|
|
 ماسنجر البورد لا يعتد به شاهدا لسهولة تزويره
|
هذا البوست من وحي بوست الاخ امين خال حمور
لانه انا نطيت من كلامي في البوست داك 
ساتابع معكم طريقة تزوير الماسنجر في هذا البوست لافساد امكانية الاستشهاد بالماسنجر كدليل ادانة منبري وذلك كما اسلفت لسهولة امكانية تزويره والعبث به وبمحتواه لاي كان في هذا المنبر ممن يفكون حروف الكيبورد , وسيكون هذا بطريقة تصوير الشاشة والعبث بمحتواها فيما بعد
تابعوا معنا
|
|
  
|
|
|
|
|
|
|
 Re: ماسنجر البورد لا يعتد به شاهدا لسهولة تزويره (Re: Hussein Mallasi)
|
Quote: ساتابع معكم طريقة تزوير الماسنجر في هذا البوست لافساد امكانية الاستشهاد بالماسنجر كدليل ادانة منبري وذلك كما اسلفت لسهولة امكانية تزويره والعبث به وبمحتواه لاي كان في هذا المنبر ممن يفكون حروف الكيبورد , وسيكون هذا بطريقة تصوير الشاشة والعبث بمحتواها فيما بعد
|
الأخ العزيز أساسي
للأهمية: نفس هذا الكلام ينطبق على المداخلات المكبشرة التي يستند عليها بدون تقديم رابط link
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: Elawad Eltayeb)
|
| Quote: مافي تزوير ولا حاجه يا ابو الحسين ..طالما انت رسلت لي رساله بيكون عندك نسخه منها لو انا غيرت فيها انت ممكن تثبت للناس اني كضاب ..الا في حالة واحده بس انك تنشر الرسائل دي بعد وفاة الشخص او بعد حذف عضويتو من الموقع |
معاوية يا أخوي أساسي دا كان باريتو بوديك الرج
أبعد منو حفاظاً على سمعتك
( أساسي دا بكون نام و لغاية الصباح بكون نسى إنو فتح البوست دا)
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: Elawad Eltayeb)
|
| Quote: هذا البوست من وحي بوست الاخ امين خال حمور |
يشهد الله لم أطالع بوست الأخ الأمين إلا بعد كتابة مداخلتي هنا
سبق لي ان كنت وسيط لنشر مسنجر يخص الأخت تيسير عووضة مرسل من الأخ هشام أدم
اخونا ياسر طيفور إبتدر بوست مشابه لهذا البوست آنذاك حول ذلك المسنجر
الحقيقة لم يكن هناك أي تعديل في الرسالة
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: حيدر حسن ميرغني)
|
الحقيقة إنو كل السكرين كابشر لا يعتد به ..
لأن بعض المعرفة بلغة الصفحات التفاعلية HTML تمكنك من صنع صفحة طبق الأصل من أي صفحة إنترنت (بعد إستعراض برمجتها الأصلية بأي قارىء نصوص)
و التعديل فيها كما تشاء ثم كبشرتها مرة أخرى و هذه الطريقة لا يمكن فيها إكتشاف أي آثار عبث تخلفه برامج معالجة الصور كالفوتوشوب أو غيره ..
و كمان شوية معرفة بلغات البرمجة ممكن تخليني أزور موقعي IP Address و حتى إرسال إيميلات بأسماء آخرين ..
و زمان قالوا إن الأخلاق أهم من القانون ..
غايتو الهكرز نايمين ليهم بكمية من المعلومات البتشيب الراس لو الواحد سكاها بيعمل فوضى لا مثيل لها في عالم سودانيز أون لاين
تحياتي
محمد قرشي عباس
متخصص كومبيوتر في أوقات الفراغ الطبية
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: Rawia)
|
كلنا نطينا من كلامنا فى بوست امين اياه يا اساسى
و انا بعد نطتى من كلامى و كبكبتى ديك كلها جات تراجى قالت شمتانه فينى.....و اى شماته؟؟...شماتة ابله ظاظا.
انا استاهل.... مالى و مال دكتور امين. من هسى اى واحد فيكم يتشتم ..يتمسح بيه الارض....انا ما شغلتى...و ما فى زول يجى يقول حقانية و لا ما حقانية.
راوية..مشتاقين...
لكن انجليزى ده يا مرسى؟؟؟ما فاهمة حاجه!
Quote: الماسنجر وبيان والاعتذار والمابستحق
كلهم ماعناصر أساسية في (تيمة) Theme & Plot البوست
|
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: Rawia)
|
صاحب البوست و المتداخلين سلام
في البدء نقول لكم للدليل اﻹلكتروني خصائص كما للدليل الفيزيائي أيضاً خصائص.
فكفية تعريف و إستخلاص الدليل اﻹكلتروني هي الشاغل في عالم مكافحة الجريمة الإلكترونية اليوم
فما قمت به اي خبير كمبيوتر يمكن ضحضه و ساعتها لا يعتد به كدليل. ما قمت به يمكن أن يساعد في اﻹجراءات اﻷولية و هي فتح بلاغ، لكن عند المقاضاة المسألة تكون مختلفة تماماَ
للدليل اﻹلكتروني شروط معقدة جداَ مما ساعد على قلة الخبراء في هذا المجال
العالم أجمع يعاني من هذه الندرة و التكنولوجيا صاعدة بسرعة الصاروخ موفرة بيئة معقدة للمجرمين مما يشكل عبئا ثقيلا للمهتمين بالجريمة اﻹلكترونية
فعايز أقول الدليل اﻹلكتروني لا تأخذ هكذا.
و إنشاء الله سوف نسترسل إذا كان هنالك أسألة في ذلك
--------------------------------------------------------------------------------------------------------------
ماجستير أمن معلومات و باحث دكتوراة في مجال الجريمة اﻹلكترونية
| |
|
|
|
|
|
|
|
|
 Re: ماسنجر البورد لا يعتد به شاهدا لسهولة تزويره (Re: Elfadil Sabeil)
|
Quote: راوية..مشتاقين...
لكن انجليزى ده يا مرسى؟؟؟ما فاهمة حاجه! |
إسمارتي كل سنة وإنت حلوة
في حضرة الدكتورة لازمن نكب ليها كلام تفهمو
عالي عالي الكلام دا
لووووووووووووول
دا كلام الادباء
التيمة بتاعة البوست هي المعيار
لووووووووووووووووووووووووووووووووووووووول
ورررررررررررر جيتو منكبين وقايلنو زول وحش القال الكلام
لمن بقت الدكترة ذاتها
اللحس كلامو لحس
والشرد شرد
والعمل رايح عمل
______________
Theme and plot
مصطلحين في الدراما والادب
التيمة هي الفكرة
والبلوت هو الحبكة او السرد
| |
|
|
|
|
|
|
|
|
 Re: ماسنجر البورد لا يعتد به شاهدا لسهولة تزويره (Re: Tragie Mustafa)
|
| Quote: ماجستير أمن معلومات و باحث دكتوراة في مجال الجريمة اﻹلكترونية |
يا سبيل .. والله انا لو في مكانك .. بجيب معاي الزول اللافح البوست بتاع التفاح والعنب والكومثرة داك
اجيبو ليهم كنموذج تشريحي بس عشان يامنو .. عليك الله حسع اكتشافك داك .. تخليهو وتجي لي بوست حمام ميت زي دا ..؟
عليك الله تاني ما تجينا يدك فاضية ..
من ناحية أخرى ..
شنو إنتو كلكم ناطين من كلام أمين خال حمور ..
أمين خال حمور عمل شنو تاني خلال الفترة الكنت أنا ما فيها هنا دا .. ؟
يحليلك يا ود الصايم .. والله حسع دي بي خشمك الخفيف داك الواحد كان اتعمل ليهو مسح ميداني لي كل البوستات وكل الوهمات الحصلت هنا إبان فترة غيابي ..
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: tmbis)
|
Quote: سمير يا صاحب ليك وحشة ياخ ونأسف شديد والله لعدم ملاقاتنا ليك..
___
السنة الجديدة إن الله مدّ في الأعمار.. |
ياسر طيفور
أنا الغلطان عزمتك ( ندوة ) عشان كدة ما جيتنى .. بس ما كنت عارف
السنة الجاية ح أشرك ليك ب ( صاج ) ولا ( بلطاية ) وضمان ح تجى
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: سمير شيخ ادريس)
|
لا معليش يا شباب وخاصة المهندس ( الماسورة معاوية حسين )
عارف عشان تظبط الاسم زي ما بيجي في الرسالة تعمل شنو؟
ياخي خليكم خلاقين ومبدعين و الواحد حاسي بانه الوحيد الحريف في المنبر دا
اول حاجة تجيب اي اسم تنسخه زي ما هو مكتوب في البورد وتجي تفتح صفحة رد او موضوع جديد
وتكتب الاسم وتستخدم الايقونة الفوق (ضع خط) وتعمل شاهده قبل نشره حيظهر ليك الاسم مع نفس الخلفية بتاعة البورد
تقوم تعمل تحديد مع جزء من الخلفية وتجي تلصقه محل الاسم
اديك مثال
ياخي الواحد طلع خلاق ومبدع اكتر مما كان يتوقع
الاخوان الاخدو الموضوع من ناحية قانونية وما ادراك ما دراما اثبات الهوية السايبرية , اصلا الكلام دا ما لازمنا هنا في المنبر كتير
بمجرد ما كان شخص ينزل ماسنجر وصله من شخص اخر بتقوم المحرقة مباشرة بغض النظر عن اي شبهات قانونية واصلا الشباب الهنا ما بيحوجو الزول يصل محاكم
بنتقموا ليك باكتر مما كنت تطمح زاتو وبعد داك الداير المحاكم يمشي يكوس دربها
لا يخفي علي الجميع (كما اظن) اني تحدث هنا من ناحية اخلاقية في المنبر
وعادي في جماعة نكروا ماسنجراتهم حطب وعملوا رايحين منها ودا من حقهم مع امكانية التزوير البراحة دي
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: اساسي)
|
| Quote: ياخي الواحد طلع خلاق ومبدع اكتر مما كان يتوقع |
خلاق ومبدع ..؟
والله حركتك دي .. اقوليك بي صراحـة .. سيف مساعد وطارق أبوعبيدة ممكن يعملو واحدة اقوى منها .. بس لقيتنا الايامات الفاتت دي مافيشين ..
اقوليك حاجة تانية ..؟
حسع دي انا ممكن اجيبك قاعد تعمل في شنـو .. وانا قاعد في مكاني دا ..
غايتو بختك .. لقيت ناس ياسر طيفور ديل تتجدع فوقم
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: tmbis)
|
بالنسبة للكابشر بتاع المشاركات اذا طلعتوهو برضو (لايعتدَ به) فحتكون حركة ما جميلة في حق علاءالدين يوسف لانو الزول دا معظم شغلو في البورد كبشرة، لمن داير اشوف زر البرينت اسكرين في كيبورد علاء الدين شكلو كيف؟ ومحتاج زبالة ولا ما محتاج
بالنسبة لمعاوية حسين انو مهندس ماسورة فدي ما دايرة اتنين تلاتة. معاوية حسين خليك في الانتي فايروسات وابعد من قضايا الكابشر والفوتوشوب والاستفتاء والحاجات دي
اكتر حاجة غايظاني في البوست دا أني قريت عبارة (أساسي أيها الرجل النبيل) 11 مرة في أي مداخلة تثبت انو الاسم بتغير
عبارة اسبيس تونية شديد
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: عبدالكريم الامين احمد)
|
| Quote: الله يا تمبس مشتاغوون وليك (محمود الوحش) والله |
يا ابو الكيك ..
سلامات ياخ وكل سنة وإنت طيب ..
طبعا دقت في الماسورة العيد دا كان مفروض نكون جوه هناك معاكم .. لكن ما بتدي حريف شديد ..
قبل شوية كان بتصل علي صاحبك فيصل .. قاعد يتفسح في شوارع مدينة الرياض .. ح امشي استلمو بعدين العصرية وأعمل ليهو فرش متاع بشكل جيد ..
بلاي تاني لما ترسلو لينا زول من الدوحـة كخبير أجنبي .. ما ترسلو لينا فارات ..
عليك الله نحن ناقصين ..؟
نحن بنحاول نأهل في كوادرنا ناس اساسي ديل .. تقومو في عز الشغل حقنا ترسلو لينا افرر من ناس اساسي ..؟
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: tmbis)
|
Quote: بلاي تاني لما ترسلو لينا زول من الدوحـة كخبير أجنبي .. ما ترسلو لينا فارات ..
عليك الله نحن ناقصين ..؟
نحن بنحاول نأهل في كوادرنا ناس اساسي ديل .. تقومو في عز الشغل حقنا ترسلو لينا افرر من ناس اساسي ..؟ |
[المرة الجاية يا تمبس شكلو تيم بقيادة البوردابي ود الصايم
وتعالو اعزلو فارتكم من هنا برااااااكم ...
---------
المرجف فيصل عباس ده انا متوقعو يظهر في بوست ذو اليد يقوم يظهر لي فجاة في الرياض
يا لهوتي والله او كما قيل...
---------
اساسي ياخ اعذرنا علي الخروج من النص
فحضور تمبس بعد غيبة له ما بعده في حسم معركة الخميس اسفيريا قبل ان يحسمها ابو الهلال في الملعب
وسنتابع
| |
|
|
|
|
|
|
|
|
|
Re: ماسنجر البورد لا يعتد به شاهدا لسهولة تزويره (Re: عبدالكريم الامين احمد)
|
| Quote: المرة الجاية يا تمبس شكلو تيم بقيادة البوردابي ود الصايموتعالو اعزلو فارتكم من هنا برااااااكم ... |
والله يا معلم كلامك صاح الفارات على اشكالها تقع ..
غايتو انا برسل ليكم ود الصايم يمر علي جدة يجيب اساسي .. وبالمرة يغشى الامارات يسوق ود البشرى .. الناس ديل بحكم فرنرتم عزالين جدا بكونو
بعدين ما ملاحظ حاجة يا كيكي ..؟
انا لحدت الآن المساكين ديل ما اتعاملت معاهم كرويا لحدت الآن ..
حسع لو كان عندهم مستوى .. الواحد كان جا بعد غربة وشوق .. فتح ليهو بوست وضرب ليهم قرن كلهم .. ابتدا من أميرة الشيخ مرورا بي تفيـده وقعت من البلكونة مرورا بالمسكين سيد البوست ومعاهو وليد الشفت في صحن واحد
لكن مساكين وحالتم تحنن
ومع ذلك .. اوعدك ح أعمل ليهم حفلة استثنائية مبالغة بس كدي خلني اخلص من باقي الرعايا بتاعني في البورد واجيك ..
اثنا فترة غيابي الناس ديل .. ماف زول كان بجيب ليهم موية ودخـن .. حسع دي وحيات خوتك لقيتم فاقدين سوائل عديل كدا..
| |
|
|
|
|
|
|
| |
اساسي
حيدر حسن ميرغني
علاء الدين يوسف علي محمد
حمور زيادة
Hussein Mallasi
الامين موسى البشاري
Maawya Hussein
ABUHUSSEIN
نوسة
abas
Rawia
محمد قرشي عباس
Yassir Tayfour
smart_ana2001
عزان سعيد
Tragie Mustafa
tmbis
محمد يوسف الزين
عبدالكريم الامين احمد
ناذر محمد الخليفة
saadeldin abdelrahman
احمد التجانى احمد
فيس بوك
تويتر
انستقرام
يوتيوب
بنتيريست