|
دعواتكم لزميلنا المفكر د.الباقر العفيف بالشفاء العاجل
|
|
 Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: أبو ساندرا)
|
زمان الشيــخ العبيــد ود بـدر، نادوه جماعـة دايـرين يمتحنـوه..
قامـو غطـوا واحـد فيهـم بتـوب، وقالـوا يا الشيـخ، الزول دا إتوفى، ونحن عايـزينك تصلى بينـا عليـه.
قال ليهـم قلتـو كـدا! يللا قومـوا أقيفـو صـف.. وختـوا (الجنازة) قـدام.. والشيـخ العبيـد أماهـم فى الصلاة.. بعـد ما سـلم، عايزين يضحكـوا عليـه، لكن لقـوا زولهـم مات فعلا.. ومن ســريرو داك ما قـام..
فقال الشيــخ: أنا العبيــد ود ريـا، الما بســوى النيــة.
| |
 
|
|
|
|
|
|
|
|
Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: abas)
|
Quote: طبعا بكره هو يوم واحد ابريل ، وطبعا نحن السودانيين عندنا شوية (فلهمة) و (قرضمة) و (فلقصة) و (عنطزه) و (جعصصه) وحاجات كده قاطعنها من راسنا ، شعب أثر فيه الاستعمار وقعاد (الانجليز) معانا و (الأقباط) و (اليهود) و (الأغريق) و (ولاد الريف) و أثر الكنيسة ما زال واضح وقوى خصوصا فى الجنوب ، ورغم (فقرنا) و (عراريقنا) و (حواشاتنا) و (بكاسينا) و (رقشاتنا) و (سفنجاتنا) و (توب زراقنا) و (ودعنا) و (سعفنا) و (أباريقنا) و (قطع جمارنا) و (غنمنا) و (سبيلنا) ، رغم ده كلو ، تلقى الجماعة يوم واحد أبريل يستعدوا أكتر من أولاد جون زاتهم ، ويطلعوا ليك كضبات كده ، ما أنزل الله بها من سلطان ، ولما تلقى الواحد (ينخلع) من (الكضبة) ، تلقى الجماعة يقعدوا يضحكوا ، ويقولو ليك (يا داقس) الليلة واحد أبريل ، ما سمعتا بى (April Fool)
الله يفلفل راسكم
الناس فى شنو؟؟؟؟ والحسانية فى شنو؟؟؟؟
أذكر فى السنوات الماضية ، كمية من الكضبات كده ، على مستوى الجرايد ، وبعضها به من (البياخه) و (الأذيه) ما لم ينزل به الله سلطانا ، ويكون ليها آثار مدمرة ، عشان ناسنا جايطين الحكاية ساكت ، كعادتهم فى كل أمر ، لغاية ما يخرجوا عن طور (الفكاهة) أو (الطرفة) الخفيفة الغير مؤذيه ، فهل تفضلتم بأن تحكوا لنا بعض هذه (القنابل) البايخه التى حصلت سابقا ، أو التى حاتحصل بكره؟؟؟؟ |
نحن قبيل شن قلنا؟؟ 
| |
|
|
|
|
|
|
|
|
 Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: tmbis)
|
الاخ بشرى
Thenile
لازم في بنات حور ماتنسوا المرحوم مات شهيد !!
لوول
Quote:
هوزى يازنة البنوت
الترابى قالو ما بموت
عشان نهاجر نترك ليه البيوت
وفى البحر يخنق الحوت
والمراكب تعدى وتفوت
تنقلنا الى بلد الياقوت
واتباعه فى الغربة
عامين ليناهبوط
افراد وجماعت ورهوط
ضرائب ومصائب
وسفارات تجوط
ولو ما دفعت
يضربوك بالسوط
تقولى لى الترابى بموت
هو ذاتو هو الموت
حارسنا من عهد هاروت
نحن قبله سوف نموت
وهويعقد براه
فى السودان يجوط
|
والله يابقوته
شكله حيقعد براه
ده كان مامشى زاد نيران فلسطين ما اسرائيل
| |
|
|
|
|
|
|
|
|
|
Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: Hozy)
|
يا جماعه انت بتحلموا ،انتو قايلين الجلطه دى عويره،قبال
ده فى كندا لما قالوا حصل ليه فقدان ذاكره.قالوا فقدان الذاكره
مرق يشتكى للجلطه دى زاتا،وقال ليها والله كان ماسكنى شيخ حسن
مكرهنى روحى ،الحمدلله الفكانى,تجى الجلطه تغلط جنس الغلطه دى.
وسمع اضانم الناس الحضروا كندا قالوا الجلطه قالت للضغط
شيخ حسن يكنكش فى العدو،ما شايفو ما داير ينحل من رقبة الشعب
السودانى المسكين،يفكوا من جبهة الميثاق يقبل على الاخوان المسلمين
يفكوا من الاخوان يمسك فى الجبهه القوميه،يحلوا من الجبهة القوميه
يا المؤتمر الشعبى جاك زول.ودى الحاله.يازول ما تشوف لينا
الشيخ العبيد والا خليفته.
| |
|
|
|
|
|
|
|
|
 Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: Hozy)
|
الأخ أو الأخت / هوزى ... تحية طيبة ...
فى كلا الحالين ... إذا كان كذبة أبريل أو كان صحيحاً ... إلا أنه يصادف هوى لدى الكثير من البورداب ... حيث إن الراجل أصبح يخطرف كثيراً فى الفاضى والمليان ... وبعدما إرتد سلاحه عليه ... زادت لوثته وأصبح يمسك ده ويفك ده ... ومن خطرفاته إنو جعجعته أصبحت كثيرة وصار يناقض نفسه لأنو كثرة الكلام قالوا بتكشف المستور ... وطالما هو عامل فيها سياسى محنك بمعنى متصيد للفرص ففى النهاية لازم ينكشف على حقيقتو .... زى ما حاصل الآن ... طبعاً مشكلته زى مشكلة كل أرباب أحزابنا القدام الماسكسين فى الكرسى وماعايزين يتنازلوا منو فى حين كان أحسن ليهم لو أصبحوا آباء روحيين ومنظرين .
عوماً لانتمى له هذه الميتة الهمالة ... عايزينو يموت ميتة رجال فى ساحات الوغى ... أخشى أكون متفائل أكثر من اللازم !
دى أكبر كذبة ياهوزى ... تأخذ عليها جائزة ...
| |
|
|
|
|
|
|
|
|
|
Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: شمهروش)
|
الأخت هوزي ..الاخوة والأخوات
لست من أنصار الدكتور حسن الترابي ولست ممن يمكن أن يسقطوا من الذاكرة كل المرارات التي خلعها الترابي على هذه الأمة..ولكني قطعا أسجل امتعاضي وشجبي لهذا النمط من الدعابة القاسية. أن تعمل بكل ما أوتيت من الوسائل -بما في ذلك حمل السلاح- في وجه خصم يصادر حقك الشرعي في الوجود شيء، وأن تتمنى الموت لخصمك بأسلوب التشهير والدعابة الفجة أمر آخر.
الترابي- اتفقنا معه أم اختلفنا- هو نتاج هذه البيئة السودانية بكل تعقيدات جغرافيتها الثقافية والسياسية والاجتماعية. واذا كنا جادين للسعي قدما في نضالنا من أجل أقامة وطن حر جديد..وطن يتحرر باديء ذي بدء من مرارات حاضره القاسي، نافضا عنه ضيق أفق التقوقع العشائري والتعالي الاثني والتعصب الطائفي والحزبي و..والخ..فان علينا اذن أن نتجاوز مرحلة النقار الأعمى حتى في الهذر. مقارعة الدكتور حسن الترابي الحجة بالحجة في دولة مدنية تسع الجميع، والتأكيد له ولأنصاره ان مكانهم الوحيد هو ضمن هكذا مجتمع وأن دولة القانون لا دولة مليشيات أوهام الجهاد وزواج الحور العين مقابل حملات التطهير العرقي لمواطنين هم أصل هذا البلد..أقول بمثل هذا وحده نعيد الترابي (وهو عالم وفقيه دستوري لا جدال) ومعه قبيل من الأكفاء من الرجال والنساء الى وطن أساءوا الى شعبه باجتهاداتهم الخرقاء.
أعود وأكرر استنكاري وشجبي لهذه الدعابة التي لم ترسم ظل ابتسامة على شفتي، فأنا من أمة تحترم الخصومة حتى في الاحتراب.
فضيلي جماع
| |
|
|
|
|
|
|
|
|
|
Re: I strongly agree with U Dear Fidayli Jamma'a (Re: sheba)
|
Sheba
انا بحكي ليك نكتة كمان
قالو الترابي مشى لكبير معلمي الابالسة ( الشياطين ) نادوه
من وسط تلاميذه
خرج له ابليس المعلم ، الترابي قال ليه
اسمع يا ابليس شوف لي عليك الله حيلة جديدة لنج
امغس بيها الشعب السوداني اكتر مما مغسته
فرد عليه ابليس : اعمل ليهم كذا وكذا
رد الترابي : يا ابليس عليك الله دي عملتها من زمان !!
ابليس : طيب افرض عليهم .................
الترابي : ياخي ده من زمان عملته ياخي مافي شي تاني
احتار ابليس في اختراع اي شي جديد
الترابي : اسمع يا ابليس تعال جيب ( اضانك ) اقول ليك حاعمل شنو
وس وس وس وس وس وس وس
ابليس : حــــــــــــرام لكن
| |
|
|
|
|
|
|
|
|
|
Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: theNile)
|
الأخ عبـد القادر سبيل،
لمـا قريت الخبـر حـزنت جـدا، ولم إلاحـظ تـوقيـع كاتبــه..
والأن فأنا أرد عليك أنت وعلى الأخ جماع.
الأخ فضيلى جمـاع،
تقول:
"الترابي- اتفقنا معه أم اختلفنا- هو نتاج هذه البيئة السودانية بكل تعقيدات جغرافيتها الثقافية والسياسية والاجتماعية."
أما أنا، فرغـم أنى لم أحب لـه المكـروه، إلا أنى أجـدنى أختلف فيما خطـه قلمك هنا.. فالتـرابى ليس نتاج البيئـة الســودانيـة، وإنما هـو نبت شيطـانى، غريب على البيئـة الســودانيـة، وهـذا هـو السبب فى رفض الجســم الســودانى لـه.. عضـو غـريب.. و(القيـم) اليـوميـة التى يمارسهـا، من غـدر ونفاق وكذب، لا يعـرفهـا الســودانيون.
ولك فائق الإحترام.
| |
|
|
|
|
|
|
|
|
 Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: أبوالريش)
|
اخي أبو الريش
ربما تكون محقا في غضبك على الممارسات السياسية الميكافيلية للدكتور حسن الترابي وفقهه السياسي الذي لبس في الثلاثين سنة الأخيرة كل ألوان الحرباء لبلوغ جماعته سدة الحكم (بما في ذلك "خازوق" قوانين سبتمبر وبيعة النميري اماما)..,وأجد لك العذر وغيرك في الحنق على الترابي بصفته عراب الكابوس الذي يجثم على صدر شعبنا الآن. لكني آمل ألا نخلط في حمي غضبنا وسخطنا بين الموضوعي والعاطفي.
حين أقول بأن الترابي هو نتاج هذه الثقافة السودانية فأنا واع بما أقول، فالثقافة تعيد انتاج معطياتها وتفرزها في حلقات متباينة بل وشديدة التباين. وثقافتنا لم تكن كلها خيرا..بل ان المنتج السياسي- وهو في جوهره بعد آخر للثقافة السودانية- كان كابحا لعجلة التطور والتنمية في العقود الخمسة الأخيرة من تاريخ هذا البلد، وما الترابي الا ترس في طاحونة اللت والعجن هذه. وهو بهذا المفهوم شريحة من جسد المشهد الثقافي السوداني في أسوأ حالاته.
أخوك/فضيلي جماع
| |
|
|
|
|
|
|
|
|
|
Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: kamalabas)
|
الأخـوة جمـاع و كمال عباس،
لكم التحيــة و الود..
الأخ فضيلى،
لا أعتقـد أنى كنت منطلقـا من غضب عنـد عنـدما قلت أن منهـج الترابى لا ينتمى إلى التـربـة الســودانيـة، وإنما هـو تبت شيطـانى.. وإلا لما كنت أول من إنزعـج لإشــاعـة وفاتـه.. فالميـزان مـوجــود يا أخى.
كنت بصــدد التعليق، ولكن الأخ كمال عباس كفانى مؤونــة ذلك.. فحـركـة الأخـوان المسلمين، التى نشــأت فى مصــر، لم يتـم توطينهـا فى الســودان (localization)، وإنما نقلت كما هى، بكل قيمهـا التى تتعارض مـع الثقافـة السـودانيـة فى التسـامح والبـر والتـداخل الإجتمــاعى.. ولجـأوا إلى إستعمـال المال للوصـول إلى السلطــة، وقـد حللوا لأنفسهــم الكذب والخـداع والغـدر، بإعتبار أنهـم مجاهـدين!!
كل هـذا ليس لـه ما يقابلـه فى التربـة الســودانيـة.. المـوضــوع ليس دكتاتوريـة وتسلـط على رقاب الناس، وإنما قيـم المافيـا والعصـابات التى لا تعتـرف أسـاسـا بأى قيمـة إنســانيــة، إلا إذا كانت فى مصلحتهـم الماديـة.
| |
|
|
|
|
|
|
|
|
|
Re: خبر عاجل وهام ،،، وفاة الشيخ الترابي بعد اصابته بجلطة دماغية عندما قبض (Re: ملكة سبأ)
|
الى الأخوين:كمال عباس وأبو الريش
سلامي ومحبتي لكما
، وبعده:
فانه من الصعب جدا تقسيم المعطى الثقافي لأمة من الأمم -في عقود متقاربة-الى بنيات عضوية متفرقة لايشبه بعضها الآخر. هذا وضع ترفضه نواميس وقوانين الحياة. ان الاسلام السياسي وجد مرتعه في هذا البلد (السودان) منذ قبل فجر الاستقلال..ومثله أيضا الفكر الاشتراكي المتمثل في تيارات اليسار السوداني المتنوعة (يضم الى ذلك ما عرف باليسار الاسلامي)!! ولأن الثقافة العربية الاسلامية في السودان الشمالي هي احدى أهم آليات تحديد شكل الهوية السودانية منذ قرون، فقد كان جزء كبير من الكم الثقافي السوداني مهمشا ومغيبا تماما، وأصبحت ثقافتنا أحادية الاتجاه. صارت ثقافة النخبة هي التي تتحكم -مع عوامل أخرى-في رسم صورة المستقبل للسودان. لذا لم يكن غريبا اختراق حركة الاخوان المسلمين لوزارة التربية والتعليم بفرض تدريس أنماط من المقررات هي في الواقع لم تخرج عن أدبيات الحركة وخطابها السياسي المتزمت. الكثيرون منكم يذكرون كتاب "شبهات حول الاسلام" الذي كان جزءا من المقرر المدرسي للمرحلة الثانوية
ebrahim_ali
قلقو
Rakoba
أبو ساندرا
abas
يازولyazoalيازول
Saifeldin Gibreel
nazar hussien
محمد عبدالقادر سبيل
abuguta
bushra suleiman
theNile
tmbis
صديق الموج
Yassir7anna
شمهروش
فضيلي جماع
elhilayla
sheba
kamalabas
ملكة سبأ
lana mahdi
ترهاقا
توما
HOPEFUL
Hisham Amin
zola123
فيس بوك
تويتر
انستقرام
يوتيوب
بنتيريست