|
|
|
 Re: نـــــــــورا (Re: حبيب نورة)
|
نورا
وكتين يضيع عرق الجباه الشُّم
شمار فى مرقة .. آه .. يا نورة آه
من دربك التوّر نفس خيل الصبر
فتـّر خطاوى الشوق وراه .. يانورة .. آه
ساعة الشموس الغُر تهضلم
تلحق الصِّح .. فى المغارب
يستر الضو الكهارب
تستر المدن السرابية .. الضبابية الكآبة
حائط التيه .. والطشاشات .. فوق قفيِّك
يا أمْ عوارض...
يا أمْ عوارض .. ما دُعاشة
ماها شبـُّورة وتقيف .. جايى ليك يا نورة غيمة
تملا ماعونِك خريف
يملا عينيكى ويفضـِّل
يروى جوّاك العطاشا
****
يا نفس فجر القصايد يا بلادى
القطع قلب الروادى .. بى اللّواج الجاى .. وغادى
ماهو صوتك .. لاها صورتك
دى البترقش نادى فوق صدر الجرايد
إنتى يا حُضن الصحارى
شُفّع العرب الفتارى
البفنـّوا الشايلا إيدمْ
ويجروا كايسين القطارى
لا سراب الصحرا .. موية
ولا حُجار سلّوم .. موائد
حالكم البصرخ وينادى
ياوطن عز الشدائد
*****
يا هُدى الناس الحيارى
يا ندى الفجر الببلِّل نور عِوينات الفقارى
جايى ليك يا نورة
آفة .. للسوس البنقـِّر
عود عِشيماً داخرو فيك
أصلى لمـّن أدور أجيك .. بجيك
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد
ما ضِهِبْ فى بعدى عنـِّك
أصلى متغرِّب عشانك
راضى بى الجايينى .. منـِّك
ما شكيت شُح اليالى .. وما بكيت نُحْ .. شِلتوا حالى
رغم إنو الحال بيفضح
إلاّ كٌتْ فى الحارة بصرُخ :
يا وطن عِز الشدايد
| |
 
|
|
|
|
|
|
|
|
Re: نـــــــــورا (Re: انعام حيمورة)
|
رانيا قاسم مرحب بيييييك
| Quote: اصلو نورا دي نور عيوني , نورا دي امي |
وبقول ليها :
إنتى يا حُضن الصحارى
شُفّع العرب الفتارى
البفنـّوا الشايلا إيدمْ
ويجروا كايسين القطارى
لا سراب الصحرا .. موية
ولا حُجار سلّوم .. موائد
حالكم البصرخ وينادى
ياوطن عز الشدائد
تسلم امك نورا وتسلم امي حنانة ويسلموا كل الامهات الوطن ..
| |
|
|
|
|
|
|
|
|
|
Re: نـــــــــورا (Re: انعام حيمورة)
|
الغنوة حلوة والفنان احلى
لكن والحق يقال جيت عشان الاسم
اصلو نورا دي نور عيوني , نورا دي امي
ولو ما الدنيا فيها شويّة متل امي
اكان القُمري يبقى حِدَي
يعيش الناس ضلام في ضلام
يفتشوا شمعة بس للضي
| |
|
|
|
|
|
|
|
|
|
Re: نـــــــــورا (Re: انعام حيمورة)
|
انعام حيمورة
شكيتك على الله
آهـ وكم آهـ من آهـ
هذه النورة من الاغانى التى تأخذنى أخذ عزيز مقتدر
تفتتنى وتشتتنى إنها أغنية قيام الليل وليل القيام
| |
|
|
|
|
|
|
|
|
|
Re: نـــــــــورا (Re: Amira Elsheikh)
|
Quote: انعام حيمورة..
يا وطن عز الشدايد..
العود دا قاعد ينقرش فى قلبى..
بالغتى عديييل ياانعام.. |
اميرررة
ماها شبـُّورة وتقيف
جايى ليك يا نورة غيمة
تملا ماعونِك خريف
يملا عينيكى ويفضـِّل
يروى جوّاك العطاشا
معزة تفوق الوصف !! والقلب واحد !!
| |
|
|
|
|
|
|
|
|
|
Re: نـــــــــورا (Re: بدر الدين الأمير)
|
Quote: انعام حيمورة
شكيتك على الله
آهـ وكم آهـ من آهـ
هذه النورة من الاغانى التى تأخذنى أخذ عزيز مقتدر
تفتتنى وتشتتنى إنها أغنية قيام الليل وليل القيام |
أي ريح أتت بك ايها الامير بدر الدين !!
ولكني أعلم تماما باننا نتقاسم حب انبل رجل عرفته في حياتي ..
حب نما منذ طفولتي في هذا العرس وكنا لا نفقه حتى معنى ما يردده ولكنها - الفطرة -
صبحية .. نهارية .. منها والبص متحرك من الحصاحصيا الى الخرطوم .. لنردد على طول الطريق ما حفظناها من كلمات ..
السمحة قالوا مرحلة ..
علقت في ذهننا وعلق معاها هذا العملاق ..
ومراحل مراحل حتى آخر جلسة استماع له و حتى آخر حفل له ..
الى ان لمست ذلك الصندوق بيدي اودعه ونجري خلفه من المطار حتى معهد الموسيقى نردد ايضا .. ولكن هذه المرة حفظا عن ظهر قلب ..
وضاااااع معاك زمن الوسامة واختفى الفرح العلامة ... توشحت بها .. تلك القصاصات التي اعدها المحبون له .. اثناء الانتظار الامر من العلقم ..
و يا حبيبنا ... مع السلامة .. ثم ... | Quote: آهـ وكم آهـ من آهـ |
ولك ..ولكل المحبين .. يانورا
| |
|
|
|
|
|
|
|
|
|
Re: نـــــــــورا (Re: محمد سنى دفع الله)
|
Quote: زي ما قال بدر الدين
اه يا انعام اه
كتلتينا نص الليل
وجاينك قريب امشي اعملي لينا المقالب
دمتي في العافية
ودام صفانا |
باااين نورا دي حا تجيب كل الحبايب ...
السني .. انا ذاااتي مكتولة فيها وكم واحدة .. يارب .. تشاركني .. الممشي العريض !!
...
خلاص خلي باقي الشلة تجي عشان براي ما بقدر اسوي فيك مقلب ..
وين الكاميرا الخفية !!
والطعمية !!
هي شكلي بكرة حا ابقى شاعرة واتم الباقي ..
بالسلامة يااارب وفي الانتظااار
| |
|
|
|
|
|
|
|
|
|
Re: نـــــــــورا (Re: عصام علي أحمد)
|
Quote: حضور واستماع
هظارك عنيف جدا
بطريقتك دى بتقتلى ليك زول |
عارف يا عصام ..
اقول حاجة .. تصدق بالله ... اني عشقت عزف العود من (الحبيب) مصطفى .. وفي يوم ..من الايام جاتني اشراقة حيمورة ..
قالت لي ماشة لناس مصطفى .. قلت خلاص جاهزة ... الوقت داك كانوا في الامتداد قراب شديد لينا
مشينا اتونسنا ولي هسى ما نسى تلك الونسة ..
وهو عارف اني بحب العود والعزف .. قام قال لي كدي نديك اول تمرين .. ولو ظبتيهو هنا .. تمشي تكرريه في البيت بعد يومين بتطلعي باغنية ..
وبالفعل .. قد كان !!
اهة كتلتك ولا لا ؟؟!!!
مشتاقين ..
| |
|
|
|
|
|
|
|
|
|
Re: نـــــــــورا (Re: القرشي منعم منصور)
|
Quote: تسلمي أيتها المرهفة
مع كامل تقديري لشخصك الكريم |
القرشي منعم منصور
انت اخو ابراهيم منعم منصور !!
ولا شبه في الاسماء ؟؟
وتسلم انت يااارب جاوبني وبجيك تااني
| |
|
|
|
|
|
|
|
|
|
Re: نـــــــــورا (Re: كمال سالم)
|
Quote: إنعام حيموره ,, مساك الله بالخير,,
خليك متجليه كده طوالى , عشان يطلع منك
الشغل الجميل ده ,
كل التحايا ,, |
كيفك يا كمال .. تمام
عارف البورد دا بالليلة زي لما يجيك صاحبك بايت معاك وتقعدوا تتونسوا وتمرقوا حاجات لاول مرة تمرق ..
ما شايف عماد عبد الله ومحمد عثمان بسوا شنو بالليل ..
اسمع نصيحتي ما تنوم !!
| |
|
|
|
|
|
|
|
|
|
Re: نـــــــــورا (Re: osman righeem)
|
| Quote: قاصداني عديييييييل |
اخو الخير عثمااان ..
كيفك ..
والله عندي لمصطفى من البت اشراقة 3 سي دي من النوع الكااارب 2 عود وواحد موسيقى ..
حا أجهز ليك نسخة منهم ..
دي نفس مش حقت امبااارح ؟؟؟!!!
| |
|
|
|
|
|
|
|
|
|
Re: نـــــــــورا (Re: انعام حيمورة)
|
Quote: يا هُدى الناس الحيارى
يا ندى الفجر الببلِّل نور عِوينات الفقارى
جايى ليك يا نورة
آفة .. للسوس البنقـِّر
عود عِشيماً داخرو فيك
أصلى لمـّن أدور أجيك .. بجيك
لا بتعجّزنى المسافة
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
|
يا أنعام حيمورة
نورة دي دليل تايهين
وخاصة المغتربين
ومالك مولع فينا حطب قدر دا
رفقاً بـ........
سلااااااااام ليك وللمعاك
| |
|
|
|
|
|
|
|
|
|
Re: نـــــــــورا (Re: سيف بخيت موسي)
|
Quote: نورة دي دليل تايهين
وخاصة المغتربين |
سيف ..
ودليل كل الحيااااري .. الزينا دا
ربنا يرد غربتكم ياااارب وتعودوا سالمين للوطن الحبيب
| |
|
|
|
|
|
|
|
|
|
Re: نـــــــــورا (Re: محمد عثمان)
|
| Quote: يا ندى الفجر الببلِّل نور عِوينات الفقارى.. |
محمد عثماااان
ولا بقيف بيناتنا عارض
لا الظروف تمسك فى إيدى
ولا من الأيام .. مخافة
يا نفس فجر القصايد
| |
|
|
|
|
|
|
|
|
|
Re: نـــــــــورا (Re: انعام حيمورة)
|
يانورا آآآآآآآآآآآآآآآآآآآآآآآآآآآآآآآآآآآآه ..
بت حيمورة أنشاء الله خير .. ذكرتيني قعدة كافتيريا السطح والفتة الكاربة والأغنية مولولة .. ياخي بالغتي آديييييييييييل كده ..
| |
|
|
|
|
|
|
|
|
|
Re: نـــــــــورا (Re: Haitham Labib)
|
| Quote: بت حيمورة أنشاء الله خير .. ذكرتيني قعدة كافتيريا السطح والفتة الكاربة والأغنية مولولة .. ياخي بالغتي آديييييييييييل كده .. |
هيثم لبيب ..
والله أيام يا زماااان !!!
مشتاقون
| |
|
|
|
|
|
|
|
|
|
Re: نـــــــــورا (Re: Mohamed Abdelgaleel)
|
و امانة عليك محل تـــــــنزل ... تمــــد حبل المحبة صــلا ت
يشع نور الوفا الماليــــــــــك .. تبق ليل الفراق غــــــنوات
أمانة عليك .. تخت بالك على الجواك .. علي الحلم البنينا بيــــــــــوت
علي السر الدفنّا كــــــــــــــــــــــــــلا م .. تحت وجع الليـــــــالي سكوت
أمانة عليك .. قبل ترحل مع الأ م .. تشيل حلو الأماني تفــــــــــــــوت
تدس في بير حواسك ريــــــــد ... سقينا وفـــــــــا و حــمينا يمـــــــوت
و امانة عليك يظل اسمك حروف من نور علي حيط الفؤاد مشخــوت
عهودي معاك أموت واقف... علي باب الهـــــــــــــــــــوى المفتوح
البرحل محـــــــــــل ترحــــــــــل ... غمامة عليكا و ين ما تروح
لأنك إنت في الوجـــــــــــــــــــــدان ... مشكن بين حـــــــنا الروح
موسمة بيــــك تفاصيلـــــنا ... و مضمدا بي غـــــــــــــــناك جروح
تعيش في ذاتي و الذكــــــــرى .. متـل صـــــــفق الشتــي المحتوت
| |
|
|
|
|
|
|
|
|
|
Re: نـــــــــورا (Re: علاء الدين حيموره)
|
علاء اخووووي
| Quote: لأنك إنت في الوجـــــــــــــــــــــدان ... مشكن بين حـــــــنا الروح |
| Quote: لأنك إنت في الوجـــــــــــــــــــــدان ... مشكن بين حـــــــنا الروح |
| Quote: لأنك إنت في الوجـــــــــــــــــــــدان ... مشكن بين حـــــــنا الروح |
و
موسمة بيــــك تفاصيلـــــنا
يآآآالله !!
| |
|
|
|
|
|
|
|
|
 Re: نـــــــــورا (Re: انعام حيمورة)
|
الأصيلة الراقية بت حيمورة إنعام
Quote: مدثر ياخ كان مفروض تقول
التحية للقامتين مصطفى وحميد و ليك يانعام |
أها شفتي علشان مدثر ده ما قالها أنا بقولا ليك :
التحية للقامتين مصطفى وحميد وليك ياإنعام بت حيمورة ....
مشتاقييين يا أخ ....
مودتي
عماد محمود
| |
|
|
|
|
|
|
|
|
|
Re: نـــــــــورا (Re: انعام حيمورة)
|
كل ما تباعد بينا عوارض
كل ما هواك يا طيبة مكنى
تلد الغربة الغربة الواحد
بيكي أسمى الشوق واكني
لما أفوتك من دون خاطر
او دون خاطر منى تفوتي
بلقي حبايب فى كل حته
وكل بيوت الفقراء بيوتيِِِ
لا غيرت ولاك اخترت
لا بدلت ملامح صوتى
لا غافلني وهادن فنى
خامل المدن الما عرفتني
من الشوق الصبر مصوبر
للايام الكم وفتني
للاطفال الناشفه ضلوعه ونازفه،، بغنى
اطمن روعاَ واهدى دموع لبسمة بكرة الماها تمنى ولا مصنوع
للاطفال الناشفا ظلوعا ونازفا بغنى
اغنى لشعبى ومين يمنعنى
اغنى لقلبى اذا لوعنى
مخير قلبى الى ما رجعنى
اذا طلعنى فى خشم الجرمي،،ولا الغربة الكدرومية
بنزل غنواتي بي قمريه
او و قعني فى بطن الجب
بطلع يوسف بالاغنية
اغنى الناس الما بتسمعني
المني بعيدة المبعده عنى
النادى نشيد و كنت المعني
الايدى فى ايدها وايدها بتبنى
لدنيا جديده اليوم راح تبنى
وليك غنواتي لى ناس شغاله بالسقاله والطورية
ضراع رجالة وكتاب اطفال وجملة مال الما مكرية
سدت مال وبقة فال في ليلة الدخلة على اسما قضية
حبيبت قلبى يا سودانية يااسمى معانى فى زول بيعاني
ياود ضكران يا بت دغرية
وانا ان سامعانى فضلت اغانى غبش فقرية وروح حامينى
هويتك انتى يا دافعانى وراحت ايدى كما الاشواق،
ويا جافيانى تقلتى على
وما بتحير بين الفوق وبين الناس التحتانية
الا مغير ولا عقوق ولا كفيف الانسانية
ومنك وين يا كاشفا عنيى
نور الالفه الى الحنية
حلم العالم ناس تتسالم
والبنى ادم صافى النية
والاطفال الناشفا ضلوعا
بطمن روعا وتبدا تغنى
غناوي البكرة الكم مسموعة
حسيس طمبارة مع نقارة
صفيقتا حارة ودايرة تغنى
ويا حلتننا عليك شبابك
وانتىشبابك زينة الجنة
يا احلى عروس البلد اللتنا
ولا الغبش الرايقة تغنى
ولا هدير المدن التصحى وتمحى ظلام الحاصل عنى
كل ما تباعد بينا عوارض
كل ما هواك يا طيبة مكنى
تلد الغربة الغربة الواحد
بيكي أسمى الشوق واكني
| |
|
|
|
|
|
|
|
|
|
Re: نـــــــــورا (Re: Ishraga Haimoura)
|
اشراقة يا
وبقول غنوات ...
و ..
راضى بى الجايينى .. منـِّك
ما شكيت شُح اليالى .. وما بكيت نُحْ .. شِلتوا حالى
رغم إنو الحال بيفضح
إلاّ كٌتْ فى الحارة بصرُخ
يا وطن عِز الشدايد
| |
|
|
|
|
|
|
| |
انعام حيمورة
حبيب نورة
رانيا قاسم
بدر الدين الأمير
محمد سنى دفع الله
عصام علي أحمد
كمال سالم
osman righeem
سيف بخيت موسي
Mohamed Abdelgaleel
علاء الدين حيموره
Ishraga Haimoura
العوض المسلمي
فيس بوك
تويتر
انستقرام
يوتيوب
بنتيريست