Quote: انا بصارع فى الدهر ويأبى عنى الدهر
حرام عليكم ...مسئولية ثلاثة رجال وتلاته نسوان مجتمعين ...بسوى فيها براى وبعد ده الفضل من وكتى اجى اقراكم ...ولما يجود على الصفاء بكلمتين حلوات بهديها ليكم ....واتلام |
بي كدة يا تبلدي تماضر كفتنا اعتذاراً(وما مطلوبة اعتذار) لحدي ما بقينا نحن الملامين
| Quote: ودى كلو عشان البوست الجميل دى يشوفو صلاح شتات |
سموأل ..
تشوف "الهلال" و"نجمة الفجــر" المتلألئة .. قول آمين
| Quote: عاد يا تماضر امانة ما اتلومتي ، كل الناس تعلم بمسقط الا ناس مسقط |
تحيات وتشكرات كتيرة يا عشـة
بس دعوة قوية منك انها تجي مسقط وتزورنا بي هنا وتمشى العمرة
| Quote: هل لديك أي أقول أخرى ؟؟ |
تمبا يا منقــة
تعرف أنا نصبتك قاضــيا .. بس بي انحياز تماضــري
Quote: ولولا صادق أخوتي مع هشام وشاي بحليب كارب ومقنن رشفناه بمنزله الصوفي العمر بجدة والشيخ سيرو التي سمعتها لأول مرة بصوت رشا
وشيخ عبدالله وطيبة وكركوج ... كنت ...
كنت ما زعلت منك ..
إنت بزعلوا منك ياخ .. |
عبد الباقي ..
لقد كفتنا اعتذاراً (وما مطلوبة اعتذار) .. وانت النبيل
شكري وتحياتي
| Quote: زرزرات البوتاسيوم + لوميك اسيد= صابون ماركة الزرزور + حامض |
نزار حسين
بس انت نسيت الـ
CATALYST "العامل المساعد" في المعادلة وهو الـ HEAT "الحرارة" .. طبعا حرارة بدفء المشاعر التماضرية ..
لك الود
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: democracy)
|
أسـتاذنا الطيب بشــير ..
لأول مـرة في حـياتي أجــد نفســي أمام ثنـاءٍ .. عاجـزاً تمـاماً عن شكره ..
فقـد كنت دائمـاً وبقـدر ما أسـتطيع أن أرد التحـية بأجمـل منها .. ومن يهديني زهـرة أن أهـديه بوكيه ورد ..
ولكني اليوم أجــد كلماتي أقـل شأناً وزهـوري أكثر تواضعـاً ..
فبمثلمــا كان صـوتك عبر الأثـير يتهـادى رطــباً إلى أسمـاعنا .. فهـاهي كلماتك انسـابت إلى أعمـاقي وأصـابت تواضعـي بالإنهـيار ..
..
هـى القافلـة التى تهـتدي بالنجـوم .. ولا تنسـى ما تأخـر من أفـرادهـا ..
" وأجمـل النجـوم ذاك الذي يضـيء درب القافلــة " ..
هـى الآفـاق التى تتجـاوز مـدى الـرؤية .. ولكنهـا لا تتجـاوز بصـيرة القلـوب ..
هـى أنت .. وهـو .. وهـى .. وكل الضمـائر المســتترة في أعمـاق الـروح ..
لك مـني كل ما يحتملــه الشكــر من معاني ..
وكل سـنة وانت والأســرة بألف خـير ..
الخـال العزيز ودقاسم ..
وتظـل دومـاً ترمـينا بقنابـل الحب مهمــا تخندقــنا ..
بس يا خـال قالـوا : قبل الرمـاء تملأ الكنائن ..
والفـتنة أكبر من الحـب لو يعلمـون .. فلا نامـت أعـين الأحـباء ..
الأعــزاء مهـدي ديمقراسي وسـيف الدولة ..
كل الود .. وعميق شكــري .. بعـدين انتـو قريبين مننا شــوفونا أو خلـونا نشـوفكم .. مع تحيـاتي
تمـاضر ..
من هـنا تبدأ الأشـياء .. ولا تنتهــي
الطيب صـالح قال واصفـاً قريته بعـد عودته إليهـا : أنهـا تقع في أطـراف الصحـراء كأن قـومـاً في عهـد قـديم أرادوا
أن يقيمــوا فيهـا ثم عـدلوا وانصـرفـوا .. كأنهــا نصـف حقيقــة بين مجمـوعة من الأكـاذيب ..
فأتمـنى مع المطـالبين أن تكتبي نصفــها الآخــر .. الدرامــى والإنســاني والجندري
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: شتات)
|
ولانى اعشق الابيض
اشهد انى مررت من هنا ...
ثم....
كان ما كان .
وليس هناك اجمل من هذا البياض .
قلوب بيضاء
وحروف بيضاء
ومناديل بيضاء
كم نحتاج هذا البياض
ليت كل فيض منا ابيض
ليت كل همس منا ابيض
وليت كل لوم لنا ابيض
وليت كل عتاب لنا ابيض
وليت كل احتجاج لنا ابيض
وليت كل ثورة لنا بيضاء
وليت كل بداية لنا بيضاء
وكل نهاياتنا بيضاء
وليت ....
وليت يتسع افقنا للابيض
وغربنا للابيض
وجنوبنا للابيض
وشرقنا للابيض
وشمالنا للابيض
| |
|
|
|
|
|
|
|
|
|
Re: صلاح شتات: اتانى ابيت اللعن انك لمتنى (Re: mohamed elshiekh)
|
كل الامتنان
عارفة انه البوست طول
لكن مرات الرد بتأتىء ...وبطلع مبتور واهوج
شكرا صلاح شتات
محمد الشيخ الف مرحب بعودتك للبورد
اشكركم على وقفتكم الجميلة معى اثناء ايام الماتم
ارجو ان يدوم ودادنا ومحبتنا الى اخر "نفس" وقبل الرحيل
لكما شكرى العميق على كلمات ارجو ان استحقها
| |
|
|
|
|
|
|
| |
Tumadir
Kostawi
ahmed haneen
ودقاسم
معتصم دفع الله
samwal ebrahiem
عشة بت فاطنة
tmbis
عبد الباقي الجيلي
nazar hussien
شتات
الطيب بشير
mohamed elshiekh
فيس بوك
تويتر
انستقرام
يوتيوب
بنتيريست