|
دعواتكم لزميلنا المفكر د.الباقر العفيف بالشفاء العاجل
|
|
 Re: المستحيــــــــــل (Re: Hozy)
|
ياالله يا الله يا الله يا هوزي
سلمت ويسلم ذاك اليراع
نظرت الي المرآه فوجدت نفسي في هذا النص
او وجدت في النص نفسي فماذا اقول ؟
| |
 
|
|
|
|
|
|
|
|
Re: المستحيــــــــــل (Re: Hozy)
|
هوزى
شعرك اللوزى
وكل مرة علينا تفوزى
كالوطن الملاذى
والشجر الحرازى
والمبنى القزازى
والثوب الهزازى
وداخلية الرازى
حلوة القصيدة بس اخلطيها بحبة فرح وامل
عشان بعد الغربة للوطن نصل
| |
|
|
|
|
|
|
|
|
 Re: المستحيــــــــــل (Re: abuguta)
|
لوووووووووووووووووووول
شنو الابداعات دي
الثوب الهزازي وداخلية الرازي
لووول
لذيذة لكن ياابوقوتة
وصفتني ذي النوتة
وخليتني احس بخوفة
انه كلامي يكون جوطة
بس كلامك جاني ذي غرودة
فرحني كاني طفلة زغنطوطة
لووووووووووووول
هسه ده شنو الجن العلمتني ليه ده؟؟؟
تسلم ياسيدي
وتحياتي
| |
|
|
|
|
|
|
|
|
|
Re: المستحيــــــــــل (Re: Hozy)
|
ابداعك احسسته قبل ان قرأته من خلال دموعك المنهمرة
لك التحية
بدوري اهديك وللجميع احدي ابداعات الدوش ما دمت لا استطيع الابداع مثلكم لكم التحية
الحزن القديم
ولا الحزن القديم انتي ... ولا لون الفرح انتي
ولا الشوق المشيت بيه ... غالبني اقيف ولا بنتي
ولا التزكار .......ولا كنتي
بتطلعي انت من غابات ... ومن وديان ومني انا
ومن صيحة جروف النيل ... مع الموجة الصباحية
ومن شهقت زهور عطشانة... فوق احزانها متكية
بتطلعي انتي من صوت طفلة... وسط الزحمة منسية
تجيني يجيني معاك زمن ... امتع نفسي بالدهشة
طبول بدق وساحات لي فرح ... نور وجّمل للحزن ممشي
وتمشي معاي خطانا الالفة ... والوحشة وتمشي معاي وسط روحي
ولا البلقاه بعرفني ولا بعرف معاك روحي
ولا بنتي ولا التذكار ولا كنتي
لكي التحية عزيزتي وللجميع
| |
|
|
|
|
|
|
|
|
|
Re: المستحيــــــــــل (Re: Hozy)
|
هوي هوي
هوزي
لكن جننتوني مع عمده
احزان الرحيل ...ياما احزان .....اللحظه كانت في يوم لا تاريخ له
الساعه في مثل كل الاوقات....و الحنين عاود تاني .....بس الرحيل
ومن هذا البوست بهدي عمده الجريح
بكيت العمر من قبلك وكان كل العمر احزان
وبيك انا عشت بعد الهم امان ما بعده اصلو امان
مشيتها دروبك القاسيه ولسه مصيري امشيها...
كثير قاسيت جحيم نارك ومكتوب لي اقاسيها
غلبني اداري نيراني ونيران غيري بطفيها
اول الناس علي الجنه وجنات عمري ناسيها
زرفت دموع في حبك لقيت دمعاتي ما بتجدي
معاك احضرت ايامي وبانت فيك نجوم سعدي
اقول لو انسي ايامك يطل الماضي متحدي
بدون حبك سنين عمري مجرد ذكري بتعدي
احس دئما معاك بالحب واحس بنوره يغمرني
شعور في داخلي اكبر من إراده قلبي يعصرني
احبك وابقي ليك فاكر اسامحك لما تظلمني
كأنك إنت بس مخلوق من ايام عمري او مني
| |
|
|
|
|
|
|
|
|
|
Re: المستحيــــــــــل (Re: alfatih)
|
هوزي لك الود
ابكيتيني بكشفك عن ما بدواخلي
لما يا صديقتي ابحتي بما طويته بداخلي ظانا اني قد احسنت مداراته عن نفسي وغيري..؟
ولكنه احساسك المرهف يتسلل دائما ليكشف لنا ما عجزنا عن البوح به
لك الود صديقتي الودود
| |
|
|
|
|
|
|
|
|
|
Re: المستحيــــــــــل (Re: alfatih)
|
الاخ العزيز عمدة
ماشاء الله علييك
كتاب عديييل كده
ما عندك اي عوجة والله
كويس طلعنا منك الحاجات الجميلة دي
الاخ العزيز الفاتح
تشكر على الطلة
وعلى مشاركتك الفعالة دي
والله تمام وكلماتك جميلة
والله ورائعة
تسلم
تحياتي
| |
|
|
|
|
|
|
|
|
|
Re: المستحيــــــــــل (Re: Hozy)
|
عزيزتي
اعملي حسابك انا بصدق
واذا صدقت بتعبكم بعدين
لكي التحية
الفاتح يا مبدع مشتاقين عديل كدة
كراتين كراتين
ولك التحية
| |
|
|
|
|
|
|
|
|
|
Re: المستحيــــــــــل (Re: 3omda4)
|
هوزي العزيزه
سلامات
ليه كل العذاب ليه كل الألم
بزرع في الموده و حصادي الندم
خلوها علي الله ساي يا عزيزتي
فايتنكم بس بالصبر
الله يصبرالجميع
حنينة
| |
|
|
|
|
|
|
|
|
|
Re: المستحيــــــــــل (Re: haneena)
|
العزيز عمدة
احنا عاوزينك تفكها في روحك اصلا
الغالية الحنينة حنينة
وينك انت يعني؟
كيف اليابان اعملي حساب الامراض
اوكي؟؟
انشاء الله انتي الحزن ما يجيك ولا الدموع
حنان وبس
تسلمي وتحياتي
| |
|
|
|
|
|
|
|
|
|
Re: المستحيــــــــــل (Re: Hozy)
|
الاخت العزيزة هوزي تحياتى شنو نبرة الحزن دي ما معقول كدا الدنيا حلوة بس انتى اتركي عنك النظرة الزرقاء للاشياء هذه وح تلقي اكيد ما فى احزان ما في اوهام ما في قوارب من ورق ما في سراب ما في وداع ما في رحيل انشاءالله ولكي التحية والاحترام
| |
|
|
|
|
|
|
|
|
|
Re: المستحيــــــــــل (Re: alsngaq)
|
أختي هــــوزي الحزينة سلام
متعك الله بما متع به خاصته، وأطلق أسارير وجهك النضر
فينفرج حزنك وكآبتك .. حزنك العميق بعضاً منا ....
لك التحية وأنت تحملين أوزار حزننا النبيل الجميل
هذه المقاطع من أروع ما تمتعت به، ولا أزال
فشكراً حزيناً .... حزيناً
التوقيع : هو
| |
|
|
|
|
|
|
|
|
|
Re: المستحيــــــــــل (Re: shiry)
|
هوزي تحية تقدير و احترام لابداعك
المستحيل
لو بأيدى كنت طوعت الليالى
لو بأيدى كنت زللت المحال
و الامانى الدايرة فى دنياي
ما كانت خيال
دى الارادة و نحن ما بنقدر نجابه المستحيل
دى الارادة و المقدر ما بنجيب ليه بديل
دى الارادة اجبرتنى فى هواكم من قبيل
| |
|
|
|
|
|
|
|
|
|
Re: المستحيــــــــــل (Re: shiry)
|
الاخ ابو القنفد
اميييييييييييييين والله
وتسلم على الدعوات دي
وتشكر ياسيدي على طيب حديثك عني
تحياتي لك
وشكرا للطلة
الغالية اللذيذة شيري
تسلمي يا غالية
وانتي بتنجحي في ازالة احزان كثيرة والله
بروح الفكاهة في كتاباتك
والسخرية المرحة
مش ذي صاحبتك هوزي
غامة الناس طوالي
معليش انشاء الله يحاولو يستحملوني
ولما يكون بشكو من وجع في حاجة
يجو علي بي جاي بلقوني معاهم في الخط طوالي
بس انشاء الله طلتك علينا الليلة ما يكون فيها أي وجع
والحزن ما يجيك ابدا
مرسوم في طريقنا بس انشاء الله يصيبنا عمى الوان
عشان نتغابى في الحزن العرفة
تسلمي
وتحياتي
| |
|
|
|
|
|
|
|
|
|
Re: المستحيــــــــــل (Re: alsngaq)
|
الاخ العزيز السنجك
تقول شنو والله
اهو بنحاول نفتش على الوان تانية
غير اللون ده
بس الواحد بيحن لقديمه قصدي يعني اللون القديم
وياسيدي الله يسهل
انشاء الله
ويجي يوم يكون مافيه
الحاجات القلت عليها دي كلها
تسلم والله
تحياتي لك
| |
|
|
|
|
|
|
|
|
|
Re: المستحيــــــــــل (Re: Hozy)
|
المســـــــــــافة
والله ألم المسافة
وحزن الفراق
والغربة
دي من اسباب حزننا
يعني شفت عملتك هسه سبب
!!!!!!!!!!!
تشكر على كلماتك الرقيقة
تسلم على الطلة
وتحياتي
| |
|
|
|
|
|
|
|
|
|
Re: المستحيــــــــــل (Re: Hozy)
|
العزيز شدو
تسلم على الطلة وعلى شعورك الطيب
وكلماتك الرقيقة
اكيد أي احساس زائد بيولد انتاج اكبر من المشاعر
وبالتالي بيقدر يصيغ كثير من المعاني
وتحياتي لك دوما
| |
|
|
|
|
|
|
|
|
|
Re: المستحيــــــــــل (Re: زوربا)
|
ليس مستحيل ان تترصد بوابات الفرح
فتجده يأتي الفرح اليك
خاشعا
ولكن مستحيل ان تأثر الفرح لديك
فهو زائر شديد العجلة
واكثر من يخلف المواعيد
المستحيل الثبات والمستحيل ان نحيا كما نريد
وان نملك ما نحب
اووووووو
والله جنس مستحيلات كتيرة خلاص
يلا تسلم للطلة
وكلك ذوق والله
| |
|
|
|
|
|
|
|
|
|
Re: المستحيــــــــــل (Re: Hozy)
|
نيلينك والابنوس والشوق الجاري عليك
هوزي الجميلة ( حروفا )
انت مكسرة في أدهم صبري ولا شنو ؟؟؟؟
لووووووووووووووول
المستحيل أن نتساقط في بدايات المعراج نحو سدرة العشق الأكيد
المستحيل ان نغلق صدي النوارس في مخاضات السفر الاولي
أمنحي لك بعض من غناء النبقة النزلت سابع أرض
وأستريحي تحت عافية القادم من المتاح الماهول
يبقي الحب نصيحة قصوي في متون القادم
والريد نيلين
| |
|
|
|
|
|
|
|
|
|
Re: المستحيــــــــــل (Re: زوربا)
|
الأخت هوزي : لك التحايا و التقدير
أسمحي لي أن ألج ساحة حزنك ، فالذي دون حزن إنسان واهم.
لكن قبل أن أتلمس هذه الهالة الكبيرة من الحزن ، دعيني أسألك سؤالا :
هل حزنك من النوع ذو الإتجاه الواحد كقضبا السكة حديد. ؟
أرجو أن لا تكون كذلك ، فالحزن الذي يرتادنا من فينة لأخرى ، أحسبه جازما حزن لا بد منه ، فمن وسط زخم الحزن ، تنبع معاني السعادة ، بشرط أن لا يجرفنا هذا الحزن في ( شيمته و دوامته ) ، فلو إنجرفنا ، فمن الصعب أن نمد أيادينا ( إلى قشة) الأمل التي تمتد إلينا.
من وسط زخم الحزن تنبع المعاني الصادقة ، لكن يجب أن لا يدوم هذا الحزن ، لأنه لو دام ، فإن القلب يدمنه ، و ينام تحت ظله الثقيل ، حيث لا فكاك من حبائله.
إحزني ما شاء لك من الحزن ، و لكن و الحزن يلفك ، لا تنسي أن تدندني بكلمات محببة إليك ، حتى و إن كانت الدموع تنزل حارة تجرح الخدود ، فحاولي أن تتعلمي أت ترددي بصوت خافت شيئا كان محببا إلى نفسك ، أو أنظري إلى أشياء ترتاح إليها نفسك ، كمنظر جميل ، أو طفل يضحك ، أو رضيع يبتسم لك ، أو عروسين في قمة فرحتهما ليلة الزفاف.
أحزني ، فمعظم الشعراء كتبوا روائعهم و هم يركبون موجة الحزن. و عندما يفضفضون ما بدواخلهم ، ينزلون من هاتيكم الموجة ، و يجعلون الحزن يركبها ليعدو بعيدا عنهم.
هل حان أن تنزلي من الموجة ؟ أم أن حزنك يقول : إنتظري الموجة التي بعدها ؟
| |
|
|
|
|
|
|
|
|
 Re: المستحيــــــــــل (Re: ابو جهينة)
|
الاخ العزيز ابو جهينة
سلمت لطيب كلامك
وانا والله حزني مش اتجاه واحد
حزني ده عمودي ما افقي
عامل ذي البحر الهائج مره بيعمل مد ومرات جزر وبيكون
هادي شديد بس موجود البحر
وعمره ما بيكمل
وقد ادمنته والله وادمنني هو بعد
ان جرفني تياره منذ زمن
واشكرك على النصيحة الطيبة
وانا احاول قدر ما استطاع الا اجعله يمتهنني
وان اصارعه ربما يموت
وأغمض عيني من الموجةالقادمة
ولكن النسائم توشوشني احيانا
وتهمس لي ان الفرح آتي
سلمت للطلة
| |
|
|
|
|
|
|
|
|
|
Re: المستحيــــــــــل (Re: زوربا)
|
الاخ زوربا
انا مكسرة من كمية الم في الجوانب
ومن رحيل الاغتراب في مسافة دمي
وحاميني الفرح
انت من زمن ادهم صبري؟
طيب كريغ ديفيد كيف معاك؟
لوووول
تسلم
| |
|
|
|
|
|
|
|
|
|
Re: المستحيــــــــــل (Re: alsngaq)
|
هوزي السمحة حروفا
نيلنك والآبنوس والشوق الجاري عليك
والله أنا غايتو بحب بروس ويلز و لا اقولك خليها جوليا روبوتس
لوووووول
من الممتد في جوف الحريق ... أتركي له الألم وخذي أنت الوهج
كان الحزن أخر الأقراحات في التكوين /الأنسان
فلماذا جعلناه المنتهي عند احلام النوارس
العشق لا يصقله سوي الفرح / وانت
كوني بفرح
والريد نيلين
| |
|
|
|
|
|
|
|
|
|
Re: المستحيــــــــــل (Re: زوربا)
|
سلامات
Quote: أن تموت واقفا كأعواد النخيل
فذاك هو صقيع الوداع
حينما لا يكون للوداع بديل
|
كلام جميل ياهوذي
الحزن والفرح حالتان تؤديان الي الدهشة فاي حالة اخترتي ابقي داخلها حتي تعي درب الخروج
لك الورود وهذيان الازاهر عطور
| |
|
|
|
|
|
|
|
|
|
Re: المستحيــــــــــل (Re: Hozy)
|
الاخ العزيز زوربا
عذراً سيدي
فالفؤاد عليل ،،،
وجوانحي مشردة
والحزن ياسيدي امطارا وسيول
والموج فوق البحر ،،، لا يكسر المياه
والحب مشلول،،
بطعم الشجن
والعمر العذاب
لا يأبه للزمن
لك التحية على الروعة والطلة المميزة
وربنا يودر عنا الاحزان
ونبقةالبلد تلقى ليها صفقة
انشاء الله
قول امييين
| |
|
|
|
|
|
|
|
|
|
Re: المستحيــــــــــل (Re: Hozy)
|
هوزي السمحة حروفا
نيلينك والأبنوس والشوق الجاري عليك
كان بالدق أنا ما بتضاري ... كان بالدم أنا ما بتضاري
بشابي لي نهارات الفرح وازيحك يا كل الحزن علي التالف من الأرض
أختي العزيزة جدا
أن الحزن لا يتخير الدمع ثيابا كي يسمي بالقواميس بكاء
لكن
أحشدي الامل علي القادم من الغيب
راودي الفرح حتي يأتيك بكل طقوسه
ونحن نصلي من أجلك ان تجدي
النبقة
النبقة
والريد نيلين
| |
|
|
|
|
|
|
|
|
|
Re: المستحيــــــــــل (Re: Hozy)
|
الاخ العزيز ودرملية
تشكر للطلة
ولطيبك
ووالله ياسيدي كل الحالة صعبة بس اقول ليك شنو
كل حالة اصعب من التانية
ولكنني اجيد كل حالات الشجن
وتصاحب كلماتي الدموع
وتأثرني الالفاظ الحزينة
سلمت
| |
|
|
|
|
|
|
|
|
|
Re: المستحيــــــــــل (Re: Hozy)
|
هوزي
هاي
براااااااااااااااااااااااحة هرشتيني !
هو حقيقة النبقة كانت كاسية
لكن الحبيب كان علي ضل الصفقة
يعني كلنا في الانتظار واحد
ولا شنو ؟
والريد نيلين
| |
|
|
|
|
|
|
|
|
|
Re: المستحيــــــــــل (Re: Hozy)
|
بمناسبة
قدومي الى السودان
ولقيت البلد بقت مستحيل عديييل كده
والله ما شبه مستحيل
مستحيل عدييييل كده
وخبر الطائرة ده تم الناقصة
الحمد لله وصلنا بالسلامة والله
والله ستر
| |
|
|
|
|
|
|
|
|
|
Re: المستحيــــــــــل (Re: Hozy)
|
السمحة حروفا شيري
نيلينك والابنوس والشوق الجاري عليك
البلد متعافية بالناس الطاقا الريد حلم تغيير
حمد الله علي سلامة وصولك وامنياتي لك بأجازة سعيدة
سلمي لي علي النيل وستات الشاي
والريد نيلين
| |
|
|
|
|
|
|
|
|
|
Re: المستحيــــــــــل (Re: nadus2000)
|
العزيز نادوس
شكرا ليك
وتمام والله والحمد لله
الانطباعات كتيرة
فيها السلبيات والايجابيات
بس اهم شي
انه في بلدي ومع اهلي
وكله يهون بعدها
السودان سمح وبنريده
بس عاوزينو احسن
تحياتي
وسلمت
| |
|
|
|
|
|
|
|
|
|
Re: المستحيــــــــــل (Re: Hozy)
|
المستحيل
ان تخرج الاسماء ذواتها
ان تعبر المدينة سيرة الحنين
تنسج الاخطاء فى السكينة التى
تناسلت ازاء ماتقوله الحروف
تنسج فض صوتها تعاقر الاسمال
بحرفها الذي اقتنيت
يروعها الغناء اذ تبادل
المحار صدفة
| |
|
|
|
|
|
|
| |
altahir_2
abuguta
alfatih
haneena
SAdo7
alsngaq
aboalkonfod
shiry
Al-Masafaa
HAMZA SULIMAN
زوربا
ابو جهينة
ahmad almalik
ودرملية
lana mahdi
nadus2000
ود شاموق
zumrawi
elhilayla
rummana
فيس بوك
تويتر
انستقرام
يوتيوب
بنتيريست