دعواتكم لزميلنا المفكر د.الباقر العفيف بالشفاء العاجل
|
|
 يا زول عليك الله بتحب امك ام زوجتك
|
سيناريو ازلي
( الود دها نحن ربيناهو بالهم والدم وجيتي انتي لقتيهو جاهز)
وربي يا خايبة للغائبة)
يتكرر هذا الحوار كثيرا
وتبدا المشاكل بين الزوجة والنسيبة
ويتوه الزوج ويصبح كالثور في الساقية
لمن ينحاز امه ام زوجته
جاوبو اذا بتريدوا
|
|
 
|
|
|
|
|
|
|
|
Re: يا زول عليك الله بتحب امك ام زوجتك (Re: khaleel)
|
خليل
ازيك ووينك
ممكن تخلي المشاكل
الاتنين
وتعال لي بي شارع تاني بقول ليك هنا المكان مكشوف
وبعدين انت لانك
لسع ما لقيت التانيه
داير تورطنا بالاجابه
طيب انت عليك الله بتحب حبيبتك ولا حبيبتك
بوست داخلاهو مشاكل وريحتو ضاربه يا خل
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: khaleel)
|
خليل دائما جايب لينا الهبايب
لكن يا زول بصراحة الام دي زيها مافي ...!!!
ومتفق معاك التجربة والواقع اثبت وجود الاحتقان المفتعل مابين ام الراجل ووزوجته
وده يتخيل لي نابع من الخيال الخصب بتاع النساء..وممكن تقول سيطرة نظرية الموامرة
احيانا...
واهل الزوج السوداني في الغالب انطباعين ولهم راي عام موحد(يعني الواحد البكجوها)
لو وزنوها ذهب خلاص موضوعها منتهي..ونفس الحل ايضا في الانطباعية عند اهل الزوجة..!!
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: عبد المنعم سليمان)
|
يا خليل وبدون اي مجاملة....
الحبين هنا بختلفوا...
حب الأم...لا يشبه ...حب الزوجة....هسي انا بحب البسبوسة...وبحب...شية الجمر بالشطة والليمون..
العلاقة بيناتن شنو؟ مش الحب...
والاختلاف بيناتن شنو؟
مش ديك بسبوسة
والتانية شية جمر...
اها كان اتعارضن الاتنين....معناها...
مافي سبب غير يكون عندي اسهال...
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: khaleel)
|
(Quote: الود دها نحن ربيناهو بالهم والدم وجيتي انتي لقتيهو جاهز)
وربي يا خايبة للغائبة) |
تعرف يا خليل الأمثال دي هي البتخلق الحساسيات و المشاكل. الواحدة من ما تتزوج تتوقع المشاكل مع نسيبتها و كذلك تتوقع النسيبة أن الدخيلة جاءت لكي تسلبها ثمرة فؤادها.
الموضوع ببساطة..
كل واحدة تخُت نفسها مكان التانية.
النسيبة كانت مرت ولد قبل كده...كانت عاوزة نسيبتها تعاملها كيف؟
مرت الولد ح تبقى في يوم نسيبة...عاوزة مرت ولدها تكون كيف؟
و في النهاية (( الإحترام )) هو أساس أي علاقة إنسانية..و النسيبة في مكان الوالدة لها ما لها..و عليها ما عليها.
بعدين بالنسبة للزوج..مفروض يكون حاسم..أمو في كفة و زوجتو في كفة..عليه أن يُراعي شعور كل واحدة..ولاءه الأول و الأخير لوالدته التى أرضعته و سهرت عليه الليالي..و المافيهو خير لأهلو..مافيهو خير للناس.
| |
|
|
|
|
|
|
| |
khaleel
فيصل عباس
عبدالكريم الامين احمد
معتصم الطاهر
عبد المنعم سليمان
nazar hussien
mamkouna
فيس بوك
تويتر
انستقرام
يوتيوب
بنتيريست