دعواتكم لزميلنا المفكر د.الباقر العفيف بالشفاء العاجل
|
|
 اغنيات للعيد
|
عيدا يكبركم ويجبركم واديكم الفي مرادكم بركة الموية في البحر والعيش في الرحل الرسول قدامكم واللبن طعاكم.
غني خليل فرح للعيد وقال
عدت يا عيدي بدون زهور وين سمرنا وين البدور غابو عني
وغني هاشم صديق للعيد وقال
العيد الجاب الناس لينا ماجبك
وابراهيم عوض يقول
ياعيد تعودياعيد بالخير علينا سعيد
والنور الجيلاني
جانا العيد وانت بعيد
وكلنا اتانا وكل يغني لليلاه
|
|
 
|
|
|
|
|
|
|
|
Re: اغنيات للعيد (Re: elham ahmed)
|
الست الهام اول حاجة كل سنة وانتي طيبة والعيد في السودان شكلو غير واقول زي ما قال دكتور عمر محمود خالد.
بكتاحتها وكيزانها برضو لذيذة وعاجبانها
امل ان تتحقق كل امانيك
| |
|
|
|
|
|
|
|
|
|
Re: اغنيات للعيد (Re: khaleel)
|
خليل العزيز
العيد ما عاد الا اسماً تتجدد فيه احزاننا
نتذكر الذين فقدناهم بالموت أو بالفراق والبعاد والغربة
لحظات نهرب منها ونواجهها
هل تبقت للعيد اغنيات غير الشجا
وبأي حال عدت يا عيد
وكل سنة وانت طيب.
وجدتني في لحظة حزن فجرها منوووووت .
| |
|
|
|
|
|
|
|
|
|
Re: اغنيات للعيد (Re: عبدالكريم الامين احمد)
|
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..(khaleel)..
اول ايام عيد الاضحى
معتز تروتسكى
| |
|
|
|
|
|
|
|
|
|
Re: اغنيات للعيد (Re: معتز تروتسكى)
|
معتز كل ستة وانت طيب ياخي لغتك عالية ما بقدر اقول كلام زي ده نحن ناس بتاعين خرصانة ورملة واسمنت وحديد.
لكن في ناس حزنين في العيد لكن حتما في ناس سعيدين زي مسافر عائد لاهله بعد غيبةة وزي اسمر بيحلم ديمة بالشبكة فحرام الا يفرح هولاء.
وحتما نعود هكذا يقول القلب
| |
|
|
|
|
|
|
|
|
|
Re: اغنيات للعيد (Re: khaleel)
|
عزيزى خليل لاتشغل بالك بتلكم الهترشات ..
هى فقط نتاج الاحساس بالالم من تلكم المشارط والحقن ..
حليلو قال سايب البلد..ياحليلو
وياقلبى المكتول كمد
وياحليلو . .
| |
|
|
|
|
|
|
|
|
|
Re: اغنيات للعيد (Re: معتز تروتسكى)
|
العزيز معتز
لا لا ما بنقبل نسيبك تمشي للوحدة وتعاني
وبرضو مابنقدر نقاوم شوقنا من بعدك ثواني
ما بنغني وراك غنوة وما بنشوف البهجة تاني
غايتو لو شفقان علينا ما اظنك يوم تسافر
امل ان تنعم دارفور بالامن والسلام العام القادم والسودان وطن خير دمقراطي
| |
|
|
|
|
|
|
|
|
|
Re: اغنيات للعيد (Re: Muna Khugali)
|
شكرا العزيزة مني خوجلي
وياخوانا مني خوجلي دي بعض من تخيلنا لو لم تكن بيننا لاخترعناها
كل سنة وانتي والحلوة اية بالف عافية ولحظة من فضلك
| |
|
|
|
|
|
|
|
|
|
Re: اغنيات للعيد (Re: khaleel)
|
قال خليل فرح وهو علي فراش المرض
عدت ياعيدي بدون زهور وين سمرنا وين البدور غابو عني
سجونني داخل قصور وقالو عيان لشفاك نذور
ليت لي لوعاد في المرور
يبرا دائي ويغمرني نور
يا حنانن فاق بالشعور كيف تسيبني وكنت بتزور
تلفونك بيك ما خبور اقوم اناجيك افشل اثور غابو عني
نفتقد في هذا العيد الغاليين من امواتا في مصر ونفتقد في الرياضة والي الدين وسامي عزالدين
ونفتقد في الفن خوجلي عثمان وعبد العظيم حركة وصالح الضي وكل الرواد الاوائل.
ونفتقد في الطب عوض دكام وحسبو سليمان وعامر مرسال . ونتقد دكتور قرنق زعيم هذه الامة
كل هذا علي سبيل المثال لا الحصر رحمهم الله اجمين ونساله ان يجمعنا بهم في عليين
| |
|
|
|
|
|
|
|
|
|
Re: اغنيات للعيد (Re: khaleel)
|
لكل الطيور المهاجرة اهديهم رائعة الحلنقي
هجرة عصاقير الخريف لموسم الشوق الحلو
هيج رحيلها مع الغروب احساس غلبني اتحملو
وكتمت اشواق الحنين عائز الدموع اتكلو
ورجعت خليت الدموع ارتاحو مني وانزلو
ليه ليه يا عصافير الخريف
نضرة مشاعري اشيلها صيف
ليه يا عصافير ليه الاسف
مين علمك معني الوداع
وزي ما بتخافي من الرياح
بنخاف كمان نحن الضياع
غائب السنين اليلة مالو
غني العصافير غلبو
طراهو زولا كان ولوف
هدهد مشاعرو ودوبو
سمع قليبو كلام حنين
هدهد قليبو ودوبو
وانا حالي في بعد الوطن
دفعي ضي العين تمن
| |
|
|
|
|
|
|
|
|
|
Re: اغنيات للعيد (Re: Gaafar Ismail)
|
هلا جعفر وكل سنة وانت طيب ياخي تشابه علينا البقر لكن علي ما اظن الخليل كتبها هذه الاغنية مع اغنية ماهو عارف قدمو المفارق وهو علي فراش المرض وبعدها توفي ولكن دعنا نتاكد واذا طلع كلامك صحيح نغيرها.
| |
|
|
|
|
|
|
|
|
 Re: اغنيات للعيد (Re: khaleel)
|
الأخ العزيز خليل
ســلام
نعم ، خليل فرح كتب " ما هو عارف قدمه المفارق " وهو مريض وذاهب للقاهرة للعلاج .
أما الأغنية التي نحن بصددها فقد كتبها ود القرشي . لذا لزم التنويه .
مع تحياتي وتقديري.
جعفر إسماعيل
| |
|
|
|
|
|
|
|
|
|
Re: اغنيات للعيد (Re: Muna Khugali)
|
اجمل ما قيل في الكبرياء
حلفتك يا قلبي
حلفتك بربي
الخانك تخونو
والفائت غرامك
اوعك يوم تصونو
زي ما ابكي عيني
سهر لي عيونو
اوعي تقولي تاني
ما بنعيش بدونو
اي في الحب لقينا
غير همو وشجونو
| |
|
|
|
|
|
|
|
|
|
Re: اغنيات للعيد (Re: khaleel)
|
اجمل ما قيل في الحب
حبوك حب
قدر الحروف
الحائمة في بطن الكتب
قدر الخيال ما مدها ايدو علي السحب
كل خاطرن قال بريدك
الا ريدك كان رسول الدهشة
في كل الديار
وانا زي عوائد فارس
شد خيل الكلمةليك
مصلوب علي ضهرالبداية
القالو اخرها بين ايديك
وسرحت يا مهون تهون كان اجيك
كان اصل يوم لحدودك كت بريد ومشتهيك
| |
|
|
|
|
|
|
|
|
|
Re: اغنيات للعيد (Re: khaleel)
|
قابلت مرة الشاعر الرقيق الصادق الياس و وسالته عن اغنية مسكينة المحبة للطيب عبدالله فقال الاغنية تزامنت مع طلاق الطيب عبدالله ونعمات حماد.
وذكر لي ان نعمات حماد قالت ليه
والله يا الصاق الاغنية فصلتها علينا رايكم شنو نسمع
ياما طال صبري وهديتك وقلت يوم حالك تسيبو
لا نفع فيك التوسل انت زول برخص حبيبو
وابتديت افكر لعمري الحق الفضل اجيبو
قبل ما تغير دروبك كنا بنماسيك نصابحك
رحت ترخص في مقامنا يلا بيعنا وشوف مصالك
ما بنعابتك في طريقك بالعذاب ما بنصارحك
بالعمتلو انت فينا الله يا ظالم اسامحك
كم سهرت اليل شقاوة سرت ليك مشوار افتر
لا بنفع لا بشفع دربي في حبك يودر
كم غلطت وقلبي سامح تاني يوم القاك مقصر
والله مظلومة المحبة بتمشي لي ناس ما بتقدر
| |
|
|
|
|
|
|
| |
khaleel
elham ahmed
القلب النابض
عبدالكريم الامين احمد
معتز تروتسكى
Muna Khugali
Gaafar Ismail
فيس بوك
تويتر
انستقرام
يوتيوب
بنتيريست