|
|
|
|
 Re: عاجل عاجل عاجل جداً : الإتحاد الأفريقي يقبل شكوي الهلال , ويفجر مفاجأتين في وقت واحد!!! (Re: khaleel)
|
Quote:
ازيك يا محمد
خالد عز الدين قال المريخاب زي الزول البحب الكشتينة وما لاعب
جوة يتكلم برة يتكلم
الشكوي واترفضت
شوفو التسجيلات والمشاطيب
بعد كدة مزمل ابو القاسم الا يكتب عن مناوشات الكوريتين |
وين يا خليل مختفي؟
سلامات ياخي،،،
ياخي شكوتكم دي عملتو لينا بيها صداع ، يعني المفروض الناس تصبر شوية وتعرف الحقيقة ثم بعد داك يجو يملونا كلام ، يعني معقول المنبر كلو الشكوي قبلوها الشكوي رفضوها وفلان حلف لي وعلان كلمني .......وما أدراكا!!!
يعني المفروض يكون في إحترام لعقول الناس البتقرا هنا ، كون الشكوي بتخص الهلال ده ما بيعني إنو الناس تستخف بعقولنا وتقول كلام طفل صغير ما بصدقو ، فالطريقة بالتأكيد مدعاة للسخرية للعشوائية الشديدة والتخبط وعدم وزن الكلام الوزن السليم قبل إطلاقه (هبتلي) ساكت ، أو كمان لو أصلاً ما قادرين يصبرو يمشي يفكو كلامهم ده في منبر خاص بالهلال مش هنا ده!
إنت يا خليل متأكدين إنوعلي قاقا ده عندو دكتوراه؟
| |
 
|
|
|
|
|
|
|
|
Re: عاجل عاجل عاجل جداً : الإتحاد الأفريقي يقبل شكوي الهلال , ويفجر مفاجأتين في وقت واحد!!! (Re: Mohamed Abdelmotalib Hassan)
|
| Quote: إنت يا خليل متأكدين إنوعلي قاقا ده عندو دكتوراه؟ |
الأخ محمد عبد المطلب
تحية طيبة
الدكتوراة الثانية فى الخرخرة والبكاء والتهويل للجمهور المسكين
ولو هو نفسه مصدق ما إستند عليه فى الشكوى يكون هو أكبر مسكين
إختلط عليه الأمر وظن أنه يتعامل مع إتحاد شداد ومجدى
أو ظن أن قرن شطة ومجدى يمكنهم التأثير على القرار
القضية ليست تخص الهلال وحده بل السودان
الشكوى أظهرت ضعف إدارى مريع فى فهم النصوص
فضيحة تتعدى الهلال وتصنف السودان الرياضى بالتخلف إدارياً
وبطريقة غير مباشرة تمس السودان عامة إذا عرف الإتحاد
الأفريقى والإعلام فى المنطقة أن على قاقارين ليس مجرد
لاعب كورة سابق ولكن أيضاً سفير سابق !
| |
|
|
|
|
|
|
|
|
|
Re: عاجل عاجل عاجل جداً : الإتحاد الأفريقي يقبل شكوي الهلال , ويفجر مفاجأتين في وقت واحد!!! (Re: نادر الفضلى)
|
Quote: الأخ محمد عبد المطلب
تحية طيبة
الدكتوراة الثانية فى الخرخرة والبكاء والتهويل للجمهور المسكين
ولو هو نفسه مصدق ما إستند عليه فى الشكوى يكون هو أكبر مسكين
إختلط عليه الأمر وظن أنه يتعامل مع إتحاد شداد ومجدى
أو ظن أن قرن شطة ومجدى يمكنهم التأثير على القرار
|
الأخ نادر،،،،
تحية وإحترام،،،،
وكل سنة وإنت طيب،،،،
بأمانة شديدة أنا منتظر خليل يجي يعلق علي النقطة دي وبعد
داك أعقب عليها ، لأنها فعلاً مسألة جديرة بالإهتمام وبحق.
ننتظر خليل ده شوية شويتين كده!!!
شكراً للمشاركة.
| |
|
|
|
|
|
|
|
|
|
Re: عاجل عاجل عاجل جداً : الإتحاد الأفريقي يقبل شكوي الهلال , ويفجر مفاجأتين في وقت واحد!!! (Re: Mohamed Abdelmotalib Hassan)
|
المفروض علي قاقارين يكون زول (بورفيشنال) ويجي يوضح للناس الزوبعة العملها دي كان لزومها شنو يعني؟ هل علي قاقارين ما بيعرف قوانين أو لوائح الفيفا؟ ولا ما متابع للنشرات اللي بتصدر عنه؟ ولا إحتمال حيجي برضو يملانا غلاط ويطلع لينا ناس الفيفا ما بعرفو!!
وضح الحقائق يا علي قاقارين ، الأمانة تقتضي ذلك ، ولا بس كنتو عايزين تخدرو ناسكم لإحتواء الصدمة وخلاص؟ ولا إحتمال عايز تقول إنو إدارة الهلال بتشغتل وتورو الناس إنكم ما قاعدين ساكت حتي لو كان الأمر مجرد زوبعة في فنجان؟
وضح يا قاقا ، وضح!!!!
| |
|
|
|
|
|
|
|
| |
Mohamed Abdelmotalib Hassan
عمران حسن صالح
اساسي
حبيب نورة
فايزودالقاضي
محمد الخاتم
رغيم عثمان رغيم الحسن
نيازي مصطفى
ابراهيم محمد الحسن
mohanad haimoura
amir jabir
ماجد معالى
khaleel
نادر الفضلى
فيس بوك
تويتر
انستقرام
يوتيوب
بنتيريست