هذه الانسانة....الهميمة ذات قيمة وقدر مقدور في عطائها المبذول لهذه الحياة.ان انسي لا انسي تحركاتها الاجتماعية بصدد الترحيب بالبورداب القادمين من الغربة لحضن الوطن العزيز وهي تتوصي بهم وتحتفل وترتب لهم " اللمة ". او هي في تجلياتها الاخري الهامة نحو المرضي والمحتاجين.فكم من بوستات اقامتها تحض الناس والعالمين لانقاذ طفل او طفلة او مريض وقد اوقفت وقتها وجهدها ومالها وقد اسمت جهدها المشكور "صندوق الخير" وحركتها جلها تصب وتذهب صوب عافية الناس. هذا من ناحية ومن ناحية اخري ففي ايام البورداب ورحلاتهم العامرة هي شعلة من الاتقاد لجعل هذه التجمعات سعيدة....ومفرحة..وممتازة انها انعام حيموره التي عرفتها موظفة بشركة ابابيل للطيران وتقيم بحي الصحافة قرب محطة سبعة واستضافتنا بمنزلهم العامر الباذخ بالكرم والضيافة. وكاني بها حينما اتأمل الحديث الشريف الذي يقول(ان لله عبادا اختصهم بقضاء حوائج الناس حببهم في الخير وحبب الخير اليهم اولئك هم الناجون من عذاب يود القيامة) انعام.....نعوم...كوني بخير..وربنا يعزك
انعام حيمروة نشاط لايفتر وبسمة لاتفارق ثغرها مع الكل ,, بيتها دار للجميع نشعر بالراحة كلما زرناها . يكفي انها اخت الخير , ولو فتحنا كتابها واعمالها لما كفاها هذا البوست ,, شكرا مطر قادم فانت فعلا تتحدث عن اخت تجد الاحترام والتقدير من الجميع .
11-03-2009, 08:45 AM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
ياقول نادية الزول لما يلقى اسمو في عنوان بوست وصدفة بتخلع ..
وينك انت مختفى .. وما قدرت اتابع معاك بوست عن الحكاوي الحلوة وشايفة صورنا الحلوة (هههه) ..
انت يا مطر بتكون بالبوست دا عايز تضمن البرامج حقت شهري 12 وعودة أجمل الاحبة في هذا الشهر العظيم
اللي هو آخر شهر في السنة ..
الغريبة الشهر دا انا بحبه جدا خاصة يوم 2 فيهو عندي معاه ذكريات حلوة ..
الناس الجايين من برة كل زول بجي بي طريقة مختلفة وبي نكهة مختلفة ..
يعني مثلا طارق جبريل (ماسكنا بيها لي يوم الليلة) ما لقى حقوا من الترحيب الكفاية ..
لانو كنا بنمر بي ظروف (مناخية مختلفة) ..
الحريف صحي صحي .. يكون مفتح و يجي في شهر 12 .. سامع يا ود الصايم
مطر ..
شكرا لهذا (الخيط ) زي ما بقولوا ناس المنبر ..
بالنسبة لصندوق الخير .. والاعمال الخيرية .. حقيقة والحمد لله أواصل فيها وبي نفس المستوى القديم ..
الفرق الوحيد .. اني بقيت ما بعلن هنا في المنبر ..في البداية كنت خفت على الناس من ارهاقهم ..
والحمد لله عندي 50 عضو في صندوق الخير وثابتين الحمد لله بي اشتراكاتهم الشهرية .. ولو في حالة ذادت عن الاشتراكات بتصل بي اهل الخير وما بقصروا معاي والحمد لله .. وفي المقابل اتصالات الناس المحتاجة برضو ما قاعدة تقيف ..
وأخيرا أصبحت لا أعلن بسبب التزامي بالبند الذي ذكرة الباشمهندس بكري ابو بكر في الائحة بعدم جمع أموال خارج أطار المنظمة لحين قيامها ..
وربنا يقدر أهل الخير لفعل الخير والوقوف مع المحتاجين ..
طيب يا مطر عشان التجلي القلتوا لي دا حا أهديك قريبا شي سيكون في ذاكرتك مدى الحياة ..
شكرا لشعورك النبيل .. وقدر ما القى نفسي عايزة اكتب ليك بكتب ليك وبي كل تجلي (حلوة دي)
ودائما ما ارتبط في زهني بصديقك أحمد النعيم - تحياتي الشديدة ليه ..
وما عدمتكم ..
11-03-2009, 03:25 PM
فتحية شامي فتحية شامي
تاريخ التسجيل: 10-15-2009
مجموع المشاركات: 324
انعام حيموره استحضرتنى هذه الابيات والله ما اشرقت شمس ولاغربت الا وذكراك مقرون بانفاسى ولا شربت لذيذ الماء من ظما الا وجدت خيالا منك فى الكأس ولا جلست الى قوم احدثهم الا وكنت حديثى بين جلاسى
Quote: والله ما اشرقت شمس ولاغربت الا وذكراك مقرون بانفاسى ولا شربت لذيذ الماء من ظما الا وجدت خيالا منك فى الكأس ولا جلست الى قوم احدثهم الا وكنت حديثى بين جلاسى
فتحية شامي منور والله وكمان حريفة اوعى تقول لي كنتي بتدربي بي باص ابو العول ..
عارف يا مطر فتحية دي كل ما ينزل بوست مكتوب فيه انعام حيمورة بتضرب لي حتى لو هي برة السودان
العالي تقديرها فتحية شامي غمرنا دي ذكرتني مقطع لعثمان الشفيع يقول "وغمرنا نفوسنا" وأهل الظاهر من المفسرين "دقسوا في التفسير قصير النظر"وتبقي المعاني الجليلة البعيدة هي في متناول خيال شاعرنا محمد عوض الكريم القرشي وشكرا علي المرور وعاطر التحايا
11-03-2009, 03:41 PM
Elawad Elawad
تاريخ التسجيل: 01-20-2003
مجموع المشاركات: 7226
الأخت إنعام جزاها الله خيرا عرفناها في هذا المنبر مساهمة و رائدة في عمل الخير. التوفيق لعمل الخير آية و دلالة على رضا رباني إن شاء الله و يقيني أنه ما كل شخص يوفق إليه و نبينا الكريم صلى الله عليه و سلم يقول (إن لله عبادا اختصهم لقضاء حوائج الناس) فهؤلاء ربنا يختارهم و يختصهم و يوفقهم و نرجو أن تكون أختنا إنعام منهم. هاك يا إنعام دا يا ريت لو تتوليهو و خليك من كلام زعيمنا أبو صلعة دا (بكري والله بهزر أوعى تشيل العدة): أرجوكم .. أرجوكم .. وحباً بالله ساعدو أحمد شكرا يا مطر على البوست.
11-04-2009, 08:56 PM
انعام حيمورة انعام حيمورة
تاريخ التسجيل: 06-29-2006
مجموع المشاركات: 11094
شكرا العزيز مطر قادم لهذا البوست الجميل لانسانة رائعة تشرفنا بمعرفتها فى المنبر لكن ماشاء الله عطر فواح بكل جميل ومبدع ونتلهف لمقابلتها فى الوطن الحبيب لتقف على انسانة رائعة قمة فى كل شىء ونشكر الله انه يوجد فى الزمن الحالى انعام حيمورة، وأنا على فكرة (شايقى متعصب).
11-03-2009, 07:48 PM
انعام حيمورة انعام حيمورة
تاريخ التسجيل: 06-29-2006
مجموع المشاركات: 11094
Quote: انعام حيمروة نشاط لايفتر وبسمة لاتفارق ثغرها مع الكل ,, بيتها دار للجميع نشعر بالراحة كلما زرناها . يكفي انها اخت الخير , ولو فتحنا كتابها واعمالها لما كفاها هذا البوست ,, شكرا مطر قادم فانت فعلا تتحدث عن اخت تجد الاحترام والتقدير من الجميع .
11-05-2009, 12:33 PM
انعام حيمورة انعام حيمورة
تاريخ التسجيل: 06-29-2006
مجموع المشاركات: 11094
نعوم الجميله شكرا على الكلام الحلو وطبعا منتدى سودايزاونلاين لسه مااتعودت عليه لانه انا بكتب فى منتديات اخرى نظاما مختلف وذولنا داك انعام حفيظ عملت ليه مفاجأه وهو اليومين دى غاطس فى منتدى تنقاسى اصلو بقى المدير العام لمنتديات تنقاسى
11-04-2009, 04:27 PM
الفاتح الجنيد الفاتح الجنيد
تاريخ التسجيل: 08-19-2007
مجموع المشاركات: 1003
مراعاة لفروق الاعراق....ارد علي اهلي واقربائي الاعزاء محمد ادم...وحافظ عبد النبي مسالة سفري للسودان مسالة وقت وهي مرتبطة بولي امري الجودة قادم.....فربما سرعان ما افر الي الوطن العزيز...وهناك حيث الشية...والشربوت وعارفكم ماحاسدني ولكن ساعود قافلا اليكم....فيا اخوتي قال المغني اديني رضاك قدامي سفر
11-04-2009, 09:20 PM
انعام حيمورة انعام حيمورة
تاريخ التسجيل: 06-29-2006
مجموع المشاركات: 11094
شفت يا مطر .. غادة في زيارتها السودان آخر مرة ..في ناس عايزة ترتب ليها حاجة وما عارفين يعملوا شنو قاموا قالوا يستعينوا بي صديق بعيدا عن غادة قاموا سالوها اكتر زول صاحبك في السودان منو قامت قالت ليهم (انعام) قالوا ليها طيب ادينا رقم تلفونا انا ما بعرفهم .. ضربوا لي وحكوا لي انو عايزين يعملوا حاجة لي غادة واخدوا رائي ..
اها انا قصة اكتر زولة صاحبتك في السودان دي عجبتني جدا ومقرطة على كدة (هههه)
غادة مودة في القلب لا حدود لها ..
--- كدي ما تنفذي الاتفاق الاتفقنا عليه بكلمهم هسة دي !!
اولا اعزائي المتداخلين في هذا البوست اجمعين لا استطيع ان اخص اي فرد فيكم برد لانكم كتار(ماشاء الله) وده كله من انعام ناساها كتار...كتره تعالي يا انعام ردي علي ناسك ديل ثم اخص انعام.......فقط هي آسمي آيات الشكر والامتنان....لجهودك المشكورة بعرفان واجلال والتي اعرفها...وهي من اعمال ملائكة الرحمة صدقيني.....جديرة بالاحترام.....ببساطة لانها العافية....والبسمة....والبلسم......لاهلنا السمر الميامين واري انك تستحقين وسام التقدير من الدرجة الاولي......وتعظيم سلام......واغنية
11-05-2009, 02:04 PM
مطر قادم مطر قادم
تاريخ التسجيل: 01-08-2005
مجموع المشاركات: 3879
ثم جئتك ياتبلدينا العزيز في مسالة كسير التلج.......!!!!!! فهي تهمة لا انكرها وشرفا لاادعيه هي مصطلحات شبابية..واني قد تجاوزتها وكما تعلم فانا من فئة(عمر الغمام)..ومشفّر..ولكني امتدح اعمال الخير...وقد تدرعت اختنا انعام هذه المشاق..وتستحق عليها تحية...اكبار...واجلال...وتشجيع فهل توافقني؟؟؟؟ والناس فيما تعشق مذاهب شتي...فابتداءا..هناك الحبيبة حبيبة الله والرسول.......والحبيبة بالتبني....والحبيبة بالتمني....رعاك الله ان توفر لك كل هذا...فانت في زحمة نعم
11-05-2009, 02:05 PM
الفاتح الجنيد الفاتح الجنيد
تاريخ التسجيل: 08-19-2007
مجموع المشاركات: 1003
Quote: الخير...وقد تدرعت اختنا انعام هذه المشاق..وتستحق عليها تحية...اكبار...واجلال...وتشجيع فهل توافقني؟؟؟؟ والناس فيما تعشق مذاهب شتي...فابتداءا..هناك الحبيبة حبيبة الله والرسول.......والحبيبة بالتبني....والحبيبة بالتمني....رعاك الله ان توفر لك كل هذا...فانت في زحمة نعم
يا سلام عليك يا ملك
11-05-2009, 02:30 PM
مطر قادم مطر قادم
تاريخ التسجيل: 01-08-2005
مجموع المشاركات: 3879
يطيب لي ان اذكر الدكتورة نجاة محمود ففي الذاكرة اخوتي السر السيد ومحمد عكاشة وابوالقاسم قور ذهبنا للدكتورة معزين في والدها العزيز له شابيب الرحمة ..وهناك في منزلهم البعيد لحق بنا الاستاذ عادل الباز فتلقتنا بترحاب ...وكرم..وود غير محدود انها من باب الذكريات يادكتورة....وشكرا لحضورك ورد الله غربتك بيتكم زي بيتنا في الضواحي وطرف المدائن اجدادنا اتاخروا في زحفهم للخرطوم....وكما قالت انشودة الطفولة...احي متين نشوف الخرطوم
11-07-2009, 03:32 PM
مطر قادم مطر قادم
تاريخ التسجيل: 01-08-2005
مجموع المشاركات: 3879
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مطر قادم
محمد أبوالعزائم أبوالريش
العوض المسلمي
خالد عبد الله محمود
ALGARADABI
محمد عبد الماجد الصايم
ود العجمى
انعام حيمورة
Elawad
هاشم محمد الحسن عبدالله
غادة عبدالعزيز خالد
ismeil abbas
ماجدة عوض خوجلى
صديق الموج
doma
عفاف الصادق بابكر
Siham Elmugammar
saadeldin abdelrahman
محمد ادم الحسن
خدر
Manal Awad Khugali
الفاتح الجنيد
حافظ عبد النبى
فيس بوك
تويتر
انستقرام
يوتيوب
بنتيريست