الخــروف .......

Quote: عزيزي الاخ فيصل محمد خليل لك أجمل التهاني وأطيب التمنيات بعيد الاضحي المبارك والتهنئة بهذا البوست الطريف الموفق والذي صار فيه خروف العيد هماً وعبئاً هائلاً علي كاهل السوداني المهدود أصلاً في هذا الزمن الانقاذي المنكود . لقد كتبت قصة قصيرة في ديسمبر من عام 2009 بعنوان (الخروف) , ونشرت بسودانيز اون لاين وسودانايل , ولو سمحت باعادة نشرها في هذا البوست مساهمة مني في هذا البوست الطريف ... الخروف قصة قصيرة جديدة الخروف – الخروف - الخروف سيهل عيد الاضحية بطلعته البهية متجاوزاً أحزان المسلمين وائداً والي حين يسير خيبات الحياة وفشل الطموحات المتواضعة التي تتطلع اليها نفوس الذين ضن عليهم القدر بالاقتراب منها , دعك عن تحقيقها ! لكن كل ذلك العناء يمحوه بممحاة القادم السعيد ومعه البٍِِشر والسرور والحبور , فيحل ضيفاً كريماً سمحاً تنساب معه ضحكات الاطفال السعيدة , ويملأ الرضا صدور النساء ويشعرن بالزهو ويتجدد فيهن حب الحياة وحب الزوج والاهل والناس . من هذا الضيف الوافد وفي معيته كل هذه الآلاء السحرية التي تخلق كل هذه الالوان الزاهية من السعادة ؟ إنه ببساطة هو الخروف ! كان عبدالرحيم غارقاً في لجج تلك التهويمات والخيالات ويجترها كإجترار البعير لطعامه . إنه من صغار موظفي الدولة الذي يضيق راتبه الصغير من الوفاء بمتطلبات العيش لعائلته المكونة من زوجته وأطفاله الاربعة وبالامس فقط كلمته زوجته قائلة : يا أبو محمد عملت شنو في الخروف ؟ إن شاء الله المرة دي تجيب لينا خروف كبير يفرح العيال , مش زي المرة الفاتت الكان فيها الخروف الجبتو مثل الحمل ! وقال إبنه الصغير صاحب الاربع سنوات بمرح : أبوي أنا عايز أركب الخروف لما تجيبو . شعر عبدالرحيم بأن كلماتها فورت دمه وأثارت أعصابه ولكنه تمالك نفسه وحدث نفسه : المرة دي ما عايزة تفهم ؟ الواحد حسي يقول ليها شنو ؟ ولكنه أجابها بقوله : والله الخرفان السنة دي غالية شديد , لكن ربك يسهل . وعقبت زوجته قائلة بعدم مبالاة : (والله المهم تصرف, والخروف ضروري ضروري , ناس أمي جايين لينا أول يوم لأنهم ضابحين تانية العيد ) . خروف – خروف – ملأ الخروف عليه أقطار نفسه وتفكيره وصار الخروف له هاجساً مقيماً في صحوه ومنامه , فأصبح كعقرب الثواني في الساعة يتحرك في داخله كل الوقت , ففي الشارع لا يبصر سوي خرفان تسعي وحتي البشر أصبحوا كالخرفان , وفي الحافلة تبدو العمائم فوق الرؤوس كقرون الكباش , وفي المكتب يبدو الزملاء كقطيع الخرفان , ويظهر المدير مثل كبش كبير سمين , وعندما نادي علي المراسلة خُيل اليه إنه رد عليه بصوت كثغاء الخروف : بآع بآع . وبدأ عبدالرحيم رحلة البحث المضني عن الخروف ولم يترك تجمعاً للخرفان في الاحياء , وفي غرب أمدرمان وفي الكلاكلة مستفسرأ عن الاسعار ومقارناً بينها , وجهد نفسه ليقترض من معارفه وأصدقائه حتي حصل علي مبلغ ارتأي انه سيمكنه من شراء أمنيته الغالية – الخروف - ولكن كلما اختار خروفاً خذلته نقوده في الايفاء بثمنه , فدائماً الثمن بمئات وآلآف الجنيهات , وكاد اليأس ان يقعد به عن تحقيق طلبته , ولكن أشار عليه أحد أصدقائه ان يذهب الي غرب امدرمان قريباً من حدود كردفان ويستقبل قطعان الخراف القادمة للزريبة أو للبيع في امدرمان , وهناك قد يلقي بغيته , وتطوع صديقه لينقله بعربته البوكس الي هناك , واستخف الفرح عبدالرحيم وأحس بأن الفرج قد حل بساحته وأصر علي أن يدفع ثمن البنزين لهذه الرحلة الطويلة بل السفرة بالرغم من تمنع ورفض صديقه , وأضطر بان يقسم بالطلاق لأول مرة في حياته حتي يقبل صديقه , وصدق حدث صديق عبدالرحيم فقد وجدوا ضالتهم خروفاً مكتنزاً لحماً وشحماً والاهم من هذا كله أن عبدالرحيم قدر علي دفع ثمنه وأحس عبدالرحيم بأنه حاز علي الدنيا وما فيها . وفي رحلة العودة المظفرة حدث ما لم يكن في الحسبان , ففي السرعة الشديدة للعربة كي يلحقوا بمنازلهم قبل حلول الظلام وليشاهد الاطفال الخروف وليركبه ابنه الصغير إنقلبت العربة . وفي المستشفي أفاق عبدالرحيم بعد فقده الوعي وإصابته بكسر في ذراعه وساقه ورضوض في أنحاء جسمه , وكان أول سؤال نطق به بعد أن فتح عينيه : (الخروف حصل ليهو شنو؟) وأجابوه ( الخروف يطير . البركة في سلامتك – الخروف حي لكن رجله اتكسرت) , وقال عبدالرحيم بإرتياح بالغ يحمل فرحة مجلجلة كمن إنزاح عن نفسه هم ثقيل : (الحمد لله الما مات الخروف ) . 12-12- 2009 هلال زاهر الساداتي

Quote: غايتو الزول أب فيسبا ده وكمان بحري كان ما بخاف الكضب أقول بعرفو؟؟

عزيزنا الشايقى

كل سنه وانت طيب وتعال شوف ملك المغرب
بيدبح فى ضحيتو

Quote: ده حالتو خرووووووف قابضنوا 8 حراس غلاظ وأتنين إحتياطي!!!!!!! باقي لي الملك ده كان مضحي بي عجل ما شين يجيبوا ليهو القوات الخاصة والمدرعات ويمكن الطيران يكون على أهبة الإستعداد... بس بيني وبينك الخروف ملكي مية في المية ويكون مربى على السفن أب.... وبالله أتقول ساقينو شربة زيت بعره ساي في الواطه بالغلط مافي؟؟؟؟؟

الشايقى

الله يجازى محنك
فقعتنا من الضحك

Quote: المهم المرارة ما تنفقع.... فيصل ياخ ما تزورنا في الخيمة دي: الـلـيـــل.... ودي كمان كان عندك وقت: قضينا ليلة ساهرة في ضيافة شيخ العرب خالد المحرب

الشايقى

طلباتك اوامر

Quote: يوسف ابو سنينه كل سنه وانته طيب نحنا قاعدين ومعانا عمك كمال وقدامنا الشربوت خاتينو شرك للمسنوح وبالمناسبه الشربوت ده دايت

Quote: كل سنة وإنت طيّب يا قريبي بوست فرايحي جد بس الشربوت دا دسّو شيقا ما ياكل لينا البورد ظاتو بي خرفانو

ابوشيمه

كل سنه وانت طيب
ومن الشربوت ما قتل
خاصة المخلوت بالشامبيون
او كما عمل المسنوح

Quote: المسنوح شركوا لية بالحسوة ما متعود على البلد احلقوة بالفتريتة اجيكم زى الصاروخ طائر هههههههه دا زولى وعارفة كويس وعمو كمال لا يكون كتر فى الشربوت لمن غباااااااا

يا ابو سنينه

جربنا الفيتريته وبدون نتيجه
لانو شيخ العرب ود المحرب كاربو بى هناك
اما عمك كمال صلى الصبح تلاته ركعات

Quote: جربنا الفيتريته وبدون نتيجه لانو شيخ العرب ود المحرب كاربو بى هناك اما عمك كمال صلى الصبح تلاته ركعات

Quote: عيدك مبارك وايامك اجمل لكن يا اخوي ده ما نسكافي ابو رغوة انت عيونك حصل ليها شئ ولا خروفكم لحمتو سطلتكم باين عليهو بياكل ( حشيش )

الفنان السنى

كل عام انته وقريبتى بخير
الرغوه دى عملنها شرك للمسنوح ود شيقوق
شكرا على التوضيح

Quote: والله جنس كربة لمن غلط بس عجبتى ليى يستاهل قلت ليك عليك بالتمبارة والله ذى الدندرس مع الطير اصلو ما يجلى منها عموووووو كمال عليك علية بالموية الثلج راسو خفيف ههههههههه قبل مايصلى الضهر تراويح

ابو سنينه

التمباره مالقيته اشرح ابن

تحياتى