دعواتكم لزميلنا المفكر د.الباقر العفيف بالشفاء العاجل
|
|
 سؤال صريح جداً للرجال
|
هل يمكن أن يحب الرجل فيكم امرأة أخرى غير زوجته التي يحبها فعلا ؟؟؟؟؟؟؟؟؟
بمعنى آخر هل يمكن أن يحب الرجل أثنان بنفس القدر ؟؟؟؟؟؟؟؟
هل هذا ممكن ؟؟؟؟؟؟؟؟؟؟؟؟
وإن كان صحيحاً وممكناً
ماهو الخلل ؟
هل خلل في الزوجة او الإختيار؟
ولماذا يتزوج الرجل كي يخل في إختياره ويكون له ذريعة لحب جديد؟؟
القصد انه المرأة دائما تتزوج لضغط اجتماعي ، غير أنه منذ حداثاتها وهي ربيت على الاستعداد لمسألة الزواج .. وعليها الإنتظار
وعليها الإختيار ضمن إختيار الرجل لها
وإن كانت لا تجد في نفسها كفاءة الامتناع عن كثيرين
فترضى بأول من يطرق بابها
فتجد كثير من النساء فعلا يقبلن الزواج للإبتعاد عن الضغط الاجتماعي
أي اسباب اجتماعية
ولكن الرجال ليسوا مضطرين لذلك أليس كذلك؟
اذاً لما الخلل كثير
ولما يحب على إمرأته ؟؟؟؟؟؟؟
ولكن لما يتزوج الرجال ؟؟؟؟
وكيف الإختيار ؟؟؟
هل يمارس المجتمع نفس الضغوط على الرجل أي القصد هل يحس الرجل فيكم هذا
الاحساس فيتزوج أي امرأة للفكاك من هذا الضغط كما تفعل المرأة ؟؟؟؟؟؟؟؟؟؟؟
إن كان هذا غير صحيح فما حجة الحب الاخر
؟؟؟؟؟؟؟؟ وكيف له ذلك ؟؟؟؟؟؟؟؟؟؟؟
|
|
 
|
|
|
|
|
|
|
 Re: سؤال صريح جداً للرجال (Re: Hozy)
|
عزيزتى هوزى
سلامات
لن تجدى اجابه تفهمينها لهذه الاسئله
عارفه ليه ؟
لان الحب اسم لاشياء مختلفه تماما عند البشر عموما و هذا غير الاختلاف فى طبيعة هذا الشعور هذا الشعور بين الرجال و التساء
كيف تفهمين اجابه شحص عن شى انت لم تشعرى به ابدا
و اعنى انك قد تكونى قد عرفى الحب و لكنك لنتعرفى ابدا حب الرجال \ اى شعور الرجال بالحب \
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
Yes, the social pressure enforce men to join the marriage instituation same as wemen, because socity consider family and children are the maximum achievements human can made.
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
يقال ان المرأة اذا احبت شغل ذلك كل قلبها
اما الرجل فيحب ببعضا من قلبه
دعيني اركز على سؤال واحد من اسئلتك الجامحة
هل يمكن ان يحب الرجل اثنان بنفس القدر؟
الاجابة طبعا لا
يحب اثنان ثلاثة اربعة نعم ولكن بنفس القدر فهذه من المستحيلات لأن لكل واحدة خصائص ومميزات
الرسول صلى الله عليه وسلم وهو اعدل اهل الارض كان يحب عائشة اكثر من زوجاته الاخريات
| |
|
|
|
|
|
|
|
|
|
Re: سؤال صريح جداً للرجال (Re: Zoal Wahid)
|
العسل هوازن مشتاقين
ولكن في لحظة فائة كنت زعلان
وعن موضوعك الحب المزدوج أو الحب بمكيالين
زوجة أخي تغير من ماما لأن زوجها يحب ماما أكثر
يترك زوجته نائمة ويأتي ليشرب شاي الصباح في حضرة الماما
فهذا يعني ان الميل القلبي لا يمكن التحكم فيه مهما كان
وإلا لماذا تحدث حالات الطلاق
| |
|
|
|
|
|
|
|
|
|
Re: سؤال صريح جداً للرجال (Re: دورنقاس)
|
الزول الواحد العزيز
كلامك عين العقل والله
انا برضو بفكر في دي
والقدوة من رسولنا الكريم
حيث انه كان يقول انه لا يملك في ذلك شي
وكان يقصد بحبه للسيدة عائشة
وانه من عند الله
وهذا يثبت ان الحب لازم يتفاوت
ولا يمكن أن يتوزن ابدا بين الناس
وخصوصا النساء او الزوجات
تسلم
العزيز ايمو
الله ما جاب زعل ابدا انشاء الله
عزيزي الام دي ما برااااها
وحقها براه هي بعد الله طوالي
احنا عايزين الجماعة الزوجات الحبيبات
او الحبيبات الما زوجات
تسلم
الاخ العزيز دور نقاس
شكرا لطلتك
وهل اخذ معني انه صعب
ان يكون حب لاتنين بنفس القدر
تسلم
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
هوزي
نقل فؤادك حيث شئت من الهوى
ما الحب الا للحبيب الاول
وتقلب الرجل بين فاتنات النساء شئ بديهي
ويقول شوقي
سلوا قلبي غداة سلى وثاب
لعل على الجمال له عتاب
ويسأل في الحوادث ذو صواب
فهل ترك الجمال له صوابا
وكنت إذا سألت القلب يوما
تولى الدمع عن قلبي الجواب
ويقول أبي فراس الحمداني
…….
تسألني " من أنت؟ " وهي عليمة
وهل بفتي مثلي علي حاله نكر؟
……….
فقلت كما شاءت وشاء لها الهوى :
"قتيلك !" قالت : أيهم ؟ فهم كثر !
وهذا يدل على أن الرجل مولع بالمرأة فهي نصفه اللآخر
ولكن كما اسلفت في الاول اقول الحبُ للحبيب الاول والمرأة
تعلم ذلك وتعلم بأن الرجل في اثرهاولكل قاعدة شواذ
ود الشيخ
| |
|
|
|
|
|
|
|
|
|
Re: سؤال صريح جداً للرجال (Re: ود الشيخ)
|
الأخت هوزي
لك التحايا و التقدير
الحب ( مسمى لعشرات الأحاسيس الإنسانية أهمها المودة و الرحمة بين الزوجين ) ، فإن حدث حب بعد الزواج لواحدة تانية، فأنا أسمي هذا رغبة جامحة أو نزوة أو فلتان عين أو مراهقة متأخرة،أما إن كان الزواج أساسه غير سليم و متين ، فمن باب أولى مصارحة الزوجة بأنك في حالة حب و النية بايتة للزواج بدلا من الدخول بالنوافذ و الأبواب الخلفية.
تسلمي
| |
|
|
|
|
|
|
|
|
 Re: سؤال صريح جداً للرجال (Re: ابو جهينة)
|
الاخ العزيز ودقاسم
شكرا لما كتبت
والابيات الجميلة
وهذا يعني انك تخص الحبيب الاول باكبر الحب
اليس ذلك؟؟؟
سلمت
استاذنا العزيز
أبو جهينة
حاولنا نقول كده من زمان
بس في ناس عندهم مبرارات كتيرة
انه مش مهم تكون زوغة عين
او عن انه من الاول ليه الاختيار الغلط
البيخليك تفتش بره
وبقصد الرجل
ليه يختار خطأ ؟ مش القصد كده الخطأ وارد وهو لا يعلم
بس قصدي انه ليه ما يتريث
وما يجري وراء الحاجات الواهية
ليه ما يدي نفسه الفرصة الكافية
سلمت وتحياتي لك
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
بسم الله الرحمن الرحيم
العزيزة هوزي
سلام وحب رأيك شنو؟؟؟
أنا غايتو بعد الزواج ما حبيت غير زوجتي لكن قبل الزواج عييييييييييييييييييييك يقال على حسب آخر إحصائية أن هن بلغن 57 حبيبة لكنه من طرف واحد
ياربي ياتو طرف؟؟؟
| |
|
|
|
|
|
|
|
|
|
Re: سؤال صريح جداً للرجال (Re: بدرالدين شنا)
|
يا هوزي
ما جعل الله لامريء من قلبين في جوفه
فمسألة حب اتنين في وقت واحد مسألة صعبة
الا ان يكون هذا المحب ذو مقدرات خارقة
ويملك احاسيس مزدوجة يمكن ان تحوق هنا وهناك
وحتي في هذه الحالة لابد ان يخلط هذه الاحاسيس بكذبة او مرض
كأن يداري اي من الحبين عن الآخر وهنا يكون كاذبا وبالتالي
يصبح هذا الحب حبا بالتدليس ويمكن اثباته كجناية
او ان يكون صادقا باعلان سابق حبه وثباته علي ذلك الحب او بمقدرته علي الحب المزدوج وهنا يكون القابل لهذا الوضع قاصرا
في التكافؤ
لانه قبل هو ان يكونا حبيبا كاملا لحبيب مزدوج الهوي
فاذا رمزنا لذلك بمعادلة بسيطة
بدل كلمة يحب نقول يساوي حا نكتشف خطأ هذا الافتراض
فمثلا
احمد =حنان
احمد =نادية
فلابد ان تكون نادية وحنان ديل قيمة واحدة
وده مستحيل
فاذا كانت بصمة اصبع نادية لا تشبة بصمة اصبع حنان مش حا يكون مستحيل ان تصبحان قيمة واحدة
ده غايتو منطق ناس تالتة ابتدائي كان لسة بدرسوهم
هذا المنهج
| |
|
|
|
|
|
|
|
|
|
Re: سؤال صريح جداً للرجال (Re: nazar hussien)
|
العزيز بدر الدين شنا
ياخوي كدي اديني اجابة صريحة
يعني شنو ايوه ولا لا؟
يعني انت ما حبيت بعد الزواج
اوكي انت تمام وما عايزين نعمل ليك مشاكل مع المدام
لكني اقصد
هل ترى انك قادر على فعل هذا؟
هل تتخيل نفسك في هذا الوضع؟
او صديق لك في هذا الوضع هل تستنكره ام تؤيده؟
نشكرك للمداخلة
الاخ العزيز نزار حسين
صراحة كلامك طبعا عجبني جدا وحسيته موزون
بالنسبة لمعادلاتك وكده
والاثبات الرياضي الاستخدمته
تمام والله يازول
Quote:
فمسألة حب اتنين في وقت واحد مسألة صعبة
الا ان يكون هذا المحب ذو مقدرات خارقة
ويملك احاسيس مزدوجة يمكن ان تحوق هنا وهناك
وحتي في هذه الحالة لابد ان يخلط هذه الاحاسيس بكذبة او مرض
كأن يداري اي من الحبين عن الآخر وهنا يكون كاذبا وبالتالي
يصبح هذا الحب حبا بالتدليس ويمكن اثباته كجناية
او ان يكون صادقا باعلان سابق حبه وثباته علي ذلك الحب او بمقدرته علي الحب المزدوج وهنا يكون القابل لهذا الوضع قاصرا
في التكافؤ
|
شكرا
| |
|
|
|
|
|
|
|
|
|
Re: سؤال صريح جداً للرجال (Re: بدرالدين شنا)
|
السلام عليكم ورحمة الله وبركاته
العزيزة هوزي
صباحاتك مشرقة
الرجل بامكاني انو يحب اكتر من واحدة لكن بنفس الدرجة ده شيء مختلف فيه
يعني تعالي نحيب حسبة بسيطة رجل متزوج اربع نساء
على اساس انو افترضنا الدين في الاربعة
حب = عقل وحكمة + تعامله رقيق
جمال + مال=حب
نسب وحسب+جمال=حب
تعامل رقيق +ذرية صالحة=حب
واكدي الراجل فيكم يقول لي في الحالة دي منو المابحب أربعة
| |
|
|
|
|
|
|
|
|
|
Re: سؤال صريح جداً للرجال (Re: الاميرة98)
|
الاميرة الاميرة 98
مساءتك برضو مشرقة
سلمتي ياستي على كلامك
والله فعلا وزعتيها صاح شديد
هو ده بقه الحب الزمن ده
مؤهلات
بس برضو يا أميرة
اها بيحب اكتر
شنو في ديل
Quote:
حب = عقل وحكمة + تعامله رقيق
جمال + مال=حب
نسب وحسب+جمال=حب
تعامل رقيق +ذرية صالحة=حب
|
برضو مشكلة صح؟
تسلمي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
قال الله تعالى في سورة الاحزاب
بسم الله الرحمن الرحيم
ماجعل الله لرجل من قلبين في جوفه وماجعل ازواجكم اللائي تظاهرون منهن امهاتكم وماجعل ادعياءكم ابناءكم ذلكم قولكم بافواهكم والله يقول الحق وهو يهدي السبيل
صدق الله العظيم
قال الرسول الكريم صلى الله عليه وسلم
عن عائشة قالت: كان رسول الله(ص) يقسم ويعدل ويقول: «اللهم هذا قسمي في ما املك فلا تلمني في مالا تملك ولا املك» يعني القلب)).
ومن هنا ياابنتي يتضح
انه لايمكن ان يحب القلب اكثر من واحدة
ولكن من الممكن ان يراعي ويعطف ويشفق
ويساوي بالماديات
والقول والتصرف
اما ماوقر في القلب فلشخص واحد
وهذا لا يرتبط بالزواج
فللرجل الحق بالزواج حتى اربعة نساء
وذلك ايضا وفق شروط وحدود ليس هذا مجالها
قال الله تعالى : ( وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم إلا تعدلوا فواحدة أو ما ملكت أيمانكم ذلك أدنى ألا تعولوا
صدق الله العظيم
| |
|
|
|
|
|
|
|
|
|
Re: سؤال صريح جداً للرجال (Re: اساسي)
|
القدير خال فاطمة
أشكرك على مداخلتك الجميلة
لك التحية
وأجدك ترفض ان يحب القلب اكثر من واحدة
او القدرة على المساواة بيهم
الا بالعطف او الماديات
تسلم
وتحياتي
| |
|
|
|
|
|
|
|
|
|
Re: سؤال صريح جداً للرجال (Re: khal fatma)
|
سلام مربع
يخيل الى ان الامر راجع الى تكوين الاثنين الفيسولوجي المراة والرجل
المراة اكثر وفاء بطبعها
لكن الرجل اكثر مجاملة
واقدر على تبديل عواطفه
نحو خط طويل واسع من المشاعر المتناقضة
ابتداء من الحب
الى التملق
الى النفاق
لديه قوة وتماسك يجعلانه يمر ويتراكض على هذا الخط
دون ان يسقط
لكن المراة لذات التكوين
لا تستطيع ان تركض على هذا الحبل
بهذه السرعة
فتكتفي باول احساس
واول عاطفه
وتعيش عليها بقية عمرها
لذلك المراة عاطفيه واكثر وفاء
والرجل قلبه اخضر
كل يوم بحال
ويامقلب القلوب والابصار ثبت قلوبنا على دينك
| |
|
|
|
|
|
|
|
|
|
Re: سؤال صريح جداً للرجال (Re: زوربا)
|
الأخت هوزي الصعبة حروفا
شكراً
أولا الحب هو أحساس خاص جدا و لا يدخل ضمن القواعد المنطقية الاخري و لايمكن إسقاط اي أفكار مسبقة عنه فهو مطلق
لكن عندما يتنزل هذا الاحساس الي مستوي العلاقة فهنا يتدخل المنطق والمعرفة التراكمية الاجتماعية والكثير من المسميات الاخري لتحكم سير هذه العلاقة وفي إعتقادي ان اي علاقة ثنائية يحكمها قانون عرفي ما
في الزواج كما هي العادة دوما مارسنا الخطاب الذكوري لقراءة النص الديني المشرع له ... لا اعرف لماذا يستمسك الفقهاء بالآية ( مثني وثلاث ورباعا وان خفتم إلا تعدلوا فواحده
ويغفولون عن أية أخري تقول ولن تعدلوا وان حرصتم
الله يقول ولن تعدلوا بصيغة نهائية فلماذا إذا الجدل
ولماذا لا تاخذ هذه الآية كمصدر للتشريع
والسؤال الاهم هل ممكن فعلا ان تتحقق هذه العدالة بين اثنتين
هل من احد يستطيع ان يحب أثنين بنفس القدر ومن ثم يعيد صياغة الكم الغير متساوى من الاحساس علي شاكلة ممارسة عادلة
ذهبنا فقط للامور المادية وأغفلنا وبقوة الحساس رغم انه الركيزة الاساسية لانجاح اي علاقة فما بالك بزواج اي شراكة دائمة في لحياة
والريد نيلين
| |
|
|
|
|
|
|
|
|
|
Re: سؤال صريح جداً للرجال (Re: قرشـــو)
|
تحياتى يا اختى
سؤال جميل
يمكن للرجل ان يحب اكثر من واحدة لان الرجل يحب بالعقل
والمراة تحب بالعاطفة
ولان حب الرجل مرتبط ربما باشياء معينة يدوم هذا الحب ويبقى ببقاء
هذه الاشياء
من هذه الاشياء الصفات الروحيةبالاضافة
للصفات الجمالية وهذه لا خلاف عليها
الاخلاق والدبلوماسية الاجتماعية
والتعامل مع الاخرين
فهناك امور شائكة كلها يجب ان تضع فى الاعتبار عند الاختيار
اما وقد اخترت بدون هذه الاعتبارات متكاملة فانك تواجه بعدة مشاكل
على ارض الواقع وما اقصده بارض الواقع هو الزواج
واكيد اذا كان الزواح مقرون بالواقعية او الموضوعية
فان الحب تهويمات او تخيلات لحد ما
فاذا لم يتطابق الخيال مع الواقع
فان المشكلة قد تبدا
وربما احد الحلول البحث مجددا عن اخرى
| |
|
|
|
|
|
|
|
|
|
Re: سؤال صريح جداً للرجال (Re: شدو)
|
القدير جدو
اول شي ما فهمته في حتة انه
حب الرجل حب عقل والمرأة بالقلب
ماذا يعني هذا؟
هل هو حب او لا حب؟؟
ومن قال ان الرجل يحب المرأة لمواصفاتها الشخصية
ومعاملاتها ، وهو اكثر واحد بياخد بشكل المرأة
وجمالها ( ده الغالب ) بس انا
استغربت في حكاية حب عقل دي صراحة شديد؟؟
؟؟!!!
على قول زوربا الحب ده شي مطلق
وعلى قوله كمان انه الرجل كتلة مشاعر نفس المرأة
وبعضهم عاطفي ذي المرأة
بس الرجل بيحاول يتمسك بجزء من اية قرانية تبيح له
اكثر من واحدة وينسى جزء عدم العدل
وضح لي وجهة نظرك اكتر
وشكرا للمشاركة
تسلم
| |
|
|
|
|
|
|
|
|
|
Re: سؤال صريح جداً للرجال (Re: شلاقة)
|
شلاقة
كتر خيرك اخوي على الرد
لكن هي ما 3 سنين هي
خمسة سنين
عاشهم الحب كمان
لووووول
اهااا بس 3 سنين وتشوف واحدة تانية لباقي السنين
ولا 3 سنين والسنة الرابعة معاك ضرة
ولا شنو فهمني؟؟؟؟؟؟؟؟؟؟
لووول
تسلم على الطلة
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
الفاضلة هوزي ..
قلب الراجل واسع .. لكن صدور النساء متل خرم الإبرة خاصة في مسألة الزواج ..
للرجل المقدرة على توزيع الحب بالتساوي على زوجاته .. بالتساوي لكن غيرة النساء هي التي تلخبط الميزان ..
التعدد رحمة يا عزيزتي ألقاها ربنا في قلوب الرجال سعة في الحب لديه وصحفاً عن سفاسف الأمور التي تشغل بال الزوجة عندما يكون المبيت مع زوجة زوجها الأخرى.
بعدين يا هوزي .. لو كل زوجة "كنكشت" في زوجها وقالت وحدي أو الطلاق مين للكم الهائل من الإناث اللاتي بلغن سن الزواج.
عن نفسي بحب زوجتي جداً لدرجة الوله .. لكن مستعد أنا تاني واحدة ولا ينقص ذلك من حبي الأول شيئاً. المشكلة في الغيرة يا جماعة.
أنا عاوز أي واحدة في البنات المعانا هنا تتخيل نفسها الزوجة الثانية .. أي مخمسة رجل مع زوجته الأولى .. أعتقد أن الأمور ستكون ستة من ستة.
كدي أنتن باركن الموضوع.. الزمن بتطلب كدا .. لكي نطرد شبح المجاعة أقصد شبح العنوسة .. يا جماعة العنوسة مشكلة حقيقية وليست ترف اجتماعي .. في بنات عاوزات ولو الربع والله وهن جميلات وعفيفات..
قلوب الرجال كبيرة يا بنات وسعن صدوركن للمشاركة الاجتماعية.
تحياتي ..
جـــــاد
| |
|
|
|
|
|
|
|
|
 Re: سؤال صريح جداً للرجال (Re: JAD)
|
والله يا جاد كلامك عجبني عديييييل كدا
ربنا يديك العافيه ويهدي بنياتنا
يعني فيها شنو كان حبيت اتنين ولا تلاته ولا اربعه؟؟
الله قسم ليه قلب كبييييير وبيتحمل يشيل داخليه اقول لا؟؟؟
دحين دا كلام يا هوزي يا اختي
دا حتي اسمو رفس نعمه
| |
|
|
|
|
|
|
|
|
|
Re: سؤال صريح جداً للرجال (Re: HOPELESS)
|
الاخ جاد
شنو ياجاد ما تستغل بوستي ده عشان
تطرح لأناث البورد
لوووووول
امزح فقط
ولكني لم أفهم منطقك من توزيع الحب
وكيف يتحكم فيه البني ادم؟
والموضوع ما كنشكة او ممارسات ضرات
انا قصدي في الراجل واحساسه الجوه
كيف بيكون حاسي بميل لواحدة ولا الاتنين ذي بعض
؟؟؟؟؟
ولا طبيعي يشتاق لواحدة اكتر من التانية؟؟
ولا كيف ياجاد ورينا
تسلم للطلة
العزيز هوبليس
عجبتك ما كفاية
ورينا رأيك في الحب
خلينا من مشروعية تعداد الزواج
تحياتي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
عزيزتي هوزي سلامات
مساله الحب من اكتر من واحد في نفس الوقت و بي نفس القدر ما ممكن ومستحيل عدييييييييييييييييل كده
والدليل علي ذلك كلام الرسول (ص)والاحاديث كثيره في هذا الموضوع ومنها ما زكروه الاخوان في الاعلي
اما عن موضوع الخلل فاظن انه في الغالب هو خلل الرجل لانه في البدايه لم يختار بتمعن او لاسباب غير تلك التي من سببها يكون الزواج السليم
وفي الغالب يتزوج السوداني بغير التي كان يحبها من قبل.... فاذن هو تزوج براي اسرته او معايير غير سليمه يعني زواج والسلام
اظن ان عدم الاختيار الموفق هو الذي بيادي الي تعدد الزوجات
ولكي الف سلام عزيزتي
حبيب نوينه السابق
عمده
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
أعزائي رجال ونساء البورد
لكم التحية جميعا
وشكرا على المشاركة
واتأسف عن عدم متابعتي للردود
وسوف افعل
واسمحوا لي ان احصي عدد الاجابات المؤيدة لحب اكثر من واحدة
والرافضة كي نستطيع أن نقارن
الشكر لكم جميعا ولي عودة يارائعين
تحياتي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
هوزى العزيزة
سلام يا رائعة
الموضوع كبير وعايز مركز دراسات بحاله ....الدراسات النفسية والمادية والاجتماعية والدينية .
والهجوم على الرجل يأتى دوما مع سبق الاصرار والترصد فى كل المحافل ولذلك قامت الجمعيات المناهضة للرجل من النساء فى الدول الغربية وتم التقنين فى شئونه وبتر الاشياء التى يرينهن نشوذا على الوضع القائم من قبله .
من ضمن المراكز... مركزبحوث كامل عن شكل العلاقات الاسرية .
السؤال كبير لكن اود ان اشير الى ان العاطفة مشتركة سواء للرجل او المرأة وتكاد تكون عند المرأة كبيرة ... لكن العلاقة بين الجنسين تقننت منذ امد بعيد ومن ثم اتى الاسلام ليتولى شكل العلاقة بمنظور تحليلى وموسع فى كل المناحى .
بالنسبة للخلل الذى يسود الرجال فى تعدد الزيجات ... لا ارى خللا بل اراه بركان عاطفى يجتاح الرجل ولكى تتم السيطرة عليه يجب على المرأة ان تمسك بخرطيم الاطفاء وتحاول جاهدة اخمادها بمزيد من التعامل والمودة التى يفتقدهافى حياته و التى يراها رتيبة وكئيبة وهى ردة الفعل التى بسببها يتزوج الرجل باخرى .
وعادة ما يتم الاختيار بناء على رؤى مسبقة فى التعامل مع الاخرى بشكل يجعله يرى طموحه المفتقد فى الانسة الجديدة ....
لكن بنفس القدر نجد نساء لا يحبن ازواحهن لنفس الاسباب ونرى ذلك فى الحياة بكثرة ....فى القدم كانت نساء ذكرهن القران الكريم كرهن المعيشة مع الزوج وحاولن تبديله .
اما فى الحاضر فهذه قصة حقيقية حصلت فى احدى الدول الاوربية التى اوجد بها.....سودانية تركت زوجها وهجرته وعاشت مع صديقه وعندما احس بالامر حاول ضربها فتم الاتصال بالبوليس من الشخص الجديد وامسك البوليس بالرجل واودعه الحراسة بناءا على ضربه لامرأته ... والان فى حالة نفسية يرثى لها فى احدى المستشفيات.
بنفس القدر التى ذكرتى به لماذا يتزوج الرجل بأمرأة اخرى نرى المسألة فى تلكم الاحداث .... اذن المسألة تبادلية والاحساس واحد فى العاطفة .
| |
|
|
|
|
|
|
|
|
|
Re: سؤال صريح جداً للرجال (Re: alfatih)
|
الاخ العزيز محمد مبارك
شكرا للمداخلة
ورأيك
اللذيذ
تسلم
الاخ العزيز الفاتح
قد أثرت قضية جديدة
وهي حب لأخرى بس من كلامك حب أقوى من الحب ألأول طبعا
وده بيحصل
وقضية تانية انه ممكن جدا ان تنجرف المرأة ايضا تجاه عواطفها
وتحاول ترضي نزواتها ايضا بدافع الحب كما يفعل الرجل
فكلاهما له قلب
واسباب هذه القضية كما تحدثت عن اهمال المرأة لزوجها
ويجب ان تحاول كسبه كذلك الرجل وإهماله لها
فالعطاء واحد والاخذ واحد
ويجب التكافؤ بين الاثنين
وانا سؤالي
للرجل الذي يريد ان يجمع بين
حبين
وتعدد الاحباء
هل يمكن ان يكون بنفس القدر
بس كلامك التاني برضوكله مهم نقاشه
تسلمم
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
الاخت هوزى
الاجابه على السؤال تعتمد على شكل العلاقه بين الطرفين اذ كانت جيده بينهم لاتحتاج للرجل ان يفكر فى حب من واحده اخرى وغير ذلك ممكن وهذا راى بدون تجربه شخصيه لان السؤال للمتزوجين ولاكيف
| |
|
|
|
|
|
|
|
|
|
Re: سؤال صريح جداً للرجال (Re: elsharief)
|
الاخ الشريف
انا سؤالي برضو ممكن لغير المتزوجين
يعني الرجل عشان الاسلام اداه حق الاتنين
ممكن يقدر يحب اتنين فعلا بنفس القدر
وتكون حجة زواج تاني ولا كيف؟
وجهة نظر بس عايزة منك
وتسلم
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
عزيزتي هوزي
شكرا لأنك فتحت موضوع هام جدا للنقاش.. ولأني شخصيا اصابني ضرر من بعض ما ذكرتي..
اولا.. ما عارفة لييه؟ دائما ما يتقدم لخطبتي رجال متزوجين.. ودائما ما يحاول بعض المتزوجين ان يطرحوا انفسهم علي..
قلت يمكن العيب في سني.. يعني انا كبرت وعجزت لدرجة ان الرجال المتزوجين شافوا انو ما في زول فاضي قدري؟؟!! وإذا صح هذا.. فلماذا يجدون في انفسهم الحل
سألت بعض ممن تقدم.. لماذا تريد الزواج في زوجتك؟
فكانت الاجابة بأنه يريد هذا النموذج، يعني انا، ان تكون زوجته.. طيب لييه مازال متزوجا اذا كانت هي ليست النموذج الذي يريد؟ فكانت الاجابة وببساطة.. إذا انا رغبت فيمكن ان يطلقها!!!! تصدقي؟ هكذا وبكل سهولة ويسر..اين العشرة؟ واين الثقة؟ واين الأمان؟ لا أدري
ملحوظة: كنت اعتقد ان وجودي في مكان به رجال متزوجين هو الحارس لي من الفهم والنظرة الغلط.. ولكن بعد تجربة وخبرة عرفت ان وجودنا نحن النسوة في اي مكان به رجال سواء متزوجين او غير متزوجين به ألف علامة استفهام..ارد السؤال: لماذا لا تفكر النساء في رجال غير رجالهن؟
الاجابة قبل ان تقولوها لي: لأن النساء عينهم مليانة...
| |
|
|
|
|
|
|
|
|
|
Re: سؤال صريح جداً للرجال (Re: Raja)
|
العزيزة رجاء
كيفك يا غالية
فعلا انتي فتحتي تشعبات اكبر للموضوع ده
انا بحس الإنانية الشديدة
ما بيقدروا يستحملوا فكرة انه زوجته ممكن تفكر في واحد تاني
ذي ما حكى الفاتح الراجل جاته نفسيات
لكن هم حلال عليهم
مع انه النساء ديل برضو عندهم نفس احساس الغيرة كامل
والحب بيخليهم عاوزين الراجل لنفسهم بس
وغير كده مش حب
لكن البعض عاوزها مخلصة متفانية
وهو يدور بره يغازل ويحب ويعرس كمان
وبيستنكر من المرأة االاعتراض او الغضب
سبحان الله
الله قال كده مش قال يكون بالتراضي
وقال انكم ما حتقدروا تعدلوا
لانه ذي ما انها مش ملاك عشان تستحمل
هو كمان مش ملاك عشان يعدل
التحية لكي عزيزتي
وعلى نقاء قلبك وتلقاءيتك في التوضيح
تحياتي
| |
|
|
|
|
|
|
|
|
 Re: سؤال صريح جداً للرجال (Re: Hozy)
|
أختي الفاضلة هوزي
نرجو الا تغضبي والتمسي لي العزر فحقا التمست من خلال ردك للاخت رجاء ان سموم روضة قد اثرت فيك واليك الدليل:- 1
Quote: انا بحس الإنانية الشديدة
ما بيقدروا يستحملوا فكرة انه زوجته ممكن تفكر في واحد تاني |
والسؤال هو هل يسمح لها ديننا الحنيف أن تفكر في واحد ثاني وهي متزوجة؟
اما الرجل فالدين يسمح له أن يفكر في اخرى وهي الزوجة الثانية
طيب عن قولك:- 1
Quote: مع انه النساء ديل برضو عندهم نفس احساس الغيرة كامل
والحب بيخليهم عاوزين الراجل لنفسهم بس
وغير كده مش حب
|
هل اناني الرجل الذي يسمح له بالتعدد؟
أم انانية المرأة التي تريد الرجل لنفسها فقط؟
وقولك :- 1
Quote: الله قال كده مش قال يكون بالتراضي
وقال انكم ما حتقدروا تعدلوا |
وهذا رأي بعض الاخوة ايضا بل وقال أحدهم لماذ الرجال لا يأخذون بهذه الاية (ولن تعدلو) كلام جميل ولكن شاهدنا أصحاب رسول الله هل فاتت عليهم هذه الاية والتابعين ومن تبعهم نري جلهم قد تعددت زوجاتهم هل يعني هذا جهلهم بالاية السابقة؟
فيا اختي هوزي أرجو الا اكون قد خرجت من الموضوع واعتزر مرة اخرى وكل الذي قلت خوفا أن ينتشر داء روضة ويصيب بنات ونساء البورد
ولك خالص التحايا
واما عن راي الشخصي فاكتفي بحب واحد وان صار في القلب متسعا لاخرى فساجعلة لبيتي واسرتي ولكم انتم احبتي يا بورداب
| |
|
|
|
|
|
|
|
|
|
Re: سؤال صريح جداً للرجال (Re: الرشيد أحمد القاسم)
|
الاخ الرشيد
شكرا على المداخلة
ما أثرته أعتبرها انا عادة لأهل البورد ، كيف؟
يعني دائما لما يكون في نقاش دائما بيخلو المعنى وبيشيلوا شي من جوه الكلام
ذي ما انت عملت !!!
وبيتغير الفهم لانه النص مش كامل
لما تاخد جزء من الكلمات لا يصل المعنى المقصود كاملا
المهم ماعلينا ما مشكلة
بخصوص روضة سيدي اولا اذا رجعت للموضوع بتلقى أني من الناس اللي ردوا عليها
وناقشوها في الحوار الذي لم تود خوضه معي
ولم أود انا اعادته معها مجددا ، ستجد لي كم هائل من التوضيح عن مزايا الدين وانصافه للمرأة
هذا إن وددت ان تعرفني وتتأكد ان رودا أو أي أحد مثلها ليست لها القدرةعلى التأثير علينا
فنحن قد صقلت شخصيتنا من زمان جدا وبانا منهاجنا في الحياة ، فلا تخف من هذه الناحية
ولكن ما قلته لرودا واقوله لك واثرته في تعليقاتي السابقة
هو ليس خطأ او نقص في الدين انما خطأ في البشر في المسلمين ونقص وتقصير منهم
فنحن عندما نتحدث عن هذه الاشياء التي هي قابلة اصلا للتحدث والإثارة
لانها مواضيع اجتماعية حساسة لا نحتاج لرودا او غيرها
لتفتح لنا الضوء فيها ، فنحن نرى النقص في هذه الاشياء منذ زمن وحتى اعمى العين يستطيع ذلك
ولكننا كنا نحاججها انه ليس عيب في الدين
ونحن من زمن نفندها ونتحدثها فيها ونتحدث عن معاناة كثيرة للمرأة من قبل الرجل
( الرجل الذي يسي استخدام ما اعطاه له الله من حق ومسئولية وهؤلاء كثر ) ولكنا
مؤمنين والحمد لله ومقتنعين ان هذه العيوب ليست في ديننا بل في من يستخدم الدين
نفس الرجل تجده يحب ويخرج ويبصص خارج منزله هنا وهناك وعندما يأتي لإختيار زوجته
يقول أنه يريدها نزيهة ، واين نزاهتك وأين دينك وقتها
والأنانية التي تحدثت انا عنها
هو الحب
هي انانية الحب فلحب بطبعه اناني يحب الامتلاك لمحبوبه
واذا احببت شي تريد ان تتملكه وتستاثره لنفسك
وهذه خلقة الله لا يد بشر فيها
فاذا لم تغير عليك زوجتك واحسست بانانيتها في امتلاكك فيجب ان تشك في حبها لك
وانت ايضا اذا لم تغير عليها وتريدها لنفسك فقط فستشك زوجتك في حبك لها
وهذه الانانية التي نقصدها
وليست أنانية ان المرأة تريد ان تستأثر بالرجل كما ذكرت انت
فهذا هو الحب
والا فكيف؟؟
ونحن ننتقد هؤلاء الرجال الذين يسيئون استخدام الاية ويستغلون مشروعية التعداد
على اكبر وجه كله بحجة الدين ولكن ممارسته لهذا تجدها اصلا تخالف الدين
فكيف يجي مثل هذا ويستشهد لك باية تبرر فسوقه الشديد
أما زمن الصحابة والرسول لوكان الرجال الان مثلهم والمرأة ايضا ونفس الظروف
وكانت نيتهم دوما طاهرة ويتزوجون لاسباب واضحة وجميلة وهادفة
ونحن لم نتجاهل تلك المرحلة بل ذكرنا عدة ان لرسولنا الكريم ظروفه الخاصة
ولصحابته من بعده
لكن الان تجد كثير من الرجال يستغلونها لفراغ العين
او البنات كتار وسمحات كما ذكر احدهم هنا
فهذا شي نرفضه
نرفض الخيانة للحب
وحتى لو كانت من قبل المرأة فنحن نتحدث عن الموضوع من ناحية اجتماعية بحتة
وليست من ناحية دينية
لاننا لا نقوى على ذلك ،، اين زمننا من زمن الرسول والصحابة؟!!!
لا نقدر على ذلك
نتكلم من ناحية مجتمعنا الذي يتيح لنا التعرف على من نريد الزواج به
والوقوع في الحب
فنتحدث عن خيانة الحب من الطرفين
وان الحكاية ليست مقسمة
بأستطاعة الرجل على الحب والمرأة لا
فأذا أرادت الشرقية فلأن دينها هو ما يمنعها وقد ناقشنا هذا سابقا
انه يمنعها
ولكن لنقص وتقصير منها في دينها ( هذا للعلم لا يعني أننا نؤيدها بل نسلط الضوء على قباحة الفعل)
يمكن ان تبيح لنفسها هذا ان تحب
وحتى بفكرها فهو برضو خيانة
ولا نعني انه نؤيده
ولكن ذكرناه لنبين ان الرجل لا يملك قدرا فسيولوجية تمكن من التعدد في الحب لا تملكها المرأة
وجل حديثنا عن الحب فقط
هل تستطيع ان تحب على خطيبتك وتفكر بواحدة ؟؟؟؟؟؟؟
لا تقدر على ذلك
ولكنها أول ما تصبح زوجة يمكن خيانة حبها بعد ذلك
وحب أخرى سواء كان بغرض الزواج ام لا
لأنه يمكن انك لم تحب اصلا زوجتك وهذا ما وددنا ايضا نقاشه
فموضوعي يخص الحب نفسه
ويبيح التعدد في الزوج لكن ليس في الحب
يعني جل حديثنا عن نقص في تقدير البشر وليس في الدين الذي اتاح لنا التعددية
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
الأخـت هــوازن ســــلام ليك و لي كـل الشـباب
يا بت الناس الأسـئـلة الصـعـبـة دي شـنـو ؟؟؟؟ و زي ما قال ليك الحاج قرشو
ما في خيارات .
و رأي كـل شـئ مـمـكـن و حـسـب الظـروف يعني ما ممكن تضعي ليك قاعدة تحكمي
بيها على كل المجتمعات و كـل الناس اللي داخل مجتمع واحـد .
و شكـلـو سـؤالك دا حا إخـلـق مشكلة بين الجـنـس الناعم و الجنس الدشن أقصد الخشن
لأنو بدت بعض الإتهامات ترمي على الطرفين وخاصة من جهة الجنس الناعم تجاهنا
علشان كـدا يختي جـهـزي ليك حجازين من أسي.
| |
|
|
|
|
|
|
|
|
|
Re: سؤال صريح جداً للرجال (Re: abuguta)
|
القدير ابو حسين
كلامك يعني انه ممكن يحصل
لانك خليته لكل حسب ظرفه
وبعدين ياسيدي مش هي مشكلة
هو تسليط الضوء على مشاكل مجتمعنا
ونناقشها
ونشوف
تحياتي
أبوقوته
تسلم للمتاوقة
منو القال ليك الكلام ما بيخصك
لازم تحدد من هسه وتختار بالراحة شديد
عشان ما تعمل بتحب تاني
لوول
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
قلب الرجل يحتوي علي أربعة غرف
ومن الأنانية ان تحتلها جميعآ أنثي واحدة
ربما قصدت المزح يا عزيزتي هوزي
ولكن هل يحتمل ان تكمن الإجابة فى هذه المزحة؟
عليك الله كان لقيتي الإجابة بس اديني خبر
عشان انا محتار لي بين عشرة كدا و ما عارف اقسم جدول التصفيات علي كم مجموعة ؟
لوووووووووووول
تحياتي
ورورورك
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
الأخ أسامة ...
اختلف معاك 100% .. كيف ينسخ الحب الجديد الحب الأول؟؟؟!!
دي في التجارة يا جلابي .. الصفقة الرابحة تنسخ الأقل ربحاً ..
أما الحب الأول أو الحبيب الأول هو دائماً سيد الموقف ..
قاله الشعراء زمان .. نقل فؤادك .. البيت .
ولو نظرنا لحب النبي صلى الله عليه وسلم لأم المؤمنين خديجة .. كيف كان عظيماً .. فهي لأنها الحب الأول وهي لأنها صاحبة المواقف الطيبة والركن الدافئ الذي آوى إليه الحبيب المصطفى عاداه قومه .. حتى أن الله تعالى قد حمل الروح الأمين سلامه للسيدة خديجة ..((السلام يقرئك السلام)) ويبشرها ببيت في الجنة من قصب لا نصب فيه ولا صخب .. نعم لطالما عانت النصب والصخب ولأواء الحصار .. أخوتي إني أحب أم المؤمنين خديجة وكل أمهات المؤمنين .. أها يا هوزي دا حب لكن من نوع آخر.
طرحي يا آنستي هوزي .. هو طرح يمثل كل الشباب المتزوجين والراغبين في المثنى .. ألم تري كيف تبسم الرجل الذي يدعى هوبلس؟؟؟
نعم تبسم حتى أصبح هوبفل  ..
وحب الرجل لزوجتيه ... أكمل بعد قليل ..
تحياتي ،،
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
يا جماعة ما قلنا ينسخ و هوزى صلحتها و بقت يسلخ
و يا جاد يا جادى انت اسمع اذا:-
عندما يحب الرجل العاقل يعنى و ليس المتخلف او صاحب النزوات. عندما يحب هذا الرجل على زوجته فتأكد تماما ان الحب الاول او كما ذكر البقية الحبيب الاول اصبح فى خبر كان, و هذا معنى النسخ الذى اوردته انا يعنى الحب الاول داك ببح كما يقول ابنى خالد. طبعا دا اذا كان فى حب اول اصلا يارجاء, المتزوج الجاكى دا اصلا ما كان بحب زوجته و يكون عرسو الزمان داك كان كدا ساى لاسباب كتيرة جدا ليس من بينها الحب, اذا انه يبحث عن حب اول رغم زواجه
و فى العينة الزى كدا حبه الجديد ينسخ قديمه مع الفرق هنا انه لنفس الشخصية اى الزوجة و الحبيبة بمعنى حب متجدد و لكم الياسمين
| |
|
|
|
|
|
|
|
|
|
Re: سؤال صريح جداً للرجال (Re: اسامة الخاتم)
|
أنا كمان
لا أؤمن بالحب الأول
لا يكون باقياً بس ذكـراه دائما هي الاجمل
ولكن اذا بقي في القلب ودام
كيف يستطيع القلب أن يحب ثانية
لا أعتقد أنه يقدر ابداً
فتبقى ذكراه حبيبة للقلب
ولكنه يدفن ولا يصحى ابدا كما الاموات
تحياتي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
أواصل:
وحب الرجل لزوجتيه مثل قارورتي العطر المتساويتين المتصلتين بأنبوب من الأسفل .. ينساب العطر بيهما بالتساوي .. ما لم تقفل مداخل احدى تلك القارورتين .. الوقت داك تمتلي واحدة من القوارير وتجف الأخرى إلا من رائحة العطر .. وهذه الرائحة هي الراوبط التي لا ينفك منها الزوجين وهي البنين والبنات ..
من القصص الحقيقية: سألت إحدى المثنى عليهن: هل ما زال دكتور فلان بحبك؟؟ فقالت: والله ما عرفت أن بحبنا كثير إلا بعد زواجه من الثانية.
وعن تجربتي الشخصية في محاولة أن أجعل موضوع الثاني شيء طبيعي .. كانت زوجتي بتقول:
الزواج من أخرى يعني أن الرجل غير سعيد أو غير مكتفي عاطفياً أي يعاني الجوع العاطفي وغيره .. وهذا ليس بالضرورة صحيح.
الزواج الثاني توسيع لقاعدة المستفيدات أوقل إعادة توزيع أو إعادة انتشار للذكور بين الإناث ذات العدد المتزايد يوماً بعد يوم ..
بس الحريم تأخذ الأمر بكل شفافية ..
تحياتي ..
مثنى وثلاث ...
جــاد
| |
|
|
|
|
|
|
|
|
|
Re: سؤال صريح جداً للرجال (Re: JAD)
|
الاخ العزيز جاد
انا شايفه انك فعلا لك محاولات انك تجعل الزواج بأخرى موضوع عادي
مش لزوجتك وبس ولينا كمان
فعشان كده نظرتك للموضوع مش محايدة ابدا
ولكن على اي حال
أنا أؤيدها في أنك ربما تحس بنقص في شي ما في داخلك
لا تود الافصاح عنه ولا نود خوض هذا
ولكننا لا نستطيع الاغماض عن هذا فكلنا مؤمنين بهذا
لأنه الشي الطبيعي ، من طبيعة البني ادم الرجل والمرأة
فأكيد إذا كان احدهما غير سعيد سيبحث عن السعادة في مكان اخر
اما اذا كانت السعادة بين ايديه ويبحث عن سعادة اخرى
او اكبر فهذا بطر بنعمةالله
والحكاية ما حكاية عنوسة وبس
انه تقلل شبح العنوسة
الحكاية هل بعد كده حتكون فعلا سعيد
وهل اذا أحببت واحدة بجنون على زوجتك ، تؤمن ان هذا
سيكون بنفس درجة حبك لزوجتك ؟؟!!!!! هذا هو العجيب
في الامر
فقارورة العطر شي من صنع الانسان والوصل بينهما
يستيطع ان يتحكم بها هو
ولكن الحب لا
فهو كالقدر
لا حكم لنا عليه
هذا طبعا رأي المطروح للنقاش
| |
|
|
|
|
|
|
|
|
 Re: سؤال صريح جداً للرجال (Re: Hozy)
|
الأخت هوزى
نعم يمكن أن يحب الرجل مجموعة من النساء
لماذا ؟؟ لأن قلب الرجل مثل الفندق الكبير فيه غرف كثيرة ، يعنى هذا أن كل إمرأة لها مكان فى قلب ذلك الرجل وتظن أنها تملك كل الفندق وتنسى هى أن بالفندق غرف أخرى لنساء أخريات يشعرن بنفس الشعور
هذة هى طبيعة قلب الرجل فهو يستطيع أن يحب مجموعة من النساء فى نفس الوقت ولا تستطيع المرأة ذلك فهى تحب واحدا فقط وتخصص نفسها له فقط لذلك تتوقع من الرجل أن يبادلها نفس الشعور وهذا لا يمكن لأنها طبيعته التى جبل عليها
الرجل يحب ويكون صادق فى حبه لهذه وتلك ربما تتفاوت قوة الشعور ولكنه يحبهن جميعا
والسلام
| |
|
|
|
|
|
|
|
|
|
Re: سؤال صريح جداً للرجال (Re: EXORCIST7)
|
الاخ EXORCIST7
شكرا للمداخلة
أستغرب في طرحك بأن قلب الرجل كفندق كبير
هل هذا ذم ام مدح؟؟؟؟
ومن قال أن قلب الرجل اكبر من الأنثى؟؟؟
هل لأن الرجال ( الشرقيين تحديدا ) لهم مشروعية التعددية في الزواج
فيحسون أنهم قادرين حتى ان يحبوا بتعددية
وألم يقول الله (بمعنى الاية ) أنكم لن تقدروا
ووحده رسولنا الكريم الذي كان قادر على ذلك
ألم يلفت انتباهمكم لذلك؟؟
ألا ترى معي مثلا لننسى النساء في الشرق
ما رأيك بنساء الغرب ، كم أمرأة تهرب من زوجهاوتحب آخر؟؟؟
تجد العدد كبير جدا
ولكن النساء الشرقيات لايفعلن هذا الا النادر منهن
وذلك دليل انه ليس عيب في قلب المرأة ( ان كنت ترى أن قدرة الرجل على الحب هو صفة جميلة ) وإنما لانها حريصة على بيتها
اكثر من الزوج
وهذه هي المشكلة الإساسية
فالرجل مستعد للانفصال ومستعد لخوض زيجة فاشلة
لانه يستطيع بكل بساطة التزوج ثانية اوالتطليق
دون الخوف من المجتمع
يلا ورينا رايك تاني
| |
|
|
|
|
|
|
|
|
|
Re: سؤال صريح جداً للرجال (Re: EXORCIST7)
|
ياعزيزي
مافي شي بيأكد نظرية ذي دي ابدا
بالعكس قلب المرأة كبير وممكن يشيل
وما شرط
اما اذا بتقول الرجل بيقدر يحب اتنين احنا عاوزين نتاكد من دي
مش يمكن انه بيشقى برضو لما يعمل كده
ذي المرأة بالظبط
؟؟؟؟؟؟؟؟؟؟؟؟؟؟
ووجدتك رجعت وقلت ان العدل في الحب مستحيل
ولكن العدل المادي ممكن
ودي هي الحقيقة
تسلم
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
الأخت هــوزى،
"ما جعل الله لرجل من قلبين فى جــوفـه"
"ولن تستطيعــوا أن تعـدلـوا بين النســاء ولو حرصـتم، فلا تميلـوا كل الميل فتذروهـا كالمعلقــة..."
لقـد سمـح ببعض الميل للضـرورة الإجتماعيـة، وليس لأن الرجل يستطيـع أن يحب أكثـر من أمرأة فى وقت واحــد.. فقـد جاء الإســلام وأنقـذ المـرأة من تعنيف الجاهليــة بهــا وإهانتهــا، فلقـد كان الجاهليـون يتزوجــون العشــر والعشــرين، وكانـوا يأدون البنت حيـة "وإذ الموؤودة سئلت * بأى ذنب قتلت" وكانت مت قيمهـم الإجتماعيـة أن "وأد البنت مكــرمــه"
فوضـع الحـد الأقصى الذى يمكن للرجل أن يتزوجــه من النســاء بأربعـة، ثم فتح المجال لتحــديـده بـواحـدة عنـدمـا حـذر من عـدم العـدل: "فإن خفتـم ألا تعـدلـوا فواحدة"
ولكن كيف يقـول القـرأن "فإن خفتـم ألا تعـدلـوا فواحدة"، بعـد أن قال: "ولن تستطيعــوا أن تعـدلـوا بين النســاء ولو حرصـتم..." ألم يحســم الأمــر فى أن الرجل لن يستطيــع العـدل؟ فلماذا يرجع الحكم المفروغ منه إلى الناس مرة أخـرى؟ هـذه من مداخل المستشــرقين الذين يقولون أن القـرأن يناقض بعضـه. ولكن إعمال العقل والفكــر هنا مهم..
الأيـة التى تقول "فإن خفتـم أن لا تعدلوا فواحـد" موجهــة إلى طبقتين من الناس..
| |
|
|
|
|
|
|
|
|
|
Re: سؤال صريح جداً للرجال (Re: Abureesh)
|
استاذنا العزيز ابو الريش
اول شي التمس لي العذر انه لم أرى ردك لي مسبقا
واحس ان لحديثك بقية
واشكرك على المداخلة وكلامك صائب
أنه القران كمان يدعونا للتفكر دوما
وهذه الاية لا يتفكر فيها الناس
ويرون ان الجزء الاول منها هو الشرع المفروض عليهم
والباقي هم عمي منه
لا يرونه ولا يتفكرون به
وأتمنى أن ينير الله لنا الطريق
ولمجتمعاتنا اليقظة والتدبر
تسلم
تمنياتي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
العزيزة هوزي
سوال الحقيقة وجيه جدا
لكن بحتاج مننا شوية صراحة وشجاعة في تحليل الوضع .... بمعنى اننا عشان ننظر ليه بي طريقة منطقية لابد من ان نتجرد من التصنيف سواء رجل او مراة وكذلك من كل القيود الاجتماعية المحيطة بمثل هذه العلاقات الانسانية ونتعامل معاها من منطلق انساني مجرد بقول ان الانسان مجموعة مشاعر ورغبات تتقلب على مدار العمر من الطفولة وحتى الكهولة تحكمها ظروف وقيود اجتماعية لكنها لا تنفى تقلبها وتحولها بما لا ينفى ما قبلها من علاقات بمختلف مسمياتها سواء امومة او زوجة او حتى حبيبة
اما في حاله الزواج فالزواج علاقة طويلة المدى قد تمر في خلالها فترات من الشباب وبداية الخريف والخريف من العمر والتى قد يصادف فيها نوع من التقلب في المشاعر او ميلاد مشاعر جديدة تجاه اطراف جديدة تدخل على علاقة مثل الزواج وهذا من فطرة الانسان وقد كان الرسول صلى الله عليه وسلم يدعو ( اللهم يا مثبت القلوب )فهذا الدعاء يمكن النظر اليه بنظرة اعمق تلمس اعماق الانسان بدون رتوش او مجاملات اجتماعية وسيدلنا على عمق المعنى فيه .
ولك كل الود
| |
|
|
|
|
|
|
|
|
|
Re: سؤال صريح جداً للرجال (Re: 3azza)
|
العزيزة عزة
اشكرك للمداخلة
واللهم ثبت قلوبنا جميعا
بالايمان
وبعدين بحب الدنيا ،
وتثبيته بالحب شي مهم والله
اذا تفكرنا في نقطة انه الانسان عادي جدا
يكون في مراحل حياته
تعرف وحب كثيرات او كثيرين من عصر مراهقته
ظانا في كل مرة انه وجد نصفه الاخر
وانه توفق
وفي كل مرة وكل سنة تمر وتجارب يكتسبها يجد نفسه
تحور وتكور وتبدلت مشاعره وافكاره معا
فيستبدل انسان بانسان
واخلاص باخلاص
وسريع ما ينسى اخر مقابل ثاني بكل سهولة
وهذا لا نستنكره
ولكننا نستنكر
ان يحتفظ بهما معا
كي يرضي حوائجه التي تتجزأ له في شخصين
لكل واحد منهما القدرة على
توفير له بعض من متطلباته كي يعيش السعادة
!!!!!!!!!!!!!!!!!!!!!11
تسلمي عزيزتي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
في بنشات الاندر لاب وفي خريف 98
( وانا بالمناسبة اي شي ما بتذكر تاريخو متين كان.. طوالي بنسبو لاي خريف قدامي )
ولما لاحظنا بعد مراقبة دامت عدة اسابيع ان اعداد الجميلات تذايدن بصورةاوباخرى في علوم وفي ممرات الفيزياء وامام مكتب د.هباني .
وبينما انا وواحد خيالي احدثه ويحدثني بخياله خيالا..
سالته وقد انشرح صدري لما حواه من اعداد جميلة ..
:-
- تعرف يا مروان الواحد ممكن يحب كم واحدة؟؟
اجابني سريعا ودون ان يلتفت عن قطبه الاوحد:
- كم؟؟؟
كان سوالي تقريريا..
ولا احتاج فيه لاجابة..
بعد ان اكتشفت انني لا استطيع ان افرد نفسي لواحدة
هسع يا هوزي
تصدقي انو الواحد ممكن فعلا يحب كم واحدة
ما انتو ذاتكم
ما بتشابهو
كل واحدو فيكم احلى من التانية
هسع مثلا بت الماحي
الذي قال فيها احدهم
بت العمده يالجدك فخرنا عسيلي
مسختي البنات بطراك نهاري وليلي
....
ولا بت شبمات الكانت تاكلة بي حزن دايم في قاعة السنما
واسمها زي الغنا
...
ولا اريج
..
ولا قريبة وجن
التي قالو عنها
(..هالة ..قال الله تعالى)
ولا انتي؟
| |
|
|
|
|
|
|
|
|
|
Re: سؤال صريح جداً للرجال (Re: DKEEN)
|
لعل الاخوة ذهبوا الي اشياء كثيرة
المهم انا اديكم المفيد وننسي حاجة اسمها الرجل
ونرجع لعاداتنا وتقاليدنا المتخلفة
اولا نحن جميعا نعرف ان الحب الاول يكون في وقت الشاب غير مسقر ماديا للزواج زد علي ذلك ان البنت تاتيها خالتها او عمها او صاحباتها انو العريس القدامك دا يا بت الناس وانتي عايزة شنو غير راجل يستتك ويهينكي ويمنيكي
واها بت الناس تنسي الحبيب الاول وتتزوج انوا المسالة سترة حال
وتضيع الطارة (الطارة عارفاها
ناتي مرة اخري الي عادات اهلنا الطيبين انوا الواحد دي بت خالتك يا ود لازم تتزوجها
مرة اخري الشاب يرضخ لاهله وينتحر مع بت خالتوا ولا عموا ولا عمتوا
يا هوازن لو نحنا عايشين بنظام كنا قدرنا تزوجنا من ما نحب ونعش لكن ظروف بلدنا فرضت اشياء كثيرة
هذه هي مشكلة حب الرجال وزوغان عيونهم
نقطة اخري مهمة انو الزوجة الاولي تكون 70% هي السبب في زوغان الرجل الي قلب اخري
لانها حسب القرآن الكريم هي مودة ورحمة لنسكن اليها لو طبقت هذا البند لما ذهب عنها ولمات معها علي هذا الحب
لكن انت اضنبنكن مع جهة اخري تسمعن وتجي تفرغن في ازواجكم
ولو كانت عندكن قناعة بما لديكم من ازواج لما نكدتم عليهم
بناتنا هامشيات ما تقومن وتقعدن مع رجالكم في الحارة خصوصا الجيل الحالي علي طول وديني لماما
| |
|
|
|
|
|
|
|
|
|
Re: سؤال صريح جداً للرجال (Re: مهاجر)
|
الاخ العزيز دكيــــــن
يارايق انت
اول شي
دي حركات بتاعت ناس صغار ( ساي ) ده وقت وبيعدي
او ممكن طبعا تكون طبعة فيك ( طيارة عين ) وما تعدي
لووووول بهزر
يعني كونك تعجب بيهم كلهم
وعينك في المين توصل دي وتقدم دي وتدخل دي وكده
وتحتار في السماحة
ده ماهو الحب
ده اعجاب وفراغ كبير عاطفي
لما تكون بتحب
تقعد في المين وتعاين وتتفرج لكن اول ما تجي الحبيبة
تلقى قلبك ضرب ون1057120664
| |
|
|
|
|
|
|
|
|
|
Re: سؤال صريح جداً للرجال (Re: مهاجر)
|
الاخ العزيز مهاجر
كنت قد اوردت ردا سابقا
واختفى
كما انك ارسلت تعليقا واختفى ايضا ومعه ردي لك
وقلت لك سابقا ردا على هذا البوست
انك قد تتطرقت على اسباب هذه المشاكل وهي انها تأتي من
العائلات وبت خالك وغطي قدحك وكده
وده فعلا شي حاصل
ومفروض يقيف
احنا قصدنا نسلط الضوء على الاختيار الخاطي وكده
اما بخصوص تحاملك على المرأة
وأنها غير مهتمة بزوجها وده سبب في زوغان عينه
انا بقول ليك انه ده شي فعلا للاسف حاصل
كتير من النساء ما بيهتموا بازواجهم
وبيهملوهم
بس كمان كتير من الازواج الرجال نفس الشي
ومفروض الاهتمام متبادل وكل شي متبادل
وحس الحفاظ على الاسرة ده مفروض شي مشترك بينهم
وبنات واولاد الزمن ده بيقوا بيهتموا بالفارغة
ما البنات بس الاولاد كمان
لانهم الاتنين نتاج نفس العصر ولا شنو؟؟
بعدين ورينا انت مع الحب المزدوج ولا لا؟؟؟؟تحياتي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
العزيزه هوزى
سلامات..وتحيات
تعرفى ردود البعض هنا سدت نفسى من الزواج وبقيت أشوفو عشره عشره
لو كل الرجال بتفكر بالطريقه ده ما أخير لينا نكون بايرات, ولا رايك شنو؟
تعرفى الكلام حرقنى شديد عشان كده حأرجع ليكى تانى أنشاء الله
وفى أمان الله
لا اله الا الله
| |
|
|
|
|
|
|
|
|
|
Re: سؤال صريح جداً للرجال (Re: bint_alahfad)
|
عذرآ هذه مساهمة مقتضبة جدآ نسبة لإزدحام وقتي ، وحا تكون مجرد رؤوس مواضيع
1- الموضوع مرتبط بالعواطف ، فعلينا ان لا ندخل الدين والتقاليد والعيب والحرام وألأخلاق والذوق في الموضوع
2- المسألة لا تخص الرجال فقط ، بل وحتى النساء ، وفي مرات عديدة قرأت عن التي هجرت ليس زوجها وبيتها فقط بل وأولادها من اجل حب جديد أو رجل آخر ، باعت من اجله الدنيا كلها ، وما داير ادخلفي تفاصيل كيف تزوجت ألأول وكيف عاشت معه ، و95% من النماذج نساء غربيات بما تنتفي معه إحتمال إنهن لم تتح لمن فرصة ألأختيار أو كن مجبورات ومغلوبات على أمرهن ولما اتيحت لهن الفرصة إهتبلنها
3- كل علاقة عاطفية تنشأ تكون لها ظروفها الموضوعية واسبابها ، فهي لا يمكن إختلاقها ، صرف النظر عن العلاقة الأولى السارية ، والعكس ، فإن كل علاقة عاطفية تفشل او تضمحل لها ظروفها الخاصة جدآ ، ولا يعني في بعض الحالات ان نشوء علاقة جديدة يعني إنهيار وإنتهاء سابقتها ، واعرف علاقات حب/ زواج متعدد وجميع اطرافها سعداء او هكذا يبدون فلا طلاق ولا هجر بل تعايش
4- كثيرآ يكون الحب الجديد وحتى القديم حالة متوهمة ويكون مجرد رغبة ، نزوة ، إشتهاء تم تغليفها بالحب وتنقضي حالما يقضى الوطر
5- ما تفسير علاقة الحب ألأولى في بواكير الصبا وفترة المراهقة ، والتي نراها حينها تعدل العالم كله ، ونظن ان حياتنا نفسها تنتهي إذا ما اخفق ذاك الحب و99%منه ينتهي بظروفه وما شفنا حد إنتحر وجميعنا حبينا تاني وتالت ورابع وبذات اللهفة والشوق والحنين وسهر الليالي وعد النجوم
6- ما ذكرته ألأخت العزيزة رجاء ، الواقعة تكون ولكن تختلف القراءات ، اعرف احدهم يحب زوجته جدآ وعاشا قصة حب معروفة في حينا توجوه بالزواج ، كانت لهما صديقة مشتركة كانت في ألأول صديقته ثم صارت صديقة زوجته ، يقدرها يحترمها وكان يحزن لعنوستها ،بمعنى ان كل بنات دفعتها بل وألأصغر تزوجن مع انها تفوقهن جميعآ جمال وذكاء وذوق وووو اقسم انه سوف يمهلها سنة واحدة ويسعى من اجل زواجها وإذا لم تتزوج سوف يتزوجها لأنه حرام ان تظل من غير زواج وتزوجها
وعزيزتنا رجاء بنت نادرة المثال واستطيع ان ادعي بان الرجال عمايا إذ لم ينتبهو لكم الجمال الذي يحتشد في روحها ، ولو كنت احظى بنصف شجاعة صديقي لطلبت يدها مع إني واقع لشوشتي في حب عروسي ام ساندرا ،، وأتمنى ان تقرأ رجاء هذا
| |
|
|
|
|
|
|
|
|
|
Re: سؤال صريح جداً للرجال (Re: أبو ساندرا)
|
ابو ساندرا
تحياتي وشكرا على المشاركة
اول شي نبدا من الاخر
مبروك يا رجاء جالك عريس اخر
بس برضو متزوج تعملي شنو؟؟!! لوول
بالنسبة لرقم
1/ فهي فعلا المسألة لا ترتبط بالدين ارتباط مباشر
بل بمجتمعنا وبيئتنا بس
وده كلام انا قلته كتير عشان الناس تفصل في النقاش
2/ فعلا في نساء غربيات تصرفوا هكذا ( هروب من عش الزوجية ) بعد ان احبت اخر ولكن كده كويس احسن من الخيانة وتعمل بتحب اتنين
احسن انها هربت مع واحد واختارت
وده دليل انه المرأة تستطيع ( إن أرادت) أن تحب اكتر من
واحد او من غير تعدد تحب حب ينسيها حبها لزوجها.
3/ فعلا في ناس بظروفهم وبيئتهم استطاعوا التعايش
بالزواج المزدوج ولكن الحب اللي في القلوب الله أعلم
4/ والله فعلا دي اكبر مشكلةيكون الحب
نزوة او اشتهاء
وبعدها يزول وخاصة المصيبة يزول بعد الزواج، تلقى الراجل ما عارف يقبل وين المرأة شوية بتستحمل اكتر
وده بيكون سبب كتير من المشاكل
والله بيني وبينك الحب
ده هو شنو غير نزوة اصلا ، مافي حب
5/ حب المراهقة ده شي طبيعي في مجتمعنا ولا بد منه
من غير مسمى الحب الاول والكلام ده
تلاقيه الموضوع ما بيستاهل وعوارة ساي
6/ قصة صاحبك دي حنك ساااااااااااااي
هو اظن صاحبته عاجباه وحابيها يكون من زمان
وعين في الجنة وعين في النار
وفي النهاية قال يدخلوهم الاتنين وده مش مقياس
تحياتي لك
بس ما وريتنا رايك في الحب المزدوج
شكلك بتقول انه ممكن مش كده
| |
|
|
|
|
|
|
|
|
|
Re: سؤال صريح جداً للرجال (Re: bint_alahfad)
|
العزيزة بنت الاحفاد
كيفك يا غالية بتين السفر
انا خلاص قربت الباقي لي يومين بس
ياستي والله ده شي معقد جدا
واقول ليك شي حاصل فعلا
تعالي شوفي كم راجل او زوج عنده استعداد الخيانة اذا توفرت ليه الظروف ( وطبعا ده حسب المجتمع السوداني ) واختلاطه الشديد وكده
يعني مثلا تفتكري انه في راجل واحد ولا شاب
وهو مرتبط وبيحب او متزوج اذا لقى واحدة
شابه تاني وحلوة وابتسمت ليه ومدت يدها
ومهدت ليه طرق كتيرة للتواصل معها وجرت ذيله ولا حتى
ما جرت شي ،،، كم واحد تفتكري مستعد بنسبة كم
انا اقول ليك بنسبة 97% وده كمان
لو كان راجل كبير
والبنت شابة جميلة وصغيرة وترجع ليه ما ذهب من العمر
اووووو ده كمان بيجري بايديه ورجليه
شفتي كيف
تسلمي
بس ما تشيلي هم الله كريم
وانشاء الله انت من ال 3% الباقين
| |
|
|
|
|
|
|
|
|
 Re: سؤال صريح جداً للرجال (Re: Hozy)
|
ياجمــــــــــــــــاعة
سبحان الله
باقي ردودي أختفـــت كيف
لاحول الله
!!!!!!!!!!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
لنفترض ( يا اخوانا كلامي ده افتراض بس، مش عايز ناس التكفير والجهاد بطلعوا اسمي في قائمة المغضوب عليهم مع انو رأسي لا يساوي مائة جنيه) لنفترض ان شرعا ما اباح للمرأة ان تتزوج سبعا يعني رجل لكل ليلة، واباح للرجل ان يتزوج سبعا منهن، واحدة لكل ليلة
بالنسبة للمرأة ورجالها السبعة، فهي بلا شك ستحبل من رجل واحد فما هو موقف الستة رجال الآخرين؟ هل سيواصلون المشوار ويعتنوا بامرأة تحمل في احشائها سلالة غيرهم؟
اما حال الرجل مع نسائه السبعة مختلفة، فاذا حبلن منه جميعا فان النسب منسوب اليه وحده
بالطبع لا يمكن ان يحب الرجل كل هذا الكم بدرجة واحدة ،، معيار الحب يتفاوت حسب النكهة شطة / عسل / كتاحة ..... الخ
بعدين اخواتنا البنات اللسه ما عرسن ، ما يخافن ساكت، الواحدة لو قدرت كيف تستنزف عواطفه ( بقول عواطف و ليس الجيب) حتلقاهو زي الوليد الصغير في ايديها
| |
|
|
|
|
|
|
|
|
|
Re: سؤال صريح جداً للرجال (Re: Zoal Wahid)
|
عارف يازول ياواحد
الحب ده بيخليك انت ما انت
يعني اذا وقعت لشوشتك شديد اوي اوي
اذا راجل بيكون موضوع استحمى وكان بنت برضو
يعني في كل الاحوال انت ولا هي بتكونوا خواتم
في ايدي الاخر
بس بقول ليك ( وبرضو ما يجي زول ينط لي ) انه
كان على تحديد النسل بقت ساهلة قالوا ليك
ذي شكة الدبوس ( دي من سهولتها يعني ) بتعرف مافي مشكلة
كان دي مشكلتك
بس في مشاكل تانية كتيرة
وده شي صعب والله ومرفوض
احنا بنتكلم في حدود اتنين بس وحبهم
بس اكتر من كده تكون مبالغة
واصلا ده ما بيكون حب دي اخوة ومعزة سااااي
تحياتي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
الغاليه هوزى
تحياتى
كان مفروض اكون سافرت الاسبوع الفات لكن لظروف طارئه أجلناهو للأسبوع الجاي أنشاء الله يعنى حتصلى قبلى, الله يوصللك بالسلامه والأسره الكريمه وياريت ترسلى لى يور كونتاكت نمبر قبل ما تسافرى
ويسمع من بوقك ربنا وبرجع ليك تانى يا عسل أنشاء الله
وفى أمان الله
لا اله الا الله
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
الاخت هوزري
شكرا ليكي
لكن قولي
لو عطشانة ولقيتي موية روتك وذهب ظمأك هل ستشربي مرة اخري
اعتقد لن اشرب مرة اخري
مثلي هذا واضح صاح
هي واحدة لمينا فيها
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
نحنا عشنا مع ناس الحنية
عشان كدا محظوظة البتلقانا
حقيقة نحنا عشنا مع الهنود وشفنا كيف تتعامل الاسرة ككل
مش الزوجين ديل خليهم ساكت
والله لما شفناهم كدا قلنا نحنا قلوبنا من حجر
| |
|
|
|
|
|
|
|
|
 Re: سؤال صريح جداً للرجال (Re: sudania2000)
|
هوزي الموضوع جميل جدا..
من غير سبب يمكن لي ان اتزوج اثنتين واقيم العدل بينهن واكون اقمت شرع ديني الاسلامي. ابحث عن زوجات غير
سودانيات اذا شاء الله نسبه للخفاض اللعين..ودمتم
| |
|
|
|
|
|
|
|
|
|
Re: سؤال صريح جداً للرجال (Re: sudania2000)
|
الهليلة
تسلم اخي العزيز
سودانية 2000
كل سنة وانتي طيبة
شوفت البوست مرفوع بس مالقيت وقت ارد والله
عذرا
انشاء الله انتي بخير
ياستي اعتقد الزواج الثاني ده
بيكون الواحد وصل مرحلة الملل
وبفتش عن التجديد
ففي الاخر بلقى نفسه وقع في نزوة
ويمكن ما تكون نزوة وبس
ممكن يكون تغيير جذري ومتواصل
تسلمي
| |
|
|
|
|
|
|
|
|
 Re: سؤال صريح جداً للرجال (Re: Hozy)
|
الاخ العزيز مهيب
مافهمت كلامك هل يعني عشان تقيم شرع دينك الاسلامي !!! لازم قصادها
تتزوج اكتر من واحدة ولا كيف يعني ؟
كدي اشرح لي النقطة دي
وورينا الفكرة هنا شنو
هو الزواج فرض ولا شنو
؟!!!!!!!!!!!11 لوول
هي الاولى ما فرض
انشاء الله الغير سودانيات ديل يكونو
مسلمات برضو وعربيات
عشان تقدر تتزوج عليها من غير مشاكل
بالتوفيق
تمنياتي
| |
|
|
|
|
|
|
|
|
|
Re: سؤال صريح جداً للرجال (Re: Hozy)
|
الاخت العزيزة هوزي استئذانك في محاولة ان ارد علي سؤالك عبر بوسة الصديق نبتة
الانسان اكثر كائن معقد في هذا الكون لذا من الصعب وضع قاعدة يمكن ان تكون معيار يحتكم الية الجميع دون ان يساورنا شك في صحة معيارنا لكن دعيني اخوض في تلك المغامرة فهمت من سؤالك انك تحديدا تسالتي عن تلك الزيجات التي تكون مبنية علي اساس الحي يعني من البداية انا هنا غير معني بي الزيجات التي قامت لي اعتبارات اخري .يبدو لي انه من الصعب نجد تعريف مناسب للحب يمكن ان نتفق عليه لذا دعيني نقول ان الحب هو مشاعر جميلة نشعر بها اتجاه انثي محددة في زمن محديد ولكن بما ان الانسان كائن متطور فان من الطبيعي ايضا ان تكون مشاعرنا متطورة وليس بي الضرورة ان يكون هذا التطور في الاتجاه الاجابي ولعل هذا يفسر لنا لماذا في بعض الاحيان تنتهي قصيص الحب العنيفة بكراهية عميقة لكل شي يذكر بي الحبيب السابق .واعتقد ان الاناث والرجال معنين بهذا التطور يعني ايضا يمكن ان يموت حب المراءة لرجلها ويمكن ان تخونه.يبدو لي ان التعايش اليومي يكشف الكثير المخفي في شخصية الطرفين والتفاصيل الصغير حينما تتراكم تقصم ظهر العملاقة ولكن لي اعتبارات اجتماعية او اقتصادية او غيرها تستمر الكثيرات في علاقاتهن الزوجية فنحن مجتمع زكوري نرفض دوما فكرة ان يكون للمراءة كيان خاص لذا فالمجتمع دوما يحمل مسئولية فشل الزواج ويتقاضي عن مسئولية الرجل في ذلك ولعل هذا ما يفسر لماذا يتزوج الرجل علي زوجتة بينما تتخوف المراءة حتي من مناقشة فكرة الطلاق فهي تدري تماما ماذا تعني مفردة امراءة مطلقة.من الصعب علي الانسان المعافي نفسيا ان يحب قاهرة الكثير من الرجال بعد الزواج يتحولون الي وحوش كاسرة فهم يدرون تماما ان المجتمع سوف يقف معهم لذا فلا باس من ان يستخدموا قليل من الحقوق التي اعطاها لهم المجتمع ويوم وراء يوم تزداد تلك التطلعات الانتهازية وبمرور الايام يموت الحب القديم ويكونو اكثر استعدادا للحب الجديد اما بي النسبة لي نسائهن فانهن بي الرغم من ان الحب مات وشبع موت من زمن الاء ان خياراتهم محدودة والمجتمع لهن بي المرصاد وكلمع مطلقة كلمة مشبعة بي الاشياء السالبة التي تنتقص من قدرهن لذا تميل النساء بصورة عامة علي المحافظة علي استقرار بيوتهن اما حب ازواجهم فانهن يحاولن الاستعاضة عنه في حب ابنائهن والادهي والامر انهن يحاولن ان يشبعنا ابنائهن وبناتهن بتلك القيم التي هن اكثر المتضررين منها.
شريف محمد ادم
| |
|
|
|
|
|
|
|
|
|
Re: سؤال صريح جداً للرجال (Re: nabta)
|
الاخ شريف محمد ادم
اول شي بشكرك للكتابة في هذا البوست
وتاني كلامك منطقي جدا
ودخل راسي تمام
مع انه الواحد احيانا بيصعب عليه يستوعب فشل
قصة حبه او قصة حب عايشها مع اخرين
وبعدها يرى تحول وتحور من احد الطرفين
ثم انحرافه الى طريق مختلف
ولكن يممكن هذا بسبب التطور الذي عنيته
والله يبعد عننا هذه الاشكال من التطورات والله
وتسلم جدا لمشاركتك
تمنياتي وشكرا لك
| |
|
|
|
|
|
|
| |
benyya
KOSTA
smart_ana2001
اساسي
EMU إيمو
دورنقاس
ابو جهينة
بدرالدين شنا
khal fatma
shiry
قرشـــو
Bakhaf
زوربا
JAD
اسامة الخاتم
cola
بلدى يا حبوب
Mohd Mubarak
alfatih
elsharief
Raja
ABUHUSSEIN
abuguta
woroorrook
EXORCIST7
Abureesh
مهاجر
bint_alahfad
أبو ساندرا
elhilayla
Muhib
فيس بوك
تويتر
انستقرام
يوتيوب
بنتيريست