الو الو منو معاي عاد اقول ليك شنو يا فاطمة ردحي معاك مريم طربمة فاطمة ردحي :- تهي تهي يا اختي شفتي بشة عمل فينا شنو مريم طرمبة :- بشة الله يجازيهو اول مرة اشوف لي قون بالتعشيكة الخلفية الراجل ضربنا شبال بالخلف فاطمة ردحي :- الشبال ساهل وينهضم كمان لكن حكاية صحبو كاريكا والباص بتاعو ده والولد الاسمو بشة جا من وين وسط غابة السيقان الحمراء دي وحشر ليك لرمزي طلعو ليك راكوبة مقدقدة اكثر من بتاع الاردن داك تهي تهي تهي مريم طرمبة :- عاد يا اختي ما صدقنا نسينا بسرعة واصلا متصلة عليك انو الهلال تصديقي اليوم لعب بتشكيلة جديدة وغلب الخرطوم 4/1 يعني الناس ديل برضو بنقابلهم يوم الثلاثاء فاطمة ردحي :- غايتو يا مريومة اختي انتي نظرية المريخ بمن حضر دي كانوا قاصدين بيها الهلال ولا شنو الناس ديل اي 11 فيهم يرشوا الجماعة من ثلاثة لفوق خدرونا اعلامنا السالب بأنصاف المواهب والجوع والفلس والله طلعنا نحنا انصاف المواهب ومفلسين وجعانيين احي يا الوالي دايرنك رئيس طوالي مريم طرمبة :- غايتو الله يسهلها يوم الثلاثاء الناس ديل لو دبلوها تبقى فضيحة مجلجلة ويروحوا فيها الجماعة كلهم حتى ابو الهول العاجبنا ده يمكن يروح في ذاتو يصبح في خطر فاطمة ردحي :- غايتو يا خيتي الله يكضب الشينة على قولة سنيتو ووووووب علينا من كاريكا المبكينا انتي تشكيلة الهلال يا مريومة كانت كيف قدام الخرطوم مريم طرمبة :- جمعة في حراسة المرمى واحتياطيهو الدعيع والمعز بره التشكيلة وكمان باري ديمبا وكاريكا ومهند وبشة الحلاق وخليفة الجاب الغضروف لموسى الزومة ديل تصديقي ما لاعبين وكمان سيف الهلال المسلول تم تبديله في الشوط الثاني ودخل صدام بديلا عنه وكمان برنس الكرة السودانية تم تغيره بالنعيم وبكري المدينة تم استبداله بنادر الطيب والله ما تحسي انو في تغير حصل يا ربي انتي مزمل ابو القاسم وقت قال المريخ بمن حضر كان قاصد الهلال باطنيا فاطمة ردحي :- اووووووووب علي طيارتنا من يوم الثلاثاء وما عارفه مزمل لو اتغلبنا المرة دي يتكلم في شنو يا مريم اختي في هتاف جمهور الهلال ضد راجي ولا في التحكيم الاشادو بيهو الجميع إلا مزمل استشاري التخدير السالب غايتو ما عارفه الزول ده حا يقول شنو وداعية الله ينصر المريخ عشان مزمز ده راسي ما يطلع اصغر من السمسمية مريم طرمبة :- يكتب شنو تاني بعد رد الفاتح النقر ليهو يا مزمل سيبك من الخرطوم انتا ليه ما بتهزم الهلال بنفسك وفلاحتك داير الخرطوم تهزموا ليك ولا رد محسن سيد قال فرق الممتاز دي كلها كوم والهلال كوم براهو زي ريال مدريد في كوم وناس اتلاتيك ومايوركا والبقية الباقية كوم اها دايراهو عاد يا فطمة ردحي يكتب شنو غير التحكيم والخرطوم فريق حمام قدام الهلال والبرمجة والانسحاب ومازمبي والاسماعيلي رايح جاي والله البقرأ ليهو يقول المريخ ده ما اتغلب 7 من الوحدات و 3 من زيسكو و3 صائمات من الترجي ورباعية من الصفاقسي في ام درمان ولا حكاية سيكافا واتراتكو ولا الجياشة يا اختي فضائح في اقل من 24 شهر بس فالح ليك ويخدر ويعمل غسيل مخ للجماعة بحكاية مازمبي والاسماعيلي والله الجمل ما شايف عوجة رقبتو المصدر
الو الو مريم طرمبة ايوه معاك مريم طرمبة منو معاي فاطمة ردحي يا بت اجي رقمي ما ظاهر معاك مريم طرمبة :- ما غيرت الجوال والاسماء كلها محفوظة في الجوال ما في الشريحة فاطمة ردحي :- ليه غيرتي جوالك يا مريومة مريم طرمبة :- عاد اعمل شنو مع علوية موردة ونجية الخوجلاب البنات ديل مغصوني جنس مغص وجابن لي المصران العصبي في جوال شلت ليك الجوال وخبطو في راس ابو ساطور بعد انتهاء مران الامس للمريخ اها جاك خبر الساطور فاطمة ردحي :- اها يا خيتي كان بقولن شنو مهيرات الهلال ديل مريم طرمبة :- كان جيتي للحق والله علوية ونجية ديل على حق وقت يدورن الواحدة بدورنها صاح بحقهن وبأنتصاراتهن مش زي فصاحتنا نحنا بالصفاقسي والشكوى ولوزان والاتحاد الافريقي وكمان لواكتنا بتاعت مازمبي كله ده بنتئج غيرنا وليس بنتائج المريخ حقنا تعرفي يا فطومة وقت قابلناهم افريقيا رشونا كمان تلاتة اها عاد مش فصاحة وطولة لسان مننا ساي فاطمة ردحي :- والله صدقتي يا بتي المريخ الدخلتو شنو والله ما عارفه لينا كم سنة فصاحة ساي على رائدات الهلال ديل لو قعدنا وفكرنا ساي تلقي فصاحتنا بحق غيرنا حتى على المستوى المحلي مكاويتنا لهن بهلال كادقلي وحي العرب بورتسودان وتعادلهم مع الامل العطبراوي على الرغم من ان الامل ده رشانا وتعادل معهم وهم اي الهلال ديل غلبونا في الممتاز رايح جاي ونحنا فلاحتنا في الاسماعيلي رايح جاي التقولي الاسماعيلي ده هو المريخ مريم طرمبة :- احي ووووب عليا قدر ما اتذكر بشة الفرطنا فيهو ده وجع المصارين بتاعتي تزيد فاطمة ردحي :- بطارية جوالي بتصفر على النهاية خليني اشحنها واجيك راجعة اصلو مغصة المريخ دي ما بتنتهي
مريم طرمبة :- ودعتك لله والله يشفيك يا خيتي البباري المريخ ده يقبر في المقبرة على طووووول
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فيس بوك
تويتر
انستقرام
يوتيوب
بنتيريست