|
دعواتكم لزميلنا المفكر د.الباقر العفيف بالشفاء العاجل
|
|
 Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: yasir Abdelgadir)
|
| Quote: أها دي دعاية مجانية...ولو ماكفاية ممكن تدفعوا صاحب الموبايل قروش زيادة...لانو من هسي حأسمع الحفلة لجاية كلها |
اووووو دكتورنا الغالي ياسر...
خلاص الحفلة الجاية دي تسمعها كلها صورة وصوت مني ليك ..
شوية شوية سوف تتلاشي هذه القيمة بأذن الله ... بس بعض الترتيبات ان شاء الله ..
سوف نقوم بشرحها في الاسابيع القادمة ..
شكرا ليك ووعد ان شاء الله سوف تكون حضورا على الهواء مباشرة ..
وبهدي ليك اغنية أمي سلام دي ولكل معجبي ومحبي الفنان مصطفى السني ..
تحياتي ..
| |
 
|
|
|
|
|
|
|
 Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: انعام حيمورة)
|
الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة
هو الحاصل شنو؟؟
؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟
؟؟؟؟؟؟؟
السكة دي غلط على ما أعتقد..
ما قادر أفهم بالجد...
بيزنس؟؟
أم أنها جلسات استماع على طريقة العملاق مصطفى سيد أحمد (المجانية) على أيامنا..
أم بروفات مدفوعة الأجر من قبل الحضور؟؟
أم اجترار لأغنيات الحقيبة ومحاكاة يشوبها الكثير من الخلل لعبقرية أبو داوؤد؟؟
أم إصرار على أن هذه هي بالضرورة الطريقة المثلى لتقديم صوت مصطفى السني؟؟
صوت مصطفى السنى الذي بدأ يتآكل بسرعة غريبة وأصبحت تشوبه "حشرجات" لا تخفى على متابع..
يحسبها "الأصحاب" تطريباً..
الفنان يصنعه فنه..ولا يصنع الفنان شيئاً إن لم يكن كذلك..
الفنان لا يصنعه (أصحابه)...
السكة دي غلط يا مصطفى السني..
السكة دي غلط يا طارق الأمين
السكة دي غلط يا إنعام حيمورة..
ألا .. هل بلَّغْتْ...اللهم فاشهد...
قوموا إلى (غُلاطِكُمْ) .. يرحمكم الله..
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: Mahmoud Mustafa Mahmoud)
|
سلام الاخ محمود مصطفى محمود
Quote: صوت مصطفى السنى الذي بدأ يتآكل بسرعة غريبة وأصبحت تشوبه "حشرجات" لا تخفى على متابع..
يحسبها "الأصحاب" تطريباً.. |
مع احترامى لى رايك
برضو اسمح لى الناس التانيه تقول رايها بصراحه
ما معنى من اختلف معك يبقى غالاط
صوت مصطفى فى زمنا ده والجاى .. الله يعلم يتكرر
بشهادة نقاد ومستمعين من مختلف الاعمار
صوتو بطرب .. بطرب .. بطرب حد الثمالة
والدليل على ذلك الطلب الكتير عليه
مش معناها طارق الامين بجامله .. من قل الفنانين فى الساحه ؟
وفى السودان تحديدا ؟ لا طبعا ..لكن مصطفى مطلوووب بالاسم
شوف راى الناس البتسمعوا بالتلفون .. دى براها ما شهادة كافية
ربنا يمتعكم يا نعومه كمان وكمان
والتحية للاخ طارق ابو صلعه
ولى مصطفى الفنان صاحب الحنجرة الذهبية ما شاء الله
ربنا يحفظك بس
شكرا نعومه
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: انعام حيمورة)
|
Quote: ربنا يمتعكم يا نعومه كمان وكمان
والتحية للاخ طارق ابو صلعه
ولى مصطفى الفنان صاحب الحنجرة الذهبية ما شاء الله
ربنا يحفظك بس
شكرا نعومه |
ويحفظك يا سومة ويحفظ ليك قلمك وعقلك والهامك ..
في كرامتي حقت العملية قبل يومين مصطفى قال لي اطلبي ..
طلبت بت الاصول .. غناها .. لحدي ما الحيموراب كلهم كبار وصغار قاموا عرضوا فيها ..
وكان نوعية جديدة لمصطفى من الناس وانبسطوا جدا .. وقالوا تاني حا يكرهوا ..
يعني هو ما عندو طريقه يكرهم ولا شنو ..
ياخ مصطفى غناي شديد .. واختيار موفق للكلمات ..
وعلى فكرة هو في كل الجلسات البقدمها بقدم أعماله اول ومن ثم اغنية اغنيتين (دمعي الاشتت) ههه
تسلمي يارب ..
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: انعام حيمورة)
|
محمود مصطفى محمود ..
مصطفى السني ذلك الشاب الخلوق والذي اعتزر بصداقته واخوته ..
صوت جديد على الخرطوم يادوب الناس بدأت تتعرف عليه ..
| Quote: ما قادر أفهم بالجد... |
طيب أفهمك وأفهم كل القراء الاعزاء عن فكرة اليوم والتي كنت انتظر الاستاذ طارق الامين بحضوره بنفسه حتى يتكلم لكم عن يوم فكرةانعام حيمورة نيابة (عني) ..
جاءت فكرة اليوم (صدفة) وليدة النجاح الباهر لليوم الذي قدمت فيه الجانب الاعلامي .. من بوستات في المنبر والمنابر المجاورة وعن طريق ٍ(الرسائل) القصيرة لاصدقائي واصدقاء بيت الفنون ..
اختار طارق اسم اليوم (يوم انعام حيمورة) في هذا اليوم لي حرية التصرف فيه ..
تقديم كل ما أراه مناسب - برنامج الحفل - مصطفى السني - اساسي ..
على ان يكون هنالك جانبا اخرا لليوم أقدم فيه ما أراه مناسب ..
تكريم .. شعر .. نثر .. طرح مواضيع اجتماعية (والتي تعودت ان اقدمها أينما ذهبت حتى في جلسات الونسة) ..
كنت انتظر طارق ليقوم بالنيابة عني لشرح الفكرة برؤية (طارق الامين )..
الا انني يادكتور ولظروف صحية (عملت عملية لوز) لم اتمكن الاسبوع الماضي وهذا الاسبوع من طرح الفكرة كاملة ..
لا ما بيزنس والله .. لانو لو شفت البيعملوا طارق الامين ما كنت بتقول كدة ..
الـ 15 جنيه دي رسوم بسيطة مقابل ترتيبات اليوم ونحن بصدد البحث عن (راعي) لتحمل هذه النفقات حتى يتثنى الدخول من غير رسوم (رايك شنو تتبنى اليوم دا) .. وتكون قد ساهمت في علاج أرواح كثيرة تبحث عن الهدوء والموسيقى والتطريب تخفف ليها شوية عن الشايلاه ..
Quote: صوت مصطفى السنى الذي بدأ يتآكل بسرعة غريبة وأصبحت تشوبه "حشرجات" لا تخفى على متابع..
يحسبها "الأصحاب" تطريباً.. |
غايتو كدي أسال الناس الدارسين صوت ياربي صحي .. غايتو نحن (الحضور الاصبح ثابت) صحي بطربنا بي (بحتو) الفي صوته دي ..
| Quote: الفنان يصنعه فنه..ولا يصنع الفنان شيئاً إن لم يكن كذلك.. |
لمصطفى السني أغنيات عديدة من الشاعرة مي والشاعرة سومة الجنيد والشاعرة تماضر الخنساء
وفي القريب العاجل سيتغنى للشاعرة أمي( حنانة حيمورة) أها عاد حتى أمي لمن سمعت صوته اقتنعت بانها تهديه عمل خاص بها (بدون مقابل) كما ذكرت 
Quote: السكة دي غلط يا مصطفى السني..
السكة دي غلط يا طارق الأمين
السكة دي غلط يا إنعام حيمورة.. |
اتمنى بعد كل هذا الشرح ان لا يكون هنالك سكة غلط .. والله لا جاب الغلط ..
وسوف تتعدد أيام بيت الفنون ..
والثلاثاء خاص بالفنان المبدع ياسر مبيوع ..
وهكذا ..
تحياتي وتقديري وارجو ان لا اكون قد اطلت عليك وان اكون قد رديت رد مقنع لك ..
واتقبل أنا اي مقترحات منك ليومي هذا ..
دمت
| |
|
|
|
|
|
|
|
|
 Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: انعام حيمورة)
|
..
.
..
.
Quote: اختار طارق اسم اليوم (يوم انعام حيمورة) في هذا لي حرية التصرف فيه ..
تقديم كل ما أراه مناسب - برنامج الحفل - مصطفى السني - اساسي ..
على ان يكون هنالك جانبا اخرا لليوم أقدم فيه ما أراه مناسب ..
|
ما اشبه هذا بعهد هتلر _ او فلنقل الانقاذ _
| Quote: واتقبل أنا اي مقترحات منك ليومي هذا .. |
طيب ما تغنى ..!!
__________
التحية _ فى يومك ذاك_ للاخوة مصطفى السنى طارق الامين
وبسالهم مافى يوم باسم أنعام عبدالحفيظ ؟؟
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: Muna Khugali)
|
| Quote: تقديم كل ما أراه مناسب - برنامج الحفل - مصطفى السني - اساسي .. |
اما وقد دار محور حديثكم عنا ال بيت الفنون فاسمعوا عني , احب طارق الامين جدا واستمتع باعماله ومجهوداته وليس لدي ادني شك في حنكته ودرايته , كما اثمن جدا اعمالك الخيرية اختي انعام اخت الرجال , كما اثمن فكرة بيت الفنون وادعمها واقف معها بقلبي وجيبي ما امكن لذلك سبيلا .
اما بخصوص الاستاذ مصطفي السني فلي رأيا بدأ يتكون في الفترة الاخيرة وبعد استماع له في هذا المنبر كثيرا بل كثيرا جدن جدن جدن وعبر حلقة الشاعرة المجودة اسماء الجنيد في النيل الازرق , مصطفي السنني فنان عادي جدا فلا هو يملك ذلك التطريب الذي يجعلك تتهافتت للاستماع اليه ولا يجبرك ايضا علي ابقاء الريموت بجانبك وان تشاهده و انت مشدوها اناء غنائه , بل عادي جدا يمكنك تقليب قنوات التلفاز وبكل ارتياح والعودة مرة اخري الي اغنيته والونسة اثناء ذلك مع من بقربك , امكانياته الصوتية لا املك ان اقول فيها رأيا محترفا بل اقول فيها راي ( رجل الشارع العادي كما يقول القانونيين ) او احد السُماع و الذويقة فانا اري ان صوته لا يمثل ( حدثا ) في مجال الغناء السوداني بل لا فرق بينه والكثير من الاصوات العادية المنتشرة عبر الميديا السودانية بل يوجد الكثيرون الافضل منه تطريبا ولحنا ولكن لا يملكون علائق بوردية او بيت فنونية , وما دام انه يتم تقديمه الي الجمهور السوداني بالداخل حديثا فانا اعتقد ان مصطفي السني يتم فرضه طيلة الفترة الماضية اولا علينا كبورداب وثانيا علي شريحة اليسار السوداني بالداخل الذين يسيطرون علي نواصي الثقافة والادب في محاولة كما قال الاخ اعلاه Mahmoud لإحلاله بديلا عن مصطفي سيد احمد , وهذا جلباب كبير قد لا يتسع حجم مصطفي السني لارتدائه , فالارث الذي خلفه مصطفي سيد احمد ورائه والتربع علي الوجدان السوداني من الصعب ان يملأه مصطفي السني بطريقة هذا الاقحام الحادث الان علي الاذن السودانية او حتي اليسارية , من الافضل لمصطفي السني ان ينمو فنيا بهدؤ وينضج مثلما فعل الراحل مصطفي سيد احمد الذي ما وجد صيته الا بعد عقدين من الزمان من النمو الفني , لا يوجد فنان ولد كبيرا وعملاقا وانما هي خطوات وبعض عثرات تصنعه وتضخمه في اذان سامعيه , لذا من مصلحة مصطفي السني في هذه المرحلة الانعتاق عن هذه الاحتكارية التي تمارس عليه من البعض وتسويقه عبرهم , الافضل ان يطرح نفسه لكل مستمعي السودان وهم الذين في يدهم قرار قبوله او الاحجام عنه حسب انتاجه .
سمعت فيما قد سمعت مصطفي السن قد اقام حفل مباركة لاحد البورداب لقيامه بشراء ركشة
كما وايضا سمعت ان مصطفي السني بصدد القيام بحفل خيري لاحد بورداب الداخل قام بتصدير شيكات طايرة
اخشي ما اخشاه علي مصطفي ان يتم تقديمه في حفل شراء بوردابية لاسكيرت وبلوزة جداد
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: انعام حيمورة)
|
Quote: ويحفظك يا سومة ويحفظ ليك قلمك وعقلك والهامك ..
في كرامتي حقت العملية قبل يومين مصطفى قال لي اطلبي ..
طلبت بت الاصول .. غناها .. لحدي ما الحيموراب كلهم كبار وصغار قاموا عرضوا فيها .. |
الحبيبه نعومه سلام يا حنينة
والف حمد الله على سلامتك وبركة البقيتى طيبه وعملتى الكرامة وفرحتى
وفرح كل آل حيمورة .. ويا رب يجعل ايامكم كلها افراح
Quote: مصطفى السني ذلك الشاب الخلوق والذي اعتزر بصداقته واخوته ..
صوت جديد على الخرطوم يادوب الناس بدأت تتعرف عليه .. |
تسلمى يا انعام .. صاح مصطفى عاد للسودان بعد غيبة طويلة
وربما يكون جديد على بعض الذين لم يسمعوا به قبل ان يغادر ارض الوطن
لكن مصطفى له جذور ثابته فى الفن غرسها هنا فى ارض الوطن قبل 20 عام
ومن ثم انطلق فى كل من السعودية التى درس بها..
والى القاهرة التى قضى بها فترة من حياته قبل ان يهاجر الى بريطانيا
وفى اوربا تحديدا بدت انطلاقته الكبرى حيث كون جمهور راقى من محبى الفن والطرب
حيث ان مصطفى كان وما زال يحترم فنه ويعشق ابو داؤد حد الثمالة..
وهو من المطربين القلائل الذين تمكنوا من اداء اغانى الراحل المقيم ابو داؤود بجدارة
وله ايضا جمهور فى عدة دول خارج الوطن بحكم جولاته الكثيرة
منها على سبيل المثال .. امريكا وكندا واسبانيا وهولندا
غير دول الخليج الامارات قطر البحرين وسلطنة عمان ..
ما يعجبنى فى فن الاخ مصطفى .. لم يغنى يوما اغنية هابطه
من الاغانى التى تملأ الساحه الان ..
وكثير من الفنانين المعروفين يغنوا تلك الاغانى بدون حياء او خجل..
ايضا لم يغنى اى لحن لم يقتنع به مهما مكثت القصيده عنده..
ومعظم الالحان له هو..
له التحية بعمق النيل
ويا مصطفى لا يضرك شىء .. النقد البناء ادرى تماما لك صدر رحب له
اما النقد من اجل النقد فلا تلتفت له كما عودتنا دوما..
فيا عزيزى القمم دائما مستهدفة
امضى وعين الله ترعاك..
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: soma)
|
الاخ العزيز اساسى
سلام واحترام
| Quote: اما بخصوص الاستاذ مصطفي السني فلي رأيا بدأ يتكون في الفترة الاخيرة وبعد استماع له في هذا المنبر كثيرا بل كثيرا جدن جدن جدن وعبر حلقة الشاعرة المجودة اسماء الجنيد في النيل الازرق , مصطفي السنني فنان عادي جدا فلا هو يملك ذلك التطريب الذي يجعلك تتهافتت للاستماع اليه ولا يجبرك ايضا علي ابقاء الريموت بجانبك وان تشاهده و انت مشدوها اناء غنائه , بل عادي جدا يمكنك تقليب قنوات التلفاز وبكل ارتياح والعودة مرة اخري الي اغنيته والونسة اثناء ذلك مع من بقربك , امكانياته الصوتية لا املك ان اقول فيها رأيا محترفا بل اقول فيها راي ( رجل الشارع العادي كما يقول القانونيين ) او احد السُماع و الذويقة فانا اري ان صوته لا يمثل ( حدثا ) في مجال الغناء السوداني بل لا فرق بينه والكثير من الاصوات العادية المنتشرة عبر الميديا السودانية |
ما اعلاه هذا رايك واحترمه تماما ولكل ذوقه فى السمع وفى كل شىء
| Quote: فانا اعتقد ان مصطفي السني يتم فرضه طيلة الفترة الماضية اولا علينا كبورداب وثانيا علي شريحة اليسار السوداني بالداخل الذين يسيطرون علي نواصي الثقافة والادب |
مين يا اخى العزيز فرض عليك ان تستمع له؟ وهل انت تتحدث باسم كل البورداب ؟
حسب متابعتى اللصيقه بما يكتب فى معظم بوستات الاخ مصطفى السنى ..له معجبين كثر هنا بيننا
وهل مجرد اعلان حفل له فى البورد معناها فرض عليك شىء لا تحبه ؟
ماهو البورد ملان بالاعلانات عن الفنانين فى بيت الفنون ولا غيره..
الانسان بختار الشىء البحبو وبستمع ليه وبترك الما عنده فيه رغبه للاستماع او القرآءة.
| Quote: في محاولة كما قال الاخ اعلاه Mahmoud لإحلاله بديلا عن مصطفي سيد احمد , وهذا جلباب كبير قد لا يتسع حجم مصطفي السني لارتدائه , فالارث الذي خلفه مصطفي سيد احمد |
بصراحة اخى اساسى هل سمعت او قرأت من احد المعجبين او المقربين لمصطفى السنى
ما يشير لمحاولة احلال الفنان مصطفى السنى بديلا للراحل المقيم مصطفى سيد احمد ؟
ام هذا من بنات افكاركم فقط ؟؟
اتمنى ان يكون النقد شفافا وبثوابت وادلة واضحة تقنع الناقد قبل القارىء
ويجب ان لا نتهم من ننقدهم حسب احساسنا الداخلى . وان لا نترك العنان لخيالنا الخصب
حتى ولو سمعت من شخص ما او معجب او ناقد ما وردته اعلاه ..
فلا ذنب لمصطفى او لغيره من الفنانين ان يمثلوهم بعمالقة الفن والابداع..
فيا عزيزى مصطفى لم يقل هذا الكلام فلا تقولوه ما لم يقل مع احترامى لك
Quote: سمعت فيما قد سمعت مصطفي السن قد اقام حفل مباركة لاحد البورداب لقيامه بشراء ركشة
كما وايضا سمعت ان مصطفي السني بصدد القيام بحفل خيري لاحد بورداب الداخل قام بتصدير شيكات طايرة
اخشي ما اخشاه علي مصطفي ان يتم تقديمه في حفل شراء بوردابية لاسكيرت وبلوزة جداد
|
اما هذه الجزئية لم اتوقعها منك انت تحديدا يا اساسى على الاطلاق..
صدمت للغاية فى اسلوبك الاستفزازى والمستنكر من انسان له بصمه واضحه فى المنتدى
احترم كل مداخلاتك وكتباتك.. وحزنت للغاية لما قرأته فى ختام مداخلتك رغم الجديه فى البداية
من حقك ان تنتقد لكن ما من حقك التجريح .. وتجريح فى منتدى عام ولزميل لك فى المنتدى
ذنبه انك ما معجب بفنه..هل هذة ديمقراطيه ام ماذا ؟؟؟
شكرا اساسى على كل حال
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: soma)
|
الاستاذة سوما
تحية وتقدير
انا احترم جدا العلاقة الانسانية او الفنية التي تجمعك بالاستاذ مصطفي السني لذا انا اعرض عن الخوض في حوار حول الامر بناء علي مداخلتك اعلاه فقد اضطر دون ان اقصد ان اكتب ردا علي مداخلتك اعلاه مما قد يضطرنا الي الخوض اكثر من ذلك مما يؤدي بنا الي كتابة اراء قد يتأزى منها حقيقة , لذا دعيني اكتفي بحديثي حول الاحتكارية والفرض اعلاه وهذا لا يدخل ضمن امكانيات الاستاذ التي اشرت اليها اشارة عابرة في المداخلة اعلاه
ــــــــ
اما الجزئية الاخيرة من كلامي التي صدمتك فهي واضحة كفاية ليعلم منها انها اسلوب مبالغة اريد به توصيل رسالة للاستاذ في ان الطريق هذا قد يوصله في النهاية الي استهلاك نفسه في دائرة ضيقة جدا وهي البورداب
ــــــــــــــ
عموما انا لم اقصد احراجك والاخت انعام بهذه المداخلة مع الاستاذ ولم اقصد ان يكون النقد من اجل النقد او استهداف لقمة ولا شيئ شخصي بيني وبين الاستاذ وفي النهاية كما اسلفت ان هذا راي مستمع عادي ورغم اني لست بمحترف فالاستاذ كما اسلفت ليس بملزم ابدا بأخذ كلامي قيد حرف .
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: عبير خيرى)
|
الأستاذة الراقية حســا وإحســـاسا إنعام
التحايا والود وألف ســـلامة بعد العملية ونعتذر عن التفصير
.. بدون مبالغة فد نكون من أوائل الذين أسعدتهم الظروف بمتابعة
مسيرة الفنان العزيز مصطفى منذ أكثر من عشرين عاما وأقول أنه صاحب
موهبة وتطريب أبعدته الغربة المفروضـــة عليه عن وسائل الإعلام واليوم
يتمدد إنتشـــارا بقوة أدائه والتطريب العالى الذى يتمتع به .
أرجو له التوفيق ونحن أحوج ما نكون لأمثاله .. من حوجته لنا كمستمعين
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: انعام حيمورة)
|
Quote: سوما كيفنك ياخ
ياخي البت دي عايزة تجيب لي ضغط وسكري علي آخر عمري كمان
انا وكتين اجي بالله غير الفاتحات مافي شي
بس اول ما اركب الطيارة ارجع تقعد تسوي في الحفلات |
طارق يا طارق
ولا يهمك ياخ .. لومك على لو جيت السودان نعمل بوست كبير وحفلة معتبرة
ونسميها باسمك .. اها شنو ليك
بعدين رايك شنو مصطفى يجيكم هناك فى المغرب ويبسطكم حدالثمالة
عارفاك بتموت فى الاغانى البترقد الناس خل لووول
طارق العيش حرام .. اقصد خلى العيش حرام
نعومه بالله نزلى لى طارق خلى سريع لو سمحتى
بعدين صاحبك ده ممكن يجيك طائر هناك بدون اى فيزا
نسبة لجوازه الانجليزى المساعده كتير فى جولاته الفنية
شكرا يا طارق وربنا يرجعك السودان قريب وتلقى الحفلات وين ما تقبل
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: soma)
|
Quote: طارق يا طارق
ولا يهمك ياخ .. لومك على لو جيت السودان نعمل بوست كبير وحفلة معتبرة
ونسميها باسمك .. اها شنو ليك
بعدين رايك شنو مصطفى يجيكم هناك فى المغرب ويبسطكم حدالثمالة
عارفاك بتموت فى الاغانى البترقد الناس خل لووول
طارق العيش حرام .. اقصد خلى العيش حرام
نعومه بالله نزلى لى طارق خلى سريع لو سمحتى
بعدين صاحبك ده ممكن يجيك طائر هناك بدون اى فيزا
نسبة لجوازه الانجليزى المساعده كتير فى جولاته الفنية
شكرا يا طارق وربنا يرجعك السودان قريب وتلقى الحفلات وين ما تقبل |
سوما كيفنك تاني
هو نحن لاقنه وين
ترانا نحنس فيه في الفيس بوك
وقلنالو في 65 سوداني مجدوعين في المغرب
تعال خلهم يتنخجوا ويعوعوا
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: soma)
|
Quote: الاستاذة سوما
تحية وتقدير
انا احترم جدا العلاقة الانسانية او الفنية التي تجمعك بالاستاذ مصطفي السني
لذا انا اعرض عن الخوض في حوار حول الامر |
الاخ اساسى سلام من تانى
الحكاية ما مسألة مجاملة او علاقة انسانية او حتى صلة قرابة تربطنا بى الاخ مصطفى
الموضوع طرح بصورة عامه وبدون مجاملة وللجميع..
النقد البناء مطلوب .. وخصوصية الاختيار محترمه جدا بين الافراد..
واختلاف الاذواق وارد فى كل المجالات ..
لكن الاستنكار نتج عن سخرية الرد فى الختام ..
وانت بتفتكر انها نوع من المبالغه للفنان عشان ما يقع فى الغلط
الفنان البنتكلم عنه ده الحمد لله راجل كبير وله تجربه تجاوزت العشرون عاما
يعنى ناضج بما فيه الكفاية فنيا وعقليا ..وبالتالى ممكن نخاطبه فى حدود الاحترام
ودون جرح لمشاعره ومشاعر معجبيه ..
حتى لو كان شخص قريب منك وكان نقدك مغلف بنوع من الدعابة الغير جارحه..
سوف لا يقبلها حينما تطرح فى منتدى عام..اما صيغة المبالغه الانت اشرت لها
ممكن جدا تكون بصورة اكثر جديه.. مثلما بدات مداخلتك بها
على العموم صدقنى لو كانت المداخلة دى من زول غيرك امكن كان اتجاهلتهاتماما
لكن منك انت اخى اساسى بصراحة ما قدرت
بحكم العلاقه الاخويه الاسفيرية الطويلة البينا ..ولك الاحترام
واسمح لى بالانابة عنك ان اعتذر للاخ مصطفى ومعجبيه من المداخلة الاخيرة
وانا عارفه مصطفى قلبه كبير ..
واختك سوما قلبها حنين جدا .. وحصل خير شكرا ليك من تانى
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: soma)
|
انعااااااام ياخ
مشتاقون وكده
بالله ألحقيني بدمعي الاتشتت
لانه ما باقي ليهو الا يتشتت
الايام اديك اخوك مدروووووووش قراية والامتحانات علي الابواب - باقي ليها كم يوم كده
لا قدرت اكون هناك - حيث مصطفي السني - ولا حتي عرفت انك عيانه
كفاره يا زوله و سلامتك الف سلامه
نتمني انه تتواصل الايام الجميله دي لحدي ما نتفك من الزنقه
قالوا الحلق بسلك بعد ازالة اللوز
اوعي اشوفك ماسكه ليك مايك لوووول
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: انعام حيمورة)
|
نعومة
وكل المتداخلين في هذا البوست
مدخل اول :
الفن ده زي سوق الدهب ,, أكثر من مائة محل في موقع واحد ومتجاورين وكل زول عنده زبائنه
يعني زي ما ود الامين عندو معجبين
برضو نجاة غرزة عندها معجبين ( ودي فنانة هسه في الخرطوم)
الاعجاب ده شي داخلي جوه الزول
يحب منو
يكره منو
دي كيميا داخلية مركبة داخل كل فرد منا ( وعندها الكثير من المسببات بعد الهبة الإلهية واهمها طريقة رؤية للحياة والناس من واقع التنشئة السليمة منذ الصغر ودور الاسرة في تلقين اطفالها على مشاهدة الجمال او القبح في هذه الدنيا وطريقة التلقي والتلقين الذاتي والقسري)
المداخلة :
من هذا المنطلق
يصبح مصطفى السني واحد من الفنانين الذين يقدمون فنهم للناس
وله معجبين في جانب
ولو كارهين في الجانب الآخر
والدعوة هنا لبيت الفنون لسماع مصطفى وهو يغني
ليست إعلان أو دعاية أو فرض عين على كل الناس
الدعوة حتتقسم على تلاتة انواع
الزول العاجبو من زمان (دهب) مصطفى ده بيجي ويشتري غنا وسمع حسب رغبته
الزول الما بيحب صوت مصطفى ما حيجي اصلا
الزول الجديد الما سمع مصطفى حيجي ويسمع ويقيم
اها الزول الاخير ده هو المهم في الموضوع
لانه يا بقى يحب مصطفى وينضم للنوع الاول
او يكره صوت مصطفى ويبقى من النوع التاني
اها بالرؤية المنطقية
منذ وصول مصطفى للسودان وعدد معجبيه في ازدياد
( فقط بعدد مشاركاته في الحفلات الودعوات)
معنى ذلك ان مصطفى إضافة جديدة
وإن لم يكن إضافة جديدة
ما كان يجد فرقة في اذن المستمع السوداني
ويا جماعة
الفن فن ولا علاقة له بلونية سياسية معينة
كمقارنة فقط اين (نمارق) الآن من (عقد الجلاد)
ولا يخالفني احد ان وردي (الاحمر حينها) كان فنان كل السودانيين وحتى الآن
| |
|
|
|
|
|
|
|
|
 Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: جمال السنوسي)
|
Quote: نعومة
وكل المتداخلين في هذا البوست
مدخل اول :
الفن ده زي سوق الدهب ,, أكثر من مائة محل في موقع واحد ومتجاورين وكل زول عنده زبائنه
يعني زي ما ود الامين عندو معجبين
برضو نجاة غرزة عندها معجبين ( ودي فنانة هسه في الخرطوم)
الاعجاب ده شي داخلي جوه الزول
يحب منو
يكره منو
دي كيميا داخلية مركبة داخل كل فرد منا ( وعندها الكثير من المسببات بعد الهبة الإلهية واهمها طريقة رؤية للحياة والناس من واقع التنشئة السليمة منذ الصغر ودور الاسرة في تلقين اطفالها على مشاهدة الجمال او القبح في هذه الدنيا وطريقة التلقي والتلقين الذاتي والقسري)
المداخلة :
من هذا المنطلق
يصبح مصطفى السني واحد من الفنانين الذين يقدمون فنهم للناس
وله معجبين في جانب
ولو كارهين في الجانب الآخر
والدعوة هنا لبيت الفنون لسماع مصطفى وهو يغني
ليست إعلان أو دعاية أو فرض عين على كل الناس
الدعوة حتتقسم على تلاتة انواع
الزول العاجبو من زمان (دهب) مصطفى ده بيجي ويشتري غنا وسمع حسب رغبته
الزول الما بيحب صوت مصطفى ما حيجي اصلا
الزول الجديد الما سمع مصطفى حيجي ويسمع ويقيم
اها الزول الاخير ده هو المهم في الموضوع
لانه يا بقى يحب مصطفى وينضم للنوع الاول
او يكره صوت مصطفى ويبقى من النوع التاني
اها بالرؤية المنطقية
منذ وصول مصطفى للسودان وعدد معجبيه في ازدياد
( فقط بعدد مشاركاته في الحفلات الودعوات)
معنى ذلك ان مصطفى إضافة جديدة
وإن لم يكن إضافة جديدة
ما كان يجد فرقة في اذن المستمع السوداني
ويا جماعة
الفن فن ولا علاقة له بلونية سياسية معينة
كمقارنة فقط اين (نمارق) الآن من (عقد الجلاد)
ولا يخالفني احد ان وردي (الاحمر حينها) كان فنان كل السودانيين وحتى الآن |
-----
ما خاتي كان لقيت اسمح باركنفي نادي الضباط وجيت متلب في الصف الاول .. معلم من يومك ..
| |
|
|
|
|
|
|
|
|
|
Re: الفنان مصطفى السني .. الجمعة 23/10 وكل جمعة .. في بيت الفنون في يوم انعام حيمورة (Re: انعام حيمورة)
|
Quote: من هذا المنطلق
يصبح مصطفى السني واحد من الفنانين الذين يقدمون فنهم للناس |
جمال السنونسى
يا رجل يا جميل الدواخل
انت اهلك لما سموك جمال عارفنك ما بتخذلهم..
Quote: منذ وصول مصطفى للسودان وعدد معجبيه في ازدياد
معنى ذلك ان مصطفى إضافة جديدة
وإن لم يكن إضافة جديدة
ما كان يجد فرقة في اذن المستمع السوداني |
شهادة من شاعر وفنان وملحن له انتاج ثر فى الساحة
ولما تجى شهاده من ذوى الاختصاص .. ما علينا الا ان نرفع قبعاتنا تحية لهم
لانه النصيحه لما تجيك من انسان مسؤل وفاهم هو بقول فى شنو ..
بالاضافة الا شرح مفصل وسرد موجز .. مثال مداخلتك اعلا..
يبقى كفيت ووفيت يا جمال..
جمل الله يومك وكل ايامك بما هواكثر جمالا واشراقا ...
وتسلم يا شفيف..وبعزك اكتر لانك هلالابى .. وجه فرحان جدا ..
بس ما يجونى المريخاب ناطين ...
نعومة لو بقيتى مريخابية بنفرز عيشتنا من هسه لوووووول
| |
|
|
|
|
|
|
| |
انعام حيمورة
Mahmoud Mustafa Mahmoud
Muna Khugali
اساسي
عبير خيرى
طارق جبريل
نوفل عبد الرحيم حسن
جمال السنوسي
فادية اليمني
الفاتح الجنيد
السمؤال بدرالدين
صلاح أبودية
ابراهيم بقال سراج
عفاف الصادق بابكر
معتز الامين
فيس بوك
تويتر
انستقرام
يوتيوب
بنتيريست