|
دعواتكم لزميلنا المفكر د.الباقر العفيف بالشفاء العاجل
|
|
 Re: شنو يا CHINA حتى البلايل والعصايد . (Re: Osman Musa)
|
عثمان اخوي
رمضان كريم.. وكل سنة وانت طيب...
تعرف، انا حأقول ليك، ما لقيك حق تحتج.. لأنه الناس دي لقت سوق مافي أي منافس... وريني منافس ليهم في الصناعة دي... وانا بقول ليك معاك في زعلتك.... والله عفيت منهم!
دقيق العصيدة ده ولا الحلو مر، ما بنلقى منه بي جاي عندنا في السعودية؟
| |
 
|
|
|
|
|
|
|
|
Re: شنو يا CHINA حتى البلايل والعصايد . (Re: Osman Musa)
|
صينين شواطين .
شوف :
عشان هم عارفين الشعب السودانى معارض . عاملين علم السودان القديم فى
الكوارى . ( علم الاستقلال ) وعشان تقرطع الحلومر بمزاج .
راسمين هلال ونجمة والمفراك على شكل هلب الموردة (رمضان مبارك يا قراقير )
( ههههه قال استقلال )
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: عمران حسن صالح)
|
أنتو فى دى .
فى وأحد فى السوق الشعبى الخرطوم
لقيتو فارش عكاكيز Made In China .
عكاكيز عديل .
زمان كنا نمشى نفتش عكاكيز السلم والسيال . ونضبب عكاكيز عروق الطلح .
الليلة فى زمن التوجه الحضارى ( عكاكيز صينية ) ومسبحة U . S . A
هههههههه مسابح U S A بركاتكم يا مشايخ ثاوث كرولاينا .
رمضان كريم
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: Osman Musa)
|
عثمان أخوي كتر خيرك وبارك الله فيك ، ماقائل روحي بلاقيك تاني من زمن كلية الزراعة وفواتح الزيداب، أخوك مجدوب مشى جهتن كتر، النقيب غرب، حسنى طشه، ميرغني حتل "هنا".
ولمزيد من التفاصيل ابحث عني بالاسم أعلاه في www.fadasionline.com
الله .. الله من أشعار الوجيه عثمان موسى
(ومن عجب أن آخر أبنائي هو عثمان )
محمد حسن خضر
الرياض
24/8/2009م
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: محمد حسن خضر)
|
العزيز محمد حسن خضر ودالزين
يا سلام
وينك يا مك ؟
يعلم الله شوق شديد .
وجماعتك بخير وعلى أحسن حال .
د/ مجذوب عبدالرحيم موسى الان طبيب فى دبلن .
د / عبدالمنعم النقيب يازول عالم كبير فى نورث كرولاينا .
محمد حسنى يمكن يكون فى الابيض .
ميرغنى فى السعودية .
ومحمد عبدالجبار فى كنانة .
وأنا لاهسع ضهبان فى هادى الولايات والحمد على كل حال .
سلام شديد للاهل وبديك تلفون ماهل . وسلام للعثمان .
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: عبدالأله زمراوي)
|
الأخ عثمان موسى
السـلام عليكم
في بعض الصيدلايات تلقى ( ليف حمام ) صيني ,ذي الليف
بتاع شــجرنا المتسـلق البقـوم في الخريف براه داك
الجماعة اســتوردوه من الصين ( وفي ناس بشــتروه )
دي الفلهمـة العـورا وشـيل البطارية في القمــرا
قـال الســوق الحـر وتحرير الاقتصاد
عارف يا عثمان الصين دي هي مشـكلة كبيرة لكل العالم
لكن المشـكلة الأكبـر هي في الزول البيســمح بدخل
هذه الأشــياء
عارف التوم الصيني مريح في التنظيف وكبار لكنه بدون
نكهة ( يعني سـماحة جمل الطين )
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: عبدالله احيمر)
|
العزيز عبدالله احيمر
سلامات
ورمضان كريم
ليف الحمام ؟
وكمان حبال البقر
وخرتايات الغنم عشان البهم مايرضع .
وكان جاك ضيف لابد تمرق العنقريب الصينى وتفرش الملايات الامريكية
عشان الضيف يحلم بالوترى .
.. حليل السودان الوطن الواحد .
تحياتى وأعمل حسابك من البليلة التى ربما تجلب جنون الماعز .
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: عبدالأله زمراوي)
|
شاعرنا الجميل عبدالأله
سلامات
ورمضان كريم
الصينين البلا الذى لن ينجلى الا نحنا نفتح .
وعندنا فى السودان البفتح . طوالى الصالح العام . مفتح ليش ياوليد ؟
نحنا يا عبدالأله عندنا دهب .( بس اليمين مكتف )
..
بعدين شنو يعنى ماداير تجدع لينا كتابك الجديد ؟
تحياتى
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: Osman Musa)
|
فى زيارتى للسودان بعد زمن زمين .
مشيت أحضر عرس .
هو عرس ؟
الصالة .
مدفوع للصالة 85 مليون جنيه شامل العشاء .
شوف العشاء .
خبز عربى
فطاير
مناقيش
لحم حلال
دجاج مشوى على الفحم الصينى
حلويات مشكلة .
ده كلو فى صحن كبير .
والموية والعصاير .
والخدمة هنود وفلبينيات .
والفنان أمريكى وحات الشيخ نعيم الفنان أمريكى ( يانكى )
.. ياسودان أقيف طولك
ياسودان .. أنا خايف على البلايل .
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: Osman Musa)
|
Quote: ياسودان أقيف طولك
ياسودان .. أنا خايف على البلايل . |
وأنا خايف علي السودان يا عثمان تخيل !
ماتشيل هم شويتين وتلقي جارك القريب زارع (الويكي)
وبتاع السوبر ماركت شادي الفول
يارجل إنها العولمة (أمال ايه)
والربة الربة الربة
الويكة تجيكم دوغري
الدخن الكسرة معبأ
والكورنفلكس الفاره
راقد في سوق الدبة
مع الاعتذار للعم محجوب شريف
جاطت ياعثمان اخوي جااااطت
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: خضر حسين خليل)
|
من ما قمنا فى ضهر الدنيا دى
وحضرنا أعراس البلد شرق وغرب
بنشوف الناس بتجلد الدلوكة والشتم كان جلد ماعز كان جلد كلب نباح .
الا يعمينى فى دلاليك تايوان .
يا أستاذ السر قدور . أغنية قطار الشوق بالشتم الكورى كيف ؟ هادا ما يصير
لو هادا يصير .. الجمل يطير .
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: Osman Musa)
|
والله غايتو بلدنا ده .
تعاين جاى .
تعاين جاى .
تتعجب .
أرض زى الدهب طول وعرض .
موية مد البصر .
خبرات لاحد لا عد منتشرة فى كل بلاد العالم .
عندنا أراضى أخصب من أراضى كتيره فى العالم .
( السبب البخلينا نجيب البليلة من الصين شنو يا ناس الحيكومة )
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: Osman Musa)
|
العزيز سامى العتبانى
سلامات
شنو يازول ؟ جد يا سامى زعلان منك .
تعرس وماتكلمنا يازول . أنشاء الله ربنا يسعدكم يا سامى
ويتمم ليكم بخير .. وقعت هناك مش Pennsylvania دقش نضيف . والله متكيف
لخبر زواجك . أها شد حيلك أخرت الدولار ده .
تحياتى وكتير سلامى
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: Osman Musa)
|
ده كيف ده ؟
وأنا ماشى فى شارع الجمهورية ( حقنا) فى الخرطوم .
أشوف ليك وكالة سفر صينية .
نعم . وكالة سفر صينية فى الخرطوم . والناس صفوف .
( مكتوب على الباب .
( حدد هدفك واعتمد علينا فى السفر )
* تذاكر الى كل المدن الصينية
* أسعار مخفضة
* رحلات سياحية مدمجة
* حجز فنادق
وأنا ماشى فى الشارع كنت بفكر . الودانى هناك شنو ؟
طلعنا من السودان بجاى والشغل دور بجاى .. ( بس عشان تدور لابد تكون من
آل كابونى ههههههههه حظ الكابوناب كفلا الصيناب الشنقهاياب .
ورمضان كريم
| |
|
|
|
|
|
|
|
|
|
Re: شنو يا CHINA حتى البلايل والعصايد . (Re: Osman Musa)
|
عايز أشيل معاى طرقتين حلومر
وعلى الصين فللى .
شنو يعنى ؟
بس أكتب على الكيس ( حلومر العثمان ) المتعة فى التذوق __
( نكهات بطعم الفيتريتا )
( نكهات بطعم الحمرى )
العثمان الموزع الوحيد فى أمريكا وجزر الكاريبى . ( حلومر حلال )
| |
|
|
|
|
|
|
| |
Osman Musa
مريم بنت الحسين
عمران حسن صالح
خضر حسين خليل
سامى عتبانى
سيف اليزل جعفر عبد الرحمن
فيس بوك
تويتر
انستقرام
يوتيوب
بنتيريست