|
دعواتكم لزميلنا المفكر د.الباقر العفيف بالشفاء العاجل
|
|
 Re: نساء في ذاكرة المنبر .... التقيتهم بالمحبة (Re: انعام حيمورة)
|
العزيزه انعام سلام
Quote: العوض اخوي ..
شكرا ليك ولحضورك الدائم ..
انت اعمل واحد للرواد اللاقيتهم .. |
حضوري الدائم حبا فيما تكتبين ,, ولانك تكتبين في ما تحسيه من اخوة وصداقه في المنبر ,,,
اما اعمل بوست للرواد فاترك الامر لغيري ,, لان كل من قابلت كان في مقام الصدق والاخاء ,,,
ولا استطيع ان اكتب فيهم شيئا ,,, انتم الرواد فوثقوا لنا الامر بالمنبر ,,,
| |
 
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: SHIBKA)
|
| Quote: في انتظار رائدات المنبر |
بالفعل هن رائدات اضافوا لي الكتير المثير ...
الحقي لاقيني عشان تدخلي القائمة ولا شايفة هالةى حسن اقترحت يضم البوست كل نساء المنبر ...
تعالوا نخلق منه مهرجان ..
وفي النهاية تكريم للمرأة في المنبر وما قدمته من مساهمات ...
| |
|
|
|
|
|
|
|
|
 Re: نساء في ذاكرة المنبر .... التقيتهم بالمحبة (Re: baha eassa)
|
Quote: شكرا انعام لهذا الجمال الذي يلازمك دائما .. ومن ضمن
اروع الناس في المنبر انتي .. وشوفي توثيق لي دة؟ |
بهاء عيسى يا شفيف ..
.
.
بيع جمال واشتري خفة الجمال موجود لكن الخفة صدفة ...
كانت تراهن بها (خالتي) الله يرحمها علىً كلما ذكر الجمال الا وتذكرت قولها هذا ..
| |
|
|
|
|
|
|
|
|
|
إنعام الجميلة (Re: انعام حيمورة)
|
العزيزة إنعام
لا أجد ما أقوله لك في حضرة هذه الشهادة التي أعتز بها كثيرا
ولكن يا صديقتي.... كلٌ بمقدار زيته يضيئ
وأنت تحملين بدواخلك الجمال والحب لكل الناس
| |
|
|
|
|
|
|
|
|
|
Re: إنعام الجميلة (Re: Yassir Bainwi)
|
| Quote: انتو الاتنين ايي واحدة اسمح من التانية |
عارف يا ياسر الزول لما يكون جميل الدواخل بشوف اي زول جميل في نظره ..
خليك معانا وعليك الله نزل لي حكاية البت الصارت وردة ..
تعال نرمز بيها لجمال نساء المنبر ..
| |
|
|
|
|
|
|
|
|
 Re: اشراقة الجميلة (Re: Ishraga Haimoura)
|
Quote: العزيزة إنعام
لا أجد ما أقوله لك في حضرة هذه الشهادة التي أعتز بها كثيرا
ولكن يا صديقتي.... كلٌ بمقدار زيته يضيئ
وأنت تحملين بدواخلك الجمال والحب لكل الناس |
ونلتي شرف اول توثيق ..
والجمال والحب في بلادي
مودة خاصة يا تاتا ..
| |
|
|
|
|
|
|
|
|
|
السمؤال (Re: السمؤال بدرالدين)
|
| Quote: الله يخليكم لي بعض |
السمؤال ...
وتشاركني حب الكتير من الاخوات هنا ..
وحقيقة انت اخو اخوات ..
تابع معاي ..
والما عزمناه (الواحة) سوا يشيل شيلته .. صاح !!
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: انعام حيمورة)
|
أشراقة حيمورة من المؤسسين لجميعة شباب حيمورة منذ نشأتها ..
تفضل أغاني الحقيبة وتحفظها عن ظهر قلب ...
وفنانها المفضل .. مصطفى سيد احمد
لها كتابات شعرية واساهمات ثقافية ثرة ..
تعشق العمل الطوعي وعمل الخير .. كان لها باع طويل جدا في انجاح حملة الامل العام لغادة نوري ..
كان لها افكار مبدعة للحملة وصلت للدرجة يوم وقفتني في نص الشارع .. كان في عربية (همر) واقفة ..
قالت لي دقيقة .. وبسرعة البرق .. وضعت على زجاج الهمر ( ملف فيه كل اوراق غادة نوري مع خطاب من الحملة للدعم ) وقالت لي امكن تجي
منه فائدة ؟؟!! لم تهتم بمن في الشارع .. كان تفكيرها محصور بس في كيف نصنع الفرحة لي غادة ..
كانت أمين الخزنة للحملة ..
وهي مسئولة جدا وقوية في كتير من المواقف التي توضع فيها ..
.
.
يعيشون هي وسلمى حبيبتها حياة حلوة وصداقة ومحبة تجمعهما .. عندما كانت تقيم بالامارات العربية وسلمى على اعتاب الثانوي ...
فضلت ان تنهي عقدها بالشركة التي تعمل بها لاجل سلمى لتكون معها بجابنها في سنتها الاخيرة وبالفعل فلقدج احرزت سلمى مجموع وكانت ضمت العشرة الاوائل
ربنا يخليهم لي بعض ..
الى الامام دوما اشراقة ..
| |
|
|
|
|
|
|
|
|
|
نساء في ذاكرة المنبر .... التقيتهم بالمحبة - الشخصية الثانية - منى خوجلي (Re: انعام حيمورة)
|
عندما كنت قارئة بالمنبر .. كنت اقرأ كتاباتها ...
وكل ما أقرأ لها احس بقرب منها خاصة والاحداث التي تذكرها قريبة مني بحكم المكان ...
صاحبة اشهر بوست (لحظة من فضلك) ... وهو عبارة عن موسوعة تجد فيه كل ما تصبو اليه ..
Muna Khugali
راسلتها بالمسنجر الداخلي ...
وكم شهر كدة ، اتصلت بي اشراقة حيمورة .. بتعرفي مني خوجلي ودون تردد قلت ليها ايوة قالت لي جات الخرطوم وبتسأل منك ..
وادتني تلفونها .. واليوم التاني وكان (جمعة) نسقنا انا واشراقة نمشي ليها ..
ومشينا...
وكعادة البورداب سلام وعناق كأننا نعرف بعض من سنين ..
واتونسنا وضحكنا..
وحوانا بي كرم فياض جدا في كل شي في المشاعر والكرم الحاتمي و.. و ..
يوم اذكره كانه حدث اليوم ...
لقينا معاهم شاهين شاهين واحمد القاسم .. ومن خلالهم اكتشفا العلاقة القوية التي تربطنا بعضو البورد احمد القاسم واسرته ومنها جاء بوستي الاول .. عم علي سيد اللبن ..
منى خوجلي .. لم ينقطع بيننا التواصل يوما .. بكل سبله المتاحة ..
لها مواقفها المشرفة والمشرفة جدا في هذا الاسفير ..
منى خوجلي .. انسانة بمعني ما تحمل هذه الكلمة من معاني .. تعمل في صمت .. ولا تحب احدا يتكلم عن هذا الجانب فيها ..
ارتبط في ذاكرتي بهذه الصورة ..
ونواصل ..
| |
|
|
|
|
|
|
|
|
|
التقيتهم بالمحبة .. منى خوجلي (Re: انعام حيمورة)
|
منى خوجلي ..
درست آداب علم اجتماع وحازت على ماجستير في القوانين الدولية وحقوق الانسان ..
وهي ناشطة في مجال حقوق الانسان وتخصصت في حقوق المرأة ..
تقوم باعداد المؤتمرات وورشات العمل التي تنادي بحقوق المرأة ..
منى .. انسانة لها مقدرة على حب الناس وجمعهم على هذا الحب ولم شملهم بكل حنان ووداعة ..
منى .. لها حب للانسان السوداني بشكل خاص وله مكانة كبيرة في نفسها ..
| |
|
|
|
|
|
|
|
|
|
أصحابي الحلوين (Re: انعام حيمورة)
|
الأخ الكريم
السموأل بدر الدين
| Quote: اشراقة ممكن توريني سر الابتسامة الدائمة ؟ |
سرها إني عرفت ناس بجمالكم وعلو إنسانيتكم
Ditto خالد العبيد .................... صاحبي وزوج صاحبتي وأبو أصحابي
Ditto القردابي ..................... صاحبي وصاحب سلمى بنتي
Ditto العوض المسلمي ........... صاحب كل الناس
Ditto دي بمناسبة إني شغالة في شركة هندسية... والله الكلمة دي كرهتني عديل كدا.......
| |
|
|
|
|
|
|
|
|
|
Re: أصحابي الحلوين (Re: Ishraga Haimoura)
|
Quote: القردابي ..................... صاحبي وصاحب سلمى بنتي
|
الجمعة الماضيه كنت مع القرضابي الزول السمح الاصيل
ومن خلال ضحكته التي تنبع من القلب قال انه عايز يتعرف
علي فنظرت له مستغرب فقال والله دي وصيه و الوصيه امانة
تحياتي لك اشراقة حيمورة
و الاسره الكريمه
اها يا اخت الخير
التالت مشترك
أ.ح
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: انعام حيمورة)
|
التحية الى كل آل حيمورة من والى00
حقيقى ان الاخت الكريمة جدا اشراقة
غير تفوقها أكاديميا أشهد لهاشخصيا
أنها تفوق أندادها حفظا للتراث الجميل
( أغانى الحقيبة ) بى تميز فريد
لها منى كل الود والاحترام
وهذا البوست بأكمله يعنى تكريم لكم ايها
المحترمات ،، شكرا انعام الوفية ، الكريمة
الحبوبة ،، الهميمة وتحياتى ،،،
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: rosemen osman)
|
| Quote: بفرح شديد لما الاقى ناس جواها نظيف ومليان محبة للآخرين |
روزمين عثمان ..
وانا كمان بفرح شديد لما الاقيكم والقى فيكم كل هذا الجمال .. كل واحدة فيكم جمالها بختلف من التانية .. ولكن في الاخير نجتمع على المحبة الصادقة ...
فرحانة اني لاقيتك
اقيفي في الصف بس جاياك ّّ(هههه)
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: انعام حيمورة)
|
سلامات يا إنعام
للصديقة العزيزة إشراقة حيمورة كل التحية
________
اكتشفت متأخر جدا بإنها جارتي كمان :)
في موقف مضحك, طلعت من البيت وقدام شارع الزلط إتصلت أسألها عن البيت علشان أركب أجيها
لقيتها بتقول لي انت واقفة قدام الصيدلية مش؟!! تعالي تعالي أقطعي الشارع :))
| |
|
|
|
|
|
|
|
|
|
Re: التقيتهم بالمحبة .. انعام عبد الحفيظ (Re: انعام حيمورة)
|
اشهد لكل آل حيمورة بمنتهى الإنسانية والمحبة للعمل الخيري
حفظكم الله ورعاكم آل حيمورة .
اشراقة زولة التقيتها لاول مرة في اجازتي الاخيرة بقندهار
حقيقي أحسست أن بينا حديث طويل لم ينتهي التحية والمحبة
لكل اولاد وآل حيمورة .
.................................................حجر.
| |
|
|
|
|
|
|
|
|
 Re: التقيتهم بالمحبة .. انعام عبد الحفيظ (Re: ALGARADABI)
|
Quote: انعام عبد الحفيظ
نعيم الدنيا
ونعيم هنانا
لما تلاقيها تحس انك بتعرفا منذ الأزل
الله يسعدا ويهنيها
وتنفتح عليها شقيش ما تقبل
ونهديها عافية حسن:
يا حنين زي عش العصفور
معروش بالنور
كلو محبة
يا الشلتا حلاة كل الحلوين
ما سبتا وراك زول يتحبا
يا
يا حنين |
وانا معااك يالقردابى
انعام تستاهل اكتر من كده
نعناعة ياعسل انشاءالله يوم شكرك مايجى ياحبيبة
| |
|
|
|
|
|
|
|
|
|
Re: التقيتهم بالمحبة .. انعام عبد الحفيظ (Re: najma)
|
Quote: نعناعة
ياعسل انشاءالله يوم شكرك مايجى ياحبيبة |
اها هسى نعناعة دي منو فينا ..
نعناعة حيمورة .. حقت منال ؟؟
ولا نعناعة حفيظ .. حقتك ؟؟
حددي ومنتظراك ..
شكرا ليك وجيتك فرحتني واتمنى الاقيك بالمحبة برضو ..
| |
|
|
|
|
|
|
|
|
|
Re: التقيتهم بالمحبة .. انعام عبد الحفيظ (Re: ALGARADABI)
|
Quote: يا حنين زي عش العصفور
معروش بالنور
كلو محبة
يا الشلتا حلاة كل الحلوين
ما سبتا وراك زول يتحبا
يا
يا حنين |
القرضابي ..
كل مرة ملخبتنا .. بس قوية منك ..
وكمان بأمر د. بيان الاغنية دي مسجلة لانعام 1 وحقوق الملكية محفوظة ..
انعام 2 تستاهل اكتر من كدة بكتيييير
| |
|
|
|
|
|
|
|
|
 Re: التقيتهم بالمحبة .. انعام عبد الحفيظ (Re: انعام حيمورة)
|
يفرح الانسان فينا جداً عندما يجد ان هنالك من يحبه من الناس
عظيمة هي فكرة المحبة وعظيمون هم من يعتقدون فيها
فالحب هو محرك الحياة الأساسي ومن غيره تصبح حياتنا بلا معنى
إنعام حيمورة شكري لله كثيراً أن جمعني بك وعرّفني بالإنسان فيك
تدهشينني بقدرتك الفائقة على حب كل الناس أجمعين
ويشغل بالي كثيراً كم هو مرهق هذا الحب الذي تحملين
ربنا يحفظك يا غالية ويديم الحب والإحترام بيننا
وكل عام وأنت الحب في عيد الحب
| |
|
|
|
|
|
|
|
|
|
Re: التقيتهم بالمحبة .. انعام عبد الحفيظ (Re: انعام عبد الحفيظ)
|
Quote: عظيمة هي فكرة المحبة وعظيمون هم من يعتقدون فيها
فالحب هو محرك الحياة الأساسي ومن غيره تصبح حياتنا بلا معنى |
شفتوا جمال البت انعام دي !!
| Quote: ويشغل بالي كثيراً كم هو مرهق هذا الحب الذي تحملين |
انا ذاتي والله !!
لكن !!
المحبة شديدة يااهلنا !!
و
يا جمال دنيانا يا جمالها !!
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: osman righeem)
|
انعام عبدالحفيظ !!!!!
ملاك يمشي علي الارض ,,,
تشعر بانك تعرفها من زمااااااااااان ,, ويكون هذا هو اللقاء الاول ,,,
تشعر بالالفه تجاهها ,,, وتشعر بالنقاء والطهر في سكونها وحركتها ,,,
سعدت بمعرفتها عن قرب ,,, وكانت الافضل مني حيث زارتني في بيتي ,,,,
ولا تترك فرصة لتعبر عن معزتها للجميع ولا تفعل بلا كل ولا ملل ,,,
لو سئل كل عضو عنها لقال انه يسعد بمعرفتها ويتمني التواصل معها ’’’’’
لها مني كل تقدير واحترام ,,
ولبنت حيموره ايات التقدير والود
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: أحمد الشايقي)
|
ما اجملكن جميعا
وما احلى معرفتكن
انتمى الى كل واحدة منكن انتماء يجرى مجرى الدم
رغم المعرفة الاسفيرية
لكنها اجمل واحلى
كنت رفيقة لبنات عوض خوجلى فى زمن اخضر فى القاهرة
وكانت نعم الاخوة الممتدة على بساط الروح
وتعرفت اليكن هنا
كل واحدة تمتلئ انسانية تفيض
فلكن الاخاء
وعليكن الحب غطاء ينسدل ابدا
| |
|
|
|
|
|
|
|
|
|
.... التقيتهم بالمحبة .. منال خوجلي .. (Re: طه كروم)
|
Manal Awad Khugli
لاقيتها يوم مشينا نسلم على منى خوجلي ..
لاقتنا بي حفاوة وكرم فياض ...
وبعد منى سافرت لم تستمر علاقتي بها الا ما ندر ..
فدائما منى كانت توصيني عليها وتقول لي منال اختكم خلوا بالكم منها ..
هي لكترة مشغولياتها ماكان في طريقة الزول يلم فيها ..
منال درست القانون وحازت على ماجستير القانون من جامعة ويست منستر ( لندن ) ..
واشتغلت بالمحاماة في مكتبها بالخرطوم (2)
وعملت بالامم المتحدة بمفوضية شئون اللاجئين في الخرطوم (2) ..
قدمت استقالتها من الامم المتحدة .. حتى تتمكن من متابعة اجراءات البلاغ في قضية ( محمد ناصر ) بالمنبر ..
الان تعمل بالمحاماة ..
مرة مرة كانت هناك بيننا اتصالات ولما يكون في (برنامج) لبورداب الخرطوم بكلمها وبتجي طوالي ..
منى اتصلت بي وقالت لي منال حا تعمل عملية ..
كانت يوم جمعة مشيت حضرت العملية .. ولما وعت كنت قدامها .. قعدت معاها لحدي ما طلعت مشت البيت بعد عدة ساعات ...
وايام .. وعملت حفل ( لنساء المنبر ) في بيتنا .. وما كانت منال الا ان تكون حاضرة برغم ظروفها المرضية..
ومن اللحظة ديك يالسمحة .. ما اتفارقنا ..
وايام .. اتصلت بي لدعوتي لحفل تكريم العملاق وردي ..
اهدتني ميدالية الحفل .. وعملت البوست الشهير منال خوجلي ..
وكونا ثلاثي اصبحنا لا نتفارق ابدا .. انعام حفيظ ومنال ... تستضيفنا في منزلها العامر بحب واريحية وتشعر كانك في بيتك ..
منال خوجلي .. رقيقة .. وديعة جدا .. قلبها كبير .. حساسة لدرجة .. تثق في الكل ..
انسانة بمعني ما تحمل هذه الكلمة ..
شاركتنا حملة وليد درافور ..
وزيارتنا لاطفال المايقوما المتعددة ودار العجزة والمسنين ..
مع مرور الوقت اصبحت صديقة مقربة جدا جدا ..
وبالمحبة التقيتها ....
| |
|
|
|
|
|
|
|
|
|
Re: .... التقيتهم بالمحبة .. منال خوجلي .. (Re: انعام حيمورة)
|
انعام حيمورة
ذلك القامة الشامخة كالابنوس فى عالمنا الجميل وبل هى امرأة تحمل نكهة خاصة من صفات العطارين،ولدت فى هذا الكون من اجل بناء الانسانية فى نفوس اللاانسانين.
احبها كحب الظمأن للماء.
هكذا تغنت انعام من اجل الرياحين ولكن القليل منا من يفهم العواطف الجياشة
ومن هذا المنبر اعلنها صراحة وانا بكامل عقلى مع الرياحين ريثما كانوا لان من دونهم لا نكن ولا نعرف درب الحب والحنان
تحياتى لكل امراة فى عالمنا
ولكن من تتنمى الى مملكة انعام حيمورة
www.zoelyed.yoo7.com
كامل ودى وتحياتى للرياحين
| |
|
|
|
|
|
|
|
|
 Re: .... التقيتهم بالمحبة .. ماما دومة .. (Re: ذواليد سليمان مصطفى)
|
doma
ماما دومة ..
اتابع كتاباتها في المنبر هنا وهناك .. ارائها القوية في كل القضايا الحية ..
الى ان فتحت بيان بوست لعلاج الطفل محمد ..
ماما دومة كتبت لي كلام قوي بدفع الزول يمشي لي قدام ..
و ..
موقف واحد خلاني أصر أعرف (دومة) .. معقول تكون عملية للحد دا ..
الموقف كان ..
والد الطفل رتبنا ليه مواعيد مع دكاترة .. اها (محمود) ما مشى للمواعيد وقال ما مشى لانه سافر لي بكى في منطقتهم ..
اها ماما دومة أخدت موقف وقالت ما كان مفروض يسافر لانه مرض ابنه اهم من مشيهو للبكى !!!
وقالت الكلام دا بي حدة وقاطعت البوست !!
ختيت ليها في راسي صورة حتى الان وبعد ما لاقيتها لسة هذه الصورة مرسومة !!
وبقت بيان تحكي لي بيها وانهم صاحبات شديد وكدة ..
وبمرور الايام قالت لي بيان الايام دي (دومة) في الخرطوم اضربي لي تبلدينا بتلقى تلفونا ..
وطوالي ضربت لي تبلدينا ولقيته معاهم .. واتكلمت معاها ..
وتاني يوم اخدت وصف البيت ومشيت ليهم ..
كنت قايلة روحي حا القى الصورة الرسمتها في خيالي ولكن !!!
كانت بتتكلم معاي من الاوضة جوة قبل ما تجي واشوفها وهي بتلبس في التوب !!
واخدت زمن فيه !!
وكل منا متشوق عشان يشوف التاني !!
وجات مارقة بحياء وقابلتها بنفس الحياء ..
كنت خجلانة ودي طبعي لما امشي لي ناس في بيتهم لاول مرة ..
وقعدت اتغديت معاهم ..
واتونسنا ..
وبعد يومين ..
قلت ليها عايزين نلاقيك برة انا ومعاي كم زول ..
اشراقة حيمورة والسمؤال بدر الدين وازهري الطريفي وتبلدي ..
ومن اليوم دا تاني ما اتفارقنا لحدي ما سافرت وكان للاجازة طعم مختلف لانها قدرت تلاقي كمية من البورداب وصديقتها بيان ..
وعلى شرفها وبيان دعيت جميع البوردابيات في حفل احيته الفنانة العزيزة اسرار بابكر وكان نساء × نساء ..
كنت اتمنى ان استطيع ان انزل لكم مقطعا واحدا من هذا الحفل الساهر الذي نلنا به من بورداب الخرطوم ..(هههه)
قضينا ايام جميلة .. جدا ..
ماما دومة درست بجامعة الخرطوم وتخرجت من كلية الزراعة .. تقيم الان بالصين مع زوجها واولادها ..
وماما دومة تعلمت منها الكتير الكتير ..
تقف بجانبي في كل صغيرة وكبيرة ..
انسانة قوية وصلبة وتجتاز المحن والمصائب بثبات ..
تحب العمل الطوعي الخيري وتشاركني الرأي في صندوق الخير ومتابعة لكل الحالات التي يتبناها الصندوق ..
تدفعني دفع معنوي كبير جدا وتقف بجانبي في كل مواقفي وكل ظروفي .. فهي التي لم تلدني ..
ودموعي بتجري لمن تقول لي (بت كبدي) !!
حنينة لدرجة ...
رؤفة لدرجة ...
عطوفة لدرجة ..
ولها قلب كبييييير وعقل منننننير ...
امي الله يسلمك !!
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: طه كروم)
|
Quote: من نعم العام الماضى ونقاطه المشرفة..
كانت المعرفة بإنعام حيمورة .. وعبرها بدأت معرفتنا ببعض الزملاء والزميلات
من عضــوية المنبر .. كل الإحترام .. |
وانا بالجد سعيدة بيك وبمعرفتك حقيقة ومقدرة ليك جيتك والمدام لحضور حفل راس السنة ..
وان شاء الله دائما نتلاقى في الافراح ..
واتمنى الاقي الدكتورة ايمان احمد .. تحياتي لها ولك
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: سمرية)
|
Quote: لكن برضو ما تقولي لي .. الاحمر ما عندك .. ياخ انا لمن صدقت وقلت البت دي علمتهاخلاص ،
لكن لما شووفت ( الجمبك ) عرفت اني اتخذلت فيك وخاب ظني ( وش لسه ما فقد الامل )!! |
وانتي القصة لايقة عليك ههههه
ولقينا نفسنا مشتاقين ليك
| |
|
|
|
|
|
|
|
|
|
Re: نساء في ذاكرة المنبر .... التقيتهم بالمحبة (Re: Shamael Elnoor)
|
| Quote: والله فكرة بوست مجنونة منكـ ،، وفقك الله يارائعة الدواخل |
شكرا يا شمائل يا حلوة والله فكرته جاتني من كترة مداخلاتي في بوست ناهد بشير الطيب لي غادة عبد العزيز ..
وكل ما احكي ليها موقف من مواقفنا .. القى نفسي عايزة احكي المزيد ..
ومن هنا جائت الفكرة ...
يبقى الفضل يرجع لي ناهد ولي غادة ولكل الحلوين اللاقيتهم المنحوني الاحساس العظيم دا ..
مودتي ليك .. انتظري احساسك/ي
| |
|
|
|
|
|
|
|
|
|
.... التقيتهم بالمحبة ... د. نجاة محمود (Re: انعام حيمورة)
|
عشان اكتب بي محبة ومحنة زيادة .. سمعت (يا حنين زي عش العصفور )
مصادمة جدا .. لا تخشي في الحق لومة لائم - بحدة كمان - ..
تعجبني كتاباتها جدا وكنت اتابعها ..
الى ان !!
شاءت الاقدار ان تجمعنا ..
في بوست الطفل محمد ..
لم اترددت في العمل معها ..
لم اتردد في تلبية النداء التي اطلقته وصرختها الداوية التي كنت احس بها ..
لم يكن معها شخصا متابع من المنبر في السودان كانت سمر برعي وهي يعملون عن طريق التلفونات والايميلات ..
وحتى اللحظة اتذكر احساسي لمن جات منها اول رسالة مسنجر داخلي واول ايميل ..
وفي مرة وانا مع محمد صباحي في مكتبهم قال لي تعالي اوريك صورة صاحبتك .. وكانت مفأجاة بالسبة لي !!
والحمد لله ..
اكتملت الحملة بي نجاح وتذوقنا معا طعم هذا النجاح ..
الذي امتدت لان تصبح العلاقة اسرية قبل ان اري بيان .. زاروني اهلها مع اسرة الطفل محمد وابتهجنا بهم جدا .. ورددنا لهم الزيارة ..
لاري اسرة بيان كاملة .. وهم باحساس بيان يعرفوني الى ان التقيت بهم ..
وما هي الا شهور .. وجات بيان الى السودان ..
وكنت قد استخرجت تصريح دخول للمطار ومجرد نزولها من الطائرة .. عرفتها .. وعرفتني .. وسلام وشوق وبكاء ..
وما هو الا يوم واحد وجاتنا في البيت (وباتت معانا) لتتعرف على الاسرة التي كانت تتحدث معهم اسفيريا ..
انسانة محترمة جدا اكن لها كل الاحترام والتقدير ويعجز لساني عن مناداتها باسمها !!
واتكلمنا عن حتة الاسم ..
بيان
نجاة
قالت لي ناس البورد بقولوا بيان والاهل بقولوا (نجاة) انتي من الاهل قولي (نجاة) ..
وطيلة فترة وجودها بالسودان كنا متلازمين برنامجنا واحد .. قضينا ايام جميلة ... وزكريات حلوة ..
درست د. نجاة محمود .. بمعهد الموسيقى المسرح ونالت درجة الدكتوراه ...
تقيم بماليزيا مع زوجها وابناءها .. لها شركة خاصة ( زاريا) لتقديم خدمات التعليم بماليزيا ..
تسير بخطى ثابتة وناجحة في عملها ..
| |
|
|
|
|
|
|
|
|
|
Re: .... التقيتهم بالمحبة ... د. نجاة محمود (Re: انعام حيمورة)
|
. اشراقة حيمورة
2. منى خوجلي
3. انعام عبد الحفيظ
4. منال خوجلي
5. doma وكما يحلو لي ماما دومة
6. د. نجاة محمود
7. د. اشراقة مصطفى
8. الهام عبد الخالق
9. الجندرية ( اماني)
10. تيسير النوراني
11. اسمهان هاشم
12. مريم عز الدين
13. د. نبراس
14. اميمة الفرجوني
15. سحر يوسف
16. ناهد بشير الطيب
17. ملكة سبأ
18. عبير خيري
19. نادية السر
20. نهال الطيب
21. د. ريل (هيام)
22. نادية عثمان
23. نهلة عمر
24. اميرة الشيخ
25. ناجية مصطفى
26. غادة عبد العزيز خالد
27. زينب الشفيع
28. راوية العباسي
29. سمرية (هبة)
30. اسرار بابكر
31. ريهان الريح الشاذلي
32. منى
33. رهف
34. مناريتا
35. سمية الحسن طلحة
36. هالة حسن
37. ام سهى
38. هالة عبد الحليم
39. اميرة الحبر
40. مزدلفة
41. روزمين عثمان
42. تماضر الخنساء حمزة
43. سناء جعفر
44. منى على الحسن
45. سهام المجمر
46. عفاف ابو كشوة
47. اميرة فاروق
48. ميادة كمال
49. سحر عبد الرحمن
50. د. صفية محمد
51. نهال كرار
52. شبكة
53. شمائل النور
54. سارة محجوب
55. هويدا سر الختم
56. فادية اليمني
57. تيسير المبارك
نعومة تسلمى يا اجمل وانبل انسانة ان شاء الله دايما اسمك بالخير مقرون
هن الجميلات نساء بلادى الائى اعتز بهن وانتمى لهن .
شكرا انعام
| |
|
|
|
|
|
|
|
|
|
Re: .... التقيتهم بالمحبة ... د. نجاة محمود (Re: tayseer alnworani)
|
بنات حيموره لكن التحيه وانتن تعبرن بوجودكن سبر دواخلنا التي اتحفت بمعرفتكن
اشراقه المشرقه دوما حبا والفة ومحبه وحنو علي الجميع بمختلف توجاتهم وميولهم
انعام الخير: حقيقيي انتي كل الخير ووجيهك شعاع النور
حاولت ان اتصل بك بخصوص مبادرتي بادراج اسمي مع قائمة المساهمين في برنامجك الخيرى
صديقنا خضر يسال عنك وعن مريضته زينب الفكي...... هل من جديد؟
تحياتي لكي دوما.
| |
|
|
|
|
|
|
|
|
|
Re: .... التقيتهم بالمحبة ... د. نجاة محمود (Re: انعام حيمورة)
|
انعام
Quote: نساء في ذاكرة المنبر .. التقيتهم بالمحبة ..
1. اشراقة حيمورة
2. منى خوجلي
3. انعام عبد الحفيظ
4. منال خوجلي
5. doma وكما يحلو لي ماما دومة
6. د. نجاة محمود
7. د. اشراقة مصطفى
8. الهام عبد الخالق
9. الجندرية ( اماني)
10. تيسير النوراني
11. اسمهان هاشم
12. مريم عز الدين
13. د. نبراس
14. اميمة الفرجوني
15. سحر يوسف
16. ناهد بشير الطيب
17. ملكة سبأ
18. عبير خيري
19. نادية السر
20. نهال الطيب
21. د. ريل (هيام)
22. نادية عثمان
23. نهلة عمر
24. اميرة الشيخ
25. ناجية مصطفى
26. غادة عبد العزيز خالد
27. زينب الشفيع
28. راوية العباسي
29. سمرية (هبة)
30. اسرار بابكر
31. ريهان الريح الشاذلي
32. منى
33. رهف
34. مناريتا
35. سمية الحسن طلحة
36. هالة حسن
37. ام سهى
38. هالة عبد الحليم
39. اميرة الحبر
40. مزدلفة
41. روزمين عثمان
42. تماضر الخنساء حمزة
43. سناء جعفر
44. منى على الحسن
45. سهام المجمر
46. عفاف ابو كشوة
47. اميرة فاروق
48. ميادة كمال
49. سحر عبد الرحمن
50. د. صفية محمد
51. نهال كرار
52. شبكة
53. شمائل النور
54. سارة محجوب
55. هويدا سر الختم
56. فادية اليمني
57. تيسير المبارك |
معقول يغبن عن بالك بنات في قامة
عواطف ادريس اسماعيل
سلمى عباس صبحي
تحياتي
| |
|
|
|
|
|
|
|
|
|
Re: .... التقيتهم بالمحبة ... د. نجاة محمود (Re: الطيب شيقوق)
|
يا عمو الطيب ..
والله عواطف ادريس دي بس جليت بي سنة بس من ملاقاتها
سلمي صبحي .. لا اعرف لها طريق هل هي في السودان ام خارجه ..
والاتنين اكن لهن تقدير وهن يعلمن ذلك ...
لكن يا عمو انت الفكرة ما وقعت ليك لسة ولا شنو ؟؟؟ ..
انا عايزة اكتب عن اللاقيتهم ..
القائمة دي النساء الفي المنبر الانا التقيت بهن في اي مكان ..
وياريت القي كمان وكمان ..
وبالمحبة كمان ..
| |
|
|
|
|
|
|
|
|
|
Re: .... التقيتهم بالمحبة ... د. نجاة محمود (Re: الطيب شيقوق)
|
| Quote: هسع يعني ديل كلهم لاقيتيهم في قندهار |
ههههههه
لا والله ما كلهم في قندهار في ناس في الواحدة وناس في KFC وناس في محطة وقود وناس في امواج وناس في رويال بروست وناس في لذيذ وناس في مؤمن وناس في تويتي ذااااته
وناس تويتي ديل زعلانين زعل !! (ههههههههه) ..
| |
|
|
|
|
|
|
|
|
 .... التقيتهم بالمحبة ... (Re: معتز القريش)
|
نعنـــــاعــــة
احن من الحنية ذاتها
انت ست القائمة
وست الخير والحب وكل حاجة جميلة
يا بت من زمن ماشي وزمان جاى وزمن لسه
يديك لم يرضيك
Quote: فهي التي لم تلدني ..
حنينة لدرجة ...
رؤفة لدرجة ...
عطوفة لدرجة ..
ولها قلب كبييييير وعقل منننننير ...
امي الله يسلمك !!
|
ومن هنا بجيك لمامتى دوما
هـى الحـــب كلها
جمال روح و جمال خلقة
ونسمــــة عــز الهجير
يا نسمة تعال لينا شوقنا زى حر الهجير واكتر (شوق مولع نار بس)
| |
|
|
|
|
|
|
|
|
|
Re: .... التقيتهم بالمحبة ... (Re: فادية اليمني)
|
قائمة ما فيها دينا خالد دي قائمة مشكوك في صحة كون نسائها رائدات ..
اطعن في هذه القائمة وبيني وبينكم اوكامبو يا الحيموراب ..
محبتك ناقصة كتيييير طالما لسة ما لاقيتي البت دي ..
لكن بيني بينك تلاقيها كيف وهي ما عندها عنوان :D
خصووووصا وانو المحبة الزمن ده ارتبطت بي العناوين ..
بالمناسبة الهوى والمحبة البيت جمب الجامع او كما قال الروائي التايلندي ارشين بانكوك اكاجوري (1642-1712م) في روايته إنبراشة على الرصيف :
ما اصعب ان تهوى امرأة ليس لها عنوان ..
:D:D:D:D:D:D:D:D:D
انعام :
إزيييك ياخ ..ياخ ممكن تخليني غفير للقائمة دي ؟ ..
اكتبيني ياخ وما بيناتنا ..
| |
|
|
|
|
|
|
|
|
|
Re: .... التقيتهم بالمحبة ... (Re: عمر الفاروق)
|
Quote: محبتك ناقصة كتيييير طالما لسة ما لاقيتي البت دي ..
لكن بيني بينك تلاقيها كيف وهي ما عندها عنوان :D |
عمر الفاروق ازيك ياخ ..
عارف دينا خالد دي دايرة ليها بوست كارب كدة من زول أكرب (زيك كدة) يستفذها فيه شدددددديد ..
تقوم البت دينا تجي وتظهر وتقول ياني انا دي ..
خلاص نشوف بعد ما اخلص البوست دا اشوف اللاقيتهم من الرجال .. ...
غايتو على راس القائمة حا يكون (فيصل نوبي) وانت في الوقت دا الحق لاقيني سمح !!
ههههه
مودتي
| |
|
|
|
|
|
|
| |
انعام حيمورة
خالد العبيد
SHIBKA
ALGARADABI
العوض المسلمي
baha eassa
ناهد بشير الطيب
Ishraga Haimoura
السمؤال بدرالدين
عبدالعزيز الفاضلابى
osman righeem
yasir tamtam
rosemen osman
الرفاعي عبدالعاطي حجر
انعام عبد الحفيظ
أحمد الشايقي
سلمى الشيخ سلامة
ذواليد سليمان مصطفى
سمرية
WAD ELGAALI#4
الجندرية
الطيب شيقوق
معتز القريش
فادية اليمني
عمر الفاروق
فيس بوك
تويتر
انستقرام
يوتيوب
بنتيريست