دعواتكم لزميلنا المفكر د.الباقر العفيف بالشفاء العاجل
|
|
 احسن ياتها الارملة وللا المطلقة
|
قديما قالو
اذا كنت فقيرا فلا تبالغ في مواصفات زوجتك
يعني ما تتشالق وتقول عائز طول اضافي وشعر كيف وعيون كبار
وجسم به تضاريس وساقين زي طفاية قاعة الصداقة
شوف ليك حاجة علي قدر قروشك
طيب لو بقيت بين خيرين
احسن تتزوج الارملة وللا المطلقة
|
|
 
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
Quote: قديما قالو
اذا كنت فقيرا فلا تبالغ في مواصفات زوجتك
يعني ما تتشالق وتقول عائز طول اضافي وشعر كيف وعيون كبار
وجسم به تضاريس وساقين زي طفاية قاعة الصداقة
شوف ليك حاجة علي قدر قروشك
طيب لو بقيت بين خيرين
احسن تتزوج الارملة وللا المطلقة |
ماتشتري ولا واحده فيهم يا خليل
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
Quote: والله العظيم انا بعرف كمية من الشباب يفضلون المطلقة
لانهم لا يملكون تكاليف الزواج |
يعني قصدك انها ارخص ثمنا
اي سلعه ذات ثمن منخفض لعيب فيها ( يعني سلعه مضروبه )
وياهو كلام مني زاتو .
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
اخي خليل سلام
| Quote: اذا كنت فقيرا فلا تبالغ في مواصفات زوجتك |
| Quote: شوف ليك حاجة علي قدر قروشك |
عروس ولا بضاعه ؟؟؟ بالغت عديييييييل كده !!!!!!!!
| Quote: وساقين زي طفاية قاعة الصداقة |
الله طفايات القاعه تستاهل يوصفوا بيها السيقان؟؟!!!!!
| Quote: احسن تتزوج الارملة وللا المطلقة |
هل فقط التمييز لانها ترملت او تطلقت ؟؟؟
اين العمر والاخلاق والاسره والتدين فيما بينهما ؟؟؟
كل التقدير
| |
|
|
|
|
|
|
|
|
 Re: احسن ياتها الارملة وللا المطلقة (Re: حمزاوي)
|
خلي !!!
هسة في داعي لكشف الحال دة ..
طيب لو في واحدة جمعت بين الاتنين أرملة ومطلقة حنقول عليها شنو ؟
ياخي والله المرأة دي مظلومة في كلا الحالات ..
لو طلقت زوجها الكان سجم رماد أطلقوا عليها لقب مطلقة .. وأعتبروها هي الغلطانة ..
ولو زوجها مات موت الله قالوا عليهاأرملة فتوجسوا منهاخيفة ياأخوانا قولو لي المرأة دي تعمل أيه ؟؟؟
| |
|
|
|
|
|
|
|
|
|
Re: احسن ياتها الارملة وللا المطلقة (Re: عواطف ادريس اسماعيل)
|
| Quote: ولو زوجها مات موت الله قالوا عليهاأرملة فتوجسوا منهاخيفة ياأخوانا قولو لي المرأة دي تعمل أيه ؟؟؟ |
عواطف
سلام
تعمل اضان ترشاء
خليل على قدر القروش دا كلامك ولا كلام قسطنطين
تعرف ياخليل فى الهند ظاتها
الراجل بدفع لبنتو على قدر قروشو,,,
يعنى ولد جضوم والعضلات دردوم
طويل وخريج ومن اسرة راقية يعنى براهمن
دا بكون غالى خلاص
مرة عملو سمنار عن عادات الشعوب فى الكلية
فقدمنا ورقة عن العرس فى السودان ,,وان الراجل بدفع دفع قبورة
مهر وشيلة وحفلة كاربة وبيت حدادى وناس بجيبو الشيلة بالمفتاح
وهاك ياتلميع للرجل السودانى,,,
صدقنى لما طلعنا من القاعة,,كل واحد فينا ساكاه واحدة
شفت المشهد مقلوب كيف,,,
لكن ديل كانت عندهم عادة قبل 50 سنة ونيف ,,المطلقة بحرقوها مع راجلها
فانبرى لتلك العادة ابو الكلام ازاد اول وزير تربية هندى بعد الاستقلال ومعه جمعيات هندووس
فحاربو تلك العادة...تقول زواج مطلقة هى روحها فى غضب الله
موضوع جميل سوف يكتر فيه الجندر
تحياتى
خارج النص الهلال لاعب متين تانى
| |
|
|
|
|
|
|
|
|
|
Re: احسن ياتها الارملة وللا المطلقة (Re: abuguta)
|
Quote: لكن ديل كانت عندهم عادة قبل 50 سنة ونيف ,,المطلقة بحرقوها مع راجلها
فانبرى لتلك العادة ابو الكلام ازاد اول وزير تربية هندى بعد الاستقلال ومعه جمعيات هندووس
فحاربو تلك العادة...تقول زواج مطلقة هى روحها فى غضب الله
موضوع جميل سوف يكتر فيه الجندر
تحياتى
|
ابقوتة
والله قالو في السودان المطلقات سوقن حار
| |
|
|
|
|
|
|
|
|
|
Re: احسن ياتها الارملة وللا المطلقة (Re: حمزاوي)
|
Quote: مع انو الاسلام وصي بزواج الابكار
فانهن اندي انفاسا وانتق ارحاما
|
وين الله قال كدا
بالله الفهم السجمان دا ما بكره الزول في جنس الرجال .
قوم لف كدي ولا كدا
سلامه المهندسين (وش معفرت وعين حمره )
| |
|
|
|
|
|
|
|
|
|
Re: احسن ياتها الارملة وللا المطلقة (Re: doma)
|
Quote: وين الله قال كدا
بالله الفهم السجمان دا ما بكره الزول في جنس الرجال .
قوم لف كدي ولا كدا
سلامه المهندسين (وش معفرت وعين حمره |
تزوجو الابكار
حديث شريف يا دومة
ما ادوكم ليهو في المانيا وللا شنو
| |
|
|
|
|
|
|
|
|
|
Re: احسن ياتها الارملة وللا المطلقة (Re: معاوية الأرباب)
|
يا حبيبو انت واقع فينا اسئله في الاول طلع لينا البطاقه الشخصيه والصوره بعد داك بنقول ليك الارمله او المطلقه او نقول ليك ما ليك في الطيب نصيب .
اها يا خلي ما توعدنا وتخلف بالصوره بس ما تقول ليك اصفر وطويل والعيون عسليه والشعر سبيبي . (ابو رجيله ) 
وعلي الطلاق بعد داك نعمل ليك سيره بمية رقشه
| |
|
|
|
|
|
|
|
|
|
Re: احسن ياتها الارملة وللا المطلقة (Re: SAMIR IBRAHIM)
|
Quote: يا حبيبو انت واقع فينا اسئله في الاول طلع لينا البطاقه الشخصيه والصوره بعد داك بنقول ليك الارمله او المطلقه او نقول ليك ما ليك في الطيب نصيب .
|
سامر
الموضوع ليس شخصي الموضوع للنقاش
ارملة ولا عزباء افيدنا
| |
|
|
|
|
|
|
|
|
|
Re: احسن ياتها الارملة وللا المطلقة (Re: معاوية الأرباب)
|
Quote: قديما قالو
اذا كنت فقيرا فلا تبالغ في مواصفات زوجتك
يعني ما تتشالق وتقول عائز طول اضافي وشعر كيف وعيون كبار
وجسم به تضاريس وساقين زي طفاية قاعة الصداقة
شوف ليك حاجة علي قدر قروشك
طيب لو بقيت بين خيرين
احسن تتزوج الارملة وللا المطلقة |
بالله عليك دا بوست يكتبوا زول عنده خمسه جرامgray matter في
| |
|
|
|
|
|
|
|
|
|
Re: احسن ياتها الارملة وللا المطلقة (Re: معاوية الأرباب)
|
Quote: قديما قالو
اذا كنت فقيرا فلا تبالغ في مواصفات زوجتك
يعني ما تتشالق وتقول عائز طول اضافي وشعر كيف وعيون كبار
وجسم به تضاريس وساقين زي طفاية قاعة الصداقة
شوف ليك حاجة علي قدر قروشك
طيب لو بقيت بين خيرين
احسن تتزوج الارملة وللا المطلقة |
بالله عليك دا بوست يكتبو زول عنده خمسه جرامgray matter في فاخورتو ؟؟؟!!!
. قريت الهندسه دي كيف؟؟؟
ولا كنت بتشف من الزملاء
| |
|
|
|
|
|
|
|
|
|
Re: احسن ياتها الارملة وللا المطلقة (Re: ابو جهينة)
|
Quote: أما من ناحية المفاضلة بين أرملة و مطلقة ففي رأيي الأمر سيان ... كلتاهما ترومان حياة جديدة في كنف زوج يبدأ معها صفحة جديدة خالية من نبْش الماضي و المضي قدما نحو حياة و كأنها تتزوج لأول مرة ..
|
ابو جهينة
احي فهمك المتقدم وانت ناقشت لب الموضوع بعيدا عن هرطقة المثقفاتية ومدعي الجندرة
قصدي من البوست بعض الشباب يتجه للزواج من الارامل والمطلقات لقلة دخلهم في المقام الاول
وبعض الارامل والمطلقات ظروفهم المالية جيدة
والزواج يا سيدي يحتاج للتوفيق فبعض الناس تزوج عن قصة حب عاصفة وتتطلقو بعد شهر زواج
وبعضهم تزوج زواج تقليدي ويعيش في سعادة وهناء
وبعضهم تزوج نساء اكبر منهم في السن وعاشو ايضا في سعادة وهناء
وزي ما قالت حبوبتي (اخد بت جارة امك)
| |
|
|
|
|
|
|
|
|
 Re: احسن ياتها الارملة وللا المطلقة (Re: khaleel)
|
*** - جـنـرالات الأنـقاذ بفـضـلو .... أرامـل الـشـهـداء،
*** - تـجار الجـبهة الأسـلامـية بفضـلو... السغنتوووتة،
*** - الشيـوخ والناس العجائز ( لاتقل لـهما اف ) بفـضـلو .... الوناسـة!!!!
| |
|
|
|
|
|
|
|
|
|
Re: احسن ياتها الارملة وللا المطلقة (Re: Elawad Eltayeb)
|
Quote: احسن ياتها الارملة وللا المطلقة
قديما قالو
اذا كنت فقيرا فلا تبالغ في مواصفات زوجتك
يعني ما تتشالق وتقول عائز طول اضافي وشعر كيف وعيون كبار
وجسم به تضاريس وساقين زي طفاية قاعة الصداقة
شوف ليك حاجة علي قدر قروشك
طيب لو بقيت بين خيرين
احسن تتزوج الارملة وللا المطلقة
|
احسن كيلو لحمة ياخليل!!!!!!!!!!!!!!
| |
|
|
|
|
|
|
|
|
|
Re: احسن ياتها الارملة وللا المطلقة (Re: doma)
|
| Quote: التفسير المنطقي الوحيد للموضوع هو خوف الرجل من ان تجري المقارنه بينه وبين الرجل الذي سبقه يبقي النساء الارامل والمطلقات هن بعبع الرجل الغير واثق من مقدرته الجنسيه |
مقدرتة الجنسية ولاّ الانسانية يا دومة؟
بقول كلامى ده لانو المرأة المطلقة ولا الارملة وخاصة لو كانت شابة ومليانة بالحياة
تلقى المجتمع فى حالة كونه رجلا عقيما مدخلة فى كستبانة التفكير العقيم
عندى مادة غزيرة فى مضمونها عن تجارب نساء مطلقات تترواح اعمارهن من 24 الى 55 سنة
القاسم المشترك فى كل الحكايات دى هو النظرة على انها متاحة وقاعدة على الهبشة
تلاتة من النساء اللى تحاورت معاهن كرهن حتى سيرة الجنس
شوفى الضغط النفسى اللى ممكن تتعرض ليهو الواحدة بين كراهيتها لفعل الحياة {الجنس فعل حياة بالنسبة لىّ ولايستحقة الا الذى يؤمن بالحياة}
وبين وضعها دائما فى انها { كلبة وبتهوهو فى سوق الله اكبر}
معليش بكتب بتأثير رسالة جات بالايميل
اشفقت على صاحبها ولكنى استفدت منها فى تدعيم رؤيتى التحليلية
ولولا قباحتها كنت نشرتها هنا!!
----
خليل مالك ياخ ماتخليك فى الهلال احسن؟
| |
|
|
|
|
|
|
|
|
|
Re: احسن ياتها الارملة وللا المطلقة (Re: Ishraga Mustafa)
|
يااشراقه دا خوف يلازم الرجل منذ الازل
المراه ذات التجربه تخيفه لانها تضع رجولته في الميزان
ولذا يريد الختم الذي يؤكد له انها سلعه جديده من الورقه (غشاء البكاره)
اي انها لم تجرب غيره ولن تعرف سبيلا للمقارنه بينه وبين رجل اخر
| |
|
|
|
|
|
|
|
|
|
Re: احسن ياتها الارملة وللا المطلقة (Re: doma)
|
الطب تطور واصبح من السهولة بمكان عمل بكارة {مغشوشة}
يعنى الواحدة اللى الله خلقها من غير بكارة تروح فى حق التقاليد البالية دى
حضرت زمان فيلم ضمن اسبوع الفلم العربى فى فيينا بيعالج نفس الموضوع
وكان الحوار حول مفهوم الشرف
يعنى الراجل اللى بيغش ويخدع ويعمل السبعة وزمتها محروس بسلطة الثقافة اللى صنعها لحمايتو
وعليه يجب تحمل تبعات انو الواحدة مخلوقة بدون الغشاء المسجم ده
او يكون من النوع اللى مابينزف اثناء المعافرة الحيوانية
او تكون فقدتو لاى سبب من الاسباب بما فيهم الرجل نفسه كسبب
لاشىء يؤسس لعلاقة سليمة وانسانية غير الوضوح ومواجهة الذات واحترامها
| |
|
|
|
|
|
|
|
|
|
Re: احسن ياتها الارملة وللا المطلقة (Re: Ishraga Mustafa)
|
والله أنا من زمان بقرا كلامكم ومعجب بيه شديد لانو بتقومو كدا
وتفرتقو لينا فى مفاهيم الرجال(الشرقيين) عن المراه
بالذات فى (السرير)..انا متابع معاكم يا اخواتنا الفضليات
دومه واشراقه مصطفى ..لانو المواضيع دى دايما مسكوت عنه من
قبلكن ..طاقين فيهو الحنك الرجال براهم..الا اللهم من خلال
شخوص الروايات التى تكتب احيانا مثل (بثينه خضر مكى)..
وحقيقة مستوى نقاشكم عالى وموضوعى و(يفكك) المواضيع(المتربسه)
دى باسلوب السهل الممتنع..
يلا واصلو وما تنزعجو أكان اتداخلو(السفهاء) وحاولو يجرو
البوست لعنوانو(السفيه)..فمنكم نتعلم ونستفيد..فنحن خلاص
شبعنا من (تحليل) الرجال لاشيائكم وأشياءنا..وبجرأه متناهيه..
________________________________________
يا وليد بالله خلى العلماء يا خدو راحتهم (اصلك ما ماخد الموضوع جد)
| |
|
|
|
|
|
|
|
|
|
Re: احسن ياتها الارملة وللا المطلقة (Re: Adam Mousa)
|
Quote: بالله عليك دا بوست يكتبو زول عنده خمسه جرامgray matter في فاخورتو ؟؟؟!!!
. قريت الهندسه دي كيف؟؟؟
|
خلي اللذيذ الرايق
الاتنين كويسات وما عندهن عوجة تب
الوصية لهن: حسسن تبعلك لزوجك يجنبك الفشل أو كما قال
شايف هناك هجمة جندريةأعلاه
فقدتي المنطق يا باشمهندسة فمن حق خليل التساؤل ومن حقه علينا أن نحترم السؤال
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
والله ياولدي حيرتني
لكن عشان اقدر اقول ليك ياتو الاحسن ليك الأرملة ولا المطلقة...لازم اعرف الاول...انت مؤهلاتك شنو اساسا؟؟؟؟؟؟؟؟؟؟؟؟؟؟؟
استغفرتك يا مالك روحي....
اخير النمرق
ماما دومة..ازيك
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
Quote:
والله ياولدي حيرتني
لكن عشان اقدر اقول ليك ياتو الاحسن ليك الأرملة ولا المطلقة...لازم اعرف الاول...انت مؤهلاتك شنو اساسا؟؟؟؟؟؟؟؟؟؟؟؟ |
حنين للبلد
رسلي في الماسنقر ايميلك وتعالي الهوت ميل اوريك موهلاتي
اذا بتريدي
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
| Quote: لاشىء يؤسس لعلاقة سليمة وانسانية غير الوضوح ومواجهة الذات واحترامها |
اشراقة الحلوة
عليك الله ما تقدينا ساكت
احسن العزباء وللا الارملة
ما عائز تنظير وجندر والنسما وقدمت ورقة
عندك اجابة جاوبي
ما عندك اجابة فحطي
| |
|
|
|
|
|
|
|
|
|
Re: احسن ياتها الارملة وللا المطلقة (Re: حنين للبلد)
|
Quote: مع انو الاسلام وصي بزواج الابكار
فانهن اندي انفاسا وانتق ارحاما |
وماذا عن نساء النبى الكريم يا خليل؟
ماذا عن السيدة خديجة بنت خويلد عليها السلام؟
ماذا عن النساء المطلقات اللآتى تزوج بهن نبينا عليه الصلاة والسلام؟
| |
|
|
|
|
|
|
|
|
|
Re: احسن ياتها الارملة وللا المطلقة (Re: Ishraga Mustafa)
|
Quote: وماذا عن نساء النبى الكريم يا خليل؟
ماذا عن السيدة خديجة بنت خويلد عليها السلام؟
ماذا عن النساء المطلقات اللآتى تزوج بهن نبينا عليه الصلاة والسلام؟ |
اشراقة
انتي عارضة برة النقارة والله العظيم
شباب كثيرين ما عندهم قروش عشان كدة يتزوجوا المطلقات او الارامل ومافي طريقة
للابكار واهلك الخواجات قالو
beggers cant be chooser
بتعرفي انجليزي وللا اترجم ليك نمساوي
| |
|
|
|
|
|
|
|
|
|
Re: احسن ياتها الارملة وللا المطلقة (Re: Ishraga Mustafa)
|
| Quote: ماذا عن النساء المطلقات اللآتى تزوج بهن نبينا عليه الصلاة والسلام؟ |
أها يا خلى داير تقول ما عارف زينب بنت جحش دى كانت طليقة منو
ولا نسيت الارامل اللائى استشهد ازاوجهن فى غزوة احد..
وسوده وحفصه ديل بعدين تقبل منهن وين..؟؟
يا خلى الموضوع ده جد ..وزى ما قالت اشراقه احسن تشوف ناس (قسطنطين)
والهلال ..ديل ببهدلوك..وبطريقه معقوله...لكن غايتو كان جوك ..صبرى الشريف
البوست ده حتشوفو رهاب رهاب..
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
Quote: وماذا عن نساء النبى الكريم يا خليل؟
ماذا عن السيدة خديجة بنت خويلد عليها السلام؟
ماذا عن النساء المطلقات اللآتى تزوج بهن نبينا عليه الصلاة والسلام؟ |
اشراقة
الاسلام لم يقل لا تتزوجو الارامل والمطلقات ولكن ال(advantage) للابكار
حتي في الجنة الحور العين ابكار ابكار
لكن في ناس ما عندهم حق الكوافير ولا التصوير ولا الزفاف
عشان كدة اي واحدة فيهم بشوف ليهو عزباء واتلم عليها
وقع ليك ولا اعيدو ليك
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
| Quote: خلاص امشي (اردحي ) في بوست تاني |
أنا ما قلت ليك يا خلى ..الموضوع بقى جد جد..
أركز وأرجى الراجيك (فحطى) و(أردحى) دى ما بتحلك
اخير ليك تفحط انت وتمشى تردح مع ناس الكوره
وقسطنطين واليوم الحار والذى منو..
حكمةاليوم:يحلها الشربكها
__________________________________________
يا خلى فحط فحط...
| |
|
|
|
|
|
|
|
|
|
Re: احسن ياتها الارملة وللا المطلقة (Re: Adam Mousa)
|
Quote: أنا ما قلت ليك يا خلى ..الموضوع بقى جد جد..
أركز وأرجى الراجيك (فحطى) و(أردحى) دى ما بتحلك
اخير ليك تفحط انت وتمشى تردح مع ناس الكوره
وقسطنطين واليوم الحار والذى منو..
|
ادم موسي الفردة
علي الطلاق ما امشي
عائز زول اجاوب احسن المطلقة وليه
ام الارملة وليه
لا اعتقد ان هناك اجابة نموذجية
عشان كدة هم المشوا
وخالك خليل واقف لا يتزحزح
مشتاقين
| |
|
|
|
|
|
|
|
|
|
Re: احسن ياتها الارملة وللا المطلقة (Re: حنين للبلد)
|
صديقي المهندس خليل يا سادتي
عقل جدلي
وثير بروح بوستاته تلك مواضيع من صلب الواقع
وكون توصف امراة بالارملة او مطلقة فليس هذه سبة او نقص منها بل انه وصف مربوط بحالة او وضع شات الظروف ان تكون فيها
وكما هنالك امرة ارملة او مطلقة او عانس فهنالك ايضا رجل مطلق او ارمل ان جازت التسمية او صحت...
اتمني ان لايتوتر هذا البوست وبنتاوله بعيدا عن احتقان او اثارة غبار كثيف ...
ولو اصلا هنالك علي ارض الواقع تناول لامور الزواج من النساء بهذه الزاوية او في العقل السوداني فهذا المنبر به الكثيرين من الذين يستطيعون رفد
هذا الامر بحديث يليق بظاهرة اجتماعية اذا اقتنعنا جميعا بوجودها...وكل ذلك سيكون طبعا تحت مظلة الاحترام المتبادل والتقدير العالي لدور المراة او الرجل في هذه الدنيا...
فالعقل الشرقي يا سادة ملي بالمسكوت عنه في وعيه الاجتماعي والثقافي ولكل انواع وعيه...ومجرد قمع النقاش في هذا الامر كونه لايليق يهزم فكرة
تفكيك الاشياء التي هي في ارض الواقعة جاثمة دون غلاط او مكابرة...
خلي خليك دوما خليل وخليك احسن مننا احسن ناس الكركبة ديل وواصل يا وريف تناول موضوعوك بنفس روحك الطيبة التي عهدنها فيها..
مع المطالبة بحضور الخالة دومة بكامل شنكارتها وكدارتها المسمة في دفاعها الراقي عن النساء
وايضا نتعشم في بقاء اشراقة كجندرية ومهتمة بهذه الامور المهمة حقا في الوعي الذكوري او كما يقولون
وقد يكون في الوعي النسائي احيانا والله اعلم....
وبعيدا عن الذين يصطادون في المياه العكرة واصل يا خلي ولا يهزك ريح الصبا.. وكع
| |
|
|
|
|
|
|
|
|
|
Re: احسن ياتها الارملة وللا المطلقة (Re: عبدالكريم الامين احمد)
|
Quote: تفكيك الاشياء التي هي في ارض الواقعة جاثمة دون غلاط او مكابرة...
خلي خليك دوما خليل وخليك احسن مننا احسن ناس الكركبة ديل وواصل يا وريف تناول موضوعوك بنفس روحك الطيبة التي عهدنها فيها..
مع المطالبة بحضور الخالة دومة بكامل شنكارتها وكدارتها المسمة في دفاعها الراقي عن النساء
وايضا نتعشم في بقاء اشراقة كجندرية ومهتمة بهذه الامور المهمة حقا في الوعي الذكوري او كما يقولون
وقد يكون في الوعي النسائي احيانا والله اعلم....
وبعيدا عن الذين يصطادون في المياه العكرة واصل يا خلي ولا يهزك ريح الصبا.. وكع |
هلا كيكي صاحبي
الذين يصطادون في الماء (حرم) اقدر علي دستة منهم
عثمان النعيم في اتصال هاتفي قال لم يتكلم اي واحد بموضوعية
الموضوع ليس جندر وذكورة
الموضوع مفاضلة ايهما افضل للزواج لشخص (فلسكاب) عزباء ولا ارملة
بس
عائزين المحاسن والمساوي
وما عائز زول يظهر علي حساب(...........)
وكرع يا كيكي
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
| Quote: عثمان النعيم في اتصال هاتفي قال لم يتكلم اي واحد بموضوعي |
ابوعفان خبير ياخي
ونفسي يجي المكان ده يوم واحد بس يقدم محاضرة في تناول الاشياء دي بلغته العالية
عشان ناس خطفن جرن ديل ياااااااامنو ذاااتو
واصل يا وريف وكرع
| |
|
|
|
|
|
|
|
|
|
Re: احسن ياتها الارملة وللا المطلقة (Re: عبدالكريم الامين احمد)
|
ياكرومة ياصديقى ازيك
Quote: وكون توصف امراة بالارملة او مطلقة فليس هذه سبة او نقص منها بل انه وصف مربوط بحالة او وضع شات الظروف ان تكون فيها
وكما هنالك امرة ارملة او مطلقة او عانس فهنالك ايضا رجل مطلق او ارمل ان جازت التسمية او صحت...
|
ياكريم الخلاف مافى التسميات اللى جات من صلب المجتمع وثقافتة وما اظن فى زول قال انو خليل اللى جابها
بعدين عانس دى خت تحتها ختين واقيف فيها الف احمر لانو مفروض نقيف ضد التصنيف ده
يعنى شنو عانس؟ التسمية دى بتختلف من مطلقة وارملة
قاصد البنات اللى ما اتزوجن؟
من ياتو سن بيبدأ {التعنيس} اللى بيعسم الروح ده؟
نحنا بنناقش فى ثقافة بتنتقص من قدر المرأة وبالتالى من قدر الرجل والانسانية
بالوصف اللى طرحو خليل اول صورة جاتنى انو المطلقة والارملة معروضات فى سوق زيهن وزى اى بضاعة
مافى زول قال انو خليل مابيطرح مواضيع بتلامس المجتمع
الاشكال فى كيف نطرحها وكيف نقبل رأى الآخر سوى حافظ كلمتين او تلاتة
ده موضوع داير نقاش وماممكن يتم بالطرد ولا بالنفس الحار وانما بمزيد من قبول الرأى الآخر ايا كان اختلافنا معه
| Quote: اتمني ان لايتوتر هذا البوست وبنتاوله بعيدا عن احتقان او اثارة غبار كثيف ... |
انت فى رأيك موضوع البوست هنا شنو ياكريم؟
Quote: مع المطالبة بحضور الخالة دومة بكامل شنكارتها وكدارتها المسمة في دفاعها الراقي عن النساء
وايضا نتعشم في بقاء اشراقة كجندرية ومهتمة بهذه الامور المهمة حقا في الوعي الذكوري او كما يقولون
وقد يكون في الوعي النسائي احيانا والله اعلم.... |
ماتحته خط لتأكيد ماقلته
-----
بعيدا عن كل ذلك ياخ افقد صاحبنا خليل ده شوفوا مالو
الزول ده مابرااااااهو/ خليل اللى عرفتو زول طيبان ونديان بالطيبة
| |
|
|
|
|
|
|
|
|
|
Re: احسن ياتها الارملة وللا المطلقة (Re: Ishraga Mustafa)
|
Quote:
نحنا بنناقش فى ثقافة بتنتقص من قدر المرأة وبالتالى من قدر الرجل والانسانية |
هلا يا اشراقة وحبابك والله
وكدي نبداء في نفاط الالتقاء في البداية وكلامك الفوووق ده كلام جميل ومفيد لو اصبح هو جوهر الحوار والنقطة التي يمكن ان يصل ليها النقاش هنا
لو الناس اعطت النقاش في صلب الموضوع اجنحة التحليق بعيدا عن قمع التناول بالكروت الحمراء الجاهزة التعليب بدعاوي انا هذا الامر لايجوز ان يتحدث فيه علي الاطلاق....
يا اشراقة كلمات مثل عانس او اعذب ثم مطلقة او ارملة هي ليست من اختراعاتي بالتاكيد بل هي اوصاف شيئنا ام ابينا متواجدة في واقعنا ويتناولها الناس
ومنحني الوعي الانساني هو من يحقنها بالمعاني السالبة او الايجابية...وان تم تناولها بوعي عالي وافق متسع يمكن ان تفرق من كل الشحنات التي تطل كحالة سلبية ....ولكن الوعي ده يا اششراقة ما بجي الا بمناقشة هذه الاشياء بمسمياتها التي يفهما الجميع وحتي لا تظل حبسية الوعي السري للذكور او الاناث.....
قد يكون القالب الذي طرح به خليل الموضوع وطن احتقان من الذين لا يعرفون استايل خليل في طرح المواضيع هنا ولكن حتي هذه الجزئية لايمكن ان تكون جدار سميك يعوق الحديث عن هذا الامر دون قمعه او حظره لمجرد انه طرح به قصور...
لمن اشرت ليك يا اشراقة ولي دوما اعتمدت علي بدايات البوست والفائدة الممكن ان تعم وتساهم في ازاحة الغبار الذي يلازم هذه المفردات في الوعي
بتاعتنا بدرجاته المختلفة ولسع عشمان انو الناس ممكن تتناول الموضوع ده تنميط او توتر كونه امر واقع وشي في حيانتا يتعامل به الكثيرين
والعيب فينا ان تملكنا ادوات الوعي والاستنارة...وقعدنا نتغتغت ونشد ونجذب ونقول ده ما تتكلمو في هذه الاشياء...
فدي فرصة يا اشراقة وطبق من ذهب ويقدم دفوعات تزيح مثل هذا الفعل من اعين كثيرة
ولكن بواحد +1=2
بعيدا عن الاحتقان السلبي...
| |
|
|
|
|
|
|
|
|
|
Re: احسن ياتها الارملة وللا المطلقة (Re: عبدالكريم الامين احمد)
|
| Quote: يا اشراقة كلمات مثل عانس او اعذب ثم مطلقة او ارملة هي ليست من اختراعاتي بالتاكيد بل هي اوصاف شيئنا ام ابينا متواجدة في واقعنا ويتناولها الناس |
صاح ياكريم مافى زول قال غير كدى لكن بتوقع انو الناس المالكة مفاتيح الوعى يكون عندها قول تانى
ممكن استخدام {عانس} بين قوسين وفيها اشرة لتحفظنا حول استخدامها- هى موجودة داخل نسق ثقافى هو اللى انتجها
{العوانس} و {قطر} الحياة ياعواطف ادريس: الحقينى بموية
لكل زول فينا ليهو استايلو ياكريم ومادى المرة الاولى اللى اتداخل فيها مع خليل وتعكير الجو دة بيجى باسبابة وبيساهم فيها المرسل والمتلقى او التشويش اللى بيحصل من خلال الرسالة المرسلة..
مداخلاتى هنا وزى ماقلت لخليل فى مداخلتى الاخيرة جاء نتيجة لاهتمامى بالامر ده كواقع انسانى ولى فيهو دروب
بس كمان مفروض يكون النفس هادىء شوية
يعنى {ردحى} اللى استخدمها خليل مافى محلها
مع تأكيد انو تناول مواضيع زى دى مابيشترطها المؤهل الاكاديمى وفقا لسؤال اختنا حنين اللى خلى خليل يرد الرد ده
المهم الحوار عشان يمشى بيحتاج لطولة بال ومن الناحية دى عارفنى سلبة وصبورة خاصة لمن يكون الموضوع متعلق بجمرة واطياها
وقع ليك رأى
تمسى طيب ياصديقى
| |
|
|
|
|
|
|
|
|
|
Re: احسن ياتها الارملة وللا المطلقة (Re: Ishraga Mustafa)
|
| Quote: لمهم الحوار عشان يمشى بيحتاج لطولة بال ومن الناحية دى عارفنى سلبة وصبورة خاصة لمن يكون الموضوع متعلق بجمرة واطياها |
هلا يا اشراقة
وفعلا يا اشراقة العندو رسالة وفهم وداير يساهم في توصيلها فيمكنه تذويب كل الاشياء السلبية وان وجدت من اجلها
وكدي انتي ياكي اشراقة البعرفها...
وكدي خلينا من الردحي بتاع خليل وبتاعي انا ذاااتي وخشي لينا في الموضوع وانا لناطرون
| |
|
|
|
|
|
|
|
|
|
Re: احسن ياتها الارملة وللا المطلقة (Re: Ishraga Mustafa)
|
سلام للجميع
كدى فجو لى ادخل معاكم
النظرة للزواج كمشروع تجارى يحدد حجمة
حسب راس المال اول ابواب فشلة
ودى بتشمل المراة والرجل لانو زى ما فى رجال بفتكروا
المراة سلعة فى نساء بفتكروا الرجل سلعة بمنظور
انة فرصة دهبية
اما عن التخيير بين المطلقة والارملة والمطلق والارمل
فهى تاتى من منطق من خاض تجربة زواج سابق
كان هو سبب فشلة ام الطرف الاخر ولا يفشل اى زواج
فى نظرى من طرف واحد واحيانا هو ليس فشل بل
عدم قدرة على تحمل الاخر او عدم توافق او اى كان
المهم ان الشخص الذى خاض التجربة يختلف فى احكامة
وبالتاى هو زواج يجب ان يكون دافعة الاساسى الحب
الذى يساعد على تخطى اى تجربة سابقة حتى الارملة
كانت لها مشاكلها بالتاكيدوكذا الارمل
| |
|
|
|
|
|
|
|
|
|
Re: احسن ياتها الارملة وللا المطلقة (Re: حنين للبلد)
|
كتب ملاسى
( الأسلوب الذي تكتب به دومة أسلوب متوازن؛ بينما الذي تكتب به اشراقة منفر. )
كلام والله
_______________________________
يا خليل قبل شوية كنت بتكلم مع زول دفعة قال لى والله انا سودانيز دى بخشها
عشان اقرأ خرمجة ود القرود و اضحك
قلت لى المعروضات مطلقة و الا ارمله
طيب موديل كم؟؟؟
عشان نوريك الاحسن ياتها
انا غايتو بعرف واحده موديل 2001 تنفع؟؟!!
| |
|
|
|
|
|
|
|
|
 Re: احسن ياتها الارملة وللا المطلقة (Re: Siham Elmugammar)
|
| Quote: احسن تتزوج الارملة وللا المطلقة |
الاحسنية بتختلف من راجل لاخر...لان ليس هناك قواعد مقارنة او مقايس تفضيل ثابتة بين الاثنتين...كذلك ملابسات الترمل قد ترجح كفة واحدة علي أخري..مثلآ :أرملة من مات بالأيدز تحتلف عن أرملة من مات بالملاريا..
وارملة قاتلة زوجها ليس كارملة من قتل غيرهاالزوج.
وكذلك ملابسات الطلاق تختلف....فمثلآ من طلقها زوجها ليس كمن خلعت الزوج...ومن طلقت بسبب خيانتها تختلف عن من طلقت لخيانة زوجها...والامثلة كثيرة
المهم
الاسباب التي تجعل هذه أحسن من تلك شخصية جدآ....لان من يقول الناس انه الاحسن قد لا تنفع معك....ومن تراها ست الخلق والاخلاق يراه الغير قنبلة موقوتة.
حكمة اليوم
ليس الطلاق عيبآ ولا الترمل
| |
|
|
|
|
|
|
|
|
|
Re: احسن ياتها الارملة وللا المطلقة (Re: PLAYER)
|
Quote: الاحسنية بتختلف من راجل لاخر...لان ليس هناك قواعد مقارنة او مقايس تفضيل ثابتة بين الاثنتين...كذلك ملابسات الترمل قد ترجح كفة واحدة علي أخري..مثلآ :أرملة من مات بالأيدز تحتلف عن أرملة من مات بالملاريا..
وارملة قاتلة زوجها ليس كارملة من قتل غيرهاالزوج.
وكذلك ملابسات الطلاق تختلف....فمثلآ من طلقها زوجها ليس كمن خلعت الزوج...ومن طلقت بسبب خيانتها تختلف عن من طلقت لخيانة زوجها...والامثلة كثيرة
المهم
الاسباب التي تجعل هذه أحسن من تلك شخصية جدآ....لان من يقول الناس انه الاحسن قد لا تنفع معك....ومن تراها ست الخلق والاخلاق يراه الغير قنبلة موقوتة.
حكمة اليوم
|
player
ياخ والله انت الفيهم وناقشت لب الموضوع بموضوعية بعيدا عن الاستعراض
والظهور علي حسابي
اشكرك اطنان
| |
|
|
|
|
|
|
|
|
|
Re: احسن ياتها الارملة وللا المطلقة (Re: حنين للبلد)
|
Quote: التعديل لاضافة التالي
لامعرفة لي بك ولا رغبة لي في اي مهاترة معك...رجاء توسم الاحترام في تعاملك معي... |
انتي
بداتي ايه دخل موهلاتي في الموضوع
ارملة وللا مطلقة
ليه الشخصنة
بعدين وين عدم الاحترام هنا اي واحدة حفظت ليها كلمتين عائزة تجي تقدنا بيهم
البوست لو غير موفق ما تجي ياخ
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
في ناس خياراتهم إنو الواجد يطلع من بيت أبوه ويقاتل يا هجرة يا إغتراب يا شغل خلا يا يكسَر الحجر و(يكَون نفسه) ويجي يعرس البت الدايرها (سمحة شينة أرملة مطلقة بكرة)
وفي ناس تانيين خياراتهم ينوموا للضحي ويجروا العنقريب من ضل لضل ويسخنوا ليهم الشاية كم مرة ويصحوا كدا علي الكوتشينة وجيب سفة ويعاكسوا بنات الحلة والشمارات الحارة
إنت إخترت يا تو واحد في ديل؟؟؟
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
كتبت خالتى دوما
Quote:
يااشراقه دا خوف يلازم الرجل منذ الازل
المراه ذات التجربه تخيفه لانها تضع رجولته في الميزان
ولذا يريد الختم الذي يؤكد له انها سلعه جديده من الورقه (غشاء البكاره)
اي انها لم تجرب غيره ولن تعرف سبيلا للمقارنه بينه وبين رجل اخر
|
دا كلام منطقى لا يصدر الا من زوله زى دمه أحب دينك زاتو يا حبوبه
حسين ملاسى ياخى والله ظلمتا اشراقه أبدا ماكان إسلوب كتابتا منفر ولاحيكون
خليل دا ياجماعه سأل سؤال الداير يجاوبو يجاوبو الماداير يجاوبو يلحس اصابعينو ويمصمص خشمو والبوستات على قفا من يشيل
يا خليل حنين دى من أجمل الناس فى البورد دا عليك الله ماتحتد معاها
حنين خلى روحك رياضيه ياخ
ماتخليك زوله سينسيتف بين قوسين مادير معاك اى كلام والله داير اطرشق من الزعل
| |
|
|
|
|
|
|
|
|
|
Re: احسن ياتها الارملة وللا المطلقة (Re: WAD ELGAALI#4)
|
Quote: خليل دا ياجماعه سأل سؤال الداير يجاوبو يجاوبو الماداير يجاوبو يلحس اصابعينو ويمصمص خشمو والبوستات على قفا من يشيل
يا خليل حنين دى من أجمل الناس فى البورد دا عليك الله ماتحتد معاها
|
وليد
عارف مافي زول جاوب السوال كلهم لفو ودورو وكتبو كلام كبار والموضوع ما بستاهل قدر دها
ارملة عشان كدة وكدة ومطلقة عشان كدة وكدة
الموضوع انا ما عندي بيهو علاقة (عشان الضبعة متعشية) ولا بموهلاتي
موهلاتي انا زول راعي ساكت
حنين لا عليها ان كان مسها منا بعض من لمم
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
الاخ خليل سلامات
الزواج قسمه ونصيب
سواء كان لارملة ام مطلقة او بكر
اعرف شباب جيدا تزوجوا ولاول مره من مطلقة ا وبعضهم من ارملة
الحالتين واقع حقيقى يعلم الله
وتحت استنكار الكثير ومنهم اهلهم .. لكن بقناعتهم واصلوا فى المسير
وبحمد الله نجحوا فى زيجاتهم والحمد لله
نجى لسؤالك
الارملة نالت نصيبها الكاتبوا ليها الله فى الدنيا ..
وهو ان يتوفى زوجها وتصبح فى نظر المجتمع ارملة
وتتحمل مسؤليتها وتواجه المصاعب رغم الحزن الدفين
لانه فراق شريك حياتك شىء ما ساهل للطرفين..
احيانا تكون كبيرة فى السن او متوسطه وام لاطفال او عروس ولم تنجب بعد
المجتمع لا ينفر من مثلها لانه الموت حق علينا
لا ذنب لها فى رحيل زوجها بارادة الله
ومثل ما ذكر احد الاخوان ان كانت الحالة عادية اى الارملة لم تتسبب فى وفاة زوجها
وانا اعتقد حسب سؤالك انك بتستفسر عن الحالات العاديه فى مجتمعنا..
لذلك مداخلتى هذة على الحلاات العاديه فى المجتمع من ارملة او مطلقة ..
والمطلقة لها اسبابها ايضا كما ذكر احد الاخوان اعلاه
ابغض الحلال عند الله الطلاق
لكن حينما يصل الشريكين لطريق مسدود بغض النظر من هو الغلطان
ووصل الامر للطلاق
حينها يجب عليك التأنى .. لعدة اسباب
لا تخوض تجربة قبل دراستها
ربما اسباب الطلاق مشاكل عائلية
اختلاف فى الرأى و.. و الخ
يجب ان تتريث وتتزوج بعد دراسة حالة سبب الطلاق
لكى لا تقع فى نفس المأزق
وربما تكون هى المجنى عليها
وفى هذة الحالة تكون انت طوق نجاة لتلك المسكينة من نظرة المجتمع لها
والظلم والمعاناة الواجهتها فى بداية حياتها
واى انسان بحلم بالزواج ما بخت فى بالو على الاطلاق اى مشاكل تصل به للانفصال
اما نظرتك للاتنين من ناحية مادية اقول ليك بكل صراحة لم توفق ابدا
لانه فى الكثير جدا تزوجوا بالقليل ومن ابكار
وفى الكثير جدا تزوجوا مطلقات وبدعوا فى كرنفالات الفرح ليغطى الزوج او الزوجة على انه تزوج مطلقة
او هى كى تثبت للكثير انها الان فى قمة سعادتها وعملت فرح اكبر من الاول
ودى حا لات كتيره موجوده فى مجتمعنا اليوم...
..
سؤال هل لو صديقك مفلس مثلا بترشده ان يتزوج مطلقة مثلا لكى لا يتحمل نفقات الفرح ؟
هل تضمن له ان ينجح فى زواجه ..ربما يتورط اكثر بانجاب طفل ويقع فى مشاكل اكبر لانه اصبح الان رب اسرة
بالاضافة لحالة الفلس وفى نفس الوقت عدم اتفاق..
يعنى تأزم الوضع اكثر بوجود طفل لى ذنب له ..
لا توجد اخى خليل مقارنه فى طرحك هذا ولا علاقة له بالماده على الاطلاق
هذا من وجهة نظرى ..ربما يختلف معى الاخرين
لكم التحية والاحترام
والتوفيق من عند الله تعالى
تحياتى للجميع
اسماء الجنيد/ مسقط
***
عذرا للاطالة
| |
|
|
|
|
|
|
|
|
|
Re: احسن ياتها الارملة وللا المطلقة (Re: حنين للبلد)
|
Quote: بالوصف اللى طرحو خليل اول صورة جاتنى انو المطلقة والارملة معروضات فى سوق زيهن وزى اى بضاعة
مافى زول قال انو خليل مابيطرح مواضيع بتلامس المجتمع
|
اشراقة
معروضات في سوق الله واكبر دها من نسج خيالك انا لم اقل ذلك
انا قلت الشباب اتجه للزواج من الارامل والمطلقات لقلة تكاليف زواجهن
وهسع جاوبي
ارملة ام مطلقة دي الخيارات وما عندنا سوق للعرض
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
Quote:
اشراقة
معروضات في سوق الله واكبر دها من نسج خيالك انا لم اقل ذلك
انا قلت الشباب اتجه للزواج من الارامل والمطلقات لقلة تكاليف زواجهن
|
ياخليل ياخ هدى نفسك شوية عشان نقدر نتفاهم
الاجابة على سؤالك ده مابتكون بى اخنق فطس
ولا بى لا ونعم
بعدين انا قلت
Quote: بالوصف اللى طرحو خليل اول صورة جاتنى انو المطلقة والارملة معروضات فى سوق زيهن وزى اى بضاعة
مافى زول قال انو خليل مابيطرح مواضيع بتلامس المجتمع
|
وهنا لازم اكب ليك اللى حافظاهو
اللى درستو ودرسته فى علوم الاتصال ياخليل
اى رسالة بيرسلها المرسل بيكون عندها هدف والمرسل بيصيغ هدفه بطريقة تصل الى المتلقى اللى بيفككها وفقا للاطار المشترك بينه وبين المرسل
فاذا المرسل ماقدر يوصل رسالته بطريقة يراعى فيها المتلقى بيحصل تشويش
| Quote: انا قلت الشباب اتجه للزواج من الارامل والمطلقات لقلة تكاليف زواجهن |
دى ظاهرة يا خليل ولاّ دراسة؟
لو دراسة ممكن بالله المصدر عشان نعرف الحاصل شنو؟
ولو ظاهرة بيكون برضو فى مؤشرات ليها ممكن تتحفنا بيها
بعدها ممكن تطالبنا بالرد على سؤالك..
ايهما الاحسن المطلقة ولاّ الارملة واضيف من عندى {العانس}
-------
مداخلاتى هنا ناتجة عن اهتمام انسانى بوضع هذه الشريحة من النساء سوى فى السودان او فى المهاجر البعيدة
ملخص لوضعية النساء المطلقات ونظرة المجتمع لهن- فعزرا لو جيبت {ناطة} الساعة والتانية
فالمنبر منبرنا كلنا ومامن الساهل انطرد منو
وبعدين بينا الاحترام ولاشنو يا خليل؟!!
| |
|
|
|
|
|
|
|
|
|
Re: احسن ياتها الارملة وللا المطلقة (Re: khaleel)
|
Quote: ولو ظاهرة بيكون برضو فى مؤشرات ليها ممكن تتحفنا بيها
بعدها ممكن تطالبنا بالرد على سؤالك..
ايهما الاحسن المطلقة ولاّ الارملة واضيف من عندى {العانس |
اشراقة
انا بعرف اكثر من عشرين شاب في السودان تزوجو نساء مطلقات وارامل
عشان هولاء النسوة ظروفهم المعيشية كويسة والشباب مفلسين
اما قصة ظاهرة او دراسة فانا لست متخصصا في هذا المجال
وكثيرات من المطلقات والارامل بقولو نحن عائزين راجل
اجي فقط بملابسه والباقي علينا
لكن تمشي ليك لواحدة ملفهمة بتقرا في مامون حميدة وتقول انا مفلس وعائز اتزوجك
حاتقول ليك (ياي)
بعدين الاحترام بيننا الله يديمو ياخ لم ولن ينقطع
| |
|
|
|
|
|
|
| |
khaleel
Muna Khugali
doma
العوض المسلمي
عواطف ادريس اسماعيل
abuguta
معاوية الأرباب
ابو جهينة
Elawad Eltayeb
Ishraga Mustafa
ASHRAF MUSTAFA
Adam Mousa
ALMURADABI
Hussein Mallasi
ممدوح عثمان
صلاح ليون
عبدالكريم الامين احمد
زينب بدر الدين
Siham Elmugammar
PLAYER
Nasr
WAD ELGAALI#4
د.محمد حسن
عزام حسن فرح
فيس بوك
تويتر
انستقرام
يوتيوب
بنتيريست