|
|
 دعوة للمهاجرين والمغتربين بمقاطعة أسواق العقارات في السودان
|
دعاني أحد المهندسين المدنيين من أصدقاء الدراسة القدامى لزيارته
في موقع عمله في منطقة سوبا، للنظر لتطور فنون الفن والعمارة
وتصميم الأرض في السودان. لبيت دعوته وذهبتُ معه إلى
الموقع، فوجدته عبارة عن مئات من الفيلل السكنية تابعة لمجموعة شركات
النفيدي، بصراحة والحق أقول إنها فلل رائعة، وعلى الفور سألته عن سعرها
|
|
  
|
|
|
|
|
|
|
 Re: دعوة للمهاجرين والمغتربين بمقاطعة أسواق العقارات في السودان (Re: Mohd Ibrahim)
|
Quote: معليش ياحجازي المقاطعة ماعملية بالنسبة للناس البرة...
.نحنا مضطرين نتعامل معاهم في كل الاحوال...بالمناسبة اكتر الناس
البشترو العقارات بالاسعار من داخل السودان لانو فعلاالناس البرة
غالبيتهم ماعندهم قروش قدر دي....الاسعار دي قاصدين بيها تجار المؤتمر
الوطني وموظفين الحكومة... |
العزيز محمد إبراهيم
تحية طيبة
أتفق معك 100% بأن الذين يشترون ويبعون
في سوق العقار السوداني جلهم من الكيزان
وأتفق معك إلى حد ما بأن المغتربين والمهاجرين
مضطرين للتعامل معها، وخصوصاً حكاية البيع
بالتقسيط، ولكن يا بوحميد لو الناس حسبتها
صاح، أحسن يلمو قروشهم عليهم، وينتظروا
حتى يغور هذا النظام الفاسد إلى الجحيم
وبعديها سينخفض سعر العقارات، ولا تنسى
أيضاً موضوع الاستفتاء أيضاً سيؤثر في سوق
العقار، هل تعلم أنه في يوم الاثنين الأسود
قد إنخفض سوق العقار إلى النصف، ولذا أناشد
كل المغتربين والمهاجرين بمقاطعة الأسواق
العقارية، فهي تصب في مصلحتهم، وخصوصاً
بأن المغتربين والمهاجرين مازالوا بالخارج
ولا يحتاجون لمساكن في السودان في الوقت
الحالي.
تحياتي
| |
|
|
|
|
|
|
|
|
|
Re: دعوة للمهاجرين والمغتربين بمقاطعة أسواق العقارات في السودان (Re: خـالد سـوميت)
|
Quote: حبيبنا ود حجازي سلامات يارائع
موضوع ارتفاع اسعار العقارات في السودان سببه الحقيقي
يرجع الى ارتفاع اسعار الارضي وارتفاع اسعار الاراضي سببه
انو الدولة ممثلة في الحزب الحاكم وشركات جهاز الامن دخلو السوق ونافسو
المواطن في قطاع الخدمات والتجارة العامة ومافي مواطن مالحقو ضرر من
دخلو بني كوز في السوق فقلبو الموازين وساطو البلد بالكونش سواطة شديدة
نتيجة للكلام ده التجار وعامة الناس المعاهم قروش اتجهو للسمسرة في الاراضي تحديد
والعقارات بصورة عامة لانها تمثل لهم استثمار مامون بعيدا عن اعين الضرائب وخلافة
الحكومة كمان شجعت القصة ببيع اى ميدان عام في مزادات مفبركة لصالح اشخاص محددين
ولعلك تكون لاحظت ماحل بميادين اركويت على سبيل المثال.... الناس فى السودان يا حبيب
مسكتها حمي الاراضي الخرطوم الان اتلصقت مع الجزيرة وبحري اتلصقت مع ابودليق وام درمان
قربت تحصل الابيض ... اه شن قولك اى زول ساااكن فى الاطراف بيقول ليك انو هو ساكن الخرطوم
وانو الاراضي فى محل ماهو ساكن غااااالية
اتفق تمام معك فى دعوتك للمقاطعة اخير نمسك مليون دولارنا ده ونشتري 4 بيوت حدادي مدادي
الصيف في نيو انجلاند والخريف فى كلفورنيا والشتاء في فلوريد والربيع في كلورادو ... احسن ما نكبو في
فيلا عجوبة الخربت سوبا ههههههههههههههه... خالص التحايا |
حبيبنا وصديقنا ود سوميت
تحية طيبة يا ملك
أشكرك على التفاعل والمؤازرة، تعرف يا سوميت
زماااااااان أركويت دي كانت من ضواحي العاصمة تخيل
والناس هاجرت إليها من الديوم والجريفات، والآن بسبب
غلاء العقارات والمعيشة، هاجر الناس من أركويت إلى السلمة
والسلمة دي زماان كانت خلاء، وهسا بقت في قلب الخرطوم كما قلت
وأبناء أركويت أكثر الناس تضرراً من غلاء العقارات
فلا يستطيع ابن أركويت من شراء منزل (ولو جالوص)
في مرتع صباه، عليك الله في مأساة أكتر من كدا
ياسوميت.
وأشكرك مره أخرى على مسكك للمليون دولار بتاعك
وأحسن حاجة الناس تبيع في هذه الفترة ولا تشتري
أبداً، لأنه بسقوط دولة الكيزان، ستنخفض اسعار الأراضي
وبالمناسبة يا خالد، حضرت بيع منزل في جبرة بمبلغ
350 مليون جنية، فكانت البيعة أن يقايط المشتري
صاحب المنزل بقطعة أرض مقدارها 200 مليون، على أن
يكمل الناقص بالتقسيط المريح، شوفتا كيف؟! كلها
أموال وهمية، الأرض تقدر بالشيء الفلاني والمنزل
يقدر بالشيء الفلاني.
تحياتي ليك يا ملك وأبقى أظهر
| |
|
|
|
|
|
|
|
|
|
Re: دعوة للمهاجرين والمغتربين بمقاطعة أسواق العقارات في السودان (Re: النذير حجازي)
|
العزيز ود حجازي لك التحية و انت تطرقت لموضوع كبير و هو وهم الاراضي والبيوت في السودان الحقيقة
أنا كنت كلما انزل اجازة للسودان برجع بهم كبير مش لي انا و لكن للمساكين الغلابة العيال و الله
شلت همهم لانو كل واحد يكون ساكن في سقط لقط يقول ليك و الله قطعة الارض عندنا وصلت مبالغ خرافية
طيب لو كانت دي الاسعار حاليا بعد كم سنة حيكون الوضع كيف ؟ الحقيقة لي خالة ساكنة في مربع 15
شمبات و ديل كانوا عاملين لي قلق شديد في كل زيارة ليهم مع المدام بنرجع حردانين بيتنا الصرفنا
فيه دم قلبنا من شقا الغربة لانهم بقول لي البيت الجنبنا دا اشتروا بمليار و داك بمليارين و ..
و لكن ربك موجود رابع ايام عيد الفطر قابلت واحد من المعارف في احد المنتزهات و سالت عن حاله
و عمله و عرفت انه نزل معاش من الجيش و استلم المعاش و اشتري ليه بيت في شمبات .
بجيكم راجع الكفيل وصل .
| |
|
|
|
|
|
|
|
|
|
Re: دعوة للمهاجرين والمغتربين بمقاطعة أسواق العقارات في السودان (Re: Asim Fageary)
|
Quote:
و عمله و عرفت انه نزل معاش من الجيش و استلم المعاش و اشتري ليه بيت في شمبات .
|
طبعا طلع الشاب مشتري بيت في شمبات و كما جنب مستشفى البراحة يعني وقع لي في
جرح و جاني في الحتة عندما تذكر شعر جلد بت###### (بفتح الكاف و كسر اللام ) و بتجيني
دوخه من ما قاعد اسمعو من ارقام فاقت الفلكية و كمان قدم لي دعوة لزيارته لمباركة
المنزل الجديد و كانت اجمل دعوة في الزمن القريب الذي لم نتذوق فيه طعم للحاجات
الحلوة و كانت اسرع تلبية لدعوة قدمت لي و ذلك لشى في نفس يعقوب و لم تمضى سوى
48 ساعات إلا وانا امام قصر جميل المنظر الخارجي و كذلك الداخلي و حقيقة ربنا يحسن
و يبارك له فيه من الجمال في كل شي و كمان اشتراه مفروش و مكيف يعني البيت جنب
الجامع و بعدها حكي لي بانه داخ من البحث عن منزل يسعه واولاده بالمبلغ الذي بطرفه
من المعاش و بيعه لمنزلين في الثورة وبحري و كانت الحصيلة طرفه 600 مليون و بعد ما
اضناعه البحث وصل لقناعة بان ما لديه من مبلغ لا يسوى ثمن الطباعة التي طبعت بها
فلوسه فاقتنع و لبس في البيت لقراءة الجرايد و تشجيع الكورة و اذ ببابه يطرق من
من قبل احد السماسرة السابقين الذين ارهبوه بالاسعار الخرافية للمنازل بتلك المنطقة
و قال ليه لقيت ليك بيت ب700 مليون ما صدق الراجل الكلام لانه سمع كلمة مليون و تعود
علي سماع مليار و هب قائما مع السم سار (اسم علي مسمى ) و إذ به امام منزل كان قد
قد صرف النظر عنه لانه سعره وقتها ما يقارب المليار ونصف فمكان منه إلا ان قال للسم سار
بالله هوينا من البيت دا لانه دا شعرا ما عندنا ليه رقبة و صاحبه عايز فيه مبلغ كبير
قال ليه انت مالك البيت معروض ب 700 و كما ممكن نهزها ليك السبعماية يعني ممكن تنزل
قال ليه انا اشتريت و ما هي إلا لحظات و كان صاحب المنزل معاه عند المحامي و تمت
الصفقة بمبلغ 650مليون و الله بالحرف الواحد قال لي الراجل الفي سودان كله وهم في وهم
و جعجعه عاملنها السماسره مع ناس المؤتمر اللاوطني يعني الارقام بقولوها للناس علشان
المغتربين المغفلين ديل لمن يجو بقرشين يغشوهم و يدقوهم و يشيلو قروشهم علشان يرجعو
تاني يلموها من اول جديد للبناء والعفش و خلافه و يكون العمر فات والغناي مات و تبدا
لذا اخي والله منذ حضوري شرعت في شراء شقة في القاهرة في الاهراء بسعر لا يصدق و بالتقسيط
لذا اضم صوتي لصوتك تجنبوا السودان !!!!!
اسف للإطالة
| |
|
|
|
|
|
|
|
|
|
Re: دعوة للمهاجرين والمغتربين بمقاطعة أسواق العقارات في السودان (Re: موسي عيسي)
|
عزيزنا موسى عيسى، ليتك أطلت، والله أثريت البوست
ونفخت فيه روح الحكي عن آلامنا، وهي كيفية شراء
منزل في السودان، يعني الواحد إلا يكون حرامي
علشان يشتري ليهو بيت.
ومبروك شقتك في القاهرة، أنا طبعاً بالبسمعو عن
المصريين ديل ما حبيت بلدهم كل يوم بتحرشوا بسودانيين
مرة كاتلين ليهو واحد ومرة تحرش جنسي بالبنات
وياريت لو وريتنا سعر الشقة في القاهرة بي كام؟
تحياتي ليك يا ملك
| |
|
|
|
|
|
|
|
|
|
Re: دعوة للمهاجرين والمغتربين بمقاطعة أسواق العقارات في السودان (Re: النذير حجازي)
|
Quote: سلام
يا أخوي شوف لي فيلا بـ 20 ألف دولار في أي دولة غربية
وهل ممكن أشتريها وأنامقيم عنا في السعودية؟
أسعار أراضي السودان دي جننتنا وكرهتنا حتى في الأصقاع ما قادرين نوفر لينا قروش تمن بيت متواضع
مع تحياتي
عاصم فقيري |
العزيز عاصم فقيري
تحية طيبة
بالطبع ستجد منزلاً في أمريكا بسعر 20 ألف دولار
ولكن المعضلة بالنسبة إليك هي لابد من أن تكون
مقيماً دائماً بالولايات المتحدة الأمريكية، ولتحصل
عليها هنالك عدة شروط منها تعجيزيه وأخرى سهله
وهي:
1) الزواج من أمريكية
2) اللجوء السياسي أو الإقتصادى أو خلافهما
3) القرعة السنوية
من الشروط التعجيزية
هو أن يكون لديك نصف مليون دولار تستثمرها في
الولايات المتحدة الأمريكية، وفتح وظائف جيدة
لعشرة أفراد على الأقل.
تحياتي
| |
|
|
|
|
|
|
|
|
|
Re: دعوة للمهاجرين والمغتربين بمقاطعة أسواق العقارات في السودان (Re: النذير حجازي)
|
Quote:
وياريت لو وريتنا سعر الشقة في القاهرة بي كام؟
|
العزيز حجازي لك التحية و صباحبك عسل بلغة اخونا المصريين
انت عارف يا حجازي مشكلتنا نحن الدارسين في مصر ما زلنا
نحتفظ ببعض الحنين او الحن لتلك الديار املا منا في ان
نرجع بعض ذكريات الماضي الجميل و لكن هيهات جمال الزمن
بالناس الفيه ، اما بخصوص القتل و الاغتصاب و الله حدث ولا
حرج بقى عندنا في السودان بالكوم و الله رجع خمسيني عندنا
في الثورة اغتصب بنت عمرها لا يزيد عن الأربع سنوات !!!
اما القتل فلك بمتابعة الاحداث اليوميه اصبح من الاشياء
العادية في السودان لذا لا تختلف الجريمة عن السودان او
مصر او امريكا فان الانسانية اصحبت سلعة نادرة .
و سعر الشقق في مصر بختلف من مكان لاخر حيث لدي زميل
اشتري في الجيزة بمائة و خمسون جنيه مصري كاش ثلاثة غرف
و حمامين وحاجة جميلة و حاليا في الهرم شارع الببسي السعر
مائة وعشرين تدفع 50% و الباقي علي اقساط يعني الشقة في
الهرم ما يعادل 17000 دولار امريكي ؟؟؟؟؟؟؟
| |
|
|
|
|
|
|
|
|
|
Re: دعوة للمهاجرين والمغتربين بمقاطعة أسواق العقارات في السودان (Re: موسي عيسي)
|
Quote: العزيز حجازي لك التحية و صباحبك عسل بلغة اخونا المصريين
انت عارف يا حجازي مشكلتنا نحن الدارسين في مصر ما زلنا
نحتفظ ببعض الحنين او الحن لتلك الديار املا منا في ان
نرجع بعض ذكريات الماضي الجميل و لكن هيهات جمال الزمن
بالناس الفيه ، اما بخصوص القتل و الاغتصاب و الله حدث ولا
حرج بقى عندنا في السودان بالكوم و الله رجع خمسيني عندنا
في الثورة اغتصب بنت عمرها لا يزيد عن الأربع سنوات !!!
اما القتل فلك بمتابعة الاحداث اليوميه اصبح من الاشياء
العادية في السودان لذا لا تختلف الجريمة عن السودان او
مصر او امريكا فان الانسانية اصحبت سلعة نادرة .
و سعر الشقق في مصر بختلف من مكان لاخر حيث لدي زميل
اشتري في الجيزة بمائة و خمسون جنيه مصري كاش ثلاثة غرف
و حمامين وحاجة جميلة و حاليا في الهرم شارع الببسي السعر
مائة وعشرين تدفع 50% و الباقي علي اقساط يعني الشقة في
الهرم ما يعادل 17000 دولار امريكي ؟؟؟؟؟؟؟ |
عزيزنا موسى عيسى
تحية طيبة يا ملك
والله ياموسى كلامك مقنع 100% وشكلي أن برضو ح أقوم
إشتري لي شقة في الهرم، وفعلاً سوداننا الحبيب
(أرض الجدود والأب، فيه وجدتُ مأكلي فيه وجدتُ
مشربي)
بقى طارد.
تحياتي ليك يا ملك
| |
|
|
|
|
|
|
| |
النذير حجازي
صالح عبده
Mohd Ibrahim
موسي عيسي
سيف اليزل برعي البدوي
Asim Fageary
فيس بوك
تويتر
انستقرام
يوتيوب
بنتيريست