دعواتكم لزميلنا المفكر د.الباقر العفيف بالشفاء العاجل
|
|
 احتفاءا بقدوم بورداب الخارج .. لقاء جديد
|
في اطار احتفاء بورداب الداخل ببورداب الخارج .. سيكون غد لقاء جديد ..
الزمان : غداً الاثنين 6/8/2007 الساعة السابعة والنصف
المكان : بحري المغتربين - جوار شركة المحاميد مقابل السكة حديد
بورداب الخرطوم ... للتنسيق ( ) يرجى الاتصال على الرقم :0914763741
|
|
 
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: Samer Osman)
|
الاخت انعام لك التحيه على الفكره
بس كان تدى الناس فرقه تقولى بعد اسبوع مثلا ؟ كان الواحد يوفق اوضاعو يجى خصوصا انو انا على بعد 10 دقائق من المكان ولكنى مرتبط باجتماع تحضيرى للجنة تابين كروان الحقيبه بادى محمد الطيب والذى سيكون مساء يوم 20 اغسطس الجارى بقاعة الشارقه جامعة الخرطوم لذا لن اتمكن من الحضور ارجو قبول عذرى
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: طارق جبريل)
|
طارق ود حلتنا النسى خوتنا
يازول انت قاعد تجي من اصلو ..
شفت لازم تعمل هليلة لنفسك .. انا جاي .. انا جاي .. انا جاي ،
ذي ما انا بعمل لما اكون مسافرة لناس بيتنا انا مسافرة .. انا مسافرة لما ازهجوا مني ..
وذي ما بتقول قريبتنا ( قعادي بقى قليل في السودان) .. على أثر سفرها لمدة شهر واحد فقط خارج السودان 
جانقي قال..!!
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: الملك)
|
انعام الله يخليك وانت دوما رائدة في جمع الصف البوردابي
المجد لكم يا بورداب البندر
انعام بورداب الاقاليم ديل فين يتلاقوا؟
انا اقترح تعملوهم تمامة عدد ساى عشان تكملوا الكورم بتاعكم لو نقص .
لكن بيني وبينك هم من المطار الى الميناء البرى لانهم بيكنوا لاحقين الكرامات .
| |
|
|
|
|
|
|
|
|
 Re: احتفاءا بقدوم بورداب الخارج .. لقاء جديد (Re: انعام حيمورة)
|
الأخوات
دبل انعام
حيمورة و ع الحفيظ
اسمحوا لي بتخريمة صغيرة في دعوتكم دي
اولا ما زالت حملة بورداب الرياض موجودة
بمخازن سودانير ..
ولم يتم تخليصها وارسالها حتي الأن .
نرجو ايضاح الأمر
وهل لجنة الداخل .. قد تم حلها .. ام انهم
الأن غير فاعلين ؟؟
وتخريمة ..
لو سمحت يا انعام رقم جوال ابو جهينة لو ممكن
| |
|
|
|
|
|
|
|
|
 Re: احتفاءا بقدوم بورداب الخارج .. لقاء جديد (Re: انعام حيمورة)
|
العزيزة انعام
تحياتي
| Quote: انعام حيمورة - الكروسان |
الكروسان ده شنو كمان!؟
| Quote: الباسطة على أزهري ومحمد صباحي |
ليه ناس باسطة وناس موية!؟
الباسطة على محمد الواثق بتاع انصار السنة
يجيبه ويكب الزوقة!
| Quote: الموية : اسمهان هاشم - وديدي |
اشمعنى !؟
| Quote: الكيك الكتييييييير والسمح على نادية السر |
نادية عايزين يخربو ميزانيتك
اوعك تجيبي كيك الهيلتون
من سعد قشرة
ولا اقول ليك من سوق ستة!
رحلة سعيدة
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
| Quote: بالله يا بورداب الخرطوم إحتفو لي معاكم بي الزول السمح خلقة وأخلاق محمد السني دفع الله |
والله انا طبعا مرتبط لي بجنة الاطفال وكدة .. شفت البراءة ..
والله هو زول حلو شديد انا لما لاقيتو طوالي سلم علي باسمي ذي زول كدة
ويا خدر ما عندك مشكلة حا نحتفل ليك بيهم كلهم بس خليك متابع وبكرة الصور على ناجي ينزلها..
مشتاااااقين كتير وفاقدنك وحارنك وطارنك ..
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
| Quote: وبما اني حاليا متواجده في العاصمه |
ذكرتيني فيصل نوبي والله
مرحب بيك في الخرطوم ومنور ومشعة كمان
الوصف يا ستي كالاتي:
بحري - شارع الانقاذ - مقابل السكة حديد المدخل الرئيسي - يعني غرب الظلط - جوار شركة المحاميد بيت اهل بكر ابو بكر
يعني تمشي مسافة 200 متر تقريبا بعد حديقة عبود .. تلقى يافطة شرق الظلط مكتوب عليها شركة محاطن سيقا للغلال (س) البيت بفتح على اليافطة دي طوالي ...
بعد كدة كان رحتى عليك بالتلفون الفوق دا
تسلمي ومرحب بيكم كلكم
| |
|
|
|
|
|
|
|
|
|
خبــــــــــــر خطيـــــــــــــــــر (Re: انعام حيمورة)
|
.
خبــــــــــــر خطيـــــــــــــــــر
وصل الخرطوم قبل أيام
أجمل و أنبل و أعزّ صديق
لمعظم بورداب الخرطوم
و حملة الأمل العام
وأكيد هو سوف يكون مفاجئة
هذا اللقاء .
نخليه يعرّف عن نفسو بعدين .
___________________________________
يا ملاسي عليك الله ما تقصر معانا
| |
|
|
|
|
|
|
|
|
|
Re: خبــــــــــــر خطيـــــــــــــــــر (Re: معاوية كرفس)
|
معاوية
مالو مخلين عليك العدة الفاضية
الصحون و الكبابي
ماسك جمعية الحلة ولله شنو ؟
المهم كان من ابو ادم بعيدة
شوف اولاد خالك
يمكن تلقاها مليانة و قريبة
( تلفون نادرين بالخاص )
وسلام
ولمة خير
ودائما معا من اجل كل شئ
جميل و مفيد
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
الطيب شيقوق يا ابوي ازيك ..
خلاص المرة الجاي لما تجي اول حاجة تعلن عن وصولك مش زي المرة الفاتت ..
ثانيا من هسي ليك علي نمشي ليكم في بكانكم وعلى الاقل يكون تغيير من البندر دا ..
ومن هسي حا اكون المنظمة للرحلة دي ..
بس خميس وجمعة وتتحملوا انتو الضبايح والحال السمح ..
اقتراح مقدم من هسي .. رحلة الى الشيقوباب على وزن الحيموراب
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
إنعام سلامات كتااارا
| Quote: الباسطة : ؟؟ ( البجيببها منو ؟؟) |
غايتو الحيجيب الباسطة يعمل حسابي في كيلو ونص كده ..
آآآآآآآآآآآآآآآه
بالهنا..
طارق سلامات يا (طلبتنا) الجميل ..
رأيك شنو نقوم نبرمج نمشي السودان مع مجموعة ناس حلوة كده.. ونشوف حيجيبوا لينا كرواسان ولا لأ ..؟
يا إنعام أنا لو جيتكم إجازة ما برضى إلا بـ "بارلمان كافيه".
بجد يااااا حليل الخرطوم..
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
يا رجاء:
| Quote: يا إنعام أنا لو جيتكم إجازة ما برضى إلا بـ "بارلمان كافيه". |
ياخ ده طلع وهمة كبييييييييرة ..
أمبارح القريبة دي مشيت سهرت فيهو شبكوني ليك تدخل تقول انت ما قاعد في السودان الناس إستايل ولاخواجات ما يدوك الدرب وال وال وال ..
يا زولة دخلت ياها نفس خلقنا الشينة ديك ونفس المينيو الفي مطعم ابو جنزير قونقليز وبرتقال ومانجو بالحليب وكابتشينو وتربيزة فيها كراسي للتجكيس وزهرية في النص حمامين واحد فيهو يافطة للنساء والتاني للرجال وموسيقى ياني أو كيني جي وكأنك في معرض الخرطوم ..
تخريمة :
أقعي قندهار أو سوق الناقة
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
ألأخت/ إنعام
أنعم الله عليك بالصحة والعافية وبحب الناس ليك.
مجهودك جميل ومقدر..نسأل الله أن تتلموا دائمآ فى المناسبات السعيدة///
لاتنسى الوصية فى الذمة أن تبلغى تحياتى للجميع....وذكرى ألأخ/هاشم أحمد خلف الله أن يوصل الخطاب لقريبى محمد عكاشة لو حضر الحفل من بورداب الخرطوم...
ياريت لو وثقتوا لينا ..وشاركتونا معاكم الفرحة.
كل الود..
إسماعيل محمد أحمد عباس............
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
الاعزاء
نستة عليه الباسطة ( واحد كيلو لرجاء بت العباسي وانشاء الله راوية ذاتها)
سامر عثمان عليه جزء من البارد .. اهة يا انعام عبد الحفيظ (كيلو كفا)
الاعزاء يرجي المزيد من الاتصال
يا جماعة زول يكلم نهال الطيب ونهال كرار برضو لو في
واي زول في اي حتة يجي لو في احساسو
يا سلام انا سعيدة باني حا الاقيكم تاااااني خاصة زول كدة
_____________________________
وعلى فكرة بعدين حا اطقطقكم لتذاكر حفل خيري رابحة حماد تعالوا جاهزين مافي زول يقول لي ما معاي سامعين
اهة لي بعدين مع السلامة
ابقوا عشرة على البوست والدعوات
كمان حا لمينا في ابو زر عبد الباقي يبقى خير وبركة
في امان الله
ابقوا عشرة على البوست دا لمن بكرة الصور تجيكم ...
مع تحياتي وتقديري وحبي ووفاي
انعام حيمورة
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
انعام وانعام وكرفس وديدى والملك ومحمد صباحى
وكلكن
واحلاتكن
واحلات لمتكن
انشا الله لمة دايمة يا رب
وعامرة البيناتكم
وكان جاكن السنى واحلالكن
ومعاهو بدر الدين حلا
دا الكلام
حتضحكوا لمن تقع (الكراسى )
وخلو البت سوميته تغنى
ماتعفوها
دى بت غناية
وشوقى اليها
وليكم كلكن
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
Quote: طارق سلامات يا (طلبتنا) الجميل ..
رأيك شنو نقوم نبرمج نمشي السودان مع مجموعة ناس حلوة كده.. ونشوف حيجيبوا لينا كرواسان ولا لأ ..؟
|
رجاء كيفنك
انا خايف ابوظ عليكم اللمة
يقولوا ليكم (الطُلبة) دة مودنوا وين
شوفوا ليه اي كمينة طوب وختوهوا جنبها
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
..
.
ووين فى مطار أبوظبي
يا نعومه ..
والله التضارب دىا بحرجنا ناس الزقازيق
عندهم جلسة حتمية اللليلة ودا الشهر الثالت
ما حضرنا ..
اعذرونا بس
__________________
يا عمر يا فاروق ..
منور البلد ..
اقع ( فريندز F.R.I.E.N.D.S)
بتعتقد ان فى ريتز ..
بالعدم اوكتاغون Octagon
الخرطوم لها عارفيها !!؟ 
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
الأخت إنعام و جميع البورداب سلام من الله عليكم ...
يادوب خشيت النيت و شفتة الموضوع دة ... لكن برضوا لمة الناس الحلوة دي فاتتني المرة دي .. عسى ربنا يجمعنا معكم في ساعة خير و محبة عما قريب ... و إن شاءالله دايماً ملمومين في السمحة .... و إن شاءالله كان لقاء اليوم شيقاً في حضرة بورداب الخارج و الداخل.... و دمتم جميعاً ....
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: الطيب شيقوق)
|
اتمنى أن تكون اللحظات جميلة وأن يكون المحتفى بهم قد شاركوا بجميل الكلام من الشعر ..
وكم نحن في حوجة لابراز جمال شعر الاخوات تماضر الخنساء وهند محمد وسمية طلحة ...
سوف ننظم منتدى شعري يبرز جميل الشعر عند المرأة السودانية ..
في أنتظار الاخ هاشم للتنسيق ...
أهم حاجة الصور يا هاشم .. لخلفية المنتدى ولتزيين الدار ..
تخريمة :
انعام باعت الشباب .. تنظم وترتب ولما بقى فيها ذبائح ومشويات في البيت قامت أعتذرت ..
مودتي
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
سلام للجميع
كانت ليلة اخري اجمل علي بعد خطوات من سقوط الامطار التي هطلت
حتي الصباح الباكر
حيث اتحفنا بدر الدين شنا
محمد سني دفع الله والله خلانا نرفس من الضحك وكذلك بدر
الشاعرة تماضر الخنساء حمزة والتي القت قصيدتين كل واحدة اجمل
من الاخري
اكبر مقلب طبعا عملتو انعام حيمورة لم تحضر
كسرة
غايتو اذا فتحتي بوست زي ده تاني الا اجيك بي عنجي
الحضور من البورداب
نواصل
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
الحضور
هاشم احمد خلف الله
نور الهادي
بدر الدين شنا
محمد سني دفع الله وحرمه
تماضر الخنساء
نهال الطيب
ود الباوقة
ود محجوب وحرمه وكريمتة
اميمة (القاهرة)
وصال عالم
ابوجهينة
انعام عبد الحفيظ
نادية السر
خالد ماسا
معروف حمدين
منعم سليمان
سعد الدين حسن (النيل الازرق)
محمد صباحي
محمد ال
اشراقة حيمورة
معاوية كرفس
طلال عفيفي
الجريفاوي
وديدي
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
حقيقة انا سعيدة جدا بهذا النجاح الباهر الذي حققه لقاء الامس ولكن نسبة لقدوم الفارس المغوار حسن حيمورة اصغر حفيد الان لنا لم اتمكن من الحضور فقط ولكني كنت مشاركة ومتابعة لحظة بي لحظة ..
واي زول رايح ضرب لي .. وضربت ليهم لحظة كانوا بجهزوا في الضيافة واطمئنيت على الموقف تمام خاصة موقف الكروسان الذي شارك بدلا عني ...
والى آخر لحظة كنت متابعة ..
| Quote: انعام باعت الشباب .. تنظم وترتب ولما بقى فيها ذبائح ومشويات في البيت قامت أعتذرت .. |
والله يا علاء الدين ما كدة لكن براك عارف شكل البيت بكون كيف لما تكون في مناسبة ..
السمؤال ..
عليك الله رايك شنو في الاخراجي السايبري دا .. مش تحفة كدي تاني قول لي المخرج فلاف والمخرج علان ..
خليهم يجوا ياخدوا مني دروس .. الكراسي كيف
انا جد مبسوطة والمشاركة الوجدانية دي تاري مافي شي زيها ...
لكم جميعا مودة لا حدود لها ..
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
مسعولين من الخير هميمة جات ؟؟؟ ..
يالله عبد الوهاب همت في البلد لكن تلفونوا راح مني كدي بالمناسبة دي زول يديني ليه باثر رجعي
اللمة الجاي
منى خوجلي رجعت بالسلامة صباح اليوم من القاهرة
يعني اسبوع تاني كدة برضو لقاء جديد على شرف كل من :
منى خوجلي
عبد الوهاب همت
افيدونا بالقادمين الجدد
حا أعذبكم عذاب في الشير اصبروا بس البوست دا حا يكون مدور لحدي اللقاء الجاي
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: انعام حيمورة)
|
بسم لله الرحمن الرحيم
أعزائي الأوفياء
التحية لكم عبر الكلمة التي أسوقها عبر إحساسي الجميل تجاهككم .. التحية لكِ إشراقة حيمورة والأخ هاشم أحمد خلف الله ...
والشكر لكل الموجودين الذين تعرفت عليهم .. التحية لصاحب الديار الإسفرية وعلى الواقع أيضاَ بكري أبوبكر والبوردابية بيان !!
هناك كثير من الأسماء حفظتها وشكلت عندي حضور غير مسبوق !! ... لا أذكر أحد حتى لا أكون قد سهوت ..
أحبكم جميعاَ فقد أسعتموني وسعدت بوجودي معكم !!
وصال عالم
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: Nadia Elsir)
|
Nadia Alsir
| Quote: و الامسية كذلك ازدانت حقا بوجود الاستاذ محمد المرتضى حامد القادم من سلطنة عمان و الذى اجدنى اعجز عن التعبير عن ما كان للعزيز محمد المرتضى من كريم استجابة و عظيم الاسهام لنداءات حملة حماية الامل العام لعلاج العزيزة غادة نورى. |
بر مفرح حقا ومبعث للسعادة كون الاستاذ محمد المرتضى مشاركا معكم .
نحن في انتظاره ليروي لنا كل ملامح هذا المشهد الرائع .
تحية لك اخي المرتضى من على البعد والجماعة كلهم تمام في انتظار عودتك الى السلطنة .
| |
|
|
|
|
|
|
|
|
|
Re: احتفاءا بقدوم بورداب الخارج .. لقاء جديد (Re: الطيب شيقوق)
|
العزيز الطيب شيقوق تحياتى ,
Quote: *خبر مفرح حقا ومبعث للسعادة كون الاستاذ محمد المرتضى مشاركا معكم .
نحن في انتظاره ليروي لنا كل ملامح هذا المشهد الرائع .
تحية لك اخي المرتضى من على البعد والجماعة كلهم تمام في انتظار عودتك الى السلطنة . |
سعادة متجددة لتواجد العزيز محمد المرتضى و فى انتظار ان يروى ملامح اللقاء السابق و الجاى باذن الله !
* دى كان الخبر السبب حالة من الغتاتة الشديدة لاصدقائى الجميلين كرفس و خضر و عندهم حق طبعا
| |
|
|
|
|
|
|
| |
انعام حيمورة
انعام عبد الحفيظ
Samer Osman
منصور الطيب على
طارق جبريل
السمؤال بدرالدين
خضر حسين خليل
محمد عادل
الملك
الطيب شيقوق
Ishraga Haimoura
ahmed haneen
محمد المختار الزيادى
خالد العبيد
معاوية كرفس
osman righeem
علاء الدين حيموره
وصال عالم
Raja
عمر الفاروق
ismeil abbas
مطر قادم
محمد أبوالعزائم أبوالريش
Zeinab
سلمى الشيخ سلامة
امل احمد عمر
Haytham Abdulaziz
محمد عبدالرحمن
HAYDER GASIM
Deng
أحمد الشايقي
فيس بوك
تويتر
انستقرام
يوتيوب
بنتيريست