|
دعواتكم لزميلنا المفكر د.الباقر العفيف بالشفاء العاجل
|
|
 Re: الوصفة السحرية والتشكيلة المثالية للمريخ لعبور المستحيل (Re: khaleel)
|
Quote: ثانيا مراقبة المهاجم الكاميروني او خروجه مصابا علي طريقة الديبة الشهيرة
(حليل بدر الدين بخيت وجمال ابوعنجة) |
ياهندسة ....... ذكرتني في احدي مباريات هلال مريخ ......... ابوعنجة كان على كنبة الاحتياط ........ احد لاعبي الهلال لا اذكر اسمه لكن اظنه (مامون ..... ) شاب ماشاء الله قوي البنية
واقع في لعيبة المريخ لفخ من طرف وشلاليت هبطرش ........... دخل ابوعنجة وشاء الحظ العاثر لذلك اللاعب اول لمسة لابوعنجة كورة عالية في نص الميدان قفز لها الاتنين ونزل المسكين
ووجهه مغطي بالدماء وتم استبداله على الفور ......... وابوعنجة مشي عااااادي كانو ما عمل حاجة
| |
 
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: omer osman)
|
معقول لكن الهلال المغلوب واحد بس قلت خلاص ماعندو امل ..
وعايز تدى الامل للمريخ ومع الترجى كمان ..وثلاثة اهداف فى شباكه ...
مابالغت لكن ...ياخ انت شوف الدورى المحلى التعبان دا ..دخل
فى مرمرى المريخ كم قون ؟ ...يعنى مرمى المريخ الوصلوهو ناس اهلى
الخرطوم والمورده يصعب على الترجى ؟... هدف واحد فى غمرة اندفاع
المريخ لاحراز الثلاثة اهداف كفيل بانهاء المباراة لصالح الترجى ...
/B]ماعصرت علينا ياخليل ؟
| |
|
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: احمد الأمين على إدريس)
|
| Quote: ليس حبا في المريخ ولكن كراهية في الترجي |
وده المهم....
المختصر المفيد ياعمك انك عاوز
المريخ يفوز ليك علي الترجي وانت
طبعا ضامن الفوز علي الاسماعيلي ( وش تختارو برااااااك...!!!!)
ولانك متعود علي ستات وخمسات الترجي الرجرجك لامن كمال ترباس
كمل تانكي الموية ...وفوزي الدخلت فيهو مامرقت لي حسع.....!!!!
عاوزنا نفوز .....مش.....؟
كان غيرك اشطر.....!!!!
قال نفوز قال وخاتي منو....؟ الباشا قلب دفاع
اقلب ويهك....!!!( وش عامل كده.....!!!!)
| |
|
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: khaleel)
|
تعرف يا خليل بس تعديل في تشكيلتك دي
يعني يلعب العجب مهاجم صريح ويرجع وارغو للوسط
لسببين
اولا العجب ماعندو اللياغه بتاعة زمان عشان يجري ويدافس وسط الملعب ويتم التسعين دقيقه، وبعدين المريخ محتاج لي زول يلعب بي راسو زي العجب، وما يضيع الفرص بي رعونة الكثير من المهاجمين السودانيين
والتاني نكون إستفدنا من إنو وارغو الذي لايزال صغير السن ويستطيع (المقالعه والمدافره) في وسط الملعب، وبالتاي يستطيع أن يلعب كصانع ألعاب بجانب إنو يستطيع الهجوم من الخلف، ثم يرتد سريعا في حالة فقدان الكره، وهذا ما لا يستطيع فعله العجب (حاليا)
المهم كما أسلفت أنت يجب أن يكون هناك إنضباط تكتيكي في الدفاع غير قابل لأي لحظة شرود
لا يجب أن يكون الإندفاع للهجوم لتعويض فارق الأهداف بأي حال على حساب الدفاع، نعم يجب على لاعبي الوسط المدافعين مساندة لعيبة الوسط المهاجمين في تهيئة الفرص للهجوم، لكن أيضا يجب على لاعبي الوسط المهاجمين المساندة في حالة فقدان الكرة
وهذا لا يتأتى إلا إذا وزع اللاعبين مجهوداتهم على مدار المباراة وعدم (الجري وراء الكرة بلا طائل) وإهدار اللياغة في الإحتفاظ بالكرة أكثر من اللازم
عموما نتمنى كل التوفيق لفريقي القمة والأمل في مبارياتهم القادمة، لتحقيق أحلام المشجعين السودانيين بكافة ألوان طيفهم الرياضي
| |
|
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: khaleel)
|
يا خليل يا أخوي تشكيلة مثالية بتاع شنو ..
المريخ ده راسمالو المحترفين ديل ( وارغو وكلتشي ولاسانا والنفطي وكان زمان معاهم إيداهور)
ده ياهو كلو المريخ .. وإذا في غلب قاعدين يجيبوهو ديل .. وإذا في كورة قاعدين يلعبوها ديل
غير كده ما عندك أحد
وأما ناس أكرم وطارق مختار وموسى الزومة وقلق والعجب وما عارف شنو ..
فديل عبارة عن كراويش ساي .. جتت جارية فوق الميدان بلا أي فهم
الراجي الناس ديل بكون بضيع في زمنو ساي
السودانيين الوحيدين الممكن تقول عليهم لعيبة كورة من بين كل لاعبي المريخ الحاليين واحتماااااال يرجى منهم
هم ( سفاري / بلة جابر / راجي عبد العاطي / و سعيد مصطفى برضو ما كعب )
أما الباقي فعبارة عن كرور وديهو الخور ولا تتلفت زاتو ..
قلق وفيصل العجب شنو عليك الله البلعبو كورة الواحد فيهم عامل زي حامد الزِقاية كده
| |
|
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: khaleel)
|
والله يا خليل نسفت أحلامى تماما ..
انا من يوم الكوره فى تونس وأنا بحلم بكأس الكونفيدراليه .. وخير اللهم أجعلو خير
حنلاقى الهلال فى نصف النهائي قبل الوصول للمباراة النهائيه .. وحكمة الله بى نفس تشكيلتك دى
بس الباشا ما معانا .. وبله جابر طرف يمين وقلق يخش جوه والعجب على كيفو .. بس يوصلو ليهو الكوره
وده بيتطلب من النفطى مجهود إضافى ويملأ حتتو ..والسعودى ووارغو قدام ..
..
حتشوفو وارغو وكما أنزل .. واخوك ود شيوخ وشيخ هو ذاتو .. وقد أذنا بذلك
| |
|
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: محمد حيدر المشرف)
|
Quote: انا من يوم الكوره فى تونس وأنا بحلم بكأس الكونفيدراليه .. وخير اللهم أجعلو خير
حنلاقى الهلال فى نصف النهائي قبل الوصول للمباراة النهائيه .. وحكمة الله بى نفس تشكيلتك دى |
دكتور مشرف
تعرف انا بكره الترجي دا كراهية التحريم
والله لو المريخ يفعلا اضبح خروف
ولو كورة وارغو بتاعة تونس دخلت كان ارتحنا
بس المهمة في غاية الصعوبة والكونفدرالية ايضا تحتاج لمباراة فاصلة
غايتو رمضان حا يكون مسيخ
| |
|
|
|
|
|
|
|
|
 Re: الوصفة السحرية والتشكيلة المثالية للمريخ لعبور المستحيل (Re: Nasruddin Al Basheer)
|
Quote: أها شوفوا نوع ده، بتفق مع الأخت
إنت يا محمد إبراهيم ما تكوّن نفسك وتجي تقول ليك كلام يعبر عن وجهة نظرك!
ليه بتعتمد على غيرك عشان يعبروا عنك؟..
عالم عجيبة!!.. |
يانصرالدين شكلها الفلافل اقصد "الحمص" سخن بيك ..
الحارقك في اتفاق وجهة نظري مع الأخت مواهب شنو ؟
ورايها ماله ولا انت بتقلل من راي نون النسوة البنعتز بيهن ..
ياأخي خليك راقي زي زميلك في الخمساب "خليل" وابعد من افكار ابو خمسة "طارق الكوتش" ..
Quote: وإن شاء الله المباراة دي تطلع تعادل 2/2 عشان المريخ يتأهل
للكونفدرالية.. |
نتقابل بعد المباراة ..
وبعد دا كله ح نكون احسن منك يا "ابوخمسة"ونقول :
ان شاء الله تفوزو ب 2/صفر على الدراويش :)
| |
|
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: عزالدين آدم علي)
|
خليل يا سيدا
كيفك وكيف أيامك وأحلامك..
مفروض يكون في تمرين ساعتين على التهديف من خارج المنطقة والضربات الثابتة والتركيز على لاسانا..
أقول الأقوان البجيبها منو؟
لاسانا حيشوت شوت كتير خالص في القون .. ونصيبه هدف واحد
مصعب الشايفينو عفين دا.. زول ما ساهل.. عندو قون برضو..
عندنا قون ضربة جزاء حتتعمل مع وارغو..
كدا كم؟؟
تلاتة موش؟؟
لكن الأقوان التلاتة ديل ح يجوا بكل أسف بعد قون الترجي في أول سبعة دقائق
نحن مريخاب وعندنا حساسية من صافرة البداية.. وهي بمثابة هزة 7 درجات على مقياس ريختر..
إذا فاتت الربع ساعة الأولى بدون أهداف.. نحن ناس مجموعات سااااي..أقولها ليك من هسي..
أكشف ليك مفاجأة؟؟ كلتشي لاااااعب..وإنت في وأنا في..
تحياتي..
| |
|
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: khaleel)
|
Quote: فقط المهاجم الكاميروني
قرصة من موسي الزومة او لاسانا والترجي موضوعو بستحمي
|
اها موش قلت ليك كلامك يحير ..؟؟
مهاجم شنو يا خليل ..؟؟
المريخ يسعي للفوز وحسب كلامك المفروض يستعمل العنف ..
طيب العنف دا لفريق عايز يسجل اهداف المفروض يمارسو
مع الدفاع ولاعبي الوسط وليس مهاجم .
وبعدين المهاجم الكاميروني القلتو دا عادي جدا ممكن يشيل
ليك موسي الزومة دا في ضهرو ويمش يجيب قون .
يا خليل يا اخوي كل الأبواب موصدة دون ان يفوز المريخ بحالته
الراهنة على الترجي التونسي بهدفين وثلاثة ناهيك عن أربعة نظيفة
لا تحاول .
| |
|
|
|
|
|
|
|
|
 Re: الوصفة السحرية والتشكيلة المثالية للمريخ لعبور المستحيل (Re: khaleel)
|
خليل العسل صباحك زين وسوداني كمان ههههههههههههههههههه
المثل بيقول قلبي على ولدي وقلب ولدي علي حجر
والله الهم البنشيلوا نحنا لا لاعبي الهلال ولا المريخ حاسين بيهو .
أنت عارف حا نفضل نزازي نزازي كده لم القيامة تقوم والحال
ياهو نفس الحال .
الله ينصر الهلال والمريخ
المشكلة ما بفرحونا ابداً
| |
|
|
|
|
|
|
|
|
|
Re: الوصفة السحرية والتشكيلة المثالية للمريخ لعبور المستحيل (Re: khaleel)
|
واذا خرج الهلال والمريخ يكونا ايضا قد فرطا في فرصة الفوز بكاس افريقيا
لسهولة المنافسة هذا العام والعام السابق
الكونفدرالية هذا العام اصعب من الابطال حيث متوقع هبوط الاهلي ووفاق سطيف وصعود الصفاقصي
وحرس الحدود
هنا تنافس اربعة فرق وهناك تنافس فريق واحد هو مازيمبي
وغايتو حكم ما ظلم
| |
|
|
|
|
|
|
| |
khaleel
omer osman
محمد عبدالرحمن
حبيب نورة
احمد الأمين على إدريس
haroon diyab
Mohammed Ibrahim Othman
أمين محمد سليمان
Nasruddin Al Basheer
كمال حسن
Elhadi
محمد حيدر المشرف
عزالدين آدم علي
Mahmoud Mustafa Mahmoud
طلحة عبدالله
عبدالعزيز الفاضلابى
هاشم أحمد خلف الله
فيس بوك
تويتر
انستقرام
يوتيوب
بنتيريست