|
|
|
 Re: اجمل عشرة اهداف سودانية شاهدتها (Re: khaleel)
|
هلا يا خلي والاهداف كثيرة ياخي ولكن
اجمل الاهداف التي لاتزال بالذاكرة هو هدف الفتي الابنوسي (كومي) في الموردة
باكورد اربعة لساتك من من قوس خط تمنتاشر والكورة مشت هنااااااك جووه الشبكة..
-------------------
منتصر الزاكي الشهير بزيكو برضو جاب قوون ورغم انه في قوون الهلال الا انه عجبني يعلم الله وسر بالي..
كورة معكوسة من الجناح الرايت ليقابلها زيكو بهيد استاندر وضربة موغلة ياخي لتسكن الشبك
وبجيك لباقي الاقوان ولحدي ما اجيك بالله خت لي قوون صبحي في الزمالك في البال
| |
 
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
Quote: منتصر الزاكي الشهير بزيكو برضو جاب قوون ورغم انه في قوون الهلال الا انه عجبني يعلم الله وسر بالي..
كورة معكوسة من الجناح الرايت ليقابلها زيكو بهيد استاندر وضربة موغلة ياخي لتسكن الشبك
وبجيك لباقي الاقوان ولحدي ما اجيك بالله خت لي قوون صبحي في الزمالك في البال |
هلا بالممراح كيكي
والله كنت حا اكتب الاقوان دي بالترتيب
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: منتصر الزاكي الشهير بزيكو برضو جاب قوون ورغم انه في قوون الهلال الا انه عجبني يعلم الله وسر بالي..
|
ايوة يا كيكي
كرة معكوسة بقوة من عبد السلام حميدة طار لها زيكو واحرز هدف لا يصد ولا يرد
ومنها اطلق عليه لقب الكوبرا
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
ياخليل يالذيذ
هدف نميري احمد سعيد في احمد هوبا
ولا ننسى هدف الكوبرا وعييييييييييييك
اها انشاء الله كسبت سياره انا غايتو دقت في العارضه
كسبت قسيمه تذاكر سفر ب2500 لو لقيت لينا ليها زبون
حتى 2000 ما مشكلة داقين فيها حجر دقش طبعا ما شرط السودان اي جهة
مع تحياتي
ابومصطفى
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: هدف نميري احمد سعيد في احمد هوبا
ولا ننسى هدف الكوبرا وعييييييييييييك
|
ابو مصطفي
الصيف جاء ما تستعجل تبيع التذاكر
القون السمح جابو هيثم طمبل في الفريق القومي المالي
حاور كل الدفاع
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
قوون زيكو داك يا ابو خليل خالك كان جوووه الجك..
ودي الكورة الثالثة هلال مريخ احضرها من جووه الاستاد والثلاثة كور المريخ رششششانا فيها
وبعدها قررت ان لا احضر هلال مريخ من جوووه الاستاد..
قوون سامي بتاع مباراة جوبا (قون الثواني)..
وكورة كده الكيشة عاطف القوز جاب فيها قووون والكورة فرتقت
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
| Quote: قوون النقر الشنق فيهو بريمة والذي اتهم فيه المريخاب بريمة بانه بااااع |
على بسودانييزاونلاين , بريمه بااااع
وسودانييزازنلاين التى بالاسفير .. النعام آدم ما يخش فيهو القون داك يا كيكى
..
ياخى بريمه يدخل فيهو قوون شايتو زول جاى من الحج !؟
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: عيسي صباح الخير برضو جاب ليهو قووون تاريخي في كراكير افريقيا دي..
ياخي ده حاور افريقيا كلها
عيسي ده كان محلو الهلال ولكن.. |
ايوة يا كيكي
دا قون جابو في الباترونج الكنغولي والباص من صاحبك سكسك
وعيسي جاري وهم جاريين وراهو
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: قون حضرة يا خليل في المريخ بتاع اعملو حيطة...
ولقدام بالله امسك لينا قطاع الناس الجابو اقوان في هلال -مريخ واختفو بعدها طوالي..
اقجي
ولاعب المريخ اتخيل لي جابو من القضارف |
ايوة اقجي بعد القون داك مشي اللقيط
بعدين انت بتقصد علي عبدالعزيز لاعب السهم القضارف
من ديك وعييك علي راي بشاشا
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
يا سسسلام ياخي يا الضباح
وهو من الكارزمين العجبوني عند الصهيانية مثله مثل بريمة وزيكو وجمال كيغن
وتحت تحت كده فيصل العجب ولكن مش حسع بل زمان عندما كان اخضر العووود وسكسك ثم باكمبا
والاخير ده فشاني لمن ارتدي فنيلة ابو الهل
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
بالمناسبة يا خليل
داير لي سياحة اركلوجية في قوون سكسك في ليفربول (لاني ما شفتو نوهااائئ)
هل كان قون حريف ولاعلي شاكلة اقووان الصهاينة الاستروبيا ديك لوووووول
\(رغم انو سكسك لمن جابو كان في التحريرولكن العرق المريخابي دسسسسسساس )
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
Quote: داير لي سياحة اركلوجية في قوون سكسك في ليفربول (لاني ما شفتو نوهااائئ)
هل كان قون حريف ولاعلي شاكلة اقووان الصهاينة الاستروبيا ديك لوووووول
\(رغم انو سكسك لمن جابو كان في التحريرولكن العرق المريخابي دسسسسسساس ) |
لا لا يا كيكي
اكيد اتلومت
دا قون (رزنامة وموغل في مدارات الدهشة وعمل كركبة في انجلترا كلها)
قون مذهل كان برة خط 18 وسكسك مارس فيهو مهنية وحرفية يحسد عليها
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: معتز مقبول)
|
لا يزال هدف والي الدين في مرمي الاهلي الخرطومي هو الاجمل
روعة هذا الهدف في انه والي وبعد ان تقدم علي الكرة إرتطمت الكرة بجسمه وغيرت مسارها
الا انه استدار بسرعة مذهلة ولعب الكرة باكوورد محرزا احمل الاهداف
الهدف كان يوم في ليلة رأس السنة 1999 أي آخر هدف قبل الالفية الجديدة
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: جلال جبريل)
|
يا الحبيب ماتنسى هدف اسامة الثغر فى حارس الموردة
عوض دوكة فى آآآخر دقيقة
حتى جمهور الهلال قعدو يهتفوا لمن اسامة مسك الكورة
باقى دقيقة اسامة بجيبا..باقى دقيقة اسامة بجيبا
لخ ليك دوكة صاروخ لمن الطاقية حقتو طارت ...
وهو هدف مشهووور ..
يا حليل هلال 87 ياحليلهم .. زمن ..!
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: يا خليل|سلام
قوون الريشه في المريخ (علي الطاير بره الطمنتاشر)
|
يا الله الريشة وزن الريشة
المباراة انتهت واحد واحد
قون المريخ احرزه الزاكي كوستي بباص من كمال عبد الوهاب
وقون الريشة فاول لعبه الدحيش رجعو مدافع المريخ امام خط 18
قابلها الريشة بقذيفة صاموتية
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: لا يزال هدف والي الدين في مرمي الاهلي الخرطومي هو الاجمل
روعة هذا الهدف في انه والي وبعد ان تقدم علي الكرة إرتطمت الكرة بجسمه وغيرت مسارها
الا انه استدار بسرعة مذهلة ولعب الكرة باكوورد محرزا احمل الاهداف
|
طارق المكي وخالد الجبل وجلال جبريل
مافي قون احرزه والي الدين ما حلو
عشان والي الدين اساسا كورتو راقية
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
بوست مكرر من قون زيكو واقجى واقوان والى الدين دى ..
رزق الهبل على المجانين ...
الاهداف الجميلة ماركة مسجلة للثلاثى والى الدين ومهند الطاهر وعبدالحميد السعودى ..
بعدين وين اهداف كاريكا وطايشين من اهدافكم دى ؟
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد محمد المبارك)
|
Quote: قون لمطفي كومي
ما عارفوا مع الفريق القومي ولا مع الهلال
|
يا شفت دا قون جابو كومي في الموردة
فعلا قون جميل
تعرف يا وليد في واحد من اولاد الملازمين اسمو ابو السيد لو بتعرفو لسانو مكعوج (الجن) يعني
بكره كومي ولما يخش الكورة قبل ما يعرف كومي لاعب ول ما لاعب
يقول (تومي تعب) كومي كعب
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد محمد المبارك)
|
Quote: قون لمطفي كومي
ما عارفوا مع الفريق القومي ولا مع الهلال
في راس التمنتاشر ومدي ضهرو للقون
ختاها في صدره ودبل كك في سقف المرمى [/ |
الزول دا من سقط فى الانتخابات بقى ماعجبنى ...
القون دا ذكروا كيكى ..والهدف كان فى المورده ...
الواحد مايجى داخل فى النص ساكت ..يقرا البوست
من اولو ..اذا ارى انو ممكن يضيف ..فليضيف
والا فعليه مطالعة البوست و(ينكشح) بعد داك ..
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: محمد عبدالرحمن)
|
ياخليل والضيوف
مع فتحك للبوست كتبت مداخلة طويلة عريضة
تذكرت اني قلت خلاص تاني ماعايز اتكلم في الكوره
ومسحت كلامي
لكن انت فتحت بوست يعمل كلكله
اها غايتو طابقتني في بعض الاهداف التي توقعتها
بجيك بباقي اهدافي بعدين الفي الذاكره
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
Quote: اها غايتو طابقتني في بعض الاهداف التي توقعتها
بجيك بباقي اهدافي بعدين الفي الذاكره |
يا وليد
وما تنسي لينا هدف النور اسماعيل لاعب الموردة في الزمالك
وقون عصمت الامتداد في الهلال
لما غنو
الكورة في اولا
والعوني قام ازدرا
عصمت شمال حولا
ويا يور اقيف جاك بلا
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد محمد المبارك)
|
هلا يا اقوان وحبابكم يا تيوة..
وشنو يا وليد الشفت ياخي جابت ليها فقع اقووان كمان
حاسب يا سناتور القطر ده فيهو كمساري لووووووول
يا ابو خليل في قوون برضو تاريخي واسطوري من محمد المتوكل في مباراة في الميدان الشرقي ما بين منتخب الجامعة والموردة..
محمد مرة من دائرة السنتر وحاور اثنين وشات وهو رابط الكورة بخيط علي بعد عشرين سم تقريبا من كراعه..
-----------
وايضا وجداننا الكروي رصد قووون تاريخي لنادر اليماني ماعارفو في طب ولا اقتصاد
لكن قون علي الطائر قابل بيهو نادر الكورة المعكوسة من الجناح الرايت ..وصحبك نادر طائر فووووووووق اربعة لساتك فوووق وجدعها في الزاوية هناااااااك
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
قون ايوب لاعب هلال الحصاحيصا فى مرمى مريخ الحصاحيصا من الاهداف النادرة التى
لن ينساها رواد استاد الحصاحيصا اطلاقا ..قذيفة من على بعد خطوات من دائرة السنتر فى
سقف المرمى لم يشاهدها الحارس الا بعد ان ارتدت من الشباك ..هدف كفل لهلال الحصاحيصا
الفوز ببطولة الدورى ..اعتقد ان الحارس كان عبدالله الثعلب والراجل قريبنا وجارنا ..
عندما دخلت الكورة ...استخدم ذكائه وهجم على المدافع الذى يقف امامه متحججا بانه
حجب عنه الرؤية ..
سالت الثعلب اها ان شاء الله بعد الكورة مايكونوا اتلوموا معاك ؟ ..قال لى طابلننا فى
غرفة اللاعبين بالنادى حتى ا لساعة العاشرة ليلا ...الجماهير ظلت مرابطة امام
الغرفة ..وكانت آخر مباراة يعلبها الثعلب فى استاد الحصاحيصا ...
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: محمد عبدالرحمن)
|
Quote: مصطفى النقر
وليد طايشين
صبرى الحاج
اسامه الثغر
الريح كاريكا
والى الدين محمد عبدالله ..
زاهر مركز ..
معتز كبير
سانتو ..
انس النور ... |
يتفوق علي هولاء يا محمد
علي قاقرين
ثم عبد المجيد جعفر هداف دوري الثانية والخرطوم تلاتة والموردة ثم المريخ
ثم منتصر الزاكي
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد محمد المبارك)
|
Quote: يا ابو خليل في قوون برضو تاريخي واسطوري من محمد المتوكل في مباراة في الميدان الشرقي ما بين منتخب الجامعة والموردة..
محمد مرة من دائرة السنتر وحاور اثنين وشات وهو رابط الكورة بخيط علي بعد عشرين سم تقريبا من كراعه..
|
يا الله يا كيكي يا ممراح
محمد متوكل ديل ما اولاد امدرمان
ونكسة الكرة السودانية الان سببها عمق امدرمان من المواهب
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: محمد عبدالرحمن)
|
Quote: دى جــاريـة فـى دمــو
خـلـيـنـا نـوحـد الـجـهـود مـن أجــل تـوثـيـق للـجـمـيـل مــن الإبـداع الـكـروى
|
فكرة صائبة يا عبد الرحمن ولكن ينقصنا التوثيق
هناك اهداف جميلة لعمار خالد وعبده الشيخ واخرون
بس اين نجدها
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: محمد عبدالرحمن)
|
Quote:
مداخلة خليل بخصوص عبدالمجيد جعفر
|
تعرف يا محمد عبد الرحمن عشان انتو مشجعين ونحن لعبنا الكورة عشان كدة
عينا انجض منكم (هههههههههههههههه)
مجيد يلقب بالرجل الخارق منذ دوري الثانية حينما كان يلعب في الصحافة
اي كورة بدخل قون وبالمناسبة هيثم طمبل برضو ممكن يحل رابعا
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: محمد عبدالرحمن)
|
هلا يا محمد
وفي راي مافي افضلية لواحد من الجماعة ديل مع اني تاريخيا منحاز لكورة الريح كاريكا والنقر الا انني قد ارتبهم ليك بالخصائص المشتركة..
1-انس النور واسامة الثغر الشهير بالبلدوزر... ديل بناء جسماني و مصحوبة بحرفنة وسرعة تهديف وقوة عيييين امام المرمي..
ومزيج بورتسوداني كردفاني...ممكن يجيبو قووون في اي لحظة وفي عين اي ثيرد بالك..
2- الراحل والي الدين... صبري الحاج... وليد طاشين..
ديل بقا يا استاذ اصحاب اللمسة الخاطفة والقوون اللاسع وماشاء الله مركبين مكنات ارنب وحرفنة ثم مقدرات عالية في التهديف بالراس والعاب الهواء الراس عند وليد طاشين والعاب الهواء عند الغزال الراحل والي الدين... وصبري الحاج خطاف اقوووان وصديق زوايا
ولو شفت صبري لمح الزاويا فاضية والكورة عندو فانه قووووون..
3-النقر..والريح.. وزاهر مركز ديل بقاالحرفنة التي تمشي علي قدمين وهم امتداد حقيقي للدحيش في الهلال ولمن ينزلو الي خانةالانصايد تاني مافي كلام ةالتبادل مع راس الحربة بكون سلس وممكن يحاورا الدفاع كله بباص والقون بجي في اي زمن بالهد او ششوتة او باي طريقة
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد محمد المبارك)
|
Quote: يا كيكي
ملحت سكسك ياخ |
هلا يا وليد
ابو السكاكيك ملحتو صعبة ياخي وما بقدر عليها..
الرجل حريف ومشوطن كورة رمسمي وشعبي رغم السنين الطويلة والجلكنة الا ان الفرجة في كورة سكسك في دوريات الجالية السودانية وبعض مباريات دوري الجيش كانت متعة فسكسك حريف ومافي كلام والله..
ولكن ناسي الفووق ديل عندي معاهم ذكريات خاصة والكورة عندهم ليها طعم خاص ونكهة عجيبة كده
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
سلام خليل وكيكى وكل المشاركين فى زكريات الكرة السودانية
يا خليل ماتنسى هدف هيثم طمبل(لاعب الهلال انذاك) فى مرمى المنتخب المصرى بالقاهرة فى المباراة التى خسرها المتخب السودانى 6/1 رغم الهزيمة الا ان هدف هيثم كان رائعا.
بالمناسبة هيثم طمبل ايام الهلال وقبل الاحتراف فى جنوب افريقيا كان واحدا من اخطر المهاجمين فى افريقيا.
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
| Quote: 3-النقر..والريح.. وزاهر مركز ديل بقاالحرفنة التي تمشي علي قدمين وهم امتداد حقيقي للدحيش في الهلال ولمن ينزلو الي خانةالانصايد تاني مافي كلام ةالتبادل مع راس الحربة بكون سلس وممكن يحاورا الدفاع كله بباص والقون بجي في اي زمن بالهد او ششوتة او باي طريقة |
كيكي
ان عصام الدحيش وبريش العيلفون ونميري سكر
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
ايوا ياكيكى دا الكلام ....فكفكم فكفكم البلا ...
دى الناس البتعرف الكورة والمفروض الناس تتناقش معاها
مش زى ناس تقول ليهم والى الدين يقولوا ليك عبدالمجيد ..
شفتا ياكيكى ..زاهر مركز دا انا لاعبى من زمن كان فى الحصاحيصا ..
لاعب يجيد التهديف من خارج ال18 ويجيد تنفيذ الكرات الثابته
ويجيد تنفيذ الضربات الركنية ..ويجيد (اجادة تامة ) تنفيذ رمية
التماس ..رمية تماسو ضربه ركنية راسا عديل ...غير كدا لاعب اشول
حريف وذكى ومراوغ ممتاز ...
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: محمد عبدالرحمن)
|
Quote: يا خليل ماتنسى هدف هيثم طمبل(لاعب الهلال انذاك) فى مرمى المنتخب المصرى بالقاهرة فى المباراة التى خسرها المتخب السودانى 6/1 رغم الهزيمة الا ان هدف هيثم كان رائعا.
بالمناسبة هيثم طمبل ايام الهلال وقبل الاحتراف فى جنوب افريقيا كان واحدا من اخطر المهاجمين فى افريقيا. |
ياسر
طبعا انا من عشاق هيثم طمبل
يكفي انه احرز اهدافا في الترجي والنجم الساحلي والفريق القومي المصري
وهداف الدوري الممتاز لسنوات
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: شفتا ياكيكى ..زاهر مركز دا انا لاعبى من زمن كان فى الحصاحيصا ..
لاعب يجيد التهديف من خارج ال18 ويجيد تنفيذ الكرات الثابته
ويجيد تنفيذ الضربات الركنية ..ويجيد (اجادة تامة ) تنفيذ رمية
|
زاهر مركز لاعب محلي
لم يحرز اي هدف خارجي للهلال
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد محمد المبارك)
|
ياخليل
صورة للبروف عبد الرحمن ابراهيم مع عمالقة كرة القدم
من الارشيف الخاص
Quote: وكلام أخــونـا ولـيـد هـجـص ســاكـت
مابـقـدر يـفـوت الـكـورة
دى جــاريـة فـى دمــو |
ياسعادة البروف ضحكت في كلامك ولكن ياخي انتم من ورثتونا مرضت
الكورة وكما تعلم الكرة في بحري لها مذاق خاص
ومتعتها لما تلعبها في امدرمان بالله احكي ليهم عن غزالي لاعب شمبات.
ياخليل
قالو زمان (غزالي ) لما يشوت الكره لو مادخلت قون
كانت بتنزل الدوم من الشجر (وهذا زمن ناس بحري بلعبوا في البلدية) فندق قصر الصداقة حاليا
-------------
بوست يخلي الواحد كل مايذكر سيرة هدف يقول ياسلام ويضحك وكأن الاهداف على الهواء (مباشرة)
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
ياكيكي + وليد
Quote: هلا يا وليد
ابو السكاكيك ملحتو صعبة ياخي وما بقدر عليها..
الرجل حريف ومشوطن كورة رمسمي وشعبي رغم السنين الطويلة والجلكنة الا ان الفرجة في كورة سكسك في دوريات الجالية السودانية وبعض مباريات دوري الجيش كانت متعة فسكسك حريف ومافي كلام والله.. |
تعرفي ياكيكي
ابو السكاسك لما بلعب في التحرير كان المدرب الكبير (سليمان فارس ) لما يضع التشكيله ويوزعها
لما يجي الدور على سكسك يقول يا اسمه العب انت اي حاجه (باللهجه المصرية طبعا)
وكما ذكرت ياكيكي سكسك لعب في تيم القياده العامه في الدورات العسكرية
وكان يدير هذا الفريق العقيد (صديق علي صالح ) والان يعمل في المريخ والمدرب
(سليمان فارس ) وبقيادة سكسك والعمده ودفع الله ونادر عبد الحفيظ
سحره سحره
(ياكيكي جننتنا )
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
هلا يا وليد
والصحيح يا سكسك جننتنا
فاسامة ريحان زول لاعب اسطوري والحديث عن كورته زااتو متعة بالمناسبة
ويبدو ان سكسك ده مباري حكاية الجيش دي من السودان لانه هنا في قطر متعنا ايضا ونحن جالسين القرفصاء في شتاء قطر القارص
تيمهم كان تيم شحمان ومليان ففيه الفتي الابنوسي الطيب الدويم ورياض بتاع الموردة(ولاحظ الناس دي كلها جات البلد بعد ان اصبحو كركعوبات... ولكن كركعوبات السرور يا وليد.. الباص الصاح ...والعلي الطاير واللياقة المية مية)
واجمل الاشياء في صحبة الناس ديل هو الونسة..
ونسة الذكريات ومشاوير ادغال افريقيا وسيرة حامد بريمة وحكاوي عبد المجيد عبدالرازق والمدلك فاروق دينق وعييييييك
سكسك لعاب يا هلالاب
--------------
مرحب ياسر يحي وحبابك ياعم في قطار الذكريات الكروية
ويا محمد عبدالرحمن ابو خليل ده اصلا شاعر غنائي او مدرب كورة علي طريق ناس برهان تية وكلانا
ولكنه ضل الطريق الي الهندسة والدوحة لوووووول
| |
|
|
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
يا جماعة و نحن صغار الناس كانت بتعلق في الصالون و الدكاكين اللقطه بتاعت جكسا العلي الطاير.. الكوره ضربت في العراضة (واضخ انو العراضة ماكانت عديله)
بعدين زمان كان بسكويت جكسا و حلاوه مولد جكسا.... يبدو لي انو اللاعب الوحيد البقي علامه تجارية...
متوكل عبدالسلام...ده كان بيطلع في الكفر....تخصص في سليمان عبدالقادر... بسوقو لرايه الكورنر و يحاوره هناك
أكثر هدف بكاني عديل ...هدف علي عبدالخالق رازق في الهلال.....
بشاره عندو قون في الهلال تاريخي...
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: Mohamad Shamseldin)
|
ياكيكي
| Quote: واما متوكل عبدالسلام فده كمان كووم براااهو وهو مهاجم من النوع البلدوزر وعجيب ياخي |
انت قصدك ( متوكل كشه )هاك صورتو بس ماتجيب لينا سيرتو كتير
عشان مايجينا ناطي من (منطقة مكه المكرمة)
تخيل ياكيكي للان بكامل لياقته ومتعة الله بالصحة والعافية
وللان كفيله نادي الوحدة مكه الذي لعب به من قبل
راجل مرح وللان مواصل رياضتة التي يعشقها
من الطرائف لما يجيناماري زمان (الفنان خضر بشير)
و يضع رجله على الكره ويقول انتو فاكرين متوكل العلموا كرة القدم
ما انا العلمتو .
ان شاء الله في اقرب زياره له سوف ندعه يرى انه مازال الناس تذكره وتحبه
شكرا خليل وكيكي
اجمل هدف
عاطف القوز في الاتحاد البحراوي
المباراه كانت تحدي بين
عبود حارس الاتحاد البحراوي وعاطف القوز
فوالين ملعوبات بطريق واحده
ومن مسافه بعيده
الضربة الاولى تجلى بها عبود وخارجها
الضربه الثانية بالكربون و جابهاعبود من جوه الشبكه
وصدق من قال عاطف القوز حبيبنا (رجله كافره )
وعادة في مباريات النجوم الدوليين ندع له الفاولات
لكي يذكر الناس بمهارته
---------------
ياكيكي بجيك للتعبانين اصدقائي (برهان تيه وعامر كلانا ) وهل لك بهم علاقة عشان ما اغلط
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: وليد عبد اللطيف)
|
| Quote: ياكيكي بجيك للتعبانين اصدقائي (برهان تيه وعامر كلانا ) وهل لك بهم علاقة عشان ما اغلط |
هلا يا وليد
وحباب الباشمهندس محمد شمس الدين ويبدو انو الكورنجية قد تنادو من كل فج عميق وسيطيب الحكي والتحليق في عوالم التيوة وكراكيرها الممتعة..
ويا وليد بالله بلغ عنا الكابتن متوكل عبد السلام حبنا الكبير واشكره بالنيابة عنا عن دوره في صناعة وجداننا الكروي
وتعميق حبنا للهلال والكرة عموما عبره اهدافه التي كانت تضي الليالي في بقاع وفيافي عديدة في هذا السودان وتزرع الفرح والبهجة
--------
وعامر كلانا وبرهان تية ديل اصحاب ابو خليل
ولو عندك نضمي فيهم فعليك باخذ الاذن من ابو خليل شخصيا
والكورة ياخي ليها طعم خاص وفريد ويا محمد شمس الدين لقطة جكسا بتاعة الاربع لساتك فووق دي
كنا بنسميها (عشرة الف متفرج)
لانها وردت لاحقا في احدي الجرائد وكتب تحتها عشرة الف متفرج شهدوا تمارين الهلال اليوم..
واعتقد بانها في مباراة للفريق القومي في اثيوبيا وقد اصيب جكسا عقب تلك اللقطة التاريخية اصابة بالغة
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
Quote: أكثر هدف بكاني عديل ...هدف علي عبدالخالق رازق في الهلال.....
بشاره عندو قون في الهلال تاريخي... |
يا محمد
ما تحرق دمك
بريش العيلفون عندو قون في الهلال
لكن رايك شنو في شبال حسين عبد الحفيظ في المريخ
ول قون عصام سليم في شباك المريخ
واقوان التاج محجوب الاتنين في المريخ
وقون قاقرين في كاس الدهب الفرتق الرياضة في السودان
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: khaleel)
|
الثعلب الماكر ياخي
وجاب قوون في حارس الهلال الشهير ببازي شعبان مخلي خشمنا لحدي يوم الليلة ملح ملح..
والدحيش ده بالمناسبة زول لعاب جدا وحريف حرفنة.. وله استايل يقارب كورة دحدوح ود كوستي الرهيب..
| |
|
|
|
|
|
|
|
|
|
Re: اجمل عشرة اهداف سودانية شاهدتها (Re: عبدالكريم الامين احمد)
|
Quote: وجاب قوون في حارس الهلال الشهير ببازي شعبان مخلي خشمنا لحدي يوم الليلة ملح ملح..
والدحيش ده بالمناسبة زول لعاب جدا وحريف حرفنة.. وله استايل يقارب كورة دحدوح ود كوستي الرهيب.. |
نعم يا كيكي
بهدية من صاجبك منقستو فاز المريخ بهدف العربي الدحيش
| |
|
|
|
|
|
|
|
khaleel
عبدالكريم الامين احمد
محمد حيدر المشرف
keiga2000
خالد الجبل
tarig almakki
جلال جبريل
مزمل خيرى
محمد عبدالرحمن
وليد محمد المبارك
وليد عبد اللطيف
عبدالرحمن إبراهيم محمد
Mohamad Shamseldin
فيس بوك
تويتر
انستقرام
يوتيوب
بنتيريست