|
سلوكـ غير ( حظاري ) يا شباب !! ، الدليل صورة .
|
حبايبنا في المملكة ما قصروا مع ولادم ، دلع لامن غلط ، في كل شيء ، والتفاصيل كتيره وليس القصيد هنا ذكرها . طريق الهدا لمن يعرفون غرب المملكة يربط بين الطائف ومكة ويختصر الكثير من الكيلومترات ، تم قفله سنين عددا لتتم توسعته وصار يسر الناظرين والسائقين ، وهو بمثابة ( عقبة دبل كابينة ) على وزن عقبة بورتسودان الصغنتوتة ديكـ & . المهم تم افتتاح الطريق في الشهور الماضية واستخدمته في العودة للرياض قبل اسبوعين . حقيقي متعة منظر ، ومتعة نظر وقيادة ، ودهشة إمكانيات ما ليها حدود والصور تحكي .
الختام كان ( لوحة ) مختلفة رغم الإمكانيات المهولة !!. أهل " لغة الضاد " لا يحتملون " الضاد كثيراً ويعانون فيها معاناتنا مع الثاء والغين وكانت اللقطة التي تعبر عن مأساة أهل الحجاز ونجد .
ويبدو أن ما أحد قراها فكانت النتيجة (نكايةً بالظاء على ما يبدو ) :
|
|
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: طه إبراهيم عبد الله)
|
حاظراكـ المدام ولا شنو يا طــه ؟؟
اليوم صباحاً كنت في قسم تأمين شركة ما ، الأخ السوداني الماسكـ تجديد شهادات التأمين شابكـ ليكـ الناس لازم تفويظ ، لازم تفويظ للعربي والهندي !! سألتو يا آخوي شنو كرهت الظاء رد لى مع إبتسامة كبيرة صدقني كان قلتها صاح بيقولو السوداني بيعلب بى العربي . تعودوا على نطقها هكذا وبقدرة قادر انتقلت العادة للكتابة كمان
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: جمال الباقر)
|
تحياتي ياعمران اخوي إنجاز حقيقي وفخرا للحكومة السعودية هذا الطريق ...25/4/ 2010 م كنت مستخدما لهذا الطريق ، شكل مختلف تماما عن أول استخدام في 2001 م وبعدين ياخي الخطاط من غير الناطقين بها التمس لأخوك عذر من 100 عذر ولا الظالين يارب العالمين اخوكم الشفيع ابراهيم
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: haroon diyab)
|
Quote: اكان الكاميرا دي بي صورتك تكون خطيييييييييييييير....!!!! حا اظرب ليك تلفون ياعمك |
حا تظرب لى لو الكاميرا بتاعتي يعني ؟؟ انت الجملة دي مركبة وانت بترجف صاح ؟؟ انت شفت رجفي أصبر سااااااااااي بس ياما حا ترجف ، كاااااااااااااااكـ ياخي أظرب لي حسي كرهتني زاتو يلا راجيكـ
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: عمران حسن صالح)
|
Quote: اليوم صباحاً كنت في قسم تأمين شركة ما ، الأخ السوداني الماسكـ تجديد شهادات التأمين شابكـ ليكـ الناس لازم تفويظ ، لازم تفويظ للعربي والهندي !! سألتو يا آخوي شنو كرهت الظاء رد لى مع إبتسامة كبيرة صدقني كان قلتها صاح بيقولو السوداني بيعلب بى العربي . تعودوا على نطقها هكذا وبقدرة قادر انتقلت العادة للكتابة كمان |
العم العزيز/ عمران حسن سلام و تحية بعض القبائل العربية فى غرب السودان "دارفور" يقلبون الضاد ظاء, خاصة الماهرية اهل الوالدة, واذا بحثت جيدا ستجد ما يشفى غليلك حول هذا الموضوع. تانى شى
الله يخلى ليك الكاميرا ياخ
تحياتى
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: محمد المختار الزيادى)
|
غايتو يا محمد المختار أكان عمركـ 17 - 20 عفينا ليكـ " عم عمران " دي أكان أكبر من كدي عاد بقول ليكـ ( عمى دباسة ) يعني شنو ؟؟ ما عارف والله سمعت حبوبتي بتقوله إشكالية نطق الحروف عند أهلنا في غرب السودان يا محمد لا خلاف عليها بل ويشمل عدد كبير من حروف العربية ، قد يكون من ضمنها العين مثلاً ولكن مشكلة أهل الرياض تحديداً هي هذه الـ ( ض ) لأنهم ينطقونها ظاءً غصباً عنهم يعني لسانم عديل كده ما بقدر عليها خصوصاً البدو منهم لكن أن تُكتب ظاء فتلكـ المصيبة وهم أهل اللغة " لا لهجات محلية وسطهم " تشكر يا محمد والمزحة جزء من السايبر فتقبلها
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: عفاف أبو حريرة)
|
Quote: وهو بمثابة ( عقبة دبل كابينة ) على وزن عقبة بورتسودان الصغنتوتة ديكـ |
دبل كابينة بسسسسس يا مفتري !!!! دي عقبة عربية قطر عدييييل بالنسبة لي حقتنا اللذيذونة ديك ..
عمران يا حبيب تحياتي وكل سنة وانت طيب وان كنت حاسس كدا انو عيدكم حا يكون مسيييييخ .
ولا تلعبوا بلغة (الظاد) لو سمحت .... حا تودونا التوج ونبقى سميعين بس لاخبار المنبر . انت ما عارف الجماعة ديل فيهم ناس (فاظييين) وشليقييين وما عندهم شغلة غير الشمشيم .
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: امير عوض الجمري)
|
تعرف يا أبو حمودي يا عمكـ في 2001 تقريبا أول مرة أمشي فيها السودان بالعربية وإنت عارف لما تكون ماشي بالعربية التحميل بكون كيف!! أها ستفت الفور ويل واتخارجت بالهدا (القديم لاحظ) وكل همي في الموضوع (عقبة) بورسودان!! أها يا عمكـ اتخارجنا وعدينا البحر واتخارجت من بورسودان .. طبعا الطريق القديم لحدي الخرطوم وبرضو ماشي وهمي العقبة القالوا عليها كعبة دي! طبعا الوكت داكـ العربات كان بتمشي أفواج وكـدا أها بعد ما قطعنا مسافة كبيرة كـدا وقفنا شوية .. قمت سألت الجماعة: يا أخوانا العقبة ح نصلنا متين؟ الجماعة عاينو لي كـدا (جاني إحساس الشهادة العربية)
قال العقبة قال!!
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: عمران حسن صالح)
|
Quote: يمسخ عليكـ خروف ضحيتكـ الحا تدفع فيهو الف ريال ده |
عليك النبي بي الف .... يا اخوي انا عندي قاوت وبجيب صومالي ابو ميتين .. مااااالو عيبو لي !!!!
Quote: بلى يخمكـ انت ومريخكـ |
ههههههههههههههههههههههههاي عليك الله سلم لي على محمد وامه وقول ليهم عيدكم سعييييييييييييييييد وكتروا من اللحم ( الاحممممممر) وقول ليهم لو الله ادانا الفي مرادنا بي قااااوتي ده بجي افطر معاكم (ده كان ضبحتو بع ما يكون ابوكم انضبح)
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: عمران حسن صالح)
|
Quote: غايتو يا محمد المختار أكان عمركـ 17 - 20 عفينا ليكـ " عم عمران " دي أكان أكبر من كدي عاد بقول ليكـ ( عمى دباسة ) يعني شنو ؟؟ ما عارف والله سمعت حبوبتي بتقوله إشكالية نطق الحروف عند أهلنا في غرب السودان يا محمد لا خلاف عليها بل ويشمل عدد كبير من حروف العربية ، قد يكون من ضمنها العين مثلاً ولكن مشكلة أهل الرياض تحديداً هي هذه الـ ( ض ) لأنهم ينطقونها ظاءً غصباً عنهم يعني لسانم عديل كده ما بقدر عليها خصوصاً البدو منهم لكن أن تُكتب ظاء فتلكـ المصيبة وهم أهل اللغة " لا لهجات محلية وسطهم " تشكر يا محمد والمزحة جزء من السايبر فتقبلها |
غايتو ما عارف "دباسة" دى منسوبه ليى شنو. لكين فى نوع من الطيور اسمو دباس يمكن عميان و نحنا ما جايبين ليوخبر. على اى حال امسحها ليى فى الكيبورد.
Quote: إشكالية نطق الحروف عند أهلنا في غرب السودان يا محمد لا خلاف عليها |
اقصد فقط هذا الحرف "الضاد" عند بعض القبائل العربية, و هى احسن من يتكلم العربية فى السودان, ولا اشكالية لديهم البته فى النطق.
فلا تتعجب اذا و جدت احدهم يقول لك "انطيتك" و هو يعنى "اعطيتك" و ده موضوع طويل داير ليهو بوست منفصل "مبحث"
تحياتى
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: عمران حسن صالح)
|
الاخ عمران لك التحية
الشارع ده عشرة سنوات كنت بمشى بيهو جدة كان مخيف جدا لكن سريع ساعتين من الطايف
بتقيف فى مطار الملك عبد العزيز .
الناس ديل متعودين على الضاد ظاء اول مرة سمعتها من الجوامع ولا الظالين سالت
الزملاء مستغربة قالو اصلهم كده ..
بعدين امكن كف العين اها واحد سودانى علق عليه..
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: ندى صالح الطيب)
|
عمــران
سلام ياخي
بزارين ـــ جمع بزورة وهي تعني الاطفال
في مكة حي اسمه حي الزهارين منسوب للزهراني
ورجــــال بمعنى رجل وجمعها رجاجيل
بقت علي الظا ام عصاية وام من غير عصاية
ممكن ترسل لي الصور لو في منها كتير في واحد في السودان لسه بتفاخر بي انو بسوق في العقبة بتاعت بورسودان واشان يأمن عاوز ارسله الصور
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: خالد العطا)
|
العزيز عمران ...
طبعا قصة النطق والكتابه دي قصتها قصه ...كدي راجع بروشه من بروشات بنده
لكن قصة الظاء من غير عصايه دي مريحاني راحه تامه ...اصلو اخوك من الناطقين بحرف الظاء ...ومع صاحب اليافطه لرفعة شان حرف الظاء حتى لو حروف اللغه العربيه ينقصو زاتو
تعرف يا عمران نحن في الباديه هناك اصلو ما بتدكر سمعت حرف (الضاد) ده ولو في واحد حاول (يتمدن) وينطق الحرف ده ... خشمو كلو حيتملي (بزاق)... عشان كده ياخي الواحد هنا مرتاح من الناحيه دي راحه تامه لازق الظاء ده في كل كلمه في حرف الضاد
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: Elsanosi Badr)
|
Quote: تعرف يا عمران نحن في الباديه هناك اصلو ما بتدكر سمعت حرف (الضاد) ده ولو في واحد حاول (يتمدن) وينطق الحرف ده ... خشمو كلو حيتملي (بزاق).. |
السنوسي بدر البدوي القح من صحراء بيوضه ولا واحة سيوة إلى بريطانيا ومن ثم محاضراً بجامعة سعودية في الصيدلة ويجي يختصر لي حياة كاملة وسيرة تسر القراء بى مداخلة في موقع إسفيري زواره عطشى للمثير والجديد في موضوع لفت نظري له مجرد لوحة في طريق غريب وعجيب التكوين وهو يحمل المسألة منذ نعومة أظافره كحياة كاملة الدسم لم ولن يلتفت إليها السنوسي بدر إلا بالدفرة يلا عليكـ الله يا السنوسي الموضوع يستاهل عنوان كبير ، وشوية صور ، ومعاها سيرة ذاتية نحتاج أن نقرأها .. ياخي إتحركـ حياة البادية أكبر من مداخلتكـ الجميلة ولكنها صغيرة وليست بحجم الموضوع . . . بالمناسبة إترددت قبل أضف رد ولكنها دعوة للمزيد يا صديقي فهل من مزيد ؟؟ ومرحباً بكـ في رياض الخير
| |
|
|
|
|
|
|
Re: سلوكـ غير ( حظاري ) يا شباب !! ، الدليل صورة . (Re: عمران حسن صالح)
|
الأخ العزيز عمران
قبل عشرة سنوات قررت أسافر من قطر للسودان بالعربيه لأول مرّه, وكانت وصايا الإخوان القطريين لي (بعد ما تصل الطايف أمشي بطريق السيل الكبير ما تمشي بطريق الهدا)
أخوك وصل الطايف وأحرم من هناك , وما انتبهت إلا بعد ما لقيت نفسي إتورطتَّ . علي الحرام الخوفه الدخلتني لا يوم الليله ما مرقت. .
| |
|
|
|
|
|
|
|