دعواتكم لزميلنا المفكر د.الباقر العفيف بالشفاء العاجل
|
|
 غايتو الخرطوم رجال نائمة ونسوان حائمة وقيامة قائمة
|
عدنا قبل قليل للدوحة بالسلامة
اما السودان مافيهو حاجة حلوة غير قندهار
البلد كلها مشغولة موبايلك شنو
ما عندي رصيد وحول لي رصيد
الشوارع زحمة وعشان تسوق لازم تكون شوماخر
جكس حائم في الشوارع زي الهم في القلب
جامعات في كل زقاق
مطاعم اللوردات غالية واكلها اخير منو اكل المستشفي
|
|
 
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: Haydar Badawi Sadig)
|
Quote: كثيرون منا في المهاجر يفكرون في السودان من منظور الخرطوم وحدها.
والسودان مساحته مليون ميل مربع!
وهناك قطعاً أماكن أخرى غير الخرطوم يمكن أن تكون الحياة فيها أكثر إنسانية.
أرجو الإفادة! |
حيدر يا جميل
لم اتمكن من زيارة كل المدن
ولكن مشيت رفاعة وهي تستعد لاستقبال الكبري الجديد
وزرت الحصاحيصا والكاملين وابوعشر
كل تلك المدن تحتاج للتنمية والخدمات عشان نرتاح من (القشروم ) دي
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: Adam Mousa)
|
Quote: أها وناس مرتضى ومحمد الخاتم وهشام مجذوب وابوشوك وكل شلة الوتين كيف..؟؟؟
|
ادم موسي
كل سنة وانت طيب
قابلت مرتضي وابوشوك في زواج شقيق محمد الخاتم
وهشام مجذوب في الكباشسي في زيارتنا للزعيم عمر الحبر
عمر الحبر ومرتضي عزموني كورة الهلال ووفاق سطيف
لكن قسطنطين قال لي اوعك تمشي
| |
|
|
|
|
|
|
|
|
 Re: غايتو الخرطوم رجال نائمة ونسوان حائمة وقيامة قائمة (Re: khaleel)
|
سلام اخي خليل
حمدلله على السلامه.
تعرف د اسعد من ام دقرسي تخصص معامل طـبيه ,
عملنا معا بجنوب كردفان ابوجبيهه,
لك وله التحيه
___________________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: khaleel)
|
| Quote: أها و إن شا الله بس لاقيت دينا خالد |
الدردقة عندك يا عمك| Quote: حتي بورداب الخرطوم بعضهم قال ليس هناك حاجة اسمها دينا خالد |
هو والقون
هو والقون
هو والقووون
قوووووووووووون
خلي
حمداً لله على السلامة
__________________________
فيصل نوبي
ودالبشرى وخليل ديل لا أصحابي لا بعرفم
شوف موضوع ( دندونتك ) دا معاهم بمعرفتك
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: mekki)
|
Quote: وكمان ما شفت جنون الكورة والتسجيلات
وقبل يومين سمعنا بى عريس جاب سد مال 100 مليون وكيلو دهب وعربية على الزيرو أصر يجيبها بى ونش عشان عدادها ما يرمى،،،،تقول عروسو فلانة المعانا فى المنبر
|
مكي
كل سنة وانت طيب
والادهي والامر
انو وزير الداخلية
قال ان قروش المخدرات في السودان اكتر من قروش البترول
عشان ما تنخلع لو سمعت ان المهر بقي مليار
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: khaleel)
|
Quote: والله فتشت لدينا خالد بكراع كلب
كل الناس ما عرفوها |
أوووووووووووووو ثقافة سودانيز اون لاين قال ليك ..
الناس دي ليي بتسعى دائما للبحث عن البنات البيكتبوا في سودانيز اون لاين وهل هي شخصية حقيقية ام خرافية ..
يا حليييييلك يا تبلدينا اصلو ما حصل سمعت لي بوردابي جا الخرطوم فتشك ..
ويا حليلك يا ناذر الشين غايتو الا يفتشوك عشان الشي زاااتا..
في طقم كده اي زول ناس السودان بيتخيلوا :
لازم انعام تعمل ليهو دعوة في قندهار مع لمة اصحاب وبورداب ..
لازم يلاقي كل البوردابيات عشان يقول فلانة جميلة وعلانة سمحة وفرتكانة ظريفة ..
حب الاستطلاع كتل الكديسة مقولة في محلها تماما..
روزمين شخصية وهمية وهيمة وهمية اوووووول ما سمعوا بيها جاية الخرطوم استقبلوها كما استقبال المريخ في 89 وكاس مانديلا ..
الناس ما كان غرضها روزمين الصديقة بقدر ما غرضها روزمين الشخصية اللحم والشحم ويا بهييية ايييييييي الشحم ده اييييييييي اللحم ده ايييي عملوا لي شنو لجبجبة ..والضعف ده ايييييي عملوا لي شنو سوء تعذية ..
والمحصلة شنو ؟
روزمين جات النيل الازرق قرت شعر ونزلوها في اليوتويب..
بستغرب حقيقة كيف انو الناس بتفرض روحا على الناس فرضيييية !!!!!!
بتقحم روحا في صداقات عنوووووة واقتدار والا فالكائن غير موجود ..
مجتمع سودانيز اون لاين مجتمع يخلط الخاص بالعام ..
رديت ليهو في بوست في العام هنا يبقا انت مفروض عليك تلاقيهو في الخاص هناك ..
الاغرب انو البوردابيات ما عندهن حب استطلاعنا ده !!!!
مشيت السودان اربعة مرات بي الغلط سااااااااااي دينا خالد دي ولا ممكونة ولا مفتونة ولا زابيلا(كما يقول بقال) مافيهن واحدة هببتو لي وجاتا الرغبة انها تشوفني كحب استطلاع ولا انا كذلك اضعهم ضمن الاجندة ..
خليل..ظهرتها عاااااااااااااااااااااااااااااملة والله ..
ويا دينا يا بت خالد انا جاي الاجازة الخامسة بعد شهر وكدي ابقي مرا وما تجي شايلة يافطة مكتوب فيها هيييي هيييييي مرحا عمر ..
وكذلك الكلام لي الانعامات ..
ولا بأس بي زابيلا ..
والاروع لو جات معاهم حنين البلد ..
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: عمر الفاروق)
|
Quote: ويا دينا يا بت خالد انا جاي الاجازة الخامسة بعد شهر وكدي ابقي مرا وما تجي شايلة يافطة مكتوب فيها هيييي هيييييي مرحا عمر ..
وكذلك الكلام لي الانعامات ..
ولا بأس بي زابيلا ..
والاروع لو جات معاهم حنين البلد .. |
والله أنت يا حبة فاكيها في نفسكـ جنس فكة لكن .. 
أنت يا وغد قايل نفسكـ أميرة الشيخ و لا شنو .. لوووووووول
خالي : حمد علي السلامة و شنو ود أختكـ ده ما شفت ليهو عروس معاك ؟؟
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: عمر الفاروق)
|
Quote: مشيت السودان اربعة مرات بي الغلط سااااااااااي دينا خالد دي ولا ممكونة ولا مفتونة ولا زابيلا(كما يقول بقال) مافيهن واحدة هببتو لي وجاتا الرغبة انها تشوفني كحب استطلاع ولا انا كذلك اضعهم ضمن الاجندة ..
خليل..ظهرتها عاااااااااااااااااااااااااااااملة والله ..
ويا دينا يا بت خالد انا جاي الاجازة الخامسة بعد شهر وكدي ابقي مرا وما تجي شايلة يافطة مكتوب فيها هيييي هيييييي مرحا عمر ..
وكذلك الكلام لي الانعامات ..
ولا بأس بي زابيلا ..
والاروع لو جات معاهم حنين البلد .. |
عمر الفاروق
غايتو ايزابيلا انا شفتها واتصورتها معاها
لكن ممكونة لم اتشرف
ودينا ما رفعت الموبايل
احتمال تكون زاهدة في الثروة والسلطة زي الموتمر الشعبي
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: khaleel)
|
خليل الجميل ألف حمدآ لله على السلامة............
البمشى السودان بجد كل ما يريده..كنت معك فى نفس الفترة..نعم كلامك صح بس فيهو شوية مبالغة.....
النسوان الحايمات ديل ما لاقونى لعلى ما فتشت ليهم أو بنوم بدرى....
هناك روضة ب350جنيه وروضة كما قلت ب2مليون واكثر..والناس ممشية امورة ومدخله اولادها وعايشين الحمدالله أحسن مننا نحن المغتربين الفاكنها فى روحنا..نخاف أن نصرف ما يصرفونه فى اليوم لاننا بنجى فى إجازة والميزانية محدودة
أول ايامنا نكون زى الجرجير المرشوش موية ومع مرور ألأيام نضبلن والجيب يصفر...صرف بدون رؤية...
شكرآ لآنطباعاتك حول السودان وكم تمنيت ان ألتقيك فى رحاب الوطن الجميل..
خالص مودتى................إسماعيل محمد احمد عباس.....
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: ismeil abbas)
|
Quote: أول ايامنا نكون زى الجرجير المرشوش موية ومع مرور ألأيام نضبلن والجيب يصفر...صرف بدون رؤية...
شكرآ لآنطباعاتك حول السودان وكم تمنيت ان ألتقيك فى رحاب الوطن الجميل |
ابو السباع الجميل
كل سنة وانت بالف عافية
بحثت عنك في قندهار
ولكن يبدو ان الخرطوم كرش الفيل ابتلعتك
واكيد اكيد حنتقابل
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: khaleel)
|
خليل
سلام
ياخ حمد لله علي سلامة العودة
رغم اننا تمنينا ان نلتقي مجددا بعد مفاجأة قندهار
| Quote: غايتو الخرطوم رجال نائمة ونسوان حائمة وقيامة قائمة |
والهــــلال كيفـ ؟؟
| Quote: مطاعم اللوردات غالية واكلها اخير منو اكل المستشفي |
كان شاورتنا كنا وريناك مطاعم الفول ومشتقاتو!!
انت البوديك لمطاعم اللوردات شنو ؟؟
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: khaleel)
|
خليل..حمد لله علي سلامة الرجوع من العودة..
والواحد حقيقي نفسو يلاقيك..
.
.
.
انا اغتربت بدري في ليبيا..
واغتربت في الأمارات..
وسافرت بره السودان كتير..
وقدر ما اطلع بره..بتكون في حاجة رايحة مني ماعارفة شنو..
ووكتين أرجع البلد القي أهلنا الغبش..الفقرانين..يضحكو ومبسوطين..
ويسفو في السعوط..ويشربو في الشيشة..وحاجات تانية..
.
.
عايز واحد يديني تعريف للسعادة..
غايتو انا ساكن في ام القري شمال ..قبل ناس الحبر بشوية..
وليوم الليلة ما حاسي بانو في مشكلة..
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: khaleel)
|
حمد الله على السلامة,
اول ما توصل الخرطوم قوم سيب الخرطوم وسافر الاقاليم
تاخد نفس وترجع للتراب والرقشات, ياخ دى ازحم مدينه فى العالم
ميدان رمسيس جنه وهدوء وسكينة بالنسبة للخرطوم
سواقين داخلين فى الاشارة حمراء بياعين داخلين بيتكم
وماشاء الله كل الشعب السودانى قاعد فى البنابر بشرب شاى
وسايبين المكاتب فاضية والناس واقفة طوابير
وفيها أحرف سواقين فى التاريخ بتاع الامجاد يدخل ليك بين العمود
والحيطة وبتاع الرقشة يشق بيك خور ابوعنجة
وكل الناس بتتكلم فى موبايلات , بلد فيها كمية كلام لامن يحير,
وفى الفضائية بنشوف مشاريع رهيبة وخضروات تجنن ومزارعين من كل لون
وتمشى السوق ما بتشوف غير جرجير وموز مضبلن وطماطم تقول اجدعونى,
يا خليل
انا عندى ولد عمرة 12 وبتكلم عربى مكسر لامن يتكلم بتضحك, مستغرب جدا من حكاية الدش
والموبايل سافرت بيهم جبال النوبة فى نص الخلاء شفنا اربعة قطاطى
وكشك اتصالات وتحويل رصيد وفى راس القطية ستلايت دش الولد وقف فى نص
البص السياحى وكورك لى يا ماما يا ماما ديل ناس مساكين وكل حاجة
ولا عندهم أى حاجة وعاملين دش وعندهم محل تلفون( هسى ده ما البحير ),
ياخ السودان ده بحير الرجال عند ستات الشاى والنسوان قدام المسلسل التركى.
| |
|
|
|
|
|
|
|
|
 Re: غايتو الخرطوم رجال نائمة ونسوان حائمة وقيامة قائمة (Re: khaleel)
|
يا باشمهندس خليل
والله ما حصل لينا الشرف وقابلناك فى الخرطوم والتقصير ده جا منى ... معليش المفروض كان اكون معاكم فى قندهار.. بس الله ما أراد ... إنشالله المرة الجاية نتقابل ياخ.
إنشالله صديقى كيكى يجى البلد قريب
لك العتبى حتى ترضى يا خلو.
شول اشوانق دينق
_______________________
الخرطوم دى خليها ساى ... فيها حاجات عجيبة ... خليها بس
| |
|
|
|
|
|
|
|
|
|
Re: غايتو الخرطوم رجال نائمة ونسوان حائمة وقيامة قائمة (Re: شول اشوانق دينق)
|
Quote: والله ما حصل لينا الشرف وقابلناك فى الخرطوم والتقصير ده جا منى ... معليش المفروض كان اكون معاكم فى قندهار.. بس الله ما أراد ... إنشالله المرة الجاية نتقابل ياخ.
إنشالله صديقى كيكى يجى البلد قريب |
شول
الله نعاين ليك في قندهار زي هلال رمضان
شول جاء شول ما جاء
كيكي اعتقد سيغادر لامريكا او هكذا زعم
| |
|
|
|
|
|
|
| |
khaleel
الطاهر ساتي
yasir tamtam
jini
محمد البشرى الخضر
Adam Mousa
Haydar Badawi Sadig
شهاب الفاتح عثمان
Dania Elmaki
حمور زيادة
عاطف عمر
mekki
عثمان محمد كرار
عبدالكريم الامين احمد
ابو جهينة
ALMURADABI
العوض المسلمي
عمر الفاروق
خالد عبد الله محمود
osman righeem
ALazhary2
ابراهيم محمد الحسن
ismeil abbas
عبود عبد الرحيم
قرشـــو
احمد التجانى احمد
علاء الدين محمد بابكر
علاء الدين يوسف علي محمد
حاتم شناب
شكرى سليمان ماطوس
Alfarwq
شول اشوانق دينق
فيس بوك
تويتر
انستقرام
يوتيوب
بنتيريست