|
|
 ليه قروش السعودية مبروكة
|
مغترب السعودية الذي يتقاضي راتب قدره اربعة الف ريال
عنده اوضتين مخلوفات في الكلاكلة
ودكان في السوق المحلي ودفار شغال شعبي خرطوم شعبي امدرمان
وهايس ورقشة شغالة الثورة بالنص والشنقيطي
|
|
 
|
|
|
|
|
|
|
 Re: ليه قروش السعودية مبروكة (Re: khaleel)
|
.
.
ومن شر حاسد إذا حسد
خليل خليك في السفاحين وسيب الناس في حالها :)
تعرف ياخلي القروش المبروكة وين؟ في السودان الواحد راتبه مايعادل خمسمية ريال وتلقاه مشتري ليه أرض قيمتها خمسمية الف ريال تجي كيف دي الله أعلم.
الحال من بعضه ياحبيب والحمد لله على كل حال .
.
.
| |
|
|
|
|
|
|
|
|
|
Re: ليه قروش السعودية مبروكة (Re: ALazhary2)
|
ابو الزهور
اي بلد محترمة في الدنيا وانت اقمت بها خمسة سنوات يجب ان تنال جنسيتها
فقط استفاد من الجنسية الخليجية من له موهبة في احدافرع الرياضة
علي طول تاخد جواز مهمات
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
خليل كيف حالك
والسؤال المطروح عندنا هنا ليه قروش السعودية ما فيها بركة
لان اي قروش كتيرة او قليلة رايحة هنا في بلدا دا
اي مبلغ تدخل بيهو باب شريف تطلع براهو دا غير الالتزامات الاخري
يعني هنا معروف عن المغتربين في السعودية بسافروا باخر راتب مع راتب الاجازة
ولمن يجو من هناك بجو مثقلين بالديون
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
سواق فلبيني صاحبي
سألتو سؤالك ده
قال لي كفيلو كل خميس كان بيكسح البحرين ويجي منتشي
ابو فيليب ده قال ليهو سوقني معاك ياخ
الكفيل ساقو معاه بعد اداهو الراتب
زولنا فلَس من اول يوم ورجع مديون
| |
|
|
|
|
|
|
|
|
|
Re: ليه قروش السعودية مبروكة (Re: حيدر حسن ميرغني)
|
خليل اللذيذ
جمعة مباركه
انت عارف سؤالك دا في سؤال مشابه لي
ليه قروش جمال الوالي مبروكه وقروش صلاح ادريس مامبروكه
والدليل على ذلك جمال الوالي جاب طمبل احرز ثلاثة اربعة اهداف في الهلال إيداهور كذلك كذلك رصيده وكلتشي في مبارتين هدفين وبكره الثالث في الهلال
اما قروش الارباب كواريزما تمت الإعارة
يوسف محمد تمت الإعارة
امولادي تمت الإعارة
وكاريكا واحمد عادل في الطريق
مايجاوبوا ليك على السؤال دا شوف لينا رد على السؤال دا
وانشاء الله سبتك احمـــــــــــــــر قول امييييييييييييين
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
احمدتجاني قال العامل في السعودية لو كسسسل من الشغل سسسساكت اصحابو بقولو ليهو (اطرا ابو زيق)..
وبعد يوم يومين تلقاهو دعك في الشغل واشتري البوكسي ابو زيك..
....
لو داير قروش مبروكة يا زول اقع الجبهجية
يوم يومين عمارة خمسة طوابق وعشاك سممممك تقيل
| |
|
|
|
|
|
|
|
|
|
Re: ليه قروش السعودية مبروكة (Re: حيدر حسن ميرغني)
|
عارف يا خليل الدول العربية (الشغيغة) دي
ذي ما قالوا لو قعدت فيها (خرطمية) سنة
برضو ما حتكون لديك حقوق.
علشان كدا لملمنا عيالنا وشلنا قروشهم
المبروكة دي وهجرناها لبلاد العم سام..
خلال خمسة سنوات فقط أخذنا جنسيتها وبقت
لينا حقوق وواجبات وكمان نسب (للريس ذاتو).
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
Quote: مغترب السعودية الذي يتقاضي راتب قدره اربعة الف ريال
عنده اوضتين مخلوفات في الكلاكلة
ودكان في السوق المحلي ودفار شغال شعبي خرطوم شعبي امدرمان
وهايس ورقشة شغالة الثورة بالنص والشنقيطي |
والله يا ود الحلال الكلام دا دائما نقوله ونفكر فيه وفعلا حاصل دي ماها نكتة
غايتو من ضمن الأسباب التي ذكروها بعض الاخوة هي مسالة الرخص في السعودية من سكن ومعيشة وغيره
أنا اعطيك مقارنة بسيطة
أنا ساكن في شقة في الدوحة إيجارها ثمانية ألف ريال في الشهر الواحد
ود خالتي ساكن في الرياض في شقة احسن واكبر منها بسبعة آلف ريال في السنة كلها عان الفرق دا قد شنو
وقس على ذلك البقية
(عدل بواسطة كمال عكود on 07-17-2009, 06:58 PM)
| |
|
|
|
|
|
|
|
|
|
Re: ليه قروش السعودية مبروكة (Re: كمال عكود)
|
Quote: أنا ساكن في شقة في الدوحة إيجارها ثمانية ألف ريال في الشهر الواحد
ود خالتي ساكن في الرياض في شقة احسن واكبر منها بسبعة آلف ريال في السنة كلها عان الفرق دا قد شنو
وقس على ذلك البقية |
عكود
قطر يستمتع بفلوسها الزلمات فقثط
اما البقية فلهم الله وعيشة السوق
| |
|
|
|
|
|
|
|
|
|
Re: ليه قروش السعودية مبروكة (Re: عبد اللطيف السيدح)
|
Quote: احمدتجاني قال العامل في السعودية لو كسسسل من الشغل سسسساكت اصحابو بقولو ليهو (اطرا ابو زيق)..
وبعد يوم يومين تلقاهو دعك في الشغل واشتري البوكسي ابو زيك.. |
يا ناس هوى قروش شنو ؟
نحن كايسين الجوار
| |
|
|
|
|
|
|
|
|
|
Re: ليه قروش السعودية مبروكة (Re: احمد التجانى احمد)
|
Quote: قد يكون السبب
قلة الايجارات وقلة اسعار المواد الغذائية بالسعودية احد العوامل |
ابو القوق
بعد اقامة دامت 15 عام بالسعودية ولازالت وكذلك خبرة عامة بكل دول الخليج المجاورة اتت من زيارات متكررة لمعظم هذه الدول اقدر افيدك بالاتى:
1- اسعار المواد الغذائية ليس بها اختلاف كبير بين معظم الدول الخليجية فالمصدر تقريبا واحد وكذلك السياسة الجمركية لهذه الدول ليس بها تباين واضح
2- ايجارات المنازل نسبيا فى السعودية منخفضة ولكن مبلغ ال 7 الف كائجار سنوى كما ذكر احد الاعضاء ليس هو السائد فى السعودية ولكن يمكننا ان نقول ان متوسط الشقة
العادية اصبح على الاقل حوالى العشرين الف ريال سنويا فى المدن الكبيرة
3- فواتير الخدمات ايضا منخفضة فى السعودية كالكهرباء والمياه والبنزين والغاز (السعودية ممكن تكون الارخص عالميا فى سعر البنزين بواقع 45 و60 هللة للتر الواحد)
4- لاحظت ان معظم ابناء المغتربين فى السعودية يدرسون فى المدارس الحكومية مجانا على عكس الطلاب السودانيين فى الخليج الذين يفضلون المدارس الاجنبية والتى تكلف اباؤهم
مبالغ طائلة
5- المرتبات فى السعودية هى الاقل مقارنة بالدول الخليجية الاخرى حيث ان اغلبية المغتربين من فئة العمال وهؤلاء تاتى مداخيلهم الشهرية دون ال 3 الف ريال وكذلك بالنسبة لفئة المهنيين كالاطباء
والمهندسين وغيرهم فتتراوح رواتبهم بين ال 6 الف الى 15 الف وتعتبر ايضا قليلة جدا مقارنة بما يتقاضاه اقرانهم فى الخليج
6- انعدام سبل الترفيه والترويح البرى وغيره فى السعودية مما يفرض توفير اجبارى لمداخيل المغتربين على قلتها
7- ناس الخليج بوباريييييييييييييييييييين بيحبوا السكن فى الفلل والمجمعات السكنية والتفاخر بارقى الاثاث والتحف واخر موديلات الثياب والذهب والعربات عكس ناس نحن ناس قريحتى راحت
8- واخيرا يجب اعتبار مايتحمله مغترب السعودية وخصوصا ناس جدة من استقبال دائم لافواج المعتمرين والحجاج والزائرين للاراضى المقدسة ومايتبعها من ضيافة وهدايا وغمت كمان
انا بعد بكرة قايم السودان وزى ما قال احد الاخوة براتب الاجازة والباقى على الفيزا لما نرجع
| |
|
|
|
|
|
|
|
|
|
Re: ليه قروش السعودية مبروكة (Re: احمد التجانى احمد)
|
العامل في السعودية لو كسسسل من الشغل سسسساكت اصحابو بقولو ليهو (اطرا ابو زيق)..
وبعد يوم يومين تلقاهو دعك في الشغل واشتري البوكسي ابو زيك..
والله يا اولاد هندسة من ختيتونا في راسكم حا تجيبوا ضقله يكركب
يا ناس في زمتكم يوم واحد سألناكم إنتو يا ناس الامارات واللا قطر ليه تياب نسوانكم أحلى !!!
| |
|
|
|
|
|
|
|
|
|
Re: ليه قروش السعودية مبروكة (Re: محمد الأمين موسى)
|
| Quote: تعرف يا خليل... فعلا بديت اقتنع إنو ناس السعودية قروشم مبروكة... أما نحنا ناس قوم بي دبي... ومطار أبوظبي فقروشنا مفروكة عديل! |
محمد الامين
قروش دبي تدخل علي الكافر عدو محمد
كما تقول حبوبتي
| |
|
|
|
|
|
|
|
|
 Re: ليه قروش السعودية مبروكة (Re: khaleel)
|
Quote: ود الصائم
نمسك الخشب
قالو عندك حافلتين شغالات في الخط
وقطعة ارض في الازهري
الله لينا نحن المساكين |
يا خلو
بي طريقتكـ دي نحن زاتنا بنمسكـ الخشب معاكـ!
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
انا عشت في قطر(3 سنوات) والامارات(ثمانية سنوات) والسعودية(3 سنوات ومستمره)...
الفرق الفعلي في الايجار والبنزين... والبتم التعويض عنها من خلال الفرق في الرواتب... الدراسة في دول الخليج الاخرى دراسة جيّدة في المدارس الحكومية، إذا كانت متاحه، في قطر متاحة، في الامارات غير متاحه.... ولكن الدراسة في المدارس الحكومية السعودية عبارة عن ضياع زمن، وسوء منهج، وتضخّم درجات، وانجليزي none، وبعد ده تخاف على ولد ولا بنتك من البتقال ليه في المدرسة (اسود، عبد.. إلخ من العقد المستديمة)....
لكن الفرق الأساسي زي ما قال الاخ فوق هو عدم وجود ترفيه في السعودية... وده في حد ذاته مشكلة.. الحياة هنا تقريبا zero، النساء في حالة حبس دائم... وزهج دائم... وعدم رغبة في الحياة (عديل كده).. الواحده بتتبشتن... وتسمن.. وتبقى بس عايزه يوم بكره يجي... والعباية بتلغي مصاريف التياب.. لو عايزين تشوفوا الفرق، خليكم في مطار الخرطوم عند وصول طيارة من الامارات واخرى من السعودية...
يمكن ده بخلي الراجل يوفّر.. لكن بالمقابل السؤال الاساسي الذي يطرح نفسه... is this a life!?
الاولاد محبوسين، وhyper... والمرا منتظره متييين ترجع اهلها... في الامارات وقطر كنت بحس تمسّك شديد من المرأة والاطفال بانهم يفضلوا في البلد الهم فيه.. بالمقابل، في السعودية، المرا ممكن تفضّل انها ترجع السودان، والراجل يقعد عشان يرسل ليهم القروش، وغالباً ده بتحقق لما يصل الاطفال عمر الجامعة...وتلقى حجة للزوغان...
| |
|
|
|
|
|
|
|
|
|
Re: ليه قروش السعودية مبروكة (Re: مريم بنت الحسين)
|
لكن كلام بعضكم في عدم الترفيه والنزهة والفسحة في السعودية أظن فيه مبالغة كبيرة فالواحد من خلال كلام البعض يشعر أن السعودية عبارة عن فلاة من الفلوات التي لا ماء فيها ولا ثمر على قولة الشاعر
يا اخوانا السعودية دي فيها كمية كبيرة من المتنزهات والاستراحات والاماكن التي يهاجر لها أغلب سكان منطقة الخليج في ابها والطائف والرياض وكثير من مدنها فيها مدن كاملة للالعاب والمتنزهات وكذلك شواطي البحر في جدة وأنت ماشي .............
غير اكبر نزهة يحبها كل من يسكن في السعودية وفي غيرها من عامة المسلمين وهي سياحة الحج والعمرة والتي يجد فيها من يرغب فيها متعة الحياة ثم بعدها يشهدوا منافع لهم من المراكز التجارية الكبيرة والتسويق والتسوق
| |
|
|
|
|
|
|
|
|
|
Re: ليه قروش السعودية مبروكة (Re: مريم بنت الحسين)
|
مريم بت الحسين
يعتقد اهل الخليج بان الراتب الذي نقبضه كتير علينا
ويجب علينا ان نخدمهم بلاش
والسياسة الجديدة ان تصرف كل ما تقبضه في بلادهم وترجع (قفاك يقمر عيش)
بالاضافة الي المجهود الشاق الذي نبذله في العمل
ولو اشتغلنا بنصف المجهود في السودان لصارت بلادنا مثل اليابان
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
غايتو ماعارفه لكن سمعت من واحدة كلام عجبني عن البركة
قالت نحن بقينا ما بنسمي الله عشان كده إتنزعت مننا البركة
يعني الواحد لما يجي طالع الصباح من بيتو يقول بسم الله ولما يدخل المكتب برضو يسمى الله
ولما يبدى الشغل تاني يسمي
ولما يستلم الراتب ولاَّ ينزل في حسابه قبل ما يسحبوا برضو يسمي
ولما يجي يدي مرتو الراتب :) برضو يسمي الله
لان التسميه بقت من السنن المهجوره
وبرضو سمعت قصة الراجل السأل الشيخ قال ليو أنا بأخد 2000 ريال وقبل ما ينتصف الشهر بستدين
قال ليو الشيخ شيل ليك 200 أو 300 أو زي ما تحب وإتصدق بيهم بعد شهرين رجع للشيخ وقال له : طلعت كل شهر 300 ريال والراتب زي ماهو وما
مازادوه لى لكن بقى يكفينى كل الشهر ويفيض للشهر التاني
أها وبعد داك السعودية رغم ارتفاع الاسعار فيها الا أن هناك بعض الأسر قادره على التوفير بسبب قلة المنصرفات
والواحد مفروض يكون عندو حساب إدخاري يرمى فيو كل شهر ومهما كانت الظروف ما يرجع ليو
والأفضل إن الحساب يكون بعيد عن متناول اليد في السودان مثلاً والصناديق والجمعيات الكبيره برضو حل لعمل مشاريع صغيرة وتتولد عنهامشاريع كبيرة
الأستاذ الكتب عن بلاد العم سام بالله لو في طريقه شوف لينا معاك فرقه
البنسألوا كلو يقول ليك (البلد دى ما بقت زى زمان الفيها عايزين يتخارجوا ولحدى الآن ما شايفين زول رجع) :)
مريم بت الحسين السعودية صاح مابترتقى لدول الخليج لكن ما للدرجة دي
إنت وين؟؟؟؟؟؟؟؟
| |
|
|
|
|
|
|
|
|
|
Re: ليه قروش السعودية مبروكة (Re: وجن)
|
Quote: انا عشت في قطر(3 سنوات) والامارات(ثمانية سنوات) والسعودية(3 سنوات ومستمره)...
|
يا اخت ترتيبك الفى نهايته السعودية دة بيكون صعب جدا
فالسعودية ممكن جدا الحياة فيها بقناعة تامة ولكن بتكون صعبة الاحتمال
بعد ماتجى بعد قطر والامارات
| |
|
|
|
|
|
|
|
|
|
Re: ليه قروش السعودية مبروكة (Re: احمد التجانى احمد)
|
كتبت وجن
وبرضو سمعت قصة الراجل السأل الشيخ قال ليو أنا بأخد 2000 ريال وقبل ما ينتصف الشهر بستدين
قال ليو الشيخ شيل ليك 200 أو 300 أو زي ما تحب وإتصدق بيهم بعد شهرين رجع للشيخ وقال له : طلعت كل شهر 300
وكيف يتصدق المديون يا وجن
| |
|
|
|
|
|
|
|
|
|
Re: ليه قروش السعودية مبروكة (Re: Hala Hassan)
|
السلام عليـــــــــــــــــــــــــــــــــــكم
الأخ خليل
ما بتاكل ما بتشرب مابجنك حبة ريالات كده في يدك تقوم تديهن للعيال
أهابس كان ريال واحد وبى نيه خالصة شوف ربنا بضاعفوا ليك كم ضعف
واوصي نفسي وإياك بالآتي : فيما معنى الحديث : روى معاذ بن جبل أن الرسول صلى الله عليه وسلم قال له : الاَّ أعلمك
كلمات إن قلتها قضى الله دينك وإن كانت مثل الجبال قال : بلى يا رسول الله
قال له قل : "اللهم إني أعوذ بك من الهم والحزن ، والعجز والكسل ،والبخل والجبن وضلع الدين وغلبة الرجال"
والله يقضي الدين عن المديونين قولوا آميـــــــــــــــــــــــــــــــن
مريم يا ختى ما بنطلع منها بالساهل والله
أنا شخصياً من هنا يا المقابر يا بلاد العم سام يا قاهرة المعز التى قررت إنى أشتري فيها منزل
وخصوصاً أن أسعار عقاراتها في متناول الجميع وبلدنا خليناها لربه
راجعي ماسنجرك يا غاليه
ــــــــــــــــــــــــــــــــــــــــــــــــ
عليك الله يا خليل أدى لى الأخ عزيز لكزه شايفو هو زاتو عمل رايح :)
| |
|
|
|
|
|
|
|
|
|
Re: ليه قروش السعودية مبروكة (Re: مريم بنت الحسين)
|
مريم بت الحسين
ايضا هناك مشكلة التفرقة في المرتبات بين الجاليات
حيث يحظي اهل الغرب برواتب خرافية مهما كانت الموهلات
ممكن ان يكون الغربي خريج معهد القرش البريطاني ويكون راتبه مائة الف ريال في
الشهر
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
خليل يا أخوي
مساء الخير عليك
إنت عارف معلومة قروش السعودية مبروكة دي خلعتني بيها خلعة شديدة خلاس ، لي يومين بعاين للبوست حقك دا وامشي واجيه راجع
لانك بالمختصر شككتنا في نفسنا وفي بركة قروشنا البنستلمها كل أخر شهر، محل ما يودوها مقصرة التقول قروش شحدة
لكن من معايشتي لعدد من الزملاء والأهل والأصدقاء ، ممكن ألخص ليك أسباب توفيرهم في التالي :-
1. (راتب كبير أو صغير ) مافارقه + (أسرة في السودان وضعها مريح أو راضية بحاله هناك ) بمعنى أدق ليست في حاجة هذا المغترب + إقتصاد في الصرف محل الإغتراب.
2. صغر الأبناء أو غير موجودين أساساً ، وإذا موجودين بدرسوا في مدارس حكومية.
3. العمل في القرى ، أو المدن الشبه قرى ( إنت عارف ديل يا أبو خليل بتصرف ألف وفي أخر الشهر بتوفر ألفان)
4. العمل الحر الموفق أو العمل براتب زائد نقاطة أخرى .
ولنا عودة
يوجد سلام للجميع
| |
|
|
|
|
|
|
|
|
|
Re: ليه قروش السعودية مبروكة (Re: سيف بخيت موسي)
|
سيف يا عزيزي
تعرف اهل الشام شطار جدا لا يقبلون بالوظيفة
وان عمل بالوظيفة بعد شهور تجده استلم الشركة تماما من الخليجي نظير مبلغ معين
يدفعه للخليجي
ونحن السودانيين نموت في الميري والوظيفة كل همنا نقبض الراتب
وندفع الفواتير ونحول السودان وتوتة خلصت الحدوتة
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
| Quote: عليك الله يا خليل أدى لى الأخ عزيز لكزه شايفو هو زاتو عمل رايح :) |
الأخت وجن؟
والله ما عملت رايح ولا حاجة لكن أقول ليك حاجة يا ستي:
السودان غير مشجع للعودة نهائيا والدليل الأخبار التي نسمع بها من وقت لآخر
عندنا أخوان معانا هنا دخلوا في تجربة العودة النهائية الى السودان..
ويا ريتهم ما فعلوا.. قدموا إستقالاتهم من العمل ورجعوا مع أولادهم السودان..
الآن عادوا الى أمريكا وهم ندمانيين على إنهم ضيعوا وقتهم ووقت أطفالهم
في الفاضي لأنهم لم يخططوا التخطيط السليم..
جاؤوا يشكوا من الأنحراف الأخلاقي والبلاوي التي تحصل هناك في السودان
وقارنوا بين السودان والغرب وجدوا أن الغرب أرحم مليون مرة من السودان.
Quote: عزيز
المشكلة ايضا في بلاد الغرب
تربية العيال
لازم ترجع بيهم في سن معينة |
الأخ خليل،
أرجع بيهم وين يا أبوقصي يا أخوي.. العيال كبرت الولد الكبير
إتولد في السعودية ودرس كل مراحله الدراسية بما فيها الجامعية هنا
في أمريكا والحمد لله تخرج نهاية العام الماضي مهندس كبير قدر صاحبك كيكي
والآن بيعمل في شركة كبيرة بمؤهلاته لا واسطة ولا يحزنون
والبنيات دخلن الجامعة.. أها تاني تقول لي برضو أرجع السودان
وأقعد أكباس في الزمن الضايع؟!!!
يا حبيبي أنحنا عايشين في تكساس.. وتكساس أكثر ولاية محافظة في
أمريكا والحمد لله الأطفال السودانيين ملتزمين بعاداتنا لأننا دائما
قريبين منهم وبننصحهم بإستمرار ومنذ أن أقمت في مدينة هيوستن
ولغاية الآن لم أسمع بأي طفل سوداني إنحرف.
سامحني على الإنحراف من الموضوع.
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
عارف يا خليل أبناء دفعتك ديل رجعوا من أمريكا ليه؟
لأنهم فضلوا السكن في المدن الكبيرة التي لا تصلح لسكن
العائلات حيث الكثافة السكانية العالية وإرتفاع الإيجارات
وأسعار البيوت والتكلفة المعيشية الغالية وكثرة
الإنحرافات الخ.. فلو فكروا قليلا وإبتعدوا عن الزخمة
ونزحوا الى السكن في أطراف المدينة لكان أفضل لهم ولأطفالهم.
قبل أن أستقر في مدينة هيوستن طفت على ولايات كثيرة
في أمريكا ووصلت حتى كندا لعمل مقارنة بين المدن..
وعلى الرغم من إرتفاع حرارة الجو والرطوبة هنا في هيوستن
خلال فصل الصيف إتضح لي أن مدينة هيوستن من أفضل المدن الأمريكية
التي تناسب الأشخاص ذوي العوائل خاصة نحن السودانيين..
أما بالنسبة للخليج لو عندك وظيفة ذي ما بقولوا أهلنا (ماكل
شارب حامد ربك وبتوفر من راتبك) من الأفضل أن تتمسك بها ولا تتركها
لأن التنافس هنا في أمريكا في أعلى قممه والشخص الجديد بيحتاج
لفترة من الزمن إنه يجد الوظيفة التي تتناسب مع مؤهلاته وخبرته..
وفي النهاية المسألة تتوقف على الشخص نفسه في أخيتار ما يناسبه.
| |
|
|
|
|
|
|
|
|
|
Re: ليه قروش السعودية مبروكة (Re: عزيز عيسى)
|
الأخ خليل
سلام
من زمن مضى, السعودية كانت أم الإغتراب, دول الخليج الأخرى لم يكن لها صيتا مثل السعودية..
وفي استطلاع قديم قبل هجرات الناس الأخيرة هذه كان هنالك 4 مغتربين في السعودية في كل 5 مغتربين..
في مطار الخرطوم لو هبطت طائرة ليبيا قبل السعودية يستعجل الموظفون اجراءات تخليصهم بأي شكل للتفرغ للصيد القادم..
فلوس السعودية مبروكة جدا مقارنة بغيرها.. ومهما كان التعامل لكن معظم ناس السعودية لا يميلون لأكل مال الغير مثل ما هو موجود في كثير من الدول الأخرى..
والبركة مقرونة الحرمين..
| |
|
|
|
|
|
|
|
|
|
Re: ليه قروش السعودية مبروكة (Re: Abdlaziz Eisa)
|
Quote:
ربما الماء يروب
ربما الزيت يذوب
ربما يحمل ماء في ثقوب
ربما الزاني يتوب
ربما تطلع شمس الضحى من صوب الغروب
ربما يبرأ شيطان ، فيعفو عنه غفار الذنوب
إنما لايبرأ الحكام في كل بلاد العرب من ذنب الشعوب
|
الأخ الأزهري
سلام
مداخلتك دي طريفة..
طبعا انا نسبت إليك المداخلة وليس مضمونها الذي أزيد عليه التالي من قصيدة أحمد مطر..
قال بغلٌ مستنير واعظاً بغلاً فتيا
يا فتى إصغِ إليّا
إنما كان أبوك امرأ سوءٍ
وكذا أمك قد كانت بغيّا
أنت بغلٌ
يا فتى… و البغل نغلٌ
فإحذر الظن بأن الله قد سواك نبيّا
يا فتى… أنت غبي
حكمة الله، لأمرٍ ما، أرادتك غبيّا
فاقبل النصح
تكن بالنصح مرضياً رضيّا
أنت إن لم تستفد منه فلن تخسر شيّا
يا فتى… من أجل أن تحمل أثقال الورى
صَيَّرَك الله قويّا
يا فتى… فاحمل لهم أثقالهم مادمت حيّا
و استعذ من عقدة النقص
فلا تركل ضعيفاً ...حين تلقاه ذكيّا
يا فتى… احفظ وصاياي
تعش بغلاً
و إلاّ
ربما يمسخك الله رئيساً أو ملكا عربيّا
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
يا خليل
سلام وتحية واحترام
بوست خفيف وظريف وحساس اهنئيك عليه
Quote: مغترب السعودية الذي يتقاضي راتب قدره اربعة الف ريال
عنده اوضتين مخلوفات في الكلاكلة
ودكان في السوق المحلي ودفار شغال شعبي خرطوم شعبي امدرمان
وهايس ورقشة شغالة الثورة بالنص والشنقيطي |
جنس حسادة منك خمسة وخميسة
يازول القال ليك منو
ناس دبي وقطر
بس عاين لي تياب حريمهم ودهب حريمهم ********* براك بتعرف الفرق
نحنا ناس مكة قنعنا من خيرا في الاغتراب
بس نحمدالله حج مجاني وعمرة مجاني سنويا
ودي اكبر نعمة
خالد العطا ــ مكة
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
مواطن عراقي قابل مغترب سوداني في بغداد
قام ليهم
السودانين يدزون لينا السودانيين الخطايا
والسودانين الزينين يروحون السعودية وابو ظبي
ولم يذكر قطر وبقية الخليج
| |
|
|
|
|
|
|
|
|
 Re: ليه قروش السعودية مبروكة (Re: khaleel)
|
العزيز / خليل قاسم الشهير ( بخلى )
--------------------------------------
أكيد تسجيل حضور ومتابعة لكل بوستاتك الممتعة المميزة
| Quote: ولكن البعض يشتكي من معاملة الكفلاء السعوديين |
الحته دي ياخليل رهينة بنوع الكفالة بعض الاخوان كفالتهم فردية يعني عند أفراد
ودي ممكن تحصل فيها مشاكل بينهم وبين كفيلهم
الكفالتهم على شركات ما عندهم مشكلة زي دي لانوا أكيد الشركات حتراعي كل النظم المعمول بيها
في المملكة حسب نظام العمل والعمال
**
مداخلات كثيرة في بوستك ده تستاهل الوقوف عندها
خصوصا كلام أختنا مريم بت الحسين
الخلتني أتسأل كلامه ده عن السعودية الواحدة دي ولا سعودية تانية
لانو الصورة الوصفته عن الحياة وإنعدامه غاتمه أكتر مما يجب
وماظن تكون في المستوي الاتكلمت عنوا لانوا اكيد مع أنشغال الناس في أعمالهم
عندهم عطلة نهاية الاسبوع ممكن يرفهوا فيها ويطلعوا من جو البيت
وعندهم خيارات كتيرة اماكن ترفيه وأسواق وزيارات أجتماعية كلها بتخليهم يجددوا من جو البيت
البرضوا ماظن يكون بالغتامه الذكرته لانوا الزوجات بالتاكيد عندهم خياراتهم
كتب وتلفزيون ونت غير شغل البيت وكتير من الهويات التبعد منهم الزهج وتعوض عدم الطلعة من البيت
-------------------------------------
*الغربة بالذات ما بتتحمل زوجات زي الوصفتهم الاخت مريم
لانو الواحد بكون فيهوا المكفيهوا وما متحمل أى لود أضافي
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
العزيز / خليل
-----------------
والله ياهندسة لو الناس بارت الكلام الزي ده
Quote: مهما كان الاشياء ليس طعم في الغربة
|
بالعمر الماشي في الغربة معناها حياتهم كلها بلا طعم
وده كلام بزيد الهم هم
-----------------------------
*الكربة تكون قاعد في بلدك وما قادر تعمل حاجة
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
سلام يا خليل
وتحياتي
عشت وعملت في السعودية اربعة سنوات
ثم غادرت لاستراليا
المقارنة مستحيلة فهنا :
ـ الدراسة مجاني
ـ العلاج مجاني
ـ الدواء شبه مجاني
ـ المواصلات شبه مجاني
ـ السكن شبه مجاني
ـ الحكومة تضع في حسابك كل اسبوعين 350 دولار
وكذلك 350 دولار للمدام
و150 لكل طفل ولو عندك عشرة اطفال " اعرف سوداني عندو حداشر !!!!!
ـ في حالة انجاب طفل جديد تضع الحكومة في حساب الزوجة اربعة الف دولار وفورا
ويا وجن الموضوع ما تسمية وبس
مافي واحد هنا بمد ايدو على حق التاني
امينين بصورة مدهشة
واديك مثال صغير جدا :
المرتب هنا ما بالشهر
المرتب بي الساعة قدر الساعات البتشغليها بيدوك مرتبك
في سيدني كنت اعمل في مجال المسنين الساعة بي واحد وعشرين دولار
الدقائق بيحسبوها ليك يعني في اليوم ممكن اشتغل سبعة ساعات وعشرة دقايق
بتلقي في حسابك قروشك كلها بما فيها العشرة دقائق
وبرضو كبار السن بيقولو يا حليل زمان
حكت لي احدى المسنات انهم زمان كانو يضعون فلوس " سيد اللبن " في الباب !
وهكذا
| |
|
|
|
|
|
|
|
|
|
Re: ليه قروش السعودية مبروكة (Re: خالد العبيد)
|
مع العلم بان كل المزايا التي ذكرتها اعلاه
يتمتع بها المهاجر القادم حديثا لاستراليا
ويستفيد منها خلال السنين الاولى حتى يجد عملا مقنعا للحكومة
وبعضها يتغير في حالة اذا وجد المهاجر عملا ثابتا
ويكون دخله كافيا فان الحكومة تقطع المبلغ الذي تضعه في الحساب
ويزيد الايجار وتدفع جزء من مصاريف الدراسة اما العلاج فيستمر مجاني
ووكذلك تستمر دفعيات فلوس العيال وانجاب الاطفال الجدد
| |
|
|
|
|
|
|
|
|
 Re: ليه قروش السعودية مبروكة (Re: خالد العبيد)
|
ايوه يا أستاذ عزيز صدقت والله من الصعب على زول إتغرب كل الغربه دي
يرجع وينصهر بالساهل
كان الله في عون الجميع
أيوه بس يا (خالد)
وعارفاك الكلام الكتبتوا فوق دا بتحندكني بيو
وأنا شكلي كده إتحندكته خلاص وتاني يفكني الشديد القوي من رقبتك
يلا يا عظمه إيدي على كتفك
وجاده معاك
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
صدقت يا أستاذ خليل
لكن السعودية مشكلته بالنسبه لي بتحد من الطموح أو بتقتله عديل
وبتخلي الزول محلك سر وما بتضيف أي شي للإنسان في ظل نظام يكاد يكون إستعبادي(الإقامه) وما أدراك ما الإقامه!!!!!!!!
مع أنو من الصعب علي أفارقه بسبب وجود أسرتي الكبيره
لكن يتخيل لي برضو من السهل أفارقه لو وضعت نصب عيني طموحات أسعى لتحقيقها
لو ربنا مد في العمر وأدانا الصحه والعافيه
قول آمين
| |
|
|
|
|
|
|
|
|
|
Re: ليه قروش السعودية مبروكة (Re: وجن)
|
السعودية تقريبا
لم تتاثر بالازمة الاقتصادية العالمية لانها عملت سنام كبير ابان ارتفاع البترول
ولكن امارة دبي تاثرت تاثيرا شديدا
واحد ايطالي قال لي
future not in gulf
future in sudan
يا ريت يكون صادقا
| |
|
|
|
|
|
|
|
|
|
Re: ليه قروش السعودية مبروكة (Re: خالد العبيد)
|
خلي الوفي
كيف ياعمك
كلامك ده صعب خلاص والسعودية الكلام ده مافيها نوهائي
والله القروش بقت زي حلاوة قطن أول ما تختها في جيبك تحسي وتخليك تتمطق
خالد عطا/ أنا زاتي قاعد في مكة وما بحج كل سنة لاني في الموسم شغال وما بعمر بسهولة لانو ماعندي اجازة اسبوعية
وبعد ده كلو مفلس ومديون وراجع السودان نهائي بعد شهر باقي لي احسن
سلام ياعمك
| |
|
|
|
|
|
|
|
|
|
Re: ليه قروش السعودية مبروكة (Re: خالد العبيد)
|
خالد العبيد
سلامتك وانت تعود لنا موفور الصحة والعافية
استراليا صعب الوصول اليها لكل الناس والمتاح هو دول الخليج
ودول الخليج الحياة صارت بها اكثر صعوبة
يعني الغالبية
متغربين وليسو مغتربين
| |
|
|
|
|
|
|
|
|
|
Re: ليه قروش السعودية مبروكة (Re: khaleel)
|
الاستاذ خليل.. تحية.. واتمنى تسمح لي ارد على كلام الاخ عبدالناصر
النساء في السعودية بتعودوا على الوضع ده، ده ما بعني انه وضع مرغوب فيه.. الانشغال في البيت والنت والتلفزيون ما اعتقد انها حياة ممكن الواحده تستمر عليها ولمدة اسبوع كامل على امل انه نهاية الاسبوع يجي وتطلع... حتى الاطفال حجزهم في حيز ضيق بشمل البيت، مهما اتسع، ما حياه... الطفل محتاج يجري ويلعب ويشم هوا.. ويتحرك بصورة دائمة... عايز يتعرف على الحاجات بدل ما يكون يومه كله امام التلفزيون...
المرأة في السعودية غير قادرة على مباشرة نواقص المنزل... يعني لو في حاجه ناقصة، تنتظر الراجل (البقع عليه حمل كبير في الحته دي)...بالمقابل، السيدات في الدول الأخرى، هي المسؤولة عن متابعة بيتها ونواقصه.. بتسوق عربيتها او بالتكسي ساي... وتطلع تجيب العايزاه... تقدر تمشي السوق بارتياح لو عايزه تشتري حاجه خاصة ليها، من غير ما الراجل يتململ..
في شعور كبير بعدم الأمان.. البيبان مقفله... والمفاتيح مرفوعه... والناس دايما في حالة خوف على انفسهم... وده في حد ذاته مشكلة... انا عشته في قطر ثلاثة سنين.. ما بتذكر اني خفته على عربيتي تتسرق.. وممكن ابيتها بره من غير ما اقفلها بالمفتاح.. بيتنا كان مفتوح دايما.. ممكن ما يكون فيه زول، لكن ما مقفول بالمفتاح.. مافي احساس بالخوف.. ولا انه الرجال في الشارع كلهم بعاينوا ليك حتى لو متغطيه من فوق لتحت!
حتى لو المقارنه بين الاوضاع في البلدان الاخرى وبين السعودية بقت offpoint، انا بقارن بناءا على موضوع البوست، وبناءا على تجربتي الشخصية في الاتنين... حتى لو الواحده ما عندها تجربة، لو اتخيرت ما اعتقد انها تقول احسن اقعد في السعودية مقابل الامارات او عمان او قطر او الكويت، ده لو حيّدنا العوامل الاخرى جميعا وتساوت الظروف تقريبا.. اعتقد انهم بفضلوا السودان كمان على السعودية... ولو انه ببقى ليهم متعب.. لانهم كانوا محصورين في بيت صغير وحركتهم كلها بالعربية.. لما ترجع ليهم المسؤوليات في السودان.. ويرجعوا للمواصلات.. او للحركة الكتيرة، ممكن يحنوا للقفله والراحه والنوم..
وفي النهاية.. ولكل دول الخليج.. قالوا زمان بقولوا ليك... المغتربين... "مره سمينه، وراجل بخيل واطفال عورا"... وخلوني اشدد على اطفال عورا دي... لاني حاسبه نفسي منهم.. وبفتكر انه انا لو ما عشت في السودان سنة بين 1994-1995، كنت حأكون شخصية تانية... وبعد ذلك درست الجامعة في الاردن، الهي بتشبه السودان في نواحي كتيرة...
ويا اخوانا انا مغتربة زيكم، ما تزعلوا من المثل الفات ده:)
بنت الحسين
| |
|
|
|
|
|
|
|
|
|
Re: ليه قروش السعودية مبروكة (Re: مريم بنت الحسين)
|
ازيكم تانى يا جماعة
استفسار بس ل خالد العبيد....لو سمحت يا خليل....
قلت:
Quote: المقارنة مستحيلة فهنا :
ـ الدراسة مجاني
ـ العلاج مجاني
ـ الدواء شبه مجاني
ـ المواصلات شبه مجاني
ـ السكن شبه مجاني
ـ الحكومة تضع في حسابك كل اسبوعين 350 دولار
وكذلك 350 دولار للمدام
و150 لكل طفل ولو عندك عشرة اطفال " اعرف سوداني عندو حداشر !!!!!
ـ في حالة انجاب طفل جديد تضع الحكومة في حساب الزوجة اربعة الف دولار وفورا |
عاوزه اعرف الحكومه بتجيب القروش دى كلها من وين؟؟؟ اكيد الضرائب عاليه جدا جدا
بالتالى الزول الشغال و تعبان و دخله كويس ح يكون عايش ذى و ذى اى واحد دخله قليل جدا...لانه فى النهايه الضرائب بتخلى كل الناس ذى بعض (فقراء) بس ماكلين شاربين متعالجين كويس.
______________________________________________________________
احتمال اكون بالغت فى الوصف ده شويه...لكن اذا كنت فقيرة الحكومه بتعمل لى ده كلو ...شنو اللى بيحفزنى عشان اجتهد و اشتغل...خاصة و ان الضرائب ح تذيد على مع ذيادة دخلى؟؟؟
معليش يا خليل ...طلعت ليك برة موضوع البوست نهائى
| |
|
|
|
|
|
|
| |
khaleel
ALazhary2
الشامي الحبر عبدالوهاب
حيدر حسن ميرغني
محمد مصطفى
عبدالكريم الامين احمد
عزيز عيسى
كمال عكود
محمد الأمين موسى
عبد اللطيف السيدح
احمد التجانى احمد
محمد عبد الماجد الصايم
مريم بنت الحسين
وجن
smart_ana2001
سيف بخيت موسي
Abdlaziz Eisa
خالد العبيد
فيس بوك
تويتر
انستقرام
يوتيوب
بنتيريست