|
|
 الحـزن النبيـل ( بصوتي) أنا
|
حزني النبيل
عيناي تملؤهما الدموع ،،،
ويفيض بقلبي حزن ،،، رقيق
هل في الحزن رقة ..؟؟؟
وبقلبي حزن دافيْ
هل للحزن دفْ ..؟؟؟
لكل في قلبه
ركن حزين
يتوسده عند العزلة
يغلبه بحنان
يدغدغ فيه ،، الأشجان
وأنا أعشق ذاك الركن
النايْ في قلبي
أغزل له ،،، سنينه
وأرويه بماء الفشل
وأغذيه بطعم الألم
لتمتد أغصانه داخل قلبي
اشجارا
ويغرس شوكه في اوردتي
أنهارا
وأحتمل،،
النزف بأوردتي
راضية بالعتمة
استارا
والمغيب لا يغادرني
عصفوري،،،،
مكسور
ورنة وتري،،،، حزينة
والنبض بحسي صامد
والبريق في عيني خامد
والعبء ثقيل ،، ثقيل
والليل كثيف
والزهر برائحة الزئبق
ولون القرنفل!!
وأنا في ذاك الركن
أتمدد ،،، أراقب
أحتضاري
وصعود روحي للسماء
واراها تلوح بالوداع
اتثاقل أن أوقفها
او أتوسل البقاء
فليس لي في العمر حاجة
والظلام يغمر المكان،،،،
لا يضيريني الابتسام لشمس الصباح
اذ هي أطرقت بابي
فقد حلمت النسمة تداعب خصلاً
من شعري
وتعزف على همس شفتي
ولكن هيهات
فالسعادة لن تعزف أوتارها
للتعساء مثلك ياقلبي....
(ومشيت معاك كل الأماني الممكنة وبقدر عليها وبعرفها،،،
أوفيت وما قصرت في حقك ولا كانت عرفة غيرك اصادفها،،
أهو نحنا في الاخر سوا ، باعنا الهوا ، وماشين على سكة عدم )
(عدل بواسطة Hozy on 03-07-2003, 09:58 PM)
|
|
 
|
|
|
|
|
|
|
 Re: الحـزن النبيـل ( بصوتي) أنا (Re: Hozy)
|
سلام هوزي
شنو نبرة الحزن الغميقة دي يا هوزي؟ و مش كده و بس كمان صورة باكية
الحاصل شنو بالضبط؟
اوعي يكون..........
مش عارف اقول ايه غير انو القصيدة محركة لاشجان حزينة
| |
|
|
|
|
|
|
|
|
 Re: الحـزن النبيـل ( بصوتي) أنا (Re: Elmosley)
|
القدير الموصلي
والله أشكرك كثيرا على كلماتك واغنيتك وصوتك
والله عشان انا زوله( بكاية) وقاعدة على(الهبشة ) ذي مابقولو
فحتى الكلام ده أبكاني تاني
اعمل شنو؟
تسلم أنشاء الله ما عدمناك
من رفع المعنويات
حتى حسيت انك وضعت صورة مبتسمة مخصوص
!!!!!!!!!!!!!!!!
دمت
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
MOHDY,,,
كل عام وانت بخير
والله ده حال الدنيا كل واحد اكيد بتمر بيه لحظة حزن ذي
بتاعتي دي
حتى لو انا مزوداها حبتين او ثلاثة
بس نعمل شنو
بس مافي عيشة بلا حزن
ومافي طعم
دمت
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
لماذا لا تشرعين للشمس أبوابك
و لماذا كل تلك الدموع على خديك
لا تريحي ذلك الحزن يفيعاود زيارتك
بل اطرديه حافيا
عندما يتسول على بابك
لك التحية
لو أعيش زول ليه قيمة
أسعد الناس بوجودي
زي نضارة غصن طيب
كل يوم يخضر عودي
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: noha_g)
|
الرائعة نهى
شكرا للاطلالة
لو أعيش زول لييه قيمة
لو ما لقيت عندك قيمة
صدفيني ما في زول بيقدر يعيش بعد كده
ليسست دعوة للتشاؤم
بس امكن دعوة للحداد في ذكرى الحزن
معليش استحمليني غايتو
دمتي
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
الصديقه الغالية هوزان لك حبى ومودتى
لكلماتك وقع عجيب على قلبى رغم اننى دوما اخجل من اظهار مشاعرى الحزينة لكنك تمتلكين مقدرات اظهاره فايقه
قلمك دايما صادق كصدق روحك الشفافة ونفسك الرقيقة لك
تحياتى وارجوان تواصل شخبطت دواخلنا علنا نجد للخروج
ملجئا
كل التحايا والتقديس
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
هوزي
يا بنت .. يا شمس اينعت متاريس الفريق
نابضك اشعل اوار الحريق
اقيفي.. ردي غربة التوحد
سنين عمري الضاعت هبوب
وطني ايام غربتنا بنفحة غروب
حنني دنيانا الطار بيها الشحوب
*****
لك الود فالحزن شريك لابد منه لكي نمارس الفرح.. ومهما ليل الحزن طول لابد يأتي الصباح شكراً لك خليتينا نسمع العزيز الموصلى الذي بصوته يفيض الفرح فينا فلكما معاً التقدير
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Elmosley)
|
سلام هوزى
الحزن فينا لايتزحزح لولا الحزن لما عرفنا السعاده
فانتى مملؤتا حزنا بقدره سوف تسعدين ...انا لست عرافا
ولكنى دخلت الى البوست بتاعك مدخل قرنفلى.......اصلى
بكون حايم اينما وجد القرنفل توفقت ولذلك دخلت لك
زهرة قرنفل
قرنفل
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
هوازن.. لك اسمه يذكرني بالحزن.. فيه حرفان بل ثلاثة حروف.. الألف والزاي والنون.. حين سععيتي للقفز من النافذة معي.. شعرت الحزن معك.. أنا قفزت من نافذتي حين بلغ بي الحزن حد القفز.. القفز إلى صدر أرحب.. ودنيا أوسع.. حزنك أنبل من النبل... ودموعك واضحة (غاسله) التحية لك لإبداعك.. لحزنك الذي يلد الإبداع.. معك.. وأنا هنا.. إن احتجتني لفضفضه.. لبكيه.. أفرغ لك مكاناً على كتفي.. فقط,, تذكري أن لكل هذا ما بعده...
هل تقبليني صديقة في الحزن؟.. على وزن أخوة في الله
مريم بنت الحسين
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
هوزي.. تعرفي.. بيني وبين كده.. انا كنت قافله قفله (بنت إيه).. صعبه.. اتفكت في الفترة ما بين إرسال ردّي ليك.. وهذه اللحظة.. وسعدت أكثر بمرحك.. أسمعي أنا عامله نادي بي جاي لعلاج الادمان .. من الحزن.. نصبوني رئيسة لكثر ما أزورهم.. لا جد.. الباب والشباك مفتوحين.. انا نومي تقيل.. نطي كان ما صحيت ليك..
لزيزة لكن يا هوزي
مريم بنت الهوزين
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
وزول بيعترض مافي
بس صراحه يا هوزي
خليتي دموعي في خدي
وكنت قايل نفسي براااي
بس لقيتك فايتاني بقاااادي
الصوره بتخلي الزول يتأمل ميه الف مره وبيحس بعض احيان انو قدام مرايه
يلا يا ستي بكره ممكن يكون يوم السعد مين عارف
سلام
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
أرغب في مخاطبة هوزي المعبرة عن الحزن ، وهي غير هوزي الحزينة
أحب الحزن ، وأحب تعبيرك عنه ، الحزن يولد الانفعال والانفعال ثورة ، ولا سبيل لنا إلا بالثورة
بها سنزيل حزننا وسنغسل عارنا وسيذهب حلادونا إلى الجحيم
سنفقعهم بالحزن
اكتبي ،،، لن أمل بكائك
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: اسامة الخاتم)
|
القدير ودقاسم
تسلم على الطلة وعلى حزنك النبيل
ذيك والله كلنا
انا بالاكتر برضو
نحسه هذا الحزن وقد وافقتني الراي اكيد
كلنا نذوب رهبة حزننا في داخلنا
ونضي من لهيبه يحرق انفاسنا
ونتجمل الحزن كثيرا
ونقسى على فرحنا
ونقدس ذاك المشهد الحزين
في حياتنا
ونعيش في الظلماء
ولكن يوما سوف نسعد
وانشاء الله نسعد
اخي العزيز اسامة
كيفك انت؟
انشاء الله تنجلي كل احزاننا
وانشاء الله نسعد في اوطاننا
ونطلع شوية انشاء الله فوق ونمشي قدام
دمتم جميعا
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: خضر حسين)
|
الغاليه هوزي
في مثل اظنه انجليزي
بيقول انو كل الاشياء في الدنيا بتبدا صغيره ثم تنمو و تكبر
الا الاحزان فهي تبدا كبيره ثم تصغر ثم تتلاشى
اتمنى ان نرى ابتسامه جميله بدلا من هذه الدمعه الحزينه
شوفي كلام خضر دا
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: ايهاب)
|
العزيزة هوزى والله دموعى جارية زى ماسورتى الملوجة دية
حاضرة الدمعة يا عيني **** مأسور الحسرة يا قلبي
حيرني أمركما إني **** لا أعرف ما خطبي
أتالم أحيانا لكني **** أتساءل ماذا يؤلمني
أبكي تتعذب نفسي **** ولهيب الحسرة يحرقني
أظل حزينا لكني **** لا أعرف أسباب جراحي
قد مل النجم مرافـقتي **** وتأوه مني مصباحي
يا دنيا ماذا يجعلني **** أتألم في داخل نفسي
أتراك قسوت على قلبي **** أتراكي مشيتي على حسي
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
الاخ العزيز
خضر حسين
كيفك ياطيب؟
تسلم على الطلة
والله
وأتمنى ان يزهر لي وردا واقحوان
وأن تنجلي عني هذه الاحزان
وان تفتح الدنيا لي مصرعيها
وتسقيني بعض الرحيق
تسلم اخي وتحياتي
الاخ العزيز ايهاب
انشاء الله الحزن فينا يصغر
بس بتاعي ده
في حد دعاني مرة
وقال لي : يتربى في عزك
ومن يومها حزني البدا كبير
شغال يزيد يوم بعد يوم
بقه اكبر مني بكتير
واكبر من بلدي ذاته
تسلم اخي
وتحياتي
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
الاخ العزيز ادروب
اشكرك عزيزي على كلماتك الرقيقة
واطلالتك
وبالله ماتبكي شديد كده كمان
عشان ماتنغم وانت لسه شباب
شوية شوية
طيب
تسلم
وتحياتي
الاخت العزيزة الزهجانة
سيبي الزهج شوية عزيزتي عشان
البكى والحزن يسيبوك
تحياتي يا غالية
وانشاء الله الحزن مايجيك
تسلمي
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: Hozy)
|
الأخــت هـــوزي ســـــــــلاااااااااام
حــزنــك فــوق الراس و العين لـكـن ما دائـمـا
الله إســعــدك و إبــدل حــزنــك ســعادة كـييييييييييييييرة
و تحياتي و أمنياتي
| |
|
|
|
|
|
|
|
|
|
Re: الحـزن النبيـل ( بصوتي) أنا (Re: HAMZA SULIMAN)
|
العزيز حمزة
تسلم على كلماتك الرقيقة
مابال الهاجس يكتب فينا
كيف نكون؟
فالغربة فينا عالقة ....
تملأ فينا...
البعد ... العمق ... اليوم
الامس
ضل الاثر .. وشح المطر
بلا مبتدأ ..بقي الخبر
فكيف نكون؟
واقول ليك حاجة حزينة من بيتكم
يا... الله هوي..
تعب اللسان من الشكية
وقت الحكي
مسجون براي في الشوارع ... وفي المدن
مستني زول
مأظن يجي !1
تسلم على الطلة
| |
|
|
|
|
|
|
| |
MOHDY
Elmosley
noha_g
WAD ELGAALI#4
kabashi
intehazy
معاوية الزبير
مريم بنت الحسين
ودقاسم
اسامة الخاتم
ايهاب
Adrob wad Elkhatib
ABUHUSSEIN
HAMZA SULIMAN
فيس بوك
تويتر
انستقرام
يوتيوب
بنتيريست