دعواتكم لزميلنا المفكر د.الباقر العفيف بالشفاء العاجل
|
|
 خدعتني البوردابية
|
كنت اظن اني فارس احلامها
عندما اثرتني برقتها وعذوبة حديثها وكانت تحكي اسرارها وشجونها واحلامها
وحتي صورتها لم تبخل بها
ولكن والحسرة تملا قلبي
اكتشفت وبالصدفة البحتة وجدت نفس الكلمات والصورة داخل ماسنقر صديقي
المهم قطعت الموضوع في مصاريني وقشة ما تعر ليها وانشاء الله تجي الاولي
|
|
 
|
|
|
|
|
|
|
|
Re: خدعتني البوردابية (Re: khaleel)
|
يا صديق
والله حقو يسموك خليل(شاكوس) علي وزن جمعة شاكوس
ياخ الجامعة شاكوس
بورداب شاكوس
مطار الدوحة شاكوس.
اللولو سحبو بطاقة الصراف الالي وشاكوس برضو..
ياخي كرب دفاعك ونجض الشغل والعب بثلاثة لعبية ارتكاز (حمودة وعلاء الدين يوسف وعمر بخيت)
وربعهم بهيثم مصطفي..
يا خليل يا صحبي زح لخالك من القصة بنجيها ليك تب
| |
|
|
|
|
|
|
|
|
|
Re: خدعتني البوردابية (Re: عبدالكريم الامين احمد)
|
| Quote: يا خليل يا صحبي زح لخالك من القصة بنجيها ليك تب |
كيكي دها شعرن ما عندك ليهو رقبة
خليك في الجالية وكمبوكتر وكلتش الشين
دها جكس عائز تلاقح اخيلة وروي بنفسجية
موغل ودهشة بتاعتك دي ما بجيب راسو
| |
|
|
|
|
|
|
|
|
|
Re: خدعتني البوردابية (Re: غادة عبدالعزيز خالد)
|
Quote: معليش يا أبو الخلد
تعيش إن شاء الله
و ما تخد غيرها
|
الست غادة عبد العزيز
مافي مشكلة
ربنا خلق في القلب اربعة غرف اذينين وبطينين
عشان اشيلو اربعة نسوان
وان كان صدر هذا اليوم ولي
فان غد لناظره قريب
| |
|
|
|
|
|
|
|
|
|
Re: خدعتني البوردابية (Re: khaleel)
|
خلي الفردة
| Quote: تلقاها زول لذيذ زيي كدة وين |
هي ذاته شينة وبتشبه يالذيذ يارايق ماعليك منها سد دي بي طينة ودي بي عجينة
واحشنا كتير
| |
|
|
|
|
|
|
|
|
|
Re: خدعتني البوردابية (Re: اساسي)
|
يعني عليك الله شيل الحال لزومو شنو
ما اعتذرت ليك ووريتك القصة وعملت لي فيها متفهم لوضعي واسبابي
تجي تفرشه كدا للغاشي والماشي
اقول ليك شنو غير الله يسامحك
| |
|
|
|
|
|
|
|
|
|
Re: خدعتني البوردابية (Re: Kostawi)
|
Quote: Alkrampa
أيوه يا راوية
أي منكشة كرمبا الشواكيش تبش |
كوستاوي ياحنين
مشتاقين كتيييييير
شواكيش شنو الانا بديها
انا باخد شواكيش 
اهو حسة عد عندك
واحد من خليل
| |
|
|
|
|
|
|
|
|
|
Re: خدعتني البوردابية (Re: Rawia)
|
Quote: يعني عليك الله شيل الحال لزومو شنو
ما اعتذرت ليك ووريتك القصة وعملت لي فيها متفهم لوضعي واسبابي
تجي تفرشه كدا للغاشي والماشي
اقول ليك شنو غير الله يسامحك |
يعني كلامي طلع صاح ...
| |
|
|
|
|
|
|
|
|
|
Re: خدعتني البوردابية (Re: Rawia)
|
| Quote: ما اعتذرت ليك ووريتك القصة وعملت لي فيها متفهم لوضعي واسبابي |
راوية
اعتذارك ما بفيدك
وخلاص اخترتي ناس غيرنا وهم اغروك تخلينا
| |
|
|
|
|
|
|
|
|
|
Re: خدعتني البوردابية (Re: اساسي)
|
أنا برضو لقيت صورا ذاتن في مسنجر واحد صاحبي
خليك منها يا خليل
معذورة العمر بمشي وهي عاوزة تضمن واحد على الأقل
عشان دي حقارتك في كي كي المسكين دا
سيد أمي بي سيدو
| |
|
|
|
|
|
|
|
|
|
Re: خدعتني البوردابية (Re: Rawia)
|
Quote: دها جكس عائز تلاقح اخيلة وروي بنفسجية
موغل ودهشة بتاعتك دي ما بجيب راسو |
اها لو كان من الاول سمعت كلامي وشبكتها (موغل ودهشة واديتها حبة لغة عالية)
موضوعك ما كان لحق غنم زهراء..
خليك يا وريف دوما ماسك في (اخيلة وروي بنفسجية) ياهو اكلت نيم
وكرجك سحبو (منك)...
متولي مالك سلام يافردة..
صحبك خلي لسع مدمن شواكيس ومسجل خطر شاكوسي
| |
|
|
|
|
|
|
|
|
|
Re: خدعتني البوردابية (Re: Dr. Abdalla Siddig)
|
Quote: وان كان صدر هذا اليوم ولي
فان غد لناظره قريب |
والله يا ناس جامعة الخرطوم حالتكم حالة
اخبرني زوجي والعهدة على الرواي
مرة صاحبا ليه البت قالت ليه ابيت ما عايزاك
قاليها مافي مشكلة حوا والدة...
خليل والله حالتك صعبة البتفتش تجكس من الشاشة الغشاشة..
بركة الما طلعت كيكي باسم بت عشان
يضحك فيك ناس الهندسة والمعمار...
افتح عينك..
| |
|
|
|
|
|
|
|
|
|
Re: خدعتني البوردابية (Re: bayan)
|
Quote: بركة الما طلعت كيكي باسم بت عشان
يضحك فيك ناس الهندسة والمعمار...
افتح عينك.. |
حسع يا بيان ما حيسلم لانو خان الخوة وعشرة السنين
وكل يوم نقول ليهو يا خليل ورينا الحاصل شنو؟؟
يقول ليك لالا انت ياكيكي بتاع كنابو ومرايس(شايل حالي)
يا خليل عرفونا ياخي ؟
يشبكني يا كيكي انت تقوم تقدها بموغل ودهشة فرمالاتك دي وتطير الكتوت
اها حسع كده كويس الكتوت طار طير الدريش من العويش.
...
عالم مستهترة بقدراتنا الاستشارية الموغلة في الدهشة
| |
|
|
|
|
|
|
|
|
|
Re: خدعتني البوردابية (Re: bayan)
|
Quote: خليل والله حالتك صعبة البتفتش تجكس من الشاشة الغشاشة..
بركة الما طلعت كيكي باسم بت عشان
|
دكتورة بيان
انا ذاتو شاكي انو الصورة دي ما حقتها
لانو كلو مرة اقول ليك اجي اقابلك تزوغ
انا خائف تكون بت عم الدودو
| |
|
|
|
|
|
|
|
|
|
Re: خدعتني البوردابية (Re: معتز القريش)
|
Quote: أنا برضو لقيت صورا ذاتن في مسنجر واحد صاحبي
|
صديقي ود القريش
الجكس بقي عندو نظرية
واحد في الكف
وواحد في الرف
وواحد في الصف
انت ياتو واحد في ديل
| |
|
|
|
|
|
|
|
|
|
Re: خدعتني البوردابية (Re: Mutwali Malik)
|
Quote: هي ذاته شينة وبتشبه يالذيذ يارايق ماعليك منها سد دي بي طينة ودي بي عجينة
واحشنا كتير |
وين يا متولي مالك
شفت في غيابك حصل لي شنو
وانا الذي كنت امشي بين الحسان تبخترا
| |
|
|
|
|
|
|
|
|
 Re: خدعتني البوردابية (Re: انعام عبد الحفيظ)
|
ابو خليل الشمشار انت الشمار ليك شنو البخليك تقرا مسنجر صحبك
انت عارف لو كنت ساعدتها بكورس مع الاستاذ المحنكاتي الكبير كيكي واستلفت منو حنك حنكين وكم جلكسه كده كانت الامور مشت تمام التمام
تحت تحت :
كن كالمسمار لايزيدك الشاكوش الا قوه
| |
|
|
|
|
|
|
|
|
|
Re: خدعتني البوردابية (Re: محمد الطيب حسن)
|
Quote: انت عارف لو كنت ساعدتها بكورس مع الاستاذ المحنكاتي الكبير كيكي واستلفت منو حنك حنكين وكم جلكسه كده كانت الامور مشت تمام التمام
|
محمد الطيب
ياخوي كريم ما عندو حاجة قريت معاهو الجامعة سبعة سنين ما اتونس مع جكساية
الشيطنة دي جاتو علي كبر وكلما اصاحب لي واحدة في المنتدي دها الاقاهو كابسها ليك بي ماسنقر
عشان كدة ماشين لمنتدي ( ارجنتين اون لاين)
| |
|
|
|
|
|
|
|
|
|
Re: خدعتني البوردابية (Re: khaleel)
|
| Quote: المهم قطعت الموضوع في مصاريني |
في الحالة دي ما بقولوا عليه قطعته في مصاريني، بقولوا: أكلته في حناني
| Quote: وقشة ما تعر ليها وانشاء الله تجي الاولي |
بعدين خلي روحك رياضية ومافي داعي للزعل
تعيش يا خلو وتاخد غيرها
| |
|
|
|
|
|
|
|
|
|
Re: خدعتني البوردابية (Re: عمر سعد)
|
Quote: قالو الشقى تعترلو .................متاوقتو فى مسنجرات الناس
|
بالمناسبة البت دي مافي سودانيز اون لاين
في احدي المنتديات المجاورة
| |
|
|
|
|
|
|
|
|
|
Re: خدعتني البوردابية (Re: بدر الدين الأمير)
|
Quote: خلي
العيش حلال بدونها |
اللورد بدر الدين
نقول ليها زي ما العندليب زيدان ابراهيم
ليه ترضي امتهاني وتختار من صحابي
وتتناسي الاماني واشراقات شبابي
انا عارف مشاعري بتعمل لسعادتي
واخلاصك لغيري ما بهدم حياتي
بكرة تشوف مصيرك وتسمع عن شكاتي
وتغير من سروري وتجازيك ارادتي
| |
|
|
|
|
|
|
|
|
|
Re: خدعتني البوردابية (Re: khaleel)
|
سلامات
وعوافي
الحبيب خلي
Quote: دها جكس عائز تلاقح اخيلة وروي بنفسجية
موغل ودهشة بتاعتك دي ما بجيب راسو |
والله ما انبهطت وانبطحت وانفقهت من شدة الضحك بقدرما فعلت "جراء هذا الكوت" ..
ياحبيب هذه شماتة ام غتاتة فالرجل قلمه طاعم وحنكو سنين ويشهد الله ان وقعت بنت حواء في طريقه لخلق منها باقة من الشمع والعسل اما الشمع فللضوء واما العسل فالله يعلم لذته وطعمه الحلو ..
"فلا تبخسن اشياء" الراجل .. واحمل ضربتك واغمتا عليك ياعزيزي فلا الحسرة ولا الوجع سيعيد هذه العصفورة الي اغصانك "الناشفة" ..ايوة الناشفة فما طار عصفورا قط عن غصن الا وعاد اليه اما اذا طار "طيرت السواد واللواد" فهذا يعني انه ليس في الغصن خضرة تشتهي ولا رحيق لذيذ يبل الريق ..
توكل علي الله وصلي ركعتين لله حامدا شاكرا له كونك مازلت متوازن النفس ثابت الخطى ..
ونسال الله ان يغنيك بغيرها وان يجعلك جامدا صنديدا لاتفت قوتك "فتاة" ولا ينهش عظمك شاكوش..
ولله الحمد من قبل ومن بعد
| |
|
|
|
|
|
|
|
|
|
Re: خدعتني البوردابية (Re: عبدالكريم الامين احمد)
|
ياخليل ..
بالمناسبة انا لاحظت ليهو ...هو لما كان فاتح
الكمبيوتر وانت قمت بتاوق ..كل ماتقرب
يبعد الشاشة منك ..وانت لياقة السنين ..
كان ماشفت ماارتحت ..اها عاجبك كدا ..دى الشلاقة ..
حاجة دسوها منك اللياقة ليك شنو ..
| |
|
|
|
|
|
|
|
|
|
Re: خدعتني البوردابية (Re: محمد عبدالرحمن)
|
Quote: بالمناسبة انا لاحظت ليهو ...هو لما كان فاتح
الكمبيوتر وانت قمت بتاوق ..كل ماتقرب
يبعد الشاشة منك ..وانت لياقة السنين |
محمد عبد الرحمن
اوعي تكون قاصد كريم
ياخي اقول ليك زي ما قال احمد التجاني
لو لعبنا كشتينة راس انا وعبد الكريم ستة شهور لا يفتح لا ينزل مني
ولو لعبنا كورة سنة كاملة ما اقلعها مني
لكن الخصم او الغريم بتاعي شرس ما زي ناس ختفت جرن ديل
| |
|
|
|
|
|
|
|
|
|
Re: خدعتني البوردابية (Re: ودرملية)
|
Quote: "الناشفة" ..ايوة الناشفة فما طار عصفورا قط عن غصن الا وعاد اليه اما اذا طار "طيرت السواد واللواد" فهذا يعني انه ليس في الغصن خضرة تشتهي ولا رحيق لذيذ يبل الريق ..
|
الودود ود رملية
فلا تاسو لمن فاتو
فبعض منازل تبقي
وبعض منازل تناي
فتنديها المسافات
| |
|
|
|
|
|
|
|
|
|
Re: خدعتني البوردابية (Re: khaleel)
|
Quote: انعام حيمورة
مافي زعلن كدي لامن انضموبو |
زعل أكتر من كدا ؟؟؟
لمن يخليك ما تفرز إنعام حيمورة من إشراقة حيمورة!!!!!!!
والله يا خلو يا خليل أخوي إنت الشاكوش دا خلاك رقدت طحنية
| |
|
|
|
|
|
|
|
|
|
Re: خدعتني البوردابية (Re: Ishraga Haimoura)
|
خليل كيفك
زمان ياخليل
ايام جامعة الخرطوم المخملية
عندى صاحبى شال سندوتشاتو وليمون بيزنسو نصة نهار ومشا مع زولتو الركن الاخير للميدان الشرقى
المنو تتلب وتقطع الشارع تدخل النفق ويلاقيك البركس على طول ، المهم هم قعدو هناك قصاد السور ده
اها اخونا دا فى عز اندياحو ورقرقة رموشو بالكلام الحنين تجيهو ليك طماطمة تراخ فى وشو وتطاير فيهو وفى البنية ثم تنهال اللعنات من خارج السور بواسطة هايلوكس فيهو طلاب مدرسة ثانوية راكبين ورا كلهم .
كانت اللعنات عبارة عن كلمة احدة بيرددوها وبيصفقو وراها والهايلوكس ماش
كضاب كضاب كضاب كضاب اوعا تصدقيهو .
اخونا طبعا" تلب السور ومشى البركس طوالى .
تحياتى بابكر زيكو
| |
|
|
|
|
|
|
|
|
|
Re: خدعتني البوردابية (Re: بابكر عثمان مكي)
|
| Quote: دا جكس عائز تلاقح اخيلة وروي بنفسجية |
يا خليل أنا صنفتك من أظرف ظرفاء البورد (راجع بوستك بتاع نانسي)
زماااااااااااااااااااان يا خليل بت جيراننا "فوزية" ـ يا حليلها
قالوا بقت حبوبة من 15 سنة ـ رسلت ليّ جواب من نوع " حبيب مشتاق
أشوف عينيك وشعرك موج على خديك " لمن اتوهمت وبقيت أعاين لشعري في
المراية فلا أجد موجا ولا خدودا ولا شعر ذاته فقد كان أبي "رحمه الله"
يصر على الصلعة أو نمرة واحد وبالتحانيس نمرة 2 ... ولما كان هذا أول
جواب حب يجيني في حياتي فقد حملته معي الى المدرسة وكنت في رابعة وسطى
يعني 14 سنة وفرجت فيه كل خلق الله !!!! إلا إن ابن جيراننا كان يضحك ملء
شدقيه .. وكان ضحكا وصل حد الإهزاق وهو أن يذهب به الضحك كل مذهب ـ وهو
أعلى مراتب الضحك وفقا لتصنيف الثعالبي ـ ولما خرجنا في "الفكة" سألته
لماذا يضحك كل هذا الضحك ؟؟؟؟ لم يجب لأنه كان ميت على روحه من الضحك ..
وبعد أن هدأ أخرج من جيبه ورقة ومدها لي !! فوجدت نفس الجواب بس معنون
إلى حبيبي عوض .. واكتشفنا ان الملعونة كانت بتكتب بالكربون ..!!
شوف الفرق كيف يا خليل ... نحن بالكربون وإنتو بالكمبيوتر ...
وعشنا ولم آخد غيرها مطلقا !! وأصبح الحب عندي "أمسك ليّ وأقطع ليك"
[B]جزازير عدييييييييييييييل كده ! بلا تلاقح أخيلة بلا رؤى بنفسجية بلا هبل
| |
|
|
|
|
|
|
|
|
|
Re: خدعتني البوردابية (Re: khaleel)
|
يا اخوانا
البوردابية جرت واطي وقالت لي في تلفون مطول انو الصورة مشت لصاحبي بالغلط
وغنت لي
من الحصل يا خليل ارجوك اعذرني اياك تفكيري واياك سمير قلبي
وغنت لي
السماح يا خلي جينا طالبين السماح
وانا حنين ما بقدر علي الكلام دها
| |
|
|
|
|
|
|
| |
khaleel
mulhim
عبدالكريم الامين احمد
Ahmed Abdallah
فيصل نوبي
غادة عبدالعزيز خالد
Mutwali Malik
اساسي
حاتم هاشم
Rawia
Kostawi
معتز القريش
محمد البشرى الخضر
bayan
انعام عبد الحفيظ
محمد الطيب حسن
Ishraga Haimoura
عمر سعد
بدر الدين الأمير
ودرملية
محمد عبدالرحمن
فاروق حامد محمد
فيس بوك
تويتر
انستقرام
يوتيوب
بنتيريست