دعواتكم لزميلنا المفكر د.الباقر العفيف بالشفاء العاجل
|
|
 اليوم الحار وما بندار يوم الهندسة والمعمار
|
سلام حبايبنا سلام رغم الارشفة ولكن ما زال في القلب شي من حتي
نعود لايام تدريب جبل اولياء والمساحة والجوافة مع البيسبسي
في يوم الجمعة الماضي جمعتنا جلسة ريد كان الحضور بهيا بقيادة المهندس عادل ارباب
ومرتضي الطاهر ومحمد كرار يعني ناس (84و85 و88)
واختلفت الذكريات عن جبل اولياء
حكي عادل ارباب عن ذكرياته وقال اختلف الشباب اثناء النوم في العنبر الطويل
بعضهم اراد ان يظل النور مضاء وبععضهم اراد ان يطفي فاشار لهم خالد الشهير
بان يسالو حبيب الله بابكر لانه ( كيييف نوم)
حكي مرتضي الطاهر بان النور قد قطع وجلس المهندسين والمهندسات مع بعض مساء وكانو يتونسون
فحضر دكتور عكود وقال ليهم انتو قايلين روحكم في المين الرود فاحرج الزميلات احراجا شديدا
وقام بطرد البنات ( اخر تزمت منك يا دكتور عكود)
محمد كرار حكي ان مجموعتهم كان بها ثلاثة بنات وكان العمل صعب عليهم في حمل ادوات المساحة
والصعود بها للجبل تركو مهندسة منهم لتسجيل القراءات واحدهم حاملا جهازا ثقيلا والبت
لم تسمع القراءة جدا المهم كرار هرش الزميلة وذكر انه لم تسلم عليه بعد ذلك حتي بعد التخرج
ونواصل
|
|
 
|
|
|
|
|
|
|
|
Re: اليوم الحار وما بندار يوم الهندسة والمعمار (Re: khaleel)
|
| Quote: كيكي غيرنا اللوك وقلبنا ال(book) واكلنا السجوك |
انت بس ياخليل طلع لي (دس) صاح ومسكني معاك اللعب
وبعد داك ممكن نسافر الي جبل اولياء الي تدريب المساحة
ووبماسبة حضور دكتور عكود الله يطراه بالخير...
مرة اخوك كان قاعد في اخر كنبة في القاعة وكان عكود بدرسنا (فلويد)
وهو متجهة علي السبورة ..قلت يا ود متع نفسك (بسفة) كده ممكن اللكشر ده يخش في الراس
وفجاة وبدون مقدمات التفت الدكتور عكود (انصار سنة ) وعاين في اتجاهي بتركيز وقال
دي سفة يا زول ولا شنو؟؟
قلت لا يادكتور بس عندي ورم في الحتة دي..
فضحك الجميع بخبث لتسري عقب اللكشر دعاية بان كريم قال لعكود
يادكتور انا قاعد اكفكف الشلوفة دي يا دكتور..
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: khaleel)
|
Quote: يبدو اننا في البوست السابق اهملنا الصديق ابراهيم دقل
ياخي دها محتاج عشرة صفحات لوحده |
ايوه يا خلي ود القضارف المساح الكبير والزول الدشن
الظريف...
وبعدين بالله ادي لي الدسوقي(الداس) ود الثورة لمحة لمحتين
وعرج ياخي للدكاترة بتاعين الكلية وممكن ناس اللابات
وعمك ابو شيبة بتاع المكتبة ..
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: عبدالكريم الامين احمد)
|
| Quote: وبعدين بالله ادي لي الدسوقي(الداس) ود الثورة لمحة لمحتين |
تعرف يا كريم
الدسوقي دها اصلو انا ما قايلو شاطر كدة كان معاي في مجموعة المساحة في تانية الاولي
جات الامتحانات القي ليك دسوقي جاب (second) بعد كدة في سنة تالتة الود دها انطلق سحق ليك
كل الناس لكن عرفت انو من سنة اولي كان بشرح للناس
لكن يبدو ان دسوقي فضل العزلة كعادته لان اخبارهو مقطوعة احتمال ان يكون هناك تواصل
بينه وبين ماجد السنجك
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: khaleel)
|
الدسوقي كان مرتب ترتيب عالي واحسن زول بكتب في كراسو اثناء اللكشر
ولاحظت انا القصة دي في تانية الاولي في محاضرت (الكهرباء) لاني قعدت جنبو زي مليون مرة كده
..وتلاحظ انو بكتب ملحوظات كده(تقول لروحك ياربي الدسوقي ده كتب الكلام ده ليييه)..
لكن يبدو ان الداس كان عندو استايل بتاع قراية مميز فعشان كده سريع سريع
ظهر فجاة كزول (مجضم) وبتاع كسند ثم فيرست في نهاية الكلية..
وهو من اجمل طلاب الكلية والطفهم وكان وناس عظيم..
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: Mohamad Shamseldin)
|
خليل
كيكي
سلام
زعلت شديد لمن لقيتكم قنعتو من اليوم الحار و دفنتو بالحياة ، بس الحمد لله رجع تاني بال_ second edition و حنكون معاكم و ذكريات الجامعة الجميلة.
***
قال أحد المشكوشين:
جني و جن الجامعة يوم الجمعة !
قيل لماذا ؟
قال: بتذكرني الجماعة
****
تحياتي وودي
عمار يس النور
عاشق بخت الرضا
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
خليل وكيكي .. خلونا نختبر الذاكرة :
جلوسا من اليمين : (أحمر) صلاح  - حمد خوجلي - اليسع
الصف الثاني من اليمين : نادر كوبر - سوسن آدم - عزالدين خير - الحبر - هالة حسن
الصف الثالث : هشام كدنبور - هشام جادالله - محجوب - عبد المجيد - طارق حمزة - ياسر راشد - أنا - سارة أبوقرجة ..
ديل القدرت اعرفهم .. قصرت؟
| |
|
|
|
|
|
|
|
|
|
Re: اليوم الحار وما بندار يوم الهندسة والمعمار (Re: ابراهيم محمد الحسن)
|
هلا بالمهندسين
ومرحب ابراهيم محمد الحسن وحباب عمار يس النور
وطال عهدنا من هذا البوست الخليلي ..وخليل غائب في الروكايب
والود بقي (تلميذ) مجيب مرة اخري ..واخر مرة شفتو شايل كتب كبار خلاص
واخر اجتهاد (خليل ) ده شكلوا كده عاوز يبقي (دكتور) ودي حتبقي مشكلة
وازمة تاريخية..
لكم جميعا كل التحيات
ونسال عن
انور تاج السر
معاوية داود
ابوبكر عثمان
وابوصلعة احمد تجاني..
وتعالوا ياخي خلونا ندور الايام الخوالي
| |
|
|
|
|
|
|
| |
khaleel
عبدالكريم الامين احمد
bayan
Mohamad Shamseldin
عمار يس النور
ابراهيم محمد الحسن
فيس بوك
تويتر
انستقرام
يوتيوب
بنتيريست