دعواتكم لزميلنا المفكر د.الباقر العفيف بالشفاء العاجل
|
|
 ام رقيقة والسكة ضيقة
|
الله علي ملاح ام رقيقة
كل عضلات اهل الجزيرة من ملاح ام رقيقة
وجبة اساسية في الفطور في الجزيرة
ناس الخرتوم مدلعين بفطرو بالفول
اجمل ام رقيقة تعمل من شوربة الضلع ايام الاعراس
انا ممكن اكلها في كل الاوقات
انتو كيف
|
|
 
|
|
|
|
|
|
|
|
Re: ام رقيقة والسكة ضيقة (Re: عبدالكريم الامين احمد)
|
| Quote: احلي من السجوك دي اشاعات ناس الجزيرة ساكت |
هوي يا كيكي
وحاة ود المرين
ام رقيقة حارة مع كسرة بعيش دبر وصحن سلطة وشطة خضراء
تاكل فيها لما تعرق بعد كدة ممكن تلعب مع تايسون ملاكمة وتهزمو بالضربة القاضية
في الجولة الاولي
| |
|
|
|
|
|
|
|
|
|
Re: ام رقيقة والسكة ضيقة (Re: khaleel)
|
| Quote: وجبة اساسية في الفطور في الجزيرة |
خليل يامتسلبط
أم رقيقه دى من أجود وأرقى الوجبات
تفسح لها المكانة فى صدر الولائم
وملاحها يوزع بالجرادل,
وللعارفين هو أفضل من الضلع
فالسليقه التى تخرج من اللحم تصنع منها ام رقيقه,
وماتبقى من اللحم فيرمى للتحمير..
وأم رقيقه سلسه , تعبر الجوف بمحبه
وهى لاتحتاج لمار ويمكنك الحديث بطلاقه أثناء تناولها
خفيفه على المعده
وعلى اللسان
أفضل وجبه للسياسيين
| |
|
|
|
|
|
|
|
|
|
Re: ام رقيقة والسكة ضيقة (Re: الجيلى أحمد)
|
Quote: وأم رقيقه سلسه , تعبر الجوف بمحبه
وهى لاتحتاج لمار ويمكنك الحديث بطلاقه أثناء تناولها |
جيلي القوم حبابك يا العزيز تيرابك
حبوبتي عليها الرحمة بتحب ام رقيقة وكتبت فيها شعر
ملاح الويكة يسري مع القراصة يمري
ادردم وادي حلقي
| |
|
|
|
|
|
|
|
|
|
Re: ام رقيقة والسكة ضيقة (Re: khaleel)
|
يا خلى
صديقى الجميل زهاء الطاهر الف رحمة عليهو عنده قصة اسمها (خليل الزرعى )
لو لقيت النص حاكتبو ليك
دى تقديمة
اها جينا لام رقيقة
عليك الله كان لاعببين الكورة حقينا ديل
خلو اكل ام رقيقة ما ببقو احسن لاعبين فى الدنيا ؟
ياخ ام رقيقة دى كانت زمان
هسى بقى اسمها
(ام ماجى )
ويا حليل زمن ام رقيقة ود امى
زمان صحى فيها حاجة امكن
لكن هسى مافيها التكتح وحات سيدى غير الماجى يبقى ليها السم
مرة زول صديقنا مسافر لانجلترا اها قاموا ناس مطار هيثرو لقوا عنده ويكة وشرموط مدقق
مسكوا الويكة والشرموط ودخلوهم معمل واسئلة واجوبة وقيامة قايمة
فى الاخر قالو ليهو يا زول شيل نصايبك ديل مافيهن اى قيمة غذائية
شفت المغسة
| |
|
|
|
|
|
|
|
|
|
Re: ام رقيقة والسكة ضيقة (Re: سلمى الشيخ سلامة)
|
Quote: مرة زول صديقنا مسافر لانجلترا اها قاموا ناس مطار هيثرو لقوا عنده ويكة وشرموط مدقق
مسكوا الويكة والشرموط ودخلوهم معمل واسئلة واجوبة وقيامة قايمة
فى الاخر قالو ليهو يا زول شيل نصايبك ديل مافيهن اى قيمة غذائية
شفت المغسة |
استاذة الجيل سالومي
يعني خمسة وتلاتين سنة ونحن بناكل في خاطرنا وللا شنو
ما دام الويكة ما فيها قيمة غذائية كان زمانك مشينا احمد شرفي
| |
|
|
|
|
|
|
| |
khaleel
عبدالكريم الامين احمد
الجيلى أحمد
سلمى الشيخ سلامة
فيس بوك
تويتر
انستقرام
يوتيوب
بنتيريست