|
دعواتكم لزميلنا المفكر د.الباقر العفيف بالشفاء العاجل
|
|
 Re: بيت العمر تصميم وتنفيذ وتكلفة (Re: khaleel)
|
Quote: أيوا ياخ!
أدّونا النجيضة بلا كورة بلا بتيخ! |
جدا يا ود الصائم
تبدا اولي المراحل بفكرة البنا عند المالك بعد تجهيز الفلوس ويتوجه للمهندس المعماري
ومعه مخطط الارض ويشرح للمهندس المعماري ماذا يريد
طابق طابقين ثلاثة
عدد الغرف فيلا ام شقق وهكذا
| |
 
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
يقوم المهندس المعماري بعمل تصور اولي (اسكتش )
ويعرضه علي المالك فاذا تمت الموافقة عليه
يقوم المهندس المعماري بتوجيه الرسامين بعمل الخرائط
ومن ثم تعرض علي المهندس الكهربائي لعمل تصميم اعمال الكهرباء من اضاءة وحساب الاحمال التي تحتاجها المنشاة
ثم تعرض علي مهندس ميكانيكا ليصمم اعمال التكييف ومراوح الشطف واعمال الحريق والسبكة والمياه
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
بعد ذلك تعرض الخرائط علي المهندس المدني لعمل التصميم الانشائي
وبطريقة مبسطة
يحسب المهندس الانشائي الاحمال في الاسقف ومنها تنقل الاحمال للابيام ومنها للاعمدة ومنها للارض
الاحمال التي تحسب وزن السقف نفسه خرسانات وحديد
اوزان التشطيبات اوزان الحوائط
ثم تحسب الاوزان المتحركة في المبني
الوزن الثابت له معامل امان
والوزن المتحرك له معامل امان
لنحصل في النهاية علي وزن التصميم
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: عبدالكريم الامين احمد)
|
الاخ المهندس/خليل
تحياتي؛؛؛
مريت بتجربة بنيان البيت (قريد بيم)
تاسيس لدورين (4غرف +صالون+حمام داخلي+مطبخ)
مع الحوش و2باب
لو عاوز بالتفصيل الممل ممكن
العملية دي كلها كلفت 70مليون جنيه بالقديم
الكلام ده كان شهر8/2009م
والحساب ولد والدفاتر موجودة؛
جيب ارض فاضية وخلي علي الباقي.
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: بشير أحمد)
|
Quote: مريت بتجربة بنيان البيت (قريد بيم)
تاسيس لدورين (4غرف +صالون+حمام داخلي+مطبخ)
|
دكتور بشير
هذه تسمي (load bearing)
وتكفي لطابقين فقط لكن دعنا نشرح لمبني بالخرسانة المسلحة من عدة طوابق
تحياتي
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
Quote: خليل يا خليل
السلام عليكم
واصل خلينا نبني بيت Virtual
الواقع مرير جدا |
ابو الجعافر
زي ما قال المغترب المفلس لوالدته بعد ان الحت عليه بالبناء
قال لها البيت بيت الاخرة يا حاجة
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: محمد عبد الماجد الصايم)
|
Quote: بشير يا عمكـ .. اتصلح معانا ياخ!
أنا داير أعمل الحفر ساي طلعوها لي قريب 50 مليون قديم! |
ياود الصايم
انت اظنك مشيت ليهم متجنصص وراكب البرادو
وقلت ليهم انا مغترب وهيك حاجات ؛
ديل طوالي بختوا ليك ابو الف بي خمسة ؛
________
شوف اجازة اربعة شهور ؛
بقيت فيها سمسار طوب مونة ؛خرصانة واي حاجة
وبقيت كمان مقاول ردميات
شغال بنظرية كل (السعر البقولوه ليك تقسمو علي خمسين طوالي)
والله نظرية في السلك
________
لوحات السيارة السعودية تديها رشة بالطين
او تقع اقرب برجوبة طين جنبك.
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
| Quote: وتكفي لطابقين فقط لكن دعنا نشرح لمبني بالخرسانة المسلحة من عدة طوابق |
باشمهندس خليل
ســـــلام وتحايا ...
كـــلام في المليان ومفيد جداً ... ويهم شريحة كبيرة أيضاً
ولكن أرجو ان تستصحب كل نماذج البناء .. اقصد كل الشرائح
الطبقة الفقيرة (زي كدا) ... والطبقة المتوسطة (زي بشير وود الصايم كدا).... والطبقة العليا (زيك كدا)
متابعين يا حبيب والله اديك الصحة والعافية
...
...
مودتي
__________
غايتو انا بشير دا من الليلة دي صاحبي عديل كدا أصلوا نحن ناس طابقين وناس (load bearing) سااااي
(خايفين من الحســد تبني ليك 5 طوابق يطقوها ليك عين تجي داقة الواطه)
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: الامين موسى البشاري)
|
Quote: كـــلام في المليان ومفيد جداً ... ويهم شريحة كبيرة أيضاً
ولكن أرجو ان تستصحب كل نماذج البناء .. اقصد كل الشرائح
الطبقة الفقيرة (زي كدا) ... والطبقة المتوسطة (زي بشير وود الصايم كدا).... والطبقة العليا (زيك كدا)
متابعين يا حبيب والله اديك الصحة والعافية
|
امين يا امين
مافيش مشاكل سنقوم بشرح العقد الليبي والجاك ارش (كمر حديدب) والمبني التقليدي سقف خشب وورق
وكلو بي تمنو
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
اخونا الباشمهندس خليل ازيك
والله انت جيتني في حتة حساسة شديييييييييييد
لي كم سنة كدا بال مشغول في البنيان في السودان
اها خليك من كم طابق دي الواحد داير اليهو بيت عادي
بس يكون تموصفات حديثة اها دي بتكلف كم
كل الود.........
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: الامين موسى البشاري)
|
Quote: غايتو انا بشير دا من الليلة دي صاحبي عديل كدا أصلوا نحن ناس طابقين وناس (load bearing) سااااي
(خايفين من الحســد تبني ليك 5 طوابق يطقوها ليك عين تجي داقة الواطه) |
ابشر يا الامين البشاري
جهز قريشاتك وابقي مارق
وجاهزين والله لتقديم اي مساعدة (تلفونات وخلافه )
ومواد البناء بسعر السوق.
| |
|
|
|
|
|
|
|
|
 Re: بيت العمر تصميم وتنفيذ وتكلفة (Re: الامين موسى البشاري)
|
Quote: مريت بتجربة بنيان البيت (قريد بيم)
تاسيس لدورين (4غرف +صالون+حمام داخلي+مطبخ)
مع الحوش و2باب
لو عاوز بالتفصيل الممل ممكن
العملية دي كلها كلفت 70مليون جنيه بالقديم
الكلام ده كان شهر8/2009م |
خشمك فيهو السكر يا دكتور...
كدي شوفلِي سطوح فوقُو أُوضتين من فوق يكون بي كم؟؟؟
خليل يا شقيق لك مودتي...
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: أبو الحسين)
|
نقوم بعد ذلك بتصميم حديد التسليح لكل القواعد وتحديد (depth) كل قاعدة
ونقوم بفحص ان العمود لا يخترق القاعدة (بالعربي ان القاعدة لا تنبشر كاطار السيارة )
بالانجليزي اسمها punching shear
ما بعرف الترجمة بالعربي
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
بعد ذلك يتم تنسيق الخرائط مع بعضها
المعمارية والانشائية والكهربائية والميكانيكا
ونتاكد الا تعارض بين الخرائط
علي سبيل المثال لا يكون بايبيب تكييف نازل علي شباك او باب
او عندك عمود في نص الصالة وان استراحة السلم لا تضرب علي راسك
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
بعد ذلك لا بد من تصديق الخرائط بعد توقيع المهندس المعتمد
وختمها من ادارة البلدية والطرق والمجاري وهكذا
اعتقد ان تكلفة الخرائط تتراوح بين ثلاثة وخمسة مليون وهذا يعتمد علي مساحة البناء
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
Quote: خشمك فيهو السكر يا دكتور...
كدي شوفلِي سطوح فوقُو أُوضتين من فوق يكون بي كم؟؟؟
خليل يا شقيق لك مودتي... |
ابو الحسين يا شيقي
اخر الطب هو الكي
عليك بالخرسانة المسلحة وسيبك من الحاجات بتاع المهمشين دا
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: أبو الحسين)
|
Quote: خشمك فيهو السكر يا دكتور...
كدي شوفلِي سطوح فوقُو أُوضتين من فوق يكون بي كم؟؟؟
|
ابوحسين
تحياتي؛؛
البنيان في السطوح بيكون طوبة واحدة
والغرف الفوق بتكون قصاد الغرف التحت
وبتكون مونة حرة(رملة +اسمنت فقط )
العتب بتاع الابواب والشبابيك بيتم صبهم في الارض وبعدين بيرفعوهم فوق
الطوب :
12الف طوبة سالمة من غير كسر ؛
12الف طوبة X مية جنيه =1200جنيه(مليون ومائتين جنيه بالقديم)
2طن اسمنت (الطن 550جنيه)
قلاب رمله سعة 18متر بسعر 550جنيه
مصنعية حوالي 3مليون مع الصبة للسقف.
نص طن سيخ للسقف بحوالي 1200جنيه
الاسعار دي بحساب شهر 8/2009م.
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: بشير أحمد)
|
Quote: مع التشطيب في السودان المتر المربع يكلف مليون جنيه سوداني تقريبا
يعني اذا بنيت مائتي مربع عليك عليك بتجهيز مائتين مليون جنيه وهكذا |
دا اسمو خيال علمي مع كامل احترامي لفكرتك 200 مليون جنيه دا مبلغ كبير جدا وبكل سهوله
انا ممكن ابني بيت بنص المبلغ دا
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: الشاذلى خيرى عبد الله)
|
يا عزيزي خليل .. نصيحة لوجه الله من واحد قضي قرابة اربع عقود بناءا ..الخ .. هو ان تكتفي بان تبني لغيرك لانك ستجد ان بيت احلامك من الصعب ان يتحقق واقعا فلذا ستجده في ما تبنيه لغيرك .. حته هنا وحته هناك .. وهكذا ستكون بيوت احلامك كثيرة ومش ضروري تمتلكها ....وبس ....
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
ندخل في التنفيذ
بعد استلام الموقع من المساج نبدا بالتخطيط ومراعاة المسافات القانونية من الجار
والشارع حسب ما هو موجود بالخرائط المصدقة وتحديد موقع اي قاعدة ويستحسن ان
تعلم اي قاعدة بالجير الابيض حسب مساحتها تلاتة في تلاتة
او تلاتة في اتنين وهكذا
ثم نبدا الحفر حتي الوصول للتربة الثابتة ومستوي التاسيس
وهذا كما ذكرنا يتفاوت من منطقة للاخري
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
يقوم المهندس الاستشاري باستلام اعمال الحفريات من المقاول
ويتاكد من مقاس كل القواعد ومنسوب التاسيس
بعد ذلك يقوم المقاول بعمل خرصانية بيضاء داخل كل قاعدة
خرصانة بدون حديد فقط فرشة ونسبة الخلطة فيها
واحد اسمنت تلاتة رملة وستة خرسانة
بارتفاع عشرة او خمسة سنتيمترات
ويتم تحديد محور العمود داخل القاعدة وعمل (marker) بمقاس العمود داخل القاعدة
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: abubakr)
|
Quote: ابو الخل ...
اهل حلينا مشكلتك , كل المعينات موجودة بس جيب معاك النوتبوك او الايباد ويرلس وبس انشاء الله ما حد جوش واحنا في الخدمة .....
|
بكور سيد الهندسة
دا بيت في حي الجلابة ما بنفع معانا نحن عائزين بيت فيهو دكاكين وشقتين فوق للايجار
بيت نقاطة يعني
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
بعد ذلك تاتي مرحلة الخرسانة المسلحة للقواعد حيث يتم تقطيع حديد القواعد
علي شكل الحرف (يو ) ويجب مراعاة المسافات بين كل سيخ والتاني ويتم عمل شبكة في الاتجاهين
ومن ثم ربط العمود القصير (short column) في كل قاعدة
ويتم صب القواعد حسب ال depth
اربعين سم او خمسين وهكذا
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
بعد ذلك يتم صب الاعمدة القصيرة حتي مستوي اسفل القريد بيم
ويجب التاكد من عدد السيخ في كل عمود والمسافة بين الكانات وان العمود موزون في كل الاتجاهات
في هذه المرحلة نحتاج للاتي
حديد 16 ملي اغلب الظن وحسب المصمم وحديد ستة او تمانية ملي للكانات
الاسمنت سبعة جوالات تفريبا للمتر المكعب
والحديد 75 كيلو للقواعد تقريبا لكل متر مكعب
ومائة وخمسين كيلو او اقل للاعمدة
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
بعد ذلك نقوم بعمل الدفان للقواعد ويجب دكه جيدا ورشة جيدا
ومن ثم نقوم بتجهيز اعمال النجارة والحدادة للقريد بيم ومنسوبه يحدد
حسب ما هو وارد بالخرائط المعمارية
يجب ايضا التاكد من استقامة النجارة للقريد بيم وعدد السيخ والمسافة بين الكانات
ويجب استعمال الهزاز لهز الخرسانة جيدا
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
بعد ذلك تبدا مرحلة نجارة وحدادة السقف
يجب مراعاة الارتفاع جيدا في اعمال النجارة
يجب مراعاة حديد التسليح جيدا
التاكد من الجاكات الحاملة للشدة الخشبية والا فالسقوط وارد والخسائر كبيرة
يجب التاكد من كل اعمال الكهرباء في السقف حسب الخرائط ويجب استلامها بواسطة مهندس كهربائي
يجب التاكد من كل اعمال الميكانيكا من تكييف وحريق ومرواح شفط وسبكة
حسب الخرائط
يجب ان تكون كل المواد المستعملة مطابقة للمواصفات
وبعد ذلك يسمح للمقاول بصب السقف علي بركة الله
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
نقوم بفك الشدة الخشبية للسقف بعد 15 يوم
وتبدا مرحلة المباني للطابق الارضي بالطوب الاحمر او البلوك
ويجب ان تراعي الخلطة الاسمنتية واستقامة المباني
وبعد ذلك يقوم الكهربائي بعمل تمديداته داخل الحوائط
ومن ثم اعمال البلاستر
وبهذا نكون قد قطعنا خمسة وخمسين في المائة تقريبا
من بيت العمر
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
لاعمال التشطيبات وتقليلا للتكلفة
يجب احضار المواد من الصين او ماليزيا
اعمال الكهربا ننصح بمفاتيح وسوكتات انجليزية
واسلاك وكوابل خليجية
نعود لاحقا بتقديم المواصفات العامة لكل المراحل
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
خليل
ارجو التنبيه لموضوع الsuspended floor و التي تحتاجها
بعض المواقع لطبيعة التربه بها و لكن للأسف اصبح بعض المصممين
لا يراعون ذلك و يحملون الملاك تكلفه غير ضروريه.
احزنني جدا حال اسره منزلها الآن في اعمدة الارضي و عائلها الوحيد في المعاش
و لم يتبقي لهم اي شئ من فوائد او مكافأة ما بعد الخدمه و الحزن يأتي من:
-لم تقم هذه الاسره بعمل دراسه مسبقه لنوعية و تكلفة البناء حسب امكانياتها علما
بأن قيمة الارض(حوالي 350 مليون) كانت كفيله بالبناء او شراء منزل جاهز في منطقه اخري.
-تم عمل suspended slab لا تحتاجها المنطقه كانت قيمتها تكفي لعمل سقف الارضي
-التنفيذ سيئ الي ابعد الحدود للدرجة التي تجعل اي مشتري يحاسبهم بقيمة الارض فقط
ناقصا اعمال الازاله حتي يستفيد من المساحة.
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
السلام عليكم
...
تعليق خارج النص
يا جماعة مش ملاحظين انو السودانيين ديل هم الوحيدين في مخاليق ربنا البيهتموا بتفاصيل دقيقة جداً لمهن لا تربطهم بها اي رابطة
يعني الواحد فينا لازم يكون عارف دقائق الميكانيكا عشان ما يبقى ماسورة قراشات
وتعرف سباكة عشان ما تكون ماسورة للسباكين
وتكون دكتور عشان ما تكون ماسورة للدكاترة
ويعرف تفاصيل العربات (الشاسي القصير والطويل والمراية العريضة ...الخ) عشان ما يبقى ماسورة كرينات
يعني عشان تتعامل في السودان الا تبقى (All purpose Zool)
...
خِلّي ازيك
بوستك ده مبدئياً طبعناهو
وطبعاً أنا بعتبرو أهم بوست
لأنو ممكن تكون ماسورة ماكنيكية ، ماسورة بتاعة سباكة ، ماسورة سوق خضار
بس تكون ماسورة في موضوع البيوت دي ..ما عندها فرق من ماسورة الفاشر 
....
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: بشير أحمد)
|
Quote: الاخ المهندس/خليل
تحياتي؛؛؛
مريت بتجربة بنيان البيت (قريد بيم)
تاسيس لدورين (4غرف +صالون+حمام داخلي+مطبخ)
مع الحوش و2باب
لو عاوز بالتفصيل الممل ممكن
العملية دي كلها كلفت 70مليون جنيه بالقديم
الكلام ده كان شهر8/2009م
والحساب ولد والدفاتر موجودة؛
جيب ارض فاضية وخلي علي الباقي. |
يا اخوي كدي الحقنا بي موضوعك دة ...وكيفنو بناك دة ....
وويين المنطقة وكدة ...
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
تحياتي خليل
قد يكون من الأفضل دراسة خريطة واحدة نموذجية ودعم كل الخطوات بالصور حتى يكون هناك تناغم بين المصطلح الهندسي ومعناه على أرض الواقع
تحياتي ووافر تقدير لمجهودك المقدّر
كمال
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
Quote: قد يكون من الأفضل دراسة خريطة واحدة نموذجية ودعم كل الخطوات بالصور حتى يكون هناك تناغم بين المصطلح الهندسي ومعناه على أرض الواقع
|
اخونا فرانكلي
قمت فعلا بطباعة خرطة وسلمتها للسكرتيرة معنا بالمكتب وستقوم
غدا بعمل سكاننق ومن ثم يتم عرضها في المنبر
ليكون الشرح متسقا
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
Quote: ارجو التنبيه لموضوع الsuspended floor و التي تحتاجها
بعض المواقع لطبيعة التربه بها و لكن للأسف اصبح بعض المصممين
لا يراعون ذلك و يحملون الملاك تكلفه غير ضروريه.
|
شكرا صلاح مختار
الsuspended floor يحل مشاكل التربة ويوفر ثمن القريد واعمال الدفان
وخرسانات الارضيات
ساعدنا في اسعار المواد بالسودان يا صديقي
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
Quote: لأنو ممكن تكون ماسورة ماكنيكية ، ماسورة بتاعة سباكة ، ماسورة سوق خضار
بس تكون ماسورة في موضوع البيوت دي ..ما عندها فرق من ماسورة الفاشر
|
زولي هووي
ابشر بالخير
سنقدم لك السهل الممتنع عشان مافي زول يستنكحك
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: داليا الكباشى)
|
الاخ خليل
قمت ببناء منزل مؤسس الارضى + 3 طوابق
انتهيت من الارضى حتى التشطيب
المساحه 270 متر مربع
التكلفه فى حدود تقديراتك
بس حقو تعمل حساب تكلفة السايفون التى تعتمد على المنطقه
مثلآ فى المهندسين يمكن ان تكلفك عدة اضعاف تكلفتها فى بحرى او الخرطوم نسبة للحفر العميق
بوست مفيد
مودتى
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: داليا الكباشى)
|
اعمال التشطبيات تشمل
اعمال البلاط للغرف والصالات وارضيات وحوائط الحمامات والمطابخ
اعمال رخام او ما شاكله للسلالم
اعمال الاصباغ بالداخل والخارج
اعمال درابزين او هاندريل للسلم
اعمال النجارة الخشبية والالمونيوم
توريد وتركيب اطقم الحمامات
توريد المطابخ
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
Quote: اها خليك من كم طابق دي الواحد داير اليهو بيت عادي
بس يكون تموصفات حديثة اها دي بتكلف كم
|
اعتقد ممكن تحسب علي مائتين وخمسون دولار للمتر المربع
ويعتمد هل البناء بالاسمنت او المونة الطينية
ونوع الاسقف كمر خرسانات ام خشب
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
اسعار المصنعيات
اعمال الحفريات للقواعد 12 الف جنيه للمتر المكعب
اعمال الخرسانة البيضاء 10 الف جنيه للمتر المربع
اعمال خرسانة مسلحة للقواعد حوالي 75 الف للمتر المكعب
اعمال الاعمدة والابيام بين 30 الف واربعين الف للمتر الطولي
الاسقف بين 30 الف واربعين الف للمتر المربع
اعمال دفان 8 الف للمتر المكعب
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
جهد مقدر يا ابو الخل ... واوفق الاخ كمال في :
| Quote: قد يكون من الأفضل دراسة خريطة واحدة نموذجية ودعم كل الخطوات بالصور حتى يكون هناك تناغم بين المصطلح الهندسي ومعناه على أرض الواقع |
بالاضافة الي الايعاز لطلاب الهندسة عمارة ومدني وكهرباء وميكانيكي في يوم او ايام المهندس اذا كان ما زال يحتفل به علي عمل ورش عمل مفتوحة تشرح للمواطنيين الزائريين ابسط وانجح وسائل البناء واقلها تكلفة واكثرها امانا ....
البناء او التشييد بقدر ما يبدو بسيطا الا ان اخطاء هامشية ربما تؤدي الي اسقاطات كثيرة ...
تشجيع المواطنيين في مناطق سكنية واحدة علي الاشتراك في محطات معالجة للمجاريPackage Sewage Tretment Plants متحركة او ثابتة صغيرة في شكل حاويات تكفي لمنزل واحد او عدة منازل ولا تسبب اية ازعاج من جراء الروائح ..الخ بحيث يتفادون حفر ابار للسايفونات وتلويث المياه السطحية ..الخ ....واستعمال المياه المعالجة Effluent Treated Water في التشجيير ....الامر ليس مكلفا كما يمكن ان يتبادر الي الاذهان وليس مزعجا ( فخلال عملي مديرا للمشاريع قمنا بانشاء محطات صغيرة لاحياء راقية ومكتبي الحالي يقع خلف احد هذه المحطات وليس هنالك ما يزعج من روائح ..الخ ).. قابلت منذ سنوات مهندسا هنديا مصنعا لحاويات معالجة مجاري صغيرة تكفي لبيت او عدة ابيات .. وهنالك شركات كثيرة تصنع محطات متحركةفي شكل حاويات كحاويات البضائع ..الخ ... في غياب بنية تحتية مستدامة للمجاري في المدن السودانية ولحين ان تهتم السلطات بمثل تلك البنيات التحتية بدل هدر المال العام دون اولويات .الخ يبيقي ان ينظر المواطن السوداني الي انجع وانجح السبل لحل معضلة المجاري بحلول جماعية فالابار اثارها السالبة كثيرة ....
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: abubakr)
|
هناك اختبارات يجب ان تجري علي حديد التسليح قبل الاستعمال للتاكد من مطابقته للمواصفات العالمية
وهناك ايضا اختبار للاسمنت
وايضا يجب اخذ مكبعات من الخلطة الخرسانية
وكسرها بعد سبعة ايام و28 يوم للتاكد من قوتها حسب المواصفات
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: احمد محمد احمد عتيق)
|
Quote: يا زول ...كدي ورينا دربك وين ...
ثانيا الخرطة دي لي ارض 300م ...
وثالثا ... اشرح لينا اكثر |
ايوة يا عتيق
دي قطعة 300 متر
الطابق الارضي به تلاتة غرف وصالون وصالة ومطبخ وتلاتة حمامات ومغاسل ومخزن
والطابق الاول سيظهر بعد ان ننزل الصورة
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
نبدا بحسابات التكلفة اولا للهيكل الخرساني
اولا اعمال الحفريات حسب الخرطة كانت الكمية حوالي 70 متر كعب
طول الحفرة مضروب في عرض الحفرة مضروب في عمق الحفرة
وتكلفة المتر المكعب حوالي 12 الف جنيه يعني 840 الف جنيه حفريات
ثم الخرسانة العادية وهي في حدود اربعة متر مكعب وقدرنا تكلفة المتر المكعب ب 300 الف جنيه
يعني حوالي مليون ومائتي جنيه
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
وهناك مباني حول القريد البيم (مباني نصف طوبة ) لعمل حاجز للدفان
ومع الدفان قدرنا التكلفة في حدود مليون ومائتين الف جنيه
ارضيات مع الشبك وهي في حدود 15 متر مكعب وقدرنا المتر ب 400 الف حوالي ستة مليون جنيه
| |
|
|
|
|
|
|
|
|
|
Re: بيت العمر تصميم وتنفيذ وتكلفة (Re: khaleel)
|
باشمهندس خليل
الله إديك العافية على البوست الجميل دا
بس والله كلامك دا شـــعر ما عندنا ليهو رقبة
فدحين يا أخـــوي منتظرين كـــلامك عن دور المهمشين والبولتاريا
| Quote: هذه تسمي (load bearing) |
يعني كدا بيت زي بيت بشير دا مكون 3 -4 غرف وصالون وحمامين ودكان دكانين كدا
ودور فوق كدا رفاهية ســـاي ..
في الانتظار يا حبيب..
ودي
| |
|
|
|
|
|
|
| |
khaleel
محمد عبد الماجد الصايم
عبدالكريم الامين احمد
جعفر محي الدين
بشير أحمد
محمد الشيخ أرباب
الامين موسى البشاري
bashir adam abdalla
أبو الحسين
نيازي عبدالله مرحوم احمد
omer osman
الشاذلى خيرى عبد الله
abubakr
الزوول
Frankly
wadalzain
داليا الكباشى
talha alsayed
البدري عبد الله
smart_ana2001
علاء الدين يوسف علي محمد
فيس بوك
تويتر
انستقرام
يوتيوب
بنتيريست