|
|
 عيدية .... ( جاكلين البااااااااااااااردة )
|
اها لمن قبلوني في الجامعة جيت من البلد احمل شنطة الحديد و ( شويويل الليل تمر ودلقاي نمرة واحد )
كنت ذلك الفتي الذي يحمل طموحات اهلة بان يتخرج مهندس كبير ويشتغل في السكة الحديد
اها جيت الجامعة واهم حاجة كنت اذكرها تلك الوصية
( هوي يا ولد ابقي عشرة واختا بنوت ((الجومع والكلالي)) البشربن الشربات في دكاكين السوق العربي ).
وفعلا اكملت كل الاجراءات وذهبت الي قاعة الدرس
وهناك في القاعة تعرفت علي صديقي عثمان علي عثمان ( فيها الواحد )
وكان رفيقي طيلة سنوات الدرس وكانت لنا لغة خاصة وهي عبارة
عن ملاحظاتنا حول اللغة العربية بطريقة ساخرة ( مثل صدر تحت توقيعي )
كانت في لغتنا صدر فوق توقيعي لان التوقيع دائما يكون في الاسفل
كانت لنا علاقات حميمة مع كل ابناء الدفعة بل صادقنا كل الجامعة
اها برضو كانت عندنا نظريات خاصة ( بالذات فيما يخص البنات والمعايير الجمالية )
فكنا نوزع النسبة المئوية علي كل فتيات الدفعة وللاننا كنا حريصين علي اعطاء
كل ذي حق حقة كانت النتيجة العامة ( لم ينجح أحد )
في الحقيقة كانت معظم بنات الدفعة من الحسناوات الفاتنات لكن نسوي شنو لي لمضتنا
وكنا نستحدث الاوصاف لكل الجميلات مثل ( الفارهه )
ودي لانها كانت بالنسبة لنا بتشبه العربية الفارهه ( كيف ما عارف )
وروتانا زمان و ( الماركسية ) ودي لمن سألوني ليه سميتها الماركسية
قلت ليهم ( لأنها جامدة يا عمك )
واهم زولة كانت ( جاكلين الباااااااااااااااااااااااااااااااااااااااااااااااااردة )
الزولة مما نشوفا بندك المحاضرات ونخلي ( المنتدي المفتوح ) ونسكت نعاين لها
اول حاجة كانت طوالي بتمشي براها
سم سانيا لا بتتونس مع زول ولا شفناها مرة ضحكت
لكن بامانة البت دي التقول واقعالا من مجلة سيدتي
وطبعا الشباب كلهم دايرين يخشوا فيها لكن ملاوزين
وكالعادة في مثل هذه الامور تصدينا لها انا وعثمان
عثمان بصفته حنيك درجة اولي وانا بصفتي ( جضما متعلم علي الصفقة )
وقعدنا نخطط للموضوع دا شهر
( حالتي موصني اختا بنوت الجومع والكلالي البشربن الشربات في دكاكين السوق العربي )
نواصل
|
|
  
|
|
|
|
|
|
|
|
Re: عيدية .... ( جاكلين البااااااااااااااردة ) (Re: ياسر بيناوي)
|
ويللا في اليوم الموعود عثمان كب الزوغة
بقت المهمة فوق رويسي دا
المهم انا كنت قاعد جنب الشباك والاستاذ شغال :
( صناعة الاسمنت اول حاجة نحرق الحجر الجيري ... وشنو ماعارف)
وانا سارح كيفن اسوي مع البنية
وانا في سرحتي ديك بلا تجي قادلة قدلتا ديك المابتغباني ودخلت الكافتيريا
واقوم اخفس ديك الخفسة
وجري علي الكافتيريا
اها قمته جاري علي كافتيريا كرور
وطبعا الكافتيريا كانت منخفضة ( حفرة يعني )
وانا بي شلهتي ديك واجي منكفي ( غايتو الله ستر ماجاتني عوجة )
لكن الناس ماتوا من الضحك
الا هي الوحيدة الفي الكافتيريا الما ادت الموضوع ايي اعتبار
وطبعا دا كان مدخل جامد
نواصل
| |
|
|
|
|
|
|
|
|
|
Re: عيدية .... ( جاكلين البااااااااااااااردة ) (Re: ياسر بيناوي)
|
اها بعدما الناس سكتو من الضحك وكلو زول راح لحالو لمحت ليك عصمت وجري عليهو
انا : عصمت ياخ ايني الف جنيه
عصمت : الف كاملة داير لشنو وانت بخمسن جنيه بتركب امجاد من هنا للكلاكلة (طبعا دي قصة ح احكيها ليكم مرة تانية )
انا : ما تهظر ياخ انا دايرا لي ميضوع مهم
عصمت : مالك اوع تكون دار تدفع الرسوم الدراسية
انا : ياخ انا بقول ما تهظر الميضوع اهم من كدة بكتير
عصمت : اها دايرا لشنو ... ؟؟
انا : ياخ ما داير اعزم جاكلين بارد
عصمت : يا زول دار تعمل كفوة مالك جاكلين منو البتتكلم معاك انت . الجامعة كلها ما قادرة تتكلم معاها
انا : يازول ( يضع سرو في اضعف خلقو )
عصمت : اها هاك
واختفلك الالف جنيه وعلي الكاشير جري
نواصل
| |
|
|
|
|
|
|
|
|
|
Re: عيدية .... ( جاكلين البااااااااااااااردة ) (Re: ياسر بيناوي)
|
عليك الله يا ابو الشباب ادينا اتنين بارد
..............
منقة طبعا
واشيل ليك المنقة امشي عليها
انا : ازيك يا اللخت
هي : اهلا وسهلا ( عملت ليها حركة زي حركات البنات المدلعات )
انا : معليش يا بت الناس ( وطبعا بقيت اكب في المكنات المخستكة ديك )
المهم خشيت فيها شمال . اتاريها البنية مسكينة ونحنا قايلنها متقندفة
لقيت ليكم كايسلا زول ينضم معاها ومابتعرف تتعرف بالناس ( وصرتا ديك اتاريها اللت خوف ) ونحنا قايلنها اللت طنقعة
المهم البنية ماصدقت لقتني وانفتحت في الونسة ( وانا داير اطير من الفرح ) مرات اشوف نفسي زي طارق بن زياد داك الفتح الاندلس
يللا وقعدت تحكي لي انو ابوها سوداني ومن شمال عطبرة وامها كرواتية ( اول مرة اشوف لي زول معرسلو كرواتية )
وكانو عايشين في بلجيكا ( ونستا دي في الليل مشيت راجعتها بالاطلس ) وانهم قرروا يعيشوا هنا وليهم سنة مما جو
| |
|
|
|
|
|
|
|
|
|
Re: عيدية .... ( جاكلين البااااااااااااااردة ) (Re: محمد عبدالرحمن محمد)
|
وبقت تحكي لي انها وحيدة عند امها وابوها وا عندها اصحاب
المهم نقة كتيرة ( وانتو عارفين البنات لما يفتحوا في النضمي )
في اللحظة ديك انا بقيت اهم زول في الجامعة والشباب كله دايرين يعملوا فيها اصحابي
بقو يجوا فرادي وجماعات عشان يسلموا علي ( طبعا كايسينلهم مدخل قايلين القبة تحتا فكي )
وانا عجبكم خشيت في الدو طوالي وعملتة لي نفسي اهميات
اها وانا قاعد معاها يجوا خاشين اتنين من اصحابي
قدر قدرما اتثاقلته عليهم هم قاعدين وهاك يا صحبية ومجاملات نوع
( شكلم مع بعض جميل وياريت طوالي نشوفكم كدة والحنك داك)
اتاريها البنية مسكينة صدقت وشبكت فيني الشبكة الياها
بقينا كل يوم نتلاقي من صباح الرحمن لحدي الساعة تسعة مساء مابتتحلي مني
باختصار كدة ( شربنا نصف انتاج الكوكاكولا ذلك العام )
نواصل
| |
|
|
|
|
|
|
|
|
|
Re: عيدية .... ( جاكلين البااااااااااااااردة ) (Re: محمد عبدالرحمن محمد)
|
المطرطش
Quote: أهااااااا!
دي كمان قايلا جاكلين بتاعتك ديك؟
تُرْ لا ورا!!
[Click to get more.]
في دينك يا ياسر انما تميت شيتك دي،
وبطل [طرطشه]! |
يازول جاكلين بتاعتي شنو ....؟
والله دي ان شبكت فيك الا تخلي المنبر
الليلة وووووووووووووووب
بص الصبر شيتي دي شغال فيها بيديني وكرعيني
خالص الود
| |
|
|
|
|
|
|
|
|
|
Re: عيدية .... ( جاكلين البااااااااااااااردة ) (Re: هشام الطيب)
|
Quote: يافردة ..
(جاكلين) دي شكلها مُلهمة الفرمـالة !
لوووول |
والله بقيتو تحيروا الواحد
هو شنو الايي حاجة فرمالة
حكايت البت الصارت وردة قلتو فرمالة
قلنا سمح خليناها
البنية السميحة المسحت الهنديات علي برضو قلتو فرمالة
اها دمسناها
دي برضو فرمالة
الشي الفرمالة دي بتكون فرد واحدة
يعني انا عندي 10 فرمالات احمدك ياسيدي ههههههههههه
مشتاقين فردة
خالص الود
| |
|
|
|
|
|
|
| |
ياسر بيناوي
محمد عبدالرحمن محمد
فيس بوك
تويتر
انستقرام
يوتيوب
بنتيريست