|
|
|
 Re: اهدا عمر ودالباوقه (Re: ود الباوقة)
|
حاولت ان اعرف الزول دا مالو
فلم أجد اجابة غير كلام المتنبي
ومَــنْ يَــكُ ذا فَــمٍ مُـرٍّ مَـريضٍ يَجــد مُــرّاً بــه المـاءَ الـزُّلالا
بالله واصلو الحفله دي
ممكن ود الحوري - ود مديني
ان شاء الله الكنينه يا رطب الجنينه
| |
 
|
|
|
|
|
|
|
|
Re: اهدا عمر ودالباوقه (Re: ود الباوقة)
|
قريب تب ياودالباوقه وجاهز والله للجلد ...بمناسبة الكنينه داير احكي ليكم قصة نسيبي العميدعلي شنان الله يرحمو ويغفر ليه ...كنا في زواج عصام الحاج والحفله بي اللحو والناس مبسوطه والسلاح ضارب جو ناس الامن قالو وقفو السلاح والله نوقف الحفله طبعا مافي زول اشتغل بي كلامهم قامو مشو فصلو الكهربا من الهيئه الجماعه جاهزين دورو الجنريتر والسلاح لانو الناس الطربانه وتضرب في السلاح كلها رتب في الجيش والشرطه والامن وكان حاضر الحفله قائد الحاميه اللواء وكت شاف ناس الامن حايمين يوقفو الحفله طوالي عمل انسحاب تكتيكي اها نرجع للقصه ناس الامن لما شافو مافي طريقه اخدو اللحو علي جنبه وقالو ليه تقيف مااشتغل بي كلامهم جو راجعين ولسه اللحو ينتر طوالي دخلو وساقوه اها الناس رسلو المرحوم علي شنان (والذي كان ينتظر علي احر من الجمر غنية الكنينه)اها مشي عليهم اتكلم وحاور وحنس معاهم وكت لقاهم مصرين قال ليهم ياناس عليكم الله خلوه بس يغني لينا الكنينه وسوقوه بعد داك
| |
|
|
|
|
|
|
|
|
|
Re: اهدا عمر ودالباوقه (Re: علي الكرار هاشم)
|
علي الكرار هاشم حبابك الف وداعمي
وابقي لاجوه
Quote: [حاولت ان اعرف الزول دا مالو
فلم أجد اجابة غير كلام المتنبي
ومَــنْ يَــكُ ذا فَــمٍ مُـرٍّ مَـريضٍ يَجــد مُــرّاً بــه المـاءَ الـزُّلالا
بالله واصلو الحفله دي
ممكن ود الحوري - ود مديني
ان شاء الله الكنينه يا رطب الجنينه |
والله الكنينه دي عندنا معاها قصص كتيره خلاص بس ابقي قريب والزول دا ماتشغل بيه راسك كتير داير يجي يطرب حبابو الف وكان ماشالتو الداره (الداره دي لمابيعرفوها دي محل العرضه وسط ) نشيلو فوق راسنا اها كان ماداير خليهو في فسوه دا مافي زول شغالبو الشغله
| |
|
|
|
|
|
|
|
|
|
Re: اهدا عمر ودالباوقه (Re: الشفيع وراق عبد الرحمن)
|
الشفيع وراق عبد الرحمن مشكور كتير والله
Quote: ايوة يا الشايقي
انت مالك؟
ربنا يديم الطرب يا الكرار وود الباوقة |
حبابك اخوي الشفيع وابقي لاداخول (داخل لاجوه) الداره واااسعه تب اي زول داير صقريه وعرضه حبابو ويمكن الحكايه تجيب ليها صوط
| |
|
|
|
|
|
|
|
|
|
Re: اهدا عمر ودالباوقه (Re: ود الباوقة)
|
Quote: عليك الله الحقنا بي
نحن اهل الكرم
للمجاهد قيقم |
يااخوانا العندو ينزل الغنيه او اي حاجه بس تكون دلوكيه.. دلوكيه دي معناها شعبي اواغاني عرضه
| |
|
|
|
|
|
|
|
|
|
Re: اهدا عمر ودالباوقه (Re: عثمان محمد كرار)
|
Quote:
مشكور ياخوي علي المرور وخليها التفسي زي ماتفسي نحن طربانين ماشامين حاجه |
الحوري كان عندو حفلة في قرية قريبة من عطبرة
الجماعة طربانين وملو ليك الدارة وكل اثنين ماسكين في عكاز ويسوي في عم عم عو عو حم حم هم هم زي حركات الجابودي لكنهم مطيننها شوية .. وانت عارف الجابودي عند الحوري حالاته خاصة... والحكاية غاظت الحوري والظاهر عليه قام يشتم فيهم وهم ما جايبين خبر...
بعد ما اتفرقوا مجموعة منهم مشوا على حوشهم وفي وسط الحوش لقوا جدهم قال ليهم جيتو من اللعب دا ياولاد .. قالوا ليه بالحيل جينا...
وشتومة الغناي ده ما سمعتوها ؟؟
قال شنو ؟؟
قاعد يسوي ليكم انتو يا غجر وحقو يرموكم البحر وانتو شغالين ليه هو هو هو هو هو ؟
البحر اليشيلو ... أها عاد الليلة اليرجا الدميرة
وجري عليه بعكاكيزهم عليك أمان الله راقد ستة شهور...
| |
|
|
|
|
|
| |
عثمان محمد كرار
Al-Shaygi
محسن عبدالقادر
الشفيع وراق عبد الرحمن
علي الكرار هاشم
المسافر
فيس بوك
تويتر
انستقرام
يوتيوب
بنتيريست