|
|
|
 Re: حد يصحي قدو قدو....عشان يزوغ (Re: GamarBoBa)
|
كنت بطل لمسرحية سمجة يشترك في تأليفها الدولة وانتاجها وزارة العدل وبإشراف من السلطة القضائية وأخراج وزارة الداخلية
بطولة عبد المطلب وقدو قدو اجاد دور الكومبارس كما تبتغيه دولة النظام
لم يحرك ساكنا..كان يبتسم وهو يؤدي دوره كما هو مرسوم
شايف المعلم الكبير (العاجب) قبل عليك وعمل اقنور لعبد المطلب المستعجل للفطور ده ولا عنده شنو ما عارفين يمكن عنده ورشة تدريبية كمان
يا قدو قدو..الهبتها بالسياط وكنت أكثر رأفة من القاضي الذي كان يحمل في جيبه الآخر (سنتين سجن)
خارجتها من سنتين سجن..لا مقارنة يا قدو قدو
لا مقارنة
يمين افزعتنا وشلت النوم من عيونا نحن ...لكن بالنتيجة انت جنب القاضي يمين ملاك تمبوشي وحلاتك ياناس
قدو قدو تأكد أن مكانك لن يظل شاغرا..
فمن أمثالك العشرا من شرطة المرور يوميا في التقاطعات..يفطرون علي حسابنا يتوصلون علي فضل ظهرنا..يحملون الحليب لأبنائهم من جيوب العائدين من أعمالهم..مخالفاتهم تبدأ بخمسين ألف وتتضاءل لخمسة آلاف.
من نوعك يا قدو قدو عشرات الافراد يجرون البنبر في بيت المريسة بعد إظهار بطاقة فيها صقر الجديان..لا يهم شرطة ،جيش،خفر السواحل فميري لاتعرف الفرق،يجر البنبر ويضرب تلاتة كبابي علي حساب الدولة ويذهب وهو يترنح ويخيط الشوراع سبعة تمانية ويغني سنتر الخرطوم ..وشينة كورتنا.
من هم علي شاكلتك كثر ولن يرمش لهم جفن حين تصدر الأوامر أن اقتلوا ابناء العشرين في كجبار..أقلاه ذلك قدود قدو محمي له اكثر من ثلاثة اعوام وانت في خمسة شهور طيارتك قامت..
المثلك يا قدو قدو بقتل عديل....
كلم القدوقدوات كلهم قبل تقد انو وضعهم بقي صعب في زمن الانترنت..يعني الواحد فيهم ما يهرش ليه بتاع ورنيش يورنش جزمته رجالة ويملا قاشه ساي .. قول ليهم تدقسوا دقسة زي دي عمو كوستاوي طوالي بجيبكم في السي أن أن..هما ما اظن بعرفوا السي أن أن لكن دي البتجيب الكفوة للمعلمين يا قدو قدو.
كلم المعلمين الكبار يدربوكم قبل يمسكوكم السوط ولا البندقية
| |
 
|
|
|
|
|
|
|
|
Re: حد يصحي قدو قدو....عشان يزوغ (Re: GamarBoBa)
|
يا قدو قدو
أثقلنا عليك لكن اتحمل الجمهور المعجب بيك ده
بعضهم يقول عليك انك من الهامش..اطلق بعضهم عليك لقب الفاقد التربوي..وأنت في حد تفكيرك لا تعرف هذه الكلمات..يكفيك أنك تبتسم وأنت تؤدي عملك..دعهم في علمهم يتعذبون وأبقي في فقدك التربوي تنعم بالسعادة...وحد يشعر بالسعادة ويمشي يختار البعاد؟؟حمكة والله وحكاية.
يكفي أنك تتقمص شخصية الجلاد ،مش هم بكونوا قاعدين في المكاتب بتونسوا في التلفونات الداخلية وهما بشربوا قهوة والبنقالي بجيب ليهم الموية والاخبار ويتبسموا..مش ده شغلك؟؟زعلانين منك ليه يا قدو قدو؟؟
الكل بيأدي شغله وهو مبتسم ويضحك..
أسأل أي مدير مبيعات عمل نمو في السنة لو ما كان سعيد مبسوط أكتر منك؟؟
هم قايلنك قريت علوم انسانية في السوربون..مش ياكا الجاي من الاقاليم وطلعت عينك عشان تلقي لقمة في لحظة جوع؟؟كنت ساكن المنشية زي المعلمين الكبار ولا يثرب..ما تراكا بتجي من مايو وجيبك ما فيه الف جنية
دي الضحية قدامك..جازفت منها 5 الف ياها الطلعت براءة،ما عندها تتضرب زي ده..في وشها وفي صدرها وفي أي حتة عشان تعمل حساب القد قدو
معلمينك يا قدوقدو شي كورسات في ماليزيا وشي مؤتمرات في لبنان وشي سمنارات شرطة في السعودية وشي تأهيل في كلية نايف الامنية..هل حصل قروك حاجة
هل قالوا ليك كدة غلط وكدة صاح؟؟
مش ساندوتش العدس الفي المعسكر والتدريب العسكري الكم شهر وقالوا ليك اتطلب الله وابقي عسكري؟؟مش ده حق الدولة عليك؟؟اشهد لي اقول انت ما غلطان..ياخي ده قدر الادوك ليه مفروض بكلاشك تشتغل رباطي زاتو.
لو ادوك السوط ولا الكلاشنكوف يا قدو قدو رش من طرف ..قبلك في قدو قدو اعدم محمود محمد طه..ده ما اظن تعرفه،قبليه الشفيع وعبدالخالق وقريب كدة مجدي بتاع العملة وكم ضابط من ناس البلد المعلمين في 28 رمضان وغيرهم كتار شديد..بقت عليك؟؟
القدوقدوات مخلصين في حاجتين بتعجبني فيهم...رزقهم اليومي وأولادهم ما يجوعوا..أو المعلم الكبير يجي يجعر فوقهم
تعجبني فيكم يا قدو قدو سياسة كل الامهات يبكوا الا امي انا..كل الاطفال يجوعوا الا ولدي الصغير انا..كل الفارا يتجلدوا الا انا..عشان شنو انت شغال؟
يا قدوقدو..انت ما غلطان..غلطانة الدولة الربتك في مؤسساتها وادتك سوط وسونك..غلطان القاضي القرا ربع القانون في جامعة سودانية وعنده عليك حق الامر..غلطان المواطن الما انتحر عشان تتبسم في وشهم ولسان حالك يقول انت ليه لسة عايش؟؟ما عندك احساس انت؟
كامل الاحترام يا قدوقدو..
اضرب يا جنابو في اي حتة في الجسم محل ما يسري يمري....المهم انك تكون سعيد ونشوف الابتسامة الوضيئة علي محياك
دايما يارب علي محياك الابتسامة...تبسمك في وجه اخيك صدقة..أو اكترة من صدقة قل ..جلدة أو طلقة
_
ملاحظة أخيرة ياقدو قدو:بالله امشي لي وكيل نيابة صحبك امرق ليك امر قبض اسفيري لناس الاسفير ديل..استهدف من تستهدف ياخي دقهم دق العيش..صدقني بتلقي ليك وكيل نيابة جاهز وزهجان وبديك امر القبض وممكن يديك امر ازالة زاتو..تعال اشتغل فيهم فردا فردا..بتهمة ازعاج السلطات وازعاجك شخصيا ودي كتيرة عليك والله..فما يشبكوك حدود الشرع وقفة فيها رمل وما تعرف حالة المجلودة الصحية ..ياخي ده ازعاج ما بعده ازعاج.هو انت فاضي تقعد تسمع تنظير قدر ده
إتصرف يا قدو قدو كان بالسوط كان بالكلاش...الكورة في ملعبك
دمت يا قدو قدو
| |
|
|
|
|
|
|
|
|
|
Re: حد يصحي قدو قدو....عشان يزوغ (Re: GamarBoBa)
|
Quote: يا قدو قدو
أثقلنا عليك لكن اتحمل الجمهور المعجب بيك ده
بعضهم يقول عليك انك من الهامش..اطلق بعضهم عليك لقب الفاقد التربوي..وأنت في حد تفكيرك لا تعرف هذه الكلمات..يكفيك أنك تبتسم وأنت تؤدي عملك..دعهم في علمهم يتعذبون وأبقي في فقدك التربوي تنعم بالسعادة...وحد يشعر بالسعادة ويمشي يختار البعاد؟؟حمكة والله وحكاية.
يكفي أنك تتقمص شخصية الجلاد ،مش هم بكونوا قاعدين في المكاتب بتونسوا في التلفونات الداخلية وهما بشربوا قهوة والبنقالي بجيب ليهم الموية والاخبار ويتبسموا..مش ده شغلك؟؟زعلانين منك ليه يا قدو قدو؟؟
الكل بيأدي شغله وهو مبتسم ويضحك..
أسأل أي مدير مبيعات عمل نمو في السنة لو ما كان سعيد مبسوط أكتر منك؟؟
هم قايلنك قريت علوم انسانية في السوربون..مش ياكا الجاي من الاقاليم وطلعت عينك عشان تلقي لقمة في لحظة جوع؟؟كنت ساكن المنشية زي المعلمين الكبار ولا يثرب..ما تراكا بتجي من مايو وجيبك ما فيه الف جنية
دي الضحية قدامك..جازفت منها 5 الف ياها الطلعت براءة،ما عندها تتضرب زي ده..في وشها وفي صدرها وفي أي حتة عشان تعمل حساب القد قدو
معلمينك يا قدوقدو شي كورسات في ماليزيا وشي مؤتمرات في لبنان وشي سمنارات شرطة في السعودية وشي تأهيل في كلية نايف الامنية..هل حصل قروك حاجة
هل قالوا ليك كدة غلط وكدة صاح؟؟
مش ساندوتش العدس الفي المعسكر والتدريب العسكري الكم شهر وقالوا ليك اتطلب الله وابقي عسكري؟؟مش ده حق الدولة عليك؟؟اشهد لي اقول انت ما غلطان..ياخي ده قدر الادوك ليه مفروض بكلاشك تشتغل رباطي زاتو.
لو ادوك السوط ولا الكلاشنكوف يا قدو قدو رش من طرف ..قبلك في قدو قدو اعدم محمود محمد طه..ده ما اظن تعرفه،قبليه الشفيع وعبدالخالق وقريب كدة مجدي بتاع العملة وكم ضابط من ناس البلد المعلمين في 28 رمضان وغيرهم كتار شديد..بقت عليك؟؟
القدوقدوات مخلصين في حاجتين بتعجبني فيهم...رزقهم اليومي وأولادهم ما يجوعوا..أو المعلم الكبير يجي يجعر فوقهم
تعجبني فيكم يا قدو قدو سياسة كل الامهات يبكوا الا امي انا..كل الاطفال يجوعوا الا ولدي الصغير انا..كل الفارا يتجلدوا الا انا..عشان شنو انت شغال؟
يا قدوقدو..انت ما غلطان..غلطانة الدولة الربتك في مؤسساتها وادتك سوط وسونك..غلطان القاضي القرا ربع القانون في جامعة سودانية وعنده عليك حق الامر..غلطان المواطن الما انتحر عشان تتبسم في وشهم ولسان حالك يقول انت ليه لسة عايش؟؟ما عندك احساس انت؟
كامل الاحترام يا قدوقدو..
اضرب يا جنابو في اي حتة في الجسم محل ما يسري يمري....المهم انك تكون سعيد ونشوف الابتسامة الوضيئة علي محياك
دايما يارب علي محياك الابتسامة...تبسمك في وجه اخيك صدقة..أو اكترة من صدقة قل ..جلدة أو طلقة
_
ملاحظة أخيرة ياقدو قدو:بالله امشي لي وكيل نيابة صحبك امرق ليك امر قبض اسفيري لناس الاسفير ديل..استهدف من تستهدف ياخي دقهم دق العيش..صدقني بتلقي ليك وكيل نيابة جاهز وزهجان وبديك امر القبض وممكن يديك امر ازالة زاتو..تعال اشتغل فيهم فردا فردا..بتهمة ازعاج السلطات وازعاجك شخصيا ودي كتيرة عليك والله..فما يشبكوك حدود الشرع وقفة فيها رمل وما تعرف حالة المجلودة الصحية ..ياخي ده ازعاج ما بعده ازعاج.هو انت فاضي تقعد تسمع تنظير قدر ده
إتصرف يا قدو قدو كان بالسوط كان بالكلاش...الكورة في ملعبك
دمت يا قدو قدو |
مافرقت كتير ياقدو قدو, الناس مجلودة صباح ومسا ولسة ببتسموا ويغنوا, وبمشو الشغل , انت ذاتك فى الشغل يمنع شنو أنك تفرح وتنبسط؟
فرقت بشنو يعنى؟
| |
|
|
|
|
|
|
|
|
|
Re: حد يصحي قدو قدو....عشان يزوغ (Re: ندى عثمان حسن)
|
هشام يا فنان
كيف الاحوال..تبسم فتبسمك في وجه اخيك صدقة..بس ما تكون جلدة
تعرف اليوم كان بالنسبة لي كان في زحمة مبالغ فيها..
أول ما طلعت الصباح البوست ده جا في بالي في في واحدة من التقاطعات القدو قدو البلبس أبيض داك...الناس ديل تصدق وتؤمن بتعاملوا مع زبائنهم بإحترافيه مبالغ فيها..يعني عربية موديلها جديد بهرشوا منها..جياد سوناتا بعملوا ليك فيها ما شايفنها وهكذا...بينما هو ينظم في المرور والدنيا سبت ووشه بلعن قفاه..والناس ماشة جا بتاع بوكس اللبن
القدو قدو طوالي توووووت لبوكس اللبن،هي فوضي؟؟بوكس لبن كمان زي المواعيد دي.. والناس جارة هوا يوم الجمعة؟؟وقفه وطبعا باقي الحكاية انت عارفهايعني من حزام لي انت سايق بسفنجة لي شغل انوارك نشوفها ..الزول ده مستحمي مستحمي..تركته خلفي ومتأكد سيد اللبن ده هسة بيكون يفكر يبيع لبن في عربية جياد سوناتا.
يا عمران..
ياخي بالغت في صورتك دي...ياخي قدو قدو بالغ ..دي صورة مبالغ فيها
نظرة القدو قدو للسوط بهذه السعادة ان دل علي شي يدل علي حب المهنة..مهما كان مزاجك رايق ومعتدل وسعيد فلن تجد أحدا يحب أدوات عمله بهذا الشكل؟؟قدو قدو بعاين للسوط كأنه إغتنم الدنيا بما فيها ومن فيها ..قدو قدو وأدوه سوط..ياخي مين قدك؟؟نحييك في مزاج العالي يابرنس.
ابقي طيب يا ابو محمد..فالسيناريو الحصل لو كان كتبه اسامة انور عكاشة ..أخرجه نجدت أنزور لما اندهش الجمهور بهذه الطريقة..ياخي شكرا لمبدعي النظام الخلاقين،وتحياتي لاجهزة الدولة العدلية..ختو السودان كله في الكنب مقهي وفاتح خشمه ويعاين بس.
تراجي..
اي قدو قدو جاي من الشمال البعيد ولا من الغرب بكون عامل كدة..حكمة الله القدو قدوات البجوا من الشرق ولا الجنوب فيهم انسانية.
يا تراجي خليك من قدو قدو..عبد المطلب العامل فيها قاضي وبقول خلصينا ورانا أشغال التقول ماشي يوقع صفقة بترول في قطاع مع بتروناس ده انتي متخيلاه بعرف مثلث حمدي؟؟
ده مستعجل عشان يمشي يضرب ليه صحن فول ويعيش يومه مقهي..
وين المجلات القضائية،وين فطاحلة القانون،وين احترام المتهم حتي ثبت ادانته،ياخي وين انسانيته قبل يشتغل مهنة وهو يزجر الفتاة زحي من جنب العربية..والعربية ذاتا كليك لو كانت رولز رويس كان خما البنية وداها الشارع قبل القدو قدو ودقاها بنفسه فقط لانها اقتربت منها..اتحداه لو بعرف رولز رويس ذاتا شنو..ممكن يفتكرها مشروب.. ..علي هذا النحو ابتلينا وعلي ذلك النسق ستمشي أمورنا نحو الهاوية بإذن واحد أحد..فمرحبا بتلك الهاوية وانعم واكرم يارب.
يا خضر
أتمني لقدو قدو البراءة علي فعلته،أتمني لرؤساءه العقاب،إن ضاقت الدنيا بعدل لقدو قدو فستأتي لحظة يعرف قدو قدو أن كان مأمورا ينفذ ما عليه من تعليمات،سيعلم انه لم يتم تأهليه،سيعرف ان هنالك ظالمين يعمل لهم جلادا ليس ال وان كان يبحث في جمهورية الظالمين متسعا لخمسة الف أو كوب حليب،لكن متي سيعرف؟؟حينها صدقوني أن قدو قدو قد يقود حركة مسلحة لنفسه في وجه نظام ظالم وستضطر الحكومة لتفاوضه في قطر أو في هاييتي..حسب التساهيل.
كيكي..
عشان كدة قلنا ليه ياخي قلنا ليه اتخارج..فك البيرك..انت ضحية هذا العيد..قدو قدو لو في الزنازين هسة يكون البرد كتله،والتعذيب هدا حيله،لو جا قرا قدام الناس انو اتصرف تصرف فردي ما بتعليمات فأعلم أنه قد غدر به بعد الاعتماا د عليه..
كامل التضامن ليس الا..عله يجد من تضامن في منبر بكري رحمة من جلادين.
ندي ..
تحياتي
أي قدو قدو في اي تقاطع في أي ملف يعرف كيف يختار الضحية أقصد (الزبون) والزبون لو ما عامل احتياطاته بقع في شباكه كان شرطة سواحل كان بتاع مرور ولا نظام عام ولا مباحث ولا أي بوليس مطافي زاتو
كل قدو قدو بعرف الليه والعليه..بس طوالي مبتسم وبنجز واجبه علي ذلك النحو وايمانا بالمقولة التي تقول الزبون علي حق ..فهم دائما علي حق
_
تشكرات يا جماعة وقد أكون بعيدا من الانترنت لزمن طويل..لحدي ما نشوفكم ابقوا طيبين
| |
|
|
|
|
|
|
| |
GamarBoBa
هشام كمال
عمران حسن صالح
Tragie Mustafa
خضر الطيب
عبدالكريم الامين احمد
ندى عثمان حسن
د.محمد بابكر
طارق جبريل
محمد عبد الماجد الصايم
فيس بوك
تويتر
انستقرام
يوتيوب
بنتيريست