|
دعواتكم لزميلنا المفكر د.الباقر العفيف بالشفاء العاجل
|
|
 Re: ... وجع السنين ... (Re: Osman Musa)
|
الأديبُ / عُثمانْ مُوسى ..
وَحيداً تُقَلِّبُ ذاكرةَ
الطِّينِ والوَجَعْ ،
وبريئاً يُعانِـدُ
شَمْسَ المَسَافَةِ
والكلامْ ..
احترامي ...
أخوك / محمَّد زين ...
| |
 
|
|
|
|
|
|
|
|
Re: ... وجع السنين ... (Re: Osman Musa)
|
الاخ العزيز/عثمان موسى
اعرف انك كاتب من الدرجة الاولى وتسطيع ان تعبر عن نفسك بصورة ادبية رائعة وجميلة ...واعرف انك قارئ جيد ومحب للشعر ويشهد بذلك بوست عبدالعزيز المقالح ولكن ما كنت اجهله ان وراء هذا الابداع شاعر مجيد وفحل متمكن من اللغة وقاموسه ملئ بالمفردات والتعابير والمعانى الجميلة والانيقة ... لك التحية صديقى العزيز فلقد اضفت الى مكتبتى شاعر آخر ومبدع.
| |
|
|
|
|
|
|
|
|
|
Re: ... وجع السنين ... (Re: Ahmed al Qurashi)
|
الأخ العزيز د / أحمد القرشى
سلامات
اهو يا أخ أحمد
الهجرة
والاحوال ال ..
والكسل
والاحباط
اهو من 1981 وانا لم
اعيد طباعة ديوانى الأول
( فجر الفرح )
انشاءالله لو ربك مد فى الايام
نعمل شي جديد
..
تحياتى أخ أحمد
| |
|
|
|
|
|
|
|
|
|
Re: ... وجع السنين ... (Re: Osman Musa)
|
سقاك الله من ماء الأفراح
وأبعد عنك شبح الأتراح
ذات أنفاس الخالد صاحب (ليل المغنين)
لعله الأثر
أو التأثر
أو كلاهما
لكني
ترنمت روحي عالياً بهذا البذخ والضوء
سلمت
| |
|
|
|
|
|
|
|
|
|
Re: ... وجع السنين ... (Re: Ahmed al Qurashi)
|
أخ د / أحمد القرشى
انشاءالله السنه دى كان الله سهل
اعيد طباعة الكتاب
وربما كل الاعمال
اول واخر طبعة لديوانى
فجر الفرح كانت فى سنة 1981
اهو يا أخ أحمد الحاصل فى البلاد
والكسل والهجرة
والمعايش ..
تحياتى للربع
| |
|
|
|
|
|
|
|
|
|
Re: ... وجع السنين ... (Re: Osman Musa)
|
Quote: ده كتر عليك وجع السنين
طال الحنين
احتجته اعود
احتجته أمسك نفس درب الرجعه
وارجع للأصل
وانسى الحضارات
والكلامات الرطين
|
سوقنا معاك يازول ياحلو
| |
|
|
|
|
|
|
|
|
|
Re: ... وجع السنين ... (Re: Elmosley)
|
يا سلام يا عثمان ..
ممتع شديد .. و مطرب .
أنا برضو بعرفك كتاب و متمكن ..
لكن فاجأتني بالروح الشعرية السمحة دي ..
و بالصدق الكبير و الموجوع و الدافي و حنين .
مودتي ..
و كتير الشكر على استعدال مزاجي ..
الله يعدل مزاجك .
| |
|
|
|
|
|
|
|
|
|
Re: ... وجع السنين ... (Re: Emad Abdulla)
|
الأستاذ الفنان
عماد عبدالله
كيفنك أخوى ؟
اهو يا عماد هذه حشرجة الرحيل
صوت خرير الدموع
نحاول .
نحاول يا عماد نتداوى بالشعر
..
كنا نتداوى بالحرجل والمحريب
فى البلد دى انعدم يا عماد الحرجل
بعد انعدام الهنود الحمر .
..
اها بدل كاس حرجل تلبع ليك كاس شعر
.. والله يا عماد سعيد بدخولك
وانا احتاجك جدا عشان تحابيش الكتاب
وعارف .
تحياتى وشكرى
| |
|
|
|
|
|
|
|
|
|
Re: ... وجع السنين ... (Re: Elmosley)
|
استاذ الموصلى
الموسيقار المعتق
سلامات
القصيدة اعجبت صاحبك
استاذ عركى
الذى يحاول أن يشعل فيها
جمر الموسيقى
ويمدها بفيض من الألق
له التحيه وهو يتفقد الناس
هنا
..
تحياتى وشكرى استاذ الموصلى
| |
|
|
|
|
|
|
|
|
|
Re: ... وجع السنين ... (Re: Osman Musa)
|
أستاذي عثمان...سلامي وإحترامي
الغربة كانت ومازالت وجع كبير أحاول التأقلم عليه وخداع نفسي بأنني قادره على تحمل البعاد عن وطني ومقاومة الحنين والأشواق...
هناك عقدة إنتماء تلازمني منذ أمد طويل لكن رغم ذلك أصبحت الغربة خيار صالح بالنسبة لي...
أحس الآن أن أي مكان يمكن ان يكون وطني مادام يحترم إنسانيتي ويمنحني حقي في الحلم...
Quote: ده كتر عليك وجع السنين
طال الحنين
احتجته اعود
احتجته أمسك نفس درب الرجعه
وارجع للأصل
وانسى الحضارات
والكلامات الرطين |
....
ربما إحتجنا ان نعود لأنفسنا قبل ان نعود إلى ديارنا...
مودتي
| |
|
|
|
|
|
|
|
|
|
Re: ... وجع السنين ... (Re: Sahar Abdelrahman)
|
الأخت ا لعزيزة SAHAR
سلامات
انا لم استطيع خداع نفسى .
( اقولك ) عطر البرم يعبق وانا
فى قلب ما نهاتن .
( اقولك ) صور ملامح اهلى الترابله
تنتشر فى حجرتى .
..
كيف اخبار القرير الفى الفجر نبحن بوابير
تحياتى وشكرى
| |
|
|
|
|
|
|
|
|
|
Re: ... وجع السنين ... (Re: Osman Musa)
|
Quote: تكلته فى راسى الشمال
يدى اليمين
وتكلته فى راسى اليمين
يدى الشمال
ضراعى مال
سرحته تب .. سرحانى طال
وفضلته اسأل عنى مين
زول ام زوال ؟
جد ام خيال ؟ |
الاستاذ عثمان موسي
ما اجمل لوحتك
بين حروفا تلقى نفس الناس الحنان
ناس الاصل وصدق الحرف..
حروف رويانة زي جروف النيل
نتمنى ان نتطلع على فرحك قريب
وتسلم على هذه الروح
| |
|
|
|
|
|
|
|
|
|
Re: ... وجع السنين ... (Re: منى على الحسن)
|
الأخت العزيزة
منى على الحسن
سلام شديد
ده الحلم .. ده الحلم الذى
لا يكتم السر .
ده الحلم . حلم رجوع البلاد
الى ما كانت عليه من جمال
.. ده حلمنا.
وحلم عودة كل الهاجرين
..
تحياتى وشكرى
| |
|
|
|
|
|
|
|
|
|
Re: ... وجع السنين ... (Re: Osman Musa)
|
الاخ عثمان موسى
صباحات ندية كنداوة قوز هندي وقوز قرافي والقعلة
تحية ليك وللقرير التي شكلت دواخلك بهذا الجمال
وجعلته مداد في الغربة يتدفق حنين
ورغم الغربة ورغم كل شي ما زال الحنين يراودني
ان في العمر فسحة امل للرجعة للوطن البراح ....
وين ما تكون خلي حلم الرجوع قدامك وريحة الجروف انفاسك
| |
|
|
|
|
|
|
|
|
|
Re: ... وجع السنين ... (Re: Osman Musa)
|
أخي عثمان موسى
قرأت لك عدة مرات..
في هذه اللونية تأخذ القارئ بين ضفاف عدة..
وعندما يتهيأ لملامسة الشاطئ
يعود به الزورق إلى الضفة الأخرى..
الفكرة جميلة..
والإنتقال بها في عالم من حروف كان أجمل
ولكن الإنتشار فوق أرض متعددة الألوان كان أسرع..
| |
|
|
|
|
|
|
|
|
|
Re: ... وجع السنين ... (Re: Omer Abdalla)
|
الأخ العزيز
عمر عبدالله
يا سلام عليكم يا سلام ياعمر .
كنتم دليلى .
وان سألونى عن اسمى
لا ( اتلفت ) أشير اليكم .
انا فخور بتلك العلاقات الحميمة
سلام شديد للأ خت ا ميرة
والابناء
محمود ومستر ( حديد )
تحياتى وشكرى
| |
|
|
|
|
|
|
| |
Osman Musa
العوض المسلمي
محمَّد زين الشفيع أحمد
Ahmed al Qurashi
بله محمد الفاضل
Elmosley
Emad Abdulla
Alsa7afa_30
Sahar Abdelrahman
Moawia Mohammed
المسافر
Omer Abdalla
فيس بوك
تويتر
انستقرام
يوتيوب
بنتيريست