|
|
|
 Re: من اقوال عمر الحاج موسي (Re: khaleel)
|
الله يخلي المريخ للهلال ويخلي الهلال للمريخ
ويخلي امير لي خليل وخلي خليل لي هارون
المريخ والهلال عالم جمييييييييييييييييييييييييييييييييييييييييييييل فلنحافظ على هذا العالم لنعيش معافين
اللنك ابى يفتح يا خليل بعد ده كللله.
| |
 
|
|
|
|
|
|
|
|
Re: من اقوال عمر الحاج موسي (Re: امير عوض الجمري)
|
Quote: المريخ والهلال عالم جمييييييييييييييييييييييييييييييييييييييييييييل فلنحافظ على هذا العالم لنعيش معافين
اللنك ابى يفتح يا خليل بعد ده كللله. |
يا برنس
خميسك عسل
ياخي اللنك كمل يومي كلو
خليني احاول تاني
| |
|
|
|
|
|
|
|
|
Re: من اقوال عمر الحاج موسي (Re: امير عوض الجمري)
|
كلمة عمر الحاج موسى ( رحمه الله ) فى إفتتاح تلفزيون الجزيرة
أهل مدنى ... عيوننا ... أرواحنا ... أيدينا ... سِـرّنا ... جهرنا ... كلها عشاق أحييكم وأسلم عليكم
وأتمنى أن لو كان فمى فى يدى .
الأخوة الزملاء ... السيدات والسادة ... من مدنى حسناء الجزيرة وغادتها أحييكم ، من مدنى الـسُّـنـِّى
الراقـدة على شاطىء النيل الأزرق مستحمة من مائه ... مستجمة على رماله ... مستدفـئة بحبابه ...
مستـكـنة فى رحابه ... متوسـدة تربه وترابه ... حرفه وجرفه ... منها ... من مدنى أحييكم ويحييكم معى المشاهدون لحفلنا الحافـل الحفيل هذا ... إخوانكم وبناتكم وعمّاتكم وبنات عمّاتكم أراهم هناك صامتين
مطرقين حامدين شاكرين ... هناك بدءاً بحنتوب التى تجلس بجانب مدنى كالهمزة على سطرها وصدرها ...
جنوبـاً الى سنار فكوستى ... ثم شمالاً لتحتضن المنطقة الرابضة بين ذراعى النيل الخالد ... أبيضه وأزرقه ...
هى الجزيرة ... هى المنطقة التى كان وسيظل لها دور الريادة والزيادة .
أنجَـبـتْ ومابَـرحَـتْ ... أعـطـَتْ وما إنـفـَكَّـتْ ... جَـادتْ ومافـَتِـئـتْ .
أنجبت ومابرحت السُّـراى أهل التـُّـقـَّـابـة والمسيد ... محمد ودمدنى ... دشين قاضى العدالة ... الشيخ الجنيد ... الشيخ أبو وداعة ... الشيخ الضرير ... الشيخ حلاوى ... الشيخ عمر ... الشيخ أبو قرون ... الشيخ أبو شيبه ... الجمرى ... بطران ... شـُمُّـو ... القدال ... عبد الباقى ... عوض السيد ... عوض الجـِـيـد ... عوج الدرب ... المسَـلـَّمى ... الكـِشـِّيـف ... المشمر ... تمساح التـُّرُك ... ودعيسى ... ود كـنـَّـان ... ود مضوى ... ود نفيع ... ود الترابى ... ود الشافعى ... ود بساطى ... ود ضيف الله ... ود عويضة ... ود خمجان ... ود نور الدايم ... ود التـِّكِـيـنـة ... فرح ود تكتوك ... دفع الله ود أب إدريس ... عبد الله ود أم مريوم ... برير ود الحسين ... هجو ود البتول ... قرشى ود الزين ... المسَـلـَّمى ود أب ونيسة ... الشاذلية ... السمانية ... القادرية ... الهندية ... الأنصار ... شيوخ الدباسين ... اليعقوباب ... الحسانية ... الركابية ... الحلاوين ... العركيين ... المسلمية ... والأعتذار لمن فاتنى ذكرهم فهو العالِم بعدتهم .
أعطت وماإنفكت الشعراء والأدباء ... الهادى أحمد يوسف ... أبو عركى ... ثنائى الجزيرة ... الكاشف ... أحمد الطيب ... حسين الزهراء ... الـمـَسـَّـاح ... محجوب عثمان ... الخير عثمان ... محمد الأمين ... عوض الجاك ... البنـَّا ... أحمد يوسف نعمة ... البوشى ...أحمد طه الفكى ... أحمد على طه ... جقود ... إبراهيم عمر الأمين ... رمضان زائد ... رمضان حسن ... حِمِّيدة أبو عُشر ... عمر محمد سمباى ... توفيق البكرى ... عمران ... الطيب بابكر ...عشامة ... محمد مسكين ... محمد الأمين القرشى ... حسن عبد اللطيف ... محمد عثمان عبد الرحيم ... حامد العربى ... إبراهيم مدنى ... بابكر صديق ... بابكر بدرى ... أحمد سالم ... عبد الحليم على طه والشريفة بت بلال .
ومن شعراء النومسوه : أبو كساوى ... ود تميم ... القـلـَّـع ... ود عبد الملك ... الشيخ حياتى وود سعد .
الجمعية الأدبية ... المهرجان الثقافى ... الدعوة لمؤتمر الخريجين ... حنتوب ... بخت الرضا ... الأبحاث ... بركات .
جـادت ومافـتـئـت الثـوّار ... الأرباب دفع الله ... أحمد وعامر المكاشفى ... ود الصليحابى ... ود برجوب ... المهدى ... ود حبوبة ... القرشى ... المزارعين ... العمال والطلاب .
وحضنت أجمل الناس ... الشنابلة ... الحضور ... السناهير ... الحلاوين ... العوضية ... العايداب ... الجعافرة ... الدباسين وناس ود اللـِّدِر .
وأهلى فى الجزيرة سيدى الرئيس نايرين وزينين ... طيبين وسمحين ومتسامحين ... حمالين شيل وحلالين شِـبـك وأخوان بنات ... يبشرون للثورة ويبشرون بها ... ويتحزمون لها ... ويغيرون عليها ... فهى لهم القوت والعشم والعَـشـا ... وهى الرجاء والأمان ... هى النجدة والفزعة والنديهة .
لأطفالها : هى اللبن وهى اللبا ... هى الحفيظة وهى القلادة ... هى الحُجـا وهى الحجاب وهى اللوح والشرافة .
لزرّاعها وعمّـالها : هى التاتيبه وهى القِـسِّـيـبـه وهى السويبه ... هى الرخـا وهى التخـا ... هى الدخرى وهى البكرى ... هى المطمورة وهى الشونه ... هى العد وهى السرف ... هى الجَمَّام وهى المترة ... هى التساب وهى أم رويق ... هى العبادى وهى الدعاش هى الحمله ... هى الشراية هى اللبنه ... هى السُّـقـْدة هى الـلـقـدة ... هى الشايه وهى التايه ... هى القمح وهى القطن ... هى المُـقـُد وهى السمسم .
لشبانها وشاباتها : هى النم هى الدوباى هى الشاشاى ... هى الشوف وهى الشاف ... هى الـحُـق وهى الحَقو ... هى العديلة وهى الجَبيرة وهى الحَريرة وهى الضَريرة وهى الوزيرة .
ولشِـيبها : هى العمار وهى العمار ... هى الودعة وهى الطية وهى العافية ... وأحباؤك هنا فى الجزيرة يكيلون فريك حبهم للثورة بالأردب ... وخضرة أملهم بالحواشة ... وعِـيـنـة خريف رجائهم بالجبهه والطـَرْفـه والخيرصان ... لابُـتـَّاب فى حب حبهم ولابـُور فى خضار أملهم ... ولا رهاب فى حقيقة رجائهم ... وهم لخير السودان يحرثون الأرض ويحلبون الضرع ويجمعون الزرع ويفرعون الفـرع ويلملمون الماء فى أب سته وأب عشرين فهو الحبيب القادم عـبـر الوهاد والنهاد والنهود خلاصة دموع عيون المكاده .
والشكر لك ولجمهورية ألمانيا على كل ماقدمت وستقدم ونحن مدينون لها بتلفزيون أم درمان والجزيرة ... ونريد أن نكون مدينين لها بتلفزيون كسلا وعطبرة وهم فاعلون .
والشكر لأهل مدنى ولأهل مدنى ولأهل مدنى فقد بردت ظلال ذراهم لنا وإحلولى جنى نعماهم لنا وصفا جمام نداهم لنا وموضع السجده والسنده فى الشكر لك سيدى الرئيس .
رجاؤنا أن تكون المحطة خيراً وبركة على الجزيرة ... أن تكون أنسـاً للياليها ... مُثـقـِّفـاً لبنيها ... مُعلمـاً لعُمالها ومُزارعيها ... منبراً لأدبائها ... قيثارة لشعرائها .
السادة المدعوون لنفرح بهذا اليوم فهو تجمعت فيه الرجال والنساء والأطفال ... حضنوا الطنبور ودقوا الدنقر ونقروا الشتم وإستافوا طيب المِسك والجلاد .
يوم يهنىء فيه الصغار الكبار ويهنىء فيه الكبار الصغار ويهنأ فيه الكبار والصغار ... وفيه تـُنـاغِـم العذارى العذارى ... ويستنفر الشباب الشباب وفيه يخرج البشر بشيشه ويهز العطف عطفه ويذر ذر الفرح عطره وفيه يشدو الصفاء ويصفق الهناء ... وترقص البهجة ويبشر البشر وفيه تزغرد السعادة للحاضر الأخضر والغد المعطاء ......... ودامت
| |
|
|
|
|
|
|
|
|
|
Re: من اقوال عمر الحاج موسي (Re: امير عوض الجمري)
|
Quote: أنجبت ومابرحت السُّـراى أهل التـُّـقـَّـابـة والمسيد ... محمد ودمدنى ... دشين قاضى العدالة ... الشيخ الجنيد ... الشيخ أبو وداعة ... الشيخ الضرير ... الشيخ حلاوى ... الشيخ عمر ... الشيخ أبو قرون ... الشيخ أبو شيبه ... الجمرى ... بطران ... شـُمُّـو ... القدال ... عبد الباقى ... عوض السيد ... عوض الجـِـيـد ... عوج الدرب ... المسَـلـَّمى ... الكـِشـِّيـف ... المشمر ... تمساح التـُّرُك ... ودعيسى ... ود كـنـَّـان ... ود مضوى ... ود نفيع ... ود الترابى ... ود الشافعى ... ود بساطى ... ود ضيف الله ... ود عويضة ... ود خمجان ... ود نور الدايم ... ود التـِّكِـيـنـة ... فرح ود تكتوك ... دفع الله ود أب إدريس ... عبد الله ود أم مريوم ... برير ود الحسين ... هجو ود البتول ... قرشى ود الزين ... المسَـلـَّمى ود أب ونيسة ... الشاذلية ... السمانية ... القادرية ... الهندية ... الأنصار ... شيوخ الدباسين ... اليعقوباب ... الحسانية ... الركابية ... الحلاوين ... العركيين ... المسلمية ... والأعتذار لمن فاتنى ذكرهم فهو العالِم بعدتهم .
|
يا سلام عليك يا معروف
تنعدل عليك محل ما تقبل
تحيات كتيرة
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
يا سلام يا خلي ياخوي
انت صفوة في ذوقك
وصفوة في اختياراتك
ومفروض تكون صفوة في فريك (لكن الله غالب) ..ههههههههههههها
هذا الرجل العظيم رحمه الله
افرغ في هذا الخطاب مجمل التاريخ السوداني السياسي والاجتماعي والديني والرياضي
وخاطب به العااااااااااااااامة يعني فصّل الخطاب (فاميلي سايز)
| |
|
|
|
|
|
|
|
|
|
Re: من اقوال عمر الحاج موسي (Re: وليد محمد المبارك)
|
رئاسة القوات المسلحة
تلفون 72771
الخرطوم في 23/2/68
أخي حسن
من الذي قال: نظرت في المودة والإخاء فلم أجد أثبت مودة من ذي أصل؟
قريب قوله من قول زهير
فمن يك من خير أتوه فإنما توارثه آباء آبائهم قبل
وهل ينبت الخطيّ الا وشيجه وتغرس الا في منابتها النخل
يا صديقي لك شكري لخطابك وعلى تمنياتك – يزعجني أنني كنت في أول الدرب بالإدارة وقد بدأت أعرف مشاكل الناس..
أنا مشغول هذه الأيام ومنذ عام تقريبا في عمل قاموس للكلمات العامية – لديّ الآن حوالي الألفين – بدأته بشندي كلما ذكرت شندي ذكرت شندي ذكرت قول أحد السعداب عندما هزمهم الملك جاويش
شندي قفّلت بيبانا .. يا حليل جلستنا وديوانا
اللطيف في عمل هذا القاموس هو كثرة البحث فإنني أكتب الكلمة ثم معناها ثم مثالا من الأدب الشعبي.
تشييع السيد علي الميرغني كان حدثا فريدا – لن يتكرّر. لا أظنك تتخيّل مهما أوتيت من روعة الخيال – الحشد والبكاء (الفلكلور) – كانت تسير بجانبي شايقية عجوز محزّمة وتقول – الليلة يا الأسد .. الليلة يا (أكثر من عشرين نعت وصفة) يا حليلك لي ختميتك .. يا حليلك لي شايقيتك .. ثم الليلة يا ... ما كررت نعتا أو صفة مما سبق أن قالته – لقد كان يوما غريبا ..
رحم الله مولانا ليتني أستطيع أن أدخل مكتبته ولو لساعة .. قيل أنه كتب كثيرا – يا لشقائنا إذا ذهبنا عن هذه الدار قبل أن نقرأ بعض ما كتب.
انتظر الآن وصول (كلمة غير واضحة لعلها المرتضى) لأرحل للضفة الغربية – في ذهني الكثير مما أود أن أفعل
لحاتم وأمه تحيات بدرالدين وأمه فقد توّزع الباقون .. سيف لا يزال بحنتوب ولحقه بابكر فإذا ذهب بدرالدين في العام القادم فسنبقى أنا والحاجة وحدنا ونبدأ الحياة من جديد ... يا لسخرية الحياة!
أخوك عمر
(نقلا عن مجلة الشباب والرياضة) (لا تاريخ في القصاصة)
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
Quote: المصادر : موسوعة القبائل والأنساب للبروفسير عون الشريف قاسم
مقال صحفي لشقيق الراحل إسماعيل الحاج موسى وزير الثقافة والاعلام الأسبق . |
التحايا لصديقي عماد احمد
ملك التوثيق
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
Quote: انتظر الآن وصول (كلمة غير واضحة لعلها المرتضى) لأرحل للضفة الغربية – في ذهني الكثير مما أود أن أفعل
لحاتم وأمه تحيات بدرالدين وأمه فقد توّزع الباقون .. سيف لا يزال بحنتوب ولحقه بابكر فإذا ذهب بدرالدين في العام القادم فسنبقى أنا والحاجة وحدنا ونبدأ الحياة من جديد ... يا لسخرية الحياة!
أخوك عمر
|
شكرا اخونا عبد الله عثمان
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
Quote: هذا الرجل العظيم رحمه الله
افرغ في هذا الخطاب مجمل التاريخ السوداني السياسي والاجتماعي والديني والرياضي
وخاطب به العااااااااااااااامة يعني فصّل الخطاب (فاميلي سايز) |
فعلا يا برنس هذا خطاب جامع ولغة رصينة
اللهم ارحم عمر الحاج موسي
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
ابو الخل يا صديق
عليك بالالياذه الكسلاوية
اروع ما كتب المرحوم الاديب الاريب
أنت سيدي الرئيس بين أبنائك وبناتك طلبة مديرية كسلا حيث تتكسر أمواج نهر عطبرة تحت أقدام قوز رجب وحيث تسترق أمواه نهر الرهد السمع لأنفاس المفازة وحيث تستاق مياه خور علقة أرج شكوين كسلا وحيث تتذوق رضاب خور سوميت حلاوة ود الحليو وحيث يتزغم فم القاش في فم أروما وحيث تتأدب أمواج باسلام طائعة طيعة أمام حلة حكومة وحيث يلف خور سوميت جوابي غرب القاش كأنه عاج التكارير .
أنت بين أبنائك طلبة مديرية كسلا حيث تتعري الشمس من الغيم قبل دخولها منتصف السودان مسرفة في الحسن تسفر فيها علي جبالها تزاور عنها ذات اليمين وذات الشمال .
دافئة الضفائر
نجاشية اللون .
وجبالها سامقة ، شاهقة، شامخة ، باذخة ، فيها عيون كالسلسبيل عين منها تسمي توتيل .
أنت بين أبنائك طلبة مديرية كسلا أحفاد من أعطوا الكلمة شفوفها ، لم تبق كلمة عذبة ولا إستعارة مليحة ولا قافية حسنة ولا جملة حسناء ولا صدر رشيق ولا عجز رقيق إلا جمعوها وفتقوها ثم عتقوها وفتقوها وجمعوها ثم صفوها ثم روقوها ثم أراقوها قطرات نغم في دلع طنبور ندي أو تباريح صب في أنات صوت شجي ثم زفوها إلي المسامع عنيفة كأطراف الخناجر علي رقاق الأكباد أو رهيفة كحلمات السفاه علي ظامئ الخدود .
أنماط من المسدار
والشاشاي
والبوباي
والهوهاي
والدوباي
في أنغام البساي
والدبراي
لم ينقطع إنشاؤه أو إنشاده منذ أن بري الباري كسلا .
أحفاد الحردلو
وعبدالله
– رحم الله أم نعيم
وبنات نامة
وشتن
والحمدية
والرضية بت السرة
أحفاد أبو دقنية
وود أبو شوارب
والصادق ود آمنه
ويوسف ود عب شبيش
وحسن التوم
والعاقب ود موسي
أحفاد ويلاي أور
وماسكنور
وموسي فضل
والشيخ موسي إبراهيم
وآدم أونور
وأنور أوهاج
وبدري أحمد .
أحفاد القدال
وكشاجم
وباخريبة
والريفي
وأحمد ود عوض الكريم ود حمد .
وحمداي
وخليل ود عجب الدور ود الشريف السويل
وود حسب ربه المعروف بالمحنة .
أحفاد شعراء البشاريين
نفاع بركات فويتم ودخيل الله
أحفاد الشكارات والحداثات .
تمر الجد
الحمدية –
التاية بت خير –
عاشه برينات
وبنات بعشوم
– حوه وبيت اللمان
– اللقية في كسلا
وذوقه في القضارف
ونوره في أم رهو
وبت عوض الله في الصباغ
أحفاد اللمين ودموسي وأم شلعة
وشوكتن
والمدني الكركساوي
أبناء وأخوان علي صالح داؤد
– حلنقي
كجراي
جرتلي
عمران
العاقب
حسان
أبوعاقلة .
أبو القاسم محمد أحمد
، الطاهر عبدالكريم
أبو علي أكلاب ،
محمد أدروب أوهاج ،
أنس العاقب ،
علي عبدالعزيز ،
عبدالكريم أبوشاخورة ،
عبدالرحمن السيد ،
عبدالله يوسف بحر ،
عزمي أحمد خليل ،
حسن فرج مالك ،
أخوان إبراهيم حسين
وحركة
والتاج مكي
والكابلي
والجابري
والفاتح الهادي
والزبير محمد الحسن ،
محمد أبشر صالح
وكمال كيله
وكمال ترباس
وعمر الشاعر
والبلابل .
ونزاع بيننا وبين جيراننا حول
ود شوراني وود الفراش أحفاد وحفيدات من وقف عندهم وعندهن الحديث عن الحب والجمال
أحفاد المحلق
أحفاد وحفيدات تاجوج بت الشيخ علي ودهاكين
أحفاد أم عيسي ومحمد زين اللحوي .
سيدي الرئيس أرض كسلا نابغة عودها أخضرا غنت عليه أطيارها فجف ويبس فجاء يغني به اليوم اللذين ما عرفوا غرما ولا غنموا غنما أبناؤك الطلبة.
أنت سيدي الرئيس بين أبنائك طلبة مديرية كسلا أحفاد من كان همهم تفريج الجليل وبذل الجميل وإعطاء الجزيل
أحفاد شحم ألبل محمد ود عيسي ،
وود زايد
كان أبلجا
كان أنف الجود
وكان أنوفا لم يشرب أبدا من نهر عطبرة لأن عطبرة لا يجود كل العام
كان شرابه من بير راشد .
أحفاد الخليفة دكين ود عبدالله ود مادة المشهور بالكرم
أحفاد الطيب ود نمر خريف الما حشه ،
في الصوفي أحفاد عجيل ود النور زعيم الحمران الذي حمي المك نمر
أحفاد عمارة ود محمد وأحمد ود عمارة اللذن كنفا بيت المراغنة
أحفاد ود عوض الكريم ود حسب ربه الذي رهن نفسه عند الخليفة فاسحا المجال للشكرية للانسحاب وقد سمي بالرهينة ،
أحفاد حويمدة بت عبيد من الرشايدة التي هربت من الأنصار وجاءت لقائدهم تتشفع لأهلها .
ولأن لكسلا جدودا فقد ظلت حامية ،
وحانية ،
كانة وكافية ،
منجي الهارب
ومعتصم الغريب
ومعاذ المعوز
وملاذ الطريد .
جاءها كل من وجد داره عبوسا
أو
أرضه قمطريرا
فإحتضنتهم ورعتهم وحمتهم وستظل لهم ولغيرهم الجنة والرداء ، الكنة والكساء ولا أزيد ففي عيوننا قلوب وفي قلوبنا عيون لن نمتن علي أحد فنحن قربي ونحن جار . وجاءها أبناء حلفا دهيبه وشبلي دوانا وشلبي هجلة وشورة دهب ونورة جاءوا بنفسهم ونفيسهم ليضيفوا إلي نفسها ونفيسها ، وإستقبلتهم كسلا حماسة وسماحة عطرت خدرها وكشفت صدرها كحلت أهدابها ولبست آهابها وبسطت لهم اليمني ومعا بالرفاء تضافروا ومعا ساروا سربا وآحدا ليس بين أحد وأحد لحاء وكسلا بلد ودود تحفظ الود وتذكر بالعرفان كل من أعانها . أحفاد من رفعوا نار القري نجما يهتدي إليه الساري . ومن أضرموا نار القرآن هاديا يجئ نور نورها المحبون يحرسون بها نفوسهم ويطردون بها عبوسهم . أحفاد أهل التصون والتصوف أهل الراية والتاية والشاية . الشريف أب ريش في جبل بيلا ، الحسن أب جلابيه والنشابه في التاكا ، عبدالله أبو رايات في مكلي .
ولأن أبناءك الطلبة أحفاد أولئك وأتراب هولاء فقد جاءوا من كل أنحاء المديرية خدورها وحزونها سهولها وسهوبها يحيون الريس ويتحزمون معه خوافي قوة للقوادم يحيون الثورة وينحازون لها أمل يأملونه وكلهم صادح الهتاف صادق القول يأملون يألفون ويؤلفون وهل ينبت الخطي إلا وشيجة وتغرس إلا في منابتها النخل
سيدي الرئيس لقد أفرغت الثورة نصف جيب حظها في مديرية كسلا عطاءا حسابا لقد عمت فواضلها وتمت نوافلها ولهذا فإن أيام أبناءك في مديرية كسلا ستكون رياض الأزمنة في السودان مسرورة محبورة .
جلس أبناؤك في حلقة اللالوب ينظمون إنجاز الثورة حبة حبة في سبحة أفضالها ومعهم نجلس ونجرد ونعد وننضم مشروع الرهد عندنا في كسلا كل المرحلة الأولي 150ألف حواشة لكل مزارع 22فدان كل الري عندنا والأبحاث مراحل التعليم المحالج القشارات وها هو الفاو تعاين علي القضارف أنواره بعد أن كان يعاني في ظلمته من أنوارها
ولأننا جئنا لنشكر لا لنشكو فلن نحدث الريس بأن بعض الأجهزة خرطتنا هذا تسمن به المديريات الأخري والمديريات عينها تعيرنا بقول إبن هرمة : كتاركة بيضها بالعراء وملبسة بيض أخري جناحا .
سيدي الرئيس لقد كان هذا طوافا حول مديرية كسلا لها ولمن فاتني ذكر إسمه العتبي .
قدومك كسلا سيدي الرئيس قدوم سعد ويوم عيد لك وله وللثورة . خرجت مديرية كسلا كلها قلبا وآحدا وهتافا وأحدا كلها من خلالها إلي خلخالها تشكر لك مجيئك والسؤال عن الوليدات والغنيمات والبهيمات والنعيجات والتميرات والبنيات ، هاهي مديرية كسلا قد قشت ورشت وخرجت ورقصت ، شد أوشيك طنبوره الباسنكوب وشدت الجداية وعامت تاجوج وعرض المحافظ وهز أدروب ، البطان لعوض الكريم والشبال لدهب والنقطة علي الريس .
سنسهر سيدي الرئيس مع أبنائك الليلة وسيسهر الليل مع الليلة وستسمع غناء أبنائك لك وللثورة وإن غنائهم لخدار أروما ومنقة كسلا وقصب القربة وسكر حلفا وسمسم القضارف حرسكم الله .
]
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
Quote: سيدي الرئيس لقد كان هذا طوافا حول مديرية كسلا لها ولمن فاتني ذكر إسمه العتبي .
قدومك كسلا سيدي الرئيس قدوم سعد ويوم عيد لك وله وللثورة . خرجت مديرية كسلا كلها قلبا وآحدا وهتافا وأحدا كلها من خلالها إلي خلخالها تشكر لك مجيئك والسؤال عن الوليدات والغنيمات والبهيمات والنعيجات والتميرات والبنيات ، هاهي مديرية كسلا قد قشت ورشت وخرجت ورقصت ، شد أوشيك طنبوره الباسنكوب وشدت الجداية وعامت تاجوج وعرض المحافظ وهز أدروب ، البطان لعوض الكريم والشبال لدهب والنقطة علي الريس .
سنسهر سيدي الرئيس مع أبنائك الليلة وسيسهر الليل مع الليلة وستسمع غناء أبنائك لك وللثورة وإن غنائهم لخدار أروما ومنقة كسلا وقصب القربة وسكر حلفا وسمسم القضارف حرسكم الله .
|
يا سلام عليك يا ابراهيم عدلان
غبت وجبت والله
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
Quote:
وود زايد
كان أبلجا
كان أنف الجود
وكان أنوفا لم يشرب أبدا من نهر عطبرة لأن عطبرة لا يجود كل العام
كان شرابه من بير راشد .
أحفاد الخليفة دكين ود عبدالله ود مادة المشهور بالكرم
أحفاد الطيب ود نمر خريف الما حشه ،
في الصوفي أحفاد عجيل ود النور زعيم الحمران الذي حمي المك نمر
أحفاد عمارة ود محمد وأحمد ود عمارة اللذن كنفا بيت المراغنة
أحفاد ود عوض الكريم ود حسب ربه الذي رهن نفسه عند الخليفة فاسحا المجال للشكرية للانسحاب وقد سمي بالرهينة ،
أحفاد حويمدة بت عبيد من الرشايدة التي هربت من الأنصار وجاءت لقائدهم تتشفع لأهلها .
ولأن لكسلا جدودا فقد ظلت حامية ،
|
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
Quote: سيدي
إن أول مصنع للورق قد اقامه الوزير يحيى في عهد هارون الرشيد . وأرد الفضــل للأسرى الصـينين في ســمرقند فقد علموا الفاتحين صــناعة الورق .. خاصـة في عهد سـميك المنصور .. اســتخدمنا الحمام الزاجل في نقل الشـفرة والبريد ومازلتم ترسـمون الرسـالة في منقار الحمامة رمزا للسـلام.. آل السـلام .. المســلمون هم الذين نقلوا السـكر الى اوربا بعد ان جاء اليهم به الفرس من الهند .. ونحن الذين جئنا بالسبحة اخناها من الهند وقدمناها لأوربا وهي السـبحة التي تزين بها الكنيسة الرومانية .. اطلاق اللحية .. المرواد .. الكحل .. العطور .. الحمامات الســاخنة .
|
| |
|
|
|
|
|
|
|
|
|
Re: من اقوال عمر الحاج موسي (Re: Emad Ahmed)
|
| Quote: تخرج عمر الحاج موسى من الكلية الحربية الدفعة التاسعة ووتولى قيادة سلاح الإشارة في فترة حكم الفريق إبراهيم عبود وأصبح وزيرا للدفاع |
الاخ خليل لك التحية
وانت تلقى الضوء على الراحل عمر الحاج موسى
كان الرجل مفوه واديب رغم خلفيته العسكرية
دعنا نقول عسكر الزمن الجميل
التحية عبر البوست لابنه د. خالد وزوجته د. سامية خضر احمد نور
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
الاخ العزيز خليل
حضرت جل المناشبات التى تحدث فيها الاديب الاريب
الحاضر الغائب عمر الحاج موسى ابن الكوة البار باهله ووطنة
وكنت اعشق حديث هذا الجبل الاشم
واحفظ خطاباته واردده بين الزملاء ونتناقس انا وزميل الدراسة < الخرطوم التجارية >
ابن اخ المرجوم الحاج مجمد الحسن موسى
اتمنى من الله سبحانه وتعالى ان يسكنه فسيح جناته مع الصديقين والشهداء
والانحناءة والتحية لك اخى خليل
| |
|
|
|
|
|
|
|
|
|
Re: من اقوال عمر الحاج موسي (Re: السمانى عمارة)
|
ما هذا يا خليل والجمري ومعروف ود حمدين وعمر وياسر وتراجي
أنتم تسبحون في بحر من الكلم منتهاه التسامي
تأنوا في هذا المحراب
لعلنا معكم نتسامى في بحار هذا الملكوت البديع
ما أجمل وما أروع ما تتشاركون فيه
من لم يدخل هذا البوست أحسبه يخسر كثيراً
ألا ليت الصدفة تجعل كل أعضاء المنبر يتصفحون هذا البوست
إنها حلقة ذكر روحانية علمية تضيف إليك ولكنها أيضاً تجعلك تحلق في سماوات وتقطع أبعاداً حسية ومعنوية تجعل منك كائناً شفافاً وكأنك درويش صادق ذكره حد التفاني (يا ليلى ليلك جن معشوقك أوه وأن) في هيامكم هذا أحسبكم إن صاح أحدكم بكلمة (الله) سيضيء المكان الذي يسكنه وسيجد نفسه متنقلاً بين رحاب السماء الرابعة كعصفور من عصافير الجنة الحقيقة
لكم عاطر التحايا
عاصم فقيري
| |
|
|
|
|
|
|
|
|
|
Re: من اقوال عمر الحاج موسي (Re: Asim Fageary)
|
Quote:
إنها حلقة ذكر روحانية علمية تضيف إليك ولكنها أيضاً تجعلك تحلق في سماوات وتقطع أبعاداً حسية ومعنوية تجعل منك كائناً شفافاً وكأنك درويش صادق ذكره حد التفاني (يا ليلى ليلك جن معشوقك أوه وأن) في هيامكم هذا أحسبكم إن صاح أحدكم بكلمة (الله) سيضيء المكان الذي يسكنه وسيجد نفسه متنقلاً بين رحاب السماء الرابعة كعصفور من عصافير الجنة الحقيقة
|
شكرا صديقنا
عاصم فقيري
متعك الله بالصحة والعافية
| |
|
|
|
|
|
|
|
|
|
Re: من اقوال عمر الحاج موسي (Re: khaleel)
|
Quote: حضرت جل المناشبات التى تحدث فيها الاديب الاريب
الحاضر الغائب عمر الحاج موسى ابن الكوة البار باهله ووطنة
وكنت اعشق حديث هذا الجبل الاشم
|
شكرا السماني
في انتظار كتاب يحوي كل خطابات الراحل عمر الحاج موسي
لنقوم بعرضها هنا
تحياتي
| |
|
|
|
|
|
|
| |
khaleel
saif massad ali
امير عوض الجمري
معروف حمدين
ياسر معتصم
Tragie Mustafa
عاطف عمر
Emad Ahmed
وليد محمد المبارك
عبدالله عثمان
ابراهيم عدلان
ندى صالح الطيب
صلاح شكوكو
السمانى عمارة
Asim Fageary
فيس بوك
تويتر
انستقرام
يوتيوب
بنتيريست